صفحة 3 من 4 الأولىالأولى 1 2 3 4 الأخيرةالأخيرة
النتائج 41 إلى 60 من 78

الموضوع: اضراب الاطباء !!

  1. #41

    افتراضي رد: اضراب الاطباء !!

    براحتك يا دكتورة و ده رأيك برده
    و حسب قرار الجمعية العمومية للأطباء سيتم معاقبة الاطباء المخالفين لقرار الاضراب تأديبيا في النقابة
    لكن ده عمليا هايبقى صعب جدا و مش قصتنا
    بس لو مش الاضرابات هي اللي هاتجيبلنا حقنا ايه اللي هايجيبها و امتى ؟ و الف خط تحت امتى دي

    خلينا نتكلم بصراحة
    اللي معترض على الاضراب احد ثلاثة
    يا اما طبيب/طبيبة مستريح ماديا جدا من شغل برايفت و مش فارقة معاه فلوس الوزارة و لا مستشفيات الوزارة اصلا
    يا اما طبيبة مش فارقة معاها الدخل المادي لأنها مش مسؤلة عن تكوين اسرة او اعانتها
    يا اما طبيب/طبيبة ضميره بينقح عليه و صعبان عليه الناس و ده يا اما مش فاهم اضراب الاطباء بيكون ازاي يا اما صعبان عليه حتى العيادات الخارجية اللي هاتقفل

    و مش واخد باله انه اول مستفيد لو اتحققت مطالب الاطباء هو المريض
    وجود طبيب مستريح ماديا معناه انه هايستغل وقته في التعليم او على الاقل في التواجد في النبطشيات من أجل المريض
    و زيادة ميزانية الصحة معناها توفر الشاش و القطن و السرنجات و العلاج و و و و من اساسيات مزاولة منة الطب الغير موجودة حاليا في المستشفيات لأن تاني بند في ميزانية الصحة بعد اجور العاملين هو للمستلزمات الطبية
    و اقالة وزير الصحة معناها قدوم وزير يخاف على المريض و لا يسعى لاعادةاحياء قانون التأمين الصحي اللي عمله حاتم الجبلي و اللي اترفضت مسودته من المحكمة
    و ايضا قدوم وزير يقدر الطبيب و يساعده على الاستقرار
    و تأمين المستشفيات معناه ان الدكتور يشتغل في مكان امان لأني و بجد لو هاحس بخطر على حياتي من بلطجي مثلا هاسيب المستشفى و امشي بكل بساطة و مش هايفرق معايا مريض و لا مدير لأن الحفاظ على نفسي اولى عندي من علاج عيل زوره واجعة و لا عيل بيسهل
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  2. #42
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: اضراب الاطباء !!

    حسب قرار الجمعية العمومية للأطباء سيتم معاقبة الاطباء المخالفين لقرار الاضراب تأديبيا في النقابة
    لكن ده عمليا هايبقى صعب جدا و مش قصتنا
    طب و فين بقي الحرية و الديموقراطية !!!

    يعني لو دكتور مش مقتنع بالاضراب ...يحجروا علي رأيه و يعقبوه ..

    مش شايف انه قرار مبالغ فيه ...

    ربنا يرحمك و يغفر لك و يثبتك يا سامح " ابو المعاطي شمروخ "
    اللهم ارحم كل موتي المسلمين
    اللهم اشفي كل مرضي المسلمين


  3. #43

    افتراضي رد: اضراب الاطباء !!

