المساعد الشخصي الرقمي

مشاهدة النسخة كاملة : تخصص طب أسرة



أبو المعاطى شمروخ
20-03-2008, 02:39 PM
ياريت يا دكاترة
اللى يعرف اى حاجة عن تخصص طب الاسرة يقولى
مميزاته
عيوبه
بتعمل ايه يعنى

انا سمعت انها 6شهور وتاخد دبلومة وتسافر على طول
الكلام ده صح
وسمعت انها شغلانة مفيهاش شغل
يعنى متفصلة عليا


الكلام ده صح؟

arownas
20-03-2008, 02:41 PM
السلام عليكم

الحق يا شمروخ دكتور عماد قطب اونلاين
ان شاء الله يفيدك قوي في طب الاسرة

Dr.Medicine
20-03-2008, 02:53 PM
انا هحاول يا ابو المعاطي اوضح لك الفكرة شوية

انا هقولك اللي اعرفه عن Family medicine لان الكلية عندنا هي اول كلية دخلته و علمته للطلبة

بص هو الهدف من طب الاسرة ده ان يبقي لكل اسرة ملف عن الدكتور و تعمل متابعة و الحاجات دي ....

بس عيبها ان في مصر هنا علشان تطبق النظام ده ........هتأخد 100 سنة علشان الناس تقتنع به

لكن في دول الخليج و الخارج ......بيخدوا فلووووووووووووووس كتير .....لان النظام ده مطبق هناك

ايه هو بقي دكتور طب الاسرة ده ؟؟؟؟

عامة المفروض في Primary health care زي الوحدات الصحية كده و بعدين secondaryاللي هي زي المستشفيات العامة و كده ...tertiary و دي زي مستشفيات الجامعة و المستشفيات التخصصية
و دي هي مستويات الخدمة الصحية

فالنظام بتاع طب الاسرة ده عايز يخلي الناس مثلا قبل ما تروح لدكتور الباطنة او الجراح او النسا ...

تروح لدكتور family medicine و هو يعالجهم ....و لو في حد هيعمل عملية مثلا يحوله علي الدكتور المتخصص

و طبعا لكل اسرة ملف خاص بها عن الدكتور فيه كل البيانات الصحية و لو في امراض وراثية ...و غيرها ...

او ممكن يعمل referal لو الحالة محتاجة تخصص او اي حاجة زي كده ...............

فالمفروض دكتور طب الاسرة ده بيفهم في كل حاااااااااااجة

بص في دول الخليج بيخدوا مرتبات جامده و لهم احترامهم جدا

علي فكرة في دكاترة كتير (مثلا دكاترة باطنة او جراحة ...) بيحاربوا هنا النظام ده علشان هيخسروا كده ...

هو الكلام في الموضوع ده طويل ..........لو افتكرت حاجة تانية هقولكم .........

tabeb
20-03-2008, 03:51 PM
شوف اللينك ده

http://www.medicine.cu.edu.eg/english/students/forum/showthread.php?t=7132 (http://www.medicine.cu.edu.eg/english/students/forum/showthread.php?t=7132)

Nettawy
20-03-2008, 03:55 PM
لازم يأبو المعاطي أكون رقم 1 في الملفات اللى عندك يابو المعاطي :)

أبو المعاطى شمروخ
20-03-2008, 05:13 PM
شكرا
اروناس
نحمده
طبيب
نتاوى
على المشاركة ومستنى رد حد مجرب وشايف وملتمس للموضوع

Dr.Medicine
20-03-2008, 05:26 PM
انا ليا اصحابي ..........نواب فاميلي

هسألهم و ارد عليك

بس بلاش نحمده دي .......:look up:

أبو المعاطى شمروخ
20-03-2008, 06:04 PM
حااااااااااااااااااااااضر




















يا نحمده
ههههههههههههههههه
مستنى تردي عليا

Dr.Medicine
20-03-2008, 06:38 PM
انا كنت ممكن اكلمهم اسألهم حالا

بس بدال قولت نحمده



هكلمهم زي النهارده السنة الجاية


لا طبعا هسألهم يا زعيم العصابة ...

brightgalaxy5
20-03-2008, 08:37 PM
انا قعدت افكر انادي الحمد لله ازاي بس انت جبتها
جميل جدا
:)

Dr.Medicine
20-03-2008, 08:41 PM
حتي انت يا دكتور برايت..........!!!!!!!!

