صفحة 3 من 3 الأولىالأولى 1 2 3
النتائج 41 إلى 44 من 44

الموضوع: ..خواطر انسان له كيان ..

  1. #41
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي رد: ..خواطر انسان له كيان ..

    اقتباس المشاركة الأصلية كتبت بواسطة Dr.Medicine مشاهدة المشاركة
    في اوقات كتير ما نعرفش قيمة الحاجة اللي معانا غير لما تضيع مننا ...و ما نعرفش اد ايه احنا بنحب اشخاص معينين و ان حياتنا بدونهم هتبقي وحشة جدا و بدون طعم و انهم سندنا غير لما يقربوا يضيعوا مننا

    فعلا الدنيا دي عجيبة جدا ...
    كذا حاجة ضاعت مني و عرفت قيمتها بعد ما ضاعت و كل مرة اقول لنفسي لا لازم اعرف قيمة كل حاجة و كل شخص ...و ارجع تاني اقصر في حق الحاجة دي و تضيع مني

    عمي مثلا انا بحبه جدا ...شخص حنين اوي و جدع معايا جدا و انا و هو فعلا اصدقاء و كنا بنخرج نتمشي مع بعض و بفهمه جدا و له افضال عليا كتير ..اكلنا سوا و اتفسحنا سوا ...عمي الان يرقد بين الحياة و الموت ...و في السعودية ...ايه اللي اقدر اقدمهوله دلوقتي غير الدعاء؟؟!!!
    ما فيش

    بس كل ما افتكر لحظاتنا الحلوة ارجع احس اني برضو قصرت في حقه

    ربنا يشفيه هو و كل مرضي المسلمين ....

    بس بالله عليكم اي حد له شخص عزيز عليه يروح يقوله انه عزيز عليه ..و يحاول يقضي اوقات كتير معه او ع الاقل يكلمه في التليفون يسأل عليه
    ما حدش ضامن الدنيا ...

    الخميس
    29-4-2011
    شفاه الله وعافاه
    أنا بس مش عايزك تقسي على نفسك زيادة عن اللزوم، لأن الدنيا طبيعتها كده
    فانتي سواء قصرتي فعلا أو ما قصرتيش.. سيبك من اللي فات
    وخليكي في الفترة اللي جاية
    تقدري زي ما قلتوا كده تدعيله كتير
    وتقدري تحسسيه إنك معاه دايما بالتليفون.. حتى وهو في السعودية لأنها بقت أسهل كتير من الأول
    وربنا يشفيه ويقومه بالسلامة يا رب

  2. #42
    تاريخ التسجيل
    Jul 2007
    الدولة
    من عالم تالت..عشان التانى اتزحم
    المشاركات
    3,103
    معدل تقييم المستوى
    10

    افتراضي رد: ..خواطر انسان له كيان ..

    شفاه الله وعافاه يا ميدي.... ان شاء الله يقوم بالسلامة وترجعو تخرجو وتتفسحو مع بعض زي زمان....
    فليرضى عنى الناس أو فليسخطوا......أنا لم أعد أسعى لغير رضاك

  3. #43
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    13

    افتراضي رد: ..خواطر انسان له كيان ..

    ميديسن

    شافاه الله و عافاه
    و انا من رأي لاااام جدا

    بجد ما تقسيش على نفسك كدة
    و التقصير ده طبيعي في الانسان

    و للمرة التانية اقولك احمدي ربنا على حاجة انتي شايفة جانببها السئ
    احمدي ربناا انك بترددي و بتقدري في الاخر تاخدي قرار
    احمدي ربنا انك مقصرة و عندك بصيرة و عتك بتقصيرك و نفس لامتك عليها و جسد ان شاء الله يعينك تصلحي منه
    اما لسانك بالدعاء له او يدك بانك رفعتي سماعة تليفون تكلميه


    انا تذكرت موقف ليّ مشابه بس مع جدتي الله يرحمها
    يارب يكون فيه عزاء ليكي

    جدتي في اخر ايامها مرضت جدا
    و الكل كان عارف انه مرض الموت
    فمنهم اللي قال الحق اجوز بنتي او ابني قبل ما تموت و سعاتها هنستنى فترة عشان الناس ما تاكلش وشنا
    و من اقرب الناس اللي كان يخدمها بكل قوة يومين تلاتة و يريح 10 20 يوم
    و منهم من تركها في بيت وحدها في رمضان على سرير عالي و حتى ما كلفش خاطره ينور لها نور او يحط جنبها مية
    و جري على بيته عشان يحضر لاولاده الفطار و يفطر معاهم
    لدرجة ان جدتي وقعت من على السرير و هي اصلا عندها هشاشة و كسور مش متشافة

