صفحة 1 من 3 1 2 3 الأخيرةالأخيرة
النتائج 1 إلى 20 من 44

الموضوع: ..خواطر انسان له كيان ..

  1. #1
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي ..خواطر انسان له كيان ..


    السلام عليكم و رحمة الله و بركاته

    خواطر انسان له كيان



    دي ان شاء الله هتكون خواطري

    انا بقالي فترة كبيرة اوي بفكر اعمل موضوع اكتب فيه خواطري بس المنتدي مش مشجع الفترة دي


    بس الواحد في الفترة دي محتاج فعلا يكتب خواطره

    انا مش ضليعة في اللغة العربية علشان كده هكتبها باللغة العامية

    هكتب اللي بحسه او بفكر فيه دون تكلف

    الواحد الفترة دي محتاج يفكر مع نفسه يراجع اللي عمله و يخطط للي ناوي عليه

    امور كتير محتاجة تترتب اوتتصلح

    ما تخفوش الخواطر دي مش هتبقي كئيبة ...هتبقي منوعة


  2. #2
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي رد: ..خواطر انسان له كيان ..

    الجملة الاخير قريتها
    متفوتوش الخواطر دى هتبقى كئيبة هتبقى ممتعة


    عوض على اهلي عوض الصابرين يا رب

    قولي يا ميدي قولي باين اهو من اولها الدنيا ضايعة عندى
    ازاى الاولاد ؟

    وانا كمان ;)

  3. #3
    تاريخ التسجيل
    Jul 2007
    الدولة
    الهرم
    المشاركات
    3,128
    معدل تقييم المستوى
    10

    افتراضي رد: ..خواطر انسان له كيان ..

    waiting
    :))
    ______________________________________

    سبحان الله و بحمده ... سبحان الله العظيم

  4. #4
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي رد: ..خواطر انسان له كيان ..

    كلنا آذان مصغية
    أن توقد شمعة ... خير من أن تلعن الظلام ألف مرة


  5. #5
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,653
    معدل تقييم المستوى
    10

    افتراضي رد: ..خواطر انسان له كيان ..


    يلا يا ميدي
    مستنيين :)))))))
    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

  6. #6
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي رد: ..خواطر انسان له كيان ..

    وأنا كمان مستني

  7. #7
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: ..خواطر انسان له كيان ..

    ايه التشجيع ده

    بجد فرحتوني جدا

    شكرا لكم

    ربنا يرحمك و يغفر لك و يثبتك يا سامح " ابو المعاطي شمروخ "
    اللهم ارحم كل موتي المسلمين
    اللهم اشفي كل مرضي المسلمين


  8. #8
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: ..خواطر انسان له كيان ..

    بما اني هسمي الخواطر دي " خواطر انسان له كيان"<?xml:namespace prefix = o ns = "urn:schemas-microsoft-com:office:office" /><o:p></o:p>
    تعالوا اكلمكم شوية عن مفهومي عن الكيان<o:p></o:p>
    <o:p></o:p>
    الكيان ده هو الشئ اللي بيشكل الانسان بيفكر ازاي بيحب ايه بيكره ايه بيتصرف ازاي بيفكر ازاي و هكذا <o:p></o:p>
    <o:p></o:p>
    و احنا اطفال صغيرين اهلنا هما اللي بيشكلوا اغلب الكيان ده يعني يعلمونا نتكلم ازاي نعتذر امتي و نسكت امتي نلبس ايه و نأكل ازاي و ايه الصح و ايه الغلط<o:p></o:p>
    لكن طبعا في مواقف كتير اول ما نبتدي نفتح و نكبر و نفكر بتأثر فينا و يبتدي كيانا يتشكل من المواقف دي <o:p></o:p>
    <o:p></o:p>
    هديكم شوية مواقف <o:p></o:p>
    <o:p>(1)</o:p>
    و انا في تانية ثانوي كنت خارجة من درس الفرنساوي و كان في واحدة صحبتي صدفة هتمشي معايا في نفسي طريقي و احنا مروحين ...و احنا ماشين مع صحابنا فجأة كده قالت "عنئذنكم " و قامت معدية الشارع لقيتها مسكت ايد راجل كبير كان ماسك عجاز و سندته و عديته الشارع و وقفت له تاكسي و ركبته <o:p></o:p>
    و لما رجعت قالت " معلش اصل انا نينتي برضو ست كبيرة و عارفة التعب اللي بيتعبوه "<o:p></o:p>
    بالرغم ان الموقف ده قد يبدو للكثيرين انه موقف عادي جدا لكنه اثر فيا تأثير كبير <o:p></o:p>
    يكفيني انه خلاني لما اشوف حد من بعيد محتاج مساعدة اجري عليه و اعرض عليه اني اساعده<o:p></o:p>
    و يا عالم يمكن يجي اليوم اللي الواحد ما يبقاش قادر يصلب طوله و يقف علي رجله و يلاقي اللي يجي و يساعده ...اصل الايام دول <o:p></o:p>
    <o:p></o:p>
    موقف تاني لسه شايفة اول امبارح<o:p></o:p>
    و انا راكبة التاكسي و مروحة قام شوية هوا كده فعربية كانت متغطية الغطي طار من عليها و بيطير بالتصويب البطئ و الناس قاعدة تتفرج لغاية ما جه في نص الشارع و سد الطريق للعربيات فالتاكسي اللي قدامنا عدي عليه عادي و تاكسي تاني ...كان في راجل تقريبا عنده 55 سنة مسك الغطاء بايده الشمال و شده حطه علي جنب علشان العربيات تعدي ....


    عارفين الراجل مسك الغطي بايده الشمال ليه ؟؟ لان ايده و زراعه اليمين مبتورة كلها لغاية الكتف ...<o:p></o:p>
    اهو الراجل ده بايده الواحدة دي احسن من واحد عنده الف ايد علي الاقل الراجل ده بيستخدم ايده و بيفيد الناس<o:p></o:p>
    يكفي انه ما قالش انا فيا اللي مكفيني و ليا عذري و اتفرج و مشي <o:p></o:p>
    <o:p></o:p>
    موقف تالت و ده الاخير لاني عارفة اني زهقتكم<o:p></o:p>
    عندنا دكتور في قسم الاطفال اشهر دكتور دم في الاسماعيلية الدكتور ده كان عمل حادثة علي الطريق و الناس اتلموا علي العربية و عايزين يخرجوه فهو كان حس بوجع في رقبته قعد يصرخ و يقولهم ما تحركونيش استنوا الاسعاف ...طبعا ازاي ..الناس شدوه <o:p></o:p>
    طبقا الدكتور ده اتشل و بقي عاجز علي الكرسي

    تخيلوا الفرق لحظات بين ان الواحد بيمشي و يسوق و يجري و انه يبقي بعد كده قعيد علي كرسي ...
    <o:p></o:p>
    حد ممكن يقولي عادي و ايه يعني ما حوادث الطريق بقت زي الهم علي القلب <o:p></o:p>
    <o:p></o:p>
    لكن اللي مش عادي <o:p></o:p>
    بالرغم ان الدكتور ده علي كرسي و بالرغم انه تعبان و انه فعلا يبدو عليه الارهاق الا انه لسه بيجي الكلية و بيدرس لنا و بيشرح لنا و يفهمنا و يعلمنا و بيكشف علي الحالات و لايزال اشهر دكتور امراض دم للاطفال....حتي و هو بيتزئ و هو قاعد علي كرسي متحرك<o:p></o:p>
    حقا انا بكن للدكتور ده كل احترام <o:p></o:p>
    <o:p></o:p>
    انا مش هعلق عليه ...بس هسيب كل واحد فيكم يفكر مع نفسه ايه اللي يخلي الدكتور ده مصمم انه يشتغل و يكمل و يعالج الاطفال و يعلمنا <o:p></o:p>
    ؟؟!!<o:p></o:p>
    <o:p></o:p>
    في الاخر احب اقول شكرا جزيلا لصحبتي اللي حكيت عليها في اول موقف و الراجل ذو اليد المبتورة و الدكتور في الموقف الثالث<o:p></o:p>
    و شكرا لكل حد شارك في تكوين جزء من كياني

    و اتمني اني اكون ما زهقتكوش
    <o:p></o:p>
    <o:p></o:p>
    <o:p></o:p>
    <o:p></o:p>
    <o:p></o:p>
    <o:p></o:p>

  9. #9
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي رد: ..خواطر انسان له كيان ..

    :)

    جميل .
    ازاى الاولاد ؟

    وانا كمان ;)

  10. #10
    تاريخ التسجيل
    Jun 2009
    الدولة
    مسافر مستظل بظل شجرة
    المشاركات
    640
    معدل تقييم المستوى
    8

    افتراضي رد: ..خواطر انسان له كيان ..

    أنا مستني .. كمان

    مواقف كويسة
    وكويس انك واعية وواخدة بالك من حجات - زي مانت قلتي - في ناس كتير بتقول عليها .. عادي

    كمان ... كمان ( بالصعيدي )

    :)

  11. #11
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي رد: ..خواطر انسان له كيان ..

    يا سلام لو كل الناس تبقا خواطرها كده

    هل من مزيد ؟
    أن توقد شمعة ... خير من أن تلعن الظلام ألف مرة


  12. #12
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي رد: ..خواطر انسان له كيان ..

    ربنا يكرم الدكتور ده يا رب
    في الوقت اللي بنتمنى الدكاترة بس تعمل اللي عليها
    بنلاقي ناس بتعمل أكتر من اللي عليها بكتير جدا

    بس إنت قلتي فعلا حاجة.. الواحد لو حطها قدامه على طول أكيد وضعنا هيختلف
    وهي إن الأيام دول
    فاللي بيقدم حاجة دلوقتي.. أكيد هيلاقيها بعد كده وأكتر منها كمان

  13. #13
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: ..خواطر انسان له كيان ..

    شكرا يا كوكو

    ربنا يجبر بخاطرك يا ذو العينين

    شكرا يا د/ مصباح ..شكرا جدااا علي التشجيع

    فعلا يا اسلام لو الواحد فكر ان الايام دول ...هيدي اقصي ما عنده

    بجد اسعدتني ردودكم

  14. #14
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: ..خواطر انسان له كيان ..

    انا يومي عادي جدا لدرجة اني بقيت بحس كل الايام زي بعدها
    <?xml:namespace prefix = o ns = "urn:schemas-microsoft-com:office:office" /><o:p></o:p>
    ماما بتصحيني علي الساعة 7 الصبح قعد اقولها معلش سبيني خمس دقايق بس و هصحي ...فين و فييييين علي الساعة 7 و ربع كده لما اقوم بالزعيق...علشان انا المفروض هركب اتوبيس الساعة 8
    <o:p></o:p>
    <o:p></o:p>
    البس بسرعة و انزل جري علشان الحق الاتوبيس و انا راكبة التاكسي اكل السندوتش و الخيارة اللي ماما ادتهم لي و انا في الطريق صحابي يفضلوا يرنوا عليا علشان الاتوبيس طالع خلاص و انا اكنسل<o:p></o:p>
    و انا و نصيبي بقي لاما هلحق الاتوبيس و اكون انا اخر حد خالص يركب او اني اوصل الموقف و الاتوبيس خارج من الباب خلاص...و اروح اركب بيجو
    <o:p></o:p>
    <o:p></o:p>
    دون الدخول في تفاصيل يومي المتكررة

    <o:p></o:p>
    تيجي تسأل واحد "ازيك عامل ايه ؟؟"<o:p></o:p>
    يرد عليك و دون تردد و بعصبية "زفت ""زي الزفت "<o:p></o:p>
    <o:p></o:p>

    "ليه بس كده ..خير !!"
    يبتدي صاحبنا ده يشكي و يحكي
    <o:p></o:p>
    سيبكم من صاحبنا ده و تخيلوا واحد شغال في مصنع و المصنع مدي له عربية و شقة يسكن فيها و فلوس كل شهر <o:p></o:p>
    و يجي الموظف ده قدام صاحب المصنع و حد يسأله ازيك ؟؟؟يقوله "زفت "<o:p></o:p>
    فكركم صاحب المصنع ده هيزعل و لا لا؟! ....و ابسط حاجة هيرد يقوله طب ما احنا بنديلك عربية و شقة و فلوس و تأمين صحي ...<o:p></o:p>
    <o:p></o:p>
    و لله المثل الاعلي سبحانه و تعالي
    <o:p></o:p>
    نعم ربنا علينا كتير لا تعد و لا تحصي و في الاخر تلاقي حد يقول ان حاله زي الزفت ؟!!
    اعتقد لو فكرت بس في نعم ربنا عليك ..المفروض لما حد يسألك ازيك ؟؟
    تقوله و بدون تردد "غرقان في نعم ربنا "

