مدنجى الفتيات [الأرشيف] - قصر العيني

مشاهدة النسخة كاملة : مدنجى الفتيات

kalamntena

21-01-2004, 02:09 PM

فى الاول عندى اعتدار ليكو كلكو لانى اتاخرت عليكو شوية و اعتدار خاص لمصباح لانى ما ردتش عليه على طول
بس الحقيقة انا عندى ظروف يارب يعديها على خير ادعولى وما تزعلوش ادا اتاخرت عليكو
بما انى رشحت لنيل لقب مدنجى الفتيات يعنى مدنجياية وده شرف اعتز بيه بس لسة القرار مجاش لان لاسيد الاستاد الدكتور / مدنجى باشا لسه مسافر
_على فكرة يا مصباح و الله وما ليكك عليا يمين انا مفهمتش قصدك من كلمة مدنجى الفتيات غير لما واحدة بنت حلال كانت معدية لقتنى بدور فى الصفحة على كلمة كتبها مدنجى ومحتاسة وبديت اكلم نفسى صعبت عليها فهمتنى _
المهم بما انى رشحت لهدا اللقب يبقى ده معناه ان اوراقى قد قبلت فى المنتدى _ ايييييه حد عنده اعتراض؟!!!_ ولانى بقيت منتديياياه
و بمناسبة اللقب الجديد اليكم بعض ما اطلق عليا من القاب
$ الزعيمة
فى ابتدائى كنت رائدة حركة تحرير البنات وقد تم اطلاق هدا اللقب عليا بعد الثوره اياها(راجع ده انت مهول سبحان من صورك)

$نائب مدير الحارة
فى اولى اعدادى عملنا مجلس ادارة عيال الحارة و قد انتخبت نائب المدير حيث ان منصب المدير كان قد شغل بالتعيين ماهى كانت فكرته فكرة سودة بعيد عنك دا كان عايز يعمل دوريات حراسة ليلية ما هو عبط بقى ولا بلاش غيبة

$المصرية
فى اعدادى اطلق عليا هدا اللقب لانى سافرت احدى الدول العربية وكنت المصرية الوحيدة بالمدرسة هناك تصدق بايه قول لا اله الا الله قعدت بعدها 4 سنين افتكر فى اسمى

$الفاشلة
اطلق عليا هدا اللقب استاد الانجليزى عرفت السبب بعدين _فيه حاجة اسمها I’m is_

$ماما
و قد اطلقته عليا واحدة من انتيمتينى لانى زى ماماتهم _زى مش قد يا ظريف_ يعنى باخد بالى منهم

$ مالتوز
اختكم بلا فخر الوحيدة اللى طلعلها مالتوز فى البخت قصدى فى امتحان البيو بتاع اولى و قد اطلقه عليا واحد زميلنا ربنا يمسيه بالخير

$اكشن بوتنشال
وده لان الثريشولد عندى واطى شوية واى حاجة ممكن تعملى ستميوليشن و تلاقينى نطيت كده زى الاكشن بوتنشيال تمام و قد اطلقته عليا واحدة صاحبتى

$العاقلة
لا ده بابا كان نفسه يقولهولى بس محصلش نصيب

$حبيبة جدتها
دى نينا لانى الوحيدة من احفادها اللى ما كانتش ممكن تنام الا ادا نينا نامت الاول

$قصيرة القامة
ده اخويا الصغير طويل التيلة جاله قرار ازالة دورين يس هو ادى رشوة لبتاع الاساسات خلاه عمله جزمة فلات
على فكرة ده فى 3 ثانوى حد عنده عروسة عايزين نخلص

$ست الحتة
واحد ربنا يكرمه و يعمر بيته ويكتر حبايبه هاى هئ
تعرفه يا مصراوى ابقى سلم عليه

$مدنجى الفتيات
اطلقه عليا مدير العلاقات العامة بالمنتدى السيد الاستاد الدكتور / مصباح

$ و اخيرا الغلسة
احدث لقب و قد اطلقه عليا كل من (القصرعينية ، ولاء، مصراوى ، ادمين ، مصباح ، نبيل ،فيرون ، لايف …)

مصراوى

21-01-2004, 04:27 PM

و لا يهمك اقعدى اكلمي كده كتير لحد ما البركة تضيعو السبوبة تتنظريا ست الحت.....قصدىيا ست الكل

walaa

21-01-2004, 05:17 PM

لا .... لا .... لا ,,, أنا لسه ماطلعتش عليك لقب ...:yadmaghy::yadmaghy::yadmaghy:و بعدين انت كده نسيتي أهم لقب ,,,,, كلمنتينا ,, و لا ده اسمك بجد ,, تبقى مشكلة............:smiley4.::smiley4.::smiley4.:

nabilprofelgen

21-01-2004, 09:08 PM

هاهاهاهاهاها..............................

طيب دى فكرة كويسة فكرة اللقب مدنجى الفتيات

بس انت ليه حسيتى بأننا بنتقول عليك غلسسسسة معلهش اصلها اول مرة بأكتبها

معلش دلوقتى مش هكمل عشان عندى شوية شغل لما اخلص

هخش المنتدى و اكمل الحوار

و يجعله عامر

nabilprofelgen

22-01-2004, 12:42 AM

اهلا بكم

اكمل الحوار اللى كنت فيه

ياترى لفظ مدنجى هل يمكن اطلاقه على غير ساكنى المدينة الجامعية؟

و

و

و

و

بس لنا شايف انه مناسب ليكى من وجهة نظرى.

وعلى فكرة : انا احتمال اغير النضارة قريب

و يجعله عامر

مصراوى

22-01-2004, 02:41 AM

لبست جديدا و عشت سعيدا و مت شهيدا

مدنجي

22-01-2004, 02:43 AM

كلمنتينا:اذا كنت انت مبسوطة ان لقب مدنجى الفتيات اطلق عليكى, فدا فخر كبير ليا ان لقبى اصبح لقب يطلق على شخصيات مثلك.لكن انا عندى ملحوظة:لقب مدنجى دا مش حاجة حلوة قوى كدا..و لا حاجة وحشة طبعاً..:smiley15:دا لقب مركب يحوى فى داخله حاجات كتيرة جداً مقدرش اقولها لكن اقدر اوريهالكو فى مشاركاتى فى المنتدى..هو يمكن عشان الاخ مصباح شاف ان اسلوبك يشبه اسلوبى المدنجى شوية -و هو فى رأيى افضل فى مواضيع كثيرة(يلا حتة رفع معنويات)- اطلق عليكى اللقب دا..و بمناسبة حكاية الالقاب دى...انا الحمد الله مشهور طول عمرى بأطلاق الالقاب على الناس و مش هنروح بعيد و على نفسى كمان و الحمد لله كانت الالقاب دى بتلتصق بصاحبها بشدة لدرجة انه ساعات بينسى اسمه. زى ما انا ناسى اسمى كدا بالضبط..و لعلمك ممكن العكس ادينى لقب وانا اقولك الاسم..يعنى مثلاً انا اراهن ان اسمك الحقيقى بيبتدى بحرف الشين.._ :smiley15:اما بالنسبة لاستفسار الاخ نبيل:فذى ما قولت مدنجى دا نتيجة لعدة عوامل اهمها طبعاً وجوده فى المدينة الجامعية..لكن ممكن تكوين مدنجى بدون مدينة جامعية. انا عارف هى صعبة شوية لا مش شوية هى صعبة قوى_لكن ممكنة كل شئ جايز..و للحديث بقية ان شاء الله....دى..

مصراوى

22-01-2004, 02:52 AM

على_ فكرة حكاية ان الواحد ممكن يبقى مدنجى و من غير ما يكون ساكن في المدينة ممكن تحصلو انا اكبر مثال على كده حتي اسالوا مدنجيمش كده يا مدنجي ولا ايه

مدنجي

22-01-2004, 03:33 AM

اه يا عم..ما انت استحليتها..كل يوم والتانى عندنا فى المدينة..لكن على العموم بردة تشرف وتآنس....دى..

nabilprofelgen

23-01-2004, 02:37 AM

اهلا بكم :
طيب عشان منغيرش الموضوع
كل الالقاب اللى قلتيها فوق كانت مفروضة عليكى
دلوقتى فى اختيار للقب جديد و الى عضوات المنتدى كلهن و ذلك لأن حوالى 95% من الاعضاء ميدفرندسييين

لليلى يحب يشتغل معانا فى ميدفرندس منكن سوف نمنحه لقب ميدفرندسية و هنعمله كارنيه ميدفرندس لعام 2004
و على فكرة : الكارنيه دا صالح لمدة عام

و يجعله عامر

مدنجي

23-01-2004, 02:55 AM

نبيل:اشمعنى العرض دا لعضوات المنتدى كلهن من دون اعضاءة :look up:معلش انا مش قصدى حاجة..و احنا جايين نهدى النفوس....دى..

nabilprofelgen

23-01-2004, 03:03 AM

اهلا بكم:
بابو مدنجى

الاعضاء اللى فى وجهت نظرك فتيان اساسا 95 % منهم معانا فى ميدفرندس
يامدنجى اقرأ الرسالة كويس
و لا الرعد عندكوا بيأثر على شاشات الاجهزه
(اصل مدنجى بعتلى رسالة فيها ان عندهم رعد)
و الى اللقاء

kalamntena

23-01-2004, 10:21 AM

اولا الحمد لله
ثانيا ردى عليكو بتريب الردود
1_مصراوى : هاقتلك
2-لولو :لا انا اسمى عنايات وبيدلعونى برعى ومستنية اللقب
3- مصراوى : هاقتلك
4- نبيل : ليه حسيت انكو بتقولو عليا غلسة ؟؟!!! ده سؤال وجيه و الاجابة حاجة من اتنين يا اما انا شخصية سيكوباتية معقدة يا اما الكلمة جت على بالى قلتها
وبعدين ايه هتضحك عليا ولا ايه انت قلت 4 (و ) يعنى انا عايزة 5 نقط ايه هم ؟ و بالنسبة للمدينة _ انت راجل كريم ايه رايك نخلى الرد ده لعم مدنجى ؟_
5-مصراوى : هاقتلك
6- مدنجى : الفخر لينا احنا يا فندم وبعدين ادا كان لقب مدنجى دا يمشى بناتى ويجى على مقاسى مفيش مانع احنا مش بتوع موضة بس ايه حكاية حاجات كتير مقدرش اقولها انا كده أألء (ايه اللى انا كتباه ده يا جماعة انا قصدى اقلق )
وبالنسبة للالقاب سيادتك، سعادتك يعنى ، لامؤاخدة ولو فيها رزالة ؛ممكن يعنى _من وجهة نظرك يا فندم_ يليق عليا لقب ايه؟
اما الشين فوحدة ماجد برسوم مش كلها ش فيها ع و ص و (مصراوى : هاقتلك) وبعدين راجع انا قلت ايه ل لولو
اما المدينة بما ان والدى استاد جامعى فانا مشتركة دائمة من وانا قاااااااااااااااااد كده هوه فى ملاعب الجامعة اللى جنبكو دى اللى بتفتح فى الصيف على المدينة مباشرة يعنى من الاخر انا وبلا فخر احدى رايات ( احد اعلام دى ولادى ) المدينة و الملاعب وكوبرى ثروت و……. احم ….
7- مصراوى : هاقتلك
8- نبيل : انتو لسه محطتونيش لحد دلوقتى؟!!!!!!!!!! هده هى القشة ….. لا.. اتق شر الحليم ….ولا دى كمان مركب الخيار مش … ولا دى يا للا مش مهم دلوقتى
بعد ده كله لسه مانفعش مدنجوية

nabilprofelgen

23-01-2004, 11:39 PM

اهلا بكم

حد لا سمح الله قال ان احنا بنعمل عضوية شرفية؟؟؟؟

.

و يجعله عامر

مصراوى

24-01-2004, 02:06 AM

هو في ايه الست دي مستقصدانيهو انا عملتلك حاجة يا كلمنتيناو الله انا ماليش دعوة في اللي حصل و ع العموم اذا حبيتي تعرفي اللي حصل افتحي اي ميلك و انا حافهمك اللي حصل بس انا و الله برئ

مدنجي

24-01-2004, 07:42 AM

كلمنتينا: اذا كنت انت مبسوطة ان لقب مدنجى الفتيات اطلق عليكى, فدا فخر كبير ليا ان لقبى اصبح لقب يطلق على شخصية مثلك.(كلاكيت تانى مرة) اما بالنسبة لموضوع حاجات مقدرش اقولها او اقدر اقولها. فاحب اقولك ان حصل سوء تفاهم او فهم للكلمة او بمعنى اصح سوء فى اختيار الكلمة. و دى طبعاً مش اول مرة تحصل معايا. و لى وقائع مسجلة فى المنتدى بحاجات زى كدا فانا دايما_ مقدرش اقول حاجة_مباشرة كدا على طول.(معلش المرة دى استخدمت الاسلوب المباشر).معلومة هامة لكل فضولى: كيف تعرف شخص معانا فى الكلية من الاسم المستعار بتاعه؟؟ 1- ادخل على موقع الياهو او الهوت ميل (بس اوعى يلسعك). لأن اكتر من 90% من الناس عاملة عليهم عناوين صناديق بريدهم الالكترونى. 2- ابحث عن الاسم الى انت عاوز تعرف صاحبه. 3- افتح صفحة البروفايل الخاص بتاعه. ملحوظة:90% من الناس مبيكتبوش معلومات عن نفسهم فى الصفحة دى و لذلك,, 4- اعرف عنوان البريد الالكترونى للشخص دا و ستجده بنسبة 90% مقترن برقم. ملحوظة: هذا الرقم بنسبة 90% هو رقم جلوس هذا الشخص فى الكلية. لأن 90% مننا مدخلش النت وعمل بريد الكترونى الا بعد مادخل الكلية. 5- بحصولك على هذا الرقم يمكنك بسهولة معرفة صاحب هذا الاسم المستعار. و تأكد ان هذه هى الشخصية الصحيحة بنسبة 50% و هى نسبة جيدة جداً للتخمين.. مش عارف انا حاسس ان انا هاكر او .. بس الفضول يعمل اكتر من كدا.. و النت علمنا اكتر من كدا.. و برده تبرئة واحد من تهمة زور تستحق اكتر من كدا..اما بالنسبة لحكاية اللقب: فأنا مش عاوز اقولة لأنى خايف تزعلى. بالرغم من انى متأكد انك مش هتزعلى. و هترك لك الاختيار اقول و لا مقولش. بصراحة انا افضل ماقولش... . . دى..

kalamntena

24-01-2004, 10:23 AM

الله اكبر اهو ده اللى جه يكحلها عماها و مركب الخيار مش ناقصة فقوس
مسكين يا بنى مين دعا عليك
معدور مانت تعرفنى جديد
استخبى يا مدنجى اليومين دول
انا لو منك انط فى كباية ميه واخلص
وبالنسبة للقب ماتؤلش حاجة
ومن هنا ورايح ماتؤلش حاجة خالص
روح يا شيخ ......... وتعالى بسرعة :mmmm mmmm ::aiaiai:

مدنجي

25-01-2004, 12:57 AM

على العموم انا كدا كدا مستخبى..الجو برد جداً..و درجة الحرارة وصلت لـ 40 درجة مئوية تحت البطنية..مش مشكلة..المهم انا عاوزك تكونى اتعلمتى حاجة مهمة جداً من صفات مدنجى_ لا هى مش حاجة واحدة دول شوية حاجات لكى تكونى مدنجياية (لو اردتى)..و اعتقد انك اتعلمتيها..الا وهى:1- لازم كل ماتيجى تكحليها تعميها..2- مفيش مانع من التخبيط فى الحلل..3- الفضول. ودى حاجة انت مش محتاجة تتعلميها الحمد لله -(واضح ان مصراوى هيبقى متهم فى قضية تانية:smiley24. )معلش يا مصراوى-..دى..

nabilprofelgen

25-01-2004, 12:58 AM

اهلا بكم

خد لك ساتر يامدنجى

دى باين ليلة خضرا

و يجعله عامر

مدنجي

25-01-2004, 01:31 AM

عيب عليك يا اخ نبيلانا بربى فى ذقنى بقالى شهر.و جايب رجلين خشب تدى معايا زيادة نص متر طول.و الخددية بتاعة السرير موجودة بتنفع برده فى الطوارئ.دا غير المفاجئة الى انا مش هقولها والى هي ان فى انفاق تحت الارض فى المدينة مجهزة بكل شىء و بتنفع بردة فى التخفى....دى..

nabilprofelgen

25-01-2004, 01:38 AM

اهلا بكم

خلاص
كده انا مطمئن عليك؟؟

بفكر خلال هذه الفترة اقوم بعمل سياسى لعمل هدنة و تسوية بين الطرفين؟؟
و مش هنجتتمع على مائدة مفاوضات و ذلك لاتساع مائدة المنتدى

ايه رأيكم

و يجعله عامر

walaa

25-01-2004, 02:43 AM

معلش يا جماعة ,,, من غير ما يكون في فضول و لا رزاله مني ,,, حد يفهمني هو ايه اللي بيحصل أصلي لسه خارجة من الامتحانات و بطاريات مخي لسه ما شحنتش و كده انا هبقى عاملة زي الاطرش في الزفة ,,,,,,,,,,, يرضيكم (حسنة قليلة تمنع بلاوي كتيرة و هنيالك يا فاعل الخير )........:icon_eek::icon_eek::icon_eek:

مصراوى

25-01-2004, 02:44 AM

حصل خير يا اخواناماكنتش اتمني انكوا تمسكوا في بعض كدهو ع العموم في حلول اخري للوصول الى بياناتك الشخصية فكر في الثغرة اللى قولتلك عليها يا مدنجى و ع العموم حصل خير مش مهم انا برئ ولا لآاللي حصل حصل و المسامح كريم و عفا الله عما سلف ده درس لكل واحد انه ياخد باله شوية من نفسه وهو ع النت علشان كده انا قررت اني انزل موضوع جديد اسمه دعاء دخول النت ارجوا انكوا تقروه جميعا

kalamntena

25-01-2004, 09:59 AM

اللهم صلى على النبى
لا بقى دى حكايتك حكاية
ده انت تعرفنى بقى
بس لو انا فضولية كنت جبت اسمك وسنك وعنوان بتكو كمان (لا يا سيدى مش جايبالك عروسة) بس عشان تعرف
مش كفاية الناس فى الشارع بيشاورو عليا ويقولو كلمنتينا
لاو ايه يا ريت على قد كده ده امبارح وصلنى ايميل بيقول ،خهتاتلا ىلالتا لاااتل لافبف
يعنى انا عملت زى ما قال مدنجى وعرفت ايميلك
اسمع يا بنى بلاش الضرب من تحت الحزام واتكلم على المكشوف ......
لاااااااااااااااا ........... متقولش حاجة
ادا كنت انت لوحدك كده كريت امال لو قلتلك قول هاتعمل ايه
يا عاااااااالم يا هوووه انا باشهدكو هوه اللى جابه لنفسه
نبيل : انت لبق اوى بس انا دمى اتحرق خليك مع الحق مش اكمنو صاحبك
لولو : افتحى ايميلك
مصراوى : انزل بالدعاء الهى يكرمك

nabilprofelgen

25-01-2004, 11:19 AM

اهلا بكم

ما بقول نهدى النفوس و ننسى اللى فات و نبتدى صفحة جديدة
برده انا مبحبش اميل لناحية حد و لا اجور على حد و لا انصر ظالم و لا ابهدل مظلوم

و ربنا يخلينا كمان و كمان

و يجعله عامر

kalamntena

25-01-2004, 10:15 PM

علمونا فى الشرقية ان الواحد لازم يسامح بس ميبقاش عبيط
عشان خاطرك يا نبيل المرة دى سماح

walaa

25-01-2004, 10:16 PM

أوكي يا جميل ,,,,,,,, افتحي انت كمان ايميلك ....:smiley20::smiley20::smiley20:

sara

26-01-2004, 12:26 PM

معلش ياجماعه ممكن اسئل سؤال بس محدش يتريق عليا يعنى ايه مدنجى_ أوعي حد يتريقو دى حاجه حلوه ولا وحشة

Eman Samir

26-01-2004, 01:22 PM

سارة: لا تسألوا عن أشياء ان تبدى لكم تسؤكممصراوى: هى هاتقتلك ليه؟؟؟كلمانتينا: اى خناقة احنا تحت أمرك:smiley20::smiley20:ولاء: امال انا محدش بيقوللى افتحى ايميلك ليييييييه؟؟؟؟؟؟مدنجى: الطيب احسن ( انا باقول ماتسبش حقك)_ :close fri:close friنبيل: ولا بلاش كفاية كدةباقول ايه، حد يعرف دكتور نفسية و عصبية كويس؟؟؟

kalamntena

26-01-2004, 05:34 PM

ايمان هو معاهم معاهم عليهم عليهم
اكيد من عاشر الاوم 40 يوم صار دايرة

walaa

26-01-2004, 05:47 PM

بس كده ,,,, انت تأمري يا إيمان ,,, أفتحي ايميلك و أنا متأكدة انك بعد كده هتغيريه , ثم ان في وسائل تانية للاتصال (انت بتنسي و لا ايه ؟؟؟؟؟؟؟؟؟؟):smiley2::smiley2::smiley2:

مصباح

26-01-2004, 05:47 PM

- مدنجي يعني من سكان المدينة الجامعية ، و دي حاجة لاهي حلوة و لاهي وحشة في حد ذاتها .. و لكن في ما يترتب عليها !- ممكن الدكتورة " إيمان سمير " _تقول لنا إيه اللي حصل خلاها تكتب_ : "خلاص مفيش فايدة" ؟ إمتحان كوميونيتي و للا حاجة لا سمح الله ؟

nabilprofelgen

26-01-2004, 06:45 PM

اهلا بكم

برده انا مبملش

غسبن عنكم هنجلس على مائدة المندى للمفاوضات
و مدام كلمنتينا موافقة يبأ ان شاء الله مدنجى ...........
مش عارف اتأخر ليه فى رده

و انصح الباقى بمنع ضرب زنب و مقالب ، احنا برده زمايل مدلسة واحدة

و يجعله عامر

kalamntena

26-01-2004, 10:37 PM

والله انا ماليش دنب انه اتاخر
دول هما يا دوب دعوتين فى التهجد قبل الفجر
يعنى ولا اجرت تلاتة يستنوه بره المدينة ولا سلط عليه واحد بلطجى يهدده ولا حاجة ابدا
وبالنسبة للمائدة ( عندكو اكل؟!!!!)

مصراوى

27-01-2004, 01:42 AM

_ ايه الطفاسة ديطبعا ده مش ليكي يا كلمنتينا ده بس احد الردود اللي ممكن اي حد تاني غير يقولهالك اما بالنسبة لي انا فاحب اقولك<h1>بالهنا و الشفا</h1><h6 />

kalamntena

27-01-2004, 05:19 PM

الله يهنيك
تيجى منك احسن ما تيجى من غيرك يا مصراوى اصلى شايفة التريقة منتشرة اوى اليومين دول

مدنجي

28-01-2004, 09:00 AM

بعد الحوادث الكتير الى حصلتلى فى المنتدى (الخناقات يعنى)..و الى اخدت منها الحمد لله خبرة كويسة..اتعلمت حاجة..لما احس انى هدخل فى خناقة..اجرى استخبى فى النفق..و اشد سلك النت من جهاز الكمبيوتر بتاعى..(يللا خلى الحاج "والدى يعنى" يفرح .. وفاتورة التليفون تخف..)خوفا من الصدام..(و الحاج) :aiaiai:الى نتايجة دايماً مبتكونش كويسة..:smiley18::smiley18:و عملاً بالحديث:حَدَّثَنَا عَبْدُ اللَّهِ بْنُ مُحَمَّدٍ حَدَّثَنَا ابْنُ مَهْدِىٍّ حَدَّثَنَا سُفْيَانُ عَنْ أَبِى حَصِينٍ عَنْ أَبِى صَالِحٍ عَنْ أَبِى هُرَيْرَةَ عَنِ النَّبِىِّ - صلى الله عليه وسلم - قَالَ « مَنْ كَانَ يُؤْمِنُ بِاللَّهِ وَالْيَوْمِ الآخِرِ فَلاَ يُؤْذِ جَارَهُ ، وَمَنْ كَانَ يُؤْمِنُ بِاللَّهِ وَالْيَوْمِ الآخِرِ فَلْيُكْرِمْ ضَيْفَهُ ، وَمَنْ كَانَ يُؤْمِنُ بِاللَّهِ وَالْيَوْمِ الآخِرِ فَلْيَقُلْ خَيْرًا أَوْ لِيَصْمُتْ » .بس انا مش عارف ايه الى خلانى اطلع راسى ابص من النفق لا واتكلم كمان..مش مشكلة..اود ان يكون كلامى دا خير..و ياريت برده لو حد زعلان منى ميزعلش..سلام..انا نازل النفق..:black:..دى..

kalamntena

28-01-2004, 10:19 AM

مفيش حاجة تانية تتقال
سلام

مدنجي

29-01-2004, 08:19 AM

لا فيه..وهو انك متعمليش من الحبة قبة..و ياريت تاخدى كلامى على انى حسن النية..يعنى وانتى بتقرى كلامى او كلام اى حد تتخيليه وهو بيقوله وهو مبتسم مش مكشر..انا متأكد انك قريتى ردى الأخير دا وانتى شايفة واحد شرير مكشر..و انا بصراحة حاولت اتخيل وجه مبتسم فى ردك الأخير معرفتش..لكنى اجبرت نفسى على تخيل ذلك..انا عارف دا عيب الكلام المكتوب بعكس الكلام المنطوق او التحدث المباشر وجها لوجة و احنا مش ادباء عشان نقدر نخلى الكلام المكتوب زى الكلام المباشر لكن احنا بنحاول..مش عارف انتو كبرتو الموضوع ليه؟؟الأخ نبيل بصراحة عنده حق ان فيه مواضيع بتأخد اكتر من حقها..يعنى الموضوع دا مثلاً اخذ شكل الخناقة وهو مش خناقة..و انا مصر على عدم تحويلة لخناقة..بل بالعكس احنا ممكن نستغل الموضوع دا و نحوله لرسالة سلام لكل الاعضاء..و نقول فيها ان كل واحد فينا يقرا رد زميله العضو وهو متخيل امامه وجه مبتسم مش وجه مكشر..مش عاوزين نبقى زى الاخوه العرب عاوزينهم هما يبقو زينا..سلام....دى..

kalamntena

29-01-2004, 11:52 PM

معدور مانت متعرفنيش انا ما بزعلش _ بس اوعى تسوق فيها _ "هزار"
انا بس باتخض
ولما بتخض باتوتر
ولما باتوتر ما بجمعش
ولما مبجمعش بالبخ
ولما بالبخ بتزعلو
و لما بتزعلوا باتخض تانى ..
ايه بقى اللى يخض :
1- لما تبقى قاعد فى امان الله لا بيك ولا عليك وتلاقى واحد لابس عفريتة سودة نازل عليك بالباراشوت
2- لما تكون بتحاول تتكلم وتلاقى الناس بيحدفو عليك بيض وقوطة وكرنب
3- لما يبقى قصدك حاجة و تلاقى الناس فاهمين حاجة تانية خالص
4- لما تكون جعان و الناس عمالين يقولوا المائدة المائدة وبعد ما تحط عشم عليهم تكتشف ان العيد قرب و الناس سافروا يعيدوا فى بلادهم
5- لما النور يقطع وانت قاعد تتفرج على فيلم "لقاء ام سحلول وابو رجل مسلوخة " لوحدك بالليل
6- لما تقول للقطة بس وتلاقيها بترد عليك بس انت
وحاجات تانية كتير
اما اللى يزعل :
1-المرض
2- انعدام الثقة
3- نشرة الاخبار
وحاجات تانية كتير
فيه فرق بين الزعل و عدم التوقع ورد الفعل لكل منهما مختلف تماما
ولو قعدت تاخد كل حاجة تحصل على اعصابك ..
هتبقى مسلوع و معصعص وهتلبس نضارة قعر كباية كفيلة بانها ما تدخلكش الجيش كما ستصاب بالانيميا والناس هيتهموا اسرتك خصوصا اخوك اللى فى كلية ادبية انه بياكل اكلك
يعنى من الاخر هتبقى زيي
وكفاية كده لحسن انا متوترة وابتديت البخ
مفيش حاجة تانية تتقال
سلام

مدنجي

30-01-2004, 01:46 AM

لا يا ستى متتخضيش..لأنالى لابس عفريتة سودا ونازل بالباراشوت مش دايماً عفريت.لما تكونى بتكلمى و تلاقى الناس بيحدفو عليكى حاجة مش لازم الحاجة دى تكون بيض و طماطم وكرنب.و هكذا و هكذا...ممكن يكون دا خيال ناتج عن عدم وضوح الرؤية..و كمان ياستى البيض والطماطم والكرنب بقو بالشىء الفلانى حد طايل دا رزق..و ربنا يرزق....دى..

مصراوى

30-01-2004, 02:10 AM

ربنا يرزقك بعربية خضار الناس تحدفها عليك طالما انك شايف ان ده رزقماحدش بلغ التموين ليه

kalamntena

30-01-2004, 11:45 AM

كل سنة وانتو طيبين والعيد جاى خلى موضوع مباحث التموين ده بعد العيد

مصراوى

01-02-2004, 12:20 AM

خلاص على المرة دى كل سنة وانتوا طيبين

winner

25-12-2007, 12:00 AM

..
برضه ابلة كلمنتينا ايام الصبا ..

kalamntena

25-12-2007, 07:08 PM

ولو انى مكنتش ناوية ارد عليك لحد ماتبطل ابله دي
انما الموضوع ده ليه ذكريات
هيييييييييييييييييييييييه ايام
:icon_mrgr

ekm86

26-12-2007, 03:30 AM

أنا اللي عاجبني في الموضوع إني عرفت يعني إيه كلمة action potential اللي تحت الـuser name بتاعك

:icon_mrgr

kalamntena

26-12-2007, 06:13 PM

بس ؟؟؟

:smiley24.

طب كنت اسأل وانا كنت هاقول
مش اسرار حربية يعنى
:icon_mrgr

ابن الحصري

03-01-2008, 03:20 PM

بمناسبة اكشن بوتينشيال دي

كان فيه واحدة دفعتنا -ربنا يمسيها بالخير بقى-
كانت أكشن بوتينسيال بجد

اللي يقول لها "سلام عليكم" تتخض

لدرجة انها بتحكي مرة انها كانت بتشغل الكاسيت (بنفسها)
الشريط كان صوته عالي شوية

اتخضت

ربنا يمسيها بالخير بقى....

اتجوزت من غير ما تعزمني:smiley7.::smiley7.::smiley7.::smiley7.::smi ley7.::smiley7.:

Nettawy

03-01-2008, 04:56 PM

اتجوزت من غير ما تعزمني:smiley7.::smiley7.::smiley7.::smiley7.::
تلاقيها خافت تتخض :)

ekm86

04-01-2008, 12:09 AM

اللي يقول لها "سلام عليكم" تتخض

لدرجة انها بتحكي مرة انها كانت بتشغل الكاسيت (بنفسها)
الشريط كان صوته عالي شوية

اتخضت

:smiley1:
دي بتتلكك بقى

kalamntena

03-04-2008, 10:05 PM

طيب مع مرور الوقت
طلعت عليا شوية القاب نحب نطرحها

كوكو
افتكر اول واحدة قالتهالي كانت ايمان سمير من زماااااااااااااااااااااااااااان و بعد كده الناس كلها
يكونش كلمنتينا صعب وللا حاجة؟
غريبة اومال ميكا تاكا رن شيتوكا يبقى ايه؟

جوجو
والوحديدة اللى كانت بتقولها القصر عينية الله يمسيها بالخير

ابله
استاذنا الدكتور وينر

الكبيرة
والحقيقة بتفكرني بوالدة كتكوت ابو الليل
"الله ياخدك يا كبيرة "
استاذنا الدكتور ار بي جي كورتيز

و كوكي
سنيكرز
النهاردة بس
:icon_mrgr

و عندك احلى كلمنتيكا من فراشة الطب وصلحه

ekm86

03-04-2008, 10:29 PM

بصراحة كلمنتيكا ده أجمد واحد
:smiley20:

tabeb

03-04-2008, 11:03 PM

kalamntena

03-04-2008, 11:11 PM

فيه لقب تانى :mad:
فيه لقب تانى :smiley6:
اممممممممم
مش عارفة
:smiley24.

tabeb

04-04-2008, 12:02 PM

الاسم اللي ما بتحبهوش
:akh:

kalamntena

04-04-2008, 01:04 PM

اممممممممم
انسه ومودمازيل؟؟؟؟
:smiley13:
مش القاب خاصة بكلمنتينا يعنى

:smiley24.