صفحة 1 من 3 1 2 3 الأخيرةالأخيرة
النتائج 1 إلى 20 من 50

الموضوع: رحلة من باب أسنان الي الباب الرئيسى!

  1. #1
    تاريخ التسجيل
    Feb 2003
    الدولة
    أي حقل برسيم
    المشاركات
    75
    معدل تقييم المستوى
    15

    افتراضي رحلة من باب أسنان الي الباب الرئيسى!

    الجدى تورز تصحبكم اليوم فى رحله شيقه يقوم بها أحد الأغيار-أي غير جدياوي-ستكون محطة الانطلاق هى باب أسنان ومحطه الوصول هي الباب الرئيسي(اللى عندة ميكروناصات الجيزة)..هل أنتم مستعدين أيها ألأغيار؟هيا نتابع أحدكم فى رحلته!
    @ينظر الطالب المسكين الي يساره..ثم ينتهز الفرصه المناسبه ليقوم بالخطوه البطوليه الأولي ألا وهي عبور الشارع-فقط النصف الأول-ليستقر علي الجزيرة الوسطى وهنا لو حتي كان الطالب أعمي هيعرف أنه علي الجزيره الوسطي ليه؟(خد منديل يا دوكتور)-مش دكتور-و(ربنا ينجحك)أكيد كلكم تعرفونها...بائعه المناديل الأزليه ..لابد أن العيني باشا-رحمه الله عليه- يعرفها بالأسم ولابد أن ترقى الي عميده شرفيه أو ما شابه!

    @الآن الخطوه الثانيه...ينظر الطالب الي يمينه ثم يعبر الشارع للمرم الثانية ليستقر أمام باب أسنان..هيا لندخل..لا داعي لأخراج الكارنيه فلأمن كالمعتاد مشغول مع أحد المرضى الذين يحاولون الدخول بينما الدخول من الباب الرئيسي أو يحاولون الخروج بينما الخروج من الباب الرئيسي أو يحاولون الموت بينما الموت من الباب الرئيسي!!!

    @هل دخلت الآن؟...wow هل أنتقلت الي هاواي؟هكذا يظن الطالب المسكين فقد فوجئ ببنات أسنان..وهم لو تعلمون يختلفون شكلا وموضوعا عن بنلت بشري ولا أعرف السبب في الواقع هل هو فرق 2% بتوع الثانويه العامه؟؟؟لا أظن.أن الموضوع يحتاج الي دراسه جدياويه متأنيه سيحين موعدها لاحقا..
    نرجع لمرجوعنا..يجول الطالب بين الفتيان والفتيات المرتكنين علي السيارات..الفتيان منهم يمسكون بالسيجاره ذات الفلتر الأحمر بينما الفتيات يحتفظن بهذا اللون قوق الشفتين

    @الآن نبتدئ عمليه التناقص التدريجي ...التناقص في كل شئ.. -أنت حاليا تضع باب أسنان في ضهرك واخد رعايه الشباب بصدرك...-يتناقص عدد الشباب الروش فحت..تتناقص السجاير الحمراء ويصبح المجد للسوبر!بينما يبتدئ الشباب الغلبان في الظهور..حذاء لا تعرف لونه الأصلي..ذقن طويله(بس مش تدين علشان اللي بالي بالكم:D ) جينز حال لونه وأي حاجه من فوق..وفتيات لا تعرف وجهها من قفاها..صوره معبره جدا...مرحبا بك أنت في القصر العيني!

    @الآن أين نتجه؟..أم هاني؟لأ ام هاني دي موضوع لوحده مع مقارنه بينها وبين حورس..هناك كافتيريا مركز المؤتمرات..والتانيه اللي جنب قلعه الأمتحانات..هي كان أسمها أيه؟

    @الآن ok let's go كل واحد يشوف حاله اللي وراه section ولا round يطلع يظبطه بسرعه...طبعا الحضور هو أسرع حاجه في الكليه دي باعتبار تظبيط الغياب حق من حقوق المواطن كالماء والهواء...ومش مهم تعالي شوف الcasesليله الأمتحان مش هتلحق تتغير!

    @دلوقتي خلاص كله شاف نفسه؟يلا نروح...نرجوا أن تكونوا قد أستمتعتم بجدي تورز و...أيه الضهر أدن؟...عادي شتم الشافعي جنبنا..والنبي تعالوا ندعي ربنا يكرمنا وننجح السنه دي كمان ..علشان خاطر الغلانه اللي في البيت

    (جيزه.... جيزه) هنا بقي نترككم في رعايه الله وأمنه تروحوا بيوتكم..أحنا مش حنروح لأن الجدي مالوش بيت!:p
    وسلم لي علي الأم رشيده....
    حتي لا يمتزج الضلال بالهدى..صرنا نحن الجدي!

  2. #2

    افتراضي رحله رائعه!

    رحله جميله من كتاب"حول العالم فى 45 يوم"لكن نسيت تتكلم عن أداء الحج حول الشجره المباركه أياها!:D
    وكمان عن البودى جاردس بتوع المشرحه!ونسيت تتكلم عن الكلب الجربان "صديق الطلبه"!
    وكمان "الشقراوات الكييفة"بتوع"جنيه نشرب شاى"!
    مش قلتلك "حول العالم فى 45 يوم!!;)
    زمان..أقوله: كوره يابابا ..يقوللى:طب يا أبنى!
    دلوقتى..يقوللى:كوره يا أبنى..أقوله:ماعدتش ينفع .ما باقت طب خلااااااااص!

  3. #3
    تاريخ التسجيل
    Feb 2003
    الدولة
    أي حقل برسيم
    المشاركات
    75
    معدل تقييم المستوى
    15

    افتراضي

    نعدك أيها الآخر بزيارات أخري رائعه....فالجدي تورز مستمر في تقديم رحلاته...وكمان يا أخى ماهو علي أد فلوسكم....علشان كده بتوع I G G S E بيشوفوا كل ده...علي الطبيعه مش علي الموقع بس;)
    حتي لا يمتزج الضلال بالهدى..صرنا نحن الجدي!

  4. #4
    تاريخ التسجيل
    Nov 2002
    الدولة
    قدام القبة
    المشاركات
    962
    معدل تقييم المستوى
    15

    Talking صباح الخيييير

    عزيزي الجدي المحترم ...
    تحية طيبة و بعد ،،،
    برجاء التفضل بالموافقة على إعداد رحلة لعدد 6000 مدنجي بالملاعق و الشباشب و الترنجات لسواقي الفيوم على أن تقوم الشركة خاصتكم باستخراج تصريحات الأمن و إعداد الوجبات على الطراز المدنجي حتى يتسنى لهم الاستمتاع بالرحلة ....
    للعلم الشباب المدنجي عاوز يتبسط ;) ... عاوزينكوا تشوفوه حبتين :rolleyes: .... رجاء اتخاذ اللازم
    Hint : مش هاندفع أكتر من تلاته جنيه و اربعين قرش واتصرفوا بأه

    مدنجاوي المدنجي
    تحريراً في 27 / 2 / 2003
    كوثر ،،

    دي ....
    مدينتنا حتة سكرة ..... الشمس فيها منورة

    البقاء لله.. د.مصطفى محمود

  5. #5
    تاريخ التسجيل
    Feb 2003
    الدولة
    أي حقل برسيم
    المشاركات
    75
    معدل تقييم المستوى
    15

    افتراضي ماشي هنعتبركم من أسر الشهداء!

    والله يا مدنجي يا خويا كدة العمليه مش هتجيب همها!بس معلش المدنجيه عل عنا ورأسنا...هنعتبرم من أسر شهداء الجدي.ونطلعكم الرحله المدعومه ب3 حنيه 35 قرش.وكل واحد ياخد الوصل الأحمر بتاعه;) ومش مهم هنلم ثمن الرحله الخسرانه دي من رحله تانيه هنعملها لبتوع الIG اهم بيدفعوا علي الفاضيه والمليانه‍‍!
    بس في مشكله مش هنعرف نجيب فراخ حلوه زي بتاعت المدينه بنكهه زيت الكافور...علشان كده كل مدنجي لازم يعمل طلب نأخير غدا!لحد 6 المغرب
    والمفاجأه المره دي أن في جوله حره عند حورس!يلا يا عم!
    كلمني بكره الساعه 3 بتوقيت القاهره-مش بتوقيت المدينه-للأتفاق علي التفاصيل!


    لدا ف....
    حتي لا يمتزج الضلال بالهدى..صرنا نحن الجدي!

  6. #6
    تاريخ التسجيل
    Aug 2004
    الدولة
    فى الطراوه
    المشاركات
    17
    معدل تقييم المستوى
    0

    افتراضي

    بنات اسنان

    لا و حياتك الفرق مش فرق الاتنين فى الميه
    ده فرق تغذيه و هرمونات و كده
    و الله اعلم
    لون شعرك و بتغيريه..لون عينيك ولا عرفته ايه..اسهل حاجه عندك تقولى بحب و تنسى..قلتيها ليه؟
    لو كان غرك جمالك انا ابعد من خيالك ده الحب ما جاش فى بالك و لا عمرك تعرفيه..
    خراب يا دنيا ........ عمار يا راسى

  7. #7
    تاريخ التسجيل
    May 2006
    الدولة
    cairo
    المشاركات
    17
    معدل تقييم المستوى
    0

    افتراضي

    رحلة لذيذة بس فكرتني بالمعناة البشرية بتاعت كل يوم على فكرة انا فكرت اقدم طلب لكليتنا اللى طبعا اهم حاجة عندها مصلحتنا اولا تعملنا طفطف في المسافة دي علشان الرحاة تبقى اقصر قصدي اكثر جمالا ايه رأيكم ؟؟

  8. #8
    تاريخ التسجيل
    Jul 2006
    الدولة
    12 lki
    المشاركات
    2
    معدل تقييم المستوى
    0

    افتراضي

    يا دكاتره مالكم ببنات اسنان والبنات التانيييين حلو وصف بنات بشري ده علي وزن بنات (بحري بنات جامدين جدا

  9. #9
    تاريخ التسجيل
    Jul 2006
    الدولة
    الدقي
    المشاركات
    33
    معدل تقييم المستوى
    0

    افتراضي

    شكرا لك........................رائعة

  10. #10
    تاريخ التسجيل
    Jul 2006
    الدولة
    cairo
    المشاركات
    53
    معدل تقييم المستوى
    11

    افتراضي

    انت هايل وبجد جدي تورز ليها مستقبل عظيم في كليتنا وياما هنشوف بس يا ريت تخفف كلامك عن بنات بشري وراعي ظروفنا و مشاعرنا شوية

  11. #11
    تاريخ التسجيل
    Feb 2006
    الدولة
    الأسكندرية
    المشاركات
    6
    معدل تقييم المستوى
    0

    افتراضي

    بصراحة رحلة جميلة اوي يا عم الجدي بس ابقى خلي بالك من الميكروباصات بتاع السيدة لأحسن تطلع بيك على المدبح و بعدين مش هنقرأ رحلاتك التانية
    MoOoHa

  12. #12
    تاريخ التسجيل
    Sep 2006
    الدولة
    الهرم- الجيزة
    المشاركات
    120
    معدل تقييم المستوى
    11

    افتراضي

    يجنن يا جدى
    وصف حلو قوى
    انا عن نفسى مشفتش الكلية لغاية دلوقتى غير مرتين بس و بصراحة انتا ربنا يكرمك ادتنى انطباع حلوووووووووووووووو خالص عنها

  13. #13
    تاريخ التسجيل
    Sep 2006
    الدولة
    neverland
    المشاركات
    7
    معدل تقييم المستوى
    0

    افتراضي

    ...[/QUOTE]hi, wanna say some thing... that trip u seem not to like... many people in egypt died for it... so say thanks, ALLAH... there is another thing , not all girls in kasr el ainy like what u said .. if u don't believe ... u 'd better c me i'm going to 1st year
    التعديل الأخير تم بواسطة archigonia ; 13-09-2006 الساعة 03:14 PM

  14. #14
    تاريخ التسجيل
    Sep 2006
    الدولة
    المنوفيه
    المشاركات
    11
    معدل تقييم المستوى
    0

    افتراضي

    والله يا جماعه احمد حمدى عنده حق
    والمفروض البنات هما اللى يراعو مشاعرنا ولا ايه يا دكتوره اميره

  15. #15
    تاريخ التسجيل
    Sep 2006
    الدولة
    el maadi
    المشاركات
    15
    معدل تقييم المستوى
    0

    افتراضي

    الجدى ياريت اعرف اية سر رايك فى بنات بشرى و انا طبعا مش متفقة معاك بس الرحلة كويسة فى الاخر بالرغم من انك غفلت عن حاجات كتير وسلبيات اكتر فى الكلية.

  16. #16
    تاريخ التسجيل
    Sep 2006
    الدولة
    el maadi
    المشاركات
    15
    معدل تقييم المستوى
    0

    افتراضي

    : :
    اقتباس المشاركة الأصلية كتبت بواسطة dr canasoni
    الجدى ياريت اعرف اية سر رايك فى بنات بشرى و انا طبعا مش متفقة معاك بس الرحلة كويسة فى الاخر بالرغم من انك غفلت عن حاجات كتير وسلبيات اكتر فى الكلية.

  17. #17
    تاريخ التسجيل
    Sep 2005
    الدولة
    cairo
    المشاركات
    2
    معدل تقييم المستوى
    0

    افتراضي archigonia, I think u r bold




    U r so bold archigonia.I didn't think a medical girl may talk like this about herself,but anyway that seems coz u r not yet a medical girl, u didn't get the stamp of the faculty.I wish I c u 1 year later, & let's see how u r going to talk.

  18. #18
    تاريخ التسجيل
    Sep 2006
    الدولة
    like air everywhere
    المشاركات
    177
    معدل تقييم المستوى
    11

    افتراضي

    ايه يا ابنى الروعه دى..............يخرب عقلك يا راجل...............ويا ريت والنبى محدش من البنات يعترض خلينا سكتين احسن

  19. #19
    تاريخ التسجيل
    Oct 2006
    الدولة
    cairo..helwan..15 mayo city..gp8
    المشاركات
    1
    معدل تقييم المستوى
    0

    افتراضي

    di a7la ra7la aratha fe 7ayaty u r funny bas 3ala fekra fe shabab fe tab bashary gamdeen gada w fe banat 3alahom el 2ima Dr/7ossam

  20. #20
    تاريخ التسجيل
    Nov 2006
    الدولة
    بنى سويف
    المشاركات
    3
    معدل تقييم المستوى
    0

    افتراضي

    هى فعلا جميله جدا
    شكرا اخى الجدى
    وبعدين مالهم بنات بشرى
    هههههههههههههه هو اينعم هناك فرق
    او اقصد فرووووووووووووووق
    بس والله راعوا مشاعرنا
    وبعدين هو لافرق الاتنين فى الميه ولا حاجه
    ولا حتى فرق هرمونات
    والله دى فرق نفسيااااات

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. في بيتهم باب
    بواسطة co0o0L في المنتدى حوار
    مشاركات: 3
    آخر مشاركة: 30-11-2007, 04:22 AM
  2. الباب الخلفي
    بواسطة HAYAH في المنتدى ريشة و قلم و مغرفة
    مشاركات: 13
    آخر مشاركة: 01-08-2007, 09:50 PM
  3. ما هو طريق باب المغاربة؟؟
    بواسطة kalamntena في المنتدى إسلاميات
    مشاركات: 6
    آخر مشاركة: 14-02-2007, 11:46 PM
  4. هل طرقت الباب !!
    بواسطة the life في المنتدى حوار
    مشاركات: 3
    آخر مشاركة: 19-09-2003, 12:32 AM
  5. رحله من باب أسنان إلي الباب الرئيسي
    بواسطة الجدى في المنتدى حوار
    مشاركات: 2
    آخر مشاركة: 12-09-2003, 06:07 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •