الـــــجــن والـــعــفــا ريــــت [الأرشيف] - قصر العيني

dr_0nline

26-01-2008, 12:57 AM

اللي بيخاف مايدخلش الموضوع دا
*
بس بجد الموضوع دا خطيييييييييييييييير
*
ومشكلة خطيرة مبرجلة دماااااااااااااااااااااااااااااااااااااغي
*
اللي اثار الموضوع ده هيا الصور اللي شوفتها في موضوع اشاعات
*
*

http://byfiles.storage.live.com/y1pdN_7j6GJgQFv2rSN0dFuBjHzvLQIftmnvzWVi7OyCgyh-rXU354wzkcl5T9NRwCN-1Zfrz7TGaU

http://byfiles.storage.live.com/y1pdN_7j6GJgQF3nh31LaacRiNCGi3iyrf9_WDjOOVdwCR76dU hBkW49cJTDjDpozqUI5IDt4K0M54

*
*
المشكلة اللي انا فيها بقى هيا
*
ان ياما قريت وسمعت عن الجن والعفاريت
وشوفت ناس زي مابيقولو لابسهم جن او ممسوسين
*
وناس قالولي انهم كانو متعايشين معاهم وبيشوفوهم
وحكاوي واحد صاحبي عن العلماء وعلاقتهم بيهم وممكن يتجوزا منهم كمان
*
حاجات كتير دفعت فضولي للبحث في النت عن الجن وماهيته
لاقيت مقال في موسوعة الويكبيديا
*
المقال كبير كبير كبير فضلت اقرا فيه بتمعن وقت طويل
لدرجة اقتناعي بعدم وجود الجن اللي في مخيلة الناس كلها
اه والله لحس دماغي وماعتش فيه جن ولا عفاريت
لدرجة اني تمنيت ان اشوف واحد منهم طول الفترة اللي فاتت كلها بس ماشفتش
وكنت بهيم على وجهي عشان اشوف واحد يرجعلي ايماني بيهم تاني
*
وعارف كل واحد فيكو هايقولي ازاي يابني والقران والسنة مذكور فيهم
انا عارف كل اللي هاتقولوه ودا اللي انا قولته بردو
بس المقال تضمن كل الايات القرانيه واحاديث كثيرة
شوفوه وانتو تعرفو
*
انا حاسس اني دماغي اتلحس من المقال ده
وعشان كدة قولت اعرضه عل اي حد ثقة زيكو يدلي برايه فيه
*
وبعد ما تقراو المقال وتقولولي رايكو انا هاحذف الموضوع
عشان مش عاوز اخلق نوع من الفتنه
*
اللينك اهه
ياريت تقروه بجد وتقولولي رايكو قبل ما اتجنن
*
http://ar.wikipedia.org/wiki/%D8%A7%D9%84%D8%AC%D9%86
*
*
سلاموز

STROMA

26-01-2008, 01:11 AM

جاى تعرضه بالليل يا اون لاين

ليه كده:waaaaawaa

rony

26-01-2008, 01:24 AM

انا الحمد لله مش بخاف من السيرة دى ولا حاجة لا ليل ولا نهار
بس كل الحكاية انى عينى بتوجعنى لما اقرأ حاجة من على الكمبيوتر على طول ........
بس اوعد حضرتك انى هاطبعها على ورق بخط كبير واقراها واقولك ردى ان شاء الله.........

dr_0nline

26-01-2008, 01:41 AM

جاى تعرضه بالليل يا اون لاين

ليه كده:waaaaawaa

*
معلش يا ستروما
الظروف حكمت بكدة
*
بس اهم حاجة رايك ايه في المقال؟؟؟؟
*

*
*

انا الحمد لله مش بخاف من السيرة دى ولا حاجة لا ليل ولا نهار

جميل جميل ياروني خلاص هانسميكي روني قلب الاسد هع هع هع:icon_mrgr
*
*

كل الحكاية انى عينى بتوجعنى لما اقرأ حاجة من على الكمبيوتر على طول ........
بس اوعد حضرتك انى هاطبعها على ورق بخط كبير واقراها واقولك ردى ان شاء الله
*
*
*
سلامة نظرك ياروني
بس هوا مافيش حل غير الطباعة ولا ايه ما تظبطي الشاشة بالزاير اللي فيها وقللي قوة الاضائة او استخدمي فلتر
*
المهم ما حدش ينسى يقولي رايه ومش عاوز انتشار للموضوع او هروب
خليه كدة محلك سر لغاية اما اسال اهل العلم
*
سلاموز

rony

26-01-2008, 01:56 AM

*
جميل جميل ياروني خلاص هانسميكي روني قلب الاسد هع هع هع:icon_mrgr
كويس كده اكون كملت نص دستة القاب ....شكرا يا دكتور على اللقب الجديد....:icon_mrgr:icon_mrgr

*
سلامة نظرك ياروني
لا انا نظرى لسة كويس الحمد لله ....بس هى القراية على الكمبيوتر تتعب اساسا
بس هوا مافيش حل غير الطباعة ولا ايه ما تظبطي الشاشة بالزاير اللي فيها وقللي قوة الاضائة او استخدمي فلتر
*
لا عادى انا متعودة على كده اصل هما بيدفعونى تمن الحبر والورق وانا اللى دافعة نص تمن البرينتر يبقى اطبع براحتى بقى ...
*
سلاموز
المهم بقى ان انا اللى قدرت اقراه هى الادلة المادية اللى الكاتب استند عليها وهى ان الماء مكون اساسى فى كل شئ حى وجاب الدليل فعلا من القرآن
وبالتالى قال اننا مينفعش نقول ان الجن من الغيبيات وانا اقتنعت بالتحليل ده مجرد اقتناع جزئى ....
وكمان لما جاب اصل كلمة الجن فى اللغة العربية وقال انها لا تتفق مع تفسيرنا لمعنى كلمة الجن الواردة فى القرآن الكريم....بس برضه فى كلمات من القرآن مبتتفسرش تفسير حرفى ....
يبقى كده انا لازم ارجع لتفسير القرآن الكريم حتى تتضح الرؤية واقدر اكون رأى نهائى وبرضه هاقوله لحضرتك...

dr_0nline

26-01-2008, 02:16 AM

يبقى كده انا لازم ارجع لتفسير القرآن الكريم حتى تتضح الرؤية واقدر اكون رأى نهائى وبرضه هاقوله لحضرتك...
*
*
*
انا كنت قريت في المواضيع دي كتير في ابن كثير
*
واكيد كل الكتب هاتجيب التفسير بالمعني التقليدي للناس كلها
*
دا في ابن كثير روايات العجب والعجاب كمان
*

ومستني الرد النهائي
سلاموز

dr_terminator4

26-01-2008, 02:24 AM

ايه الرعب الى عامله فى المنتدى دة يا حامد

الموضوع مش محتاج دة كله

اه فعلا فيه جن ولازم نؤمن بكدة

منهم المسلم ومنهم الكافر

وانا سمعت مرة شيخ بيقول ان الاشخاص اللى بيقدرو يحضروهم او يتكلمو معاهم

بيعملو حاجات مخالفة للدين ممكن نقول عليها كفر كمان

ومش هقول زى ايه

بس على حد علمى ممكن

rony

26-01-2008, 02:37 AM

ايه الرعب الى عامله فى المنتدى دة يا حامد
يا رب يا دكتور حامد سعاد المحروقة تطلعلك بالليل وانت فى المدينة عشان تحس بينا:icon_mrgr:icon_mrgr
الموضوع مش محتاج دة كله

اه فعلا فيه جن ولازم نؤمن بكدة

منهم المسلم ومنهم الكافر

وانا سمعت مرة شيخ بيقول ان الاشخاص اللى بيقدرو يحضروهم او يتكلمو معاهم

بيعملو حاجات مخالفة للدين ممكن نقول عليها كفر كمان

ومش هقول زى ايه

بس على حد علمى ممكن

المشكلة بقى يا دكتور تيرمينيتور اننا كنا بنقول ايوة فى جن وفى عالم آخر.....بس اول ما دكتور حامد فتح الموضوع ماقدرتش اقول رأى نهائى حسيت انى مش على يقين من أمرى
يبقى لازم اقرأ واستمع تانى لآراء اهل العلم والدين عشان يقينى ده ما يتهزش تانى
واعتقد برضه ان الطرق اللى بيستخدمها الناس عشان يحضرو الجان زى ما حضرتك قولت ده سحر ....والسحر موجود فعلا
كده انا مخى قرب يتلحس هو كمان :drunky::drunky:....احنا بقى محتاجين نغير كلمة اظن واعتقد دى ليقين وتأكد تام....

dr_0nline

26-01-2008, 02:56 AM

طبعا بحترم وجهة نظرك يا تيرمينيتور
*
بس واضح انك ما قراتش المقال

*
الللينك موجود اقراه وقت ما تحب لانه كبير وابقى قولي رايك بعدين
*
وبالنسبة للرعب انا لما قريت المقال ومخي اتلحس ما عتش بخاف من الحاجات دي خالص
بالعكس دا انا بقيت ارحب بيها لاني عاوز اشوفها عشان اؤمن بوجودها
*
*
*
*
ومين سعاد المحروقة دي يا روني؟
*
سلاموز

HAYAH

26-01-2008, 03:03 AM

الله

عجبني الموضوع جدا

مش انا كنت عاوزة انعش المنتدى

خليه يتنعش بالسيرة دي

ربنا يجعل كلامنا خفيف علينا

عموما انا هقرأ الموضوع ده قبل ما انام

وهقول رأيي بكرة

بس اوعى تمسحه يا دوك قبل ما اتناقش فيه بكرة

HAYAH

26-01-2008, 03:07 AM

انا عارفة سعاد دي

تحب ابعتهالك؟؟

rony

26-01-2008, 03:20 AM

ومين سعاد المحروقة دي يا روني؟
دى آخر اصدار من مجموعة ابو رجل مسلوخة القصصية
*
سلاموز

:icon_mrgr:icon_mrgr

dr_0nline

26-01-2008, 03:27 AM

مش انا كنت عاوزة انعش المنتدى

*
دي اخر نعنشة وبالنعناع كمان

*

وهقول رأيي بكرة

بس اوعى تمسحه يا دوك قبل ما اتناقش فيه بكرة

*
انا مستني مافيش مشاكل
بس لو حسيتو ان برج من دماغكو ضرب يبقى بلاش من الموضوع خلاص
*
*
*
و مابقتش فارقة سعاد من ام عباس
*
سلاموز

أبو المعاطى شمروخ

26-01-2008, 12:12 PM

يا اون لاين
كل ده مقال
دا انا لو قراته هقعد ساعتين تلاتة

بس هقول رايي
الجن موجود طبعا

بسم الله الرحمن الرحيم
"قل أوحي إلي انه استمع نفر من الجن "
"وخلق الجان من مارج من نار"
" قال عفريت من الجن انا آتيك به"

الجن موجود وعالم تانى غير عالمنا
منهم المسلم ومنهم الكافر
لاتراهم وهم يرونا

انما موضوع المس الجني والهجص ده
هو ده اللى المفروض مانصدقهوش

وانا قرات كلامك يا حامد
ممكن والله اعلم المستشرقين يعملوا كدة _مع العلم انا ماقراتش المقال_
علشان الناس تقول مفيش جن
اذن مفيش حاجة اسمها سورة الجن
اذن القران.............

فبالتالي
لازم تؤمن بوجود الجن لان ده ارتباط بايمانك وتصديقك للقران

وافتكرت ان الرسول عليه الصلاة والسلام
كان بيعرف الجن المسلم الاسلام
بس مش فاكر اوي علشان مايبقاش كلام وخلاص

ودي كمان
عوكل برؤ عبد التواب الجن :icon_mrgr

يا حامد سيبك من الكلام ده والمقالات دي
البلد فى حاجة ليك يا عم:icon_mrgr

winner

26-01-2008, 12:45 PM

..
الملحدين قالوا مفيش الله .. و مفيش أدلة على وجوده ..

و قالوا مفيش قيامة و مفيش حساب ..

و قالوا مفيش جن .. لكن فيه اشباح ... شوف المنطق ..(خلي بالك من النقطة دي)

من غير ما أقرا المقال .. لانه لو نفى وجود الجن يبقى مش هصدقه من البداية ..

هو يمكن الاختلاف في كينونة و ماهية الجن او العفاريت او الاشباح او باي تسمية عاوزينها ..

لان كل اللي نعرفه ان فيه خلق غيرنا مخلوقين من مادة غير مادتنا و موجودين معانا و هم بيقدروا يشوفونا و احنا ما نقدرش نشوفهم ..

و لما يكون عندنا رأيين مختلفين .. و واحد منهم هو القرآن او السنة .. بالتأكيد الرأي الاصح هو رأي القرآن و السنة و من غير نقاش او تفكير ..

القرآن بيقول فيه جن .. و الاحاديث بتقول فيه جن ..

يبقى فيه جن ..

شكلهم ايه و عايشين ازاي و الكلام ده كله .. ملوش لازمة .. و ما يهمناش ..

ده الكلام الاخير و المفيد ..

Nettawy

26-01-2008, 02:05 PM

طبعاً يا وينر مافيش كلام بعد كلامك

dr_0nline

26-01-2008, 02:40 PM

شوف يا يابو المعاطي ويا وينر يانتاوي
*
انا مقدر طبعا كلامكو كله
ودا كان موقفي بردو وانا اقرا المقال وكنت بضرب كف بكف
*
لدرجة اني كمان صحيت والدي من النوم ووالدتي يقراو وينقذوني قبل ما اتجنن
*
*
*
والمقال دا استهل الحديث بان الخوض في الجن دا مش من العقيدة او الايمان
لان اركان العقيدة هيا الايمان بالله وملائكته وكتبه ورسله واليوم الاخر وبالقدر خيره وشره
*
وادله المقال كلها من ايات القران واحاديث كثير
المقال جاب كل لفظة للجن والجان في القران
وبردو في احاديث كتيرة
*
*
*
وفعلا المقال فيه اختلاف لماهية الجن
يعني مثلا الجن فيه كانت البكتريا في احد المواضع لانها خفية عن العين المجردة وبالتالي فهي جن لان جن يعني اختفى واستتر
زي مثلا الحديث الشريف اللي بيذكر في الطاعون ووخز اعدائكم من الجن
واحنا عارفين الطاعون بيسببه البكتريا
وادلة المقال كتيييييييييييييييير وهوا عيبه انه طويل برخامة
ونفى وجود الجن بصورته كشبح او الشكل اللي في اذهانا واورد صور تانيه
*
*
بس ان جيت للحق ياوينر
شكلهم ايه و عايشين ازاي و الكلام ده كله .. ملوش لازمة .. و ما يهمناش ..

ده الكلام الاخير و المفيد ..
*
هوا فعلا مالوش لازمة
بس كل الحكاية انا لما شخص عزيز حكالي انه كان متعايش معاهم ومتربي معاههم
والحكاوي دي وطبعا دا شخص ثقة بالنسبالي فالامر دفعني للبحث
*
بس بردو اانا مصمم تقراو المقال وتجيبولي ادله ضد كاتب المقال من نفس المقال
مش من دماغكو
*
سلاموز

Nettawy

26-01-2008, 03:46 PM

وادله المقال كلها من ايات القران واحاديث كثير
المقال جاب كل لفظة للجن والجان في القران
وبردو في احاديث كتيرة

بالنسبه للحته دي
أنا كنت كتبت حديث ورجعت في كلامي لأنه مالوش علاقه بالموضوع بس
انت فتحتلي مجال ليه
ـــــــــــــــــــــــــــــــــــــ
- جدال بالقرآن كفر
الراوي: أبو هريرة - خلاصة الدرجة: لا بأس به - المحدث: ابن عدي - المصدر: الكامل في الضعفاء - الصفحة أو الرقم: 6/84
==========>
ومعنى الجدال هنا انك تجادل بآيه قرآنيه في غير موضعها
يعني تاخدها حجه في مكان غلط
وبكده تقنع اللى قدامك بالقرآن بس بالباطل
هذا والله أعلم

ده رأيي

Nettawy

26-01-2008, 03:47 PM

ونسيت أقول ان الحديث ده ليه إسناد تاني بس منكر بالاسناد التاني
فأنا جبت الاسناد الاصح

dr_0nline

27-01-2008, 12:50 AM

انا مش فاهم حاجة يا بو حميد
*
هوا فين الجدال اللي في غير موضعه ده
*
بص انا عاوز ادلة تدين كاتب ا لمقال عاوز حاجة تدمغ الكلام اللي بيقوله
*
عشان مدة صلاحية الموضوع قربت تنتهي عشان مش عاوز فتنه
*
سلاموز

STROMA

27-01-2008, 12:54 AM

يا دكتور حامد كده مش كويس على اعصابك

صحتك

انا شايفه ان حضرتك مركز اوى فى الموضوع ده

أبو المعاطى شمروخ

27-01-2008, 01:03 AM

كنت بتكلم مع اون لاين ع الياهو حالا

ولقيته بيقولى ان الراجل بيقول ان الجان هى البكتيريا

فقلتله بالذمة ده كلام
وقعدنا نتكلم شوية

وقلتله ان ملك الجان يبقى ستاف اورياس بقى
قعد يضحك وشكله بدا يقتنع

ربنا يصرف عنك شر البكتيريا يا حامد ههههههههههههه

rony

27-01-2008, 03:42 AM

يا عينى يا دكتور حامد....اخر مرة شوفتك فى الكلية كنت كويس
معلش غمة وهاتزول:icon_mrgr:icon_mrgr

والله انا فعلا خلاص طبعت المقال وبدأت اقرأ فيه وان شاء الله هاقول لحضرتك رأيى قريب....
ومتخافش حتى لو حضرتك حذفت الموضوع انا برضه هاعرف اوصل لحضرتك واقولك الرأى اللى انا جمعته ان شاء الله.....

broken nonna

27-01-2008, 09:34 AM

اونلاااااااااااااين:mmmm mmmm
هقتلك :mmmm mmmm
_بهزار بهزار هعمل نفسي بضربك بالناروانت ايه اعمل مت ماشي_
:icon_mrgr:icon_mrgr:icon_mrgr:icon_mrgr

بصوا يا جماعة مبدئيا
معلش يعني يا اونلاين
معلش اه
احنا بنتكلم
ماحدش يقرا اللينك بتاعت ويكيبيديا ده
الا اذا كان مسستم دماغه كويس
لان اصلا اصلا
الجدع متلغبط او قاصد يبان متلغبط

بمعنى
انه ممكن فعلا يكون قاري كتير كتير
و من كتر معلوماته
يا عيني دماغه ضربت و بقى بيفكر بصوت عالي
فتلاقيه بقى ايه
يضرب حتة يمين و يجي يستدل عليها من اليمين برده
يقول حاجة شمال خالص

او بقى قاصد يبان متلغبط
فانت تقرا و تقرا
لحد ما تتلغبط انت كمان
و في الاخر حقق نتيجة مش تمام بالذات لو انت اصلا مش
مسستم دماغك زي ما قلت في الاول
يلغبطك انت كمان
و تخرج من الموضوع يعني في جن ولا مافيش؟!!
وكويس ولا وحش ؟
و بياكل ولا يشرب
تساؤلات بقى مالهاش اول من اخر
تتشتت
عقلك يوج من السكال بوكس
بعيد الشر بعيد الشر
تلحد

مالهاش لازمة
معلش في رايي
مالهاش لازمة قراية اللينك ده نهائي
معلش يعني يا اونلاين
و كمان حاجة
القران بيقول
اسألوا أهل الذكر ان كنتم لا تعلمون
عاوز تعرف اي حاجة عن الجن اسل اهل الذكر
مش نفتح و يكيبيديا
مااااااااااااشي

ملحوظاتى على اللي ذكره الاخ اياه في التقرير التالي

برجاء ما يثيرش كلامي الللي فات فضول اي حد
و يفتح اللينك
وانا بلغت

broken nonna

27-01-2008, 10:19 AM

انا قلت قبل كدة ان الاخ متلغبط او متعمد يبان متلغبط فيلغبط
المهم
ان فيه لغبطة وتناااقض شديد جدا

==ده مقتطفات من كلامه على ما قوسوم_هما بيقولوها كدة انا مالي_:_

* اول كلامه معلش كان مستغرب ازاى بنقول ان الجن موجود
و بعدين نيجي نحكي لعيالنا قصص و نقولهم فيها عن الجنية و فى اخر القصة نقولهم
معلش مافيش جن في الحقيقة
فقال
ففي الدول الغربية مثلا وفي نهاية قرائة كل قصة لطفل اوروبي تُذكر فيها شخصيات جنّية يقول قاريء القصة للطفل لا تنسوا يا اولادي الاحبة بان الجن لا وجود لها في الواقع.

مش عارفة هوا عاوزنا نقولهم ان الجن موجود يعني
صباح الرعب المبكر؟!!

broken nonna

27-01-2008, 10:28 AM

صورة الأرواح المحتجبة عن عيون البشر.
بوجود كائنات غير مرئية

هو بيقول ان ده كلام العلمانيين و المسلمين
بس المسلمين ايه اضافوا كمان ان الجن عندهم قدرات رهيبة تفوق قدرات الانسان

لا و بيقولها بطريقة تحس انهم بيتهكم
و بيغلطهم يعني
!!!
و بعدين شوية كدة تلاقيه بيقول ايه
دوول عبارة عن كائنات دقيقة و فيروسات

و حقيقة الجن هنا هي تلك الميكروبات و البكتيريا الخفية عن العين المجردة
!!!!
معاك يا باشا
هما بكتيريا
بس مش انت برده اللي جيت في الاخر قلت انهم بيعملوا مرض زي الطاعون
!!!
حتة بتاعة بشوفها بميكروسكوب بباور هايلة
تجيب طااااعون

مش قدرات هائلة بالمرة

*قبل البدء في محاولة فهم هذا الموضوع الشائك _جبتش حاجة من عندى انا هو متشكشك اهه لوحده_،أسمح لنفسي بطرح سؤال بسيط هو : هل تمكن أحد من البشر من تقديم دليل مادي ملموس لهذه الأمة التي يبدو أنها خصت بمقومات الحضارة أكثر من الجنس البشري ؟ الجواب أبدا
ده هو اه
بيقول ان المسلمين اللي اضافوا حتة القدرات الرهيبة للجن
يقدروا يثبتوا ن الجن برده عملوا حضارة
تثبت انهم عندهم مقومات اكتر من البشر
؟!!

broken nonna

27-01-2008, 10:37 AM

* لسة في السطور الاولى
نفى ان الجن غير مرئي
يعني عاوز يقول ان الجن مرئي
مستشهدا بقول المولى عز وجل

و جعلنا من الماء كل شيء حي أفلا يؤمنون

فبم ان الجن مخلوق من مخلوقات الله
و كل مخلوقت الله خلقت من مية
اذن فالجن كائن حي
بيتشاااااااااف
مرئي

_والله اعلى واعلم طبعا_

*و بعدين رجع استشهد بايتين
و الجان خلقناه من قبل من نار السموم
وخلقنا الجان من مارج من نار

حاولت اقوله اثبت با جدع
هما من مية ولا نار
اصل الاتنين مع بعض
عقلي مش متقبلهم

طيب احنا يا بني ادمين
حبة مية على حبة تراب
بقينا طين

لكن مية ونار
طيب ركب حاجتين معقولتين مع بعض

و بعدين قلت لا برده
علمهم وعلم تكوينهم عند الله
في الغيب بقى
يرد في الاخر يقول

*فكل الكائنات الحية تتكون من ماء أي من مادة و بالتالي تخرج حتما من الغيب

يعني نتفق دلوقت عشان ما توهوش
هو عاوز يقول انهم مرئيين بنشوفهم في صورة الكائنات الدقيقة زي البكتيريا
لكنهم مرة من مية
و مرة من نار
وكمان شوية بقوا من مية تاني
!!!!
وعجبي:smiley20:

broken nonna

27-01-2008, 10:54 AM

*اذ فجاة كدة لقيته بيقول
حيث لا يمكنه أن يطعن في عدالة الأنبياء الكرام ، لا أنهم يرون الجن

اقولكم هو بيقول ان الامام الشافعي بنفسه رحمه الله
كان بيقول ان اللي يدعي انه رأى جن يبقى كذاب و ابطلوا شهادته
الا لو كان نبي

يعني دلوقت الجن بقى غير مرئي ولا مرئي؟!!

مش لسة من شوية بتقول انهم مرئيين و كائنات دقيقة و مية و بتاع؟!!

طيب ماعلينا كمل يا سيدي
دماغ جانبي معاك اغسل براحتك خاااااااالص

*قال ايه دول نوع من انواع البشر!!
قال كدة
اه قال كدة بصوا كدة في الاول بيقول ايه

لقد قاد محمد الصحابة إلى مواقع هؤلاء الجن و أطلعهم على آثار نيرانهم و مبارك جمالهم ، أليسوا بشرا ؟
لما النبي عليه الصلاة و السلام غاب فجاة و بعدين الصحابة قلقوا فلما رجع
قالهم انه راى الجن و قعد معاهم و اخد الصحابة وراهم مكان النار واثار اقدامهم و خيولهم
اذن فهم بشر
او نوع من انواع البشر
ما يشوفوش الا اللي ربنا يأذنله انه يشوفه
يعني مرئيين غير مرئيين
!!!
يعني كانوا غير مرئيين و بعدين صبحوا مرئيين
!!!
وبعدين يقول ايه ان ده طبعا في بعض الناس او العلماء بيقولوا انه حديث ضعيف!!

ارحمنى يارب

*شوية بقى يقولك ايه
ان النبي عليه الصلاة والسلام نهانا عن الاستنجاء بالروث_التقيلة يا جماعة الستوول بتاع الحيوانات او البني ادمين_
و العظام عشان وجود الكائنات الدقيقة فيها لانها مضرة
حلو قوي

*ويجي بعدها بشوية كمان يقولك ايه
و السليم أنهم بشر مثلنا
!!!!!!!!!!!!!

طيب بصوا نتفق كمان مرة
الجن دلوقا في رايه مرة مية مرة نار مرة مية

الجن دلوقتت في رايه مرة غير مرئيين مرة مرئيين

الجن في رايه مرة بكتيريا ومرة بشر ومرة نوع من انواع البشر

متفقين كدة؟!

broken nonna

27-01-2008, 11:08 AM

* و حقيقة الجن هنا هي تلك الميكروبات و البكتيريا الخفية عن العين المجردة ،
والتي تشكل خطرا على صحة الإنسان و حياته

و السليم أنهم بشر مثلنا

فجأة أشد فجاة من اللي فات
بصوا بالترتيب ده

و الناس ليسوا بأي حال من الأحوال جنا .و لا الجن من الناس

يا مثبت العقل و الدين ياااااااااارب

قلت جايز البشر حاجة و الناس حاجة!!!!
الله اعلم برده

هوب ما اداانيش فرصة يقول ايه

أي يا محمد ما خلقت البشر كلهم ، من ترى منهم و من هم في عالم الغيب_اللي هو بينفي صلة الجن بيه اصلاااا فى اخر كلامه و فى كذا مناسبة _ لا تراهم سواءا من سبقكم في هذه الدنيا أو من سيأتي بعدكم إلا لعبادتي

ده بيفسر الايات التالية

سنريهم آياتنا في الآفاق و في أنفسهم حتى يتبين لهم أنه الحق أولم يكف بربك أنه على كل شيء شهيد
وماخلقت الجن و الانس الا ليعبدون
وان فى ايه في القران الكريم بتقول شياطين الجن و شياطين الانس!!!

فايه بقى
هو استفهم من الاية انهم بشر
ناس
بس مش ناس
يعني ايه؟
يعني بشر بس غير مرئي!!!

لا وايه قسمهم نوعين
بصوا
*و كذلك جعلنا لكل نبي عدوا شياطين الإنس و الجن يوحي بعضهم لبعض زخرف القول غرورا و لو شاء ربك ما فعلوه فذرهم و ما يفترون
الأمر يتعلق هنا بأعداء الله و رسوله و دينه و هم بشر كلهم ،
منهم من آثر المواجهة علنا فهم شياطين الإنس و هم يشهرون و يعلنون عداءهم لله و لرسوله ولدينه . و منهم من خشي العلن و المواجهة و آثر محاربة الله و رسوله دون أن يظهر في الصورة ، بل من خلال كل أساليب الخداع و المكر و الكيد و بث
الفتن في الناس .و هم شياطين الجن

فاهمين حاجة؟!!
يعني شياطين الانس دول البشر الوحشين اللي بيعملوا الاذى عيني عينك
_مرئيين_
اما الوحشين اللي في الاستخبص
يبقوا مين يا شطاااار
شياطين الجن

ملحوظة كدة البيه كذا مرة ينفي وجود جن وحشي
!!!
اللي هو بيلبس الناس او يمسهم أو يأذيهم
!!
المهم انه يعمل معاصي بدون ما يتشاف
=
منهم من خشي العلن و المواجهة و آثر محاربة الله و رسوله دون أن يظهر في الصورة ، بل من خلال كل أساليب الخداع و المكر و الكيد و بث
الفتن في الناس .و هم شياطين الجن
_غير مرئيين_

broken nonna

27-01-2008, 11:15 AM

*ايه سنفرغ لكم ايها الثقلان التي فسرها المسلمين في رايه
انها معنى الثقلان الجن و الانس
غلط ليه
لان هو له رؤية تانية الثقلان هما

أ ما المعنى السليم و المحتمل لهذه الآية هو : إن هذه الآية تحمل نبوءة عظيمة بدأت تتحقق في أيامنا هذه و ستكتمل بإذن الله ، وهي سقوط الكتلة الشرقية بقيادة الإتحاد السوفياتي ، و سيتبعه سقوط الكتلة الغربية بقيادة الولايات المتحدة الأمريكية التي
فاتت إلحاد السوفيات ، لتنصب من نفسها إله الكون

الثقلان هما السوفييت و الامريكان في نظره
اسرائيل بنت بوبي مش من الاثقال
بريطانيا وفرنسا اولاد بوبي تاني مش من الاثقال برده
!!!!!

الله اعلى واعلم برده؟!!

*اخر مرة كنا متفقين انهم كانوا بشر ولا بكتيريا
ولا نوع من انواع البشر
والله مانا فاكرة المهم انه رجع تاني يقول ايه
*اذا كان معنى كلمة الجن يدور حول كائنات حية عاقلة_البكتيريا اللي رجع تاني في الاخر يقول انها بتعمل طاعون عاقلة!!_ و مكلفة ، فكلمة الجن تعني بالضرورة صنفا من البشر

شوفتوا الكلمة اللي بالبمبة
المسخسخ ده
ايوة
مكلفة
خليكوا معايا بس اصل فبل
مكلفة كانت غير مكلفة
:icon_mrgr

broken nonna

27-01-2008, 11:26 AM

هيييييييييييييييه
لا اله الا الله

*سعادته بيقول ان الرسالة المحمدية نزلت فقط للانسان
بدليل معرفش كام مرة ذكرت فيها كلمة ايها الانسان و ايها الناس
مش يا ايها الجن مثلا
ألر كتاب أنزلناه إليك لتخرج الناس من الظلمات إلى النور بإذن ربهم إلى صراط العزيز الحميد) فليس بوسع أحد القول بأن الآية تشمل الجن ضمنيا

لكن الأكيد أن ورودها بهذه الغزارة في القرآن هو دليل قاطع على تخصيص البشر بهذا الكتاب ، بوصفهم الكائن العاقل المكلف المعني بالرسالة المحمدية - الإسلام - . بينما ترد كلمة الجن ، حوالي عشرين مرة و المراد منها كما حاولنا
بيان ذلك هم البشر فقط
وهكذا
قلت ماشي
قاللي لا وكمان ايه

الاية الاتية بتقول

فلو صح أن الرسول مبعوث للجن لكانت الآية : لتخرج الناس و الجن من الظلمات إلى النور ..... و الخطاب القرآني كله موجه للناس و للإنسان

وان التكليف اللي ذكر في القران بصيغة الامانة في الاية االلي معناها ان عرضنا الامانة على كذا وكذا و كذا
فمقدروش يحملوها
فحملها الانسان فاصبح المكلفين و المختصين بالدعوة للدين
هما كالاتي

لقد عرض الله الأمانة على أصناف أربع من الكائنات ( السماوات ، الأرض و الجبال ، و الإنسان ) ، فلم تعرض على الجن مطلقا . أما حملها فلم يكن إلا للإنسان فقط. و هذا مهما كان معنى الأمانة و المعنى الأقرب و الأنسب هنا بلا شك
هو : التكليف

يعني الجن مش مكلف
اه مش مكلف
يا جدع متوكد
اي نعم

اثبتلي

قال ايه

الجن ما ساعدوش ليه في غزوة الخندق مش كنا محتاجين السرعة برده في الغزوة و بتاع
و لن تجد أيضا أبدا ما هو دور الجن أيام بعثة الرسول ، و لماذا لم يحصل أن استعان بهم رسول الله في دعوته ، ألم يكن في حاجة إلى سرعة هذه المخلوقات ، خاصة أنهم لا يروا ، و تذكر ما عاناه المسلمون أيام الحصار في غزوة الخندق

كائنات حية
عاقلة
مااشي
مكلفة لاااااااااا
والا كانت شاركت في الغزوة!!

ماشي
كائنات حية عاقلة _مش مهم مرئية او غير مرئية _ مش مهم بكتيريا ولا بشر ولا نوع من انواع البشر دلوقت_
المهم انها غييييييييير مكلفة

يقوم يجي في الاخر يقول

و جعلنا من الماء كل شيء حي أفلا يؤمنون
. فكل الكائنات الحية تتكون من ماء أي من مادة و بالتالي تخرج حتما من الغيب

إذا كان معنى كلمة الجن يدور حول كائنات حية عاقلة و مكلفة ، فكلمة الجن تعني بالضرورة صنفا من البشر

broken nonna

27-01-2008, 11:41 AM

*فجأة كدة لقيته بيقول ايه
كان عمال يقول ان الدجالين و المشعوذين
بيقولوا خزعبلات عن ان الجن ممكن يلبس بني ادم
بدليل ان زي ماالاطباء النفسيين بيقولوا
ان العيان ممكن يتكلم بكذا صوت وانت بقى بشغل الدجالين تفتكر ان ده عليه جن بيتكلم بكذا صوت

و بعدين كتب جملة مفادها

الجن هو النفس البشرية
يعني ما هواش
لا كائنات دقيقة
ولا بشر
ولا نوع من انواع البشر!!!

و الجان في الآيتين ليس سوى النفس البشرية – لأنها لا ترى -- كما سبق بيان ذلك

يا عيني ع الصبر

*شوية وجه يقولك ان ابليس
ابليس
هو النفس البشرية

ازاى؟!!
قال ايه

انت في القران عمرك قريت جمع لابليس
يعني هل عمرك قلت اباليس
لاااااا

و البني ادم منا ايه؟
قلتله دم احساس
قاللي لا
البني ادم منا
نفس بشرية

كل بني ادم له نفس بشرية واحدة
وبم ان ابليس ذكر في القران الكريم مرة واحدة
زى النفس البشرية للبني ادم

اذن فابليس هو النفس البشرية
بصوا الجملة

ذلك أن كلمة إبليس تعني النفس البشرية ، و ليس لابن آدم سوى نفس واحدة ، و لا يمكن أن تجتمع في ابن آدم أكثر من نفس واحدة أقصد دخول الشيطان أو الجن فيه

يعني ممكن ابليس و الجن يدخلوا و يبقوا النفس البشرية
لكن ما يلبسوش بني ادم و يتلموا بصوته ليه
؟
قاللي مش المسلمين بيقولوا ان الثقلان الانس و الجن
ماشي
هو معانا ان الثقلان انس وجن
بس ثقلان يعني تقاال
ليهم وزن
ازاى بقى لما جن بوزن تقيل يلبس انسان الوزن ما يزيدش؟!!

لكن ممكن الجن وابليس يتمثل في نفسنا البشرية
!!!

انا اعرف مثلا ان الشيطان
_هو مش عاوز الشيطان هو عاوز الجن و ابليس نفسه_
يجري من بني ادم مجرى الدم
عشان كدة مثلا وجب الاستعاذة الكتير منه

ماعلينا
يجي هو يقولك بعد ما بقى ابليس في رايه و الجن هو النفس البشرية

يقول ان لا غلط
على كدة بقى
اللي بيسرق مش البني ادم ده ابليس نفسه البشرية
و اللي بيقتل مش هو ده جن نفسه البشرية

يعني يا اسطى دلوقت
ابليس هو نفسي البشرية ولا الجن هي نفسي البشرية
ولا ماهماش نفس بشرية من اصله؟!!

هما بشر لانهم صنعوا من ماء
!!!!!!!!

broken nonna

27-01-2008, 11:51 AM

تعالوا بقى اخيرا نتفق على نقط كدة:
*واضح التناقض
*اول الكلام بيبقى حاجة واخر الكلام حاجة
وبعدين تقلب بحاجة تالتة

*الجن مرئيين و غير مرئيين
*الجن بكتيريا و بشر و نوع من انواع البشر و نفس بشرية
*الجن كائنات حية من مية ونار و ممكن طين
*الجن بكتيريا غير عاقلة و بشر عاقل
*الجن غير مكلف و مكلف

**تعالوا نتفق معلشي معلشي
ان في حاجة غلط
في حاجة غلط

معلش طولت انا عارفة
بس انتوا عارفين عادتي ولا هشتريها

اونلاين :icon_mrgr:icon_mrgr
الاخ في اواخر كلامه كدة كان عمال يجيب في سيرة ابليس من غير لعين
ولا لعنه الله
عااادي عاادي
_وحشتني الكلمة ده جدااااااااا_
و عمال يقولك ده النفس البشرية
بيدفعك دفع انك تبحث في النت عن ابليس
بس كتر خيره
اخر الصفحة كان عامل موضوع عن ابليس
على الله تفتحه
:aiaiai:

أبو المعاطى شمروخ

27-01-2008, 07:23 PM

ده عايز يومين يتقرا فيهم يا نونا

حااااااااااااااااااااااااااااامد
احذف الموضوع ده يا حااااااااااااااااااااااااااااااااااااااااااامد

ekm86

27-01-2008, 07:44 PM

هههههههههههههههههههههههه

شكلي هارد من غير ما أقرا المقال ولا كلام نونا

dr_0nline

27-01-2008, 10:08 PM

مجهووووووود جباااااااار يانونا
*
بس تصدقي كلامك لخبطني اكتر والله يانونا
لا حول ولا قوة الا بالله
*
هوا قصده يانونا ان كلمة الجن دي صفة ومعناها اللغوي ماخفي امره
ولما قصد البكتيريا ,,,, قصدها لانها خفيه عن العين المجردة والنس مش بتشوفها
وصعب تقنع الناس في ذلك الوقت برؤيتها باله زي الميكرو سكوب
ولما قصد الجن اللي استمعو للرسول واللي الرسول زارهم,,,,, قصد انهم بشر بس كان مستخبيين لانهم خايفين من بطش قومهم مثلا وانهم جماعة نصارى وكمان الدليل هيا النار ومبارك جمالهم
يعني الراجل قصدة
ان كل مرة وردت فيها الجن في القران كان ليها تفسير مختلف بس كلهم مشتركين في صفة االاختفاء والاستتار
*
لكن انا لاحظتك متلخطبة او فهمتي انه بيقرر انهم مثلا مرئيين وبعد كدة يرجع في كلامه
البكتريا انتي في رايك مرائية بس في رايه وراي الناس غير مرئية لانها لاتري بالعين المجردة وبذلك استحقت صفة الخفاء وكملة الجن
*
*
بس التهجيص اللي شوفته فعلا
هوا

المعنى السليم و المحتمل لهذه الآية هو : إن هذه الآية تحمل نبوءة عظيمة بدأت تتحقق في أيامنا هذه و ستكتمل بإذن الله ، وهي سقوط الكتلة الشرقية بقيادة الإتحاد السوفياتي ، و سيتبعه سقوط الكتلة الغربية بقيادة الولايات المتحدة الأمريكية التي
فاتت إلحاد السوفيات ، لتنصب من نفسها إله الكون

*
*
وانا هاحذف الموضوع خلاص
لان الموضوع مالوش لازمة بس زي ما قولتلكو المشكلة كانت فيا انا
*
اصل مش معقول افضل كام يوم واحد يحكيلي عنهم وشخص يحكيلي كونه مولود معاهم
وانا عشت معاه الحكاية في مخيلتي وهوووب الاقي مقال نفى الصورة دي خالص
فكنت هاتجنن
لاني كنت عاوز دليل والشخص اللي قالي دا ثقة فكان دليل على كلامه
والرااجل جاب ادله مادية على كلامه
*
المهم ماحدش يشغل باله خلاص
*
سلاموز
**

HAYAH

27-01-2008, 10:16 PM

ايدي بتاكلني عشان ارد

يكونشي اللي حصلي امبارح عشان كنت وعدت اني ارد ومرددتش

طيب مبدأيا انا نزلت الكلام

بس حسيت اني مليش نفس اقرأه

بس بؤمن بوجود الجن

مش سيدنا سليمان كان الجن مسخر ليه؟؟

وكان بيعاقبه؟؟

وبيؤمره؟؟؟؟ وكمان بيشغله؟؟

وبيخليه يعمل اطباق كبييييييرة مش فاكرة اسمها ايه

وكمان بيحفروا في البحر

وكان يقيدهم بأغلال

من كبر الاغلال كان كل اتنين يتربطوا في سلسلة واحدة

ازاي يطلعوا بكتريا بعد ده كله

او يطلع ملهومش وجود؟؟

بس برده وعد مني اقرأ المقالة دي وارد عليها

ولو اني مش هضيف حاجة جديدة على اللي نونا قالتها

بس هبقى اقول رأيي لانه وعد لازم انفذه

broken nonna

27-01-2008, 10:17 PM

تحذف ايه يا اونلاين
سيبه في ذاكرة المنتدى:peace:
انا بتكلم جد

STROMA

27-01-2008, 11:02 PM

ازاي يطلعوا بكتريا بعد ده كله

هههههههههههههههههههههههههه

ekm86

28-01-2008, 01:07 AM

تصدق بالله أنا جت عليا فترة جت في بالي حته إن الجن ممكن يكون المقصود بيها البكتيريا.. مجرد فكرة بس
وبدأت أركز مع كل الأحاديث والآيات اللي بتتكلم عن الجن والشيطان .. واتأكدت إنهم مش البكتيريا
بس مش فاكر إزاي

المهم...
أنا ما قريتش المقال ولا قريت رد نونا
لكن أنا بالنسبة لي.. ده عالم ما نعرفش عنه أي حاجة.. ولا حد مننا شافه أو اتعامل معاه
يبقى أنا مش مؤمن بيه إلا في إطار الحاجات المحددة اللي جت في القرآن والأحاديث بس
غير كده لأ

قالولي إن الجن مخلوقات موجودة... غير الإنسان... مخلوقين من نار.. بياكلوا (مش مهم إزاي) بيشربوا (مش مهم إزاي) بيعيشوا حياة خاصة بيهم (مش مهم إزاي برضه)
قال لي إنهم استمعوا للرسول.. ونزلت سورة الجن عن الموضوع ده
قال لي إن الجن كانت أحسن استماعا من الإنس لسورة الرحمن.. لأنهم كانوا بيتفاعلوا مع السورة خصوصا آية (فبأي آلاء ربكما تكذبان)
قال لي إنهم مطالبين بالإسلام زيهم زينا
هيدخلوا الجنة والنار
ما طلبش مننا مهام معينة ناحيتهم (إننا ندعوهم للإسلام مثلا)

هو ده اللي أعرفه واللي أعتقد إن المفروض ما زودش عليه

HAYAH

29-01-2008, 07:24 AM

rony

30-01-2008, 01:00 AM

السلام عليكم
ده رأيى يا دكتور حامد بعد مراجعة تفسير القرآن الكريم فى الايات الخاصة بذكر الجن وكمان آراء العلماء وبعد ما قريت المقال الموجود على ويكيبيديا ......

لازم نجزم اننا نؤمن بكتير من الغيبيات زى عذاب القبر وزى الملائكة
لان ربنا سبحانه وتعالى ذكرها فى القرآن وكمان الرسول صلى الله عليه وسلم اوردها فى سنته .....
يعنى احنا مثلا بنؤمن بالاخرة لان ربنا سبحانه وتعالى ذكرها فى القرآن واورد آيات للترغيب فى الجنة والترهيب من النار.....
طب ما ربنا سبحانه وتعالى ذكر الجن فى القرآن وفى اكتر من 38 موضوع منها ما هو مباشر ومنها ما هو مفهوم من تفسير القرآن.....
يبقى ليه احنا ما نؤمنش بوجود الجن؟؟؟
والاخ بتاع ويكيبيديا استند فى احد ادلته على معنى لفظ الجن فى اللغة العربية ...وانا فعلا بحثت عنه ووجدت ان معنى كلمة جن هو كل ما خفى واستتر عن الرؤية....
يعنى هى فعلا كائنات غير مرئية لينا زى ما اكدت احاديث السلف ....
وكمان اللى ورد فى المقال يوصل ان البكتريا ممكن تكون جان....طيب وهى البكتريا مخلوقة من مارج من نار زى ما ورد فى القرآن الكريم؟؟؟

وكمان لماذا حثنا الرسول صلى الله عليه وسلم بقراءة سورة البقرة كل يوم فى المنزل وليه امرنا الرسول صلى الله عليه وسلم بذكر الله قبل الدخول الى الخلاء؟؟؟
وليه كمان امرنا الرسول صلى الله عليه وسلم بالرقية الشرعية؟؟؟؟

يعنى احنا كل اللى علينا اننا نتسلح بالقرآن الكريم ....وملناش دعوة بتصنيفات الجان واكلهم وشربهم ...يعنى الحاجات المشكوك فى امرها دى التى لم يرد فيها نص قرآنى مباشر ولا حديث نبوى شريف مؤكد من صحته

كفاية اننا نؤمن بوجود الجان ايمانا منا بما ورد بكتاب الله تعالى وبسنة رسوله الكريم صلى اللع عليه وسلم زى ما بنآمن بباقى الغيبيات

انا كنت عاوزة اكمل بس نونة ربنا يكرمها قامت بالواجب ....
وانا عملت تجميع لتفسير الايات اللى ورد فيها ذكر الجان وطبعتها وكمان ما ورد عن السلف بذكر الجان لو حضرتك محتاجهم لمزيد من الاقتناع ممكن اجيبهم لحضرتك......

dr_0nline

30-01-2008, 06:32 AM

بالنسبة لكلامك يا اسلام انا متفق تماما معاك
*
وكل الحكاية ان زي ما قولتلكو الموضوع ماكنش في بالي
لكن الصور المزيفة بتاعة العفريت هيا اللي اوقدت الشرارة
*
واللي ولعها نار بقى
الشخص الثقة اللي حكايى انه متربي مع الجن وكان متعايش معاهم
ووصفلي شكل وحكالي مواقف معاهم
*
*
وبالنسبة لكلامك

تصدق بالله أنا جت عليا فترة جت في بالي حته إن الجن ممكن يكون المقصود بيها البكتيريا.. مجرد فكرة بس
وبدأت أركز مع كل الأحاديث والآيات اللي بتتكلم عن الجن والشيطان .. واتأكدت إنهم مش البكتيريا
بس مش فاكر إزاي

*
انت بتتكلم جد؟؟
طب ازاي جالك التفكير ده وعلى اي اساس فكرت فيه
*
*
*
وبالنسبة لكلامك ياروني
*
انا طبعا متق معاكي بردو
وبقدر تعبك في الموضوع دا كتير
*
بس احب اوضحلك وجهة نظر كاتب المقال
هوا ماقالش ان البكتيريا هيا اللي مخلوفة من نار
قال ان البكتريا احد صور من الصفة الجن

*
بس على كل فعلا احنا مالزمناش ندعبس في ماهية ولا طرق معيشة وحياة
اهم حاجة اننا نؤمن بوجودهم زي ما قولتوا وخلاص
*
بس هاتفضل تساؤلات كتير في دماغي متعلقة ب هل فعلا الاطباء النفسيين مش بيؤمنوا بلبس الجن
؟؟؟؟
وان دي حالات نفسية
ولا كل الحكاية ان دي فعلا حالة نفسية والجن مالوش دعوة بيها بس الناس هيا
اللي خلطت الحابل بالنابل لان الطب ما كانش متقدم عندهم ودا بالنسبالهم شئ خفي؟؟

*
سلاموز

kalamntena

30-01-2008, 07:48 PM

ايه ده كله
دا انا لازم اقرا الموضوع عشان افهم كلام نونا
وبعدين ابقى اسأل اون لاين انت عايز ايه بالظبط
مشكلتك فين يعنى؟

مؤقتا
الجن موجودون
ومش هم البكتيريا :look up:
وفيه لبس _ بغض النظر عن كيفيته وماهيته
و بالمقابل فيه سكيزوفرينيا واللى اعتقد والله اعلم هي اللى مر بيها الشخص محل الثقة اللى انت قلت عنه
لان ببساطة ماعتقدش ان صديقك موضع الثقة ده انه يحتل منزلة مقاربة لسيدنا محمد عشان يطلعه الله على غيبيات زي دي ويخليه يشوفهم

طيب
بجملة اللخبطة
مادام مفيش جن عشان مبنشوفهمش
يبقى برضه مفيش ملائكة عشان مبنشوفهمش
و مفيش جنة ونار
ماحنا ما شفناهمش
و كمل بقى

وبعد كده
قول ورايا
اشهد ان لا اله الا الله وان محمدا رسول الله
و اغتسل وعود للاسلام

خلاصة الموضوع
لا تسألوا عن اشياء ان تبد لكم تسؤوكم

kalamntena

30-01-2008, 07:51 PM

معلشي ولو فيها رزالة
انا دورت بسرعة على اسم كاتب المقال

مالقيتهوش
الا يعنى هذا شيئا؟؟؟؟؟

dr_0nline

31-01-2008, 02:28 AM

ايه ده كله
دا انا لازم اقرا الموضوع عشان افهم كلام نونا
وبعدين ابقى اسأل اون لاين انت عايز ايه بالظبط
مشكلتك فين يعنى؟
المشكلة الاول كانت في تصديقي للشخص الثقة
لكن بعد ماقريت المقال
المشكلة تتطرقت لوجود الجن بالصورة اللي في دماغنا وعملتلي لخبطة

مؤقتا
الجن موجودون
ومش هم البكتيريا :look up:
طب تفسري ايه( الطاعون وخز اعدائكم من الجن)؟؟؟
والغذاء اللي بيكون على الروث وبقايا اللحم اللي على العظام

وفيه لبس _ بغض النظر عن كيفيته وماهيته
أكيد فيه طبعا لبس
و بالمقابل فيه سكيزوفرينيا واللى اعتقد والله اعلم هي اللى مر بيها الشخص محل الثقة اللى انت قلت عنه
مش عارف والله انا كلمته كتير في الحكاية دي بس بيصر
وطلع ليه اخ نفس النظام بس باقي البيت مافيش حاجة
لان ببساطة ماعتقدش ان صديقك موضع الثقة ده انه يحتل منزلة مقاربة لسيدنا محمد عشان يطلعه الله على غيبيات زي دي ويخليه يشوفهم
بيقول من الاشراف(ال بيت النبي) وكمان حلم بالرسول 3 مرات

طيب
بجملة اللخبطة
مادام مفيش جن عشان مبنشوفهمش
يبقى برضه مفيش ملائكة عشان مبنشوفهمش
و مفيش جنة ونار
ماحنا ما شفناهمش
و كمل بقى

بس الراجل زكر ان الايمان بالجن مش من الغيبيات
*
واركان الايمان والعقيدة,,, الايمان بالله وملائكته وكتبه ورسله وباليوم الاخر وبالقدر خيره وشره
والجن مش فيهم

وبعد كده
قول ورايا
اشهد ان لا اله الا الله وان محمدا رسول الله
و اغتسل وعود للاسلام
*
هههههههههههههه
ليه هوا انا اتزندقت ولا ايه
هههههههههههه

خلاصة الموضوع
لا تسألوا عن اشياء ان تبد لكم تسؤوكم

زي ما الراجل دا بيقول طالما الخوض فيهم مش بيمس اركان العقيدة
يبقى خلاص

*
بالنسبة لكاتب المقال برد انا مالقتش اسمه
بس مش فاهم انتي عاوزة تقولي ايه يعني
؟؟؟؟؟
*
اللي لفت نظر والدتي في الموضوع انه بجيب سيردة سيدنا محمد(صلي الله عليه وسلم) حاف كدة من غير الصلاة عليه
هل يعني ذلك شيئا ؟؟
بس هتلاقيه في مواطن كدة بيدلل على عظمة القران والنبي
*
سلاموز

kalamntena

01-02-2008, 09:09 PM

المشكلة تتطرقت لوجود الجن بالصورة اللي في دماغنا وعملتلي لخبطة

اللى هي؟؟؟

اساسا اللى وصلنا عنهم من الكتاب والسنة قليل جدا
باقي المعلومات من فبركة الناس

طب تفسري ايه( الطاعون وخز اعدائكم من الجن)؟؟؟

والغذاء اللي بيكون على الروث وبقايا اللحم اللي على العظام

الرجل ربنا يكرمه بيقوللك انا لا افهم في السند ولكنى اهتم بالمتن
وانا باقوللك انا لا بافهم لا في ده ولا في ده
انما الكلام اللى مذكور على انه حديث ده والله دورت عليه في البداية والنهاية و صيح البخاري
ومالاقيتش كلمة منه
و كاتب المقال ربنا يعزه قال انه في تفسير ابن كثير
انا دورت في ال 3 اجزاء الاولانيين مالقيتش حاجة
لو عندك الجزء الرابع بصلي كده في الفهرس لحسن بتاعي الفهرس بتاعه مقطوع
يبقى بالنسبة لي
هانط الحتة دي
لان هو مش حديث اساسا حتى يثبت العكس
و حين يثبت العكس و يطلع حديث
نشوف هنرد ازاي
و هنفسره صح ازاي

مش عارف والله انا كلمته كتير في الحكاية دي بس بيصر
وطلع ليه اخ نفس النظام بس باقي البيت مافيش حاجة

اديك قلتها يا دكتوووووووووووووووووور

بيقول من الاشراف(ال بيت النبي) وكمان حلم بالرسول 3 مرات

ثانية واحدة
هو كل واحد من ال البيت يبقى حسن الايمان؟؟؟؟؟؟
على كده بقى كل البشر لازم يدخلوا الجنة ماكلنا ولاد سيدنا ادم اللى هو اول الانبياء
ثانيا مين قاللك ان اللى شافه ده هو سيدنا محمد صلى الله عليه وسلم
هو اي حد لابس ابيض و ييجي يقوللك انا محمد بن عبد الله في المنام يبقى الرسول عليه الصلاة والسلام؟
اي نعم الشيطان ( وخلى بالك ) لا يتمثل في هيئة الرسول
بس يبقى الرسول الاول
بالمناسبة
هي البكتيريا ممكن تكبر وتكبر وتاخد شكل البنى ادم او الحيوان؟؟؟:look up:

بس الراجل زكر ان الايمان بالجن مش من الغيبيات
*
واركان الايمان والعقيدة,,, الايمان بالله وملائكته وكتبه ورسله وباليوم الاخر وبالقدر خيره وشره
والجن مش فيهم
يا دكتوووووووووووووووووووووور
اللى اعرفه ان الايمان بضع وسبعون شعبه
و بعدين هو الايمان بالكتب شفوي
يعنى اه فيه قرآن وتوراه و انجيل وزابور
انما مانعرفش اللى فيهم
ما القرآن بيقول ان فيه جن
و الرسل قالوا ان فيه جن

زي ما الراجل دا بيقول طالما الخوض فيهم مش بيمس اركان العقيدة
يبقى خلاص

تمام وانا معاك
و مصطفى محمود كان بيقول كده برضه

*

بس مش فاهم انتي عاوزة تقولي ايه يعني
؟؟؟؟؟
الكلام ده هدفه البلبلة فقط لاغير
انا لسه في نص المقال على فكرة

اللي لفت نظر والدتي في الموضوع انه بجيب سيردة سيدنا محمد(صلي الله عليه وسلم) حاف كدة من غير الصلاة عليه
هل يعني ذلك شيئا ؟؟
بس هتلاقيه في مواطن كدة بيدلل على عظمة القران والنبي

اومال يبلبل افكارنا ازاي
ماهو لازم يعمل كده*