الحُكشة !

[مصباح]

<p>في ظل نظام التعليم الحالي تجد ظاهرة الحكشة تنتشر كل يوم أكثر من التالي ..</p><p>المقصود من المصطلح :</p><p>الحاجات اللي بتساعد على الحفظ بواسطة تجميع الحروف الأولى من النقاط المطلوب ذكرها .. و تكوين كلمة منها و هكذا ..</p><p>أمثلة : (من النسا و الولادة )</p><p>clinical picture of PCO : IOAH<br />causes of hirsutism : IOAH DA<br />cases of puerperal pyrexia : p.sepsis + ROUBI !</p><p>و_ غير ذلك مما قدمته لنا كلمنتينا في موضوع : <a href="http://www.kasralainy.edu.eg/english/students/forum/showthread.php?s=&threadid=960"><font face="Tahoma" color="#000020" size="2">نداء اللى القلوب الرحيمة</font></a>_في مادة طب المجتمع .</p><p>طبعاً في حاجات معينة هي من الثوابت في مسألة الاختصارات دي .. زي مثلاً: types of shock :</p><p><strong>s</strong>eptic</p><p><strong>h</strong>emorrhagic</p><p><strong>o</strong>bstructive</p><p><strong>c</strong>ardiogenic</p><p><strong>k</strong>inetic (distributive)</p><p>و حاجات كنا بناخدها في الأناتومي العلماء هما اللي اخترعوها و بتتكلم عن ثوابت في ترتيب الأوردة و الأعصاب و الأوتار .. إلخ .</p><p>كل دا كويس_ .. لكن تعميم الحاجات دي على كل سؤال فيه نقط ... أهو دة بقى اللي حكشة !</p><p>عايز أعرف موقفكو من (الحكشة) لو كنتو فهمتو إيه هية .</p>

[فيرون]

<p>باستخدمها لما ألاقس كل النقط اللي قدامي مالهاش علاقه ببعض ... بس ... يعني مش ممكن تترتب ترتيب منطقي مبني على بعضه </p><p>:smiley34:</p>

[Alasmar]

<p>دى من ضمن الحاجات الى بتحسنى ان ودنى بتطول بردة..</p><p>و بتحرق دمى جداً..</p><p>لكن ساعات بضطر ليها زى ما قال فيرون..</p>

[مصباح]

<p>التلات أمثلة اللي فوق دول من اختراعي ..!</p><p>عشان بس ماحدش يظن إن أنا مستخدمتهاش قبل كدة .</p>

[kalamntena]

عايز أعرف موقفكو من (الحكشة) لو كنتو فهمتو إيه هية .


اولا مش فى كل الاسئلة بدليل انى لما رديت على فيرون فى موضوع مرسى اضحك بسرعة مقلتش الgerm cell tumors

لانى فهمتهم بطريقة مش هنساها بعد كده ان شاء الله بس مكتبتهاش لان دى عايزة شرح وهى دى المشكلة

لو السؤال هل توافق على الحكشة ؟




نعم اوافق واؤيد واؤلف كمان
وسيلة بتسهللى الحفظ ماستغلهاش ؟؟؟؟
لو سؤال long الفهم ينفع ويجيب نتيجة
لكن لو سؤال اجابته 10 نقط كل واحدة بدرجة يبقى لازم تكون حافظهم صم



على فكرة اول حاجة بكتبها فى الامتحان هى الاختصارات دى

[مدنجي]

الفهم فى التعليم المصرى هو:
"ان تفهم كيف تحفظ"

و دا فى رايى من الحاجات الى جايبانا ورا..


دى..

[kalamntena]

فين بقية الناس
فين مصباح
رأي سيادتك ايه يافندم؟

وبعدين انا مش فاهمة رايك يا مدنجى
او على حسب مافهمت انت بتقبلها مضطرا

[Eman Samir]

بصراحة انا حاولت استخدمها
بس دائما النتيجة واحدة:
اما باحفظ الحروف و انسى الموضوع :what happ
او الحروف تدخل فى بعضها، معرفش مين بتاع ايه :smiley3:
او انسى الموضوع و الحروف :waaaaawaa

الا فى احوال قليييلة جدا لما تتكرر اكتر من مرة قدامى، ممكن احفظها، بس برده باكون حفظت الموضوع :smiley18:

[مصباح]

من هنا لغاية ما الامتحانات تخلص إن شاء الله أو أنا أخلص :peace: ..
أنا رافع شعار : تحيا الحكشة ! :maaamaaa:
بعد الامتحانات نبقى ننتقد و نحلل زي ماحنا عايزين :smiley14:

[kalamntena]

:icon_mrgr


ايمان :tamtam:

[Mohamed_kadi]

1-هل تستخدم الحكشة؟
لا
لا أستخدم الحوكشة!عشان مش بأعرف.. جربت قبل كدة وكانت النتيجة كالاتى:...
من غير حكشة ...بأشوف السؤال بأنسى الإجابة
ب الحكشة بأشوف السؤال بأنسى حكشته!!!!ولو إفتكرتها ممكن أفتكر حكشة تانية!!!!!ولو إفتكرت الحكشة الصحيحة , بأنسى الحروف دى بتاعة إيه!!!!!!!!!!

-مشروع لا للحكشة!!!!!
أنا عندى فكرة ممكن نعملها ف الأجازة...
هنختار أى موضوع مهم ف الطب و هنتكلم فيه نقطة نقطة كل واحد يقرا و يدور ع النت ويكتب إللى فاهمه بعيدا
عن جو الحكشة أنا قصدى هنعمل مؤتمر للطلبةوهيشارك فيه من سنة أولى لسنة سته
يعنى فكرة.....
وربنا يوفق الكل
ونشوفكوا على خير

[dr_yasmeena]

انا فهمت قصدك ايه بحكشه لكن ايه معنى(كل دا كويس_ .. لكن تعميم الحاجات دي على كل سؤال فيه (نقط ... أهو دة بقى اللي حكشة

.
.
.
.
.
:tamtam: .....ياللا باااااي

[kalamntena]

لا اله الا الله
فيه ايه يا محمد
واحدة واحدة
انا مش متفقة معاك فى كلام كتير بس زى ما قال مصباح الوقت دلوقتى مش مناسب عشان ظروف الامتحانات
بس فيه نقطة واحدة بس عايزاك توضحها

"سعات بأفكر ف كل حاجة عملتها ف يوم وأشوف إيه فيها كتبه مَلك اليمين وإيه كتبه ملَك الشمال.."
"كتير من ساعات المذاكرة بأقول إن دول هيكتبهم ملك الشمال...وملك اليمين بيخبط كف ب كف وبيقول بأة ووقت ومجهود وعلم المفروض تستفيد و تفيد بيه وف الأخر تستغله غلط...."
هو انت يا بنى بتلعب ؟

ظروف امتحاناتنا عايزة كده
يبقى لازم تعمل كده الى ان تكون فى موقع يديك السلطة انك تصلح كل ده
وبعدين الفهم حاجة والحفظ حاجة
تقدر تقوللى هتعمل ايه بانك تعرف اسفة
تفهم
250 دوا فى الفارما معظمهم اتلغوا مع انك مش هتشتغل غير ب20 واحد بس

انا اقوللك
لازم تفهمهم
وبالنسبة لى احفظهم عشان هيجوا فى الامتحان
بس لا اكثر ولا اقل

[Mohamed_kadi]

أسف ...أنا غيرت الموضوع ..
زى ماقلت عشان محدش يفهمنى غلط .....أنا بأتكلم عن نفسى..
أنا قدرتى ع الحفظ ضعيفة جدا و أثبت فشل ذريع ف الحفظ...وف نفس الوقت مش قادر أفهم(وده جزء منه تقصير منى)..م
عشان كدة كنت بأقول إن مذاكرتى دى وقت ف حاجات بتتعمل غلط
مش معنى كده إن أى حد تانى بيذاكر بيعمل حاجة مش مفيدة المهم يكون راضى عن نفسه وعارف هو رايح فين وهو حر
ع العموم أنا عدلت ف الرد...

