المساعد الشخصي الرقمي

مشاهدة النسخة كاملة : Medical Ethics (Student to Student Relationship in class room)


Alasmar
11-04-2004, 01:29 AM
من الصعب جداً و فى راوند عملى حساس كراوند الاطفال الذى نتعامل فيه مع مرضى فى عمر الزهور ان يحدث ما أرى لذلك قررت فتح هذا الموضوع عليكم..
انا لن اتكلم عن طريقة معاملتنا انا و زمايلى للمرضى الاطفال فهى والحمد لله جيدة وكل منا يُقدر ان من يتعامل معه طفل..
و لن اتكلم الهجوم الطلابى على الحالات و التفعيص و التخبيص فى كل حتة فى الحالة لدرجة ان الواحد ممكن يلاقى الحالة تحولت لكومة من الايادى..
و لكنى هنا اريد ان اتكلم على اتاحة الفرصة..
فأنا اجد بعض زمايلى -للأسف- يستمرون فى التفعيص الغير مجدى والغير واع فى الحالة لغاية ما تعيط او تسيبنا و تزهق..
انا للأسف بشوف الكلام دا..
و اضطر فى اغلب الاحيان للأبتعاد حتى لا اسبب مزيداً من الالم للمريض..
عاوز رأيكو..
عاوز اعرف خبراتكو فى الموضوع دا..
عاوزكو تساعدونى فى البحث عن وثيقة لطريقة التعامل بين الزملاء مع بعضهم البعض و مع المرضى فى حجرات الدرس..
انا عارف ان الموضوع قد يبدوا اننى اتكلم فيه عن بعض الطلبة فى احدى المدارس الابتدائية الى اول مرة فى حياتهم يرون_الطين الصلصال..
و مش عن طلبة ناضجين بكلية الطب يتعاملون مع اغلى شيء فى الحياة..
لكن للأسف هذا ما اراة و احسه..
و كل شيء و له اصول..
nabilprofelgen
11-04-2004, 03:44 AM
اهلا بكم
بصراحة ياسيد اسمر موش هقدر افيدك فى الموضوع ده
اصل اخوك مكانش بيخش القسم ده كتير و كان ربنا ساترها فى الغياب
بس اللى انا عملته اننى كنت فى اخر اسبوع بروح اتفرج مع النايب على طريقة الكشف و حضرت كام حصة فى كتاب عمك هاشم و ربك سترها فى الامتحان
بس بصراحة عايز اقوللك : الاهتمام بالعيان موش فى الفحص ، لان الفحص دا موش صعب
قوللى ليه
اقوللك ان كل حالة من الحالات اللى علينا لها كلمة او كلمتين و من خلالهما تقدر تعرف دى حالة ايه و بعدين تركن العيان و تكتب انت هيستورى محترم ماشى مع سن العيان و تكتب كام sign فى الفحص و كده ان شاء الله هتبا 100%
و يجعله عامر و بالتوفيق
مصباح
11-04-2004, 07:53 PM
<p>ده اللي نبيل عايز يقوله ._</p><p>الحقيقة أنا مش معا نبيل خالص في الكلام اللي هوه قاله هنا .. طبعاً مش عيب لما نختلف ، بس انا حسيت إنه ميصحش نقلل من قيمة الفحص الإكلينيكي في التعليم</p><p>الكلام اللي قاله الأسمر كلام حساس و مهم . و من هنا لغاية ما أنظم أفكاري فيه ( قول يا باسط ) كل اللي عايز أقوله إن أنا كنت في راوند الأطفال و أي راوند كذلك لما باشوف عيان بيتضايق ، ببعد تماماً عن زيادة ضيقه ، و باستغنى عن الexamination_ خالص ، و أهه ربنا بيسهلها معايا زي ما بيسهلها مع نبيل (مع اختلاف النظرة) و أهي ماشية .</p><p>كمان مش عاجباني نظرية إن العيان دة لازم يستحمل طالما جاي يتعالج ببلاش !</p><p>يستحمل إيه بالظبط ؟</p><p>يستحمل الخروج عن آداب المهنة ؟؟</p><p>دي مش من حق أي حد إنه_يطالب العيان إنه_يستحملها ، لأن دة ضد أبسط مبادئ حقوق الإنسان .. و الله أعلم</p><p>إنما العيان مطلوب منه إنه يستحمل مستوى الخدمة الطبية .. و الطبيعة &quot;التعليمية&quot; للمستشفى .. بدون الخروج عن مبادئ ممارسة المهنة</p><p>أرجع و أقول تاني :و الله أعلم .</p>
kalamntena
11-04-2004, 09:43 PM
عايز الحق وللا ابن عمه
الحقيقة حكاية الزملاء دى موجودة فى كل حتة بس من غير زعل زيادة حبتين تلاتة فى الراوند بتاعكو
انا معاك تماما يا اسمر و زمانكو بتسالوا عرفت منين دى ؟
معلش انا اعرف ناس كتير فى الروند ده ومعلش برضه انا اعرف كتير من الزملاء اياهم والحمد لله علاقتى بيهم كويسة يمكن عشان مش معاهم
وكمان انا مع مصباح تماما فى اللى بيقولوه
ووجهة نظر نبيل سليمة كمان ماهو مدام انا اللى يهمنى الامتحان ايه اللى يجبرنى على الغلب ده بس برضه انا واحدة مابخدش دروس ومعنديش استعداد انى ادخل الامتحان على حالة مشفتهاش قبل كده


خلاصة القول
عايز حل
يبقى تحاول فى الروند منفعش يبقى تيجى بدرى تعدى على المرضى سريعا سريعا
والله اعلم
nabilprofelgen
19-04-2004, 02:15 AM
اهلا بكم

الاسمر يستسلم و عايز ييييللللمممممم


اهلا بك فى نادى جيب من الاخر




و يجعله عامر
kalamntena
19-04-2004, 08:00 PM
هو عايز يلم ايه بالظبط ؟؟؟
nabilprofelgen
19-04-2004, 08:25 PM
يلم الاطفاااالللللللللللللللللل


و يجعله عامر
القصرعينية
20-04-2004, 02:29 AM
<p align="right">أنا عن نفسي بحاول أشوف الحالة في الأول قبل التفعيص وبالتالي لاأشعر بالذنب ولا مانع من وجود أي حلويات للطفل لتلهييه..</p><p align="right">أما اذا جاء نصيبي بعد تعب العيان فببساطة أعرف هوه فين وأروحله في وقت آخر. ده بالنسبة لتحصيل العلم..</p><p align="right">أما بالنسبة للناحية الانسانية فلا ألقي بكل اللوم على الطلبة ولكن على العدد لما يكون 60 واحد عاوز يشوف -حتى وإن راعيت ومفعصتش وكشفت ع الطاير- لازم العيان حيتعب المسألة محتاجة تنظيم في الأعداد وبما إن ده مش في أيدينا فالمفروض أننا نتفق فيما بيننا أن البعض يشوف النهاردة في الراوند والبعض الآخر في وقت مختلف ونتبادل بس ده يحتاج لناس تبدي مصلحة العيان ومشاعره على مصلحة أنفسها، وهؤلاء الناس ليسوا كثر..</p>
kalamntena
20-04-2004, 06:16 PM
طب بتزعق لييييييييييييييه مانا سامعااااااااااااااااااااااااه
nabilprofelgen
20-04-2004, 10:26 PM
اهلا بكم

هوو انا ايا صو ت خا لص

و يجعله عامر
kalamntena
21-04-2004, 10:53 AM
انت اخدت الkey board بتاع شى امتى ؟
nabilprofelgen
21-04-2004, 12:51 PM
و ﻻ شوفت حاجة


و يجعله عامر
kalamntena
21-04-2004, 10:40 PM
هنشوف الحكاية دى
Eman Samir
22-04-2004, 02:23 AM
<p align="right">يا جماعة الموضوع ده جد جدا</p><p align="right">يعنى يا ريت ننقله قسم &quot; فى العضل&quot; مثلا</p><p align="right">احنا دلوقتى عندنا باطنة، و طبعا كلكم عارفين يعنى ايه باطنة</p><p align="right">يعنى عيانين chronic</p><p align="right">اما مش قادرين يتنفسوا، او عارفين ازاى يستغلوا الموقف كويس قوى</p><p align="right">بس انا دلوقتى مش عاوزة اتكلم عالعيانين، ربنا يكون فى عونهم، انا هاتكلم عالطلبة و الطالبات زمايلنا،( لسة طالعة من خناقة طازة، و الغريبة ان ماحدش رد عليا) كل اللى حصل شوية ناس وقفوا حائط صد، و الباقى وقفوا يشجعوا، اما الطرف الاخر فى الخناقة، فكانت سايبانى باهاتى ولا هى هنا، ما علينا</p><p align="right">سبب الخناقة، نفس الكلام اللى انتوا بتقولوه، بنات واقفين حولين السرير، مش عاوزين يتحركوا، و مش راحمين العيان، ولا زمايلهم، الدكتورة تقول شفت، و دول تقريبا لازقين عالارض بغرة</p><p align="right">و كل ما اقول لواحدة يا بنتى كفاية العيان قرب يموت، تقوللى اصلى ماسمعتش، طيب اقوللها ايه؟؟؟؟؟</p><p align="right">الموضوع فعلا يستحق المناقشة، و بعدين المرضى مالهومش اى ذنب فى اللى بيحصل ده، يتبهدلوا و يتهانوا، و لما واحد اعترض، الدكتور قاله : احنا بنعالجك فى مقابل اننا نعلم الطلبة</p><p align="right">طيب، هى دى فعلا طريقة تعليم صح، يعنى الهرجلة دى بنطلع منها بايه فالاخر؟؟؟ بيتهيألى نصنا بيعتمد انه يروح ياخد درس خصوصى علشان يعرف يتعلم براحته، و بالتالى الدروس كمان اصبحت زاحمة، و فبها نفس المشاكل، الفرق الوحيد ان الواحد ضميره مش بيأنبه لان العيان اخر انسجام و بياخد مبلغ محترم و هو مروح</p><p align="right">هم برة بيتعلموا ازاى؟؟ اكيد فى طريقة تانية، لان بيتهيألى كرامة البنى ادم عندهم اغلى من عندنا حبتين، طيب مادام فى طريقة تانيه ليه مانطبقهاش؟</p><p align="right">و بعدين الناس اللى بتتعامل مع العيان من دلوقتى على انه وسيلة تعليمية، بدون ادنى تفكير انه بيتألم او حتى بيحس، هاتتعامل ازاى معاهم فى المستقبل؟ اعتقد على انهم مصدر دخل، و فى الاخر بيسألوا ليه الدكاترة ماعندهمش رحمة</p><p align="right">كمان عايزة اسال سؤال، هو اللى احنا بنشوفه دلوقتى هايفرق معانا لاى درجة فى المستقبل، يعنى هانحس اننا فعلا استفادنا منه ( نحارب علشانه يعنى؟؟) ولا كله فى الاخر عالتطبيق العملى_ فى الشغل بعد كده ( نطنش و نرحم اعصابنا؟)؟؟</p><p align="right">NB:</p><p align="right">الخناقة دى كانت مجرد مشادة كلامية، لم تطور لاكتر من كده، لحسن في ناس خيالها واسع، تفتكر ان فيها ضرب ولا حاجة، انا مش شرانية للدرجة دى و الله</p>
kalamntena
22-04-2004, 10:54 PM
طب ايه الحل
نفس الكلام
انا برضه ياما اتعرضت لمواقف زى دى
والغريب بقى ان الناس اللى بتقولى عليها هم الى بيجيبوا امتيازات وبيتعينوا وهم نفسهم اللى هيكونوا مكان الدكاترة لما يكبروا يعنى حلقة مفرغة
Alasmar
23-04-2004, 02:08 AM
<p>اولاً: احب اشكركو على ردودكو الجميلة و الى فى الصميم و الى انتو دايما معودينا عليها.</p><p>ثانياً:انا بالفعل اول ما كتبت الموضوع دا كنت ناوى احطه فى قسم فى العضل لكن قلت اسيبة شوية فى المنتدى العام لما اشوف الردود و ان_ شاء الله هيتنقل هناك.</p><p>ثالثاً: انا احب الفت نظركو ان فيه فرع فى الطب اسمه (medical ethics)_ و بيدرس كمادة فى كليات الطب بالخارج, و لو حد فيكو شاف كتاب كومار بتاع الباطنة هيلاقى ان اول فصل فيه بيتكلم عن موضوع آداب مهنة الطبيب دا.</p><p>رابعاً: الموضوع بتاع آداب مهنة الطبيب دا موضوع كبير و له تفريعات كتير و مينفعوش موضوع واحد لذلك احنا نركز كلامنا هنا على نقطة التعامل بين الزملاء الدارسين و بعضهم البعض وطريقة تعاملهم مع المرضى و مع اساتذتهم.</p><p>خامساً: اعتقد ان فى حاجات على الانترنت بتتكلم عن الموضوع دا و ممكن تساعدنا فى كلامنا هنا ممكن ننتقى منها حاجة و ننقلها هنا لأن انا بالفعل فكرت فى البحث عن حاجة زى كدا و تكون موّثقة ولها مصدر معروف عشان اوزعها على زمايلى فى الراوند عشان اتلافى الاحتكاك مع حد و عشان تعم الفائدة..</p><p><br />برده من حقنا احنا نعبر عن رأينا و نكتب ونتخيل ازاى المفروض تكون طبيعة العلاقة بين الزملاء الدارسين للطب فى حجرة الدرس..</p><p>و المفروض نحاول ننشر الوعى بين زمايلنا بطريقة رقيقة انا عارف ان الموضوع دا صعب لأننا اتذكر ان انا من يومين كدا اصريت ان محدش يحط ايده على المريض و انا بكشف عليه فى ناس وافقت وفى ناس تعجبت و رفعت حواجبها و قالو احنا كتير (للعلم انا كنت آخر واحد يعنى كل الناس كشفت وانا كنت لسا) بمعنى ان فيه ناس لسا متعرفش الصح وبمعنى ان المفروض الواحد يصر على حقة و حق المريض..</p><p>بالنسبة لموضوع ان الواحد يروح بالليل او يروح درس انا رأيى ان دا مش حل وان دا نوع من انواع الــ&quot;symptomatic ttt&quot; الى طغت على مود حياتنا اليومين دول..<br />الحل ان الواحد يصر على حقة و يحاول يعرف زمايلة ايه هى الاداب الصحيحة للتعامل فى حجرة الدرس و كمان ازاى اروح اخد درس او اروح بالليل كدا انا تنازلت عن حق كبير من حقوقى و هو انى اتعلم و اجرب مع استاذى طيب يبقى معنا ايه انى اروح الكلية كل يوم الصبح عشان اسمع شوية كلام نظرى و خلاص طيب ما انا اسمعهم فى شريطين كاسيت واريح نفسى واريح الناس منى..</p><p>مش كدا ولا ايــــــــــــــــــــــه..</p>
مدنجي
23-04-2004, 02:38 AM
<img alt="Talking" src="http://www.kasralainy.edu.eg/english/students/forum/images/icons/icon10.gif" border="0" /><font size="1"><font face="Tahoma"> <b>شيتوس و فامبير..</b></font></font> <p><font face="tahoma,verdana, arial, helvetica" size="2"></font></p><p>اسمحولى هنا اضيف مجموعتين فرعيتين لكنهم تابعين للمجموعة الاولى (مجموعة الدايخين)..</p><p>الا و هما شيتوس و فامبير (مصاصى الدماء)..</p><p>طبعا مش فاهمين..</p><p>طيب نشرح...</p><p>الطالب الشيتوس:</p><p>اولا هو مش وائل رياض لاعب الأهلى الشهير</p><p>بل_هو الطالب الذى يعشق ضرب الشيتات و فين ما تروح اى راوند تلاقيه عمال ياخد شيتات عمال على بطال..</p><p>و هو طالب مفيد جداً لنفسه ولغيره , لنفسه عشان بيتعلم ضرب الشيتات, و لغيره عشان بيرحمهم من الشيتات..</p><p>و من الممكن ان يكون الطالب الشيتوس فامبير(فى هذه الحالة مش هيكون مفيد) و من الممكن الا يكون..</p><p>و ما هو الطالب الفامبير؟؟؟؟</p><p>الطالب الفامبير هو الطالب الذى يتلذذ بامتصاص دماء المرضى و زمايله..</p><p>فهو يتعامل مع المريض ذى الفامبير الى بيتعامل مع فريسته, و ساعات زى الميكانيكى الى بيتعامل مع عربية..</p><p>و هو يتلذذ ايضاً بالتفعيص و التعجين والتخبيط فى المريض و مهما صوت المريض وتألم فهو لا يهمه..</p><p>طيب وكيف يمتص حقوق زمايله؟؟؟</p><p>ما ان يقول الدكتور قوموا شوفوا الحالة دى حتى ينقض هو وامثاله عليها و يلتفو حولها حتى لا يعطو الفرصة لزمايلهم الغلابة انهم يشوفوهم وهم بيفترسو العيان..</p><p>انا ملاخظتش الطالب الفامبير دا الا ما دخلت راوند الاطفال..</p><p>حرام عليكو العيال ايها الفامبيرز (المرضى واحنا)</p><p>.</p><p>.</p><p>دى..</p><p>-------------------------------------------------------------</p><p>هذا الرد منقول من موضوع انواع الطلبة والطالبات بمنتدى رغى الدكاترة..</p><p>.</p><p>دى..</p>
nabilprofelgen
30-04-2004, 03:58 PM
حسستنى انك بتاخد راوند الاطفال فى فرن

و يجعله عامر
mad man
14-07-2005, 04:37 PM
:smiley18: احنا ببساطة فقدنا كل ااشكال الادميه في البلد دي


اللي عاوز يعرف يعني ايه طب لعلاج بشر مش حالات وارقام يروح يشوف الفيلم

patch adams




ومع كل اللي بتقولوه عن اللي بيحصل لسه في امل لانكم فتحتم موضوع زي ده وعارفين ايه الغلط اللي بيحصل ...وده يمكن نصف الحل وباقي النص التاني بانكم تحاولوا توعيه زملائكم اللي بيقعوا في الغلط ده ومش مجرد تتفادوه..لازم تاخدوا موقف




وربنا معاكوا:smiley20: