المساعد الشخصي الرقمي

مشاهدة النسخة كاملة : ممكن اكون صاحبتكم


she.
13-02-2004, 01:22 PM
<p>السلام عليكم ورحمه الله وبركاته </p><p>انا عضو جديد ولاحظت ان كاكم اصحاب فممكن اكون صاحبتكم علشان انا بجد حبيت اراكم وطريقة تفكريكم </p><p>وحلو جدا ان يكون فى حاجه زي كده في كليتنا العجيبه </p>
kalamntena
13-02-2004, 01:36 PM
بلاش لا زى كل مرة لحسن المرة اللى فاتت ميشو زعلت ومطلعتش المنتدى تانى
على العموم احنا نسمح و نسعد والتالتة كانت ايه ؟؟؟؟
على العموم اهلا وسهلا
مصباح
13-02-2004, 03:15 PM
<p>اعتبري نفسك صديقتنا من دلوقتي على طول</p><p>ياللا عايزين نشوفك في المنتدى و نشوف مشاركاتك</p>
nabilprofelgen
13-02-2004, 03:21 PM
اهلا بكم
اهلا وسهلا اهلا وسهلا
شرفتونا و نورتونا
اهلا بالجيل الصاعد الواعد
و يجعله عامر
walaa
13-02-2004, 06:12 PM
<p>أهلا و سهلا طبعا_,,,,,,, و زي ماقلتي كلنا صحاب ..........</p><p><a href="javascript:smilie(':smiley32:')"><img alt="smiley32" src="http://www.kasralainy.edu.eg/english/students/forum/images/smilies/smiley32.gif" border="0" /></a><a href="javascript:smilie(':smiley32:')"><img alt="smiley32" src="http://www.kasralainy.edu.eg/english/students/forum/images/smilies/smiley32.gif" border="0" /></a><a href="javascript:smilie(':smiley32:')"><img alt="smiley32" src="http://www.kasralainy.edu.eg/english/students/forum/images/smilies/smiley32.gif" border="0" /></a></p>
مصراوى
13-02-2004, 08:24 PM
<p>بقى ده اسمه كلام</p><p>انا مش عارف اقول ايه</p><p>في الحقيقة صداقتنا مش محتاجة استئذان</p><p>مرحبا بالاخت (هي) او</p><p>she</p><p>وسطنا</p><p>ومستنيينك تملي المنتدى مشاركات</p><p><font face="Tahoma" size="2">:smiley31::smiley31::smiley31:</font></p><p />
Eman Samir
13-02-2004, 10:02 PM
طبعا طبعا
she.
18-02-2004, 05:57 PM
<p>متاسفه اتاخرت فى الرد عليكوا اصلى كنت بحاول اعرف شخصيتكوا من كتابتكوا وتوصلت لشويه حاجات كامنتينا</p><p>؛عرفت ان انت طيبه والى فى قلبك عاى الشاشه قدامى</p><p>بس ميشو مين</p><p>ميشو _؛ماتزعليش من كامنتينا المنتدي جمبل_والله</p><p>مصراوى ؛انا بموت فى اسلوبك وطريقه تفكيركونفسى اكون زيك على فكره انا قريت مواضيعك وعجبانى موت</p><p>ولاء تسمحيلى اقولك بالولو</p><p>نبيل؛انا_ماكنتش اعرفك بس يعنى_من كام يوم عرفتك وانت زي ماتخيلتك بالضبط</p><p>مصباح ربنا يطول انا فى عمرك يا بشمهندس</p><p>ايمان انت تحفه_</p>
kalamntena
18-02-2004, 08:41 PM
ايه الحكاية على الشاشة قدامك ازاى يعنى ؟!!!!!!!
وبعدين انا اسمى كلمنتينا باللام
وبيدلعونى برعى ومش طيبة ولا حاجة انا نرفوزة وبطلع بالليل للعيال
هه بس
she.
18-02-2004, 10:47 PM
<p>كلمنتينا اولا انا اسفه بخصوص الاسم يس الكى بورد بتاعتى احيانا بتعلق فبجيب اقرب حرف_ </p><p>وانت الى فى قلبك على لسانك ده مش عيب بيتهيئلى</p><p>وبخصوص انهم بيدعلوكى بيقولولك يا برعى بيتهيئلى انك ارق من كده كتير </p><p>وديه كانت وجهة نظرى لو مش عجباكى انا اسفه</p>
Eman Samir
18-02-2004, 11:34 PM
<p align="right">يا بنتى عادى جدا</p><p align="right"><a href="javascript:smilie(':smiley2:')"><img alt="smiley2" src="http://www.kasralainy.edu.eg/english/students/forum/images/smilies/smiley2.gif" border="0" /></a>كلمنتينا بتهزر، مش كده يا كلمانتينا؟؟؟</p><p align="right">و كالمعتاد اول هزار فى المنتدى بيتفهم غلط</p><p align="right">بس عارفة، اول مرة حد يقول عليا تحفة</p><p align="right">بس قولولى: هى تحفة دى شتيمة؟؟</p>
kalamntena
19-02-2004, 10:24 AM
لا مش معقول فههمتنى غلط احمدك يا رب
يا بنتى انا مابزعلش راجعى مدنجى الفتيات
بالمناسبة اخر غلط فى اسمى كان كلمنتنا _انتنا انتنا انتنا _ يا رب ما يكونش معانا حد من علوم
ايمان : ملعوبة وفى الجون كمان
walaa
19-02-2004, 05:23 PM
<p>أولا اسفة على التأخير بس الواحد اليومين دول .......</p><p><a href="javascript:smilie(':smiley19:')"><img alt="smiley19" src="http://www.kasralainy.edu.eg/english/students/forum/images/smilies/smiley19.gif" border="0" /></a><a href="javascript:smilie(':smiley19:')"><img alt="smiley19" src="http://www.kasralainy.edu.eg/english/students/forum/images/smilies/smiley19.gif" border="0" /></a><a href="javascript:smilie(':smiley19:')"><img alt="smiley19" src="http://www.kasralainy.edu.eg/english/students/forum/images/smilies/smiley19.gif" border="0" /></a></p><p>و بعدين ناديني زي ما نتي عايزة و لو اني في حالتي دي أفضل شرفنطح !!!!!!!!</p><p>أما كلمنتينا ,,, فأحب أبشرك ,, معاها مش هتعرفي راسك من رجليك و اسألوني أنا (على فكرة ده نوع من انواع المدح )</p><p><a href="javascript:smilie(':smiley9.:')"><img alt="smiley9." src="http://www.kasralainy.edu.eg/english/students/forum/images/smilies/smiley9.gif" border="0" /></a><a href="javascript:smilie(':smiley9.:')"><img alt="smiley9." src="http://www.kasralainy.edu.eg/english/students/forum/images/smilies/smiley9.gif" border="0" /></a><a href="javascript:smilie(':smiley9.:')"><img alt="smiley9." src="http://www.kasralainy.edu.eg/english/students/forum/images/smilies/smiley9.gif" border="0" /></a></p><p>هي تحفة يعني ايههههههههههههه؟؟؟؟؟؟؟</p><p><a href="javascript:smilie(':yadmaghy:')"><img alt="yadmaghy" src="http://www.kasralainy.edu.eg/english/students/forum/images/smilies/bangin.gif" border="0" /></a><a href="javascript:smilie(':yadmaghy:')"><img alt="yadmaghy" src="http://www.kasralainy.edu.eg/english/students/forum/images/smilies/bangin.gif" border="0" /></a><a href="javascript:smilie(':yadmaghy:')"><img alt="yadmaghy" src="http://www.kasralainy.edu.eg/english/students/forum/images/smilies/bangin.gif" border="0" /></a></p>
