Announcement

Collapse
No announcement yet.

كورس اللغه الانجليزيه لمعهد القوات المسلحه

Collapse
This is a sticky topic.
X
X
 
  • Filter
  • Time
  • Show
Clear All
new posts

  • كورس اللغه الانجليزيه لمعهد القوات المسلحه

    المعلومات الكامله عن معهد القوات المسلحه

    من جهد العضوه سمرااااااااااء
    بارك الله فيها



    دي كل تفاصيل معهد القوات المسلحة للغات
    بخصوص كورس الانجليزي
    في 3 أنواع
    منهم نوعين زي بعض الاختلاف بينهم بس بيكون في مدة المستوى

    النوع الاول

    منهم الكورس العادي بيكون 12 مستوى
    سعر الكتاب 20 جنيه
    سعر السي دي 25 جنيه
    مدة المستوى 10 أسابيع
    بمعدل 4 ساعات اسبوعي
    ا ممكن يكون الـ 4 ساعات دول على يومين كل يوم ساعتين
    او في يوم واحد


    النوع الثاني

    الكورس المكثف بيكون 12 مستوى
    سعر الكتاب 20 جنيه
    سعر السي دي 25 جنيه
    مدة المستوى 5 أسابيع
    بمعدل 8 ساعات اسبوعيا
    يعني حصتين في الاسبوع
    مدة كل حصة 4 ساعات


    اما النظام الثالث

    اللي بيختلف شوية عنهم
    بيختلف في الكتاب ومالوش سي دي
    وبيختلف في الاسعار
    هو نوع البلازما
    ده الدراسة فيه بتكون عن طريف شاشة كبيرة بدل السبورة يعني
    وده بيكون 8 مستويات
    مدة كل مستوى 4 أسابيع
    بمعدل 8 ساعات اسبوعي
    ا كل اسبوع حصتين
    مدة كل حصة 4 ساعات
    وكتابه مختلف عن النوعين السابقين
    وبيكون سعر الكتاب 40 جنيه
    وسعر المستوى الواحد 320 جنيه


    المعهد ليه 3 فروع

    1- فرع كوبري القبة
    ( الفرع الرئيسي وده بيتاخد فيه محاضرات وكمان ده الفرع اللي بنحجز منه وبنشتري الكتب والسي ديهات )


    2- فرع الدقي
    في شارع نوال بالدقي الشارع اللي امام المركز الثقافي الروسي هو شارع طووووووويل اوي بس موصلاته سهله

    3- فرع شبرا الخيمة
    بس ما اعرفش عنه حاجة



    اللي بيكون مطلوب عند الحجز لاول مرة

    2 صورة شخصية + صورة البطاقة


    ملحوظة مهمة جدا جدا


    يا جماعة ابقوا اسألوا بالتليفون عن مواعيد الحجز بالظبط

    وده التليفون22629831

    وروحوا في اليوم اللي تحددوه بس روحوا من بدري اويييييييي
    يعني اذا قدرتوا تروحوا 8 الصبح روحوا
    صحيح الموظفين ما بيبدأوش شغل قبل 10 الصبح
    بس مرواحكوا بدري عشان تلحقوا رقم تسلسلي
    اصل العساكر بيدوا الناس اللي جايه بدري ارقام
    عشان محدش يبقى جاي بدري ويتظلم ويجي حد تاني لسه جاي ياخد مكانه
    فروحوا بدري عشان تاخدوا رقم قريب
    اصل اللي بيجي بعد الظهر مش بيلحق رقم من كتر اللي بيجوا كتير بدري


    وبالنسبة للمدرسين

    انا جربت فرع الدقي وكوبري القبة
    بس اكتشفت ان فرع كوبري القبة للاسف منتشر فيه المدرسين النص نص
    لان في كتير منهم ظباط وعميد وملازم
    فبيفكروني بمدرسين اعدادي وثانوي
    والكبير منهم سنا بيفكرني بموجه اللغة الانجليزي بتاع اعدادي
    انما فرع الدقي
    رغم ان اغلب اغلب المدرسين اللي فيه صغيرين سنا
    بس رووووووووعة وبيهتموا بكل حاجة الاستماع والقراءة والنطق والكتابة ونطقهم رهيب رهيب ماشاء الله عليهم
    بس طبعا اكيد فيه في كوبري القبة مدرسين كويسين
    بس فرع كوبري القبة ده
    هو اللي بينطبق عليه نظرية البطيخة اللي ذكرهاالعضو BOLA_BARTYواكتشفت ان كل اللي بيقولوا ان فرع القبة احسن فرع ما جربوش اصلا اي فرع غير كوبري القبة

    لكن انا بقول عن تجربتي للفرعين
    وتجربة اصدقاء ليا كمان بياخدوا في فصول اخرى

    ويا جماعة اي مكان بيبني سمعة طيبة او لا بالجروب اللي معاه
    يعني طاقم العمل والمدرسين اللي فيه
    فاللي بيروح اي مكان ويلاقي مدرس كويس بيكون المكان ده في نظره افضل مكان
    والعكس صحيح
    وفي الاخر نصيبنا هناخده لا مفر

    بس بالنسبة للمحادثة فجمعية جيل المستقبل احسن
    يعني بعد ما تبقوا كويسين في الانجليزي
    روحوا قدموا كده في كورس جمعية جيل المستقل
    اسم الكورس bbsa
    ده فيه 4 مستويات محادثة اللي بيدرسوا في معهد بيرلتز للغات
    ده هيكون احسن من الجامعة الامريكية في المحادثة
    والكورس اللي في جيل المستقبل ده الى جانبالانجليزي
    بيدرس
    icdl LOCAL
    وproject management
    و business plan
    وده موقع جمعية جيل المستقبل على الانترنتhttp://www.fgf.org.eg
    /default_arb.aspx



    ودي روابط الكورس على الميديا فاير

    1
    http://www.mediafire.com/?uowlkztwlky
    2
    http://www.mediafire.com/?w0nbdg5mzmz
    3
    http://www.mediafire.com/?y0dwzgd1tdm
    4
    http://www.mediafire.com/?ggqzhjyozmt
    5
    http://www.mediafire.com/?wyzu1mdxttm
    6
    http://www.mediafire.com/?y0dwzgd1tdm
    7
    http://www.mediafire.com/?inmjy1tommo
    8
    http://www.mediafire.com/?zk3kzeefywj

    منقول من الدي في دي العربي

  • #2
    رد: كورس اللغه الانجليزيه لمعهد القوات المسلحه

    جميل يا نتاوي

    بس كده احسن مكان ايه ؟؟

    الجامعة الامريكية و لا معهد القوات المصلحة و لا اايه بالظبط؟؟

    ما تعرفش حد جرب ؟

    ربنا يرحمك و يغفر لك و يثبتك يا سامح " ابو المعاطي شمروخ "
    اللهم ارحم كل موتي المسلمين
    اللهم اشفي كل مرضي المسلمين

    Comment


    • #3
      رد: كورس اللغه الانجليزيه لمعهد القوات المسلحه

      ممكن تتابعي الموضوع على الدي في دي العربي .. الناس هناك أدرى بالأفضل ..

      http://dvd4arab.maktoob.com/showthread.php?t=1245471

      Comment


      • #4
        رد: كورس اللغه الانجليزيه لمعهد القوات المسلحه

        تمااااااام جدااا

        ربنا يرحمك و يغفر لك و يثبتك يا سامح " ابو المعاطي شمروخ "
        اللهم ارحم كل موتي المسلمين
        اللهم اشفي كل مرضي المسلمين

        Comment


        • #5
          رد: كورس اللغه الانجليزيه لمعهد القوات المسلحه

          أنا كنت جربت فرع كوبري القبة ده
          هو كويس، بس ما حسيتش إن في اهتمام قوي بالنطق، خصوصا إني كنت داخل level 9.. يعني مش لسة في البداية
          متهيألي لو حاجة في الجامعة الأمريكية هتبقى أفضل (متهيألي لأني ما جربتش)

          Comment


          • #6
            رد: كورس اللغه الانجليزيه لمعهد القوات المسلحه

            بس لاحظ ان الناس اللي جربت قالوا زيك كده على فرع كوبري القبه وان فرع الدقي أحسن منه !

            Comment


            • #7
              رد: كورس اللغه الانجليزيه لمعهد القوات المسلحه

              للأسف لينك الجزء الثالث هو هو لينك الجزء السادس :(

              Comment


              • #8
                رد: كورس اللغه الانجليزيه لمعهد القوات المسلحه

                انا اسمع ان الجامعه الامريكيه افضل فى كورساتها من القوات المسلحه

                كذا حد من اصحابي راح القوات المسلحه ومالاقوش استفاده كبيره
                sigpic

                ONE FAMILY FOR ONE
                WAY

                Comment


                • #9
                  رد: كورس اللغه الانجليزيه لمعهد القوات المسلحه

                  طيب هو اصلا ف كورسات ف الجامعه الاميركيه ..انا كنت ناوى احجز ف القوات المسلحه و ف ناس قالت لى ان القواات المسلحه احسن حاجه موجوده ..لو سمحتم اللى اخد الكورس او عنده خبره يقولى احجز فين لانى إن شاء الله هبدأوا اول الشهر

                  Comment

                  Working...
                  X