الدرجات ؟؟؟؟ [الأرشيف] - قصر العيني

مشاهدة النسخة كاملة : الدرجات ؟؟؟؟

مدنجي

20-01-2003, 08:53 PM

مانتوش ملاحظين حاجة؟؟

مش ملاحظين ان احنا بقالنا من يوم ما اتولدنا لغاية دلوقتى 20 سنة تقريبا ماورناش شغل غير التعليم؟:confused: :confused: :confused: :confused: ؟؟؟
يعنى من الآخر احنا بناخد جهد و تعب و تكاليف بقالنا حوالى 15 سنة..
و لسة الله اعلم هنخلص امتى؟؟؟
كل ده فى مقابل ايه؟؟؟
يعنى بمعنى اصح احنا كل ده... بندى ايه؟؟.. لزمتنا ايه؟؟..
كل المذاكرة و التعب الى احنا بنتعبه مالوش قدامنا الا نتيجة واحدة...
ايه هى؟؟ ارقام!!!!! -درجات يعنى-
مانتوش ملاحظين ان احنا عايشين فى وهم اسمه الدرجات.....
كله بيذاكر و يتعب عشان الدرجات.....
هل انتوا شايفين ان الدرجات تصلح لان تكون هدفنا و مقابل لكل تعبنا كل السنين دى....
ممكن نقول انها بتحدد المستوى وبتحط كل واحد فى مكانه المناسب-دا ايضا بصرف النظر عن طريقة تعليمنا و طريقة امتحاناتنا والطريقة الى بنجيب بيها درجات-
لكن اقعد 15 سنة شغلتى اجيب درجات و مافيدش المجتمع الى حوليا باى حاجه..؟؟؟؟
و المصيبة الكبرى....
ان بعد كل ده..
اطلع خريج غير كفء.
او غير صالح للشغل.
او مالاقيش شغلانة اصلا اشتغل فيها.
او اشتغل شغلانة مش فى تخصصى -ماجيبتش فيها درجات قبل كده يعنى-
مش شايفين ان احنا كل الى بنعمله مالوش لازمه؟؟؟
مش حاسين ان احنا فى غيبوبة؟؟؟
ياريت حد يرد عليا و يقنعنى ان انا بفكر غلط..
يا رب ابقى غلطان..

المتفائل دائماً...
مدنجى...

دى..

saroman

23-01-2003, 05:09 AM

عفوآ انا بختلف مع الاخ مدنجى واريد ان اصحح له معلومة...................
ان الدرجات مش جايزة ولا اجر تعبنا لكنها مجرد وسيلة تعبير عن المستوى ليس الا.
ولو حتا لو احنا بنذاكر عشان الدرجات بس فاحنا برده الكسبانين فعلى الاقل هنستفيد ولو معلومة صغيره غيرنا ما يعرفهاش..............
يبقى نتعلم ولو حتى عشان الدرجات..مش هنخسر اى حاجة؟؟؟؟؟؟؟؟.
صح؟؟؟؟؟؟؟؟؟؟؟؟؟؟؟؟؟؟ظ

مدنجي

23-01-2003, 05:19 AM

ماشى...
انت بتستفيد... مش معترض...
تسمح تقولى انت بقالك 20 سنة بتفيد الى حواليك بايه؟:confused: :confused: ؟؟

saroman

23-01-2003, 05:28 AM

ربنا خلق كل واحد وليه دوره فى الارضومفيش حاجه ربنا خلقها مالهاش دور....
واحنا من افضل مخلوقاته ولينا اهميه كبيره فى خدمة المجتمع.......

بس احنا لس مجاش دورنا وربنا وحده اللى يعلم ميعاده....

واكيد ان شاء الله هيجى........للآلآلآلآلآلآلآلآلآ مفر؟؟؟؟؟

مدنجي

23-01-2003, 06:14 AM

معاك كل مخلوق له دور..
النملة لها دور..
الصرصار ليه دور..
الدكتور ليه دور..
احنا لينا دور..
لكن اكيد انت ملاحظ الفرق فى اهمية الادوار دى..
النمل و الصراصير اكيد دورهم مش زى دور الدكتور و لا زى دورنا..
انا شايف دلوقتى بالفعل ان احنا لينا دور..
تعرف هو ايه؟؟
ان احنا نكون عبرة للاجيال الجايه.

DrStorm

23-01-2003, 08:19 AM

صراحة يا أستاذ مدنجي إنت مصاب بحالة احباط شديد

ليه كدا يا راجل

تفاءلوا بالخير تجدوه

مدنجي

23-10-2009, 06:37 AM

انا شايف دلوقتى بالفعل ان احنا لينا دور..
تعرف هو ايه؟؟
ان احنا نكون عبرة للاجيال الجايه.

و لازال مدنجى عند رأيه برده من اكتر من ست سنين

دى..

dr kemo

23-10-2009, 10:28 AM

يعني حضرتك حاسس إنك عضو غير مفيد للمجتمع؟ّ!!!

The Doctor

23-10-2009, 11:51 AM

اول حاجة انا مش شايفة ان من حقنا نقيس لهمية دور النملة و نقول انه اقل من دور الدكتور، انت بتقيس الاهمية بايه؟ انا شايفة ان لو العالم كان اقل بذرة هيدروجين واحدة كان هيبقى عالم غير العالم خالص فكل واحد فينا ليه دور لا يقل اهمية عن اي حد تاني

تاني حاجة انا بتنرفز من الناس اللي بتقيس الناس بدرجاتهم لأنّي شايفة ان الدرجات دي بس اداة بتساعد في قياس اداء الناس في امتحان اخترعته ناس تانيين في نظريات ايدوها ناس تانييييين فالدرجات مش هي اللي بتقيم الانسان ولا حتى ذكاؤه

تالت حاجة الوقت اللي الواحد بيتعلم فيه ده هو مش مجرد بيروح و ييجي من المدرسة او الجامعة، هو بيقابل ناس ويتناقش معاهم و يفيدهم و يفيدوه برده ممكن مجرد انه كان ماشي في الشارع و شال طوبة منه كانت ممكن تكعبل حد وللا تعمل حادثة او يعمل عمل خيري صغير يطبق فيه اللي اتعلمه
انا شايفة انه مش المفروض خالص الواحد يدخل المدرسة يحاول يجيب اكتر درجات و يدخل جامعة باكتر درجات و يشتغل وظيفة بتطلب اصعب مؤهلات، المفروض من الاول الواحد يفكر كل حاجة هو بيعملها ليه و طلب العلم ده من اسمى القيم الاسلامية و ده في حد ذاته كفاية و يا سلام بقى لو الواحد داخل الجامعة عن حب زيي كدة التعلم في حد ذاته بيبقى متعة

alzheimer

23-10-2009, 12:14 PM

كنت بحاول اوصل المفهوم ده لبعض المحيطين

منتظر ليه من واحد بقالوا عشرييييييييييييييييييين سنة بيتعب بلا اي فائدة إنه فجاة يغير الواقع ؟؟؟؟

منتظر ليه منه تكون عنده عزيمة لا يُفت في عضدها، وهمة تناطح أبراج السماء؟؟؟؟

منتظر ليه منه طموح أو جد او إجتهاد لا ينتهي؟؟؟

أبسط حاجة هايقف ويسأل نفسه

لما كل السنين دي وانا لسه في مرحلة ما تحت الصفر

ولا عارف افيد

ولا أستفيد

إيه لازمته التعب بقى

كفاية لحد كده ... وشوف مصلحتك يا سيد

طبعا الكلام ده يبدو إنهزامي، تكاسلي ، تواكلي، سلبي ، اناني بالمقام الاول

ماشي يا سيدي ... بس السؤال ما هذه المنهجية الفعالة جدا التي تستطيع ان توصل 90 % من شباب الأطباء لهذه المرحلة؟؟؟؟؟

في سبب يا جماعة ولازم يتحل

مين السبب ، والإصلاح ده مهمتنا ولا مهمة الناس التانيين ... ولا حتى مهمة جيل غير جيلنا هانكون له عبرة
المهم إن السبب يتعرف (هو تقريبا معروف) وتتحدد معالمه و يدرس إمكانية حله

تعالوا كده نشوف الفيديو ده:

<object height="505" width="640">

<embed src="http://www.youtube.com/v/cz0CgGhSM08&hl=en&fs=1&color1=0x2b405b&color2=0x6b8ab6" type="application/x-shockwave-flash" allowscriptaccess="always" allowfullscreen="true" height="505" width="640"></object>

وعلى رأي أو تي في : شوفت بقى

إيه رأيكم في مفهوم "الحفرة"؟؟!!!

kalamntena

23-10-2009, 01:02 PM

منتظر ليه من واحد بقالوا عشرييييييييييييييييييين سنة بيتعب بلا اي فائدة إنه فجاة يغير الواقع ؟؟؟؟

منتظر ليه منه تكون عنده عزيمة لا يُفت في عضدها، وهمة تناطح أبراج السماء؟؟؟؟

منتظر ليه منه طموح أو جد او إجتهاد لا ينتهي؟؟؟

أبسط حاجة هايقف ويسأل نفسه

لما كل السنين دي وانا لسه في مرحلة ما تحت الصفر

ولا عارف افيد

ولا أستفيد

إيه لازمته التعب بقى

كفاية لحد كده ... وشوف مصلحتك يا سيد

بالظبط

وصلنا لمربط الفرس

شوف مصلحتك

مش هاتقدر تساعد حد الا لو ساعدت نفسك الاول

المصيبة لنكون اصلا فقدنا القدرة على اننا نساعد نفسنا

<input id="gwProxy" type="hidden"><input onclick="jsCall();" id="jsProxy" type="hidden">

alzheimer

23-10-2009, 01:14 PM

بالظبط

وصلنا لمربط الفرس

شوف مصلحتك

مش هاتقدر تساعد حد الا لو ساعدت نفسك الاول

المصيبة لنكون اصلا فقدنا القدرة على اننا نساعد نفسنا

<input id="gwproxy" type="hidden"><input onclick="jscall();" id="jsproxy" type="hidden">

عندك كل الحق يا كلمنتينا

كلامك في محله

فكرتيني بالست الوالدة (ربنا يخليهالي) ... اما تلاقيني محبط تقولي: نجي نفسك يا بني

فعلا وكاننا هنغرق او بنغرق فعلا او واقعين في حفرة زي ما في الفيديو اخينا بيقول

لو كل واحد ينجي نفسه ... يمكن في يوم من الايام يقدر يعمل حاجة أو حتى يمد إيده ويشد واحد كمان معاه

يمكن في وقت الواحد يضبش شوية بس بعد شوية هايتعلم العوم ... يمكن تكون عنده قوة ونية مخلصة تعينه

المهم يحاول ينجي نفسه ..

kalamntena

23-10-2009, 01:16 PM

فكرتيني بالست الوالدة (ربنا يخليهالي) ... اما تلاقيني محبط تقولي: نجي نفسك يا بني

امين

وليا الشرف
<input id="gwProxy" type="hidden"><input onclick="jsCall();" id="jsProxy" type="hidden">

kalamntena

23-10-2009, 01:18 PM

الغريبة انك ساعات تحب تساعد ناس
و تلاقي الناس دول مش مساعدينك خالص
فانت بتحبط
و ده يأثر عليك بالسلب

<input id="gwProxy" type="hidden"><input onclick="jsCall();" id="jsProxy" type="hidden">

alzheimer

23-10-2009, 04:17 PM

الغريبة انك ساعات تحب تساعد ناس
و تلاقي الناس دول مش مساعدينك خالص
فانت بتحبط
و ده يأثر عليك بالسلب

<input id="gwproxy" type="hidden"><input onclick="jscall();" id="jsproxy" type="hidden">

د. علي حسيب كان عنده مقولة حكمة (هو راجل حكيم جدا فعلا):

لا تتحمس لمساعدة واحد مش متحمس يساعد نفسه

kalamntena

23-10-2009, 04:21 PM

:)

معاه كل الحق طبعا

<input id="gwProxy" type="hidden"><input onclick="jsCall();" id="jsProxy" type="hidden"><input id="gwProxy" type="hidden"><input onclick="jsCall();" id="jsProxy" type="hidden">

مصباح

23-10-2009, 11:33 PM

لا تتحمس لمساعدة واحد مش متحمس يساعد نفسه
أنا معترض ..... أحوج الناس للمساعدة و التشجيع هوه اللي فاقد الحماس أو "الهمة"
لأن دا واقع (من الوقوع أو السقوط) بمعنى الكلمة

alzheimer

23-10-2009, 11:37 PM

أنا معترض ..... أحوج الناس للمساعدة و التشجيع هوه اللي فاقد الحماس أو "الهمة"
لأن دا واقع بمعنى الكلمة

ربنا يكرمك يا مصباح

فعلا صوت العقل

بس ممكن يكون د. على حسيب يقصد مش متحمس بمعنى "مش مؤمن إنه لازم يساعد نفسه"

لانه واحد ممكن يكون مؤمن بده بس محبط او فاقد حماسة زي ما إنت أشرت

kalamntena

23-10-2009, 11:40 PM

مش معنى الجملة بالظبط زي ما وصلك يا مصباح

فيه فرق بين واحد مش عايز وواحد مش قادر وواحد مش عايز بس بيقول مش قادر وواحد بيقول مش عايز و الحقيقة انه مش قادر

معلش على اللخبطة
بس تفرق

<input id="gwProxy" type="hidden"><input onclick="jsCall();" id="jsProxy" type="hidden">

مصباح

23-10-2009, 11:48 PM

أنا شايف ان مشكلتنا في الاستعجال
"و لكنكم تستعجلون" ..و ما أبرئ نفسي
مين مننا حاطط خطة مدتها 30 سنة أو 40 سنة ؟

alzheimer

23-10-2009, 11:56 PM

أنا شايف ان مشكلتنا في الاستعجال
"و لكنكم تستعجلون" ..و ما أبرئ نفسي
مين مننا حاطط خطة مدتها 30 سنة أو 40 سنة ؟

جيت عالجرح

انا بحس احيانا لما بتجيلي الحماسة بتبقى حماسة غبية عايزة تخلص كل حاجة بين عشية وضحاها ولما ما ينفعش طبعا احبط ...

ولو أقنعت نفسي بعدم العجلة والصبر ... ببلط في الخط

إزاي نعمل توازن يا مصباح في رأيك؟؟؟

kalamntena

23-10-2009, 11:58 PM

أنا شايف ان مشكلتنا في الاستعجال
"و لكنكم تستعجلون" ..و ما أبرئ نفسي
مين مننا حاطط خطة مدتها 30 سنة أو 40 سنة ؟

المشكلة ان ساعات فعلا الدنيا بتبقى مضلمة جدا و الطريق مش واضح ناهيك عن انك حتى مانتاش عارف بدايته ولا وجهته

عارف لو انت عارف طريقك وعارف الصعوبات يمكن تمشي تعرج فيه
المشكلة ان في بعض الاوقات الدنيا مبتبقاش واضحة اصلا
<input id="gwProxy" type="hidden"><input onclick="jsCall();" id="jsProxy" type="hidden"><input id="gwProxy" type="hidden"><input onclick="jsCall();" id="jsProxy" type="hidden">

alzheimer

24-10-2009, 12:00 AM

المشكلة ان ساعات فعلا الدنيا بتبقى مضلمة جدا و الطريق مش واضح ناهيك عن انك حتى مانتاش عارف بدايته ولا وجهته

عارف لو انت عارف طريقك وعارف الصعوبات يمكن تمشي تعرج فيه
المشكلة ان في بعض الاوقات الدنيا مبتبقاش واضحة اصلا
<input id="gwproxy" type="hidden"><input onclick="jscall();" id="jsproxy" type="hidden">

على راي عماد الدين أديب:

"إرسملي خط وانا امشي عليه"

هي دي احد مشاكلنا في مصر

ما فيش "خط"

dr kemo

24-10-2009, 12:39 AM

بحاول بس بحس إنه صعب جدا

dr ZMZ

24-10-2009, 12:43 AM

في مصر مفيش خط

في دايرة

dr kemo

24-10-2009, 12:46 AM

:)))))))))))))))))))))))))))))))))))))

مصباح

24-10-2009, 12:48 AM

عارف لو انت عارف طريقك وعارف الصعوبات يمكن تمشي تعرج فيه
المشكلة ان في بعض الاوقات الدنيا مبتبقاش واضحة اصلا
<input id="gwproxy" type="hidden"><input onclick="jscall();" id="jsproxy" type="hidden">

على راي عماد الدين أديب:

"إرسملي خط وانا امشي عليه"

هي دي احد مشاكلنا في مصر

ما فيش "خط"

انتم أصبتم كبد الحقيقة
احنا عايزين "توقعات مرئية" للحياة ... زي اللي كنا بنذاكر منها في الثانوية العامة
لكن الجدع هوه اللي بيعمل توقعاته المرئية بنفسه ، و لا أدعي هذا لنفسي بالذات ، كلنا بنحاول
أو تعالوا ببص لها بطريقة تانية ...
القدوة مفقودة في هذا الزمان .. صح ؟
الحل ان يكون لنا قدوة من أزمنة تانية أصعب من زماننا !

alzheimer

24-10-2009, 12:49 AM

في مصر مفيش خط

في دايرة

:))))))

دايرة أو عدة دوائر حلزونية

alzheimer

24-10-2009, 01:00 AM

انتم أصبتم كبد الحقيقة
احنا عايزين "توقعات مرئية" للحياة ... زي اللي كنا بنذاكر منها في الثانوية العامة
لكن الجدع هوه اللي بيعمل توقعاته المرئية بنفسه ، و لا أدعي هذا لنفسي بالذات ، كلنا بنحاول
أو تعالوا ببص لها بطريقة تانية ...
القدوة مفقودة في هذا الزمان .. صح ؟
الحل ان يكون لنا قدوة من أزمنة تانية أصعب من زماننا !

صعب قوي الموضوع ده .. التوقعات المرئية

يارب نقدر ونحاول

شيء أساسي في إمتحانات الموارد البشرية هو وجود

Vision

وفعلا تلات تربع مشاكلنا عدم وجود رؤية واضحة

يارب قدرنا وإلهمنا الصواب

فارس الوهم

25-10-2009, 02:49 PM

بس ممكن يكون د. على حسيب يقصد مش متحمس بمعنى "مش مؤمن إنه لازم يساعد نفسه"

لانه واحد ممكن يكون مؤمن بده بس محبط او فاقد حماسة زي ما إنت أشرت

هو لو مش عايز يساعد نفسه بيبقى لسبب من السببين
يا اما هو عارف ان هو غلط بس شايف ان مفيش طريقه لاصلاحه
وساعتها ممكن تساعده
لكن المشكله بتبقى في اللي مش شايف انه غلط او محتاج مساعده اصلا ومتهيالي دا اللي بيقصده الدكتور في كلامه
لانك ساعتها حتكون بتفحت في البحر

المشكلة ان ساعات فعلا الدنيا بتبقى مضلمة جدا و الطريق مش واضح ناهيك عن انك حتى مانتاش عارف بدايته ولا وجهته

عارف لو انت عارف طريقك وعارف الصعوبات يمكن تمشي تعرج فيه
المشكلة ان في بعض الاوقات الدنيا مبتبقاش واضحة اصلا

فعلا كتير بيبقى دا هو نفس احساسي
مفيش طريق عامله زي مركب من غير ربان في عاصفه
ماشيه زي ما الريح والموج بيوديها وعشان ستر ربنا بس مش بتغرق

على راي عماد الدين أديب:

"إرسملي خط وانا امشي عليه"

هي دي احد مشاكلنا في مصر

ما فيش "خط"

المشكله ان احنا في مصر و مع نظم التعليم الحاليه محدش علمنا ان احنا نقدر نلاقي طريقنا
هما علمونا ان احنا نمشي في الطريق اللي هما حيقولونا عليه
علشان كدا لو مفيش طريق موجود بنتوه
لكن لو اتحطينا على اي طريق بنعرف نكمله للاخر
بس محدش فينا بيقف ويسال هو دا الطريق اللي انا عايز امشي فيه ولا لا

انتم أصبتم كبد الحقيقة
احنا عايزين "توقعات مرئية" للحياة ... زي اللي كنا بنذاكر منها في الثانوية العامة

انا كنت بذاكر من كراسه الاول :) onion62

لكن الجدع هوه اللي بيعمل توقعاته المرئية بنفسه ، و لا أدعي هذا لنفسي بالذات ، كلنا بنحاول
أو تعالوا ببص لها بطريقة تانية ...
القدوة مفقودة في هذا الزمان .. صح ؟
الحل ان يكون لنا قدوة من أزمنة تانية أصعب من زماننا !

القدوه مفقوده فعلا
واهالينا ربونا ان كل حاجه بتيجي بالساهل
مفيش حد عنده استعداد يتعب كتير
متهيالي كل ابائنا كانوا بيشتغلوا وهما بيدرسوا مكانشي في عندهم حاجه بتيجي علطول او بالساهل
انا والدي كان بيشتغل من وهو في تالته اعدادي
عشان كدا اتعلم يشيل مسئوليه نفسه واتعلم انه يصبر وهو حيوصل مش مهم في اد ايه
بس المشكله انهم مكانوش عايزنا نتعب زي ما هما تعبوا
عشان كدا خلوا كل حاجه في حياتنا سهله

صعب قوي الموضوع ده .. التوقعات المرئية

يارب نقدر ونحاول

شيء أساسي في إمتحانات الموارد البشرية هو وجود

Vision

وفعلا تلات تربع مشاكلنا عدم وجود رؤية واضحة

يارب قدرنا وإلهمنا الصواب

فعلا دايما هي دي النقطه اللي كانت بتوقفني في موضوع التنميه البشريه الـ vision
بيقولك حدد هدفك ولازم يكون هدف كبير
وبعدين جذئه عشان تقدر تقيس انت حققت اد ايه منه كل فتره
بس دايما كنت اقف متنحه
ايه هو هدفي 59onion

alzheimer

25-10-2009, 07:17 PM

متفق مع كل حرف قلتيه

وموضوع ابائنا ده حقيقي ... كان والدي وعمي وخلاني كلهم لازم يشتغلوا في الصيف
وتحليلك اللي قلتيه ده صحيح جدا .... امي بتقلي كده فعلا ... إن جيلهم كان حريص يلبي طلبات أبنائه حتى لا يتكبد مشقة ما عاناه الاباء ...

فارس الوهم

25-10-2009, 07:27 PM

طيب وبعدين
ايه ممكن نعمله عشان نقدر نتغلب على المشكله دي
انا دايما بوصل لكدا وبعدين مبعرفشي اكمل ازاي
بس لازم فيه حل
بدليل ان فيه ناس كتير من جيلنا عرفوا يوصلوا للي هما عايزينه
والاهم عرفوا ايه اللي هما عايزينه اصلا

Nettawy

25-10-2009, 07:35 PM

نفس مشكلتي يا فارس تقريبا :)

ساعات كتير مش ببقى عارف أنا عاوز إيه بالظبط
الرؤيا قد تكون منعدمه مع وجود الدوافع لعمل أي شيء بس أعرفه بس :(

The Doctor

25-10-2009, 10:05 PM

يا جماعة في حاجات كتيرة اكيد انتو عارفين انكو عايزنها
نبتدي مثلا بالحاجات الدينية و الجنة و دي انا بصراحة بلاحظها في مشاركاتكوا ما شاء الله
بعد كده شوفوا ايه اللي حاسين انكو عايزين تعملوه و لو حاجات بسيطة زي اكلة معينة عايزين تاكلوها او خروجة عايزين تخرجوها او مشكلة شايفنها و أرفاكوا في عيشتكوا و عايزين تحلوها
انا مش شايفة ان لازم الواحد يبقى ماشي مخطط للعشر سنين اللي جايين و عارف ايه الهدف اللي عايز يقضي فيه عمره، انا شايفة انه ممكن يكفي ان الواحد يبقى عنده مبادئ و اخلاقيات ميتعداش عليها و بره كده بقه يعمل أي حاجة حاسس انه عايز يعملها و يفكر في الحاجات اللي هتترتب عليها و يا ترى بتتناقض مع حاجة تانية هو عايزها اكتر وللا لأ يعني مثلا مضيعش خروجة بقالي شهور بحضرلها و عايزة اخرجها اوي عشان جه فيلم ممكن يتعاد تاني او اضيع فرصة تقديم في وظيفة بقالي سنين نفسي فيها عشان الخروجة دي
انا عارفة ان امثلتي ممكن تبقوا شايفنها بالاهمية القصوى بس انا بس حبيت ادّي امثلة عشان اوضح بيها انا قصدي ايه
و الدافع اللي اكيد عندنا كلنا هو التقرب من الله، و ده بييجي برده من الحاجات اللي بنحب نعملها، انا بس اقصد ان الحمد لله الدافع موجود المهم الطريق اللي بيختلف من واحد لواحد و مينفعش حد يوريهولنا

فارس الوهم

26-10-2009, 01:05 PM

اكيد كلنا بنعمل كدا
بدليل ان كلنا الحمد لله نعتبر من الناجحين في حياتنا بالنسبه للناس التانيه
لكن احنا مش بنتكلم عن كدا
احنا بنتكلم ان يكون لكل واحد فينا هدف كبير عايز يوصلوا
مش بيعيش اليوم بيومه او الشهر بشهره
احنا عايزين نكون زي الصحابه والتابعين اللي كان كل واحد فيهم بيحركه هدف واحد طول حياته
عايز تكون الارض بعده غير الارض قبله
يكون هو زياده للحياه مش زائد عليها
في زمننا المعاصر زي طه حسين و احمد زويل مثلا
احنا بنذاكر عشان احنا المفروض نذاكر وبننجح عشان المفروض ننجح
وبنشتغل عشان نجيب فلوس وبنتجوز عشان نجيب عيال نربيهم انهم هدفهم في الحياه انهم يتجوزوا ويجيبوا عيال
دايره مش بنعرف نطلع منها