المساعد الشخصي الرقمي

مشاهدة النسخة كاملة : عدنا.......


Alasmar
22-06-2009, 02:40 PM
الحمد لله
عدنا
بعد انقطاع اكتر من 10 ايام
و بعد فقدان اكتر من 14 شهر من المنتدى
بس الحمد لله
احنا لسا موجودين و نقدر نعوض كل اللى فات و اللى راح و اكتر كمان

الحمد لله مفقدناش التواصل مع بعض
و وضحنا حقيقة اللى حصل
عنوان الجروب
http://www.facebook.com/groups.php?id=594935321#/group.php?gid=25758998528
و عنوان الصفحة اللى انشأناها للمنتدى على الفيس بوك
http://www.facebook.com/pages/-/93921036618

و حقيقة اللى حصل بأختصار
ان خوادم الشركة المستضيفة للموقع بالاضافة لخوادمها للنسخ الاحتياطية
تعرضت للقرصنه و لمسح اكتر من 100000موقع و 4000 خادم افتراضى من عليها ممكا دفع مبرمج البرنامج المتحكم فى الخوادم للأنتحار

و طبعا خسارنا احنا لا تقدر بثمن
مواضيع رائعة و كتير راحت
كلمات الاسف مهما كانت مش ممكن ابدا تعبر و لا تعوض عنها
و كل الحزن او الزعل مش ممكن يعوضها
كل تعازينا هو اننا لسا مع بعض نقدر نرجع كل اللى فات
و بتفكيرنا الايجابى ان شاء الله نتقدم للأمام
و ممكن دا يكون اختبار لينا و لمدى اصرارنا على اكمال مسيرتنا
و اللى مهما كانت الظروف ناويين نكمل فيها
a1man
22-06-2009, 03:08 PM
قدر الله وما شاء فعل
بس ياريت نتعلم من اللي حصل ونحاول علي قد ما نقدر نخليه ما يتكرر
حمدا لله علي السلامة
d.m.d
22-06-2009, 03:34 PM
طب مفيش اى فرصه انها ترجع تانى
انا ليا موضوع غالى عندى اوى :(:(
blue_oceanz
22-06-2009, 04:12 PM
وانا بعمل تسجيل دخول كنت خايفة...الاقي اكونت بلو مش موجود اصلا....!!!
ربنا يقوينا ويقدرنا نرجع اللي فات.....


المكان ده......كان نقطة تحول في حياتي وال 14 شهر اللي طاروا دول...من اهم الشهور في حياتي عالمنتدى ده...!!


ربنا يقدرنا ويقوينا.............................!!

وحمدلله على سلامة المنتدى.....
مدنجي
22-06-2009, 04:23 PM
بالفعل
بالرغم ان كوارث المنتدى هنا كتير شويتين
و بجد آخر كارثة دى كانت خسايرها كتير جدا جدا
و بالرغم ان مدنجى مخسرش فيها كتير بالمقارنة بأعضاء تانية خسرو آلاف الردود و مآت المواضيع و عشرات الروائع
و دى خسارة كارثية طبعا
لكن مكسبنا من المكان دا اكبر بكتير من محتواه
المكان دا ساهم بجزء كبير جدا فى تكوين شخصياتنا و اتجاهاتنا فى الحياة و ساعدنا على اكتشاف جوانب كتير من شخصياتنا
ارتباط عضو المنتدى بالمنتدى
زى ارتباط الواحد فينا ببيته
فيه عائلته و كل حاجته و ممتلكاته
و مش معنى ان البيت دا اتحرق كله و جزء منه انه الواحد ينهار
هو يزعل جامد جدا حقه طبعا
بس كدا كدا هيرجع تانى لبيته اللى فيه اهله و ناسه و اخواته و اللى اتربى فيه و قضى فيه احلى ايام حياته عشان يساهم فى اعاده بناءه و اصلاحه
بس المطلوب بعد كدا الحذر
ونحط طفايات فى كل مكان
و يبقى لنا خطط بديلة و اماكن تانية نبات فيها و نخزن فيها نسخ من حاجاتنا و خيم ايواء زى الفيس بوك كدا






دى..
STROMA
22-06-2009, 05:15 PM
الصدمه اينعم كبيره جدا

بس ان شاء الله نقدر نعمل حاجه احسن كمان ونقدر نعوض اللى فات
Alasmar
23-06-2009, 12:36 AM
خلونا نتكلم شوية عن الجديد فى المنتدى

اولا فتح باب التسجيل مرة تانية
ثانيا امكانية عمل البوم صور خاص بكل عضو يرفع فيه الصور الخاصة بيه
ثالثا تفعيل امكانية رفع الملفات على المنتدى حتى 5 ميجا للملف
رابعا رفع حجم عدد الرسائل الخاصة للعضو حتى 200 رسالة

و فيه كمان ان شاء الله
طبعا دا مش عشان يعوض ابدا عن اللى هصل
و لا فيه اى شيء ممكن يعوض اللى حصل
ان شاء الله بيكو و معاكو للأمام و نتخطى المصاعب و نتغلب على اى كوارث


و بالتوفيق ان شاء الله
over_dose
23-06-2009, 02:01 AM
طب انا باقترح ماتعتمدوش على الخوادم بتاعة الشركة المستضيفة وتاخدو لنفسكم باك اب بشكل دوري ومنظم على وسائط خارجية

وخدوه بصيغة أرشيفية علشان المساحة ومش هايكلفكم كتير


ربنا يستر
ekm86
23-06-2009, 06:33 AM
وأنا موافق جدا على الاقتراح الأخير ده
Alasmar
23-06-2009, 12:45 PM
شكرا على دعمكو نصايحكو و اللى احنا متعودين عليها دايما منكو
و بجد موضوع الباك اب دا كان بيتعمل بأنتظام بس للأسف سيرفر الباك اب انضرب هو كمان فى الضربة الاخيرة
و دا اللى ممكن يخلى الناس فى موريات و اللى قررو يتحملو مسئولية الباك اب و السيرفر ادمنيستريشن دى على عاتقهم انهم يفكرو فى خطط بديلة و يعملو هوستينج فى مكان محترم و مضمون اكتر و بدون تعقيدات

مرة تانية شكرا على دعمكو و اللى من غيرة مكانش هيبقى المنتدى ابدا
و ربنا يوفقنا فى تعويض كل اللى فات و اكتر ان شاء الله
over_dose
23-06-2009, 05:47 PM
لا عفوا انا مش بقول تعملو الباك اب على سيرفر
نبقى عملنا ايه كده غير توزيع البيض على سلتين انا عاوز شوية بيض يتحطو في الخزنة
ايه الكلام اللي انا بقوله ده

انا قصدي الباك اب يبقى على وسائط تخزين خارجية زي دي في دي مثلا وبشكل ارشيفي علشان ماياخدش مساحة يعني مايبقاش فيه اكواد القوالب يبقى فيه الداتا بس

والاقراص دي حد فيكو يحطها في مكان امين تحت السرير بتاعه مثلا
^_^
Dr.A.M
23-06-2009, 09:56 PM
هو أيه الى حصل
:s
kalamntena
23-06-2009, 09:57 PM
صباح الفل
يا دكتور هو انت اصلا متابع معانا عشان تسأل
بقالك قد ايه مدخلتش الفورم

لا احنا زعلانين
Alasmar
24-06-2009, 01:22 AM
قبل ما اغيب لفترة كدا لظروف انتو عارفينها
احب اكرر اعتذارى الشديد للى حصل و الاعتذار دا انا عارف انه مش هيرجع اللى فات لكن هو اعتذار واجب حتى لو كان كل اللى حصل مش بأيدى شخصيا و لا حتى بأيد فريق ادارة الموقع و لا فريق موريات
انا عارف ان فيه ناس كتير ممكن تكون زعلانه جدا مننا و ممكن تكون مصدومة كمان للى حصل و انا مقدر لدا
و لذلك مرة تانية بعتذر و بقول لهم يستفيدو من اللى حصل و اوعد ان شاء الله ان فريق موريات المسئول عن وجود الموقع ان شاء الله يكون على قد المسئولية الكبيرة اللى بيحملها لينا كل اعضاء المنتدى الكرام

الحاجة التانية و الاهم
هى تعبيرى عن الشكر الشديد لكل الاعضاء اللى بيدعمونا و بيساعدونا على تخطى اللى حصل
بجد انا شوفت ردود افعال رائعة و شخصيات رائعة و ناس بتحب المكان دا بجد وناس بتشتغل بحب

بجد المكان دا رائع
و يستحق اللى يتعب فيه
kalamntena
24-06-2009, 01:24 AM
ماهو زي ما الفورم ماتخلاش عننا وقت ما تعبنا
مينفعش نسيبه برضه وللا ايه؟
فارس الوهم
24-06-2009, 11:56 AM
فعلا لولا الراجل بتاع السيرفر دا انتحر
انا كنت رحت شفت شغلى معاه مع ذو عين :smiley7.:

انا حاسه ان عندي هارت اتاك
مشاركه واحده بس
و كل المواضيع طارت وكل الرسايل
لا حول ولا قوه الا بالله

يلا ما علينا معكم العضو الجديد جدا فارس الوهم :waaaaawaa

ويلكم باك ليكوا كلكوا
حتى لو كانت كل المشاركات طارت
برده مكانشي حيهمني
حتى لو الاكونت بتاعي كان اتمسح
وهو لو كان رجع يوم واحد بس كان اتمسح
كنت حعمل اكاونتي تاني برضه

المنتدى دا بجد بقى زي بيتي التاني
و انا بجد من غيره مكونتش عارفه حعمل ايه
kalamntena
24-06-2009, 11:59 AM
كنتى هتحضريلنا برضه شوربة السمك:smiley2:
فارس الوهم
24-06-2009, 12:27 PM
اكيد
من عند حوده جندل
انتي بس تقمري