دكريات

[kalamntena]

النهاردة هو اليوم ال145 من ايام الدراسة وهو بالنسبة لى يوم غير عادى _لا يا فقيق حماتىماماتتش_ المهم هو يوم غير عادىمش ليا لوحدى انما لكل عيال الشلة حيث حدثت المعجزة واتفك النحس_يا بنى لا مش هتجوز _ المهم اتفك النحس و دخلت المدرج لاول ملرة فى حياتى مع انى بالفرقة التالتة

المهم اول محاضرة b ioلاحظ انى فى تالتة وتالتة مفيهاش bio المهم _ لاحظ عدد الاشياء المهمة _
المهم قعدت جنب واحدة صاحبتى اسمها بسطاويسى وبيدلعوها فتكات وطبعا مركزناش ومفهمناش و ده الطبيعى لان الدكتور شبه ظريفة فى فيلم brave heart و طبعا لجانا للاسلوب العتيد
الورقة والقلم وكان الحوار التالى
_تعرفى
_هه؟
_تعرفى ان الشخص الطيب الهادى بيحب يشوف مناظر الرعب ؟
_ ومين بقى الطيب الهادى ده ؟ انت ؟
_لا انا مناظر الرعب
_بقولك
_ايه؟
_معاكى طوبة ؟
_ليه؟
_ وده سؤال؟ الراجل ده وجعلى دماغى
شوية والعيال صفرت وسقفت وهللت ساعتها صحونى وقالولى المحاضرة خلصت
المحاضرة التانية anatomy _ ايوه يا خويا تشريح ال يعنى عارف كل حاجة _ دكتور عبد الحفيظ كان بيشرح ال anterior abdominal wall كانت محاضرة 10/10 اصل الكتور كان 100_ 100 فهمنا منه كويس لانه كان بيخرج عن الموضوع عشان ماننمش مثلا
حد شاف ماتش امبارح ؟ _ ايوه يا دكتور _ العيال كلها فى نفس واحد
ولان الدكتور يؤمن بالمناقشة قام الجدل حول احتمال فوز المنتخب ادا كان الكوتشى باتا ثم حبة تفاريح كنا بنقول ان الA.A.W بتتكون من FASCIA ,,SKIN…… نعود لموضوعنا كنا بنقول ان لو كانت الملوخية تبقى صلصة للمكرونة اكيد هتكون احسن من مسقعة الكوسة
المحاضرة التالتة كانت فسيولوجى وكانت كالاتى بالظبط
لما كانت دى normal فان ده لازم يكون normal برضه وعشان كده ده هوه كمان لازم يكون normal ولازم يخلى دى تساوى ده و من ناحية تانية دولا مش لازم يساوو دولا لكن اللى هناك دولا بقى لازم مجموعهم يساوى البتاع اللى هناك دهوه و نستانف المحاضرة الجاية ان شاء الله و طبعا فهمت نظرية التتنيح للدكتور العظيم ناسك ربنا يمسيه بالخير
مرحلة اولى تتنيح : خلال النصف ساعة الاولى نلاحظ على وجه المرضى عفوا الطلاب علامات الفهم التام ؛ عينان مفتوحتان ، دهن حاضر مع تدوين ملاحظات
مرحلة تانية تتنيح : خلال النصف ساعة التانية تزداد الاعين اتساعا مع زيادة تدوين الملاحظات
مرحلة تالتة تتنيح: خلال الساعة التانية تزداد الاعين اتساعا مع مراقبة دقيقة للدكتور _ يعنى منين ما يروح هما وراه _
مرحلة رابعة تتنيح: لا شعوريا تزداد الاعين اتساعا مع ظهور احمرار و يتدلى الفك السفلى لا اراديا
مرحلة خامسة تتنيح: الاعين حمراء .. اللسان خارج الفم .. مع اشياء لامعة تبرز من الانف _ انتو دكاترة _
مرحلة سادسة تتنيح: بالاضافة الى اعراض المرحلة الخامسة تسمع اصوات على غرار هااااااوم …… نياااااا وطبعا بعد اليوم الطويل ده نطيت على المرحلة السابعة علىطول خخخخخخخخخخ
_يا حراااااااام_
بقولك ايه يا واد انت
انت قرفتنى من ساعة ما بديت اكتب والله مانا سايباك
يا دكتور يا دكتور …… نهى جتلها الحالة تانى
محدش له دعوة بيا انا د. زعبلة استاد امراض الدم عند اللى معندهمش دم يا جهلة
اوعى ياله ..يا
مستشفى كله يطلع فى الغسيل للامراض

النفسية والعصبية  طبعا الكلام ده كله كدب لانى ما بفوتش محاضرة _و دى كمان كدب _

[nabilprofelgen]

اهلا بكم

wow
the clinical picure of lecture toxicity



منتظرين ال management

و يجعله عامر

[walaa]

<p>اده ,,,,,,,,, هي الحاجات دي بتحصل من ايامكم ؟؟؟؟؟؟ دا انا افتكرت دفعتنا بس اللي بيحصل فيها الكلام ده!!!!!!!!!!!!!!!!!!!!!!</p><p>:smiley19::smiley19::smiley19:</p><p>:smiley19::smiley19::smiley19:</p><p>:smiley19::smiley19::smiley19:</p>

[Eman Samir]

<p align="right">هى دى سمات المحاضرة العصرية</p><p align="right">بيتهيئلى حكاية التتنيح دى اتقالتلى قبل كده...بس مش فاكرة فى انه محاضرة فيهم، اصلهم كلهم كده:smiley29:</p><p align="right">يله كله له اخر</p><p align="right">باقول ايه، حد يعرف دكتور نفسية و عصبية كويس؟؟؟؟؟؟؟</p>

[مصراوى]

<p>كل محاضرة و انتوا طيبين </p><p>اما بالنسبة ليكي يا اخت ايمان طلبك عندي ان شاء الله</p><p>بس الديني مهلة و حرد عليكي ن شاء الله</p>

[kalamntena]

اسهلها عليكى يا ايمان
محاضرة فسيولوجى لدكتور اول حرف من اسمه ع وليه اخ تانى دكتور جراحة اول حرف من اسمه ع برضه يبقى مين

[walaa]

<p>:smiley13::smiley13::smiley13::smiley13::smiley13:</p><p>:smiley13::smiley13::smiley13::smiley13::smiley13:</p><p>:smiley13::smiley13::smiley13::smiley13::smiley13:</p><p>في حد من دكاترة الفسيولوجي ينفع للمهمة دي ؟؟؟؟؟؟؟؟</p><p>انا اللي اعرفه ان كلهم بيعملوا العكس !!!!!!!!!</p><p>:smiley19::smiley19::smiley19:</p>

[kalamntena]

فيه بس شكلك كده يا جميل مابتحضرش
و مفيش حاجة تانية تتقال
سلام

[nabilprofelgen]

اهلا بكم
طيب ممكن اقول عروستى لحسن باين الحل صعب

و يجعله عامر

[walaa]

<p>و الله انا بحضر لكن كل الدكاترة اللي اسمهم بيبدأ بحرف العين ,, شفت على ايديهم حاجات ليها العجب و انتوا أدري ........</p><p>:yadmaghy::yadmaghy::yadmaghy:</p><p>_</p><p>_</p><p>_</p><p>_</p><p>_</p><p>و الحدق يفهم على رأي مصراوي .....</p><p>:smiley2::smiley2::smiley2:</p>

[kalamntena]

طب راجعوا كده نظرية التتنيح و ناسك ده ما بيفكركوش بحد

[walaa]

<p>أنا فقدت الذاكرة ............</p><p>:smiley18::smiley18::smiley18:</p>

[kalamntena]

اسم من 4 حروف النص التانى بمعنى يد

[walaa]

<p>أنا كده عرفته ,,,, (عا...) تمام كده .......</p><p>بس برضه أن مش فاهمة ايه علاقته بالموضوع و مين أخوه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟</p><p>:smiley23::smiley23::smiley23:</p>

[nabilprofelgen]

اهلا بكم
يكونش اخوه اللى فاتح العيادة اللى فى ش المنيل و بنشوفها من شباك مؤمن بتاع الفول و الطعمية
يااا فكرتونى باطعمية
اكونش غلطان؟؟؟

و يجعله عامر

[kalamntena]

هو تمام "عا"
وبعدين النظرية دى مكتوبة باسمه واخوه بقى "عا " برضه واخوه التالت "عا " برضه ايه رايك بقى
اما حكاية مؤمن هو انت من زباينه ولا ايه يا نبيل ؟؟
بس سيبك انت ايه رايك فى طعميته ؟
هو احسن ولا جاد؟

[nabilprofelgen]

اهلا بكم
بحب طعمية التابعى و باضرب بعدها 2 رز بلبن
حلو موت
خلاص مش هقول عروستى المرة دى
و يجعله عامر

[kalamntena]

بالهنا والشفا

[مصراوى]

الله يهنيك

[Alasmar]

<p>انا &quot;عا&quot; ر&quot;ف&quot; انتو بتكلمو عن مين</p><p>و على رأى نبيل:</p><p>و يجعله &quot;عا&quot;مر...</p>

[kalamntena]

كلو يستخبى احنا متراقبين

[nabilprofelgen]

اهلا بكم
مكنتش فاكر انكم كده
انتوا مش متراقبين و لا حاجة
و بعدين احنا سماتنا الشفافية
الشفافية
الشفافية
الشفافية

و يجعله عامر

[kalamntena]

شفافية ؟!!!!!
يعنى اييييييييييييه ؟!!!!!!

[nabilprofelgen]

اهلا بكم
شفافية
يعنى : هل انت ما الموافقين على على حكومتى؟(قول ايوه)
ام لا قدر الله دماغك فيها حاجة تانية (هادبحك)
الشفافية بئا هى الجملة اللى بين الاقواس
و بعدين طول عمره قصدى عمر جنابه مدلع احبابه بيقول شفافية و الكل ساكت و بيقول امين
اشمعنى لما قلتها
عايزين تودونا فى داهية و لا ايه
مش كده ... و لا ايه؟
و يجعله عامر

[مصراوى]

<p>الشفافية هي الوجه الآخر للديموقراطية</p><p>وتعريف الديموقراطية هي ان المسؤلون يسيبوك تختار الطريقة_ اللي انت_عايزها علشان تنفذ اللي هما عايزينه</p><p>ربنا يستر</p>

[kalamntena]

بالمناسبه هو انا بعت القاموس العربى السياسي ولا لسه ؟
فكرونى لحسن انا ناسيه عشان ما ابعتهوش مرتين

[dina_ha]

حد عدى اولى و تانية و مايعرفش الحل وهو من الدكاترة النادرين على مدار ست سنوات عذاب الي تسيب اى حاجة عشان تحضر محاضرته اللي لو امتدت 6 ساعات حتى مستحيل تصابوا باعراض التتنيح...تحية طيبة لاستاذنا الجليل.......على فكرة اخوه مدرس جراحة في وحدة أ.د.علاء غيتة

[kalamntena]

جايز بس اللى انا اعرفه انه فى ماجد برسوم ومكنش بيجى الا ادا كان الدكتور لخبط و هو بيقول انه فى ماجد برسوم