    و منهم اللي انشغل عنها بحجة دراسة و بحجج تانية خايبة
    و انا منهم

    لما توفيت
    طول الطريق لها و انا بالووووووم نفسي لو تعرفي قد ايه
    لاني و لا ادعي على الله شئ كنت اقرب احفادها لها
    و مع ذلك انشغلت عنها
    و انا الطبيبة العارفة انها بتموت و ساعة في يوم ما كانتش هتفرق معايا لا بمذاكرة و لا غيره
    ساعة بس
    و بقيت اطلب من ربنا ان يغفر لي تقصيري في صلة رحمي
    و اقرب الاقربين بعد ابي و امي

    و اقسم بالله و ربنا وحده اللي عالم
    اني لما رحت هناك و جدتها في سريرها حزنت اكتر و تمنيت ساعتها لو انشقت الارض و بلعتني
    من كتر خجلي

    قعدت اقرا قران و انا باتفرج على نزاع اولادها تدفن فين في بلدها الاصلي اسكندرية و ده سفر
    و لا هنا في القاهرة عشان يبقوا يعرفوا يزوروها
    يدفنوها دلوقتي و لا يستنوا اهلها لما يجوا من اسكندرية بدل ما يلوموهم!!ا
    و منهم من كان يتنازع على جنب خاللص كدة انها كانت كثيرة الهزار و المزاح قليلة ذكر الله!!

    و حسبي الله و نعم الوكيل

    عمات ايه انا في الحالة الاولى
    و لا حاجة اتفرجت عليهم و هما بيتنازعوا
    عملت ايه في الحالة التانية
    و لا حاجة اتفرجت عليهم تاني
    عملت ايه في الحالة التالتة
    قلت في بالي مش وقت زعيق و وعظ و اتقوا الله لساني برده اتلجم و كل اللي قدرت اعمله و اقوله لنفسي
    اقوم و اسيبهم حتى يخوضوا في حديث غيره

    و خلاصة كل اللي فااااات اني شعرت بالتقصير اكتر و اكتر و ندمت ندم اقسم بالله لم اندمه في حياتي على شئ و انا ليس في طبعي الندم

    هي دعوة واحدة و غفلت بعدها دقايق مش ساعات
    قلت ياااااا رب انا قصرت و نفسي بتلومني لدرجة انت وحدك تعلمها و انا كنت شايفة اني عاجزة و مش في ايدي حاجة اعملها

    قمت لقيت المغسلة جت
    و المفروض ان والدتي و خالتين هما اللي هيساعدوها في الغسل

    و خالتين هيخيطوا الكفن
    خالة منهم وقفت تتفق مع خال على حاجة

    و المغسلة بتقول يا جماعة اسرعوا في الكفن
    والله والله و الله
    انا مااعرفش انا مسكت كفنها ازاى
    بس مسكته و خيطته
    و لسان حالي شكرا يارب انك ادتني فرصة اعوض عن جزء من تقصيري


    و جت ساعة الغسل
    امي لا حول و لا قوة الا بالله دراعها وقف تماما و مسكها البكاء على الرغم من انها كانت متماسكة جدا
    و خالة و جدت نفسها في حيض
    طبعا المغسلة وقفت مين هيغسل معانا

    لقيت خالة قالت انا اصب مية بس
    مااعرفش بدره كنت داخل الاوضة ده برده ازاى و امتي و ليه
    و لتاني مرة اعمل لها حاجة
    اساعد في غسلها بسرعة

    و قلت الحمد لله يارب انك ادتني فرصة تانية اعوض بيها تقصيري

    انا كنت البنت الوحيدة في عيلتنا اللي في سني تصلي عليها
    و ده كانت تالت مرة
    احس اني عملت لها حاجة


    و من ساعة روحنا بيتنا و انفضت الدنيا و انا كنت باحلم بيها
    لدرجة اني طلبت من ربنا
    يااارب كفاااااية
    مش قادرة مش عايزة احلم بيها تاني اعصابي باااظت

    و كأن ابواب السما كانت مفتوحة و اتقبلت دعوتي

    و للاسف بعد ما بطلت احلم بيها و ضاعت مني فرصة اني اراها ندمت اكتر و اكترررر
    و بدات الوم نفسي تاني
    الست ماتت مش متحملة انها تجيلك شوية بعد ما ماتت
    ده بتفكرك بيها و بتقولك انا بخير و بتقولك ادعيلي
    و انتي استكترتي ده عليها كمان

    و حسيت ساعتها ان اي شئ طيب عملته معاها راح
    و ان ربنا هيقول لي خدي بقى جزااء تقصيرك
    امي كانت تقول لي زي ما لاااام قالك كدة
    ما تقسييييش على نفسك
    احنا و لادها قصرنا في حقها اكتر و منا اللي اصلا لحد الان ربنا طامس على قلبه و عينه و مش شايف انه قصر

    و انتي يا عيلة شايلة هم ان ربنا هيعاقبك و على تقصيرك و نفسك بتلومك

    و دعيت
    اه دعيت ربنا ان ربنا يخفف من احساسي بالتقصير تجاهها
    و يدلني انه غفر لي هذا التقصير

    لاني فعليا كانت الدنيا بقت سودااااء في عيني لا قيمة لها
    و بقيت افكر لدرجة اشبه بالقنوط و العياذ بالله
    ان ربنا هيسقطني في امتحاناتي بتاعت سنة سادتة مش ده الدراسة اللي انشغلت عنها بيها
    و ان خطبتي من الشخص الفلاني و جوازتي كلها هتبقى جوازة سودا مش ده اللي ليلة وفاتها شغلت نفسي و شغلت امي بزيارة والدته لما كانت مريضة و سبت جدتي و هي اقرب و الاقربون اولى

    قررت اجل الامتحانات فرارا من الدور الاول و لعلي لحد ما يجي الدور التاني يكون ربنا غفر لي و كأن سبحانك يارب مش هتقدر تغفر لي على الدور الاول

    قررت رفض العريس ده تماماااااااااا
    فرارا من جياة صنعتها في خيالي كلها سوء في سوء بسبب فعلتي و تقصيري
    و بدأت اقنع نفسي اكتر انها جوازة سودا بدليل الفال
    اه
    مش جدتي ماتت ليلة كنا بنزورهم

    ادي اشارة من ربنا انها جوازة سودا
    بلاهاااا

    قبل امتاحانت الدور الاول بيوم او اتنين
    دعيت ربنا انه يدلني في صلاة استخارة اعمل ايه في الامتحانات

    و قبل الامتاحن بوقت اقصر ربما كانت ليلة الامتحان
    رأيت جدتي
    و حلمت اني بديها خبز و كانت لابسة اخضر مطرز و انها كانت نايمة و كانت قايمة تصلي فانا كنت واقفة على يمينها
    و امي الناحية التانية
    لقيها قامت على يمينها و سلمت علي و كانت مبتسمة و صلت
    و كلمتني و انها مش زعلانة مني انما زعلانة من فلاااانة
    _و على فكرة لاحقا لما قلت يا جماعة تيتا قالت لي انها زعلانة من فلانة
    لقيت فلاااانة ده بتبكي بتبكي و حكت بلااااااوي عن تقصيرها في حقها بششششششششششدة

    المهم اني صحيت مرتاحة من الحلم
    و رحت أأجل امتحان الجراحة
    ما كانش معايا ورقة
    تقولولي دخلت الامتحان ازاي!!
    اقول لكم مش عارفة
    و كذلك امتحان النسا
    والله والله والله
    مااعرف رجل دخلت اللجنة ازاى

    و لحد يومنا هذا مااعرفش انا نجحت من الدور الاول ازاى
    اقسم بالله ان التفسير المنطقي الوحيد
    ان ربنااااااا رحييييم قوووووي
    و فعلا ماذا يفعل الله بعذابكم

    و بقيت ادعي ان يارب انت نجحتني و انا ماكانش لي انجح
    من كل النواحي

    و بعدها في فترة اول الامتياز تقريبا
    صدفة قابلنا واحدة معرفة جدتي قعدت تحكلينا حاجات سبحانك يارب عن جدتي
    من صدقتها و انها عمرها عمرها في قعدة ستات بيتكلموا عن ستات تانية ما كانت بتنطق
    بالمناسبة جدتي كانت امية
    يدوب حافظة الاخلاص و الفاتحة تصلي بيهم
    وماتت ليلة لقدر كان يوم جمعة في رمضان الفجر و كمان ميتة مبطونة

    المهم ان صديقة جدتي ده هي تعرف ماما انما ما تعرفنيش
    قعدت و هي بتحكي لامي
    تقولها في حفيدة لها كانت بتحبها قوي على فكرة
    كانت بتحكيلي انها تطلع من الكلية من ورا اهلها و تروح لها
    و في عياها اللي قبل وفاتها بشوية كانت تروح لما تلاقيها مش عارفة تاكل نواشف
    تعمل لها جلي
    انا بقيت اسمع وانا حتى مش قادرة اقاطعها اقول لها
    انا
    انا
    اللي قالت لك عنها ده انا
    و قعدت تقول ان جدتي كانت تكلمها و تقول لها يكفي ان الوحيدة طوااااال 67 سنة
    اللي خليتها تصلي التراويح في رمضااان هي حفيدتها ده
    والله امي بكت
    و بقت تقول لها هي ده اللي بتحكيلك عنها

    جدتي في رمضان اللي قبل وفاتها كانت في بيتنا و كنت احط لها كرسي جنبي و اخليها تصلي معايا التروايح
    و كانت تبكي لما تسمع قران و انا متأكدة انها مش فاهمة معنى الكلام

    ربنا يرحمك يا جدتي و يغفر لك

    ربنا بعت لي من الاشرات ما يكفيني
    ان رحمته اكبر من احساسب بالتقصير
    نفذ فيّ فضله لا عدله لمجرد اني حزنت على تقصيري
    و ماكنش في اي داعي من وصولي لمرحلة القسوة على نفسي ان ما استاهلش الخييير

    نجحت في الامتحانات و انا ما كانش لي انجح الا بفضل ربي
    عرفت اني ما كنتش مقصرة قوي الحمد لله و ان اضعف الحسنات بتفرق كتييير عند ربنا
    مهما استخفيتي بيها و ظنيتي انك ما عملتيش حاجة
    و كنت باعمل قدر امكاني وقت ما كنت باقدر اعمل و ان ربنا بيغفر التقصير مادام مش مقصوود
    و مادام يوم ما قدرتي تعوضي عنه عوضتي

    بالمناسبة
    عارفة العريس اللي قلت لك اني رفضته عشان ده زيجة باينة من اولها
    و يكفي فال وفاة جدتي
    الان بعد ما يقرب من تلات سنين و يمكن اكتر
    هو زوجي

    و وحده ربنا العالم اني ما رأيت شخص في حلمه و صبره و تحمله ليّ بكل مساوئي و كرمه و أددبه
    والله لا أزكي على الله أحدا
    بس بيتهيالي و العلم عند الله ما كنتش هاخد احسن من كدة


    معلش طولت عليكي يا ميديسن
    بس نصيحة اخيرة
    ما تستهونيش دعوتك لعمك بظهر الغيب
    كم من بني ادم ما نعرفوش لكن سمعنا من فلان انه مريض و قلنا ربنا يشفيه
    و كانت دعوة بظهر الغيب قبلها ربك فشفاه
    كم من بني ادم قاعد في حاله لا بيه و لا عليه بيشتكي فقر و قلة مال و فجأة جاله رزقه
    و قعد يحسبها ان دعوته قبلت و تكون دعوته ربنا ادخرها عنده و قبل دعوة واحد بعيد عنه بظهر الغيب

    والله بعد ما عقلت هذه الفكرةو اقتنعت بيها تماما
    بقيت لماا ادعي اقول يارب و اقبل دعوة اي حد دعالي بالخير بظهر الغيب

    كلميه يوم اه ويوم لا بالتليفون او قدر امكانك
    و اهم حاجة
    حطي صدقة
    في حديث للنبي صلى الله عليه و سلم
    داووا مرضاكم بالصدقات

    ما تظنيش انها حاجات بسيطة لعلها ان شاء الله عند ربي عظيمة طالما اخلصتي النية لله
    و دعيتي ربنا انه يتقبلها منك قبولا حسنا
    التعديل الأخير تم بواسطة broken nonna ; 02-05-2011 الساعة 06:46 PM

  4. #44
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: ..خواطر انسان له كيان ..

    change

    الواحد محتاج يغير حاجات كتير منها طريقة تفكير و اسلوبب تعامل مع الناس حتي عادات غذائية
    محتاج يغير نفسه للاحسن او يوصل لدرجة اعلي من النضج
    يمكن لانه بيتفرج علي الناس من حوليه و حاسس بسذاجة او هبل او قلة عقل ...ما اعرفش بالظبط في ايه!!

    بس اعتقد ان التغيير ده باذن الله هيكون للاحسن ..
    الواحد كمان محتاج اليومين دول يقرب من ربنا اكثر و اكثر و اكثر و يحاول يشد اللي بيحبهم معاه ..علي الاقل ما يبعدش هو عن الطريق الصح

    و ده لان الواحد مش شايف بكرة في ايه؟!!و خايف منه ..اهو بكده بيحاول يضمن اخرته و يعيش سعيد الي حد ما في دنيته

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. خواطر 6
    بواسطة kalamntena في المنتدى إسلاميات
    مشاركات: 1
    آخر مشاركة: 07-09-2010, 09:38 PM
  2. و الاسم انسان
    بواسطة kalamntena في المنتدى حوار
    مشاركات: 3
    آخر مشاركة: 30-07-2010, 07:42 PM
  3. ..خواطر شاب 5 ..
    بواسطة Dr.Medicine في المنتدى X ray
    مشاركات: 13
    آخر مشاركة: 22-09-2009, 03:16 AM
  4. خواطر
    بواسطة halaa في المنتدى حوار
    مشاركات: 14
    آخر مشاركة: 14-12-2007, 02:20 AM
  5. خواطر رمضانية
    بواسطة Alasmar في المنتدى حوار
    مشاركات: 0
    آخر مشاركة: 01-11-2004, 09:02 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •