مدنجي
02-02-2004, 07:43 AM
<p><font face="tahoma,arial,helvetica,sans-serif">تتجوزيني ؟ <br />ـ أفندم ؟ <br />ـ بقولك تتجوزيني ؟ <br />ـ !!!!! <br />ـ تتجوزيني ؟ <br />ـ لا ! <br />ـ ليه ؟ <br />ـ بصراحة كدة شكلك مش عاجبني .. <br />ـ إزاي يعني ؟ <br />ـ يعني .. أصل أنا ليا مواصفات معينة لفارس أحلامي . <br />ـ مواصفات معينة ؟ .. هو انتي هتتجوزي عربية ؟ <br />ـ لا ! .. بصراحة كدة .. إنت مش فارس أحلامي اللي باتمناه ! <br /><br /><br />***** <br /><br />ـ تتجوزيني ؟ <br />ـ إيه ده ؟ شكلك اتغير ! <br />ـ إيه رأيك ؟ <br />ـ واو .. شعرك بقة ناعم ! .. دي باروكة ؟ <br />ـ أيوة <br />ـ ودي عدسات خضراء ؟ <br />ـ أيوة <br />ـ واو ! .. بس بجد .. بقيت وسيم_ .. واو ! ده انت بقيت شبه نيكولاس كيج ! <br />ـ مين عباس كيج ده ؟ <br />ـ عباس ؟!! ياي_ .. إيه عباس دي ؟ اسمه نيكولاس .. <br />ـ مين نيكولاس ده ؟ <br />ـ بقة مالكشي في السيما وجاي تكلمني ؟ .. ياي ! <br /><br /><br />***** <br /><br />ـ تتجوزيني ؟ <br />ـ انت لسة ليك عين تكلمني ؟ <br />ـ أيوة .. أنا عرفت مين بنكرياس كيج ده <br />ـ أولاً : اسمه نيكولاس كيج .. <br />ـ أيوة أيوة .. كنت هاقول اسمه صح .. بس اختصرته .. ده ممثل <br />ـ ممثل إيه ؟ <br />ـ ممثل أمريكاوي <br />ـ أمريكاوي ؟! .. إخّييي ! .. اسمه أميريكان يا بابا_ .. ما تبقاش <br />دونكي <br />ـ دونكي دي تبقى شتيمة ؟ <br />ـ أف كورس <br /><br /><br />***** <br /><br />ـ تتجوزيني ؟ <br />ـ عندك عربية موديل كام ؟ <br />ـ موديل دي تبقى شتيمة ؟ <br /><br /><br />***** <br /><br />ـ تتجوزيني ؟ <br />ـ قوللي الأول .. حاطط أنهي نغمة في الموبايل بتاعك ؟ <br />ـ نغمة دي تبقى شتيمة ؟ <br /><br /><br />***** <br /><br />ـ تتجوزيني ؟ <br />ـ ما قلتليش .. إنت بتشتغل إيه ؟ <br />ـ أنا -بلا فخر- عاطل <br />ـ عاطل ؟ .. ياي ! .. <br />ـ مش أحسن من اللي ما بيشتغلش ؟ <br />ـ لا <br />ـ يعني مش هتتجوزيني ؟ <br />ـ لا <br />ـ كدة أنا أزعل <br />ـ ما تزعلش يا بابا_ .. خليك فريش <br />ـ ماشي .. ماشي .. بس قوليلي .. <br />ـ إيه ؟ <br />ـ فريش دي تبقى شتيمة ؟ <br /><br /><br />***** <br /><br />ـ تتجوزيني ؟ <br />ـ لقيت شغل ؟ <br />ـ أيوة طبعًا .. سنتين وأنا بادور .. أخيرًا لقيت .. <br />ـ وإيه هو ؟ <br />ـ سواق تاكسي . <br />ـ ياي ! .. مش مكسوف وانت بتقولها ؟ <br />ـ فيها إيه ؟ العمل شرف .. وكلها كام سنة وأجمع مبلغ كويس .. <br />ـ شرف ؟ جتك القرف ! <br /><br /><br />***** <br /><br />ـ تتجوزيني ؟ <br />ـ جمعت مبلغ كويس ؟ <br />ـ طبعًا .. مبلغ كبير جدًا .. <br />ـ قد إيه يعني ؟ <br />ـ ألف جنيه <br />ـ نعم ؟!!! .. ألف جنيه دول تروح تسرح بيهم ببطاطا .. <br />ـ يعني موافقة ؟ <br />ـ روح اتنيل . <br /><br /><br />***** <br /><br />ـ تتجوزيني ؟ <br />ـ عندك شقة ؟ <br />ـ طبعًا_ .. أودة على السطوح .. <br />ـ نعم ؟!! .. <br />ـ إيه المشكلة ؟! .. أحسن ما ننام في الشارع ! <br />ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب <br />شقة . <br />ـ طيب .. كلها كام سنة وأجيبلك أحسن شقة في الدنيا . <br />ـ وهتجيبها في جاردن سيتي ولا في الزمالك ؟ <br />ـ لا .. في الأهلي .. هيهع هيهع هيهع ! <br /><br /><br />***** <br /><br />( بعد سنوات) : <br /><br />ـ تتجوزيني ؟ <br />ـ جبت الشقة ؟ <br />ـ أيوة_ .. الحكومة بتبني شقق للشباب وأنا خدت شقة .. صحيح إنها اتأخرت <br />لسبع سنوات .. لكن المهم إنها جات .. <br />ـ ـ فانتاستيك <br />ـ بس الشقة ناقصة حاجة . <br />ـ إيه هي ؟ <br />ـ مفيهاش حمام ! <br />ـ امشي من قدامي ! .. مش طايقاك ! <br /><br /><br />***** <br /><br />ـ تتجوزيني ؟ <br />ـ إنت تاني ؟ <br />ـ جبتلك حمّام إنما إيه <br />ـ خليه ينفعك <br />ـ ليه بس ؟ .. ده ينفع لينا احنا الاتنين <br />ـ وأنا مالي ؟ <br />ـ مش عاجبك .. مش مشكلة .. أكتبه باسمك <br /><br /><br />***** <br /><br />(بعد سنين) .. <br /><br />ـ هتتجوزيني ولا أولع فيكي ؟ <br />ـ ومالك محروق كدة ؟ <br />ـ حكايتنا طولت قوي .. طولت أكتر من اللازم <br />ـ أوكي .. بس ممكن أعرف حاجة ؟ <br />ـ إيه ؟ <br />ـ إنت ليه متمسك بيا أوي كدة ؟ <br />ـ أصل .. أصل .. <br />ـ أصل إيه ؟ <br />ـ أصل أنا بحُبك (بضم الحاء) ! <br />ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين <br />خليك روش وقول : I love you <br />ـ ماشي .. بس قوليلي .. <br />ـ نعم ؟ <br />ـ روش دي تبقى شتيمة ؟ <br /><br /><br />***** <br /><br />ـ تتجوزيني ؟ <br />ـ بصراحة .. في حاجة كنت عاوزة أقولهالك من زمااااااان . <br />ـ إيه ؟ <br />ـ أنا بصراحة .. مش شايفة إن في حد في العالم يستاهلني <br />ـ يا سلام ! .. ليه ؟ <br />ـ عشان أنا جميلة .. خفيفة الدم .. رشيقة .. رقيقة .. <br />ـ رقيقة ؟! .. ده انت بدأتي تقشفي <br />ـ فشر ! <br />ـ فوقي لنفسك .. العمر بيجري .. <br />ـ أنا مصرة على رأيي <br />ـ يعني إيه ؟ <br />ـ يعني اقطع معايا <br />ـ بعد كل السنين دي ؟! .. بعد كل الحب ده ؟!! <br />ـ بلاش تراجيديا من فضلك <br />ـ ماشي .. بس قبل ما أمشي عاوز أسألك سؤال واحد بس .. <br />ـ إيه هو ؟ <br />ـ تراجيديا دي تبقى شتيمة ؟ <br /><br /><br />***** <br /><br />( بعد سنوات ) .. <br /><br />ـ تتجوشيني ؟ <br />ـ إيه ؟ <br />ـ تتجوشييينييييييي ؟ <br />ـ إنت مين ؟ <br />ـ أنا حبيبك يا هبلة .. البشي النضارة عشان تشوفيني <br />ـ طيب شاعدني عشان ألاقي النضارة <br />ـ آهي على الترابيزة قدامك <br />ـ فين ؟!! <br />ـ لا دي نظارتي أنا <br />ـ أيوة لقيتها .. <br />ـ البشيها بقة <br />ـ ططييبب <br />ـ عينيكي فوق شوية .. ده بقك .. <br />ـ طيب لبشهالي إنت <br />ـ عقبال ما البشك الدبلة <br />ـ ما تكشفنيش_ .. كنت بتقول إيه بقى ؟ <br />ـ كنت بقول تتجوشششيييينيييييي ؟ <br />ـ أكوشك ؟ .. إزاي ؟ <br />ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟ <br />ـ دي شتيمة ؟ <br />ـ لاااااء .. بقولك تتجوشيني ؟ <br />ـ آه !! .. أجوشك <br />ـ بالضااااابط_ .. هاه ؟ <br />ـ شيبني أفكر <br />ـ أشيبك تفكري ؟! .. ده انت هتموتي خلاش ! <br />ـ لا .. شيبني أفكر بش <br />ـ ربنا يوفقك <br />ـ إيه ؟ <br />ـ ربنا يوفقك <br />ـ بتقول إيه ؟ <br />ـ ربنا ياخدك <br /><br /><br />***** <br /><br />(على فراش الموت) : <br /><br />ـ تـ … كوح .. كوح .. تتـ .. كوح كاح كيح .. تتكو .. كوح .. كوح .. <br />تتكوشـ .. كوح كوح .. يني ؟ <br />ـ مش شامعة <br />ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .._ تتجوشيـ .. ؟ كوح .. كوح ……. <br />ـ أجوش مين ؟!!! <br />ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!! <br />ـ إيه ؟ .. <br />ـ لا .. كوح .. أبدًا .. كوح .. كنت … كح كح .. بأكح <br />ـ كنت بتكح ؟!!!! .. شلامتك .. ما قلتليش ليه ؟ <br />ـ هو .. كوح .. إنتي .. لشة .. عارفـ .. ـة .. كوح كوح <br />ـ بتقول إيه ؟ <br />ـ يا .. ولية .. كوح كوح .. ردي .. كوح كوح .. عليا .._ تـ .. تـ .. جو.. شيـ .. كوح كوح كوح كوح .. نـي ؟ <br />ـ أجوشك ؟!! .. طب بش خد الدوا الأول <br />ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح <br />كوح كوح .. ـني ؟ <br />ـ أيوة يا حاج .. موافقة_ .. موافقة إنك تتكوشني .. <br />ـ أخيـ….كوح كوح ..راااااً !! .. كوح كوح .. كدة أموت .. كوح .. <br />كوح .. وأنا .. كوح .. مطمئن ومرتاح_ .. الودااا .. كوح ..ع ع ع ع <br />ـ يا حاج .. يا حاج .. <br />لااااااااااااااااااااااااااااا !! </font></p><p><font face="tahoma,arial,helvetica,sans-serif">.</font></p><p><font face="tahoma,arial,helvetica,sans-serif">.</font></p><p><font face="tahoma,arial,helvetica,sans-serif">منقول من e-mail</font></p><p><font face="tahoma,arial,helvetica,sans-serif">.</font></p><p><font face="tahoma,arial,helvetica,sans-serif">.</font></p><p><font face="tahoma,arial,helvetica,sans-serif">دى..</font></p>