مسابقة

[winner]

كان عندي اقتراح مسابقة ..

نعمل استفتاء او مسابقة لافضل المواضيع ..

و ده طبعا هيحمس الناس انها تشارك باحسن ما عندها ..

و كل قسم من المنتدى هيختار مواضيعه ..

يعني مثلا ..

.................................................. ..........

يبقى فيه مسابقة احسن موضوع نقاشي ..(لمنتدى حوار)

مسابقة احسن قصة و احسن قصيدة .. (لمنتدى ريشة و قلم و مغرفة)

مسابقة احسن موضوع خفيف الظل .. (لمنتدى تحت الشجرة)

مسابقة افضل مشاركة .. (لمنتدى الاسلاميات)

مسابقة افضل موضوع رياضي .. (لمنتدى استاد القصر العيني)

مسابقة افضل صورة .. (لمنتدى X-ray )

مسابقة افضل موضوع دراسي .. (للمنتدى الدراسي و منتدى بعد التخرج ) (و ممكن تبقى مسابقة لكل سنة لوحدها)

مسابقة افضل موضوع طبي (لمنتدى medicine )

مسابقة افضل موضوع علمي (لمنتدى General knowledge )

مسابقة افضل مشاركة عن الكمبيوتر (لمنتدى computer )

مسابقة افضل مشاركة للمكتبة (لمنتدى Books & media library )

مسابقة افضل موضوع منقول ..

.................................................. ..................

كل مشرف قسم هيختار 10 مواضيع عن القسم بتاعه و يعمل عليهم استفتاء ..(يختار المواضيع من كل المواضيع الموجودة .. القديمة و الجديدة .. و طبعا بنعتمد على نزاهة و شفافية مشرفينا الافاضل)

و الاستفتاء يستمر لمدة اسبوع و بعدين يتقفل ..

و نشوف الموضوع الكسبان ..

لو الموضوع مش عشان نحسن المنتدى .. يبقى اعتبرونا بنلعب و خلاص ..

ياريت اعرف رأيكم في الموضوع ..

..

[dr_terminator4]

مــــــــــــــــــــــــــــــــوافقـــــــــــــ ــــــــــــــــــــــــــة

[STROMA]

فكره جميله جدا

:smiley20:


مواقفه طبعا

بس برضه ياريت نخلى ترشيحات من الاعضاء لان المشرف ممكن يكون مش واخد باله من مواضيع تكون حلوه فعلا

فتتظلم وفى الاخر المشرف يطلع العشر مواضيع من المواضيع المرشحه

اللى عاوز موضوع يدخل المسابقه

ياريت يبقى يبعت رساله خاصه للمشرف بتاع القسم اللى اختار موضوع فيه

[dr_terminator4]

انا شايف ان المشرف اكتر حد ممكن يقيم المواضيع

وغالبا هتبقى بعدد المشاركات

وبرد فعل الناس وتجاوبهم للموضوع

بس اعملوها بسرعة عايز اشارك فيها قبل ما اسافر تانى

[winner]

بس برضه ياريت نخلى ترشيحات من الاعضاء لان المشرف ممكن يكون مش واخد باله من مواضيع تكون حلوه فعلا

فتتظلم وفى الاخر المشرف يطلع العشر مواضيع من المواضيع المرشحه

اللى عاوز موضوع يدخل المسابقه

ياريت يبقى يبعت رساله خاصه للمشرف بتاع القسم اللى اختار موضوع فيه

..
انا قلت ان المشرف هو اللي يختار المواضيع - و طبعا الحكاية دي مش سهلة - لانه لسة هيبص على المواضيع اللي عنده -
بس لو المشرف احتاج مساعدة مفيش مانع ..

لكن مش برجح ان الناس تقترح مواضيع ..

لان الحكاية هتبقى هيصة و المواضيع هتكتر و الحكاية هتطول ..

[winner]

وغالبا هتبقى بعدد المشاركات


..
انا بختلف معاك يا ريس في النقطة دي ..

انت كدة بتقول للمشرف يختار ازاي ..

مع احترامي لكل المواضيع - لكن ده واقع - ان فيه مواضيع مشاركاتها معدية الالف و ملهاش اي لازمة ..

و فيه مواضيع مهمة جدا و مشاركاتها ماتكملش صفحة واحدة ..

عاوزين تقييم جوهري للموضوع ..

[STROMA]

مفيش مشكله خلاص نختارها احنا مادام مش عاوزين ديمقراطيه :icon_mrgr

[winner]

..
احنا معتمدين على ديموقراطيتك و نزاهتك يا روما ..

[rbj_cortaze]

اولا الحمد لله علي سلامتكم يا ونير
كنت فين الفتره ال فاتت حشتنا

ثانيا انا موافق...موافقة بالاجماع..مجلس الشعب (فتحي سرور):icon_mrgr


ثالثا ..
الحمد لله اني مش مشرف
يعني مش مدبس:icon_mrgr

[dr / MIM]

اوك



انا موافق


بس ناخد رأى باقى المشرفين و الاعضاء



انا باقول نخليها شهرين كدة لان مفيش حد فاضى بالكامل دلوقتى

و علشان المسابقة فكرتها جميلة
و مش عايزها نبقى اى كلام

و ده الواقع اليومين دول


فلو استنينا شوية كمان ممكن الكل يكون متفرغ

ايه رأيكم ..........؟

[kalamntena]

والله كلام معقول
و هل المواضيع دي في رأيك مرتبطة بمدة زمنية معينة
يعنى افضل مواضيع في شهر ابريل؟
وللا افضل موضوع في الباب الفلانى من اول ماتعمل؟

[winner]

انا باقول نخليها شهرين كدة لان مفيش حد فاضى بالكامل دلوقتى


..
لو هنستنا لما الكل يفضى يبقى مش هتتعمل ..

لان المنتدى فيه ناس من دفعات مختلفة و من كليات مختلفة فالمواعيد مختلفة ..

فمش هتلاقي الناس كلها فاضية في نفس الوقت ..

فأنا بقول بر الخير عاجله ..!!

[winner]

و هل المواضيع دي في رأيك مرتبطة بمدة زمنية معينة
يعنى افضل مواضيع في شهر ابريل؟
وللا افضل موضوع في الباب الفلانى من اول ماتعمل؟


..
انا بفكر في البداية تكون لكل قسم من اول ما اتعمل لحد دلوقتي ..

و ممكن بعد كدة نعمل المسابقة لافضل موضوع خلال العام الفلاني ..

و بعدين نخليها خلال الشهر ..

[kalamntena]

ولو انها هتبقى محيرة حبتين تلاتة
طيب
اعمل موضوع في تحت الشجرة بالمواضيع؟

[dr_0nline]

فكرة جامدة يا وينر
*
هاتزق العجله لقدام
*
بس ممكن حكايه المشرف دي تكون مهمة ثقيله عليه
خصوصا لو زي ما كلمنتينا بتقول من اول ما القسم اتعمل مثلا
*
وما عرفناش ايه العائد المادي من المسابقة دي:icon_mrgr
فيه جوايز يعني ولا ايه؟؟؟
بلاش تقولي جوايز معنوية والحركات اللي كنت بعملها مع اخواتي الصغيرين
بعد ما اعشمهم بالجايزة اللي هيا كنز اقولهم خدوا الكنز اهه
(( القناعة كنز لا يفنى))
:icon_mrgr:icon_mrgr
*
اووووووووووووعـــــــــــــى
*
سلاموز

[Dr.Medicine]

مع احترامي للجميع


هي فكرة كويسة جدا :smiley20:.......بس مش وقتها

و ده رأيي الشخصي ...

[winner]

اعمل موضوع في تحت الشجرة بالمواضيع؟


..

ايوة ..

كل مشرف منتدى يعمل المسابقة الخاصة بيه في موضوع في منتداه ..

تحت اسم .. مثلا ...

لمنتدى تحت الشجرة .. احسن موضوع خفيف الظل ..

و هكذا باقي المنتديات ..

و منتدى ريشة و قلم و مغرفة ..

يعمل مسابقة لافضل قصيدة ..

و مسابقة لافضل قصة قصيرة ..

و مسابقة لافضل رواية ..

و مسابقة لافضل مقال او خاطرة ..

و مسبقة لافضل وصفة اكل ..

و كل ما المشرفين يشدوا حيلهم شوية الموضوع هيخلص بسرعة ..

و اي مشرف يحس الموضوع هيكون كبير او تقيل عليه (مثلا منتدى ريشة و قلم و مغرفة) ممكن يطلب مساعدة من اي مشرف تاني ..

[winner]

فيه جوايز يعني ولا ايه؟؟؟


..
عشان انا اطلع من الموضوع ده يا معلم ..

خلي المشرفين برضه و الادارة تحدد العائد و الجوايز براحتهم ..

معنوي بقى و لا مادي انا ماليش دعوة ..

[HAYAH]

استنوا عليا شوية اقرا الموضوع من اوله

بس لو فيها اكل انا معاكوا:icon_mrgr

[winner]

مع احترامي للجميع


هي فكرة كويسة جدا :smiley20:.......بس مش وقتها

و ده رأيي الشخصي ...





..
مع احترامي لرأيك ..

لكن مستحيل هنلاقي وقت مثالي ..

زي ما قلت لاختلاف المواعيد عند الناس ..

و ما نتوقعش اننا نلاقي كل الناس فاضية في نفس الوقت ..

و غير كدة الموضوعه مش هيتم في يوم و ليلة ..

هياخد وقت عشان يتعمل كويس ..

[Dr.Medicine]

براحتكم ...

بجد الفكره :smiley20::smiley20::smiley20:

بس انا كنت بقول ان الناس منشغلة في الامتحانات و الدخول للمنتدي بقي قليل
و المشاركات قليلة


علشان ما يبقاش الموضوع اتعمل علي الفاضي ..و هو موضوع كويس

بعد اذنك فكر نأجله للصيف

برااااااحتكم ...و في الاخر الموضوع موضوعك

[winner]

بس لو فيها اكل انا معاكوا:icon_mrgr

..
يخرب بيت الطفاسة ..

انت صاحية من النوم و جعانة و لا ايه ؟؟!!!

اقري الموضوع من الاول طيب ..

يا تفوقي .. يا تشوفيلك حاجة تاكليها ..!!

[HAYAH]

ايه ده هو انا لسة ما قرأتهوش؟؟

طب استنوا عليا لما اخلص امتحان يوم التلات

هاجي اقراه ان شاء الله

بس لو في اكل في الموضوع احجزولي معاكم

[winner]

..
الغايب ملوش نايب ..

و خلي بالك من الالوان ..

[HAYAH]

انا بيتحلقلي كدة؟؟

مااااااااااااااااااااشي

طب حاسب الالوان بقى

[winner]

انا بيتحلقلي كدة؟؟

..
ربنا يكملك بشعرك و ضفايرك ..

و خلي بالك من الالوان ..

[winner]

..
ايه يا مشرفين ..!!!

مفيش غير د/ كلمنتينا دلوقتي هي اللي بدأت شغل ..

فين باقي الناس ؟؟

حاولوا تبتدوا الموضوع على الاقل و خدوا وقتكم في الشغل بعد كدة ..

[kalamntena]

يا وينر
مش معنى انى عندي امتحان بكرة
وعلى النت دلوقتى
ان الناس فاضية
طب انا واحدة الحمد لله خلصت
وماورايش حاجة
المذاكرة اهم
و محدش هيتأخر لو وقته يسمح
دا حتى محدش عماي ريكومنديشن لاي موضوع عاجبه


صحيح
تصورك لافضل موضوع منقول
كل قسم يرشح موضوع
ونعمل فوتينج عليهم كلهم في مسابقة واحدة؟

[Dr.Medicine]

الموضوع محتاج يتأجل

و ما حدش يزعق :what happ

[winner]

يا وينر
مش معنى انى عندي امتحان بكرة
وعلى النت دلوقتى
ان الناس فاضية
طب انا واحدة الحمد لله خلصت
وماورايش حاجة
المذاكرة اهم
و محدش هيتأخر لو وقته يسمح
دا حتى محدش عماي ريكومنديشن لاي موضوع عاجبه

انا طبعا ماقولتش ان الناس تسيب مذاكرتها ..

لكن ممكن لو قعد شوية على المنتدى ياخد خمس دقايق بس شغل في الموضوع .. افتكر خمس دقايق مش كتير ..

و غير كدة المشرف لو مش فاضي مكن يطلب مساعدة اي مشرف تاني .. مفيش مشاكل يعني ..

بس عشان الموضوع ما يتقلبش و ما يتأخرش ..


صحيح
تصورك لافضل موضوع منقول
كل قسم يرشح موضوع
ونعمل فوتينج عليهم كلهم في مسابقة واحدة؟



كان قصدي ان كل قسم يختار 10 مواضيع منقولة فيه و يتعمل التصويت عليهم في مسابقة جنب المسابقة الاساسية بتاعت القسم..

يعني مثلا في قسم تحت الشجرة .. تعملي مسابقة لافضل موضوع خفيف الظل .. و كمان تعملي مسابقة افضل موضوع خفيف الظل منقول .. و كل قسم يعمل نفس الحكاية ..

[kalamntena]

لاانا شايفة ان كده صعب قوي يا وينر
المواضيع كتير
لكن اللى بالمستوى المطلوب لمسابقة مش كتير
هانجيب منين 10 مواضيع منقولة
مش لما نجمع المواضيع العادية الاول

[winner]

..
المواضيع المنقولة كتير ..

بس المهم تعملوا المسابقة الاساسية الاول ..

و ممكن نكنسل مسابقة المواضيع المنقولة لو الموضوع اتعقد و لا حاجة ..

[Dr.Medicine]

ياااااااااااا :sleepy::sleepy:

لو في شوري

انا قولت من الاول لازم يتأجل

بلاااش ديكتاتورية:bold:

[ابن الحصري]

يتأجل يا فندم

طبعا مانا ماعرفش عن المنتدي حاجة بقالي شهر أو أكتر:union:

[rbj_cortaze]

يتأجل يا فندم

طبعا مانا ماعرفش عن المنتدي حاجة بقالي شهر أو أكتر:union:
لا اكتر من شهر بكتير

انا كمانم بقول يتأجل:aiaiai:
صح يـاجل:peace: