النتائج 1 إلى 13 من 13

الموضوع: هنيئا شعب مصر

  1. #1
    تاريخ التسجيل
    Dec 2002
    الدولة
    Cairo, Egypt, Egypt
    المشاركات
    148
    معدل تقييم المستوى
    10

    افتراضي هنيئا شعب مصر

    هنيئا شعب مصر
    تحية إلى جميع الأحرار
    لو لم اكن مصريا لوددت ان اكون مصريا

  2. #2
    تاريخ التسجيل
    Jul 2007
    الدولة
    من عالم تالت..عشان التانى اتزحم
    المشاركات
    3,103
    معدل تقييم المستوى
    10

    افتراضي رد: هنيئا شعب مصر

    هنيئا للقلة القليلة المحترمة اللى طالبت بحقوقنا بأدب وسلمية
    انما الباقى اللى اشعلو الفتنة وخربو البلد وقتلو ف بعض فربنا ينتقم منهم
    فليرضى عنى الناس أو فليسخطوا......أنا لم أعد أسعى لغير رضاك

  3. #3
    تاريخ التسجيل
    Jun 2009
    الدولة
    مدرسة الحياه
    المشاركات
    2,817
    معدل تقييم المستوى
    10

    افتراضي رد: هنيئا شعب مصر

    الموضوع مش بالبساطة دي

    انا حقيقي حزينة .. و مش عارفة اذا كان اللي حصل ده كان صح من الاول ولا لأ
    Can't imagine the forum without U .. Kalamntena


  4. #4
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: هنيئا شعب مصر

    واحسرتااااااااه علي تخريب مصر
    وااااااحسرتاه علي قتل المصريين للمصريين

    وااااااحسرتاه علي فرجة العالم علي المصريين

    ربنا يرحمك و يغفر لك و يثبتك يا سامح " ابو المعاطي شمروخ "
    اللهم ارحم كل موتي المسلمين
    اللهم اشفي كل مرضي المسلمين


  5. #5
    تاريخ التسجيل
    Feb 2003
    الدولة
    حــلــوان
    المشاركات
    299
    معدل تقييم المستوى
    15

    افتراضي رد: هنيئا شعب مصر

    إيه هو الأول اللي تقصديه ؟
    من أول مبارك ما فتح المعتقلات بدون محاكمة ؟؟
    من أول ما بدأ التعذيب في أقسام الشرطة ؟؟
    من أول ما اتباعت أراضي الدولة بملاليم ؟؟
    من أول ما الوزرا وزوجاتهم بيتعالجوا على نفقة الدولة ؟؟
    من أو ما العبارة غرقت وهربوا صاحبها ؟؟
    من أول ما أعضاء الحزب الوطني عمالين يصرفوا فلوسنا على الفنانات وبعدين يقتلوهم ؟؟
    من أول وعود الرئيس بانتخابات برلمانية نزيهة .. حصل فيها أكبر تزوير في التاريخ ؟؟
    من أول خالد سعيد
    وسيد بلال ؟؟
    من أول مالشباب أعلنوا إنهم هينزلوا يوم 25 يناير والريس ولا كأنه هنا .. واحتفل بعيد الشرطة قبلها بيومين ؟؟
    من أول ما 10 آلاف شاب ينزلوا التحرير يوم التلات معبرين عن مطالبهم .. فيأتي الخبر الرئيسي في جريدة الأهرام عن مظاهرات في لبنان ؟؟
    من أول ما اعتقلوا شباب ليس لهم أي دور في أي شيء وإنما فقط لكي يثبتوا لأسيادهم أنهم يعملون بكفاءة ومنهم أخي ؟؟
    من أول ما عرفوا إن في مظاهرات نازلة يوم الجمعة .. فبدل ما حد يطلع ويتكلم ويحاور ... يقطعوا النت والتليفون ويقفلوا الجزيرة ؟؟
    من أول ما عربيات الأمن المركزي كانت بتدوس على الناس زي ما يكونوا صراصير ؟؟
    من أول ما عملوا حظر تجول ونزلوا بلطجية ترعب الناس ؟؟
    من أول ما 300 واحد مات وأكثر من 3000 مصاب ؟
    الغلط من أول إمتة ولا إمتة ولا إمتة؟؟
    سايبين كل ده ؟؟ ونقول إن الشباب اللي خرجوا وضحوا بأرواحهم عشان إحنا وأولادنا نعيش حياة كريمة بعد كدة كانوا غلط؟؟
    قديما..كنا ندفع من أموالنا لنشتري لقب ........باشا
    أما الآن...ندفع من سنوات عمرنا لنشتري لقب....دكتور

    الــــــكـــــــــحـــــــــــكـــــــــي

  6. #6
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: هنيئا شعب مصر

    اللي اقصده ان مصر اتبهدلت
    اقسام شرطة و مستشفيات و محلات
    الامن راااااااااااح
    الناس مش بتنام
    لا شغل و لا دراسة و لا اي حاجة

    كل الناس بتحرس بيتها و اهلها بنفسها

    فرجنا العالم علينا و احنا بنقتل بعض

    خلينا امريكا كل شوية تفيدنا برأيها الغبي اللي محدش طلب منها تتدخل




    ذكرت صحيفة يديعوت أحرونوت الإسرائيلية ان اسرائيل علي استعداد انها تساعد مصر و تعيد بناها اقتصاديا و انهم ممكن يشتروا اسهم في البورصة و يساعدوا البنوك و الاقتصاد....شوفتوا وصلنا ليه؟؟بدل ما نتجمع و نروح نحارب و نقاتل اسرائيل ..المصريين بيقتلوا في بعض!!!
    شمتوا الاعداء فينا
    عمرك شف اسرائيلي قتل اسرائيلي!!!؟؟

    لكن طبعا احنا فرجنا العالم كله علينا و احنا بنقتل في بعض

    المظاهرات كان هدفها التغيير و بدأ
    يبقي ندي الحكومة الجديدة فرصة و نحقن الدماء

    ما اعتقدش ان ميدان التحرير هيتنقل فرنسا!!
    ماهو موجود
    وقت ما الكلام ما يتنفزش ممكن الناس تتظاهر تاني و تالت و رابع

  7. #7
    تاريخ التسجيل
    Jun 2009
    الدولة
    مدرسة الحياه
    المشاركات
    2,817
    معدل تقييم المستوى
    10

    افتراضي رد: هنيئا شعب مصر


    احنا لسة مشوفناش نهاية للي بيحصل
    و بالتالي مش هنقدر نجزم بحاجة دلوقتي
    اخشى ان الوضع بعد كدة يبقى اسوأ من اللي فات
    و اتمنى العكس طبعا
    Can't imagine the forum without U .. Kalamntena


  8. #8
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    11

    افتراضي رد: هنيئا شعب مصر

    ردا على دكتور الكحكي
    *
    كنا كلنا فين واحنا شايفين الفساد فينا ومغيرناهوش
    كنا فين وسايبين الموظفين المرتشين ومغيرنهومش
    كنت فين وانت شايف زمايلك الاطباء عديمي الضمير ومغيرنهامش
    كنا فين واحنا شافين المقاول والمهندس الفاسد ومغينهومش
    كنا فين واحنا سايبين التجار الجشعين ومغيرنهمش
    *
    بصراحة يا جماعه احنا كلنا شعب فاسد بكل اطيافه
    المعارضه فاسده والاخوان فاسدين والوطني فاسد
    وربنا قال ( ان الله لا يغير ما بقوم حتى يغيروا مابانفسهم )
    *
    الهرم لو القاعده بتاعته فاسده هيقع الهرم
    انما لو مليون قمه للهرم اتغيرت واتشالت واتحطتت مكانها قمم
    مش هايحصل حاجة للهرم
    *
    ونظرا لان الاحتجاجات التي تحدث في التحرير لم تكن لله ولرسوله ولاجل اعلاء كلمة الله
    بل اغلبها من اجل ثار شخصي لكل واحد مع جهاز حكومي معين
    كل واحد اتحبسله يومين ولا امين شرطة هزاه في كمين مرة خرج ينتقم
    فكل مافيها اراه من وجهة نظري المتواضعه عبث وفساد من ضمن الفساد اللي احنا فيه
    *
    اتقوا الله في مطالبكم ولا يجرمنكم شنان قوم الا تعدلوا
    *
    *
    *
    *

    http://www.youm7.com/News.asp?NewsID=345622&SecID=12

  9. #9
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي رد: هنيئا شعب مصر

    امبارح كنت ممكن أقول هنيئا لنا جميعا
    لكن النهاردة..
    ما أعتقدش

  10. #10
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: هنيئا شعب مصر

    اقتباس المشاركة الأصلية كتبت بواسطة dr_0nline مشاهدة المشاركة
    ردا على دكتور الكحكي
    *
    كنا كلنا فين واحنا شايفين الفساد فينا ومغيرناهوش
    كنا فين وسايبين الموظفين المرتشين ومغيرنهومش
    كنت فين وانت شايف زمايلك الاطباء عديمي الضمير ومغيرنهامش
    كنا فين واحنا شافين المقاول والمهندس الفاسد ومغينهومش
    كنا فين واحنا سايبين التجار الجشعين ومغيرنهمش
    *
    بصراحة يا جماعه احنا كلنا شعب فاسد بكل اطيافه
    المعارضه فاسده والاخوان فاسدين والوطني فاسد
    وربنا قال ( ان الله لا يغير ما بقوم حتى يغيروا مابانفسهم )
    *
    الهرم لو القاعده بتاعته فاسده هيقع الهرم
    انما لو مليون قمه للهرم اتغيرت واتشالت واتحطتت مكانها قمم
    مش هايحصل حاجة للهرم
    *
    ونظرا لان الاحتجاجات التي تحدث في التحرير لم تكن لله ولرسوله ولاجل اعلاء كلمة الله
    بل اغلبها من اجل ثار شخصي لكل واحد مع جهاز حكومي معين
    كل واحد اتحبسله يومين ولا امين شرطة هزاه في كمين مرة خرج ينتقم
    فكل مافيها اراه من وجهة نظري المتواضعه عبث وفساد من ضمن الفساد اللي احنا فيه
    *
    اتقوا الله في مطالبكم ولا يجرمنكم شنان قوم الا تعدلوا
    *
    *
    *
    *

    http://www.youm7.com/News.asp?NewsID=345622&SecID=12
    الكلام ده علي اقتناع تام به
    كلام صح 100%
    فعلا التغيير لازم يبقي فينا كلنا ..شعبا و حكومة

    ربنا يرحمك و يغفر لك و يثبتك يا سامح " ابو المعاطي شمروخ "
    اللهم ارحم كل موتي المسلمين
    اللهم اشفي كل مرضي المسلمين


  11. #11
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,653
    معدل تقييم المستوى
    10

    افتراضي رد: هنيئا شعب مصر

    امريكا بتتدخل في شئونا الداخليه و الخارجيه من زمان
    اللي فرق بس ان الاوامر بقت علني لان العميل بتاعها رفض انه ينفذ الاوامر بتاعتها في الاول
    اسرائيل بتعرض المساعده لانها خايفه على الغاز اللي احنا رضينا نصدرهولها بسعر اقل من نصف اللي بيدفعه المصري لنفسه عشان يشتري لتر غاز دا لو لقاه

    الناس اللي سهرانه تحرس بيوتها دي مش عشان الثوره لا دا عشان قياداته امرت بفتح السجون و اخراج البلطجيه
    مش غريبهان مفيش مكان في مصر الا و اتعرض لهجوم بلطجيه
    مش غريبه ان 3 هجمات من اللي حصلوا عندنا يمسكوا فيهم مخبرين شرطه دا هجوم منظم مش مجرد انعدام امن

    العالم بيتفرج علينا و مبارك وحراسه مسيب كلابه يقتلوا فينا
    طيب ما طول عمرهم بيتفرجوا علينا و احنا بنموت ببلاش في العباره و قطر الصعيد و الدويقه و اقسام الشرطه بس الفرق ان المره دي العالم بيتفرج علينا و احنا بندافع عن نفسنا و احنا بنموت و بنصد الظلم و خلينا كاتب في شعبيه باولو كويليو يقول انه شاف في اللي بيحصل في مصر الحلم اللي بيتحقق

    احنا بقالنا 30 سنه دافنين راسنا في الرامله زي النعام ، عايشين بناكل و نشرب و ننام
    مفيش حد فينا رفض الفساد او الرشوه او المحسوبيه و لا قال كلمه حق لدا سلطان جائر

    انا اسفه يا محمود بس انا مكانشي ليا ثأر شخصى مع اي امين شرطه انا و كل الناس اللي انا اعرفهم و اللي نزلوا معايا في المظاهرات الا اذا اعتبرنا ان اي حد مات او اغتصب في قسم الشرطه اخ ليا

    مش فاهمه اعلاء كلمه الله ازاي
    هو مش رفض الظلم اعلاء لكلمه الحق سبحانه و تعالى

    و بعدين الشيخ يوسف القرضاوي و احمد المحلاوي و جبهه علماء الازهر و شيوخ و علماء دين كتير تانيين دعوا للثوره دي و باركوها معتقدشي انهم ممكن يدعوا الى اي عبث أوفساد


    و دا جزء من بيان جبهه علماء الازهر لو مكنتوش قريتوه


    اخرجوا فلن تكونوا أبدا نملا. فالنمل وحده هو الذي قبل من النملة نصيحتها بدخول الجحور خشية أن يحطمها جيوش الغارين .
    إنه لولا ما فرض علينا من المطاردات التي ألجأت من ألجات منا لمفارقة الأوطان، وتضييقٍ ألزم البيوت، وأسنان تقدمت، وعظام على الزمان والنازلات قد وهنت ، لولا هذا لرأيتمونا في الطليعة ومقدمة الركب ، نأمر بالمعروف، وننهى عن المنكر، درءا للشرور التي استفحلت والتي من شأنها أن تدع الديار بلا قع.

    - فليخرج كل قادر ليسمع الظالمين صوته، وليبرئ ذمته أمام الله تعالى الذي لا يقبل عذرا من مُخَذِّلٍ أو متخاذل في مثل تلك المواقف ، حيث قال جل جلاله ( إن الذين توفاهم الملائكة ظالمي أنفسهم قالوا فيم كنتم قالوا كنا مستضعفين في الأرض قالوا ألم تكن أرض الله واسعة فتهاجروا فيها فألئك مأواهم جهنم وساءت مصيرا) النساء 97: 99.

    - اخرجوا لتعذروا أولا إلى الله ، ثم لتعذروا ثانيا إلى العالم الذي يستشرفكم اليوم، ثم لتعذروا ثالثا إلى التاريخ الذي لا يغفل ولا يتغافل.

    - اخرجوا على نية الأخذ على يد الظالم قبل أن يخرج غيركم ممن لا يرقبون فيكم إلا ولا ذمة من ملاحدة وشيوعيين .

    - اخرجوا فدخول الجحور غير جائز لغير النمل

    - اخرجوا وانفروا على وعد الله لكم ،وتصديقا به، وإيمانا برسوله صلى الله عليه وسلم، رسوله الذي قال" إذا رأيت أمتي تهاب أن تقول للظالم يا ظالم فقد تُوُدِّع منهم"
    * انفروا وأنتم موقنون بصدق موعود الله لكم بأنه ( سيهزم الجمع ويولون الدبر)

    - انفروا على أمر الله تعالى لمن كان في مثل حالكم ( ادخلوا عليهم الباب فإذا دخلتموه فإنكم غالبون وعلى الله فتوكلوا إن كنتم مؤمنين)

    - اخرجوا وانفروا، فماذا تنظرون وماذا تؤملون، بعد أن نزفت الكرامة، واستبيحت المحارم، واسترخصت الدماء، وانتهكت الأعراض، وزورت الإرادة، وكذب القادة، وتحروا الكذب تحريا كانوا فيه عند الله من الكاذبين ، ماذا تنتظرون بعد أن نطق فيكم الرويبضة ، وسيق الأبرياء إلى السجون، وطورد العلماء والمفكرون كل مُطرَّد، وخُوِّن الأمين، وائتمن الخائن، وصار فينا المعروف منكرا، والمنكر معروفا ، حتى حُرِمت الأمة من خيراتها وأقواتها وكنوزها ، فسرق ذلك كله استرخاصا واستهانة ليمد به اليهود، إعانة لهم على جرائمهم في المسلمين المستضعفين في غزة والضفة وعرب 48 وغيرهم، وذلك بعد أن حوصر المستضعفون منهم ، وبعد أن أحيط بهم بأيدي الظالمين منا مجاملة منهم للمجرمين
    .
    و بعدين مين اللي قال انهم قمه الهرم دول قاعدته اللي لو اتصلحوا حيتصلح حال البلد
    يعني لو جه حاكم يعرف شرع الله و يطبقه و يخاف الله و يتقيه فينا عندما يعين مسئوليه
    و اللي بدورهم حيراقبوا الناس اللي تحتيهم و يجبروهم على اتباع العدل و عدم اخذ الرشوه بدل ما هم بينصصوا معاهم دلوقتي
    و يرفعوا المرتبات او ينزلوا اسعار السلع الاساسيه شويه عشان الموظفين اللي مرتبهم 120 جنيه يعرفوا يعيشوا بدل ما ياخدوا رشاوي مش دا حيصلح كتير

    التعديل الأخير تم بواسطة فارس الوهم ; 06-02-2011 الساعة 03:22 AM
    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

  12. #12
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي رد: هنيئا شعب مصر

    و بعدين مين اللي قال انهم قمه الهرم دول قاعدته اللي لو اتصلحوا حيتصلح حال البلد
    يعني لو جه حاكم يعرف شرع الله و يطبقه و يخاف الله و يتقيه فينا عندما يعين مسئوليه
    أمال الناس بتعترض على هيئة الأمر بالمعروف والنهي عن المنكر ليه !!

    هما فعلا رأس الهرم مش القاعده
    بالعقل كده هما كانوا في يوم من الأيام أفراد زينا من الشعب
    والتدرج في المناصب بيبدأ من تحت لفوق يعني من قاعده الهرم لرأس الهرم ..
    --
    لو حسبناها بالتعداد
    أكيد 80 مليون ماينفعوش يبقوا راس الهرم وقاعدة الهرم 100 بس !

  13. #13
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي رد: هنيئا شعب مصر

    يااااااااااااااااااااااااااااااااااااااااااااااااا اااااااااااااااااااااااااااااااااااااااه !
    .
    .
    ياترى كل واحد شارك هنا لسه مقتنع بكلامه ؟

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. هنيئا لك الحج ياسعيد
    بواسطة kalamntena في المنتدى إسلاميات
    مشاركات: 0
    آخر مشاركة: 11-12-2010, 03:26 PM
  2. شعب مبارك
    بواسطة winner في المنتدى تحت الشجرة
    مشاركات: 21
    آخر مشاركة: 15-09-2007, 04:58 AM
  3. صعب..........وأصعب
    بواسطة dr kity-kity في المنتدى ريشة و قلم و مغرفة
    مشاركات: 8
    آخر مشاركة: 13-08-2007, 04:59 AM
  4. شعب فقري
    بواسطة Rule Breaker في المنتدى ريشة و قلم و مغرفة
    مشاركات: 28
    آخر مشاركة: 14-04-2007, 01:20 AM
  5. شعب فقرى
    بواسطة tabeb في المنتدى تحت الشجرة
    مشاركات: 2
    آخر مشاركة: 01-04-2007, 02:28 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •