عيد ميلاد أبو الفصاد

[nabilprofelgen]

اهلا بكم


دلوقتى
فى الوقت اللى بكتب فيه هذه الرسالة و صل عمرى الى 22 سنة و 31 دقيقة و 21 ثانية .

اعتقد كده انا عجوز

و لذلك ممكن اتقاعد لمدة شهر عشان اروح لسونة عشان بعد شهر ارجع احلى من السنة اللى فاتت.

بمناسبة عيد ميلادى و هكتب لكوا قصة و ياريت تعجبكوا.

انتظرونا بعد الفاصل.


دلوقتى بئا عمرى 22 سنة و 36 دقيقة و 59 ثانية


و يجعله عامر

[kalamntena]

كل سنة وانت طيب
بس مفيش حتة تورتة حتة جاتو شوية عرق سوس حتى
انت منو... في ولا ايه

[مصباح]

كل سنة و انت طيب يا ابو نبيل
و أهلاً و مرحباً ب "مدنجي" الفتيات في منتدانا

[nabilprofelgen]

اهلا بكم

بصراحة التورتة كانت هدية اخويا محمد
كالعادة
روحت البيت على الساعة 9 بعد يوم شاق و مش فى دماغى اى حاجة
الساعة عشرة لقيت الباب بيخبط و التليفون بيرن فى نفس الوقت
قلت افتح الاول و بعدين ارد على التليفون
فتحت لقيت اخويا داخل و معاه التورتة سلمت عليه و على زوجته
و لا زال التليفون بيرن
قلتلهم طيب حطوا 22 شمعة على ما اخلص التليفون
خدت التليفون و رحت الاوضة و فضلت مع التلفون 30 دقيقة و بعدين طلعت عشان اطفى الشمع لقيت و رقة مكتوب عليها :
هذه التورتة قد تكون مبصوص فيها أو مأكولة أو مهضمومة
الرجاء الانتظار العام القادم
و لقيت اخويا و زوجته و اختى قاعدين يتفرجوا على التليفزيون
و قالولى : عقبال 100 سنة و ربنا يكتر اعياد المسلمين كمان و كمان
قلت :طيب مش مخبيين حاجة
كان الرد : كان نفسنا بس انت عارف عمايل الشيطان بئا، ان شاء الله السنة الجاية هنحط النقطة دى محل اعتبار
رديت و قلت : طيب فين ماما و بابا
قالولى : سيبناهم يحاسبوا و يجيبوا بقية الجاتوه
قلت : طيب ان شاء الله يكون ليا نصيب ، ياخبر الشقة متبهدلة ، طيب ساعدونى انضف الشقة قبل ما ييجو
ردوا : بكام؟؟
قلت : دا احنا اخوات ؟
قالوا : بس الفرصة دى مش هتكرر غير بعد 365 يوم
المهم اتفاهمت معاهم و افتكرت معاد الدواء اللى انا باخده
خدت الدواء و بدأنا فى التنظيف
و بعدين اتصلت ب بابا - حسيت انه اتأخر- انت فين يابابا
بابا : انا فى الطريق ، هكون عندك بعد نص ساعة ، كل سنة و انت طيب
قلت : و انت طيب يابابا
و بدأت احس بنوم شديد - دا عرض جانبى للدوا اللى انا بخده -
قلت لاخويا : يامحمد لما بابا ييجى صحينى
و نمت
و بعدين صحيت و بصيت الى المنبه
لقيت الساعة 9 صباحا
قلت بصوت عالى الجاتوه بابا ماماااااااااااا ( بصوت و اطى)
قمت خرجت من الاوضة
لقيت الشقة فاضية
و ورقة مكتوبة على الطرابيزة : كل سنة و انت طيب
و عليها توقيع ماما و بابا
و اسفل الورقة : الجاتوه فى التلاجة
قلت خلاص
خدت دش و صلبت الصبح
و بدأت اجهز الفطار
فتحت التلاجة عشان الطلع الجبنة و المربة و العيش
لقيت و رقة مكتوب عليها : الجاتوه اللى بابا و ماما طلبوه اكيد هيكون مهضوم بالهنا و الشفا ، اوعى تقول اى كلمة و احمد ربنا ان سيبنالك فطار


دا كان عيد ميلادى

اللى عايز حتة جاتوه ممكن يشترى ليا حتة معاه او نشوف حمص الشام


و متشكرين ياعم مصباح


و يجعله عامر

[admin]

كل سنه وانتا طيب يا أخ نبيل
:smiley32:

[فيرون]

<p><font face="MS Sans Serif" size="1">:twins:</font></p><p /><p>نظراً للاحتفالات بأعياد ميلاد أبو الفصاد فقد تقرر الاتي.... <font face="MS Sans Serif" size="1">:baloo: :baloo:</font></p><p>قطع الميه و النور عن حلوان البلد _وحلوان المحطه و جميع ضواحيها ... و اللي يشددلها ....</p><p>و تذاع الاحتفالات حصرياً على منتديات قصر العيني و موقع ميد فريندس دوت نت</p><p>_<font face="MS Sans Serif" size="1">:confused: :confused:</font></p><p><font face="MS Sans Serif" size="1">:tamtam:</font></p>

[nabilprofelgen]

ا هلا بكم


انا ملاحظ ان الادمين بتاع المنتدى رجع للدكتاتورية بتاعته
بيعمل مواضيع جديدة باسمى
انا عمرى ما كنت ابو الفصادة
و انا بهدد كل مديرى موقع القصر العينى
اذا الموضوع ما رجعش زى الاول اهددكم جميعا بكشف حقائق مهمة و نوادر عن مديرى موقع القصر العينى بدون خوف على كل وسائل الاعلام المسموعة و المرئية
و كده يافيرون تستفل صورتى اللى على ميد فرندس.

شكلكول كده هتعملوا زى اخواتى فة عيد ميلادى
لالالالا
دا انا لسه مكملتوكوش الحكاية

دا انا عندى معلومات توديكوا يامديرين و رارء سور مستشفى الاطفال
امامكم 24 ساعة
و اذا الامور مرجعتش زى الاول

................... و حكم على نفسه
انا بهددكم - المديرين - جميعا

و اللى القاء

و يجعله عامر

[kalamntena]

مين الاخ ؟
تؤتؤتؤ يا حرااااام
انت كويس انهم افتكرو عيد ميلادك انا ماما مافتكرتش غير لما اقنعتها ان الهدايا اللى كنت داخله بيها البيت مش ليها دى من العيال صحابى

[walaa]

<p>أولا ... كل سنة و انت طيب يا نبيل و عقبال البكالريوس .....:smiley23::smiley23::smiley23:</p><p>على فكرة ,,, انا عيد ميلادي اللي فات كان موافق أول يوم عيد الفطر و الكل كان بيقولي كل سنة و انت طيبة و طبعا أنا بعبطي كنت فاكرهم بيقولي كده على عيد ميلادي بعد ما كبرت و بقى عندي يجي سنتين أشغال شاقة ,,,, و بعدها باسبوع اكتشفت انهم كانوا ناسين أصلا الموضوع و بابا افتكر بالصدفة و هو بيطلعلي رخصة العربية (الرخصة الأول و بعدين العربية تيجي براحتها)....</p><p>:what happ:what happ:what happ</p><p />

[مصراوى]

<p>كل سنة وانت طيب</p><p>وبعدين بلاش نعض في بعضينا كده</p><p>ده انتوا كلكوا قراصنة في بعض</p><p>صلوا ع النبي و اخزوا الشيطان</p><p>و بعدين زى ما انت عارف عنهم اكيد هما كمان عارفين عنك</p><p>كبر دماغك و قول يا باسط</p>

[nabilprofelgen]

اهلا بكم

اشكركم
و عقبالكم

و اشكر سفراء النوايا الحسنة اللى تدخلوا عبر الرسائل الخاصة لتهدئة الحرب الباردة بينى و بين الادمين فى وقت قاتل

متشكر خالص ليكى ياولاء و يابختك الرخصة معاك فى ناس رخصتها ممسحوبة و ميرسى ليك يامصراوى

صحيح احنا قراصنة يامصراوى لكن فى فرق كبير فى تفكيرنا

مثلا الادمين بيحب يلعب ريد الرت و دايما بيهزمنى فيها

بينما انا لاعبته شطرنج و بهدلته فى ليلة عمرى ماهنساها

و لكن هقول ياباسط

بس انا جاهز بأسلحتى فى اى وقت


و يجعله عامر


و يجعله عامر

[walaa]

<p>اده .... هي خناقة بجد و لا ايه ؟؟؟؟؟؟؟؟</p><p>:smiley18::smiley18::smiley18:</p><p>كبروا دماغكوا ده احنا في أيام مفترجة على رأي الدكتور ..._ _,,,, و كل سنة و انتم طيبين ( لأ ,,, مش علشان عيد ميلاد نبيل ,, علشان عيد الأضحى )</p>

[walaa]

<p>اده .... هي خناقة بجد و لا ايه ؟؟؟؟؟؟؟؟</p><p>:smiley18::smiley18::smiley18:</p><p>كبروا دماغكوا ده احنا في أيام مفترجة على رأي الدكتور ..._ _,,,, و كل سنة و انتم طيبين ( لأ ,,, مش علشان عيد ميلاد نبيل ,, علشان عيد الأضحى )...</p><p>:smiley31::smiley31::smiley31:</p>