she.
20-02-2004, 01:01 PM
<p>بقى الانسه برعى طلعت بتهزر </p><p>وانا الى قعدت نصف يوم ضميرى بيئنبنى علشان زعلتها</p><p>ماشى </p><p>بس توقعى الانتقام قربيا</p><p>وعلى فكره اسم برعى هو الى رقيق</p><p>ايمان متشكره انك وضحتيلى </p><p>وتحفه دى يعنى حاجه حلووووة اوى وعلش علشان العربى_ صعب عليا شويه</p><p>ومرسي خالص ليكى يالولو</p>
مصراوى
21-02-2004, 01:02 AM
<p>ياسلام ....يا سلام</p><p>لا انا مش بغني ولا حاجة بس انا مستمتع نوعا ما باسلوب المناقرة و المناكفة الذي تتبعه الأخت كلمنتينا مع كل الأعضاء</p><p>she</p><p>الحمد لله انك فهمت شخصية كلمنتينا بالذات قبل لي شخصية فينا...</p><p>معاها حتحتاجي اسبرينة...</p><p>تشوفك تسلم وتقول انستينا...</p><p>و بعد شوية تقولك امشي و هوينا...</p><p>ماسبتش حتى رجل المدينة...</p><p>و مع ذلك كلنا بنحبها و نقولها...نورتينا</p><p>يا كلمنتينا...</p><p>و عجبي...</p>
nabilprofelgen
21-02-2004, 01:17 AM
اهلا بكم
يامرحب يامرحب
زى ما توقعت بالضبط
ويجعله عامر
فيرون
06-03-2004, 07:32 AM
الحمد لله أنا ما نزلتش في رصد الدرجات ...
ممكن أطالب بمنحي الدرجه النهائيه
she.
10-03-2004, 07:31 PM
<p>من غير ماتقول انا متبعاك من زمان وممكن اديلك 80% بس علشان انا ممتحنه صعبه اوىوانا ما ادتليكش درجه من الاول علسان انت ما ردتش وعاى راى الدكتور نبيل يجعله عامر_</p><p>نبيل اه فعلا انت زى ماتوقعت بالظبط_</p>
فيرون
10-03-2004, 10:26 PM
<p>:smiley9.::smiley9.:_ ياللخجل ....</p><p>بس واضح إنك لقيتي كل الناس زي ما توقعتي بالظبط :what happ</p><p>:smiley15:</p>
nabilprofelgen
11-03-2004, 02:37 AM
اهلا بكم
الموضوع مش ناقص الغاز
ذى ما توقعت؟؟؟؟
هتنشفوا ريييئى
و بعدين كله بثوابه
و يجعله عامر
فيرون
12-03-2004, 01:39 AM
<p>ألغاز إيه يا باشا .....</p><p>انتا ما تعرفشي إن طلبة الطب حالياً بيحاولو ينموا مواهبهم .... علشان يلاقو حاجه يشتغلوا فيها بعد ما يتخرجوا ....:smiley32:</p><p>و أدي واحدة قررت تفتح المندل و تشوف الودع ... . <font face="Tahoma" size="2">:baloo:</font></p><p>يعني بكل بساطه .... لو لقيت واده ماشيه في الكليه ... بتنادي و تقول ... أبين زين أبين .... مش بعيد تيقى هيا الأخت .she </p>
she.
12-03-2004, 01:06 PM
<p>ماشى يا دكتور بقى انا امشى واقول ابين زين </p><p>ماشى عموما مردودلك وعلى فكرة نبيل بس هو الى طلع زى ماتوقعت_ وبالمناسبه_يععن ابقى قولناحضرتك او ماكنتش دكتور يعنى_تحب تبقى ايه</p><p>وبعدين ايه_يعنى ابين زين واشوف الودع مش شغل وبيجيب فلوس_</p>
nabilprofelgen
13-03-2004, 04:05 AM
الله يرحمك ياأخ
كنت بعقللك
اييه اللى جرالك
دا من ايه ده
و يجعله عامر
kalamntena
23-03-2004, 09:51 PM
اه الانتقام هو انت وانا اقول مين دعا عليا مع مدنجى
ok ok
انتى المسؤولة بقى اديكى شوفتى وحشتكو ازاى
مصراوى
اسبرينة ايه ؟
طب دا انا بلسم
نسمة
تقدر تقول غير كده ؟
وبعدين ماحنا سوينا موضوع مدنجى وبقى بنا رقاق وفته
وللا ايه ؟
nabilprofelgen
27-03-2004, 02:09 AM
اهلا بكم
معنديش علم
رقاق تانى
امتى و فين ؟؟؟
و يجعله عامر
kalamntena
27-03-2004, 07:32 PM
مانت بعد ما روحت من العزومة اياها كان مدنجى راسه والف سيف انه يتعشى رقاق وفتة والا مش هيروح
قلت على ايه عشيناه
she.
27-03-2004, 11:03 PM
رقاق وفته طيب_ ومحدش قالى ماشى مش مسامحاكوا وكمان بقه مايجعلهوش عامر هه بس_ خلاص
nabilprofelgen
28-03-2004, 08:49 AM
اهلا بكم
ان شاء الله ، يعنى ان كان لينا عمر جديد
السنة الجاية هنفتكر كل الناس
و يمكن ساعتها ناخد جايزة اوسكار لأحسن عزومة
و يجعله عامر
kalamntena
28-03-2004, 06:10 PM
يا she المرة الجاية ان شاء الله هتكونى اول واحدة تيجى تساعدنى وتقشر التوم بدل القصرعينية
قصر عينية اعملى حسابك هتعملى عصير التوت عشان مصراوى بيحب يحطه على الفتة
نبيل على فكرة انت لسه مارجعتش مقاسات الصوانى ولا قلتلى
she راجعى العيد جانا
مصراوى
28-03-2004, 09:34 PM
<p>بصولنا في اللقمة بقى</p><p>و بعدين يا </p><p>she</p><p>انت ان شاء الله السنة الي بعد الجاية حتكون العزومة عندك</p><p>علشان السنة الجاية محجوزة لكلمنتينا</p><p>و باب الحجز مفتوح</p><p>للاستعلام يرجى الأتصال بمنظم العزومات الأخ نبيل</p><p>او الأخ مدنجي يسد برضه في الحاجات دي</p>
nabilprofelgen
29-03-2004, 01:32 AM
اهلا بكم
الله يكرمك يامصراوى
ان شاء الله سأجتمع مع مدنجى
و بناء على هذا الاجتماع سيصدر بيان رسمى بشأن العزمات داخل منتدى القصر العينى
نعمل الاجتماع الاول
و الله الموفق
احنا بنعمل اللى علينا و الباقى على ربنا
و يجعله عامر
she.
29-03-2004, 04:27 PM
موافقه جدا انى اعزمكوا بس برده مش مسامحاكوا
kalamntena
29-03-2004, 09:12 PM
مانت ساعتها مكنتيش لسة جيتى
she.
30-03-2004, 05:02 PM
<p>اه صحيح</p><p>طيب هاسمحكوا علشان انا قلبى طيب</p><p>وكمان انا عامله DIET </p>
kalamntena
30-03-2004, 05:50 PM
اه لو كنت شايفاكى
مدنجي
30-03-2004, 07:13 PM
و انا طبعا موافق انى آاااااااكل..

دى..
kalamntena
30-03-2004, 07:17 PM
يا سلام انت تاشر بس المهم الاكل يعجبك
مدنجي
30-03-2004, 07:47 PM
:tom&jery:
يا خوفى..


دى..
kalamntena
31-03-2004, 04:13 PM
قول عدس يا مدنجى
مدنجي
31-03-2004, 05:40 PM
<p>اولا بناءً على رغبتك:</p><p>&quot;عدس يامدنجى&quot;</p><p>ثانيا:</p><p>ملقتيش الا العدس..</p><p>مفيش كباب..سمك..شيش طاووق..اسكالوب بانية.......</p><p>كفاية كدة اصلى جعت..</p><p>.</p><p>.</p><p>دى..</p>
she.
31-03-2004, 05:48 PM
<p>يعنى ولا قولتى اهلا بيكى منورنا ولا حاجه اول ماجيت جيت على الاكل على طول طب مخاصماك</p><p>وكلمنتينا قصدك ايه يعنى</p>
مدنجي
31-03-2004, 07:28 PM
<p><font face="tahoma,arial,helvetica,sans-serif">انا اطلب منك_ان تتغاضى عن _هذا الخطأ الشنيع الذى اخطأته..</font></p><p><font face="tahoma,arial,helvetica,sans-serif">و بقولك اكيد كان يوم تسجيل دخولك كان من الايام الى كنت بعيد فيها عن الكمبيوتر والانتر نت <font color="#ff0000">عشان كدا انا اعتقدت انى رحبت بيكى بالرغم ان دا محصلش زى ما انتى بتقولى</font>..</font></p><p><font face="tahoma,arial,helvetica,sans-serif">لكن يا ستى متزعليش </font></p><p><font face="tahoma,arial,helvetica,sans-serif"><font color="#0066cc"><font size="7"><strong>اهلاً بيكى منورانا</strong></font> </font></font></p><p><font face="Tahoma" color="#0066cc"></font></p><p><font face="Tahoma" color="#0066cc">دى..</font></p>
مصراوى
01-04-2004, 03:13 PM
<p>بداية جيدة للأعضاء تجاه العزومات</p><p>ابسط يا نبيل ابسط يا مدنجي حتفرج ان شاء الله</p>
kalamntena
01-04-2004, 06:48 PM
مالو العدس مالو العدس ماهو زى الفل وبعدين شيش ايه وقزاز ايه دا اكل لا يسمن ولا يغنى من جوع
احنا بتوع الكلام ده برضه


لا ولا حاجة يا SHE انت لو تعرفينى كويس كنتى حزرتى انا اقصد ايه بس ماتدقيش


ان شاء الله يا مصراوى اتجدعن انت بس وهات ناس كتير تانى فى المنتدى وانت تضمن عزومات للركب
nabilprofelgen
02-04-2004, 03:17 PM
اىاى
عدس.......
ياخواننا انا غاسل معدتى السنة دى 3 مرات
بليز : ممكن لحم غزال مع مشروب تفاح
كده الواحد ممكن يروح من العزومة و قلبه مطممن
و يجعله عامر
kalamntena
03-04-2004, 08:18 PM
:atshan:
ادى العصير
اصبر بقى اما نعمل جمعية عشان الغزال
وللا على ايه ممكن نجيبلك قرد ماهو القرد فى عين امه ايه؟!!!!
غزال
she.
05-04-2004, 06:13 PM
<p>مدنجى دلوقتى بس اقدر اقولك مرسى وبما انى برده قلبى طيب انا هعمل الكلمه الغريبه الى انت قولتها ديه عن الخطا الفظيع الى انت عملته</p><p>يلا الواحد يعمل الخير وبيقى يرميه فى البحر</p><p>كلمنتينا ممكن انا اعزمكم الاول بمناسبه شم النسيم </p><p>واوعدكوا لو جيتوا هبقى اجيب سيمون فيمييه بدل السردين والملحه وكمان بس علشان خاطر نبيل نبقى نجيب_ لحم نعام بالشمبنيون مع عصير لمون فرش </p><p>ولو حد عنده اى طلبات اسبشل يبقى يقول علشان الاكل هيجى من بره بالطياره _</p>
kalamntena
05-04-2004, 07:48 PM
واد يا عوضين
هه ؟
ايه يا وله الصابون فيليه ده ؟
مخابرش
طب مش شمبليون ده بتاع حجر رشيد ؟
لع ده بتاع الحمله الفرنساوية
اسكت يا عبيط منتاش فاهم حاجة هو كده زى مابجوللك
nabilprofelgen
06-04-2004, 01:08 AM
اهلا بيكم
wow
طيب ياجماعة ركزوا و افتحوا قواميس الاطعمة و بعدين دى فرصة
بصى يادوت شى : بالرغم من تواضع الحاجات اللى عايزها بس ياريت تيجيبيها معاكى : ممكن ريش مشوية و معاها بطاطس و كاتشاب و العصير يكون اما تفاح مركز او عصير فراولة فرشششش
و الحلو 3 ام على
و بعدين ياكلمنتينا : بقوللك ركزى و الحقى اطلبى
و يجعله عامر
مصراوى
06-04-2004, 02:56 AM
<p>انا عايز طعمية اسكندراني</p><p>:smiley20::smiley20::smiley20:</p>
kalamntena
06-04-2004, 02:37 PM
انا فى شم النسيم محجوزة _لا مش هيلونونى _
انا اللى هاعمل السمك ماهو للاسف مينفعش ااكل نينا السنه دى الخيرات بتاعة كل سنة كله من الischemic heart
انت محرمتش يا مصراوى
she.
06-04-2004, 08:53 PM
<p>لا طبعا مش مسموح انك ماتجيش يا كلمنتينا مليش دعوى انا </p><p>مصراوى انت تامر بس انا هحاول ابعت الطياره اسكندريه تجيب لك الطعميه بس انا مش مسؤله عن الى هيجرالك</p><p>نبيل عنينا ليك يافندم تحب اى حاجه تانى كفيار مثلا</p><p>كلمنتينا ممكن متبقيش تعزمى عوضين ده تانى اصله بيئه موت ومش بيفهم بسرعه</p><p>بالمناسبه ادمن_يعنى ايه شيخ الحاره الى كتبينهالى ديه واشمعنى انا يعنى</p><p>_وانت مالكش اى طلبات</p>
nabilprofelgen
07-04-2004, 02:46 AM
اهلا بكم :
متشكرين يادوت شى ،يوه قصدى شى دوت
هاتى بس الحاجاتتى
و بعدين ياكلمنتينا : متكتريش التوم فى السمك
و ياعم مصراوىىىى: تعيش الفلافل الاسكندرانى بصرحة احسن من اللى فى القاهرة (اصل معلمى بيفرم معاها حمص الشام)
و يجعله عامر
مصراوى
07-04-2004, 03:25 AM
<p>اي خدعة يا شباب</p><p>واضح ان كلكوا ماتعرفوش كيفية التعامل مع الطعمية الأسكندراني</p><p>ع العموم</p><p>بص يا عم نبيييييييييل:اسكندراني او قاهرى ماتفرقش المهم النفس اللي تاكل</p><p>اما انت يا كلمنتينا فمش مهم انا حرمت ولا لا المهم انت حتعرفي تسد في الحاجات دي و ترفعي علم مصر لفوق</p><p>اما الأخت دوت شي فما تخافيش عليا انا اتعودت عليها المهم انتوا حتستحملوا مفعولها ولا لا؟</p>
kalamntena
07-04-2004, 11:38 AM
she
حقيقى انا مشغولة جدا اليوم ده خصوصا واننا مرتبين رحلة للايتام يوم الجمعة ان شاء الله بالمناسبة لو حد يحب يجي ، يعرف ايتام و يحب يفسحهم ، يحب يشارك فى المصاريف على العموم ان شاء الله هتكون فى جنينة الحيوان _ حاجة كده على قدنا _
"ممكن متبقيش تعزمى عوضين ده تانى اصله (بيئه موت) ومش بيفهم بسرعه"
لا تعليق عوضين هو اللى هيبقى يرد عليكى
نبيل
يا سلام على السمك الصينية بالتوم والفلفل الاخضر واللمون

عيب عليك يا مصراوى ده برده سؤال وبما انك شكلك كده مش عايز تقول ايه هيه الطعمية الاسكندرانى فانا كمان هاسكت ومش هاقول على الخلطة السرية مع ان لسانى بيحرقنى
:smiley2:
she.
07-04-2004, 07:08 PM
خلاص ياكلمنتينا طالما انت مش فاضيه خلاص مفيش عزومه ياتيجى يا بلاش اوكى نبيل خلاص مش معزوم زمصراوى يعنى لسه_ هنشوف
she.
07-04-2004, 07:11 PM
<p>اه سورى سورى ياعوضين انا غلطانه بليز ماتزعلش_ انت ممكن تيجى بس خلاص للاسف مفيش عزومه او خلاص ممكن نأجلها لحد ماتفضى كلمنتينا</p><p>_برده محدش_قالى يعنى ايه شيخ الحارة ديه_</p>
kalamntena
07-04-2004, 09:26 PM
انا هاحاول اقنع عوضين بالعدول عن قراره بالاخذ بالتار هو على العموم طيب وكلمتين حلوين من واحدة حلوة زيك ممكن تحل المسالة
اما مسالة شيخ الحارة فالادمين دلوقتى على الهوا لو ماردش هابقى اشرحلك انا
بس انا ميرضنيش انك تلغى العزومة عشانى انتو اتوكلو على الله وانا ان شاء الله هاكون اول واحدة اجى فى العزومة الجاية ok ya gameel?
مصراوى
13-04-2004, 02:47 AM
<p>-واد يا عوضين</p><p>-نعم يا اسطى</p><p>-اسطى؟ انت شايفني رابط الفوطة الصفرة</p><p>-خلاص يا عم عاوز ايه</p><p>-عم؟</p><p>-اللهم ماطولك يا روح خلصنا يا سيدي</p><p>- ايه يابنى انت مالك عصبي ليه</p><p>-طلعونا مجانين بقى</p><p>-انت شارب شوربة الأسد ولا واخد رضعة الفيل مالك طايح في خلق الله كده</p><p>-اصل انا مضايق</p><p>-من ايه</p><p>-اصل مش عايزين ياخدوني معاهم في العزومة</p><p>-مين دول</p><p>-كلمتينينا و شى دوت مش حاجة تزعل برضههو احنا مش جيران</p><p>-طبعا</p><p>-و النبي برضه وصى على سابع جار</p><p>-ايوه يا سيدي</p><p>-يبقى خد بالك من</p><p>(jar)</p><p>نمرة سبعة هاهاهاهاها</p><p>-؟؟؟؟</p><p>-شفت بقي اني انفع ممثل قول لنبيل يتوسط لي في الأتحاد</p><p>-اتحاد ايه</p><p>-اتحاد الممثلين ولا اقولك قول لشى دوت تكلملي كابتن مجدى عبد الغني</p><p>-يابني هي ماتعرفوش</p><p>-طب خلاص انا حاوجه رسالة ليهم ياريت تعزموني معاكم و ربنا يسامحك ياللي في بالي</p><p>-؟؟</p><p>-بكرة تفهما كلكم</p>
مصراوى
13-04-2004, 03:02 AM
<p>بعد مداولات وهات وخد مع الواد عوضين اكتشفت انه خايف ان نبيل مايطلعوش معانا في الفيديو كليب الجديد معلهش يا نبيل طلعوا معانا ده واد غلبان و طيب</p><p>- ايه ياعم انت حتشحت على</p><p>-يعني الحق علي اني بحاول انفذ لك رغباتك</p><p>-رغباتي دي كانت في الثانوية العامة </p><p>-طب يا خفيف تكمل انت ولا اكمل انا</p><p>-لا كمل انتولا اقولك كمل انت</p><p>-انت بتهوشني </p><p>-خلاص اتفضل اتكلم</p><p>-أأ</p><p>-خلاص خلصت</p><p>-يابني انا لسه قولت حاجة</p><p>-لالا عادي انا بس بشتغلك</p><p>-ما علينا مش وقته المه هو ليه شوية طلبات صغيرة من شى دوتهو بيحب الطعام المكسيكي و عايز حاجة كده من صنع ايدك</p><p>-بس قولها تغسل ايدها في الأول</p><p>-يابني انت حتفضحنا اقعد ساكت شوية مس عايز اسمع صوتك</p><p>-اهه(و يضع يده على فمه)و</p><p>-يا ساتر انت نسيتني كنت عايز اقول ايه,انت كنت عايز ايه تاني</p><p>-هممخمفمخ</p><p>-ايه وضح كلامك</p><p>-هممخمفمخ</p><p>-يابني انت هتجنني</p><p>-مش انت اللي قولت مش عايز اسمع صوتك</p><p>-يارب ارحمني </p><p>-امين</p><p>-حسبي الله و نعم الوكيل ربنا يسامحك ياللي في بالي</p><p>-كلمنتينا </p><p>-يابني حد جاب سيرتها انت حتجبلنا الكلام ولا ايه</p><p>-لا مش قصدي بس هي واقفة وراك اهه</p><p>و التفت خلفي فلم اجد احدا</p><p>-عليك واحد حلوة مش كده حلوة وكمان ملعوبة</p><p>-بس بقى انا ابتديت اتخنق منك</p><p>-طب فك الكرفتة شوية هاهاها</p><p>-طب لينا كلام بعدين المهم يا جماعة نفذوا له طلباته ده غلباوي و حيوجع لنا دماغنا</p><p>-تاخد اسبرينة؟</p><p>-خد ربنا </p><p>-امين</p><p>-سلام يا جماعة</p>
nabilprofelgen
13-04-2004, 03:55 AM
اهلا بكم
عنك انتى ياكلمنتينا
بصصى ياشى دوت : كل و احد فى الدولة ليه position
يعنى فى مواطن و مدير و مسئول و زززير و رئييسس وزار.... و ........
طبعا عارفين اللى فى الاخر
و بياخد اللاسم ده حسب سلبيته
يعنى لو سلبى خالص بيكون مواطن
لو بيعرف يمششى اموره بيكون عضو فى مجلسس...
و لو دماغه متكلففة يبأ لازم يهشتك و يبشتك و صوره تتحط فى كل مكان

نرجع و نططبق الكلام ده فى المنتدى :
برده كل عضو ليه position
و اسم ال position يتحدد حسب عدد المشاركات
يعنى فى الاوول بيكون عدد المشاركات قليل فبدختى لقب جديد فلا الحتة
و لو العدد بتاع المشاركات كبر : تكوننى شيخ حارة
و هكذا و هكذا

و ياعم مصراوى : عوضين ده بيفكرننى بالواد بتاع كفر الهنادوة ، بس المرة دى سماح عشان ازمة الانتاج و لمن المرة الجاية هيكون فى القائمة
kalamntena
13-04-2004, 04:17 PM
ايه يا عم مصراوى اكمن عوضين وحسنين مش هنا هتبوظ صورتهم كده قدام الاجانب امتى الكلام ده حصل انت قابلتهم من ورايا وللا ايه
بالمناسبة مرة عوضين راح مسابقة للذكاء كل اللى قبله اتسالوا ايه دى يقولوا دوافة
يقوموا يسقطوا
هو ركز قوى قوى ولما سالوه قالوهم جوافه
قالولوه هايل بتتزرع فين دى ؟
قالهم فى الدنينة
she.
13-04-2004, 11:29 PM
<p>هاى يا جماعه عليكوا بجد وحشتونى اوى</p><p>نيبل مرسى خالص انا فهمت بس بعد عزاب المهم انا المرة الجايه لما اترقى هبقى ايه</p><p>على فكره انا عايزة اسال على معانى الكلمات الى انا مش فهماها بس فى الاخر</p><p>عوضين_ للمره التانيه سورى وبص ولو انى كنت بفهم عاميه كويس جدا انما يعنى انت تامر هعملك تاكوز انشاء الله من عند تشيلز علشان الشف هناك بيغسل ايده كويس اوى</p><p>هو كمان فى حسنين يا كلمنتينا يلا عقبال ماتعرفونى على محمدين </p><p>مصراوى خلاص انا عرفت مجدى عبد الغنى مين وممكن اكلمهولكوا </p><p>حد بقى يقولى معانى الكلمات ديه احسن ابويا زهق منى ومبقاش يرد عليا</p><p>يهشتك وبشتك,الهنادوة,بتهوشنى,همخمخمفخ,فى كلمات تانيه بس نكتفى بهزا القدر</p>
nabilprofelgen
14-04-2004, 04:58 AM
اهلا بكم

بيتهيئللى كلمنتينا و مصراوى هما اللى هيترجمولنا المصطلحات دى
اصلهم ماسكين قسم الترمينولوجى بتاع المنتدى


و يجعله عامر
kalamntena
14-04-2004, 02:15 PM
شكرا يا نبيل
بس الحقيقة اذا حضر الماء بطل التيمم مينفعش اتكلم والسيد الاستاذ الدكتور مصراوى موجود
مصراوى
15-04-2004, 03:05 AM
<p>ماشي يا شيدوت انا حاجاوب لك على كل استفساراتك</p><p>بيهشتك:وهو لفظ يدل على قدر كاف من الدلع و الدلال في المعاملة مع الآخرين و عادة ما يتم اقترانها بلفظ آخر يحمل نفس المعنى وهو يبشتك كما تفضل الأخ نبيل بذكرهما معا_ و تقال(الأم بتهشتك ابنها)يعني بالبلدي كده بتدلعه وهذا هو المعني الظاهر اما فيما يتعلق بما وصفه الأخ نبيل فهي عبارة اذا صدرت من احد الأشخاص المسؤلين الذين يتولون مناصب مرموقة في الدولة فهي ترمز الي السرحان بعقول الشعب الغلبان اللي مش فاهم حاجة ومش واخد باله ان المسئول ده بيضحك عليه</p><p>كفر الهنادوة:واضح انك مش متابعة جيدة لكاريكاتيرات الجرائد المختلفة التي تصدر يوميا وفلاح كفر الهنادوة هي احدى الشخصيات الكاريكاتيرية التي يتم من خلالها التهكم على الأوضاع المقلوبة في بلادنا الغالية و على فكرة ده راجل عاصر اجيال من رؤساء الوزراء الأفاضل ربنا يديله الصحة ,فتارة تجده مواليا للحكومة(وده طبعا لما تكون الدنيا مغيمة و آخر لبش)و تارة اخرى تجده ضدهاوده لما المسائل تزيد عن حدها اوى</p><p>بتهوشني:وهى عبارة تعني الأشتغالة اي انه بيشتغلني اما في الكلام او الحركات و للعبارة مرادفات أخرى مثل بيمارسني او بيزاولني او وركينج مd</p><p>workin'me</p><p>,همخمخمفخ:دي مش كلمة ولا حاجة دي مجموعة كلمات في بعض و لكنها تصدر على شكل صوت غريب نتيجة اما لوجود اكل في فم الشخص الذى نطقها و اما انه كان حاطط ايده على فمه زي الواد عوضين ماعمل</p><p>وهذا و الله اعلم</p><p>ولو احتجتي تعرفي حاجة تانية احنا تحت امرك</p><p>بس نصيحة مني اقري</p><p><font face="Tahoma" size="2"><a href="http://www.kasralainy.edu.eg/english/students/forum/showthread.php?s=&threadid=681"><font color="#000020">كتاب مصطلحات الشباب الروش</font></a><font size="3"> </font></font></p>
she.
15-04-2004, 11:03 PM
<p>ربنا يخليك يامصراوى اقصد الاستاز الدكتور مصراوى </p><p>بس كلمه اخيره الله يخليك لبش ديه يعنى ايه</p><p>نبيل مردتش عليا هبقى ايه لما اترقى تانى واصلا امتى هترقونى؟_ </p>
nabilprofelgen
16-04-2004, 03:27 AM
اهلا بكم

بصراحة موش فاكر ياشى دوت
بس ممكن اقوللك انك ممكن تغيريها و تخلليها زى مانتى عايزة
و دا من خلال لوحة التحكم بتاعتك



و 100 ميه ياعم مصراوووى


و يجعله عامر
مصراوى
16-04-2004, 08:05 PM
<p>لبش:عبارة تدل على ان الأجواء العامة المحيطة بنا مليئة بالصعوبات وده طبعا نتيجة لوجود عيون الحكومة في كل مكان حولنا (اللهم احفظنا)و اهذا كثر استخدام هذا اللفظ مع ظهور بعض امارات التذمر لدى الشعب نتيجة قرار وزارى جديد او رفع سعر سلعة معينة و يترتب على ذلك حالة من السخط لدى الشعب بكل فئاته علشان كده الحكومة تروح لامه شوية شباب و انتوا فاهمين الباقي وده بس مجرد قرصة ودن مش اكتر و </p><p>اي خدعة يا جماعة</p>
she.
04-05-2004, 01:21 PM
<p>الفورم ديه حاجه تحفه مش هقول كويسه علشان كلمنتينا مش عارفه معانها</p><p>عايزه اقولى انى اتعلمت حاجات جديده وكتيرة جدا من االناس الىفى الفورم</p><p>حاجات عمرى ماكنت هتعلمها ابد</p><p>وعلشان الفورم معمول علشان كل واحد يقول رائيه</p><p>فهقول راى بصراحه </p><p>طول عمرى بحاول ابقى بنى ادمه كويسهودلوقتى عرفن هبقى كويسه ازاى لو بقيت زى كل واحد فيكوا فى حاجه معينه </p><p>ابقى زى ولاء فى احترامها </p><p>زى كلمنتينا فى خفه دمها وجراتها</p><p>وزى مصراوى فى اسلوبه ومعلوماته </p><p>وزى مصباح فى طيبته وحبه للاسلام_لا فى كله</p><p>وزى ايمان فى ادبها</p><p>وزى الادمن فى زكائه</p><p>وزى الاسمر فى طريقه تفكيره</p><p>وزى نيبل فى طيبته يلا حته تشجيع ليك يا نبيل</p><p>__فى ناس كتير مقلتهمش بس علشان مقرتش موضعاتهم بس متاكده ان كلهم ناس كويسه بجد انا مبسوطه انى بقيت صاحبتكم </p><p>من فضلكوا محدش يتريق_ عليا اوكى</p>
kalamntena
05-05-2004, 11:42 AM
وزى كلمنتينا فى خفة دمها وجراتها



بسسسسسسسسسسسسسسسسسسس


لييييييييييييييييييييييييييييييييه؟



دا انا نسمة
بلسم
بامشى اوقع مميزات



كان نفسى اقول اكتر من كده بس انت مش عايزة تريقة







لا بجد انت حد (كويس) لانه عايز يبقى كويس وان شاء الله هيبقى كويس
واكتر حاجة كويسة انك عايزة كل الصفات الكويسة فى كل واحد فينا
شدى حيللك وربنا معاكى
she.
05-05-2004, 01:14 PM
طبعا طبعا انت نسمه وبسمه وبلسم ولو انى مش عارفه ايه العلاقه


يابنتى انت فعلا كلك مميزات بس مرضنش اقولها علشان شعور الزمله

وكمان ممكن تتحسدى
kalamntena
05-05-2004, 07:38 PM
الحمد لله ان احنا كلنا:union: ويارب نفضل كده على طول
مصراوى
08-05-2004, 12:30 PM
<p>شكرا على الوصف الرقيق</p><p>:smiley9.:</p>
Eman Samir
08-05-2004, 11:26 PM
<p>ايه ده:baloo:</p><p>دا انا اسمى مكتوب؟؟؟؟:yaww:</p><p>الف شكر يا ستى</p><p>و عايزين ندبر لقاء لينا سوى و ياريت كلمنتينا تحضر:smiley2:</p>
she.
09-05-2004, 01:02 PM
<p style="">طبعا طبعا هو انا اقدر انساكى_</p><p style="">ولا هو انت حاجه تتنسى</p><p style="">اكيد انشاء الله نتقابل قولى لكلمنتينا وهى تقولى او خدى منها الرقم وكلمنى</p><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="" /><p style="">لا هو انت حاجه تتنسى_</p>
she.
09-05-2004, 01:03 PM
العفو العفو يافندم ده بعض من الىعندكم
nabilprofelgen
12-05-2004, 12:23 AM
<p>ياحلاوة ياحلاوة</p><p>مين</p><p>طيب</p><p /><p>لا تنسى لسه معرفتنيششششش</p><p>:yadmaghy::yadmaghy::yadmaghy:</p><p>و يجعله عامر</p>
kalamntena
12-05-2004, 10:42 AM
اولا انا معنديش مانع خالص اجى ونص كمان احنا صغيرين بس يا ايمان "هل انت متاكدة من الحكاية ام انها نوع من جبر الخواطر ؟"


شى دى دعابة هزار يعنى لحسن لو حطتنى فى دماغها يللا السلامة



انا مرضيتش ارد يا نبيل قلت يمكن اتغيرت وبقيت طيب وانا معرفش
she.
12-05-2004, 03:33 PM
<p style="">يا جماعه انا كنت بشجعه بس انا عارفه انه شرير بس من جوه وبيحاول انه يبان طيب فساعات بينفع_ وساعات لا </p><p style="">وبعدين كلمنتينا انا مش فاهمه عايزه تقولى ايه معلش اصلى لسه مخلصه امتحانات العملى ومش مركزه بعد كل الى حصل</p>
kalamntena
13-05-2004, 11:16 AM
مش فاهمه ايه بالظبط ؟


انا بس خايفة على ايمان
nabilprofelgen
13-05-2004, 07:54 PM
اهلا بكم
طيب ، انتظرونا بعد المقلب

و يجعله عامر
she.
14-05-2004, 01:49 PM
<p>مقلب!!!!!!!!!!!!!!</p><p style="">اعتبر ده تهديد يعنى</p><p style="">طيب انا ولا بيهمنى ورنى بقى هتعمل ايه</p><p style="">كلمنتينا انت مش هتبطلى اللبش الى انت بتعمليه ده بقى ومتشكرين ياهانم عاى الكلمتين الحلوين الى قولتيهم دول</p>
kalamntena
14-05-2004, 04:42 PM
نبيل انهى مقلب بالظبط مالشارع مليان مقالب


شى
لو بطلت مابقاش كلمنتينا وبالنسبة للكلمتين اى خدمة ابقى تعالى كل يوم
she.
14-05-2004, 09:01 PM
<p>ايه ده مش عارفه ليه حاسه انك بتكلمى بتاع اللبن</p><p style="">قال ايه ابقى تعال كل يوم</p>
kalamntena
15-05-2004, 11:44 AM
لا
بتاع اللبن عندنا بيجى يوم اه ويوم لا
nabilprofelgen
18-05-2004, 03:24 AM
دا المقلب اللى تحت الكوبرى


بتاع اللبن عندنا طفش و لم يعد


هو فيه ايه؟؟؟


و يجعله عامر
kalamntena
18-05-2004, 12:00 PM
فىه ايه فى ايه ؟!!!!
فى بتاع اللبن وللا فى المقالب وللا فى اللى بيحصل كله على بعضه
walaa
18-05-2004, 03:22 PM
<p>شي ,,, معلش هو الرد متأخر شوية ,,, هو انت فهمتي الحالة اللي أنا كنت فيها يوم ما اتقابلنا احترام ,, طب و الله كويس انك ما افتكرتهاش حاجة تانية ........</p><p>:yadmaghy::yadmaghy::yadmaghy:</p><p>ايمان ,,, كلمنتينا بس اللي تحضر ,,, طب أن زعلانة و مش هكلمك تاني هه بس ........</p><p>:smiley9.::smiley9.::smiley9.:</p>
walaa
18-05-2004, 03:23 PM
<p>شي ,,, معلش هو الرد متأخر شوية ,,, هو انت فهمتي الحالة اللي أنا كنت فيها يوم ما اتقابلنا احترام ,, طب و الله كويس انك ما افتكرتهاش حاجة تانية ........</p><p>:yadmaghy::yadmaghy::yadmaghy:</p><p>ايمان ,,, كلمنتينا بس اللي تحضر ,,, طب أن زعلانة و مش هكلمك تاني هه بس ........</p><p>:smiley9.::smiley9.::smiley9.:</p><p>صحيح هو في ايه ؟؟؟؟؟؟؟</p><p>:mad::mad::mad:</p>
walaa
18-05-2004, 03:27 PM
<p>حتى الكمبيوتر بيهرتل ,,,, اتكتبت مرتين ليه دي ؟؟؟؟؟؟؟؟؟؟؟</p><p>:smiley7.::smiley7.::smiley7.:</p>
she.
18-05-2004, 06:29 PM
<p style="">لا حول ولا قوه الا بالله </p><p style="">يا عينيى يا لولو انت كنت بعقلك</p><p style="">ربنا ياخد الفسيولوجى الى عمل فيكى كده</p><p style="">والله قطعتى قلبى</p><p style="">وبعدين اسال نفسك عملت فى بتاع اللبن ايه علشان يطفش</p><p style="" />
nabilprofelgen
18-05-2004, 10:16 PM
<p style=""><font style="" face="Tahoma" size="2">اكيد موش فى بتاع اللبن عشان دا طفش خلاص</font></p><p><font face="Tahoma" size="2">فى اللى بيحصل كله على بعضه:union:</font></p><p /><p style=""><font style="" face="Tahoma" size="2">بتاع اللبن طفش لأسباب غير قابله:yadmaghy: للنشر</font></p><p style=""><font style="" face="Tahoma" size="2">و يجعله عامر</font></p>
Eman Samir
19-05-2004, 12:50 AM
<p>لا يا ولاء انا ماقدرش على زعلك ابدا:smiley19:</p><p>انتى عارفة</p><p>بس انا لما قلت كلمنتينا كان ليا غرض، مش عارفة شى فهمته ولا لأ:smiley2:</p><p>اوعى حد يزعل</p><p>يا شى: ممكن ناجل الحكاية دى شوية لحد م ازمة :look up:الامتحانات تفك شوية؟؟</p>
walaa
19-05-2004, 09:02 AM
<p>يا جميل و لا يهمك ,, أنا كنت بهزر أو بمعنى أصح بغلس ,,,, و بعدين و لا يهمك هتلاقوني فوق دماغكوا من غير ما تقولوا ,,,, أصل أنا عندي الحاسة ال 17 ..........</p><p>:union::union::union:</p>
she.
19-05-2004, 10:41 AM
<p style="">شى وقت الامتحانت مش بتفهم خالص بتحفظ بس_فاى حد يكتب حاجه يوضحها</p><p style="">بس والله حكايه اننا ناجل لحد ما الامتحانت تخلص ديه فهمتها لوحدى</p><p style="">بتاع اللبن يا عبنى عليه ده صعبان عليا مووووت</p>
kalamntena
20-05-2004, 11:29 AM
نبيل عنك حق
بعد قراءة راس الوضوع ممكن اكون صاحبتكم يسعدنى انى اقول


"لاااااااااااااااااااااااااااااااااااااااااااا"






لا




لا
لا تكذبى
nabilprofelgen
21-05-2004, 01:56 AM
بعد قراءة راس الوضوع :peace: ممكن اكون صاحبتكم يسعدنى انى اقول


:twins:
she.
24-05-2004, 11:15 AM
<p style="">بعد قراءة الكلام الى نيبل كتبه</p><p style="" /><p style="" /><p style="">بصراحه مصدقتش ان هو الى كتبه</p><p style="">بس عموما متشكرين اوى اوى اوى يافندم</p><p style="">بجد انت احسن نبيل فى الدنيا</p><p style="" /><p style="" /><p style="">كلمنتينا من فضلك مش عايزين نسمع صوتك</p>
nabilprofelgen
24-05-2004, 11:23 AM
مصدقتييش ؟؟

خير تعمل ............تلقى


يالالا ، كله بثوابه ، احنا برده فى امتحانات

و يجعله عامر :welcome: :welcome:
she.
24-05-2004, 11:24 AM
<p>الله مانا قلتلك انك احسن نبيل فى الدنيا </p><p style="">يعنى اعمل ايه تانى</p>
nabilprofelgen
24-05-2004, 11:33 AM
خلاص ، سماح المرة دى

و يجعله عامر