المثال بتاع الفارما ده أنا مش فاهم...
قصدك إن فهم الفارماكولوجى مش مهم؟
هو الواحد هيبقى دكتور وميعرفش غيرالفارماكولوجى بتاع20 دوا؟؟؟!!!!!!ا
قصدك إيه أنا مش فاهم؟
ممكن ترد فى أى وقت لو إنت مش فاضيه...
ونشوفكوا على خير

[kalamntena]

:smiley9.: بتحرجنى
والله انا حاسة ان انت اللى زعلان


انا ما قلتش ان فهم الفارما مش مهم والا ممكن تدى لاى واحدة حامل تيتراسكلسن وانت مطمن
مانت مش فاهم


انا يا محمد باتكلم
عن الجمل الشهيرة اللى بتتحط فى اخر الموضوع (not used any more _ obsolete)]



لما تاخد نسا
اكيد اكيد هتعرف ان مصر حضارة 7 الالاف سنه
وان العراقة والاصالة بتمشى فى دمنا حتى فى التعليم
تعرف ان فيه عندنا الالات الغيت من زماااان ومع ذللك لسة بتدرس


بلاش دى
خلينا فى الفارما
النوفالجين
من اهم اعراضه الجانبية انخفاض ضغط الدم اللى ممكن يكون سبب فى مشاكل كتيرة
مبيتصنعش فى اى مكان فى العالم غير مصر _ شوفت الجمال _
طب لما هما فهموه معملوش غيره ولغوا ده ليه ؟؟؟


الدور عليك بقى
هل عشان نظام الامتحانات مش عاجبك يبقى مش هتذاكر ؟
لا دا انت تذاكر ونص كمان وبالطريقة اللى هم عايزينك تذاكر بيها
عشان تجيب تقدير كويس وتكون فى مكان مرموق
ولما تقدر تغير
يبقى واجب عليك تغير
مش تعمل زى بتوع النوفالجين



طبعا مش زعلان
هه
مش زعلان
:akh:

[Mohamed_kadi]

لا أنا هأزعل من إيه؟

هل عشان نظام الامتحانات مش عاجبك يبقى مش هتذاكر ؟
لا طبعا لان مفيش حل غير كدة.....أنا بس كنت بأفضفض..
يعنى لما أخلص كتاب البكتريولوجى وبعدين أجى أحل الاقى كل سؤال دخل ف التانى مع إنى ذاكرت الكلام ده كتير. حاسس إنى مش فاهم حاجة..أروح داخل ع الموقع الاقيكوا بتقولولى إيه رايك ف الحكشه؟؟.....إنفعلت شوية
المذاكرة مش بس السبب ..حاجات كتير بتحصل عندى اليومين دول....... الحمد لله على كل شىء.....أكيد حاجات حلوة برضه بتحصل

بالنسبه للحضارة فكل حاجة ده أكيد... يعنى إزاى بقينا عالم تالت؟؟؟ -مع مراعاة إن مفيش رابع وخامس و......-...(كنت فاكر كدة وأنا صغير!!!)

انا ما قلتش ان فهم الفارما مش مهم والا ممكن تدى لاى واحدة حامل تيتراسيكلن وانت مطمن
مانت مش فاهم
بالظبط ده قصدى....

ع العموم إيه رأيكوا ف الفكرة إللى قلتها....ممكن؟؟

نشوفكوا على خير

[kalamntena]

أنا بس كنت بأفضفض

خد راحتك على الاخر

فيه بس كلمة اخيرة والدى قالهالى مرة ومن ساعتها وانا مش شايله هم لمذاكرة ولا نتيجة
كل اللى يجيبه ربنا خير
قاللى "يعنى مش هيدخل الجنة غير اللى جايب امتياز؟"

وانا باقوللك
مش البكتريولوجى اللى هيدخللك الجنة

وبرضه والدتى كانت دايما تقوللى لما توصلى لمرحلة ان كل حاجة دخلت فى بعض ومش عارفة تحلى وعمالة تعكى يبقى ده معناه انك مذاكرة كويس ومفيش حاجة تانية تتعمل

يعنى انت مذاكر كويس :smiley2:
اتوكل على الله واللى تخاف منه ميجيش احسن منه

ربنا يوفقك
لستة الدعاء اتملت عايزين واحدة تانية :smiley2:


شد حيلك بقى


كنت هنسى
فكرتك كويسة بس زى ما قلت خليها للاجازة

[she.]

الحكشه
دى حاجه تحفه
بمعنى من غيرها كان الواحد زمانه لسه فى سنه اولى

لما يبقى مطلوب منك انك تحفظ وتحفظ وبس ومتنساش اى حاجه حتى لو مش فاهم يبقى لازم فى حكشه
وطرق تانيه كتير زيها


فكرتك حلوه اوى يامحمد

الفارما محدش يجيب سريتههاوحسبى الله ونعم الوكيل

[Alasmar]

ساعات بتبقى جميله جدا و جامدة
و ساعات بتبقى غبية وبتنرفزنى دا لما بتبقى متكلفة

لكنى اعتقد انها فى جميع الاحوال تدل عن قصور فى الفهم
او عجز فى فهم الموضوع بتسلسل مطقى
ودا اما بسبب ان الموضوع ملوش سبب او مينفعش يتفهم لأنهم لسا معرفوش ليه سبب و دى الحالة الوحيدة الى ممكن اقبل فيها انى استخدم الحكشة و انا ضميرى مستريح بشرط برده متكونش متكلفة
او لاننا مقصرين و مبنحضرش او مبنفهمش او قالوها لينا كدا (فى الغالب دكاترة الدروس)لأنهم مقصرين او مبيفهموش

لكنها ساعات بتيجى بالصدفة و فى الحالة دى بتكون جميلة جدا و بتعجبنى جدا زى بتاعة
resuscitation
ABCD

و الله دا رأيى
انا عاوزكو تلاحظو انى لسا مقريتش آراءكو كلها
بس اعتقد ان كلكو معا يا فى النقطة دى

[kalamntena]

لكنى اعتقد انها فى جميع الاحوال تدل عن قصور فى الفهم


متأسفة انا مش معاك ابدا يا اسمر
مش معنى انى مش هاقدر ارص 15 نقطة ورا بعض انى عندى قصور فى الفهم ( كيفا كان او كما

[Nabilsabri]

من زمان و انا عايز اكتب فى الموضوع ده بس انتوا عارفين الظروف
بيتهيئلى موضوع الحكشة موش الاساس
اقصد ان الاساس هو فهم تسلسل الموضوع و استيعابه
و بعد كده تأتى اساليب استرجاع المعلومة : ممكن تكون برسمة و بقصة او بحكشة او بدون او
و دى تختلف حسب اسلوب التفكير و الطريقة اللى اتعودت عليها

يعنى فى النهاية : الحكشة موش اساس و موش عيب و موش تقصير فى قدرات عقلية

و يجعله عامر

[kalamntena]

:smiley32:
:smiley20:


شكرا يا فندم

[Nabilsabri]

يافندم العفو


و يجعله عامر

[مصباح]

http://www.medicalmnemonics.com/
نقلاً عن فيرون ..نقلاً عن زملائنا في ميد ميوزيام .. مع الشكر

[فيرون]

النهارده و بعد ما الامتحانات خلصت ....

عاوزين نقدر مدى استفادتنا من " الحكش" اللي كنتوا اتكلمتوا عنها
حد افتكر منها حاجه ...
حد استفاد منها
حد فرقت معاه في الامتحان
أنا بالنسبه لي موسوعة الصور اللي عملتها في النسا و الأطفال هيا اللي فرقت معايا ..
مش متوقع امتياز و الا جيد جداً
بس فرقت معايا حتى ولو مجرد إني كنت مطمئنhttp://www.elkasrelaini.com/english/students/forum/images/smilies/sorcerer.gif

[مصباح]

انا فرقت معايا قليلاً ..
بس إيه حكاية موسوعة الصور دي ؟

[فيرون]

هامش كتب النسا و الأطفال مليته صور

... كل صوره فيها إجابة سؤال أو موضوع كامل
وكنت جبتلكو منها صورتين
المشكله إن كتاب الأطفال حد نشله مني يوم امتحان الشفوي ...
مش عارف هايعملبه إيه
طول السنه وأنا بلون فيه ... صعبان عليا كل الألوان دي:waaaaawaa

[kalamntena]

فرقت معايا ؟؟؟
ايوة فرقت جامد جدا
على الرغم ان كتير من الاسئلة ماكنتش تتطلب حكشات
بس فرقت فى الكوميونتى والاطفال اكتر من النسا
على الاقل فرقت فى وقت المذاكرة
ومازلت مصرة على رأييى
بالمناسبة
شكرا جدا يا جماعة
حكشاتكو اللى كتبتوها فى الاول ساعدتنى كتير
جزاكم الله خيرا

[فيرون]

فكرتيني ...
أنا كنت اكتشفت إن الكميونتي هي أسهل ماده خلال الخمس سنين اللي فاتوا و من غير اي حاجه ...
بس المشكله إن الاكتشاف ده جه متأخر قوي

[مصراوى]

هناك حكمة قديمة تقول
حتى هومير يحني راسه
و الحمكة تماثل احدى الأمثال الشعبية عندنا
اللي تغلبه العبه
و للعلم هومير هو احد شعراء اليونان كان مشهورا بطول قامته و كان عندما يستدعيه ملك اليونان ليدخل عليه مجلسه فانه كان يضطر الى احناء راسه حتى يتمكن من دخول القاعة الملكية
نرجع لموضوعنا
مش عيب اني استخدم الحكشة بل على العكس تماما فكل من يعرفوني جيدا يعرفون انني حاصل على احدى ارفع الشهادات في استخدامها
اعتقد انه من الحماقة ان تنطح راسك في الحائط
و معذرة على اللفظ
في اعتقادي ان الأمر يبدوا كخدعة تعليمية
و لا مانع ان تكون
التعليم خدعة
على وزن الحرب خدعة
و على استعداد لتلقي ارائكم

[kalamntena]

الحمد لله لقيت حد متفق معايا
تمام كده يا فيرون :smiley20:


ماشى يا مصراوى بس مشفناش حاجة يعنى

[مصباح]

اللي تغلبه العبه ..
صح :smiley20: :smiley14:

و لا مانع ان تكون التعليم خدعة
كدة انت دخلت في حارة سد :smiley26: :black:

إلا إذا كان قصدك المثل الشعبي :peace: اللي بيقول :
اربط ال - لامؤاخذة - الحمار مطرح ما صاحبه عايز ..!
كدة بيقى عداك العيب ..

[مصراوى]

لا تعليق
-
-
-
-

[kalamntena]

لقد اكتشفت مؤخرا ان الحكشة دى لعبة مصرية قديمة وقد تطورت لتصبح على شكلها الحالى وهى الهوكى

[Mohamed_kadi]

صح يا كلمنتينا ده كان لعب!!!!!!!!!!!

عند الفراعنة!!!

[ekm86]

أوقات بتكون الطريقة دي كويسة جدا

وأحيانا بالاقي إنها معمولة لمجرد عمل اختصار... لكن في الحالة دي مابيبقالهاش لزمة.. لأن الاختصار التعبان ده بيطير هو كمان

[broken nonna]

heia el mind map deh kaman to3tabar 7oksha?

[greyzone]

what`s the meaning of mind map? and what is the meaning of 7oksha?

[ابن الحصري]

لأ
ماتعتبرش حكشة أبدا أبدا أبدا أبدا

لأنها ببساطة تعني أن صاحبها قد قام بالفهم والتجريد