kalamntena
01-04-2004, 09:00 PM
محسوبكو سعيد الصاحى خريج تجارة وطبعا مش لاقى شغل باصلى ومابدخنش ويوم ما اقول يا مكيفات يبقى فنجان قهوة يعنى الحمد لله كويس بس الدنيا ملطشة معايا قوى هاحكيلكو على يوم من عمرى و انتو تحكموا
الساعة 6 الصبح زى كل يوم باصحى على جردل ميه ساقعة وكمية جزم وشباشب _ تحس انهم لموا جزم المصليين فى جامع عمرو بن العاص ليلة ختم القران و رموها عليا وانا نايم اول حد باصطبح بوشه اخويا الكبيرواقف وماسك جردل الحمام وابتسامة عريضة من الودن للودن على وش سيادته طبعا مين قده ماهو محاسب فى بنك
ياللا يا عم سعيد عشان تنزل تجيب الفطار
بقوللك ايه ؟ انت طول الليل نازل عزف منفرد معرفتش انام منك حل عن سمايا وسيبنى انام شوية
يا اخى حس على دمك الى قدك من الحمير اتركبوا قوم ياللا عشان تلحق تدور على شغل
يا فتاح يا عليم
يا رزاق يا كريم .. قوم يا خويا قوم
وزى كل يوم برضه باقوم اغسل وشى واسرح الشوية اللى فاضلين من شعرى وانزل على السلم وانا باقفل زراير البيجامة عشان الحق طابور العيش وعربية الفول وزى كل يوم برضه بارجع البيت بعد ساعة ونص باعرج والشبشب مقطوع و3 زراير من البيجامة ناقصين ده غير ان شوية من شعرى وقعوا بس المهم انا معايا سلطانية الفول والعيش والفجل
صباح الخير يا عم على
يسعد صباحك يا سعيد يا بنى
وحياتك ادينى الاهرام
يابنى صدقنى اعلانات الشغل فى الجرايد اى كلام
اهو يا عم على الواحد يعمل اللى عليه وربنا يسهل
والله يا سعيد يا بنى انت طيب وتستاهل كل خير ربنا يسعدك و يوقفلك
ولاد الحلال
اهما الدعوتين دول اللى انا عايزهم سلامو عليكو
وعليكو السلام يا بنى
وزي كل يوم برضه باقعد افطر وعينى على اعلانات الوظائف الخالية فى الجرنال سواق .. جرسون .. لحد ما عينى تيجى على اعلان مناسب
هو ده مندوب مبيعات فى شركة
وعلى طول خمس دقايق وتلاقينى فى الشارع والجرنال فى ايدى
الاوتوبيس وللا الموتورجل ؟ مفيش وقت لازم الحق اكون هناك قبل ما حد يجى وكمان انا لازم اوفر شوية
بعد يجي اكتر من ساعة وصلت قدامى ستة ولما جه دوري قالتلى السكرتيرة املا الابليكيشن ده وهات مؤهلاتك وحطهم فى ظرف مع عنوانك ونمرة التليفون وسيبهم ولو احتجنالك هنقولك
الاسم : سعيد الصاحى
تاريخ الميلاد : 17 _ 5 _1974
العنوان : 9 حارة صلاح الدين المغربلين
رقم الهاتف : تليفون عم احمد البقال 5667689
وكملت البيانات المطلوبة واخدت بعضى و نزلت الشارع وانا عارف ان النتيجة هي هي
اعمل ايه دلوقتى الساعة داخلة على 12 والظهر هايدن دخلت صليت فى اول جامع قابلنى
وخرجت الدنيا حر ومفيش حاجة تانية فى بالى اروح اكل لقمة و ابقى انزل بعدين
سلامو عليكو
وعليكم السلام يا ابنى ايه الاخبار
زى كل يوم
طيب يا بنى كللك لقمتين ونام شوية وهيحلها الحلال اللى خلقك مبينساش حد
وانام واصحى برضه زى كل يوم واقعد اشرب كباية الشاى فى البلكونة اراقب عيال الحارة وهم بيلعبوا
عم سعيد
عايز ايه ياض
انزل العب معانا
وهالعب معاكو ايه يا لمض ؟
اوقف عارضة و يطلع يجرى وصحابه يضحكو
خد يا له ماشى انا نازللك
واكمل كباية الشاى
سعد
ايوه يا هيمه
انزل
عشان ؟
انزل بس هنتمشى شوية فى وسط البلد
وانا معايا اجرة المواصلات من هنا لهناك
يا عم انزل وملكش دعوه
مين جاى
على ومحمد
لا يا عم يفتح الله انت فاكر اخر مرة
عليا المرة دى انزل متبقاش رخم
ماشى
والبس هدومى _زى كا يوم برضه وانزل
بص بقى احنا هناخد تاكسى
ومين ان شاء الله اللى هيدفع انا معيش فلوس
محمد شايلنا النهاردة
ربنا يستر انا مش مستريح
اركب اركب
وركبت قدام شوية ونادى عليا ابراهيم بصوت واطى وقاللى
اول ما الراجل يقف انزل بالراحة واول ما تقفل الباب اجرى على قد ما تقدر
نعم يا خويا
بس الله يخرب بيتك هتودينا فى داهية
انا غلطان اللى بانزل معاكو يا عيال
وكان ما اتفقنا عليه نزلت من التاكسى وجريت وانا باجرى كان واحد واقف مبيجريش روحت شده من القميص
اجرى يا له ياد اجرى هيمسكونا الله ينتقم منكو....
و ساعتها عينك ماتشوف الا النور لما فقت قالولى انى كنت باشد سواق التاكسى
وعليها ادى يوم من عمرى
وسلام عشان هيمه بينادى عليا
الساعة 6 الصبح زى كل يوم باصحى على جردل ميه ساقعة وكمية جزم وشباشب _ تحس انهم لموا جزم المصليين فى جامع عمرو بن العاص ليلة ختم القران و رموها عليا وانا نايم اول حد باصطبح بوشه اخويا الكبيرواقف وماسك جردل الحمام وابتسامة عريضة من الودن للودن على وش سيادته طبعا مين قده ماهو محاسب فى بنك
ياللا يا عم سعيد عشان تنزل تجيب الفطار
بقوللك ايه ؟ انت طول الليل نازل عزف منفرد معرفتش انام منك حل عن سمايا وسيبنى انام شوية
يا اخى حس على دمك الى قدك من الحمير اتركبوا قوم ياللا عشان تلحق تدور على شغل
يا فتاح يا عليم
يا رزاق يا كريم .. قوم يا خويا قوم
وزى كل يوم برضه باقوم اغسل وشى واسرح الشوية اللى فاضلين من شعرى وانزل على السلم وانا باقفل زراير البيجامة عشان الحق طابور العيش وعربية الفول وزى كل يوم برضه بارجع البيت بعد ساعة ونص باعرج والشبشب مقطوع و3 زراير من البيجامة ناقصين ده غير ان شوية من شعرى وقعوا بس المهم انا معايا سلطانية الفول والعيش والفجل
صباح الخير يا عم على
يسعد صباحك يا سعيد يا بنى
وحياتك ادينى الاهرام
يابنى صدقنى اعلانات الشغل فى الجرايد اى كلام
اهو يا عم على الواحد يعمل اللى عليه وربنا يسهل
والله يا سعيد يا بنى انت طيب وتستاهل كل خير ربنا يسعدك و يوقفلك
ولاد الحلال
اهما الدعوتين دول اللى انا عايزهم سلامو عليكو
وعليكو السلام يا بنى
وزي كل يوم برضه باقعد افطر وعينى على اعلانات الوظائف الخالية فى الجرنال سواق .. جرسون .. لحد ما عينى تيجى على اعلان مناسب
هو ده مندوب مبيعات فى شركة
وعلى طول خمس دقايق وتلاقينى فى الشارع والجرنال فى ايدى
الاوتوبيس وللا الموتورجل ؟ مفيش وقت لازم الحق اكون هناك قبل ما حد يجى وكمان انا لازم اوفر شوية
بعد يجي اكتر من ساعة وصلت قدامى ستة ولما جه دوري قالتلى السكرتيرة املا الابليكيشن ده وهات مؤهلاتك وحطهم فى ظرف مع عنوانك ونمرة التليفون وسيبهم ولو احتجنالك هنقولك
الاسم : سعيد الصاحى
تاريخ الميلاد : 17 _ 5 _1974
العنوان : 9 حارة صلاح الدين المغربلين
رقم الهاتف : تليفون عم احمد البقال 5667689
وكملت البيانات المطلوبة واخدت بعضى و نزلت الشارع وانا عارف ان النتيجة هي هي
اعمل ايه دلوقتى الساعة داخلة على 12 والظهر هايدن دخلت صليت فى اول جامع قابلنى
وخرجت الدنيا حر ومفيش حاجة تانية فى بالى اروح اكل لقمة و ابقى انزل بعدين
سلامو عليكو
وعليكم السلام يا ابنى ايه الاخبار
زى كل يوم
طيب يا بنى كللك لقمتين ونام شوية وهيحلها الحلال اللى خلقك مبينساش حد
وانام واصحى برضه زى كل يوم واقعد اشرب كباية الشاى فى البلكونة اراقب عيال الحارة وهم بيلعبوا
عم سعيد
عايز ايه ياض
انزل العب معانا
وهالعب معاكو ايه يا لمض ؟
اوقف عارضة و يطلع يجرى وصحابه يضحكو
خد يا له ماشى انا نازللك
واكمل كباية الشاى
سعد
ايوه يا هيمه
انزل
عشان ؟
انزل بس هنتمشى شوية فى وسط البلد
وانا معايا اجرة المواصلات من هنا لهناك
يا عم انزل وملكش دعوه
مين جاى
على ومحمد
لا يا عم يفتح الله انت فاكر اخر مرة
عليا المرة دى انزل متبقاش رخم
ماشى
والبس هدومى _زى كا يوم برضه وانزل
بص بقى احنا هناخد تاكسى
ومين ان شاء الله اللى هيدفع انا معيش فلوس
محمد شايلنا النهاردة
ربنا يستر انا مش مستريح
اركب اركب
وركبت قدام شوية ونادى عليا ابراهيم بصوت واطى وقاللى
اول ما الراجل يقف انزل بالراحة واول ما تقفل الباب اجرى على قد ما تقدر
نعم يا خويا
بس الله يخرب بيتك هتودينا فى داهية
انا غلطان اللى بانزل معاكو يا عيال
وكان ما اتفقنا عليه نزلت من التاكسى وجريت وانا باجرى كان واحد واقف مبيجريش روحت شده من القميص
اجرى يا له ياد اجرى هيمسكونا الله ينتقم منكو....
و ساعتها عينك ماتشوف الا النور لما فقت قالولى انى كنت باشد سواق التاكسى
وعليها ادى يوم من عمرى
وسلام عشان هيمه بينادى عليا