    مش قصتنا
    بس برده وجة نظر لأنه عدم استجابة بعض الاطباء معناه فشل الاضراب فلازم يبقى فيه رد قوي و اذا فشل الاضراب معناه ان حقوقنا ضاعت و معناه برده ان هايبقى فيه محاولات لأضرابات تانية و تالتة و رابعة
    فلازم يبقى الاضراب قوي و مؤثر من اقل عدد من الايام علشان مانضطرش لتكراره و برده النقطة دي
    مش قصتنا
    هو في الاصل قرار تحذيري اكثر من انه هايطبق فعليا
    ده غير انك اصلا يا دكتورة لسه في امتياز يعني مش مسجلة في النقابة اصلا ((و مش قانوني انك تشتغلي في العيادات الخارجية اصلا :) ))
    بس رايي انزلي اليوم ده في الاستقبال هايبقى فيه ضغط شغل كبير
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  4. #44
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: اضراب الاطباء !!

    اقتباس المشاركة الأصلية كتبت بواسطة Nettawy مشاهدة المشاركة
    اقَسِمُ باللهِ العَظِيمْ


    • أن أراقبَ اللّه في مِهنَتِي.
    • وأن أصُونَ حياة الإنسان في كافّةِ أدوَارهَا. في كل الظروف والأحَوال بَاذِلاً وسْعِي في استنقاذها مِن الهَلاكِ والمرَضِ والألَم والقَلق .
    • وأن أَحفَظ لِلنّاسِ كَرَامَتهُم ، وأسْتر عَوْرَتهُم ، وأكتمَ سِرَّهُمْ .
    • وأن أكونَ عَلى الدوَام من وسائِل رحمة الله ، باذلا رِعَايََتي الطبية للقريب والبعيد ، للصالح والخاطئ ، والصديق والعدو .
    • وأن أثابر على طلب العلم ، أُسَخِره لنفعِ الإنسَان ... لا لأذَاه.
    • وأن أُوَقّرَ مَن عَلَّمَني ، وأُعَلّمَ مَن يَصْغرَني ، وأكون أخاً لِكُلِّ زَميلٍ في المِهنَةِ الطُبّيّة مُتعَاونِينَ عَلى البرِّ والتقوى.
    • وأن تكون حياتي مِصْدَاق إيمَاني في سِرّي وَعَلانيَتي ، نَقيّةً مِمّا يُشينهَا تجَاهَ الله وَرَسُولِهِ وَالمؤمِنين .
    والله على ما أقول شهيد
    اوجزت فانجزت يا دكـــتـــور ...

  5. #45
    تاريخ التسجيل
    Jun 2009
    الدولة
    مدرسة الحياه
    المشاركات
    2,817
    معدل تقييم المستوى
    10

    افتراضي رد: اضراب الاطباء !!

    اقتباس المشاركة الأصلية كتبت بواسطة arownas مشاهدة المشاركة
    يا اما طبيب/طبيبة ضميره بينقح عليه و صعبان عليه الناس و ده يا اما مش فاهم اضراب الاطباء بيكون ازاي يا اما صعبان عليه حتى العيادات الخارجية اللي هاتقفل
    أيوة هي دي
    أنا كنت أتمنى حاجة واحدة بس
    إن ميبقاش في عقاب للي ضميره بينقح عليه :))

    أهم حاجة ان الموضوع يخلص و ميدخلش في إضراب مفتوح
    للأسف محدش بياخد حقه دلوقتي غير بالضغط
    الله المستعان
    Can't imagine the forum without U .. Kalamntena


  6. #46
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: اضراب الاطباء !!

    اقتباس المشاركة الأصلية كتبت بواسطة dr ZMZ مشاهدة المشاركة
    في فرق ان الناس تتإذي بسبب فساد منظومة ( انا مليش يد فيه )
    و انهم يتأذوا لأن ( أنا ) عامل إضراب و بدور على حقوقي

    بصي النقاش مش هيفيد لأن كل واحد مقتنع بوجهة نظره

    أنا معاكي من هنا لغاية الصبح إننا نطالب بحقوقنا .. لأن اللي بيحصل ده ظلم فعلا
    بس مش على حساب ناس ملهاش ذنب

    و في حاجة كمان .. الدكاترة مش هتموت من الجوع .. بس في ناس ممكن تموت من المرض
    كلام زي الفل

  7. #47

    افتراضي رد: اضراب الاطباء !!

