kalamntena
02-02-2004, 10:06 AM
مدكرات طالب ثانوى(2)
هاى يا شقيق hi brother
welcome to elsa3edia للمرة الثانية (تنفع مطلع اغنية) كنا قفلنا الموضوع لحد ما نزلنا العاب ووقفنا طوابير (بتاع 4 طوابير كده) صاح فينا شبيه (جيت لى) اللى معاهوش ترينج مش هايلعب . نظرت لملابسى فوجدت بنطلون جينس و t.shirt فنظرت لزميلى فوجدته يقف بشراب بنى كاروهات وسروالا مشمرا (بتاع الصيادين) مدعيا كدبا انه شورت ابيض وايضا (فانله) الزمالك وكان يتقافز وهو يدندن باركب مراجيح وانط حبال واعوم 100 كيلو واعدى جبال
-هووف هووف
-ايه ياض يا اهبل اللى انتا عامله ده؟
-بسخن.
-مش قصدى ايه اللى انتا لابسه ده؟
-طقم الزمالك.
-طب البس هدومك وتعالى معايا
-ايه ده مش هانلعب؟
-هانلعب هانلعب بس مش دلوقت
وسرنا فى الحوش نقوم بجوله سريعه في المدرسه
-معاك فلوس؟
-لا
-بلاش دنائه
-ليه؟
-اشترى لنا تمر (عصير). وصعدنا الى الفصل بعد انتهاء الجوله لنجد الحصه ابتدت
استاد التاريخ:
طويل قصير تخين رفيع (تحس ان القطر عدى عليه بتاع 20 مره)
-ايه اللى جابكم متاخر ؟
-اصل كنا في الحمام.
-طب خشوا. بس دى علشان اول مره
-السلام عليكم صاح بها محسن زميلى وهو داخل
وعلييييكم السلااااام ورحمه الله وبركاته. صاح بها باقى الفصل
-خد ياض انتى معدى على قهوه؟ صاح بها الاستاد
-يا استاد دا السلام لله
-طب تعالى
-مين اللى قتل محمد على؟
-ايه ده هو مات؟
-طب افتح ايدك
طااااخ آآآىىى ايه ده؟ صاح بها زميلي بفزع وعيناه تبرزان للخارج دى… دى ..بتكهرب..
ثم دخل ليجلس جنبى ثم مال عليا وقال :
-مين محمد على ده؟
-مش يمكن ده صاحب القهوة اللى قدام المدرسة؟
-يا راجل قول كلام غير ده.
الاستاد :عاوز كشكولين بجلاد بيج
زميلى :ايه حكايه التاريخ مع الجلاد البيج؟
-اصل التاريخ بيتكلم عن زمان يعنى تراب كتير فلازم يبقى جلاد بيج
-آآآآآآآآآه
-طب هو بيقول عاوز كشكولين ليه؟هو اللى هايكتب؟
-يا غبى باه هو اللى هايكتب؟ ده اكيد علشان عياله.
-آآآآآآآآه
بدات الحصه:وقام محمد علي ب……… وبنى ايضا……… وعمل ……… وسوى………
انا:ايه يا عم الرغى دا كله؟
ثم ومن موقعنا في آآخر دكه في الفصل شفووووو شيئ ابيض ويطير بسرعه سيصيح منكم الان من يحب الفوازير سهله دبانه رايحه تحج هاقوله اتقل شويه شفووووو ثم تريك انه صاروخ ورق لزق في السبوره جنب الاستاد علطول.
………………………… فتره صمت وترقب ثم
لاااااااااااااااااة اعععععععععععع صاح بها الاستاد كوحش اسطورى مش انا لاااااااااااااااااااااة
-خلانى احس انه واقف فوق السطوح والحكومه جايه تاخده – مش سعيد الدسوقى اللى يتعمل فيه كده لاااااااااااااااااه تفوووو عليكم طلبه انا هاعلمكم الادب واندفع خارجا وزميلي يتمرمغ في الارض مثل الحمار الحصاوى من الضحك ثم فوجئنا بشجره تدخل من الباب لا اعنى شجره بالكامل ولكن فرع شجره كبييير جدا و
قيام طااااااخ آى طااااخ آى آى طااااخ آآآآآآه كفايه آآآآآه صاح يحى يا استاد والله مانا
-انا هاوريكم يا غجر هااااااااااااع
طااااااااااخ آآآآآىىىىىى
زميلي-اوعى اوعى وسع . وانطلق يتقافز خارجا من الباب
الاستاد هاتو الواد ده هاااااااااااااتووووووه اعععععععع
واندفع خلفه وورائه مئات الطلبه والاساتدة
وصاحبى مشغل الصواريخ وطاير و
للباقى بقية
اخوكم الصغير حلبسه مجانص
وصاحبه بتاع السروال محسن حمامه
هاى يا شقيق hi brother
welcome to elsa3edia للمرة الثانية (تنفع مطلع اغنية) كنا قفلنا الموضوع لحد ما نزلنا العاب ووقفنا طوابير (بتاع 4 طوابير كده) صاح فينا شبيه (جيت لى) اللى معاهوش ترينج مش هايلعب . نظرت لملابسى فوجدت بنطلون جينس و t.shirt فنظرت لزميلى فوجدته يقف بشراب بنى كاروهات وسروالا مشمرا (بتاع الصيادين) مدعيا كدبا انه شورت ابيض وايضا (فانله) الزمالك وكان يتقافز وهو يدندن باركب مراجيح وانط حبال واعوم 100 كيلو واعدى جبال
-هووف هووف
-ايه ياض يا اهبل اللى انتا عامله ده؟
-بسخن.
-مش قصدى ايه اللى انتا لابسه ده؟
-طقم الزمالك.
-طب البس هدومك وتعالى معايا
-ايه ده مش هانلعب؟
-هانلعب هانلعب بس مش دلوقت
وسرنا فى الحوش نقوم بجوله سريعه في المدرسه
-معاك فلوس؟
-لا
-بلاش دنائه
-ليه؟
-اشترى لنا تمر (عصير). وصعدنا الى الفصل بعد انتهاء الجوله لنجد الحصه ابتدت
استاد التاريخ:
طويل قصير تخين رفيع (تحس ان القطر عدى عليه بتاع 20 مره)
-ايه اللى جابكم متاخر ؟
-اصل كنا في الحمام.
-طب خشوا. بس دى علشان اول مره
-السلام عليكم صاح بها محسن زميلى وهو داخل
وعلييييكم السلااااام ورحمه الله وبركاته. صاح بها باقى الفصل
-خد ياض انتى معدى على قهوه؟ صاح بها الاستاد
-يا استاد دا السلام لله
-طب تعالى
-مين اللى قتل محمد على؟
-ايه ده هو مات؟
-طب افتح ايدك
طااااخ آآآىىى ايه ده؟ صاح بها زميلي بفزع وعيناه تبرزان للخارج دى… دى ..بتكهرب..
ثم دخل ليجلس جنبى ثم مال عليا وقال :
-مين محمد على ده؟
-مش يمكن ده صاحب القهوة اللى قدام المدرسة؟
-يا راجل قول كلام غير ده.
الاستاد :عاوز كشكولين بجلاد بيج
زميلى :ايه حكايه التاريخ مع الجلاد البيج؟
-اصل التاريخ بيتكلم عن زمان يعنى تراب كتير فلازم يبقى جلاد بيج
-آآآآآآآآآه
-طب هو بيقول عاوز كشكولين ليه؟هو اللى هايكتب؟
-يا غبى باه هو اللى هايكتب؟ ده اكيد علشان عياله.
-آآآآآآآآه
بدات الحصه:وقام محمد علي ب……… وبنى ايضا……… وعمل ……… وسوى………
انا:ايه يا عم الرغى دا كله؟
ثم ومن موقعنا في آآخر دكه في الفصل شفووووو شيئ ابيض ويطير بسرعه سيصيح منكم الان من يحب الفوازير سهله دبانه رايحه تحج هاقوله اتقل شويه شفووووو ثم تريك انه صاروخ ورق لزق في السبوره جنب الاستاد علطول.
………………………… فتره صمت وترقب ثم
لاااااااااااااااااة اعععععععععععع صاح بها الاستاد كوحش اسطورى مش انا لاااااااااااااااااااااة
-خلانى احس انه واقف فوق السطوح والحكومه جايه تاخده – مش سعيد الدسوقى اللى يتعمل فيه كده لاااااااااااااااااه تفوووو عليكم طلبه انا هاعلمكم الادب واندفع خارجا وزميلي يتمرمغ في الارض مثل الحمار الحصاوى من الضحك ثم فوجئنا بشجره تدخل من الباب لا اعنى شجره بالكامل ولكن فرع شجره كبييير جدا و
قيام طااااااخ آى طااااخ آى آى طااااخ آآآآآآه كفايه آآآآآه صاح يحى يا استاد والله مانا
-انا هاوريكم يا غجر هااااااااااااع
طااااااااااخ آآآآآىىىىىى
زميلي-اوعى اوعى وسع . وانطلق يتقافز خارجا من الباب
الاستاد هاتو الواد ده هاااااااااااااتووووووه اعععععععع
واندفع خلفه وورائه مئات الطلبه والاساتدة
وصاحبى مشغل الصواريخ وطاير و
للباقى بقية
اخوكم الصغير حلبسه مجانص
وصاحبه بتاع السروال محسن حمامه