! Starting USMLE ل د/ مصباح

[Nettawy]

مصباح
_____

بسم الله الرحمن الرحيم

(على غرار موضوع برايت جالاكسي starting MRCS (http://www.kasralainy.com/forum/showthread.php?t=3626))
أعلن لكم أنني :
نويت إني أدخل إن شاء الله امتحان الـ "خطوة الأولى" من المعادلة الأمريكية
USMLE STEP 1
في 20 يناير 2009 إن شاء الله

طبعاً القصة مختلفة شويتين عن موضوع الزمالات البريطانية
الموضوع غرضه الالتحاق بوظيفة طبيب مقيم (Resident) هناك في أمريكا

و أهلاً و مرحباً بأي حد عايز يستفسر ... أو عايزني أشجعة أو أنصحه

و الله الموفق

[Nettawy]

يسعدنى اكون اول واحد يبارك و يهنى

و يتمنالك التوفيق يا دكتور يا كبير اوى ....


بالتوفيق .

:)

[Nettawy]

بالتوفيق ان شاء الله يا مصباح

كونك تاخد قرار و تثبت عليه ده في حد ذاته شيء كويس جدا

ربنا معاك

[Nettawy]

شكراً على التشجيع
دعواتكم بأه

[Nettawy]

ربنا يوفقك يا دكتور

خطوة كويسة جدااااااااااااااا

[Nettawy]

ربنا يوفقك يادكتور مصبااح ويكرمك ان شاء الله

اكمل الموضوع بارك الله فيك ووفقك الله الي مايحبه ويرضاه

حضريتك يادكتورتنصحني حاليا اعمل ايه وانا في 3 طب وفي نيتي اعمل المعادله الامريكيه

ربنا يوفقك ويعينك على هذا القرارا المصيري اوي اوي اوي

فايا أوستيد كون

[Nettawy]

اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">ربنا يوفقك يا دكتور </TD></TR></TBODY></TABLE>
<!-- END TEMPLATE: bbcode_quote -->آمين و إياكم
<!-- BEGIN TEMPLATE: bbcode_quote -->
اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">فايا أوستيد كون </TD></TR></TBODY></TABLE>
<!-- END TEMPLATE: bbcode_quote -->God Bless you too
معلش أصلي في الأسباني على أدي http://209.85.229.132/images/smilies/smiley2.gif ف برُد عليك باللغة اللي أعرفها http://209.85.229.132/images/smilies/smiley20.gif
============================
<!-- BEGIN TEMPLATE: bbcode_quote -->
اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">اعمل ايه وانا حاليا في 3 طب وفي نيتي اعمل المعادله الامريكيه </TD></TR></TBODY></TABLE>
<!-- END TEMPLATE: bbcode_quote -->أحسن وقت تدخل فيه امتحان الخطوة الأولى هوه و انت في الامتياز (مش لما تخلص التلات سنين الأولانيين زي ما انت متخيل) لأن العالم بتوع اليوسمل (USMLE) دُول أسئلتهم كلها تقريباً كلينيكال حتى في الخطوة الأولى بتاعت المواد الأكاديمي (أناتومي ، فسيولوجي ..إلخ) - نسبة الأسئلة الاكلينيكال وصلت لـ 80% أو أكتر ! و ابتداءاً من 2008 عملوا في الامتحان مقاطع صوتية و لقطات فيديو لفحوصات اكلينيكية، متخيل ؟! - كل دا باتكلم عن الخطوة الأولى - مابالك بالتانية !
------------------------------
عشان كده لو الحماسة واخداك أوي هات الكتب بتاعت الخطوة الأولى و ذاكر بس خلي الامتحان في الامتياز - بس إوعى الموضوع يكون السبب في انك تتعطل عن مذاكرتك بتاعت الكلية و تضيع على نفسك فرصة نيابة كويسة في مصر .

تأجيل الامتحان للامتياز برضه يديك الفرصة انك تقرر ساعتها بناء على وضعك الاجتماعي
الوضع الاجتماعي له اعتبار كبير جداً (مش بس الطموح العلمي) و انت بتصنع قرار السفر لأمريكا (يعني الجواز - البيت - العيال .. إلخ)
ؤمال أنا اتأخرت ليه في القرار .. أنا مخلص سنة ساتة من حوالي 3 سنين !
و يا دوبك بدأت مذاكرة من 6 شهور بس

[Nettawy]

برافو http://209.85.229.132/images/smilies/smiley32.gif ... وفقك الله و سدد خُطاك .

[Nettawy]

بص بقى طالبين من حضرتك طلب

اى خطوة ليها علاقة بالمعادلة من قريب او بعيد

يا ريت تشركنا معاك فيها علشان يبقى عندنا خبرة مسبقة

[Nettawy]

اااااااه فعلا

....
<!-- / message -->
<!-- controls --><!-- / controls -->
<!-- message, attachments, sig -->

[Nettawy]

نسأل الله لك التوفيق لكل خير.

[Nettawy]

ربنا يوفقك يابوحميد
وتكمل ان شاء الله المشوار اللي بدأته
وتشرفنا كدة في امريكا
:)

[Nettawy]

ايه الأخبار يادكتور ؟!

[Nettawy]

أنا في انتظار النتيجة - بيبعتوها في خلال 6 أسابيع !! آديني مستني ... و مسلم أمري لله .

على فكرة أنا مش ناسي و لا متجاهل طلب الزملاء الأعزاء اللي عايزين يعرفوا كل حاجة عن خطوات مشوار المعادلة
أنا بس مشغول - و الموضوع مليان تفاصيل

و أنا مستعد أقعد مع اللي عايزين يمشوا في المشوار و أساعدهم بكل اللي أقدر عليه
بس الأول يكونوا قرروا يمشوا في المشوار
عشان كده حوار المنتدى المفروض ينصب أساسا على السعي لإجابة السؤال : "هل هذا الطريق يناسبني أم لا ؟" ـ

[Nettawy]

تعالوا نحاول نجاوب على السؤال ....

عشان تعرف الطريق دا طريقك و للا لأ .. انت مش محتاج تعرف إزاي أذاكر و إزاي أحجز الامتحان ... لأ .. دي حاجات أمرها سهل جداً
لكن انت محتاج أساساً تعرف الآتي :

1- مشوار المعادلة هدفه انت تدخل حركة النيابات في أمريكا و تكون نائب (طبيب مقيم) هناك لكي تتعلم تخصص طبي و تاخد بورد أمريكي في هذا التخصص .

يعني ايه حركة نيابات الأول ؟
عارفين لما الواحد بيتخرج من كلية الطب عندنا في مصر بيبقا قدامة حاجة من اتنين لو هيكمل في مصر:
لو كان من الأوائل بيدخل حركة النيابات بتاعت المستشفى الجامعي (قصر العيني مثلاً)
و لو مكانش م الأوائل .. بيدخل حركة النيابات بتاعت وزارة الصحة (سواء التخصصات الملحة التي لا تشترط قضاء فترة في التكليف ، أو التخصصات العادية التي تشترط إنهاء فترة تكليفك أولاً)

أمريكا فيها نفس القصة بس من غير حكاية التكليف
زائد ان حركة النيابات فيها شاملة الاتنين في نفس الوقت - الجامعة و وزارة الصحة
أو بتعبيرهم :
university hospitals and community hospitals

و النيابات هناك عدد من السنين ( التفاصيل لاحقاً ) بتشتغل فيها بمرتب شهري .. بتتعلم تخصص و بتاخد شهادة في الآخر اسمها البورد الأمريكي
الشهادي دي وزنها الرسمي (في نظر الحكومة المصرية) دكتوراه بدون رسالة (يعني ينقصك مناقشة رسالة لكي تعتبر حاصل على دكتوراه مصرية)
ووزنها في سوق العمل (الخليج مثلاً) أعتقد انه أثقل من الدكتوراه المصرية حتى بعد مناقشة الرسالة .

يُـتبع إن شاء الله ......

[Nettawy]

2- التكاليف اللي هتدفعها في البورد الأمريكي من عمرك و فلوسك = 60 ألف جنيه مصري + بضع سنوات في الغربة

و الـ 60 ألف جنيه تقريباً دول التكلفة الإجمالية من أول المشوار لغاية ما تستلم نيابتك هناك و تبدأ تاخد مرتب زيك زي أي طبيب مقيم .

[Nettawy]

موفق بإذن الله يادكتور .

علشان منشتتش بعض بين الموضوعات أنا هاقتبس من الموضوع التانى طالما حضرتك هتشرح هنا

<!-- BEGIN TEMPLATE: bbcode_quote -->
اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">بعضهم حريص على انه ياخد في أمريكا نفس تخصصه (يعني وراه وراه لغاية ما آخده) </TD></TR></TBODY></TABLE>
<!-- END TEMPLATE: bbcode_quote -->يعنى ايه هيفضل وراه لغاية ما ياخده

وسؤال تانى : ما فائدتها بالنسبة لشخص لا يريد أن يسافر أمريكا

أنا قابلت واحد مسجل فيها جزء أول وبيقول إنها بالنسبة للى مش عايز يسافر أمريكا تعنى وفقط زيادة فى المرتب إذا سافر للعمل فى الخليج .

ثانيا بيقول إن ليه 2 زمايل - مسلمين - عايزين يسافروا خلاص للعمل أو للامتحان الأخير " مش فاكر " بس السفر أصبح صعب جدا لأمريكا ومش عارفين ياخدوا التأشيرة بسبب قوانين مكافحة " الإرهاب "

واحد تالت اسمه ( مايكل ) برضه مش عارف يسافر لنفس السبب !!

[Nettawy]

اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">المشاركة الأصلية كتبت بواسطة SA node http://209.85.229.132/images/buttons/viewpost.gif (http://209.85.229.132/showthread.php?p=170017#post170017)

موفق بإذن الله يادكتور .

علشان منشتتش بعض بين الموضوعات أنا هاقتبس من الموضوع التانى طالما حضرتك هتشرح هنا



يعنى ايه هيفضل وراه لغاية ما ياخده

وسؤال تانى : ما فائدتها بالنسبة لشخص لا يريد أن يسافر أمريكا

أنا قابلت واحد مسجل فيها جزء أول وبيقول إنها بالنسبة للى مش عايز يسافر أمريكا تعنى وفقط زيادة فى المرتب إذا سافر للعمل فى الخليج .

ثانيا بيقول إن ليه 2 زمايل - مسلمين - عايزين يسافروا خلاص للعمل أو للامتحان الأخير " مش فاكر " بس السفر أصبح صعب جدا لأمريكا ومش عارفين ياخدوا التأشيرة بسبب قوانين مكافحة " الإرهاب "

واحد تالت اسمه ( مايكل ) برضه مش عارف يسافر لنفس السبب !!


</TD></TR></TBODY></TABLE>
<!-- END TEMPLATE: bbcode_quote -->انهي سبب بالظبط؟؟؟؟؟؟؟؟؟؟؟؟

[Nettawy]

مكافحة الإرهاب !!

عادى يعنى هو مش عربى !!

[Nettawy]

الحمد لله جبت 94 في
Step 1
<!-- / message --><!-- sig -->

[Nettawy]

ربنا يوفقك فى باقى المشوار بإذن الله يا مصباح

ألف مبروك

[Nettawy]

ما شاء الله ما شاء الله

ربنا يكرمك يادكتور ويوفقك فى الباقى

[Nettawy]

ربنا يوفقك يا دكتور مصباح في باقي الطريق إن شاء الله

[Nettawy]

آمين و إياكم دائماً

[Nettawy]

الف مبروك يا دكتور ...

على فكرة 94 كويسة

هى مش خطيرة اوى يعنى لكن فى ال safe side

انا سمعت ان الهنود بيجيبوا 99

ده صح و لا غلط

[Nettawy]

مبروك يا مصباح
انا ازاي مشفتش الكلام ده قبل كده؟

[Nettawy]

وانا والله اول مرة اشوفه
بالتوفيق يا د/أحمد
وعقبال الباقى ان شاء الله

[Nettawy]

94 ده سكور جميل جدا
ماشاء الله
انا ليا زمايل جابو 70

هنود ايه اللي بيجيبو 99

الجنسيات مالهاش دعوة بالعلم ابدا
و94 ده مش سكور سيف سايد
ده رائع
للامام دائما

[Nettawy]

طمأنك الله يا برايت

.....


انا سمعت ارقام مرعبة

و سمعت ان الهنود و الباكستانيين بيتوحشوا فى ال usmle

[Nettawy]

اللي سمعته من دكتور في قسم الرمد إنهم بيبقوا عارفين إيه المهم وإيه اللي أقل أهمية
وبيبقوا عارفين الامتحانات عايزة تقيم إيه بالظبط
عشان كده بيبقوا عارفين يذاكروا إزاي

[recoba]

اول مرة اشوف الموضوع
الف مبرووك يا دكتور مصباح

وعقبال الاستب التانية

[مصباح]

جزاكم الله خيراً على إحياء الموضوع

أولا أنا الحمد لله جبت 92 في ستب 2
==================
الحقيقة الكلام عن الهنود مظبوط - ولاد الذين عشان عددهم كبير أوي في اليوسمل بقوا عاملين زي الجيش
و بينقلوا الخبرات لبعض بشكل منظم و مبهر
المصريين بدأوا يبقوا كده على إيدين ناس زي د. محمد صلاح (مدرس مساعد رمد سابقا في القصر العيني و نائب رمد حاليا في لويزيانا بعد م عمل شوية ريسيرش في جونز هوبكنز) و فعلاً بدأت التسعة و تسعينات المصرية تتزايد (خالد و علي جايبين 99 في الامتحانين - و طبعاً معاهم أحمد و شريف و هيثم اللي في عين شمس و غيرهم و غيرهم ... )
هيا مش صعبة بس عايزة حد مصر عليها و مستعد ليها


يا ريت اللي عايز يناقش حاجة ميترددش
أنا هاكون في الخدمة بإذن الله

[Nettawy]

بالتوفيق دكتور مصباح :)

[SA node]

ألف مبروك يادكتور مصباح
وعقبالنا
أنا شايف الطريق صعب جدا بس ربنا ييسر

فكرت فى الخطوة الجاية ولا لسه ؟!

ربنا ييسر لك كل خير

[dr ZMZ]

الف مبروك يا دكتور مصباح

و بالتوفيق إن شاء الله

[مصباح]

الله يبارك فيكم جميعاً



أنا شايف الطريق صعب جدا بس ربنا ييسر


الطريق صعب فعلاً لا جدال
لكن يسير على من يسره الله عليه
يشبه الثانوية العامة في بلدنا
من حيث المذاكرة و المنافسة و و .. بالاضافة إلى تفاصيل و مشاكل السفر و الاقامة و الاحتكاك بالامريكان و سياسات المستشفيات و البيروقراطية (لا تختلف كثيراً عما في مصر) و تفاصيل الماتش و البرامج و مديري البرامج و المقابلات و و و و و و و و و .......
لكن سبحان الله آلاف مؤلفة ينضمون سنويا إلى صفوف اللاهثين وراء فرصة "طبيب مقيم" في أمريكا.
نسأل المولى عز و جل أن يرزقنا إخلاص النية

[STROMA]

ايه الكلام الكبير ده


بس الف مبروووووووووك يا دكتور مصباح وربنا ييسرلك كل خير

[kalamntena]

مبروك يا مصباح

[kjhmel]

الف مبروك يا د-مصباح
بس هو حضرتك بس ممكن تذكر الكتب اللي استعملتها في المراجعات
مش في المذاكرة لان اكيد ممكن تكون ذاكرة من kaplan
بس عايز اعرف الreviw bookاللي ذاكرت منهاوهل في برامج reviewعالنت
لو كده ادينا الاسامي بتاعتها
سؤال تاني هل امكانية الحصول على الفيزا للسفر لامريكا ميعرفش يسافر
وصعب الحصول عليها الا بواسطة زي ما بيقولو
اخيرا حضرتك التكلفة اللي انت كتبتها بتاع المعادلة مش مبالغ فيها شوية
step 1:850$
step2ck:850$
step2cs:1200$
visa:750$
tickets:1000$
stying in usa for 1month : 1000$
يعني 30000 جنيع
ولا ايه

[مصباح]

الله يبارك فيكم جميعاً

كتير من الناس اللي جابت 99 قالت ان لو الواحد طحن الفيرست إيد و اليوسمل وورلد هيبقا كفاية
================================
الفيزا قضية مهمة كأنها امتحان في حد ذاته ، و مسألة نصيب ، ناس خدتاه بسهولة غير مفهومة و ناس معرفتش تاخدها الا بالعافية و ناس مخدتهاش خالص
الناس بتاخد بالأسباب و بتخلي الباقي على الله
شوف الموضوع دا عشان تاخد فكرة :
Applying for a US visa (http://dryahya.com/ArabIMGs/showthread.php?t=24&highlight=visa)
================================
الأرقام اللي أنا قلتها فعلاً مش واقعية - الأرقام الحقيقية في كتير من الحالات يتكون أكتر من كده !
انت غالبا هتدفع من 3- 4 ألف دولار في التقديم للماتش (و للا انت هتكتفي بالمعادلة ؟! ) دا غير مصاريف الإقامة الطويلة لو ناوي تعمل حاجة في أمريكا (أوبزرفر - ريسيرش - اكسترنشيب) دا غير تذاكر الطيران لحضور المقابلات (الاتنرفيوهات) لما يجيلك دعوات.

لو ربطت الحزام جامد هتصرف 60-70 ألف
لو بحبحتها على نفسك ممكن تصرف 120- 130 ألف جنيه
أنا أعرف ناس صرفت المبالغ المذكورة أعلاه - سمعت الأرقام دي منهم (يعني مش من دماغي) أكتر من واحد كسروا حاجز ال 120 ألف - و كل واحد على أد إمكانياته و استعداده للاستثمار في مشروع المعادلة ده.
و الله أعلم
(بالمناسبة الفيزا ب 740 جنيه مش دولار - غير فابلة للاستعادة لو الفيزا اترفضت)
==============================
بالمناسبة أنا سقطت في الامتحان الاكلينيكي (step 2 CS) بسبب عدم الاستعداد الجيد له - رغم انه مش عايز غير تدريب على تمثيل السيناريوهات - لكن قدر الله و ما شاء فعل ، و الحمد لله على كل شيء

[Nettawy]

قدّر الله وماشاء فعل يا دكتور مصباح
تتعوض ان شاء الله ..
بس هل بيبقى في فرصه تانيه ؟ انك تدفع ثمن الامتحان تاني مثلا وتدخله ؟

[مصباح]

آه فيه -
دعواتك

[Nettawy]

بالتوفيق ان شاء الله :)

[Dr.Physician]

ربنا يوفقك يا دكتور

أنا الموضوع ده في دماغي من السنة اللي فاتت و روحت سألتهم في الأميديست قالولي إنهم مجرد مكان للإمتحان فقط

يا ريت حضرتك تدينا شرح مفصل عن تجربتك

و يا ريت لو تحدد مبدئيا أفضل مصادر المذاكرة لو حد لسه ناوي يبدأ من الصفر و أماكن الحصول عليها

ربنا يوفقك لما يحبه و يرضاه

[مصباح]

للأسف معندناش في مصر مكان معين بيتجمع فيه الناس اللي بتعمل اليوسمل .. كان بقا الموضوع أسهل كتير على اللي بيبدأ
ممممم .... و الله جايز لو حاولت تروح تحضر لعماد سنجر (بيدي دروس يوسمل في 6 اكتوبر) ممكن يوصلك بناس تعرف تاخد و تدي معاهم مباشرة
أما بالنسبة للتواصل عبر الانترنت فأنا طبعاً في الخدمة و ممكن أوصلك بناس تانية و اعرفك على مواقع كويسة .. إلخ
بس لا غنى عن وجود حد معاك متابعك خطوة بخطوة في مصر - و بعدين تتعرف على ناس كتير في أمريكا يسندوك لما تسافر

مش عارف امتى بالظبط هقدر أديك الشرح المفصل اللي تتمناه - بس على الأقل دلوقتي هاقول لك الكتب هيا كابلان و الفيرست إيد
و المراجعة من الفيرست إيد و اليوسمل وورلد - الحاجات دي موجودة في مكتبات قصر العيني
أحب أوضح من البداية ان المشوار طويل و متعب جدا - اقرا كل اللي انا كاتبه هنا في المنتدى
وفقنا الله و اياكم

[Dr.Physician]

شكرا على الإهتمام يا دكتور

بكره إن شاء الله هأجيب الكتب و دي تبقى خطوة البداية

أما بالنسبة لإن الواحد يأخد دروس في اليوسميل كمان فأعتقد إن ده over شوية يعني هتبقى كورسات الكلية و جنبها كورسات يوسميل ..

ما أعتقدش إني هأقدر عليها جسمانيا و كمان ماديا هأبقى بأتقل على نفسي قوي

على العموم أنا مقدر إن أكيد حضرتك مشغول فيا ريت وقت ما تفضى في أقرب فرصة تبقى تحكيلنا تجربتك بأدق التفاصيل

و إحنا مش مستعجلين ...لسه المشوار طويل

**************

و يا ريت فعلا نقدر نعمل تجمع للطلاب اللي بيعملوا يوسميل أنا شخصيا محبذ الفكرة دي جدا

فلو حضرتك تقدر توصلنا بمجموعة من الناس اللي بيعملوا يوسميل دلوقتي و نبدأ مثلا بعمل ويب سيت مبدأيا أو لو في ويب سايت متخصص موجود حاليا

و ده يكون بمثابة مكان إفتراضي على الإنترنت -لكن متخصص في اليوسميل بس- بعد كده يتحول لمكان في أرض الواقع

[مصباح]

الموقع ده مشاركاته قليلة جدا - لكن مفيدة جدا
و أغلب اللي فيه أصحابي - دفعة 2005
http://dryahya.com/ArabIMGs/index.php

آسف نسيت أقول لك ان أحد المصادر الأساسية جدا لكل حاجة في مشوار اليوسمل هوه موقع الديجيتال دوكتور :
www.usmletomd.com
الموقع دا موسوعة شاملة و متشعبة و هائلة - و له الفضل (و الفضل لله أولا ) في نجاح و تفوق ناس كتير جداً
محدش ماشي من غيره

على فكرة أنا مخدتش دروس في اليوسمل و معرفش حد كتير أخدها - أنا بس كان قصدي ان عماد عنده خبره كبيرة في أمور أمريكا بصفة عامة

[Phenix]

أنا عضوة جديدة على المنتدى رايحة سنة تالتة ان شاء الله أنا كنت بفكر أحضر للـ usmle وبالفعل جبت الكتب والمحاضرات وبدأت أذاكر بس المشكلة إنى بنت وصعب جدا انى أسافر أمريكا فهل الـ usmle هتفيدنى إذا قررت أشتغل فى الخليج ؟؟
وشكرا

[Dr.ElFiky]

حاجه بس كده على قدى
ده جروب على الفيس للناس المهتمه بال USMLE
و هتلاقوا كمان كذا واحد فى ال related groups
ممكن ممكن.....تساعد اى حد فى اى حاجه

http://www.facebook.com/search/?q=usmle&init=quick#/group.php?gid=5326457491

[مصباح]

مشكور على الرابط
جزاك الله كل خير

فهل الـ usmle هتفيدنى إذا قررت أشتغل فى الخليج ؟؟
لا أعتقد - لأن المعادلة الأمريكية مجرد شهادة بكالوريوس
و الجماعة الخليجيين بيجيلهم ناس معاهم زمالات أمريكية و بريطانية و غيرها و كلام كبير أوي .
بس دا مش رد نهائي لأني مش متأكد
محتاج أسأل في الحكاية دي

[Phenix]

شكرا لحضرتك يا دكتور
ويا ريت ترد عليا فى أقرب وقت ممكن لو سمحت
وشكرا

[kjhmel]

for every body preparing for usmle this link contain several topics
pathology kaplan slides
e jolgan audio
kaplan dvd
by this link:

http://egyhak.co.cc/vb/forumdisplay.php?f=56

[مصباح]

الرد المتأخر :
طبعاً المعادلة الأمريكية مفيدة للي عايز يروح الخليج
مثلا : أبو ظبي و دبي - عشان تشتغل هناك المعادلة الأمريكية تفيدك كتير
قطر : عشان تاخد نيابة في مستشفى حمد لازم تكون عامل ستب 2 من المعادلة الأمريكية
و غيرها من الأمثلة اللي ممكن أكون معرفهاش

و الله المستعان

[SA node]

بداية السلام عليكم جميعا
مش عارف فاكرنى ولا لأ ؟

الحمد لله أنا امتحنت Step 1 من 3 أيام( مرة أجلت الامتحان لظروف عائلية ومرة البرومترك أجل الامتحان بسبب ظروف البلد ) بس الحمد لله أخيرا امتحنت
وفى انتظار النتيجة ..دعواتكم

أحب أنبه كل الزملا اللى بيذاكروا Step1 لبعض النقاط

أولا : الامتحان جرى فيه تعديلات كتيرة عن السابق
دلوقتى الامتحان كله عبارة عن Cases only .. No direct questions
حتى لو عايز يسأل عن حاجة مباشرة هيجيبها فى صورة Case

الجزء الخاص بـ Slides
زاد كتير حوالى 60 % من الأسئلة
صور كتيره جدا عن Histopathology , Radiology , Curves
الـ Radiology علوا مستواه جدا وبقى كله عبارة عن MRI و Angiography وحاجات أعتقد انها صعبه مع انى لى خلفيه لحد ما كويسه

زادت معدلات الأسئلة فىBiostatisitics وزاد مستواها ( سؤالين فى كل بلوك )

زادت معدلات Ethics كتير ( سؤالين فى كل بلوك )

زادت أسئلة الفسيولوجى بدرجة بسيطة جدا على حساب الباثولوجى

قلت جدا أسئلة الفارما والبيو ( Pathways )
ولكن Genetics & Molecular Biology زادت

الامتحان فى مجمله عالى المستوى لكن يتحل إن شاء الله


ثالثا : تنبيهين هامين جدا :

1 - أنا مكنتش اتخيل انى هاقدر على فترة الامتحان إلا بالتدريب عليه ( الامتحان 8 ساعات متواصلة وراحة لا تتجاوز 45 دقيقة فيما بين الساعات )
غير ان الزملا نبهونى انى لازم اتدرب على كده فى البيت
وفعلا عملتها مرتين فى الاسبوعين اللى قبل الامتحان
وبانصح أى حد داخل الامتحان انه لازم يتدرب عليها
يقعد فى البيت يحل 7 بلوكات فى سبع ساعات وميقومش غير 5 دقايق بين كل بلوك
بجد أنا تعبت في أول مرة أكتر من تانى مرة أكتر من الامتحان بكتير
والزملا اللى دخلو من غير تدريب عليها بدأوا يتعبوا من البلوك الرابع وزهقوا جدا فى السادس والسابع
الامتحان الأساسى بتاعه المعلومة لكن التركيز وقدرة التحمل عامل هام جدا

2 - ضرورى جدا حل ال 3 بلوكات اللى الموقع بينزلهم
( أنا شايف أن مستواهم أسهل من الامتحان الحقيقى ) بس بيدوا فكره كويسة عن جو الامتحان
وبتيجى كذا فكرة مشابهة لما ورد بالأسئلة

ربنا يوفق الجميع .

[SA node]

طبعا باشكر كتير من الزملا على النت اللى فادونى جدا والحمد لله
سواء منتديات سورية أو " هندية " :health:
وربنا يجزيك خير ياعم مصباح .. شجعتنى فى وقت مكنتش لاقى فيه أى حد

[Nettawy]

بالتوفيق يا نود :)

[مصباح]

بالتوفيق ان شاء الله

[Dr.Medicine]

ربنا يوفقك يا دكتور sa node

و بالتوفيق ان شاء الله

[SA node]

الحمد لله .. عدّت على خير

mental pause then starting CK

إن شاء الله .

عاوز أسأل فيه ديفيديهات جديدة step 2 ck كابلان 2010 تقريبا .. حد جربها أو حد يعرف حد جربها .

[مصباح]

معنديش فكرة ...
على كل حال انت محتاج تدخل study group
يكون مخصص للـ CK
بالتوفيق ان شاء الله