    على فكرة يا دكتورة ميديسن انا ما اقسمتش على القسم ده و لا أظن ان حد أقسم الا اللي حضروا فلة التخرج او حاجة زي كده
    بس برده دي مش قصتنا لأن استنقاذ الحياة من الهلاك مسؤلية اقسام الطوارئ و الاستقبال و الحوادث
    و انا ممكن اجادل معاكي للصبح و اقولك مثلا ان الاضراب هو احد وسائل تنفيذ القسم ده لأنه يهدف الى تحسين صحة المواطنين برفع ميزانية الصحة
    و تحسين صحة المواطنين معناها حفظ كرامة المرضى اللي بيناموا على سراير محشية صراصير و نمل
    و ان كرامة الناس في توفير مكان مناسب يتعالجوا فيه بوجود أطباء بشوشي الوجهة أكفاء دراسيا و أن الطبيب الغير مستقر ماديا مستحيل هايبتسم في وش مريض و حتى لو حالف ميت مرة و أن الطبيب اللي بيتشعبط في المواصلبا علشان يوفر تمن التاكسي مستحيل هايعرف يوفر تمن الكتب و الدورات الدراسية علشان ينفع المريض و يتابر على العلم
    و أن المرض و الالم و القلق هما اساسا في عدم توفير خدمة طبية
    و في ان الام تبقى متأكده انها هاتروح المستشفى تقطع تذكرة بجنية و هايدوها علاج بايظ مالوش لازمة أو هايكتبولها على علاج لأبنها من بره تدفع فيه دم قلبها
    و في أن الالم أن المريض الفقير يموت بحسرته قبل ما يموت بمرضه لما مايلاقيش علاج له في التأمين أو مايكونش له تأمين اصلا
    و القلق ان راجل عجوز يقعد يفكر انا لو جرت لي حاجة هتعالج فين و انا فقير و المستشفيات بايظة

    يا دكتورة انا لو جاتلي فرصة احسن القرف و الزبالة اللي احنا شغالين فيها دي و ما استغلتهاش يبقى بضر العيان
    لو بالاضراب لأيام هاجيب حقي و حق المرضى يبقى استمراري في عملي مشاركة في الفساد و رضا بالظلم على العيان قبل ما يبقى عليا انا ممكن اشتغل برايفت و اوفر فلوس بس المريض الفقير مالوش غير المستشفى الحكومي البايظة يا يستحمل أيام يا هايضيع لسنيين الله أعلم بمدتها

    الناس و هي رايحة الجمعية العمومية في الاتوبيس من نقابة المنيا قالوا نجدد النية اننا رايحين نرفع الظلم عن المظلومين
    مرضى و زملاء اطباء
    الناس مش ناسية ربنا و عارفين بيعملوا ايه
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  8. #48

    افتراضي رد: اضراب الاطباء !!

    محدش هايموت من المرض بسبب الاضراب
    بلاش كلام فاضي مالوش معنى
    كلام عاطفي ليس له اي دليل
    من جملة حملات التشوية بتاعت الاعلام ان الدكاترة هايسيبوا الناس تموت
    و كأننا هانقفل المستشفيات و نروح
    العيان بجد هيلاقي الطوارئ و الاستقبال و العناية المركزة و الحضانات

  9. #49
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: اضراب الاطباء !!

    يا دكتور احنا مختلفين فقط في وجهة النظر ..اذا كان الاضراب هو الحل المثالي لاخذ حقوق الاطباء و لا لا ...

    و لا نشكك في نية او تدين اللي هيعملوا الاضراب ...

    الأطباء بيتعاملوا أسوأ و أحقر معاملة في الحكومة كفاية مشوار لحد وزارة الصحة علشان تلاقي موظف و لا موظفة **** بيكلمك بقرف و مش راضي يبصلك


    تفتكر ده عيب مين ؟؟
    عيب افراد ...مصريين ...العيب في الناس الموظفين ...

    و علي فكرة اعتقد ان لا انا و لا زد و لا نتاوي و لا فارسة الوهم و لا حد مننا بينكر ان الاطباء فعلا لهم حقوق ناقصة احنا مختلفين بس في الطريقة اللي لازم نحصل بها علي الحقوق ...


    طب ممكن يا دكتور تحاول بمنتهي البساطة او فكر حتي لو الوزارة قررت ترفع المرتبات ده هيحتاج ميزانية اد ايه ؟؟؟؟؟؟

    ده غير اني شايفة ان الاولوية المفروض تبقي للمستلزمات و الادوية و المعدات اللي ناقصة من المستشفيات

    اما للاسف و الف اسف علي اللي بيحصل في المستشفيات الان من تعدي علي الاطباء فانا اري ان لازم واقفة حاسمة من الجيش و الشرطة يعني لو جابوا حد من المتعديين دول و ادوا له حكم بكم شهر او كم سنة ...هيكون عبرة لمن لا يعتبر ...لانه بقي سلوك عند الناس و اهل المرضي

  10. #50
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: اضراب الاطباء !!

    اه طبعا انا مش متسجلة في النقابة و هما طبعا مالهمش حكم عليا ...بس العقوبة اللي عايزين يطبقوها ع الاطباء اللي مش هتشارك دي انا بعتبرها"ديكتاتورية "

  11. #51
    تاريخ التسجيل
    Aug 2007
    الدولة
    MG
    المشاركات
    2,085
    معدل تقييم المستوى
    13

    افتراضي رد: اضراب الاطباء !!

    مممم
    بالمناسبة الاطباء مش بيقولو زودو المراتب دلوقت بيقولو حطونا في الشريحة الاولي واظن دا حقهم و لا حد مختلف؟
    يعني لو هيبقو ماشيين مع حال البلد لما المرتبات كلها تعلي هما هيعلو مش بيقولو زودو المرتب بكره واظن دا حقهم

  12. #52

    افتراضي رد: اضراب الاطباء !!

    ميديسن يا ريت تقري كلامي من اوله لأننا كده هاندخل في دايرة مغلقة انا رديت على كلامك الاخير ده قبل ما تقوليه اصلا

    اقتباس المشاركة الأصلية كتبت بواسطة arownas مشاهدة المشاركة
    اعرفوا بس ايه هي مطالب الاطباء اللي هايتعمل عليها الاضراب و بعدين اتهمونا باللي انتم عاوزينه
    المسألة مش مسألة عاوزين مرتب كبير و خلاص و لا حتى تحديد مبلغ معين
    فيه كذا مطلب من أهمهم
    1- اقالة وزير الصحة (عليه بلاوي سودة و بدأ افساد الوزارة من دلوقتي على نهج سلفه)
    2- تأمين المستشفيات (سهل جدا ان دكتور يتضرب في المستشفى و بالمطاوي كمان دلوقتي بدأت الحكومة في تأمين المستشفيات و ان كان على استحياء)
    3- رفع ميزانية الصحة ل 15% زي ما مصر موقعة في الاتفاقيات (دلوقتي الميزانية 3.9 +0.6 في هيئات اخرى يعني المجمل 4.5 في حين ان بلد زي فرنسا ميزانية الصحة فيها 22% ) و ده سبب نقص المستلزمات و رداءة الخدمة الطبية للمرضى عامة
    4- وضع الاطباء في الشريحة الاولى من هيكل الاجور لأننا بجد بنتعب و نتبهدل و في الاخر مش لاقيين حد يجيبلنا حقنا
    طيب حد يصدق ان بدل العدوى للمحاسب في بعض البنوك (علشان بيمسك الفلوس ز ممكن ياخد منها عدوى بدل العدوى بتاعه 500 جنيه شهريا
    شوفوا بقى بدل عدوى "الطبيب" اللي ايده غرقانة دم و body fluids 24 ساعة في اليوم و اللي العيان بيكح و يعطس و و و في وشه بدل العدوى بتاعه كام ؟
    19 جنيه
    حد جاب سيرة زيادة مرتبات بس ؟
    اساسا مطلب زيادة الميزانية قبل وضع الاطباء في الشريحة الاولى
    و زي ما انا كتبت امبارح (و هاعيده تااااااااااااااني) ان تاني بند من بنود ميزانية الصحة هي المستلزمات يعني زيادة الميزانية (اللي مصر اصلا موقعة اتفاقية انها تبقى 15%
    15% دي نسبة و ليست مبلغ يعني 15% من اي مبلغ يعني انعكاس لنسبة اهتمام الحكومة بالصحة و بتديها كام من ميزانية الدول احنا مش عاوزين كذا مليار لأ احنا عاوزين نسبة الصحة تتحسن و تبقى زي ما مصر موقعة على الاتفاقيات الدولية لأن ده اساسا هايحسن حالة المريض قبل الطبيب)
    يعني احنا مش ولاد ***** متوحشين عاوزين فلوس و يولع العيان
    توفير خدمة طبية جيدة هو الاصل في المطالبات

    الكلام عن المرتبات كان في اطار اعادة هيكلة الاجور و طلب ان الاطباء يبقوا في الشريحة الاولى (متهيألي دي تالت مرة اقول الكلام ده و برده هلاقي اللي يطلع و يقول هاتعملوا اضراب علشان يبقى مرتباتكم كذا و كذا)

    اقتباس المشاركة الأصلية كتبت بواسطة mr_azygos مشاهدة المشاركة
    مممم
    بالمناسبة الاطباء مش بيقولو زودو المراتب دلوقت بيقولو حطونا في الشريحة الاولي واظن دا حقهم و لا حد مختلف؟
    يعني لو هيبقو ماشيين مع حال البلد لما المرتبات كلها تعلي هما هيعلو مش بيقولو زودو المرتب بكره واظن دا حقهم
    اوجزت فأنجزت
    التعديل الأخير تم بواسطة arownas ; 04-05-2011 الساعة 04:33 PM
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  13. #53
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: اضراب الاطباء !!

    شكلي كده هبتدي افكر في موضوع الاضراب ده فعلا ..

  14. #54
    تاريخ التسجيل
    Dec 2006
    الدولة
    ...
    المشاركات
    10,308
    معدل تقييم المستوى
    10

    افتراضي رد: اضراب الاطباء !!

    isA 5er ..

  15. #55
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,103
    معدل تقييم المستوى
    17

    افتراضي رد: اضراب الاطباء !!

    اممممممممممم
    والله والله والله
    انا بقالي 10شهور بالظبط بقبض اقل من 280جنيه في الشهر
    انا مع الاضراب
    زى ما ازايجوس واروناس قالوا :عايزين نبقى شريحة اولى مش من بكرة ولا الشهر الجاى ولا السنة اللى جاية حتى
    يوم ما يقولوا هنظبط الاجور يحطوا فى اعتبارهم اجور الاطباء
    يعنى مايبقاش راتب الطبيب هو الحد الادنى للاجور

  16. #56
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي رد: اضراب الاطباء !!

    اثريت الموضوع يا دكتور ارو برضه اللى جوه المشكله وشايف المهازل اللى بتحصل ادامه غير حد ما شافش اى حاجه

    ONE FAMILY FOR ONE
    WAY

  17. #57
    تاريخ التسجيل
    Sep 2007
    الدولة
    في بيتنا
    المشاركات
    4,605
    معدل تقييم المستوى
    10

    افتراضي رد: اضراب الاطباء !!

    بس اكيد يا ستروما كلنا اتعاملنا مع العيانين و شفناهم ..

    علي العموم لسه في وقت الواحد يعيد تفكير في الموضوع ده

    ربنا يرحمك و يغفر لك و يثبتك يا سامح " ابو المعاطي شمروخ "
    اللهم ارحم كل موتي المسلمين
    اللهم اشفي كل مرضي المسلمين


  18. #58
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي رد: اضراب الاطباء !!

    احنا اخرنا مستشفى الكليه يا ميديسن واكيد حتى لو شفنا اكيد برضه ما شفناش واحد على الف من اللى موجود

    اما بقيت المستشفيات زى مستشفيات وزارة الصحه والوحدات الصحيه ووووو


    وانا متفقه مع دكتور ارو ان اضراب الدكتور مش هوا اللى هيكون سبب موت المريض لان المرضى بيموتوا برضه بسبب نقص الاجهزه والامكانيات اللازمه لانقاذ حياته حتى فى القصر العينى اومال الحال ازاى بقى فى باقى المستشفيات ؟؟حتى لو الدكتور موجود مش هيعمله حاجه !!

    ONE FAMILY FOR ONE
    WAY

  19. #59
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي رد: اضراب الاطباء !!

    أنا ما كونتش رأي كامل عن موضوع الإضراب ده
    ويمكن عشان كده كده مش مسجل برضه، فمش باعمل غير متابعة الأخبار بس

    لكن اللي سمعته من واحد باثق فيه عن أحداث اتخاذ القرار ده، ضايقني شوية
    من محاولات البعض فرض رأي معين بطريقة معينة "بس أرجع وأقول زي أروناس.. مش قصتنا"

    المطالب طبعا مشروعة جدا جدا
    ولو إن اتخاذ قرار بالمعاقبة ده قرار غلط جدا جدا جدا

    ليه؟؟

    المفروض إن القرار اللي بيتاخد بيتاخد بناء على رأي الأغلبية
    يعني أنا لما أقول يوم 10/5 إضراااااااااب
    يبقى معنى كده إن الأغلبية اختارت الإضراب
    يعني المفروض إن "الأقلية" مش هتُضرب.. يعني تأثيرهم مش هيكون فشل الإضراب

    قرار زي ده كأن الوضع حاجة من اتنين
    مجموعة فرضت الرأي على الأغلبية.. وبتقيدهم بالقرار ده (حاجة كده زي الحكومة الموقرة السابقة)
    أو الأغلبية فعلا قررت ده، وما عندهمش الحماس إنهم ينفذوا!! (متهيألي لو كده يبقى يستاهلوا اللي يجرالهم)

    مش معنى كلامي إني باشكك في إن ده كان اختيار الأغلبية.. لأني ما شفتش اللي يقول كده.. خصوصا إن الأوضاع تدفع لأكتر من كده
    لكن دي وجهة نظري في القرار الغريب ده نفسه


  20. #60
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي رد: اضراب الاطباء !!

    اصل الصيادله لما اضربوا برضه وقفلوا الصيدليات النقابه برضه قالت ان فيه جزاءات على اللى مش هيضرب

    ليه ؟؟ لان ده فيه اضرار بالمصلحه العامه اللى هيا مصلحة باقى الاطباء عشان تتحقق مطالبهم والا الاضراب مش هيفيد بحاجه


    ONE FAMILY FOR ONE
    WAY

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. نقابة الاطباء
    بواسطة sameh_ig في المنتدى حوار
    مشاركات: 7
    آخر مشاركة: 24-07-2009, 03:35 AM
  2. مشاركات: 22
    آخر مشاركة: 28-04-2008, 01:48 PM
  3. الاطباء ...و ...
    بواسطة Dr.Medicine في المنتدى حوار
    مشاركات: 7
    آخر مشاركة: 10-04-2008, 01:52 PM
  4. اضراب 6 ابريل
    بواسطة suzan في المنتدى لوحة الاعلانات
    مشاركات: 26
    آخر مشاركة: 07-04-2008, 01:58 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •