عمل وللا علم

[kalamntena]

"لا يا عم شهادة ايه اللى اشتغل بيها ؟"
"مش محتاجة الشهادة في حاجة انا هاتجوز واقعد في البيت"
"انا بادخل جامعة وبادرس عشان اوسع مداركي و افيد نفسي واسرتي انما انا مش هاشتغل"
"بلا هندسة بلا بطيخ انا داخل الكلية بس عشان الوالد مايزعلش انما انا هاشتغل في التجارة"


هل بلدنا فعلا بلد شهادات؟؟؟
و هل صح ان الواحد يدخل ثانوية عامة ( اول مراحل التنسيق ) و بعدين كليه لمجرد حصوله على شهادة تتحط على الحيطة ؟ او ترفع من برستيجه بين الناس؟
هل فيه فرق بين العلم و العمل ؟
و الكلام على بلدنا....





تانى موضوع ليا في باب في العضل
يا رب يبقى مفيد

[winner]

..
كل عام و انتم بخير ..

الكلام اللي قلتيه ده بنسمعه ..

و في بلدنا ..

لو واحد مجموعه ما يجيبش غير تجارة مثلا ..

تفتكري يعمل ايه ؟؟؟

يدخل الكلية ؟؟

و لا يقعد في بيتهم ..؟؟

و لو دخل الكلية هو عارف ان مفيش شغل ..

و مكانه عند البقال اللي تحتهم ..

او في تاكسي بعجلتين مستنيه ..

بس هيكون معاه شهادة من باب الوجاهة الاجتماعية ..

و لو ما دخلش الكلية ..

برضة ما قداموش غير البقال و التاكسي ..

بس من غير الوجاهة الاجتماعية ..

و اللي طبعا بتنفع لما يتقدم لواحدة لو كان راجل ..

يعني في كل الحالات النتيجة واحدة ..

بس بيحسب معادلة ..

شغلانة تعبانة ملهاش دعوة بشهادتي + شهادة > شغلانة تعبانة + مفيش شهادة ..

و البنت برضه بتسعى ان يكون معاها شهادة ..

عشان ما تحسش انها اقل من الراجل و كمان ممكن تشتغل ..

و لما تتجوز يكون برضة مظهر اجتماعي ليها ..

لان في بلدنا ..

اللي بيتخرج من كلية فيه احتمال انه يشتغل باللي درسه ..

و فيه كمان حاجة مهمة ..

و هي نظرة المجتمع لاصحاب المهن ..

يعني مثلا ..

تلاقي ميكانيكي و مهندس ميكانيكا ..

شوفي نظرة الناس لدة و لدة ..

يقول لا يا عم ده مهندس ..

مع انك تلاقي الميكانيكي الصنايعي احسن من المهندس ..


الشهادة في بلدنا رقم واحد للوجاهة الاجتماعية ..

و رقم اتنين للكسب المادي ..

[brightgalaxy5]

نظرة بسيطة في اللي عندهم 50 سنة فأكبر
دبلوماات وثانوية عامة
قليل اللي معاهم بكالوريوسات
وتلاقيه فاتح شركة استيراد وتصدير
او رجال اعمال
او او او
وصلو بخبرتهم
مش بشهاداتهم
دلوقتي الواحد يتكسف يقول معاه دبلومة
بقت عيبة
حتى لو مش هيشتغل بالبكالوريوس اللي تعب فيه
مدام مش هيجبلي فلوس يبقى ابله واشرب ميته
ده ان كان الشغل بالشهادات مش بالوسايط
مثال بسيط على واحد جايب جيد في التراكمي وعينوه دكتور قلب في ماهر
وكتييير زيه
انا لسة بكلم واحد صحبي اني لو متقبلتش في كلية الشرطة عشان مطلوب كوسة وبتنجان هستنى اي فرصة واخد الماستر واهج من البلد
مشفتش بلد بتكره حكومتها اكتر من البلد دي
معرضة للانهيار في اي وقت
وربنا هو اللي بيستر

[kalamntena]

طيب وايه رأيكو في شاب مجموعة في ثانوية مجموع الى حد ما معقول
وفضل يدخل تجارة
من باب
انتو مش عايزين شهادة هاجيبهالكوا
انما محدش يقوللى ادخل ايه
و بعدين انا روحت اتجوز
لو معايا شهادة و معنديش فلوس افضل وللا معنديش شهادة وصاحب فلوس؟


اعتبروني محاور
لسه مجاش الوقت اللى اقول اعتقادي

[broken nonna]

ضابط شرطة مرة قاللي
هو انا عامل دبلوم الصنايع زي الهندسة
هو انا عامل الهندسة زي الطب
لا طبعا
كل واحد وله معاملة خاصة بيه

لما سألت ده ليه
قال كدة
احنا بلد شهادات
اول حاجة ابصلها عشان اعرف البني ادم
شهادته ايه
و بعدين فلوسه ايه


المرةالتانية
والدي في مناقشة ما
قاللي دكتورة بيتحدد لها مين اللي يتقدمولها غير كدة لا
اما طبيب
او مهندس
او ضابط
حتى الطبيب البشري اكتر من اسنان

وللعجب كمان
لقيت الناس بعيدا عن موضوع النسب ده
برده بتفكر نفس التفكير
لما حد اقوله نا في كلية طب
يقولي بشري
ماشاء الله
احسن من اسنان!!!


