العيد جانا

[kalamntena]

كل سنة وانتو طيبين وفى العيد معيدين ومع الخروف لاعبين و اللحمة واكلين واصحابكو مش ناسين يقولولكو
كل سنة وانتو طيبين:smiley17: :union:

[kalamntena]

هاى يا شقيق hi brother :icon_mrgr
كل سنه وانتم طيبين بمناسبه ال…… ال…. :what happ
مش مهم …المهم انه ما فيش حاجه مهمه
وكل سنه وانتم طيبين
وتعالوا زورونا
باى باى
(اتبرع ولو بجنيه)
حلبسه مجانص
محسن حمامه
:smiley17:

[walaa]

<p>و لو اني كالعادة مش فاهمة حاجة ,,,, لكن :</p><p><font size="5">كل سنة وانتم طيبين ....</font></p><p>:smiley31::smiley31::smiley31:</p>

[Eman Samir]

<p align="right">كل سنة و انتو كلكم طيبين</p><p align="right">بس ابقوا_افتكرونا بطبق فتة و حتة لحمة:smiley20::smiley20:</p>

[kalamntena]

لولو : انت ماقرتيش اقرا الفيلم ولا ايه ؟ على العموم الجزء التانى نازل قريب
ميمى : ( انا بس اللى اقول كده كلاميت تانى مرة )
احنا شراقوة يعنى الكرم كله
يعنى المجدعة
يعنى الاخوة
بمناسبة الاخوة مش واجب تعزمينا :smiley2:
لا بجد دا عنيا ليكو مش بس طبق فتة لا دى صنية رقاق بحالها
ياللا بقى ماهو عيد
ويا رب يكون كله فرح وسعادة

[مدنجي]

كل سنة وكلكو طيبين
بمناسبة عيد الاضحى طبعاً..
الى له عندى مكانه خاصة جداً..
فما ان يأتى صباح هذا اليوم بالاضحية حتى ارتدى زى الكاوبوى..
استعدادا للذبح..
و الاكل..
و ربنا يستر ومكوليش نطحة ولا رفصة ..
ولا الدنيا تمطر علينا..
ما احلاها ايام وما احلاها ذكريات..
و ان شاء الله كلنا قريباً على عرفات..(جبل عرفات)
دى..

[nabilprofelgen]

اهلا بكم
انا رجعت من رحلتى
و بقول
كل سنة و انتوا طيبين
و يامدنجى حاسب من القرون و خد لك ساتر

و يجعله عامر

[kalamntena]

وانت طيب يا نبيل
وبعدين هو انت لوحدك يا مدنجى
مانا امبارح من صباحية ربنا محتاسة فى التقطيع و التوزيع
بس تصدق بايه؟
قول لا اله الا الله
امبارح ماكلناش لحمة خالص
اما المطرة مطرت عندنا فى الشرقية شفت الخير
كل عيد وانتو طيبين

[walaa]

<p>طب مافيش حتة لحمة ,,,, أمال شراقوة ازاي ؟؟؟؟؟؟؟؟؟؟؟؟؟؟؟؟؟؟؟؟؟؟</p><p>:smiley2::smiley2::smiley2:</p>

[nabilprofelgen]

اهلا بكم
avoid the medal
و يجعله عامر

[kalamntena]

اول ما تحبى تزورينا ابقى قوليلى وانا اجى اخدك من تحت البيت
واعملك رقاق كمان ياللا بقى هيصى
نبيل مش فاهمة

[nabilprofelgen]

اهلا بكم
مبلاش سيرة الاكل اللى على الريق دى
زيادة ال HCL هتجيبلى قرحة
كلمنتينا : عشان تفهمى
ابحثى عن فيديو كليب به بقرة

و يجعله عامر

[walaa]

<p>:smiley13::smiley13::smiley13::smiley13::smiley13:</p><p>:smiley13::smiley13::smiley13::smiley13::smiley13:</p>

[مصباح]

كل سنة و انتم طيبين .. و لو انها متأخرة شوية .. أصلي يا دوب_لسة راجع دلوقتي_ .

[kalamntena]

حمدا لله على السلامة
فيديو كليب فيه بقرة؟
اه مش ده بتاع جدو على عنده حمار طيب خالص مش مكار بس دى كانت جموسة مش بقرة يا نبيل وبرضه مش فاهمة معلش مبلقطتش بسرعة

[nabilprofelgen]

اهلا بكم
لا مش الكليب دا
و بعدين دى بقرة مش جاموسة
و يجعله عامر

[walaa]

<p>مش هنختلف ,,, بقرة , جموسة , حمار_ الجزارين بقوا بيستخدموا كل حاجة دلوقتي !!!!!!!!!!</p><p>:yadmaghy::yadmaghy::yadmaghy:</p><p>كلمنتينا ,,, أنا مستنياك تيجي تاخديني بس يارب ماتكونيش كلتي اللحمة كلها .........</p><p>:smiley2::smiley2::smiley2:</p>

[kalamntena]

انا تحت امرك يا لولو بس اخلص على الاطفال وافضالك يا جميل
بس والله يا نبيل سالت عن حكاية البقرة دى قالولى هما اتنين واحد بتاع وائل والتانى فى المترو ( بقرة بتلعب كونغو فو )
معلش اصلى بطلت اغانى فتلاقينى معرفش
قول بقى ما تحيرنيش

[nabilprofelgen]

اهلا بكم
عليكى نور
ايوه انا اقصد البقرة بتاعة مترو الانفاق

المهم لما تعزمى ولاء ابئى افتكرى مساكين المنتدى
احسن اللى بيكلوا لوحدهم بيزوروا

و يجعله عامر

[مدنجي]

<p>بتاعة مترو الانفاق ولا بتاعة الاوتوبيس..</p><p>اهى الدنيا اتملت بقر..</p><p>الواحد قال دا العيد داخل واكيد هيستخبو..</p><p>افتح التلفزيون الاقيهم زى الرز و مش خايفين..</p><p>و بعد العيد نقول دول اندبحو..</p><p>افتح برده التلفزيون الاقيهم لسا موجودين..</p><p>بل بالعكس دول بيكترو اليومين دول..</p><p>حاجة غريبة..</p><p>واضح ان مافيش جزارين..:smiley15:</p><p>_و بالهنا والشفا..</p><p /><p>مش كدا ولا ايه؟؟</p><p>.</p><p>.</p><p>دى..</p>

[walaa]

<p>انت مش محتاج تفتح التلفزيون علشان تشفهم ..........</p><p>:smiley19::smiley19::smiley19:</p>

[kalamntena]

خلاص انا ان شاء الله هخلص الاطفال من هنا وهاخد بطانية وانزل اقعد فى محطة المترو قدام التليفزيون لحد ما اشوف البتاعة دى حكايتها ايه ويا رب افهم لحسن شكلى بقى وحش قوى فى الاوساط البقرية
اما العزومة بقى فالمفروض انها عليك مش عما تقول المائدة المائدة صومتنا على امل اننا هناكل وبعد كده روحت تعيد ونسيت ولا هيه كانت عزومة مراكبية واول ما لاقيت ان انا ومدنجى اتصالحنا قلت يا فكيك
بس ياللا خليها علينا المرة دى انا بس اخلص وشوفو انا هاعمل ايه
!!!! انا كده ادبست !!!!!
اما حكاية التليفزيون دى بقى اخر واحدة شفتها كانت البقرة الحلوب
مدنجى الحيطان ليها ودان وايدين و رجلين خلى بالك من نفسك يا بنى

[nabilprofelgen]

اهلا بكم
تؤ تؤ
هو انا لا سمح قلت مائدتى
انا فاكر ان قلت مائدة مفاوضات
دوروا بئا شوفوا مفاوضات دى ساكنة فى انه شارع
و عشان ما تلفوش كتير
دوروا فى حتة بعيدة عن امارة الواء الواء عشان الامن يفضل مسستتب
و بعدين مدام حسيتى انك ادبستى ، احسن بلاش تدوررى عشان تلحقى تجهزى العزومة و متتحجيجيش بالبحث عن المفاوضات
و بعدين احنا ممكن ندرس امكانية و جود تليفزيون فى المنتدى عشان ما تستنيش فى النفق كتير

و بعدين ممكن اقول اغنية بمناسبة العزومة :

ممكن ؟
و يجعله عامر

[walaa]

<p>عرفت تخرج منه يا نبيل ,,, بس هذا لا يمنع انك هتعزمنا برضه على رقاق و لحمة .......</p><p>:smiley2::smiley2::smiley2:</p><p />

[nabilprofelgen]

اهلا بكم
و احدة واحدة
ندرس احنا امكانية وجود التليفزيون و بعدين كلمنتينا تدرس اللحمة والرقاق براحتها

و بالهنا و الشفا
و يجعله عامر
و يجعله عامر

[kalamntena]

انا مش قلتلك يا لولو دول مايتغلبوش مصدقتنيش
قول يا سيدى اطربنا

[nabilprofelgen]

اهلا بكم
اغنية متتقالش مرة و احدة
بس انا عملتلها كليب صغير
الاول : اوريكوا الكليب
الاعضاء قاعدين على المائدة
دماغكوا ما يروحش بعيد ، عشان كلمنتينا لسه ما جابتش الاكل
و كلله عممال يفكر
مدنجى بييقول : يا مائدة زى بتاعة المدينة ، اكيد الاكل مش هيكون فى مستوى المدينة و قاعد يبص فى الطبق الفاضى اللى قدام فيرون
فيرون : ايه ياعم مدنجى ، انت بتعمل كده قبل الاكل ما ييجى ، اومال بعد الاكل هتعمل ايه ، و بدل طبقه مع طبق ولاء
ولاء بتقول: لا ياخويا رجعللى طبقى ، عشان طبقك ناقص ذرتين هوا عن طبقى
مصراوى: المرة دى موش هتقل فى الكنافة ، كفاية اللى حصل قبل كده
الاسمر: بدأ يخبط فى الطبق بالشوكة و السكينة
ايمان : خللصونى ، عندى امتحان
مصباح : ياجماعة الوقت بيمر
نبيل : صحيح الفيديو كليب كله مظبوط
الادمين : خللصونا بئا ، عندنا ويب سيت عايزين نخلصوا بعد العزومة دى
و فاجأة

ان
ان
ان
كلمنتينا داخلة و معاها صنية فتة و لحمة
و حطتهم على المائدة
و قعدت على الكرسى
مدنحى : عنك انتى انا هوزع اللحوم و هقطع الرقاق
و كلوا باهنا و الشفا

الكليب خلص

اما كلمات الاغنية فى لقاء قادم
ويجعله عامر

[nabilprofelgen]

نداء هام
كل شخصيات اللى تم زكرها بالفيديو كليب ليست مقصودة
و اذا تشابهت الاسماء فهذا من قبيل الصدفة ليس اكثر
و هذا للاخلاء طرفى من المسؤلية القانونية
حقوق الطبع محفوظة لدى مؤسسة ميدفرندس
انتهى البيان
و يجعله عامر

[nabilprofelgen]

اهلا بكم:
الاغنية :
زى ما هيا حبها............ بحلوها بملحها
بص للفتة حسها ..............زو زى ما هيا حبها
لا هتاخد ايه و لا كام و ليه(الكاميرا تتجه الى مدنجى)
دا الشعاع لو مين العين طالع(مدنجى بيبص فى طبق فيرون)
العمر حتى نضحى بيه
فى سبيل الفتة و الكوارع؟؟؟
افتتح خزايين زكراياتك شوف الصور (مصراوى بيفتكر اللى حصله من الكنافة)
و المس حتة فتة زى القمر(مدنجى بيقطع الفتة)
هتلاقى قلبك يرتعش حب و شجن(دا مدنجى عشان خد حتة زيادة)
و تقول امتى هتكرر تكرر عزومة القمر
هتاخد ايه و لا كام و ليه
دى كانت عزومة........ و المركب طالع
تقدر تاكل براحتك ..رغم العيون
فى عيون تحبك.. تحسدك رغم الفجع
هتلاقى طعم الفتة زى العسل

وعلى فكرة :
دى اغنية بحب اسمعها كل ما باجى هنا ، ما تيجى نسمعها تانى
و يجعله عامر

حقوق الطبع من حق صاحبها عشان مش عايزين مشاكل مع حد
و يجعله عامر

[kalamntena]

لا بقى استنانى لما افوق عشان اعرف ارد
ده انت طلعت حكاية ايه يابنى المواهب دى
ربنا يوفقك

روح يا شيخ ...
ربنا يكرمك

[nabilprofelgen]

<p align="right">اهلا بكم</p><p align="right">مش عارف ليه عندى احساس ان انا هتخطف مقابل فدية</p><p align="right">مش كده و لا ايه؟؟</p><p align="right">و يجعله عامر</p>

[kalamntena]

اولا ولا تتخطف ولا حاجة بجد الاغنية دى حلوة
ثانيا شوف بقى اللى حصل فى العزومة .......
قبل ما تقروا كل الاحداث والشخصيات الوارد دكرها فى العزومة من وحى الخيال واى مشابهة صدفة مقصودة بقى مش مقصودة دا موضوع تانى يعنى محدش يجي يرفع عليا قضية بعد الاكل الا هل بلغت اللهم فاشهد
العزومة
قمت من النوم فى اليوم المعهود وان بافكر هاعمل ايه فى الناس اللى جايين النهاردة دول فيهم كام واحد لو الاكل ما عجبهمش هايكلونى
وخرجت من الاوضة قابلت ماما ..
- صباح الخير
- صباح النور
- ياللا وراكى شغل كتير دول اصحابك وانا عايزة اشوف هتسدى ولا لا
- يعنى هاتتخلى عنى يا ماما ؟
- لا يا حبيبتى بس لازم تكونى قد كلمتك
- لسانى ده هاقطعه انا كنت بهزر والحكاية قلبت جد
- طيب روحى صلى و ياللا على المطبخ
- لسه بدرى الساعة 8 وهم معادهم 2
- بدرى ايه دا لسه وراكى الفتة والرقاق وكباب الحلة واللحمة المشوية والسلطات يوووه دا موال
- استعنا على الشقا بالله
ودخلت المطبخ
- ايه ده ؟؟ 12 كيلو رقاق ….لييييييييييييييييه ؟؟؟؟
8 كيلو لحمة …… حراااااااااااام
6 كيلو رز ……… اللهم لا اعتراض
ماما مين فيكو الشرقاوى انت ولا بابا؟
وبدا الشغل واتعكيت عكه يا ساده ما بيعلم بيها الا ربنا
بوتاجاز 8 عيون وفرن بشواية وميكروويف وفرن كهرباء ووابور وفرن بلدى و شواية فحم كل ده ومش نافع
ولعت فى كرسى الانتريه عشان اكمل الاكل ماهو يا كده يا ربنا يرحمنى
الساعة 11 وفى عز المعمة الباب بيخبط
-مين ؟
- انا القصرعينية
- اهلا
- ايه ده ؟ ايه اللى عمل فيكى كده ؟
- دا الوابور ماتخديش فى بالك
- انا قلت اكيد انت محتاسة قلت اجى اساعدك
- ربنا يخليكى مش عارفة من غيرك كنت هاعمل ايه
- ولاء و ايمان قالوا انهم جايين كمان شوية
- ربنا يخليكو ليا
- قوليلى بقى اعمل ايه
- هتلاقى جنب الدولاب 3 كيلو ثوم يا ريت تقشريهم عشان الفته
- 3 كيلو ؟؟؟؟؟؟؟؟….....
- ماما ازازة كولونيا
المهم الساعة 1 ½ كنت خلصت وخلصت
الساعة 2 بالتمام الباب بيخبط
دخل ادمين وفى ايده كيس
- ايه ده ما كنش فيه لزوم للتعب ده
- دى حاجة بسيطة جمعنا وجبناها بس الحقيقة جعنا فكلنا منها
وافاجا يا سادة بنص كيلو قشر موز
- اتفضلوا اهلا وسهلا … لا يا مدنجى اتفضل هنا
- مش دى اوضة السفرة
- ايوه بس احنا لسه ماحطناش الاكل
دخلت القصر عينية وولاء وايمان شايليين الصوانى
- ازيكو يا جماعة
- الحمد لله … يا سلام ايه الريحة الحلوة دى تسلم ايديكو
- طب مش لما تدوقوا الاول ؟
- اكيد هيطلع حلو
وما ان وضعت الاطباق والصوانى على المائدة ( واخدلى بالك يا نبيل )
مصراوى : انتو كده هتبوظوا النظام اللى كنت عامله انا مكنتش عايز اكل كتير
القصرعينية : بالهنا والشفا
مدنجى:سيبولى انا بقى حكاية التقطيع و التوزيع دى
نبيل : والله انا خايف من الموضوع ده
مصباح : سموا الاول
وبدانا ناكل
كلمنتينا: ايه يا اسمر انت مابتاكلش ليه الاكل مش عاجبك ولا ايه ؟
الاسمر: لاو الله دا طعمه حلو قوى بس انا بافكر فى السايت الجديد اللى بنعمله انا والادمين
ايمان : وده وقته بالدمة دا كلام ؟
ولاء : ايه ده يا ادمين سيب اللاب توب ده وكل
ادمين : معلش اصلى مشغول شويه
مصباح : صحيح مش وقته
وفجاة وبدون مقدمات
ولاء: بتاعتييييييييي
و نبيل ناطط من على الكرسى و في ايده حتة لحمة كبيرة ومدنجى وراه : انت هاتكلها لوحدك هات حته
وهاتك يا لف فى الشقة نبيل يجري ومدنجى وراه
مصباح : يا جماعة مش كده الاكل كتير
القصرعينية : يا جماعة صلوا على النبى
ايمان : متزعليش يا ولاء خلاص بقى بلاش عياط
كلمنتينا : مصراوى اطلع من تحت الترابيزة ..
مصراوى : همخشف هم خف شف
الاسمر : بتقول ايه ابلع اللى فى بقك الاول
مصراوى : انا ماليش دعوه اصلى مجربهم قبل كده
ادمين : ايه الدوشة دى مش عارف اركز
مدنجى : بقولك هات حته .. هات حته احسن لك
نبيل : ابقى قاب .. همهم ..لنى اسمر القف
الاسمر : القف ايه يا عم ما تقوم يا ادمين تشوف الناس دى و سيبك من اللى فى ايدك ده
وطبعا الاسمر ما لقفش والحمة جت فى راس ولاء عدل
مصباح : لا مش كده
ولاء : هيه كده ؟ طيب
وراحت ماسكة صينية رقاق وحدفاها على مدنجى بس للاسف جت فى الادمين اللى ركن اللاب توب على جنب وقام ورا مدنجى و نبيل
كلمنتينا : يا بنى اطلع من تحت الترابيزة شوف لك صرفة
الاسمر : ما تحاوليش
ايمان : يا للا كل واحد يلعب عند بيته هنرش ميه
القصرعينية : يا جماعة الشقة اتبهدلت
مفيش فايدة
نطيت فوق الترابيزة بااااااااااااااااااااس كفااااااااااااااية حرام عليكو اعصابى باظت
مصباح : لا حول ولا قوة الا بالله كده جننتوا البنت
ولاء: خلاص يا كلمنتينا انزلى وحقك عليا انا
القصرعينية : ممكن كل واحد يقعد فى مكانه
شويه وطلع مصراوى من تحت الترابيزة : هو فيه ايه ؟
الاسمر : شششش اسكت دلوقتى
ادمين : اتفضل انت وهو اتاسفوا
مدنجى : لا مؤاخده
نبيل : حقكوا علينا

واستتب الامن وجلسنا ناكل مرة اخرى بس …..
مدنجى كان بيبص فى طبق الادمين اللى مشغول باللاب توب

[القصرعينية]

<p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="mso-bidi-language: AR-EG"><font face="Times New Roman"><font size="4">وجايباني بدري عشان أقشر الثوم –الحمد لله ما كانش البصل- طب أعمل إيه بقه؟!! الكل دلوقت بيندهلي: تعالي يا تومية، روحي يا تومية.. والأسنس اللي إنت جبتيه ده بهدل الدنيا وبقع الهدوم، يعني مش تومية وبس لأ ومبقعة كمان.. يللا ما علينا..<p /></font></font></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="mso-bidi-language: AR-EG"><font face="Times New Roman"><font size="4">بس ياريت يا جماعة كل واحد يجود باللي يقدر عليه عشان نساعد المسكينة اللي بهدلنلها الشقة، عن نفسي حشيل قشر الثوم، وأظن كده عداني العيب وأزح.. ولا ايه يا كلمنتينا..<p /></font></font></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="mso-bidi-language: AR-EG"><font face="Times New Roman"><font size="4">سيبك إنت أحلى حاجة بجد كانت الصلصة ..قوليلي ليييييييييييييه؟<p /></font></font></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="mso-bidi-language: AR-EG"><font face="Times New Roman"><font size="4">_<p /></font></font></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="mso-bidi-language: AR-EG"><font face="Times New Roman"><font size="4">لأ..لأ.. عيب لسه معرفتيش؟!!<p /></font></font></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="mso-bidi-language: AR-EG"><font face="Times New Roman"><font size="4">_<p /></font></font></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="mso-bidi-language: AR-EG"><font face="Times New Roman"><font size="4">_<p /></font></font></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="mso-bidi-language: AR-EG"><font face="Times New Roman"><font size="4">عشان التوم طبعا<p /></font></font></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="mso-bidi-language: AR-EG"><font face="Times New Roman">_<p /></font></span></p>

[مصراوى]

<p>هو في ايه يا جماعة</p><p>كل ده حصل وانا تحت الترابيزة</p><p>اعمل ايه طعم الصلصة كان يجنن ده طبعا نفسك في الأكل يا قصر تومية قصدي يا قصر عينية</p><p>انا لي استفسارين صغيرين</p><p>اولا:العزومة الحلوة دي و اللمة الجميلة دى حتتكرر تاني امتى</p><p>ثانيا:انت وديتي قشر الموز فين معلهش احنا محتاجينه لزوم المقالب</p><p>_<font face="Tahoma" size="2">:smiley2::smiley2::smiley2:</font></p><p><font face="Tahoma" size="2">وكلك نظر يا هندسة</font></p><p><font face="Tahoma" size="2">ع العموم سفرة دايمة ان شاء الله</font></p><p />

[major]

مش عارف ليه حسيت بالجوع بعد ما قرأت الموضوع ده

[major]

بس انت نسيتى الحلويات يا كلمنتينا
وعشان كده أنا جبتلكو الصورة دى
تشكيلة حلويات من صنع ايدى
http://a764.g.akamai.net/f/764/1052/1h/www.1800flowers.com/800f_assets/images/flowers/images/shop/catalog/3849z.jpg

http://a764.g.akamai.net/f/764/1052/1h/www.1800flowers.com/800f_assets/images/flowers/images/shop/catalog/5832z.jpg

بصراحة ,أنا كنت هكسر الشاشة لما شفت الصورة
الحمد لله إن احنا مش فى رمضان

[major]

<img src="http://a764.g.akamai.net/f/764/1052/1h/www.1800flowers.com/800f_assets/images/flowers/images/shop/catalog/5349z.jpg" border="0" />
<img src="http://a764.g.akamai.net/f/764/1052/1h/www.1800flowers.com/800f_assets/images/flowers/images/shop/catalog/5832z.jpg" border="0" />

[major]

<img src="http://a764.g.akamai.net/f/764/1052/1h/www.1800flowers.com/800f_assets/images/flowers/images/shop/catalog/3849z.jpg" border="0" />

[فيرون]

<p align="right">هيا الباسورد كانت إيه ...</p><p align="right">حد شافني وانا باكتبها ؟؟؟</p><p align="right">بيقولوا كلمنتينا بتكتب بدل فيرون ..</p><p align="right" />

[kalamntena]

هنهزر بقى يا قصر عينية يا جماعة دى شافت الثوم من هنا واغمى عليها من هنا تقولوش شافت سحلية وقعدنا نفوق فيهابعد كده ولو مش مصدقنى اسالوا لولو وميمي
اما مصراوى دا يا بنى كان شربات توت مش صلصة
هو انت كنت معانا دا انا يا جماعة بعد ما مشيتوا لقيت تحت الترابيزة صنيتن رقاق و 3 فتة وحلة كباب حلة ياللا بالهنا مدام الاكل عجبك
ميجور انا دلوقتى باكتب عميانى لانى خلاص كسرت الشاشة انت عرفت منين انى بمووووووووووووووووووووت فى الشوكلاتة البيضاء
يااااااااااااااااااااااااه فيرون حمدا لله على السلامة مجتش العزومة امبارح ليه كنا مستنينك بس باس وورد ايه ؟؟

[nabilprofelgen]

<p>اهلا بكم</p><p>و لسه مخلص امتحان الاطفال </p><p>و خدت اجازة لمدة 48 ساعة</p><p>و فضيت لكم</p><p>انا قاعد فى غرفة الاختراعات </p><p>و افحصها تانى</p><p>لحسن سمعت ان فى جهة ما زرعت كاميرات فيديوا عندنا</p><p>عموما ايه رأيكم فى 1 قرص Diazepam</p><p>مهدى الاطفال و الكبار و لا يستخدم فى peptic ulcer</p><p>و يجعله عامر</p>

[مصراوى]

<p>والله زمان يا محسن</p><p>قصدي يا نبيل</p><p>ع العموم انا متاكد انها كانت صلصة مش شربات توت ولا حاجة يا كلمنتينا...و ما زلت اتسال</p><p>راح فين قشر الموز؟؟؟</p><p><font face="Tahoma" size="2">:smiley14::smiley14::smiley14:</font></p>

[nabilprofelgen]

اهلا بكم
قشر موز ايه اللى يتسئل عليه
ركز فى القرص

و يجعله عامر

[walaa]

<p>بقى دي أخرتها بعد ما وقفت معاك طول اليوم أضرب في بيتك ,,,, مش مشكلة_ لأن المشكلة الحقيقية انه كان في 8 صواني رقاق و انا اللي مدخلاهم الفرن بنفسي ,, مصراوي كل 3 و احنا كلنا 2 يعني باقي 3 راحوا فين ؟؟؟؟؟؟؟؟؟؟ياريت اللي خادهم يقول احنا برضه صحاب و عيب كده .....</p><p><a href="javascript:smilie(':smiley7.:')"><img alt="smiley7." src="http://www.kasralainy.edu.eg/english/students/forum/images/smilies/smiley7.gif" border="0" /></a><a href="javascript:smilie(':smiley7.:')"><img alt="smiley7." src="http://www.kasralainy.edu.eg/english/students/forum/images/smilies/smiley7.gif" border="0" /></a><a href="javascript:smilie(':smiley7.:')"><img alt="smiley7." src="http://www.kasralainy.edu.eg/english/students/forum/images/smilies/smiley7.gif" border="0" /></a></p><p />

[nabilprofelgen]

اهلا بكم
احنا معشر الرجال تم استغفالنا فى العزومة دى
دول كانوا 12 كيلو رقاق
و انا لدى معلومات تفيد ان الصنية الواحدة متخدش اكتر كم نص كيلو
و بتقوللى 8 صوانى بس
كده انا شامم ريحة.............
المفروض يكونوا 24 صنية
هنجامل فى 4
يعنى على الاقل يتبقى 20 صنية
و اللى اتحط على السفرة كانوا 8 بس
يعنى ناقص 12
انتوا كنتوا فى المطبخ بتعملوا ايه بالظبط
ممممممم
عشان كده هانت عليكى صنية الرقاق اللى حدفتيها
قال ايه مدخلاهم الفرن بنفسى
و فى الاخر بتكلموا عن 3 صوانى
و يجعله عامر

[kalamntena]

يا نبيل صينية عن صينية تفرق
معلش يا لولو طب انا اعمل ايه دا انا لحد دلوقتى معكوكة فى الشقة بس لو اعرف السلطة لزقت فى السقف ازاى
مصراوى يعنى مش كفاية اكلت الموز كمان عايز قشره

[القصرعينية]

<p class="MsoNormal" dir="rtl" style="MARGIN: 0cm 0cm 0pt"><span dir="ltr" style="FONT-SIZE: 14pt"><span lang="AR-EG" style="FONT-SIZE: 14pt; mso-bidi-language: AR-EG"><font face="Times New Roman">كمان مش عاجباكي الصلصة وبتقولي عليها شربات توت..مبلاش بقه لحسن أقول للناس دي بقيت الصواني راحت فين؟!!<p /></font></span></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="FONT-SIZE: 14pt; mso-bidi-language: AR-EG"><font face="Times New Roman">طب بالذمة يالولو وميمي أنا أغمن عليا م التوم ولا أسنس شادية –على رأي أحمد زكي في فيلم أربعة في مهمة رسمية-..<p /></font></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="FONT-SIZE: 14pt; mso-bidi-language: AR-EG"><font face="Times New Roman">بالنسبة لميعاد العزومة الجاية يا مصراوي طبعا السنة القادمة في نفس المكان والزمان –منقدرش نقطعلك عادة ياكلمنتينا-..<p /></font></span></p><p class="MsoNormal" dir="rtl" style="MARGIN: 0cm 0cm 0pt"><span lang="AR-EG" style="FONT-SIZE: 14pt; mso-bidi-language: AR-EG"><font face="Times New Roman">وكل عزومة وإنتوا بخير<p /></font></span></p><p />

[walaa]

<p>السلطة لزقت في السقف ؟؟؟؟؟؟؟</p><p>طب خلي بالك ,,, أنا كنت مخبية طبق لحمة في النجفة ,, اوعي يكون حد خده .....</p><p><a href="javascript:smilie(':smiley2:')"><img alt="smiley2" src="http://www.kasralainy.edu.eg/english/students/forum/images/smilies/smiley2.gif" border="0" /></a><a href="javascript:smilie(':smiley2:')"><img alt="smiley2" src="http://www.kasralainy.edu.eg/english/students/forum/images/smilies/smiley2.gif" border="0" /></a><a href="javascript:smilie(':smiley2:')"><img alt="smiley2" src="http://www.kasralainy.edu.eg/english/students/forum/images/smilies/smiley2.gif" border="0" /></a></p><p>و بعدين صنية الرقاق اللي أنا بعملها بتاخد كيلو و ربع أصلها ما فيهاش لحمة ,,, ايه يا نبيل انت هتفهم في الطبيخ أكتر مننا و لا ايه ......</p><p><a href="javascript:smilie(':smiley15:')"><img alt="smiley15" src="http://www.kasralainy.edu.eg/english/students/forum/images/smilies/smiley15.gif" border="0" /></a><a href="javascript:smilie(':smiley15:')"><img alt="smiley15" src="http://www.kasralainy.edu.eg/english/students/forum/images/smilies/smiley15.gif" border="0" /></a><a href="javascript:smilie(':smiley15:')"><img alt="smiley15" src="http://www.kasralainy.edu.eg/english/students/forum/images/smilies/smiley15.gif" border="0" /></a></p><p>بس أحب أطمن على مصراوي ,,, بات في البيت يومها و لا في .... ,,, أصل بصراحة الرقاق كان معمول بزيت عربيات ......</p><p><a href="javascript:smilie(':smiley29:')"><img alt="smiley29" src="http://www.kasralainy.edu.eg/english/students/forum/images/smilies/smiley29.gif" border="0" /></a><a href="javascript:smilie(':smiley29:')"><img alt="smiley29" src="http://www.kasralainy.edu.eg/english/students/forum/images/smilies/smiley29.gif" border="0" /></a><a href="javascript:smilie(':smiley29:')"><img alt="smiley29" src="http://www.kasralainy.edu.eg/english/students/forum/images/smilies/smiley29.gif" border="0" /></a></p>

[مصراوى]

<p>انا اهه و بخير الحمد لله</p><p>بالنسبة لل3 صواني اللي بتتخانقوا عليها ما تخافوش </p><p>في الحفظ و الصون</p><p>اعتقد كده ان العدد اللي انا اكلته بقى 5</p><p>ايوه انا شاطر في الحساب</p><p>3+3=5</p><p>في عين اللي ما يصلي ع النبي</p><p>عندك حق يا نبيل كده فاضل 12 صينية</p><p>اما الأخت ولاء اطمني انا_بدلت الصواني اللي معمولة بزيت_ عربيات للي كان قاعد_ جنبي</p><p>و ان لم تخني الذاكرة فاعتقد انه كانت انت اللي قاعدة جنبي</p><p>ياللا مش مهم</p><p>بالف هنا و شفاء</p><p>و ان شاء الله احنا حاحضر نفسي لعزومة السنة الجاية</p><p>و على راي نبيل..يجعله عامر</p><p />

[kalamntena]

انا معنديش مانع بس تشوفوا حتة نعمل فيها العزومة انا مش ممكن اجازف تانى انا اطبخ اه لكن اتعك بعد كده لا

[walaa]

<p>مصراوي ,,,, أنا ما كلتش رقاق خالص لأني أصلا ما لحقتش أدوقه ,, نبيل و مدنجي قاموا بالواجب ,,, شوف انت ادتهم لمين .....</p><p><a href="javascript:smilie(':smiley2:')"><img alt="smiley2" src="http://www.kasralainy.edu.eg/english/students/forum/images/smilies/smiley2.gif" border="0" /></a><a href="javascript:smilie(':smiley2:')"><img alt="smiley2" src="http://www.kasralainy.edu.eg/english/students/forum/images/smilies/smiley2.gif" border="0" /></a><a href="javascript:smilie(':smiley2:')"><img alt="smiley2" src="http://www.kasralainy.edu.eg/english/students/forum/images/smilies/smiley2.gif" border="0" /></a></p>

[Eman Samir]

<p>ايه الحكاية يا نبيل انت هاتعد ورانا ولا اييييه؟؟؟؟</p><p>يا جماعة اللى اكل اكل بالهنا والشفا</p><p>امرى لله قعدت اهدى فى البنت اللى اكلتوا اكلها لحد كلكم ما خلصتم الاكل كله</p><p>معلش يا ولاء حظك كده يابنتى فى الاجتماع على المائدة و فى العزومة</p><p>كلمنتينا هى السلطة كان فيها ايه علشان تلزق فى السقف، احنا مش عاملينها سوى؟</p><p>مش عارفة اقوللك ايه يا قصر عينية نسيب الحكم للجماهير، بس الصلصة كانت حلوة بجد</p>

[kalamntena]

هيه المشكلة فى السلطة طب ايه اللى حط صينية الفتة فى الدولاب ؟؟
ولاء تعالى نزلى طبق اللحمة بتاعك انا مش طايلاه

[nabilprofelgen]

<p>اهلا بكم</p><p>ياولاء: دا العبد لله استاذ و رئيس قسم المطبخ و ان شاء الله هنبأ نتكرم و نديكوا درس فى اعجاز السيد القرموطى فى فن الطبيخ(دا الكتاب اللى وصللنى للمستوى اللى انا فيه تجاه المأكولات الشهية)</p><p>و بعدين ياكلمنتينا كل الصوانى مقاس واحد و دورى فى بقية الشقة يمكن تلاقى بقية الصوانى</p><p>و ياقصر عينية : قوللى فين بقية الصوانى</p><p>و ياايمان : لا هنعد و لا حاجة ماانا مجامل فى 4</p><p>و بمناسبة الصلصة : هو اللى كان فى الصلصة دا مايونيز و لا غيرا ابيض ، اصل كان عندى زكام ساعتها</p><p>و يجعله عامر</p>

[kalamntena]

يا نبيل مقاس واحد ايه دا انا سالفة 12 طشت غسيل من الجيران

[nabilprofelgen]

<p align="right">مرحب بيكم</p><p align="right">انا هاغير النضارة قريب و اراجع بعدها المقاييس العالمية للطشاتى</p><p align="right">كده انا ابدأ اشك؟؟</p><p align="right">هو كان مصراوى قاعد تحت الطرابيزة و لا فى طشت</p><p align="right">معلش اصل النضارة مكانتش مساعدانى</p><p align="right">و يجعله عامر</p>

[kalamntena]

بمناسبة النظارة
نظارتى اتكسرت قبل امتحان الاطفا\ل وقضيت العيد فى سعادة مش فارقة تراب بقى عواصف اهو كله مزغلل
بركاتك يا بليدى
وبمناسبة الدكتور البليدى
الراجل اللى عمل كهرباء المدرج اللى امتحنا فيه هيسقط ليه للغباوة
عشان عامل كوبس واحد للمبة اللى ورا خالص واللى قدام خالص

[Alasmar]

<p>المفروض ان دى عزومة يعنىجايين عشان نشبع</p><p>المشكلة ان انا كل ما اقرا الموضوع دا اجوع </p><p>و ربنا يجازى الى كان السبب</p>

[مصراوى]

<p>علي رايك </p><p>الجوع كافر</p><p>عايزين ناكل</p>

[kalamntena]

<p>ما بلاش انت يا مصراوي</p><p>دا احنا لسة ما خلصناش من الصوانى الناقصة </p>

[kalamntena]

نبيل شكرا على الشاى بس انت كنت حاطط فيه ايه ؟
انا لما روحت خبطت على الجيران
ولما اخويا الصغير فتح قولتله ماما عندنا اكل ايه النهاردة
و لما دخلت الاوضة قعدت ادور على الدولاب مالقتهوش وبعد كده اكتشفت انى فى المطبخ
الاسمر : ان شاء الله المرة الجاية هنعملك طبقين

[nabilprofelgen]

<p>اهلا بكم</p><p>لا شكر على واجب</p><p>الشاى كان عادى :</p><p>كوباية بلاستيك</p><p>و احد شاى فتلة لبتون</p><p>و بودرة بيضاء قالولى انها سسكر</p><p>و يجعله عامر</p><p />

[walaa]

<p>بقى دي أخرتها ,,, تشربوا شاي من غيري .....</p><p><a href="javascript:smilie(':smiley18:')"><img alt="smiley18" src="http://www.kasralainy.edu.eg/english/students/forum/images/smilies/smiley18.gif" border="0" /></a><a href="javascript:smilie(':smiley18:')"><img alt="smiley18" src="http://www.kasralainy.edu.eg/english/students/forum/images/smilies/smiley18.gif" border="0" /></a><a href="javascript:smilie(':smiley18:')"><img alt="smiley18" src="http://www.kasralainy.edu.eg/english/students/forum/images/smilies/smiley18.gif" border="0" /></a></p><p>طب وروني من هيعملكم الرقاق السنة الجاية .....</p><p><a href="javascript:smilie(':yadmaghy:')"><img alt="yadmaghy" src="http://www.kasralainy.edu.eg/english/students/forum/images/smilies/bangin.gif" border="0" /></a><a href="javascript:smilie(':yadmaghy:')"><img alt="yadmaghy" src="http://www.kasralainy.edu.eg/english/students/forum/images/smilies/bangin.gif" border="0" /></a><a href="javascript:smilie(':yadmaghy:')"><img alt="yadmaghy" src="http://www.kasralainy.edu.eg/english/students/forum/images/smilies/bangin.gif" border="0" /></a></p>

[nabilprofelgen]

<p>اهلا بكم </p><p>ما هو اللى ميعرفش يقول عدس</p><p>مش شايفة الاعراض الجانبية للشاى_ بتاعى</p><p>و بعدين مع بخصوص رقاق السنة الجاية لازم انتى اللى تعمليه</p><p>و هقوللك على طريقة صحية </p><p>بيها هتتطلعى من كام كيلوا رقااق مئلت الصوانى</p><p>عشان ناكل براحتنا</p><p>و يجعله عامر</p>

[walaa]

<p>أوعى تكون الطريقة اللي في دماغي ,,,,,_ أول و أخر طبقة رقاق و بينهم ورق جرايد !!!!!!!!</p><p><a href="javascript:smilie(':smiley17:')"><img alt="smiley17" src="http://www.kasralainy.edu.eg/english/students/forum/images/smilies/smiley17.gif" border="0" /></a><a href="javascript:smilie(':smiley17:')"><img alt="smiley17" src="http://www.kasralainy.edu.eg/english/students/forum/images/smilies/smiley17.gif" border="0" /></a><a href="javascript:smilie(':smiley17:')"><img alt="smiley17" src="http://www.kasralainy.edu.eg/english/students/forum/images/smilies/smiley17.gif" border="0" /></a></p>

[nabilprofelgen]

اهلا بكم
كده ياولاء
اهم عرفوا الفكرة
نعمل ايه السنة الجاية بئا؟؟؟
و يجعله عامر

[walaa]

<p>لأ ما تخافش في طرق تانية كتير ,,, و مش للرقاق بس !!!!!!!!</p><p><a href="javascript:smilie(':smiley32:')"><img alt="smiley32" src="http://www.kasralainy.edu.eg/english/students/forum/images/smilies/smiley32.gif" border="0" /></a><a href="javascript:smilie(':smiley32:')"><img alt="smiley32" src="http://www.kasralainy.edu.eg/english/students/forum/images/smilies/smiley32.gif" border="0" /></a><a href="javascript:smilie(':smiley32:')"><img alt="smiley32" src="http://www.kasralainy.edu.eg/english/students/forum/images/smilies/smiley32.gif" border="0" /></a></p>

[nabilprofelgen]

اهلا بكم
خلاص
خللى بقية الطرق دى سر بينا عشان متفتحيش عيون الاعضاء اكتر من كده
و يجعله عامر

[ابن الحصري]

العيد السنة دي قرب

هتعملوا إيه؟

[Nettawy]

هافضل منتظر أهلى
:(
ويمكن اقضيها مذاكره
الله أعلم

[ekm86]

هاعمل زي كل عيد
هنتجمع كلنا عند عمي..

[sandy]

:bye:
انا مش فاهمة حاجة
هو المفروض اللي يدخل الموضوع ده يعمل ايه يعني ؟

[ekm86]

مش المفروض يعمل حاجة
الموضوع ده قديم لكن ظهر تاني النهاردة بعد اضافة ردود جديدة

[noona]

كل سنة وانتوا كلكم طيبين يا اجمل اعضاء ويا اجمل منتدى:baloo::baloo:

دة اول عيد ليا مع منتدى القصر العسول دة :smiley1::smiley27.:smiley1:

هتعملوا ايه فى العيد؟؟؟؟؟؟؟؟؟؟؟؟؟؟
:baloo::baloo::baloo::baloo::baloo::baloo::baloo:

[Nettawy]

أنا هذاكر
:) مين معايا؟؟

[sandy]

مش المفروض يعمل حاجة
الموضوع ده قديم لكن ظهر تاني النهاردة بعد اضافة ردود جديدة
قديم قد ايه كدة العيد اللي فات ؟
ااااااااااه عشان كدة انا لقيتهم بيكلمو علي اللحمة والخروف وقلت بردو العيد ده مش بتاع اللحمة والخروف يعني اجاريهم وخلاص لحمة لحمة مفيش مانع

كل سنة وانتوا كلكم طيبين يا اجمل اعضاء ويا اجمل منتدى:baloo::baloo:

دة اول عيد ليا مع منتدى القصر العسول دة :smiley1::smiley27.:smiley1:

هتعملوا ايه فى العيد؟؟؟؟؟؟؟؟؟؟؟؟؟؟
:baloo::baloo::baloo::baloo::baloo::baloo::baloo:

وانت طيبه يا نونا وانا كمان ده اول عيد مع المنتدي الظاهر ده اول عيد يعدي علي المنتدي اساسا

أنا هذاكر
:) مين معايا؟؟
انا :smiley19: انا

[نور الهدى]

http://img365.imageshack.us/img365/2469/amr3edsa3id1is.gif

[firewire_leader]

كل عام وانتم بخير
:tamtam::tamtam::tamtam::tamtam::tamtam::tamtam:
:union::union::union::union::union::union::union:

[dr_0nline]

كل عام والامة الاسلامية بخير
*
كل عام والشعب بخير
*
كل عام والمنتدي بخير
*
سلاموز

[roseangle]

كل عيد و انتو اسعد سعداء العالم


كل عيد و انتو اهل و احباب

كل عيد و انتو ملمومين عالفطار


كل عيد و انتو بتصلوا العيد جمب ابهاتكوا


كل عيد و انتو بتاخدوا العيديه :icon_mrgr



و تعيشوا يا رب لحد ما تعطوا انتو لأولادكوا العيديه




و يا رب بجد نكون العيد اللي جاي مع بعض



في احلي بلد في الدنيا

علي احلي منتدي في النت






:smiley17::smiley17::smiley17::smiley17::smiley17:


روزا:confused:

[HOSSAM ELDIEB]

كلف سنة وانتو طيبين

[dr_angel]

كل سنة وانتم طيبين وبخير وبصحة
انتو وكل اللى بتحبوهم يارب
ودايما متجمعين على خير

[ابن الحصري]

ستووووووووووووووووووب


انتوا قلبتوها تهاني ؟؟؟؟؟؟؟؟؟


أنا باتكلم عن العزااااااااااااااااااااايم

هتعملوا إيه بمعنى


مين هيأكل ميــــــــــــــــــن؟؟؟؟؟؟؟؟؟؟؟

[nabilprofelgen]

كل سنة و انتم بخير

[d.m.d]

كل سنه وانتم طيبين

[broken nonna]

يا جماعة دايما بتحرجونى و تسبقونى
كل سنة و انتوا كلكم طيبين و كل المسلمين بألف ألف خير

[arownas]

بما ان ابن الحصري اتكلم على العزايم و الاكل و الذي منه
مين يحب ياكل فسيييييييييخ
يا سلام لو دخلت المطبخ بكرة الصبح يا سلااااام الريحة هاتبقى جايبة الدور الارضي مع اننا في السادس
اصل ده مش اي فسيخ لا اي اي و لا زي زي
ده فسيخ المعلمة حندقة (القاف تتنطق جيم بالصعيدي)على سن و رمح
الحمد لله مش انا اللي اشتريته السنه دي
مش علشان هو وحش و لا حاجة دا انا بموت فيه
لأ ده علشان الزحمة بيبقى طوابييييييييييييييييييييييييييييييييييييييييييييير و زحماااااااااااااااااااااااااااااااااااااااااااه لحد الصبح
و في يجي 3 رجالة و هي في المحل و مش ملاحقين
يا دوبك تقلهم طلبك و يجيبهولك و يترمي قدامك ملفوف بورقة جرنال و تحارب تاني بقى علشان تطلع
تطلع من هنا تلاقي بتوع الاكياس و اللمون في وشك
منظومة متكاملة
لأ و في ناس كمان بتشتري يوم العيد الصبح

كنت فاكر ان حندقة مش هاتبع السنا دي اصل اخوها اتقتل في رمضان في خناقة
بس ربك ستر و اشتغلت
عارفه ان الالاف مستنين و تخسر قد ايه لو ماشتغلتش
كتييييييييييييييييييييييييييييييييييييييييير
دا بق اغلى من اللحمة و الله
حد عاوز ؟؟؟؟؟؟؟؟؟؟؟؟؟؟؟

[kalamntena]

لو قلتلك ايوه يا اروناس هتجيب ؟
:smiley2:



منور يا نبيل
فين ايامك
على فكرة عليك عزومة من 3 سنين
و تورتاية من سنتين

[dr_esawy]

كل سنة وانتو طيبين ياجماعة
وبالف صحة وسعادة
وبعوده علينا الشهر الكريم

:baloo::baloo::baloo::baloo:

[STROMA]

كل سنه وانتوا بالف خير

[ekm86]

بصراحة مشكلتي إني ما باحبش الرنجة ولا الفسيخ ولا الملوحة
خصووووووووصا الفسيخ والملوحة
حاولت أكلهم قبل كده لكن ما قدرتش

طبعا أنا شفت الأمم النهاردة في السوق
كان السوق على آخره.. مافيهوش مكان لرجل زيادة
وخصوصا قدام بتوع الفسيخ.. حوالي 4 محلات كلهم اسمهم "فسخاني حلوان الوحيد" ومالهمش علاقة ببعض

[DEMA]

كل عام وانتم جميعاً بكل خير
كل عام والامة الاسلامية بخير
كل عام وفلسطين بخير

واتمنى ان يأتي اليوم الذي نقول فيه
كل عام وحكامنا بخير...،
اللهم بحق دعوة الفطر التي لاترد
نسألك اللهم ان تعافي حكامنا من داء الانبطاح للمسخ الصهيواميركي،

ونسألك اللهم ان تجمع كلمتنا وتوحد صفنا..وتعلي رايتنا
وترفع عنّا بلاء الذل الذي استشرى بعروقنا

اللهم آآآآآآآآمين

[ابن الحصري]

لو قلتلك ايوه يا اروناس هتجيب ؟
:smiley2:



منور يا نبيل
فين ايامك
على فكرة عليك عزومة من 3 سنين
و تورتاية من سنتين



أيوة كدة يا كلمنتينا
هو ده هدف إحيائي لهذا الموضوع

[arownas]

لو قلتلك ايوه يا اروناس هتجيب ؟
:smiley2:



منور يا نبيل
فين ايامك
على فكرة عليك عزومة من 3 سنين
و تورتاية من سنتين




جدها و جدود يا ردالة
بعد صلاة العيد نحاول نقاوم و اروح عند حندقة
بس مين اللي هايدفع المواصلات :mmmm mmmm دي ربع جنية بحالهم
و ايه رايك يا نبيل تاكل معانا يا بني مافيش فسيخ في الجيش
ماتيجي معانا تودع اهلك


بصراحة مشكلتي إني ما باحبش الرنجة ولا الفسيخ ولا الملوحة
خصووووووووصا الفسيخ والملوحة
حاولت أكلهم قبل كده لكن ما قدرتش

طبعا أنا شفت الأمم النهاردة في السوق
كان السوق على آخره.. مافيهوش مكان لرجل زيادة
وخصوصا قدام بتوع الفسيخ.. حوالي 4 محلات كلهم اسمهم "فسخاني حلوان الوحيد" ومالهمش علاقة ببعض

مش اي حد ياكل البتاع ده
لازم تكون مطعم كويس الاول و خصوصا تطعيم الكساح

[أبو المعاطى شمروخ]

هو الفسيخ ده اساسى عندكوا ولا ايه
احنا جايبين عجينة طعمية فى الفريزر
وحشتنى بنت الايه دى ههههههههههههه

[broken nonna]

يا دكتور سااااامح مسعـــــــــــــــد
عندهم ده اللى يطلع فين ها فين؟
عشان اروح معاكى يا كلمنتينا ماشي ماتنسيش تاخدينى معاكى ها
اصل بابا محرم الفسيخ ده على البيت و انا فعلا عمرى ما دوقته.

[أبو المعاطى شمروخ]

نعم يا نوناااااااااااااااا
عند ارو وكلمنتينا
العالم اللى بتاكل فسيخ ع الصبح دى
عالم غريبة والله:smiley1:

[arownas]

تم تحضير الاتي
40 رغيف صابح
نصف كيلو فسيخ (هايكفي انتو ماقلتوش كام واحد جاي؟) لو مكفاش نجيب تاني حندقة مش بعيدة
كيلو رنجة (عدد 6 رنجات بحالهم)
عدد لا نهائي من اللمون
صابونة وش جديدة ذات رائحة نفاذة
كبريت (مش عارف ليه)
معجون اسنان
شااااااااااااااي

جاري البحث عن بخور علشان ريحة الشقة

ما غريب الا شوشو يا ابو المعاطي
ده شم نفسه النهارده و احنا هنخليص عليه بالفسيخ
هع هع هع هع

[arownas]

نسيت اقول
تم ضرب علبة صواريخ كاملة
و اضرب الصاروخ في الدور الارضي زي كل سنة

باقي علبتين صواريخ
حد عاوز صواريخ مع الفسيخ

[Rule Breaker]

anaaaaaaaaaaaaaaaaaaa


5alast elsawaree5 elly 3andy

3aaaaa

[*da_ana*]

نايس توبيك 74onion

[kalamntena]

اييييييييييييييييييييييييييييييييييييه ايااااااااااااااااام

:))

[nabilprofelgen]

31-01-2004
الى
23-10-2009

كام عزومة حصلت

موش هناكل بجد بئا؟؟

ياريت لو بجد و اللى موش عايز ييجى هاكل اكله انا و مدنجى (بعد اذن الناس و مدنجى طبعا فى مشاركته)
و يجعله عامر

[مدنجي]

اتفضل يا بروف
طبعا دايس ان شاء الله
بس قولو قبلها بس بفترة عشان اجهز نفسى
او استنو كمان 5 شهور كدا ممكن يبقى احسن ان شاء الله






دى..

[alzheimer]

بروف ... مدنجي

انا دايس انا كمان يا جماعة

وزي ما إنت عايز ... انا عن نفسي دايس

[kalamntena]

انا مش هاعمل عزومات تانى في بيتنا
كفاية المرة اللى فاتت
شوفولكوا حتة تانية اعزمكوا فيها

[a1man]

ممكن انا كمان ادوس معاكوا?
الأكل البيتي واحشني اوي
انا نفسي أكل بامية :)

[kalamntena]

الأكل البيتي واحشني اوي
انا نفسي أكل بامية :)


الاكل في البيت عندكو بس انت ابقى روّح

[a1man]

هحاول :)
_

[a1man]

هحاول :)

_

[*da_ana*]

اعملوا حسابي131onion

[فارس الوهم]

http://i287.photobucket.com/albums/ll139/civilmarmar/kharof2.jpg

كل سنه وانتوا طيبين
وبصحه عال ومعيدين
و اكلين الخروف و محليين
يلا بقى مين عنده العزومه السنه دي
انا نفسي اكل لحم خروف السنه دي
تغيير يعني :)

http://i287.photobucket.com/albums/ll139/civilmarmar/kharof.jpg

[ekm86]

وانتي طيبة وبالصحة والسلامة

بسرعة عيد الأضحى جه
:)

[arownas]

ايه يا فارس الوهم
جايبلنا خروف بيقول اسأل عن الاهل و الاصدقاء قبل الطعام
عزومة مراكبية دي و لا ايه
:)

[kalamntena]

كل سنة وانتو طيبين

[فارس الوهم]

لا لا مش عزومه مراكبيه خالص
عايز تيجي اهلا وسهلا
بس هات الخروف معاك 75onion
وبعدين انا بدور على حد يعزمني
عشان احنا بندبح بقره مش خروف 131onion

[STROMA]

كل سنه وانتى طيبه يا فارسه :)

[Lazo]

كل عام و أنتم و كل المسلمين بخير و صحة.
السنة الهجرية 1431
أيه أمنياتكم للسنة الجديدة و الحاجات اللي ناويين تتخلصوا منها ؟

[فارس الوهم]

كل سنه و كل بنات و شباب المنتدى طيبين
عيد سعيد عليكوا كلكوا

http://www.ayam.ws/wp-content/uploads/3ed.jpg

[kalamntena]

:))
وانتى طيبة يا فارس الوهم
باظت عزومة العيد السنة دى عشان نبيل مش هنا :))

[فارس الوهم]

طيب اعمليها و اجي انا مكانه :smiley19:

[kalamntena]

:))))))))
تعالى يا حبيبتى وانا اعملك حاجة سبيشيال

[rony]

وانتى طيبة يا فارسة
وحشتينا

[nabilprofelgen]

انا هنا اهو
محدش ياكل اكلي لو سمحتم

انا من النوع اللي ممكن يسامح في اي حاجة الا الاكل

كده في عزومة عليكي ياكلمنتينا

و كل خروووف و انتو طيبييييييييييين


و يجعله عامر

[kalamntena]

:)
كلام وبس يا نبيل

[nabilprofelgen]

موش فاهم؟؟
ايه اللي كلام؟؟

هتزوغي من العزمة و لا ايه؟؟

[kalamntena]

انت اللى كل مرة بتزوغ انا مالي
:)

[nabilprofelgen]

طيب
المرة دي موش هزوغ
اما نشوووووووووووف

[kalamntena]

ماشي
و المية تكدب الغطاس
:)