3 شهور اجازة

[sameh_ig]

بما ان القسم اسمة رايك يهمنا
فا انا بقترح انشاء شوية اقسام سريعة كدة على الماشى

قسم حلق حوش لشطرنج و السيجةو الالعاب :union:

قسم كتاكيتو بنى للحب و الفراق :smiley27.

قسم للمكياج و الاناقة :maaamaaa:

قسم حبيتك عبر المنتدى(لتبادل الايملات و الشات):tamtam:

و قسم فرعى منة لمحبى تامر حسنى :confused:

قسم خاص لوضوع ردود مثل مشكورررر و شكرا على مرورك الجميل و تسلم ايدك :twins:


قسم خاص للفتيات و بس على شان يبقى على راحتهم :sleepy:

قسم الحوار ننغير اسمة ونخلية قسم المناقررررة :health: او نقلبة قسم لفوازير


مع كل الاحترام للجميع الناس من اعضاء ,,, المنتدى ما شاء اللة يوم عن يوم بيسوء فى الفترة الاخيرة و بدون مجاملات لى حد

و بى مناسبة ان الادمن موجود اايام دى فا اتمنى انة يفقعنى بان و ميخليش فى نفسى حاجة لان الواحد فعلا احسن لة انة ميردش او يقرا مواضيع نظرا لظروف الضغط و المرارة


لو سمحت عايز بان 3 شهور اريح اعصابى فى المزرعة شوية و ابقى ارجع لو ليا عمر فى 1/7؟؟؟؟

[Nettawy]

تصور طلب منطقى
بس تعمل ايه بقى
ماتحاول تدي بان للمنتدى لمده 3 شهور
:)

[HAYAH]

موضوعك حلو يا دكتور سامح

وكلامك مقنع جدا

انا بالفعل هاخد الاوجازة دي:icon_mrgr

[sameh_ig]

اشوفكم بخير انشاء اللة نلتقى فى شهر سبعة بقى تكون الناس يا هديت يا زهقت يا ربنا كرمها كرم الصابرين

[Nettawy]

امين
استودعكم الله الذي لا تضيع ودائعه
بس ابقى افتكرنا

[HAYAH]

نشوف وشك بخير يا دكتووور

بس مش تنقطع عن الفورم لا قدر الله





انا هكون على شهر سبعة طلعت عالمعاش:icon_mrgr

[greyzone]

ده كدة يبقى 4 شهور
مش تلاتة

[Nettawy]

شهر 5 مش محسوب

[broken nonna]

الحركات النص كومون:mmmm:
هو انا اجى من هنا الناس تمشي من هنا
:mmmm mmmm
طيب يعني يا دكتور
قول حل
قل حلا ولا تكتفي بالتذمر ثم الرحيل
_ايه رايك لغة عربية فصحاء اهه_:smiley20::smiley20:


بجد بجد
يعني ا دكتور مشكورا أوضحت ان في خلل
مشكورا وضح العلاج بقى

مش حضرتك دكتور برده
هو حضرتك لما بتكشف بتشخص و تجري ولا بتقول للمريض خد كذا و كذا
و كمان بتتابعه

مش معنى ان حضرتك عضو ان مالكش سلطة
بيتهيالي يعني لو عند حضرتك حل كويس يعالج سوء حالة المنتدى في الفترة الاخيرة
حاول تصلح
مش تمشي

_ما تبصليش قوي كدة انا مشيت لظرف ما مش بمزاجي يعني _

و من هنا
اي نعم من هنا
من هذا البوست
_اللي غالبا مش هتقراه لاني شكلي جيت بعد خراب مالطة_
اطالب سعادتك بالعودة الى موقع القتال


افتكرت كلام ابن خلدون الله يمسيه بالخير
فيما معناه كان بيقول ان الثقافة ليها كيرف _منحنى خطي عشان اللغة العربية الفصحاء ما تتأثرش_
يبدا من قليل و يعلى يعلى و يبدأ ينزل بالتدريج عشان يبدأ يعلى و يعلى

و هكذا
قيس كل شئ في الدنيا
لازم الحال يسوء عشان يعلى
ولازم يعلى عشان يسوء

والحال ده له مغيرات و عوامل
في حالة المنتدى
احنا يا دكتور



انما كل واحد يضايق يتغاظ يحصله مشكلة في المنتدى
يغضب يقول انا ماشي
مش صح
مش كويس
ده حتى مش حلووووووو علشااااااانك:icon_mrgr
و اخيرا أردد
اخي تاتون
عوووووووودي يا هاميس
عوووووووووووووووووودي
لا مؤاخذة _اخدتنى الجلالة_
عوووووووووووود يا دكتور
اعتقد يعني المنتدى يستاهل ان حضرتك و غير حضرتك يجتهد تاني عشان يرجعه لأوجه
_والله ما عارفة العربي قافش على لساني كدة ليه_

[brightgalaxy5]

ازاي ماشفتش الموضوع ده قبل كدة
هو اكيد مواضيع الهزار كترت
وانا من رأيك
بس ده ميخليناش نسيب بيتنا
لو شايف ان المنتدى بيتك.

[wgh_el2mr]

انا اول مرة اشوف الموضوع دا
ومش شفته الا لما نونا قالتلى
ال ايه بتسألنى ايه اللى حصل
دكتور سامح اى جى ماشى ليه
انا بقى رديت وقولتلها:
ايه دا?
هو ماشى?
راوح فين وليه?

بص بقى
نونا كلامها صح ومعاها حق

أنا مش هقدر ألومك على تفكيرك لأنى أنا برضه فكرت زيك
كنت حاسة ان المنتدى بقى غريب ومش زى الأول
كنت ساعات افتح المنتدى ويإما اخرج وأنا متضايقة
أو اتفرج بس ومش يجيلى نفس أرد
انا قولت للبنات انى بقيت حاسة انى غريبة فى المنتدى ومش بقيت بحس بالراحة اللى كنت بحس بيها هنا

وفعلا أخدت القرار انى ابعد لكن فيه ناس وقفت معايا وخلتنى أتنازل عن قرارى

المنتدى دا خلانى عرفت ناس بقوا مهمين جدا عندى
بحبهم وبيحبونى
مش هنكر انه كان سبب فى إنى عرفت ناس اتصدمت فيهم وجرحونى
لكن المهم الناس اللى فهمانى وبتحبنى

هنا كنت بضحك من قلبى فى عز ماكنت بكون متضايقة وتعبانة

افتكر انه يستحق اننا نصبر شوية
ونحاول نخليه احسن ومكان نحبه

اتمنى انك تقرأ ردودنا وتفكر تانى
وترجح حتى عشان الغلابة اللى زيى انا ونونا

[dr kemo]

ميلودي تتحدى الشلل للللللللللللللللللللللللل

[greyzone]

انا اول مرة اشوف الموضوع دا
ومش شفته الا لما نونا قالتلى
ال ايه بتسألنى ايه اللى حصل
دكتور سامح اى جى ماشى ليه
انا بقى رديت وقولتلها:
ايه دا?
هو ماشى?
راوح فين وليه?

بص بقى
نونا كلامها صح ومعاها حق

أنا مش هقدر ألومك على تفكيرك لأنى أنا برضه فكرت زيك
كنت حاسة ان المنتدى بقى غريب ومش زى الأول
كنت ساعات افتح المنتدى ويإما اخرج وأنا متضايقة
أو اتفرج بس ومش يجيلى نفس أرد
انا قولت للبنات انى بقيت حاسة انى غريبة فى المنتدى ومش بقيت بحس بالراحة اللى كنت بحس بيها هنا

وفعلا أخدت القرار انى ابعد لكن فيه ناس وقفت معايا وخلتنى أتنازل عن قرارى

المنتدى دا خلانى عرفت ناس بقوا مهمين جدا عندى
بحبهم وبيحبونى
مش هنكر انه كان سبب فى إنى عرفت ناس اتصدمت فيهم وجرحونى
لكن المهم الناس اللى فهمانى وبتحبنى

هنا كنت بضحك من قلبى فى عز ماكنت بكون متضايقة وتعبانة

افتكر انه يستحق اننا نصبر شوية
ونحاول نخليه احسن ومكان نحبه

اتمنى انك تقرأ ردودنا وتفكر تانى
وترجح حتى عشان الغلابة اللى زيى انا ونونا


سبحان مغير الأحوال

[wgh_el2mr]

دى تريقة ولا ايه بالظبط
أفهم يعنى

طب ما أنا قولت السبب
ولا انت عاوزنى أغير رأيى ولا ايه

[مصباح]

لو مكانش دكتور سامح شايف ان المنتدى بيته و مطرحه مكانش كتب الكلام ده بالمرارة دي كلها
=========
ايدنا في ايد بعض يا جماعة
يا دكتور سامح خد أجازتك و ارجع و متنساش ان من غير الناس الايجابيين الجدعان المنتدى هيقع

[suzan]

كلامك يا دكتور سامح منطقي
وطبعا لا اعتراض
ولكن اجازه 3 شهور
هل ده منطقي
بالذات حضرتك دكتور
والدكاتره خلاص اتعودنا اننا نتعب
ومفيش حاجه بتيجي سهله ابدا
بس اجازه 3 شهور هل تعتقد ان حضرتك هتيجي بعد 3 شهور هتلاقي المنتدي احسن
اذن احب ابشرك من دلوقتي ان لاء والف لاء
إن الله لا يغير مابقوم حتى يغيروا ما بأنفسهم
لو احنا مبداناش نغير للاحسن عمر المنتدي مش هيتصلح حاله
لو كانت الناس الكويسه هتبدا تسيب المنتدي واحد ورا واحد عمره ميتحسن ابدا
وفي الاخر برضو الموضوع صعب
مش هتقدر تسيطر علي كل الناس
مش هتقدر تسيطر ع موضوع التهريج ده
سيدنا محمد نفسه عليه صلوات ربي وسلامه مقدرش مقدرش يجتمع كل الناس عليه
ربنا قاله لست عليهم بمسيطر
حتي لو مبتعملش حاجه بالمنتدي
قول رايك بصراحه في الموضوع الي بتقراه بطريقه مضايقش الي كاتبه
صعب !!!!!!!!!!!
مجرد وجود حضرتك وحده كما قال د عماد قطب قبل كده هو الي بيجذب الناس الكويسه للمنتدي
وبعدين نقول هتاخد اجازه 3 شهور
مش كتير شويتين
كفايه علي حضرتك اسبوعين تريح اعصاباتك
وبعدين المنتدي ده بيتك
هل لو حد عمل كده في بيتك هتسيبهوله وتمشي
لو كل الناس كده ياااااااااااه كانت اتحلت مشكله الاسكان من فتره

اخيرا اسف علي لهجه كلامي لو كانت جافه
واسف لو كنت تعديت حدودي خاصه وفرق السن الكبير بيننا

[emadkotb]

السلام عليكم يا جماعة
انا طبعا مش موجود بقالي فترة هنا بس مأظنش الامور بالسوء دا
انا مش شايف المنتدى وحش بالصورة دي يا سامح (يا اخي متحرجنيش بقى انا من يومين بقول شعر فالنتدي وانت بتقول الكلام دا ؟)
لا بجد ابتداءا انا مش شايف ان الامور وصلت لهذا الحد
ثانيا انا عندي حل افضل للمشكله دي (ان وجدت يعني ) بدل 3 شهور اجازه لا ادخل وشارك بفاعليه بس بتردد اقل يعني بدال كل يوم مرتين خليها مرة كل يومين لحد ما الامور تتصلح تاني من وحهة نظرك وبعدين كما كنت
في حاجة تانية كمان
انا شايف لو كان المنتدى وحش كدة كان الي هيرد عليك الادارة بس لو ردوا بس انا شايف ان كلامك لقى صدى عند الناس كلها ماشاء الله والناس انزعجت جدا علشان مش عاوزينك تمشي يعني يا عم سامح ان شايف انك بتبالغ حبتين ؟

[Dr.Medicine]

السلام عليكم و رحمة الله و بركاته

انا شايفة ان الموضوع ده ان دل علي شئ فهو هيدل علي ضعفنا و تقصيرنا

انا عارفه ان في ناس ممكن تضايق من الكلام ده بس انا ما اتعودش اجامل اي حد

انا عارفه ان في ناس كتير جدا جدا مشتركين في المنتدي من قبلي بس اظن ان حبي و انتمائي للمنتدي فاقهم كلهم

يا دكتور سامح لو المنتدي فيه عيوب كتير كده (انا اؤيدك في بعضها ...)

يبقي نخلينا ايجابيين و بلاش السلبية اللي اتولدنا و عيشنا و اتربينا عليها........

المفروض كل واحد يقف بشجاعة و يقول ايه العيوب اللي بقت في المنتدي و ايه اللي مضيقه
و كلنا نحاول نصلحها

ان لو قاضي و هحكم في الموضوع ده يبقي هدي لكل واحد عايز 3 شهور اجازة ......هدي له 3 شهور حبس

بلاش السلبية دي ..........كفاية بقي ..........

انا ان شاء الله هكتب العيوب و الحاجات اللي مش عجباني في المنتدي و هقولها و بكل ثقة و صراحة

[dr_terminator4]

السلام عليكم يا جماعة
انا طبعا مش موجود بقالي فترة هنا بس مأظنش الامور بالسوء دا
انا مش شايف المنتدى وحش بالصورة دي يا سامح (يا اخي متحرجنيش بقى انا من يومين بقول شعر فالنتدي وانت بتقول الكلام دا ؟)
لا بجد ابتداءا انا مش شايف ان الامور وصلت لهذا الحد
ثانيا انا عندي حل افضل للمشكله دي (ان وجدت يعني ) بدل 3 شهور اجازه لا ادخل وشارك بفاعليه بس بتردد اقل يعني بدال كل يوم مرتين خليها مرة كل يومين لحد ما الامور تتصلح تاني من وحهة نظرك وبعدين كما كنت
في حاجة تانية كمان
انا شايف لو كان المنتدى وحش كدة كان الي هيرد عليك الادارة بس لو ردوا بس انا شايف ان كلامك لقى صدى عند الناس كلها ماشاء الله والناس انزعجت جدا علشان مش عاوزينك تمشي يعني يا عم سامح ان شايف انك بتبالغ حبتين ؟



انا مع دكتور عماد فى الكلام اللى قاله

انا شايف ان الموضوع مش مستاهل دة كله خااااااالص

المنتدى لسة بخيرر وفيه ناس محترمة جدااااااا

وفيه كمان مواضيع كويسة ومواضيع مش كويسة زيه زى اى منتدى يبقى ليه نعمل القلق دة كله



السلام عليكم و رحمة الله و بركاته

انا شايفة ان الموضوع ده ان دل علي شئ فهو هيدل علي ضعفنا و تقصيرنا

انا عارفه ان في ناس ممكن تضايق من الكلام ده بس انا ما اتعودش اجامل اي حد

انا عارفه ان في ناس كتير جدا جدا مشتركين في المنتدي من قبلي بس اظن ان حبي و انتمائي للمنتدي فاقهم كلهم

يا دكتور سامح لو المنتدي فيه عيوب كتير كده (انا اؤيدك في بعضها ...)

يبقي نخلينا ايجابيين و بلاش السلبية اللي اتولدنا و عيشنا و اتربينا عليها........

المفروض كل واحد يقف بشجاعة و يقول ايه العيوب اللي بقت في المنتدي و ايه اللي مضيقه
و كلنا نحاول نصلحها

ان لو قاضي و هحكم في الموضوع ده يبقي هدي لكل واحد عايز 3 شهور اجازة ......هدي له 3 شهور حبس

بلاش السلبية دي ..........كفاية بقي ..........

انا ان شاء الله هكتب العيوب و الحاجات اللي مش عجباني في المنتدي و هقولها و بكل ثقة و صراحة




مستنيين ارائك يا الحمد لله

هو دة الكلام بجد

اللى ليه راى يقوله ونتكلم كلنا

ونشوف العيب اللى الدكتور بيقول عليه فين ونحاول كلنا نغيره

انما اللى حضرتك عملته دة ممكن يضر المنتدى اكتر ما يفيده وممكن يعمل مشاكل بين الاعضاء وناس تزعل

مستنيين رجوعك يا دكتور سامح وعايزين اراءك وتفسيراتك للكلام اللى حضرتك كتبته فى اول كلامك











اسف على التاخير فى الرد

لسة شايف الموضوع دلوقتى

[rony]

انا لسة شايفة الموضوع ده دلوقتى انا كمان
بس انا ليا رأى .....
المنتدى بتاعنا ده غير اى منتدى تانى ....ليه بقى؟
لان معظم الاعضاء اللى على المنتدى بتربطهم علاقات شخصية سواء كانت العلاقات دى قبل ما يدخلو المنتدى او بعد ما عرفو بعض من خلاله....
يعنى الناس لما بتتكلم مع بعضها هنا ...بيكون فى عشم اكتر فى الكلام

ولما بيكون فى حد متضايق وبيحكى بيكون معظمنا فاهمين الموضوع وعارفين الاسباب كويس من غير ما صاحب المشكلة يحكى....

المنتدى مش بيقع يا جماعة ولا حاجة.....بالعكس خالص والله
المنتدى بقى احسن.....ممكن يكون بقى فيه خلافات بتحصل بين بعض الاعضاء
بس دى ممكن تكون بسبب خلافات شخصية بعيدة كل البعد على المنتدى

احنا المنتدى بتاعنا اقل ما يقال عليه انه بيت بيجمعنا كلنا كعيلة واحدة والناس هنا بتتعامل كأهل واصدقاء ....مش اعضاء فى فورم
واعتقد بيت اى حد فينا بيقى فى مشاكل واحزان زى ما بيكون فيه افراح
والحزن بيعدى والفرح بيعدى......


انا مشتركة فى منتديات كتير تانية غير ده وعارفة نظام المنتديات التانية بتبقى ازاى....
بس المنتدى ده فعلا مختلف لانه بيضم ناس بيجمعهم مكان الدراسة او مجال العمل ....ففى عشرة بينهم

المنتدى بتاعنا رائع جدا يا جماعة والله .....وروحو وجربو فى اى منتدى تانى ....هاتحسو بالغربة وهاتحسو ان المنتدى بتاعنا اعظم منتدى موجود سواء فى فريق الادارة والاشراف او فى الاعضاء وتعاملهم مع بعض

خلينا نبص للجانب الايجابى ولو شايفين ان فى حاجة غلط نصلحها بدل ما نتخلى عن منتدانا اللى عرفنا ببعض وخلانا اسرة واحدة.......

معلش انا طولت اوى......