النظرة العامة شهادتك ايه
بعد كدة فلوسك ايه


اخويا الكبير رئيسه في الشغل في مرة قاله
يا بني الشهادة ده
فقط عشان تتجوز بيها انما تشتغل بيها لاااااااااااااا
مباهاة بيها لا اكثر


اعرف واحد خريج هندسة و واحد تاني خريج فنون تطبيقية
شغالين ايه؟!!
فنيين ديكووووووور
و بيقبضوا حلو جدا جدا جدا
لما سالت ازاى
يعني نقاشين يا جماعة و مبيضين
قالوا ااااااااااااه
مادام فلوسها كتير يبقى حلو قوي
طيب و الشهادة؟!!
منظرة
نعلقها على صدرنا كدة ادام الناس ولما نيجي نتجوز لا اكثر لاأقل



كلمنتينا
اي نعم
احنا بلد شهادات
_حتى الان_
قريب وقريب قوي
هنبقىبلد فلووووووس فقط

[winner]

لو معايا شهادة و معنديش فلوس افضل وللا معنديش شهادة وصاحب فلوس؟


..
لو اهل العروسة ناس بسطاء ..

و عاوزين يستروا بنتهم ..

يبقى الفلوس اهم ..

لكن لو ناس مستواهم كويس ..

يبقى الاتنين ..

فلوس و شهادة ..

يا يروح لأمه ..

زي فيلم حب عن سفح الهرم .. او حاجة زي كدة ..

بتاع احمد زكي و اثار الحكيم ..

[kalamntena]

احنا كده بنتكلم على 25% من الموضوع
طيب خلينا في ال 25 % دول
نخلصهم الاول


دكتور نبيل فاروق
ده طبيب
صح؟؟؟





غلط
دكتور نبيل فاروق اديب
و لم يعمل بالطب غير فترة قليلة جدا
هل لو دكتور نبيل فاروق كان دخل كليه اداب
او حتى ثانوية عامة
ووصل لنفس المستوى
كان هيبقى ايه التعليق؟
هل هيقل احترام قراؤه ليه؟؟؟

[kalamntena]

يا يروح لأمه ..




دكتور وينر
حضرتك بتتكلم عن اخويا ووالدتى

[مصباح]

المفروض احنا اللي نفرض منطقنا على اللي حوالينا .. طالما الموضوع يخص مستقبلنا
يعني ايه ؟
يعني لو انا ليا طريق معين ....و الطريق دا مفيهوش شهادة ذات وجاهة اجتماعية ... أصر عليه و أكمل .. و مسير الناس هتحترمني بسبب نجاحي

[ekm86]

بلدنا دي فعلا كانت بلد شهادات.. بس مش قوي
دلوقتي بقت بلد شهادات من حيث المظهر الاجتماعي بس

يعني كذا مرة أسمع ناس بتقول "فلان.. ده أساسا مامعاهوش غير دبلوم" "إيه ده؟ إزاي يتقدملك واحد زي ده، بقى دبلوم تجارة يتقدم لبكالوريوس تجارة؟"
الموضوع ده غاظني جدا..
يعني لو واحد دبلوم بس دماغه نضيفة وإنسان كويس ومش هايف .. مش أكيد هيبقى أحسن من بكالوريوس بس دماغه فاضيه؟

أما عن حتة بادرس عشان أوسع مداركي.. فدي أعتقد إنها مش بتحصل على طول في جامعاتنا المصرية.. وكمان الواحد ممكن يوسع مداركه بالقراءة في اللي هو عايزه
لكن هو أكيد التعليم العالي هيفيد الواحد أحسن من المتوسط في شغله ..
يعني بكالوريوس التجارة أكيد هيفيد صاحبه في شغله أكتر من دبلوم التجارة..

عجبني جدا واحد كان معايا في المدرسة..
والده عنده محلات جزارة مشهورة في حلوان "ومش عشان جزار يبقى زي الجزارين بتوع الأفلام كده.. ناس محترمين جدا شكلا ومضمونا" .. المهم مجموعه يوديه هندسة
هو فكر.. قال أنا هادخل هندسة وأقرف نفسي خمس سنين ومذاكرة ورسومات ووجع قلب وأنا كده كده عارف إني هاشتغل في المحلات بتاعتنا؟ وكل ده عشان لما آجي أتجوز يبقى معايا بكالوريوس هندسة لكن شغال جزار؟
راح داخل تجارة.. قال تبقى شهادة عالية من ناحية.. وسهلة من ناحية تانية.. وما تشغلنيش عن الشغل قوي.. ولما أخلص ممكن تنفعني في شغلي
فعلا تفكيره محترم جدا

عموما أنا نفسي الواحد لما يبص للي قدامه يبص لأسلوب تفكيره مش لشهادته


بالنسبة بقى للناس المشاهير فدول وضع تاني..
لأن الناس حبت نبيل فاروق ويمكن يكون فيهم اللي ماعرفش إنه طبيب إلا متأخر.. أو اللي فاكر دكتور دي يعني معاه دكتوراه في الأدب ولا حاجة

يعني سبب احترام الناس ليه مش عشان هو دكتور أساسا.. عشان كده ما كانش هيتأثر بتخرجه من كلية تانية أو لأ

[kalamntena]

هو انا بدأت اتوه وللا ايه؟


طيب عشان بس اجمع الكلام
الكل متفق على ان بلدنا بلد شهادات و ان الواحد بيحترم عشان شهادته؟
اذا كان كلامي صح

ننقل على النقطة التانية

بدون كسوف وبدون خجل
مين مقتنع وبيعمل بما سبق ذكره ومين مش مقتنع و بيعامل الناس بشخصيتها مش بشاهدتها
ومين بيتأثر بالاتنين ولاي حد؟؟؟


عشان اسلام عدى بسرعة على جملة هي صلب الموضوع الحقيقة الللى عايزين نتكلم فيها بعد النقطة دي

[Dr.Medicine]

هل بلدنا فعلا بلد شهادات؟؟؟<?xml:namespace prefix = o ns = "urn:schemas-microsoft-com:office:office" /><o:p></o:p>
يا ريتها جات علي اد الشهادات<o:p></o:p>
<o:p></o:p>
و هل صح ان الواحد يدخل ثانوية عامة ( اول مراحلالتنسيق ) و بعدين كليه لمجرد حصوله على شهادة تتحط على الحيطة ؟ او ترفع منبرستيجه بين الناس؟<o:p></o:p>
<o:p></o:p>
انا دخلت طب و تعبت علشان اكون حاجة ...مش مجرد شهاده و خلاص <o:p></o:p>
فين كياني انا ..؟<o:p></o:p>
<o:p></o:p>
بس صدقيني ..عمر ما حد مثلا يدخل طب و ينجح فيه و يكون هدفه بس و الوحيد ..انه يغلق الشهاده علي الحيطه<o:p></o:p>
و الا ما كنش نجح ...هو ممكن يكون احبط لما دخل و قرر انه ما يكملش<o:p></o:p>
انا مثلا ..لو اتخرجت و حسيت لواحد في المية اني ما انفعش ابقي دكتورة ..مش هكمل ..و هعلق الشهاده علي الحيطة (للذكري فقط )<o:p></o:p>


هل فيه فرق بين العلم و العمل ؟<o:p></o:p>
<o:p></o:p>
اه في ....العلم يختلف عن العمل<o:p></o:p>
العلم محتاج تطبيق ...اللي هو العمل

<o:p></o:p>
<o:p></o:p>
لو معايا شهادة و معنديش فلوس افضل وللا معنديش شهادة وصاحب فلوس؟<o:p></o:p>
<o:p></o:p>
علي حسب تفكير الناس<o:p></o:p>
و الافضل لمين ؟؟؟؟؟؟<o:p></o:p>
<o:p></o:p>
لو لعلماء ...تبقي لو معك علم احسن<o:p></o:p>
لو لناس ما لهمش في العلم ..يبقي الفلوس<o:p></o:p>
<o:p></o:p>
الطبقي الوسطي ..المال و العلم معا<o:p></o:p>
<o:p></o:p>
انا شايفة ان العلم يعمل فلوس لكن الفوس ما تعملش علم<o:p></o:p>
<o:p></o:p>
<o:p></o:p>
<o:p></o:p>
<o:p></o:p>
الكل متفق على ان بلدنا بلد شهادات و ان الواحد بيحترم عشان شهادته؟اذا كانكلامي صحننقل على النقطة التانيةبدون كسوف وبدون خجلمين مقتنعوبيعمل بما سبق ذكره ومين مش مقتنع و بيعامل الناس بشخصيتها مش بشاهدتهاومينبيتأثر بالاتنين ولاي حد؟؟؟<o:p></o:p>
طبعا انا بحترم كل المهن<o:p></o:p>
بس لما بشوف دكتور او مهندس ....بحس باحترام لهم اكتر .....<o:p></o:p>
لكن ده ما يمنعش اني بحترم كل المهن مهما كانت<o:p></o:p>
<o:p></o:p>
المجتمع متكامل <o:p></o:p>
<o:p></o:p>
انا بعامل الناس بشخصيتها ...عامل جمع الذبالة احسن من دكتور جشع و مش فاهم حاجة<o:p></o:p>
فطبعا الشخصية مع المهنة بيأثروا <o:p></o:p>
<o:p></o:p>
<o:p></o:p>

[ekm86]

طيب عشان بس اجمع الكلام
الكل متفق على ان بلدنا بلد شهادات و ان الواحد بيحترم عشان شهادته؟

أيوة بس مجرد شكليات بس..
يعني في الجواز.. وكمان في التعامل لو كان شغل الإنسان ده بسيط.. لكن لو كان مرتاح ماديا بياخد لقب "باشا" على طول (بس برضه ساعة الجواز الشهادة بتتحط في الاعتبار)



بدون كسوف وبدون خجل
مين مقتنع وبيعمل بما سبق ذكره ومين مش مقتنع و بيعامل الناس بشخصيتها مش بشاهدتها
ومين بيتأثر بالاتنين ولاي حد؟؟؟
أعتقد كده والله أعلم إن موضوع الشهادة ده بييجي في مرحلة متأخرة عندي في الأولويات "لما باتعامل مع حد"
بس اللي يحكم أحسن عليّ مش أنا.. ولا زمايلي اللي في طب وهندسة "لأن طبيعي إن الكل بيعاملهم كويس"

[أبو المعاطى شمروخ]

هل بلدنا فعلا بلد شهادات؟؟؟
مش في معظم الاحوال
بس الغالب
بلد بتاعة شهادات
و هل صح ان الواحد يدخل ثانوية عامة ( اول مراحل التنسيق ) و بعدين كليه لمجرد حصوله على شهادة تتحط على الحيطة ؟ او ترفع من برستيجه بين الناس؟
ايوة
اعرف ناس طلبة طب مش هيشتغلوا اطباء
وهكذا
هل فيه فرق بين العلم و العمل ؟
طبعا
العمل ده شىء اساسي للعالم والجاهل
العلم مع العمل افضل من علم من غير عمل
وعمل من غير علم
لو معايا شهادة و معنديش فلوس افضل وللا معنديش شهادة وصاحب فلوس؟

والله تبع الشخص
يعنى ممكن شخص يبقى معاه شهادة ومفيش فلوس بس يقدر يجيب فلوس بعدين
انما واحد معاه فلوس ومفيش شهادة بتعتمد على دماغه وتفكيره
بس حاليا يفضل صاحب الفلوس


موضوع بقى معاملة الناس بشهادتها
ده مش اوى
اهم حاجة الشخص نفسه
يعنى انا شخصيا ليا اصحاب معاهم دبلومات وشخصيات محترمة جدا
وليا اصحاب فى الكليات وعالم تعبانة
يعنى تبع الشخصية
ولو واحد عبقري ومُهزأ لازم أهزؤه
لو واحد مابيعرفشي يقرأ ومحترم اشيله على راسي
كان نفسي ارد رد اكبر من ده
بس
الكيبورد مملة

[kalamntena]

طيب قبل ما ننقل على نقطة تانية

الشهادة وللا السلطة؟؟؟؟
يعنى

امين شرطة وللا مهندس؟
ملازم وللا استاذ في الجامعة؟



طيب
سؤال كمان
الناس بتقول شخصية البنى ادم هي اللى بتفرض احترامهم
كلام جميل
هل تعاملك مع كل الناس واحد
بغض النظر عن شهادتهم
مثلا
عامل المدرج بتناديله ايه؟ و بتتعامل معاه ازاي؟؟
مثال تانى
للناس اللى اشتغلت
بتتعامل مع هيئة التمريض ازاي ؟

[DR_ROLAAN]

طيب قبل ما ننقل على نقطة تانية

الشهادة وللا السلطة؟؟؟؟
يعنى

امين شرطة وللا مهندس؟
ملازم وللا استاذ في الجامعة؟


لا الشهاده ولا السلطه
شخصيه الانسان
طبيعف تفكيره
درجه احترامه
اخلاقه
دى الى تحدد طريقه التعامل مع الانسان
ودليل على كده
ان احنا مش كل اخواتنا واهلينا اصحاب شهادات مميزه ولا اصحاب سلطات
مثال وده مش تقليل من الشأن ده مجرد مثال علشان اوصل بيه معنى كلامى عندى واحد صديقتى معانا فى طب ووالدها بيشتغل سواق ميكروباس
بتحترم والدها وبتحتر وظيفته
وبتحترم كل سواقين الميكروباس
مع ان منهم ناس الله المستعان بيهم

طيب
سؤال كمان
الناس بتقول شخصية البنى ادم هي اللى بتفرض احترامهم
كلام جميل
هل تعاملك مع كل الناس واحد
بغض النظر عن شهادتهم
مثلا
عامل المدرج بتناديله ايه؟ و بتتعامل معاه ازاي؟؟
مثال تانى
للناس اللى اشتغلت
بتتعامل مع هيئة التمريض ازاي ؟

انا مشتغلتش بس لما بروح المستشفى وبيبقى فيه بنات مدرسه التمريض هناك
وخاصه فى مستشفى الشاطبى
انا مصاحبه بنات من هناك
وفيهم بنات محترمات جدا جدا
وعقليتهم وطريقه تفكرهم حلوه جدا



فيه حاجه عايزه اقولها
واعتقد انها هتوضح كلامى
الانسان ربنا سبحانه وتعالى خلقه
وكتب له رزقه ومعيشته وشقى ام سعيد
كتب له حياته من يوم ولادته ليوم وفاته
لو هنفترض ان فيه ناس من اصحاب البكالوريسات بتقول طبعا لما الانسان بتبقى شهاداته كويسه بيتعامل غير الى شهادته دبلوم او تعليم فوق متوسط اوكده
طيب انا بقى الى عايزه أسأله سؤال
هل الانسان ده هياخد اكثر من نصيبه
ربنا سبحانه وتعالى كتبله قدر معين من العلم ليحصله
ولو انت او اى حد من الجامعات
ربنا سبحانه وتعالى مش كتبلك تكمل فى الجامعه
كنت هتكمل
اكيد لا طبعا لان ده قدر ورزق من عند الله
وعارفه طبعا من جد وجد
لكن ربنا سبحانه وتعالى بيعطى الانسان قدر من المجهود والجد لينال بيه ما كتبه الله له
يعنى مجهودك الى ربنا رزقك بيه على قد انك تجيب الى ربنا كتبهولك
ودليل على كده
ان فى ناس دبلومات صنايع
وبتكمل وبتدخل كليه الهندسه
وبيبقى خبرته اكبر من الى داخل هندسه من الثانويه العامه
جزاك الله خيرا على الموضوع

[kalamntena]

تقريبا الناس بدأت تنام
طيب كلام جميل


سؤال بقى

دلوقتى الناس اللى مش ناوية تشتغل بشهادتها ؟ بتاخدها ليه؟


:aiaiai:
ماحنا قلنا
برستيييييييييييييييييييييييييج


طيب خلاص من غير زق


طيب
الدكتور اللى مش هيشتغل دكتور
و المهندسة اللى هاتقعد في البيت
بيدخلوا طب وهندسة ليه ؟؟؟؟

[sameh_ig]

السوال دة صعب قوى يا دكتور ,

لما برجع احسبها و افكر انى كنت 16 17 سنة و مخلص ثانوية عامة و مستقبلى انا اللى بختارة برجع و اقول تصدق ان الواحد برضة كان خطاء و كان اولى يسمع كلام الللى اكبر منة

حتى ولو فرضا هو عارف هو عايز اية و مش هيشتغل بشهادتة كتير جدا بيروحوا ناحية ان دى وجهة اجتماعية طيبة ودة حق مشروع و ان مش شرط خالص ان الفرد يشتغل بشهادتة و دة برضة امر مشروع ووجهة نظر تحترم

و ناس يمكن تحسبها بطريقة تانية : هو اى نعم مش هيشتغل بشهادتة بس على فرض ان جدتت فى الامور امور يبقى معاة حاجة تانية ممكن يركن عيها وتساعدة لو فشل او حصلتلة شىء مكنش فى الحسبان

هو امر جدالى فى راى سوال سعتك علم ولا عمل و كل واحد بيشوف ظروفة اية و بيتحرك عى اساسها

اهم شىء فى النهاية هيا الرضا بلى يقسمة ربنا سواء علم و عمل

[ekm86]

أنا السؤال ده بأسأله لنفسي كتير..
ومش لاقي إجابة

يعني لو موضوع تغيير الـcareer ده جه بعد ما الواحد يخلص الكلية .. ماشي
لكن إن الواحد يبقى مقرر إنه هيشتغل حاجة تانية من وهو في تانية مثلا.. طيب بيكمل ليه؟

[kalamntena]

حتى ولو فرضا هو عارف هو عايز اية و مش هيشتغل بشهادتة كتير جدا بيروحوا ناحية ان دى وجهة اجتماعية طيبة ودة حق مشروع و ان مش شرط خالص ان الفرد يشتغل بشهادتة و دة برضة امر مشروع ووجهة نظر تحترم



انا كده بقى ابدأ ارد



كلام جميل
لما هي وجاهة وبرستيج
يتعب نفسه ويدخل طب وهندسة و صيدلة ليه؟
ما ياخدها من قاصرها و يقضيها
تجارة
اداب
حقوق ( ودي احسن كلية الحقيقة للى مش محدد طريقه )

[sameh_ig]

ومين قال انة كدة هيتعب نفسة

الامثلة قدامى كتير و اصدقاء ليا سابو اطب و اشتغلو فى مجالات تانية

اولهم صديق ليا بقى تاجر و الاخر عندة معرض سيارات وصيدلى اخر عندة شركة زيوت و تشحيم

الموضوع مش موضوع تعب ب عكس دة واحد بيدرس لانة بيحب مجا الدراسة اللى هو فية و مش شرط يبقى دكتور ويعمل دكتور هو بيحب الطب اى نعم دراسيا و متفوق ومجتهد لية اقولة قصر و هات من الاخر طو ما هو مبسوط و مبيخدش حق حد

[kalamntena]

كويس جدا جدا

وصلنا لنقطة مهمة جدا

مبيخدش حق حد


هي دي المشكلة
انه مبياخدش حق حد

وللاسف النظام في مصر مساعد على ان كل واحد يعمل اللى هو عايزه براحته
مادام مبياخدش حق حد ( و ساعات بياخد بس بنكبر )

انما نظام التعليم الرائع بتاعنا
يدي الحق لواحد متأكد مليون المية انه مش هيشتغل في الطب انه يدخل طب و يضيع فرصة على واحد تانى ( ويغير حياته 180 درجة ) كل مشكلته انه جاب اقل منه بنص درجة في ثانوية عامة
و ماله وانا مالي
مانا

ماباخدش حق حد

[moatazahmed]

سلام عليكم

بالنسبة لموضوع الشهاده واذا كانت ياترى للعلم ولا لشغل"معايا بكاليريوس تجاره او حقوق"
تعالو نشوف عالناحيتين

واحد معاه شهاده كبيره اوي وشوفو شغال ايه وكان ده قدام عيني
المنظر كلاتي
داخلين مطعم فول وطعميه وكنا 3
واحنا قاعدين بنهزر وكل واحد بقى بيقول عاوز يتخصص ايه وكدا من قبيلالهزار
الراجل اللي كان بيقلي الطعميه جاي وبيقولنا بنبرة حزن
"انتو بتتخانقوا على ايه مفيش شغل كدا كدا"

فنا بقولو"ليه بس ياعم الياس ده"

وكان الرد"محسوبك بكالريوس هندسه قسم ميكانيكا بتقدير جيد وبشتغل زي منت شايف"

طبعا جالنا كلنا شوك وسكتنا
وخد من الامثلة دي كتبر وحاجات والله انا شوفتها بعيني
ايه ياعم انت معاك ايه
اه انا معايا بكاليريوووووووووووووووووووس تجاره"تحس وهوا بيقولها هيطلعلوا جناحات ويطير"
بس عاطل

تعالو مثلا لواحد زي الراجل البشمهندس اللي شغال في محل الفول والطعميه
وراح اتقدم لبنت

ياترى وهوا داخل للناس هيقولهم ايه
"معايا بكالريوس هندسه"
اه برستيج ومنظر وكل حاجه وهتاخد راجل بشمهندس
السؤال البديهي

"طب وهتوكلها منين"
بكل بساطه هيسحب نفسو لان فعلا الشهاده اللي اخدها وتعب عشانها مش موكلاه عيش حاف
اي نعم فيه ناس ممكن تقدر بس دول للاسف قلة قليله

وبرضو حصل موقف غريب جدا معايا
كنت مستني في بكلونة الوحده في امتحان النسا
لقيت نايب صغير طالع البلكونه وانا بقول بصوت عالي" وادي الكتاب اهو هيا كدا كدا خربانه"

لقيتو بيقولي" بص يابني غلطتك الوحيده في دنيتك انك دخلت طب"
مخبيش عليكو كان هاين عليا ارمميه من البلكونه اللي انا فيها
بقولو ليه
بيقولي"انا اهو زي منت شايف متمرمط وطالع عيني وباخ في الاخر 200 جنيه في حين زمايلي معاهم شهادات تانيه اي كلام شغالين في فودافون وبياخدو اققل واحد 1000 ونص"
قوقتلو" بس انت دكتور واسمك دكتور"
قال"عملتلينا ايه الدكتره غير وجع القلب"

اهو ده احد الامثله اللي مش عاجبها حالها في شهادتها

وبرضو بيحصل قدامي موقف في بيتنا
ليا اختي اصغر مني بسنتين ومخلصه معهد فني صحي وهتشتغل وتجيب فلوس
في حين انا اخوها لسه بدرس في سنه 5
وهما لما بيشتغلو بعد ست شهور بيبقى مرتبهم اعلى من مرتب الدكتور الحديث التخرج مع الفارق الشاسع في الشهادات
ولاقي دايما جملة بتتكرر في البيت" ياااااه يابنتي مش كنتي دخلتي تجاره كان بقى اسمك معاكي بكاليريوس"


من الاخر
الخلاصه

الناس في الموضوع ده بتنقسم الى مجموعتين
مجموعه يهمها الاسم والشهاده وانت دكتور او مهندس او معايا بكاليريوس حتى لو مش لاقي الرغيف الحاف احسن من واحد معاه دبلوم
حتى لو شغال مدير بنك

وناس تانيه يهمها زي مبيقولو "البهاريز" او "outcome" يعني انت بتجيب كام مش مشكله بقى
الشغلانه حتى لو كان رئيس عصابة


يارب مكنوش "ميسد ذا بوينت" ولو كنت غلطان حد يصلحني

[DR_ROLAAN]

كلام جميل
لما هي وجاهة وبرستيج
يتعب نفسه ويدخل طب وهندسة و صيدلة ليه؟
ما ياخدها من قاصرها و يقضيها
تجارة
اداب
حقوق ( ودي احسن كلية الحقيقة للى مش محدد طريقه )







اولا انا عندى رأى فى الموضوع ده
ومتزعليش منى والله انا مبقصدش كلامك
انا قصدى عامه يعنى
الناس للاسف دلواقتى بقى اجبارى على الواحد انه يدخل حسب مجموعه
طيب واحد جايب مجموع كبير
ونفسه يبقى حاجه معينه فى دماغه
يعنى مثلا جايب 99%
ونفسه يبقى محامى
شاف شخصيه معينه حب يبقى زيها
الكلام ده بيرجعه الف خطوه لوره
يقول يعنى انا لو دخلت حقوق هيقولوا عليها كليه اى كلام
ومش عارف
المجتمع محتاج كل عمل من الاعمال دى
ومحتاجين فيها الناس الى بتحبها ونفسها تنبغ فيها
والله انتى لو دورتى هتلاقى نصف الى داخلين طب علشان كلام المجتمع
طيب انا واحد مش حابب المجال ده ليه ادرسه غصب عنى يعنى
فجميع الكليات فى نظرى انا على الاقل واحده
سواء دخل طب حقوق حتى لو دخل كليه تربيه رياضيه
واحد متفوق رياضيا ليه ميمارسش الشغل الى بيحبه وينبغ فيه
بدل ما يدخل حاجه تانيه مش حببها ويطلع بشهاده حتى لو اشتغل فيها هيحس نفسه فاشل ومش هيعرف يدى فيها زى الى داخلها عن حب
وده السبب ان الناس مش بتشتغل بالشهاده بتاعتها
وعلى فكره يا دكتوره والله دكاتره كثير جدا بعد ما اشتغلوا فى الطب وجم يتحملوا مسؤليه بيت واطفال ومنهم الى متحمل بجانب بيته بيت والده ووالدته
سابوا الطب ولعنوا اليوم الى دخلوا فيه الطب وراحوا يشوفوا شغل يقدر يفتحلهم بيوتهم ويسد مسؤليته
لكن وقت ما الواحد بيتحمل مسؤليه مبيدورش هو هيشتغل ايه
لما اب ابنه يطلب منه حاجه
وهو دكتور قد الدنيا
ويقوله ماشى هجبلك علشان يسكته وهو جيبه مفيهوش حتى ينزل يجبلهم العشا
دى بالنسباله تسوى ايه
اكيد هتغير حاجات كثير قوى جواه
وبالنسبه بقى انه بيشتغل غير شغله والله انا اعرف ناس اصحاب اخويا خرجين هندسه وصيدله وطب واشتغلوا فى اونكس بتاعه جمع القمامه
سبحان الله
اصل مين قيجبله احتيجاته
200جنيه هيجوزوه _ولا هيجيب بيهم لبس ومفيش اصلا لبس ب200_ولا ولا ولا

[kalamntena]

دكتور معتصم
كلامك محترم
و مفيش اي كلام على واحد اكتشف بعد ما دخل الكلية انه مش هيقدر يوفي باقي مستلزماته
لكن السؤال على اللى عارف من الاول





ومتزعليش منى والله انا مبقصدش كلامك


مفيش اي زعل خالص :smiley1:
انتى ما غلطتيش فيا
من حقك تقولي رأيك طبعا الاختلاف في الرأي لا يفسد للود قضية مادمنا احنا الاتنين ملتزمين بادب الحوار :union:
ده قبل ما اقرأ اي حاجة
:smiley14:




والله انتى لو دورتى هتلاقى نصف الى داخلين طب علشان كلام المجتمع


تمام
معاكي
منهم اللى اقتنعوا بكلام المجتمع
ومنهم اللى ماقتنعوش وانما فيه قوى عليهم كأن يكون الابن الاكبر مثلا
انما اللى بأوجه ليهم السؤال ده
الناس العاقلة الواعية
اللى عارفة هي عايزة ايه
دخولهم كليه _ اي كليه _ مش هيشتغلوا بشهادتها وطبعا الامر اعظم بالنسبة لكليات القمة _ زي ما بتتسمى _ هل ده صح؟
و هدفهم من ده ايه؟



فجميع الكليات فى نظرى انا على الاقل واحده

لا دي انا اختلف معاكي فيها
لا كل الكليات متساوية لا محتوى ولا مجهود ولا outcome
خريج طب ممكن يفتح محل ويتاجر
انما خريج تجارة مش ممكن يشتغل دكتور
الفرق ان الاول ضيّع على غيره فرصه انه يكون طبيب


وعلى فكره يا دكتوره والله دكاتره كثير جدا بعد ما اشتغلوا فى الطب وجم يتحملوا مسؤليه بيت واطفال ومنهم الى متحمل بجانب بيته بيت والده ووالدته
سابوا الطب ولعنوا اليوم الى دخلوا فيه الطب وراحوا يشوفوا شغل يقدر يفتحلهم بيوتهم ويسد مسؤليته


ناس محترمة
و طبعا الكلام مش على اللى كان عايز يكون طبيب او مهندس وبعد ما خلّص وجد الظروف مش مناسبة او لجأ لشغل تانى _ مع مراعاة نوعية الشغل برضه _ وهل هيجمع بينه وبين ممارسة الطب وللا لا
زي ماتكلمنا في موضوع "طب بس؟"
انما السؤال للي عارف انه مش هيشتغل مهندس وماعليهوش اي ضغوط وداخل هندسة برضه




كلمة اخيرة كان المفروض تتحط في اول الموضوع
كل واحد حر
كل اللى باعمله هنا
انى باكشف الورق
و باحاول اشوف الاسباب عشان لو حد فينا اتحط في موقف نصيحة يقول الحاجة اللى ترجح كفته قدام ربنا



هاه نكمل؟
حد عنده اسباب تانية؟

[Dr.Medicine]

دلوقتى الناس اللى مش ناوية تشتغل بشهادتها ؟ بتاخدها ليه؟





انا نفسي اجاوب علي السؤال ده ......

انا ممكن ما اشتغلش بشهادتي ..


عارفه ليه ؟؟؟؟؟؟؟؟؟؟؟؟


صدقيني انا ما دخلتش طب علشان البرستيج و الكلام الفاضي ده ........

انا كان هدفي او حلمي ابقي مسلمة دكتورة .....بس لقيت ان الموضوع اصعب مما كنت اتصور

انا لو خلصت و شكت و لو واحد في المية اني ممكن ما اكونش اد المسؤلية دي ......هسيب الطب خالص .....

و هشتغل حاجة تانية


بس ده سر ما تقوليش لحد عليه ........

[Dr.Medicine]

كوكو الموضوع توهت في الموضوع ؟؟؟؟

ايه الاسئلة اللي المفروض لسه اجاوب عليها ؟؟؟؟؟

[kalamntena]

دي ناس احترمها

صدقيني انا ما دخلتش طب علشان البرستيج و الكلام الفاضي ده ........

انا كان هدفي او حلمي ابقي مسلمة دكتورة .....بس لقيت ان الموضوع اصعب مما كنت اتصور

انا لو خلصت و شكت و لو واحد في المية اني ممكن ما اكونش اد المسؤلية دي ......هسيب الطب خالص .....

و هشتغل حاجة تانية

ناس اقل حاجة تتقال عنها انها ماضيعتش فرصة على حد
طبعا من باب ان محدش يعرف الغيب وايه اللى ممكن يحصل بكرة

[kalamntena]

كوكو الموضوع توهت في الموضوع ؟؟؟؟

ايه الاسئلة اللي المفروض لسه اجاوب عليها ؟؟؟؟؟

جمييييييييييييييييييييييل
:smiley20:

مفيش اسئلة احنا بندردش
مش اي محاور بيعمل كده
:icon_mrgr

[DR_ROLAAN]

لا دي انا اختلف معاكي فيها
لا كل الكليات متساوية لا محتوى ولا مجهود ولا outcome
خريج طب ممكن يفتح محل ويتاجر
انما خريج تجارة مش ممكن يشتغل دكتور
الفرق ان الاول ضيّع على غيره فرصه انه يكون طبيب





انا معاكى ان الكليات مش متساويه فى المحتوى لان كل مجال وليه محتوياته
لكن بالنسبه ان خريج تجاره مش ممكن يشتغل دكتور لانه ممكن اخر حاجه يعرفها فى الطب الاسعافات الاوليه لكن ميقدرش يشخص مرض ويكتب علاجه
زى ما برضه الدكتور ممكن يفتح محل ويتاجر بس مش ممكن يعرف يرصد البورصه ولا يعمل ميزانيه الدوله ولا يقدر يقوم بعمل ميزانيه البنك كل سنه
وكل المجالات كده زى الحقوق انا ممكن اكون بعرف فى القانون وبعرف اخر ما وصلوا ليه
لكن معرفش ابحث فى ثغرات القانون علشان اطلع متهم ولا اثبت برائه واحد
وده ببساطه لان لو كان ينفع ان اى واحد يشتغل شغل التانى مكنش حد اتعلم ولا كان للتعليم اهميه
فى الدول الى اتقدمت دلواقتى واصبحت بتحكم العالم كله
كل واحد مركز فى عمله
الدوله بتمسك كل فرد بتستفيد من الى تعلمه علشان كده اتقدموا
لكن هنا ...............هقول ايه بس
يا ريت اكون قادره اوصلك رأى

[kalamntena]

طيب كويس جدا اننا وصلنا للنقطة دي



الاول خلينا نتفق ان احنا بنتكلم عن مصر


طيب
انتى بتقولى ان خريج طب مش ممكن يشتغل في البورصة ولا يعمل موازنة

السؤال فيه قانون يجرم الحاجات دي لمن لا يحملون شهادة بكاليريوس التجارة ؟
افرضي اخويا بيشتغل في بنك وانا عملتله موازنة البنك وراح قدمها وطلعت كويسة وقال لمدير البنك اختى خريجة طب اللى عملتها
هل هيقبضوا عليا؟
اكيد لا

انما اللى بيمارس مهنة الطب وهو ممعاهوش بكاليريوس طب هيتسجن
تمام؟




انا باقول كده
عشان نوصل للفرق بين العلم والعمل
اللى عايز يشتغل طبيب يدخل طب
اللى عايز يتعلم طب يقرأ و يشوف النت



يعنى اللى بيدخل الجامعة عشان بس يتعلم او عشان يبقى معاه شهادة مينفعش
لازم ياخد شهادة يشتغل بيها و يفيد نفسه وغيره
اديكي شوفتى لما كل واحد بقى يقول ياللا نفسي البلد جرى فيها ايه؟