حرااااااااام عليكم

اتحدتوا عليا ليه ؟؟؟؟؟؟؟؟؟؟؟

emadkotb
21-03-2008, 05:56 PM
ناداني لبيته لحد باب بيته .....لبيك تأمر ياباشا

خلينا نجيب مالاخر يا ابو المعاطي :

مافيش شغل ومتفصل عليك ؟
قصدك مافيش نبطشيات ولا سهر ماشي اما الشغل فكتيييير والحمد لله
انت المفروض بتعمل فحص كامل متكامل لناس اصحاء اصلا علشان تفتحلهم الملف الاول وتاخد هستوري كامل برضه عن كل ما يتعلق بيه وبأسرته , تمام؟ ودا كله يا باشا لازم يتدون فالملف بتاع البيه (مرة عالورق ومرة عالكمبيوتر)علشان المتابعة بعد كدة وبتعمله بعض التحاليل الروتينية وتكتبها برضه فالملف وبعدين تحدد بقى لو الراجل دا محتاج علاج لمشكلة ولا حاجة تدهوله (طبية او نفسية او اجتماعية ) ولو محتاج احالة لاخصائي باطنة (ضغط ,سكر ... )او نسا او متابعة حمل او تنظيم اسرة او متابعة طفل سليم تحت 5 سنين او تطعيم او خلافى المهم لازم كل واحد منهم تملأ له استمارات معينة وتتابعة بيها ويجي كل قد ايه ويعمل ايه وبتاع وكل ملف بياخد كود لوني معين دي تحت اي بند بالظبط مثلا كود احمر ضغط اصفر سكر لبني متابعة حمل وممكن كل دول في ملف واحد ماهي اسرة على بعضها بقى....
المهم كل دا بيبقى مسئولية حضرتك كطبيب بالاضافة لمهام اخرى زي الطوارئ والهيلث اديوكاشن ومتابعة اللجان (الي حضرتك بتعملها )زي لجنة تلقي الشكاوي ولجنة الجودة ولجنة مكافحة العدوى ولجنة الادارة ولجنة التدريب وتدخل التقييم وتدبر بعض موارد المركز الماليه عن طريق العلاقات الاجتماعية والترعات.....شغلانة يعني
ولازم كمان تعرف ان مطلوب منك تردد حالات معين فاليوم ميقلش عنه ونسبه احالات محددة للتخصصات التانية ماتزيدش عن حد معين ولازم روشتتك ماتزيدش عن مبلغ معين فالمتوسط وهكذا
دا يعني في حته انه تخصص مريح ومافيهوش شغل
والدكتور بيعمل ايه تقريبا يعني بيقولوا طبيب الاسرة هو

the doctor who knows little and little about more and more

بيعرف حاجة عن كل حاجة بينما الاخصائي التاني بيعرف كل حاجة عن حاجة

مالاخر طبيب الاسرة هو ممارس عام بس متدرب كويس ومذاكر كويس وبيمشي على جايدلاينز معينة وبيتناول الفرد ككل مش المرض بس وكمان عيلته بمشاكلهم الطبيه والنفسية والاجتماعية
يعني مريض ضغط راح لدكتور باطنة هيختلف فايه عن مريض الضغط الي راح لطبيب الاسرة ؟

الاول يديله علاج للضغط ويطلبله تحاليل ورسم قلب وبعدين ابقى تابع معايا كل فترة يا حاج ..مع السلامة
التاني بيشوف الضغط (زي الاولاني ) ومعاه ايه ازاي شغلته بتاثر وببتاثر بالضغط عييلته بتاثر ازاي وببتاثر ازي وتكيفه هو النفسي عامل ايه مع الضغط ومطاوعته والكومبلاينس بتاعه هامل ايه مع نظام العلاج والاثار الجانبية للضغط وهل محتاج علاج لمشكلة تانيه عير الضعط يكون المرض او ادويته عملتها وكدة يعني........
بالاضافة طبعا للمعلومات على مستوى المجتمع ككل والتخطيط وتفيذ المشروعات والفيد باك وخلافه


مميزاته : والله انا شايف انه في مصر بيطبق غلط شوية (اشمعنى دا يعني ؟) بس عموما يعني فيه فلوس كويسة (حتى الان )
تخصص شيك الي حد ما والمراكز بتاعته نضيفة ومتكلفة ومطلوب فالخليج اكتر من غيره بمرتبات حلوة (شفت اعلان عاوزين طبيب اسرة معاه زمالة بريطانية mrcgp براتب 45 الف درهم فالشهر ) ومافيهوش بهدلة وسكته سالكة شوية ومافيهوش سهر ودراسته سهلة الي حد ما والرجاله قليلين فيه شوية يعني في عامل ندرة رجالي فالتخصص دا يعني هتلاقي شغل برة بسهولة

عيوبة :ساعات تحس ان التخصص دا هلامي شوية مالوش راس ولا ديل وخصوصا لما بتوع الكميونيتي يدرسوا طب اسرة (زي الحاصل في الزباله المصرية لطب الاسرة ) او لما تدرس جودة وخطيط استراتيجي ومهارات الاتصال مع الزبائن (بيسموهم كدة منتفعين مش مرضى ) وكمان الناس التانية بتنظرلك بدونية الي حد ما (اه طب اسرة يعني كبسولات ولوالب وتطعميات مش كدة ؟ ) والستات فيه كتير زيادة عن الزوم (انا فدفعتي فالزمالة فاسكندرية 2 رجالة و58 ست )وصباح الطبيخ والحضانة والميس بتاعة السياينس والماث وجوزي قال وعمل ومعندكيش عروسة تكون في صيدلة لاخويا الي فالسعودية واللمون بيتحط عالمحشي علشان كيت وكيت .....يعني ساعات المحاضرة بتكون مصطبة الي حد ما .

اخر حاجة بقى موضوع 6 شهور وتاخد دبلومة وتسافر ؟
الكلام دا مش دقيق قوي
علشان تبقى طبيب اسرة قدامك يا اما نيابه (ودي جديدة نسبيا ) يا اما زمالة يعني مش اقل من 3 سنين فيهم امتحانات فرست وسكند وفاينال وكتاب تدريبات وبحث ولازم تاخد دورة اسعافات واضافوا موخرا دورة لغة وكمبيوتر
بالنسبة للزمالة الي انا اعرفها لاني معرفش حاجة عن النيابة : 3 سنين بتمتحن بعد اول سنة الفرست في الكميونيتي وشويه باطنة واطفال
امتحان mcq غبي والي حاطة مش عارف انجليزي كويس فيحيرك ويطلع عينك علشان تفهم السؤال 100 سوال قي ساعتين وبعدين ورقة تانية 3 شورت اسي 2 بروبلم سولفينج
وبعدين بعد ما تخلص التدريب 3 سنين تدخل امتحان الجزء التاني في شهر 9 زيه برضه بس في كل حاجة فالطب (وشوية معلومات عامة على علم اجتماع على ادارة اعمال وجودة ) وبعدين الجزء التالت في شهر 11 بيكون عملي على حالات وشقوي وحاجة اسمها اوسكي او كى كدة

موضوع ال6 شهور دا بقى جه منين ؟ اقولك انا بقى
السعودية (تحديدا ) بتعمل مشروع جديد اسمه طبيب لكل اسرة ومحتاجة لعدد كبير من الاطباء في هذا المشروع فتعاقدو مع مصر والسودات والاردن وسوريا انهم يعملوا دورة في طب الاسرة لمدة 6 شهور باشراف سعودي وامتحانات سعودية ومقابلات سعودية قبل القبول بالدورة بمصروفات 4 الاف جنيه وبعدين الي ينجح يتعاقدوله مع وزارة الصحة بالسعودية لمدة 5 سنوات تجدد سنويا على ان يعمل بمناطق نائية (الي نزل منهم حتى الان : الرياض والباحة والقصيم والجوف وجازان والمدينة ...يعني الاماكن النائية في المحافظات دي ) براتب اساسي 4 الاف ريال يضاف عليهم 200 ريال عن كل سنة خبرة و400 ريال بدل انتقال و12 الف ريال سنويا بدل مسكن و2000 ريال مرة واحدة بدل تاثيث المسكن ونذاكر الطيران للطبيب وزوجته 2 من ابنائة مرة سنويا (رايح جاي )على الخطوط السعودية تحدبدا
تمام كدة؟
الموضوع دا فين بالظبط فمصر ومالكته ازاي؟
اقولك يا سامح باشا :
المعهد القومي للتدريب الي فشارع ممدوح سالم في مدينة نصر ..مدام رشا نافع تلفون 24053652
هتاخد مايفيد انك اشتعلت في الوزارة سنتين بعد الامتياز (اظن لسه طبعا ) او معاك دبلومة رعاية اساسية او باطنة او اطفال وهما يقولولك عالباقي
بس في حاجة دي دورة وامتحان وشهادة بالدورة (مش دبلومة ) علشان السعودية بس زي ماقولتلك ولا قيمه لها في اي مكان اخر
واي خودعة يا زعيم احنا فالخدمة

أبو المعاطى شمروخ
21-03-2008, 07:08 PM
الله يكرمك يادكتور عماد

لسة كان معايا مكالمة من السعودية
المملكة طالبين 20000طبيب
ابشروا يادكاترة

Nettawy
21-03-2008, 07:38 PM
ربنا يوفقك يا سامح بس ابقى افتكر أخوك نتاوي ;)

أبو المعاطى شمروخ
21-03-2008, 07:42 PM
ياعم
انا لسة في 6
بس بنحب نعرف الدنيا فيها ايه

Nettawy
21-03-2008, 07:48 PM
منا بتكلم لما تخلص وتعرف الدنيا فيها ايه
ابقى حوشلي حبه معاك