    <o:p></o:p>
    اظن المعني وضح
    <o:p></o:p>
    <o:p></o:p>
    من كم اسبوع كده و لما لقيت صحابي خلصوا و الواحد فعلا تعبان و زهقان و قرفان ...قعدت اقول لنفسي طب مش لو كنت دخلت صيدلة او هندسة او حتي تجارة كان زمان الحال غير الحال <o:p></o:p>
    و هكذا بدأت ازهق نفسي بنفسي <o:p></o:p>
    <o:p></o:p>
    لغاية ما وصلني المعني اللي اديت لكم عليه مثال صاحب المصنع و لله المثل الاعلي سبحانه و تعالي<o:p></o:p>
    الواحد فعلا اتكسف من نفسه و استغفر ربنا و بدأ يبص للامور الايجابية و الاشياء الكويسة في حياتهمما و ده خلي الواحد فعلا فرحاااااااااااااان
    <o:p></o:p>
    <o:p></o:p>
    الرضي شئ مهم فعلا لحياة الانسان
    <o:p></o:p>
    <o:p></o:p>
    لا و ايه جه موقف طرق علي الحديد و هو سخن زي ما بيقولوا <o:p></o:p>
    <o:p></o:p>
    النهاردة في الروند واقفين بناقش حالة مع الدكتورة ...بنت عندها 8 او 9 شهور تقريبا ....عندها ضمور في المخ و طبعا مش بتأكل كويس قل البروتين و جسمها كل ورم و طبعا تأخر في الوظائف العقلية
    <o:p></o:p>
    الدكتورة قالت لام البنت دي صراحة ان البنت دي غالبا هيتأخر نمو المخ عندها و هتحتاج بعد كده تدخل مدارس خاصة بالحالات دي <o:p></o:p>
    <o:p></o:p>
    فعلا اي حد كان يشوف البنت دي كانت هتصعب عليه جدا و خاصة انها لسه صغيرة <o:p></o:p>
    <o:p></o:p>
    فالواحد كده جه في باله يااااااااااااااا تخيل نعمة ربنا عليك<o:p></o:p>
    تخيل ان مخك كويس<o:p></o:p>
    و انك بتفهم و تكبر و عايش حياة كويسة <o:p></o:p>
    !!!!!!!<o:p></o:p>
    <o:p></o:p>
    بذمتكم مش حاجة زي دي تخلي اي واحد زهقان من حياته او نفسه او من ظروفه او من دراسته يتكسف علي دمه و يتكسف من نفسه ؟؟!!
    <o:p></o:p>
    <o:p></o:p>
    نفس الحالة دي و احنا واقفين و الدكتورة بتناقش معانا الحالة طبعا بتتكلم بالانجليزي ...و ام البنت دي واقفة جنبي <o:p></o:p>
    الست كل شوية تخبطني تقولي يعني ايه edema ?يعني ايه الكلمة اللي الدكتورة بتقولها دي ؟؟؟يعني ايه CT؟؟يعني دي حاجة كويسة و لا وحشة ؟؟معلش ترجمي لي الكلام
    <o:p></o:p>
    لو تشوفوا قلق الام دي علي بنتها هتندموا علي كل لحظة زعلتوا فيها امهاتكم او ابائكم او حتي قولتوا لهم استنوا لحظة و حد فيهم بينده عليكم

    الام دي كمان بنتها التانية تعبانة ...علي كلام الام ان البنت عندها خمس سنين و فجأة رجلها بدأت تضعف و دلوقتي البنت ما بقتش بتقدر تمشي
    شوفوا صبر الام دي اد ايه .....!!

    <o:p>اللهم لك الحمد كما ينبغي لجلال وجهك و عظيم سلطانك </o:p>
    <o:p></o:p>
    للاسف في حاجات كتير اوي الواحد محتاج يقعد مع نفسه فيها و يراجع نفسه

    .................
    <o:p></o:p>
    <o:p></o:p>
    بما ان دي خواطري فغالبا انا اتخذت قرار اني غالبا ان شاء الله هتخصص اطفال او هحاول استعد من دلوقتي علشان اهيئ نفسي اني اتخصص اطفال ...كل المواقف اللي بتحصل لي بتوجهني اني افكر في تخصص الاطفال<o:p></o:p>
    <o:p></o:p>
    و الله المستعان
    <o:p></o:p>
    سلام بقي علشان اروح ازاكر

  15. #15
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي رد: ..خواطر انسان له كيان ..

    ليا زميل في المعمل كل اما اسأله عامل ايه؟ انت كويس
    يقولى الحمد لله انا في نعمة مش حاسس بيها :)<input id="gwProxy" type="hidden"><!--Session data--><input onclick="jsCall();" id="jsProxy" type="hidden">
    ازاى الاولاد ؟

    وانا كمان ;)

  16. #16
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي رد: ..خواطر انسان له كيان ..

    انا مستمتعه يا ميديسن

    وادينا مسمرنالك الموضوع مالكيش حجه

    عاوزين نشوف كل يوم حاجه جديده ان شاء الله

    :)

    ONE FAMILY FOR ONE
    WAY

  17. #17
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    11

    افتراضي رد: ..خواطر انسان له كيان ..

    الدكتور بتاعكو دا صعب عليا صراحة
    انا فكرت في الموضوع دا قبل كدة
    بس هنا الناس ضايعة خالص مايعرفوش ابسط
    قواعد الاسعافات وعايشين بالبركة
    *
    لكن برة بقى تخيلوا بيعملوا ايه
    بيكسروا سقف العربية ويقطعوها عشان يخرجوه حتة واحدة
    شتاااااااااااااان
    *
    الحمد لله كل واحد بياخد نصيبه
    HAMED

  18. #18
    تاريخ التسجيل
    Jul 2007
    الدولة
    الهرم
    المشاركات
    3,128
    معدل تقييم المستوى
    10

    افتراضي رد: ..خواطر انسان له كيان ..

    الموضوع جميل جدا يا ميديسين

    ارجوكى تكمليه

    :)
    ______________________________________

    سبحان الله و بحمده ... سبحان الله العظيم

  19. #19
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي رد: ..خواطر انسان له كيان ..

    اقتباس المشاركة الأصلية كتبت بواسطة dr_0nline مشاهدة المشاركة
    الدكتور بتاعكو دا صعب عليا صراحة
    انا فكرت في الموضوع دا قبل كدة
    بس هنا الناس ضايعة خالص مايعرفوش ابسط
    قواعد الاسعافات وعايشين بالبركة
    *
    لكن برة بقى تخيلوا بيعملوا ايه
    بيكسروا سقف العربية ويقطعوها عشان يخرجوه حتة واحدة
    شتاااااااااااااان
    *
    الحمد لله كل واحد بياخد نصيبه
    عندك حق يا اون لاين

    انا عمري ما شوفت فى التلفزيون برامج توعيه عن كيفية انقاذ المصابين فى الحوادث

    او الاسعافات الاوليه ليهم!!!

    كفايه عليهم الحفلات والمهرجانات

    ONE FAMILY FOR ONE
    WAY

  20. #20
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: ..خواطر انسان له كيان ..

    عندك حق يا حامد

    حلوة مسمرناه دي يا ستروما ...
    ده اول موضوع اعمله علي المنتدي و يتثبت ...شكرا


    ان شاء الله الموضوع يستمر يا مصطفي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. خواطر 6
    بواسطة kalamntena في المنتدى إسلاميات
    مشاركات: 1
    آخر مشاركة: 07-09-2010, 08:38 PM
  2. و الاسم انسان
    بواسطة kalamntena في المنتدى حوار
    مشاركات: 3
    آخر مشاركة: 30-07-2010, 06:42 PM
  3. ..خواطر شاب 5 ..
    بواسطة Dr.Medicine في المنتدى X ray
    مشاركات: 13
    آخر مشاركة: 22-09-2009, 02:16 AM
  4. خواطر
    بواسطة halaa في المنتدى حوار
    مشاركات: 14
    آخر مشاركة: 14-12-2007, 01:20 AM
  5. خواطر رمضانية
    بواسطة Alasmar في المنتدى حوار
    مشاركات: 0
    آخر مشاركة: 01-11-2004, 08:02 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •