صفحة 5 من 9 الأولىالأولى 1 2 3 4 5 6 7 8 9 الأخيرةالأخيرة
النتائج 81 إلى 100 من 169

الموضوع: أطباء مصر تحت خط الفقر !!

  1. #81

    افتراضي

    اقتباس المشاركة الأصلية كتبت بواسطة dr kemo مشاهدة المشاركة
    حد عملها قدامك؟!!!


    أنا اتحكالى حاجة شبيهة بكده

    أحد الزملاء الموثوق فيهم .. حب يحضر لستة الجراحة

    لقى النايب بيقول : إنتم طلبة ؟ .. أى نعم

    طيب اللى هايحضر اللستة يطلع 10 جنيه

    انتهى كلامه والعهدة عليه



  2. #82
    تاريخ التسجيل
    Nov 2002
    الدولة
    قدام القبة
    المشاركات
    962
    معدل تقييم المستوى
    15

    Thumbs down

    اعزرونى لأنى مقدرتش اقرا كل كلمة فى الموضوع
    لكنى لسا بشعر بالاشمئزاز من مجرد التفكير فى الاضراب
    و بشعر بالخجل و الكسوف لمجرد انى طبيب و انا ماشى فى الشارع و الناس عارفة انى طبيب
    و دا لمجرد ان زملاء كتير فى المهنة بقا كل كلامهم و اهتماممهم هو رفع اجور الاطباء

    بجد زمان كنت فخور انى طبيب
    دلوقتى بدأت انكسف و اخجل جدا
    بالذات كل ما حد يسألنى او يستفسر منى عن الاضراب او عن اجرى كطبيب

    يا جماعة
    انا بقول انه لابد من الفصل تماما بين عملنا كأطباء
    و بين اجورنا
    و تحسين اجور الاطباء المفروض انه مطلب عام لكل الشعب
    يعنى مش مطلب للدكاترة بس
    يعنى المفروض الى يعمل اضراب او يخرج فى مسيرات او حتى مظاهرات
    هما الشعب و المجتمع
    و يخرج مطالب بزيادة الاهتمام و الرعاية للموارد الصحية فى البلد
    بما فيها اهم مورد صحى فى البلد و هو المورد البشرى المتمثل فى الاطباء

    هما لو معملوش كدا و مفهموش كدا هما الخسرانين

    لكن الطبيب فى رأيى لازم يعف و ينأى بنفسه عن الدخول فى هذه المهاترات
    و المفروض ينحصر دورى كطبيب فى تفهيم و توعية المجتمع بأهمية الطب و الاطباء و اهمية الاهتمام بيهم و الحفاظ عليهم حفاظا على حالة المجتمع الصحية مش حفاظا على احوال الاطباء المالية

    مش نقعد نقول ان الأطباء مطحونين و الاطباء مش لاقيين ياكلو و مش لاقيين يعيشو و نقول اننا نطالب بمساوتنا بعمال النظافة -مع كامل احترامى لعمال النظافة و احترامى التام لدورهم المهم و القوى فى المجتمع- و ان اجر الطبيبة لا يكفى لشراء البامبرز
    كفاية كسوف بقا
    انا بجد خجول جدا من الكلام دا
    حرام عليكو هيبة المهنة
    و هيبة الاطباء

    و صدقونى الموضوع بدأ يتحول من مجرد المطالبة بحقوق الاطباء
    الى
    لعبة سياسية كبيرة
    بين الحكومة و المعارضة
    و الاطباء و سيرتهم بقو زى الكورة الى بتتنقل بين رجلين دا و دا

    مرة تانى بعبر عن اشمئزازى لمجرد الكلام فى الموضوع دا بالاسلوب دا
    و ارجو ان الناس تتفهم وجهة نظرى و متفهمنيش غلط




    دى..
    مدينتنا حتة سكرة ..... الشمس فيها منورة

    البقاء لله.. د.مصطفى محمود

  3. #83
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    بشعر بالخجل و الكسوف لمجرد انى طبيب و انا ماشى فى الشارع و الناس عارفة انى طبيب
    و دا لمجرد ان زملاء كتير فى المهنة بقا كل كلامهم و اهتماممهم هو رفع اجور الاطباء

    بجد زمان كنت فخور انى طبيب
    دلوقتى بدأت انكسف و اخجل جدا
    بالذات كل ما حد يسألنى او يستفسر منى عن الاضراب او عن اجرى كطبيب

    مش انت اللي عملت الوضع ده عشان تتكسف منه
    أنا باقول لطوب الأرض (و أنا اللي بفتح الموضوع لو مش مفتوح ) إن مرتبي 241 جنيه
    عشان يعرفوا حكومة "بورتو سخنة" و "سان ستيفانو" و "داماك" و "المنتج الأول للحديد و الصلب في الشرق الأوسط" و "مجموعة طلعت مصطفى" عاملة ايه في شعبها


    و تحسين اجور الاطباء المفروض انه مطلب عام لكل الشعب
    يعنى مش مطلب للدكاترة بس
    يعنى المفروض الى يعمل اضراب او يخرج فى مسيرات او حتى مظاهرات
    هما الشعب و المجتمع
    و يخرج مطالب بزيادة الاهتمام و الرعاية للموارد الصحية فى البلد
    بما فيها اهم مورد صحى فى البلد و هو المورد البشرى المتمثل فى الاطباء

    هما لو معملوش كدا و مفهموش كدا هما الخسرانين
    كأنك بتقول : يا إما كل المواطنين يكون عندهم وعي و يقوموا كلهم مرة واحدة بدور الدفاع عن القضية دي يا إما بلاش ... ـ

    راجع نفسك !

    لكن الطبيب فى رأيى لازم يعف و ينأى بنفسه عن الدخول فى هذه المهاترات

    الوقوف ضد الحكومة في قضية حساسة من قضايا الأمة كلها بقا مهاترات ؟
    لا معلش يا مدنجي ... تعاطفك مع الحزب الوطني كوم (و كل واحد له رأيه) و وصف الحركات الوطنية بالمهاترات كوم تاني

    معلوم ان حال الأطباء بالذات في مصر أزفت من الزفت نفسه
    و دا أسوأ من مشكل اقتصادية و سياسية خطيرة كتير البلد غرقانه فيها
    الدعوة للإضراب جت من ناس عارفين يعني ايه إضراب
    و شافوا الاضرابات في بلاد الخواجات شكلها ايه - بما فيها اضرابات الأطباء
    و شافو استجابة الحكومة بتاعتنا للوسائل الأخرى شكلها ايه

    الضغط على الحكومة مش عيب

    هل تتذكرون قصة الفاروق رضي الله عنه

    عندما قال وهو علي منبر النبي صلي الله عليه وسلم لجمهور المسلمين ماذا تقعلون أذا رأيتموني ملت إلي الدنيا هكذا فقام إليه واحد من المسلمين وقال له قومناك بسيوفنا فقال الفاروق رضي الله عنه الحمد لله الذي جعل في أمتي من يقومني إذا أخطأت

    سيبك من اللي يقوللك الحكومة مبتجيش بلوي الدراع
    الحكومة مبتجيش غير بلوي الدراع
    دي حكومة ماسكة الحكم أصلا بلوي الدراع

    و الاطباء و سيرتهم بقو زى الكورة الى بتتنقل بين رجلين دا و دا
    متخدش الموضوع على محمل شخصي
    الناس بتتكلم في قضية
    لأنها مهمة

    أن توقد شمعة ... خير من أن تلعن الظلام ألف مرة


  4. #84
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي


    http://www.almesryoon.com/ShowDetail...D=45573&Page=1

    صحيفة "لوس أنجلوس تايمز" الأمريكية تحذر من "فراغ طبي" بمصر بسبب هجرة الأطباء المصريين إلى مستشفيات الخليج هربا من تدني الأجور وجحيم الأسعار

    حذرت صحيفة "لوس أنجلوس تايمز" الأمريكية من أن تدني مرتبات الأطباء في مصر سيدفع بهم إلي الهجرة للعمل بمستشفيات الدول النفطية ، معتبرة أنه خلال فترة تتراوح ما بين 10و 15سنة لن تكون هناك خبرات كافية يتعلم منها الأطباء حديثو التخرج.
    وأوضحت أنه بالرغم من طول فترة تعليم الأطباء وتدريبهم وطول ساعات عملهم ، إلا أن المهنة لم تعد تحظ بالاحترام الذي كانت تلقاه من قبل ، مشيرة إلى أن الطبيب يتقاضى عشرة جنيهات في "النوبتجية " الواحدة ، التي يتواصل فيها العمل لمدة 24 ساعة ، وهو نفس المبلغ الذي تتقاضاه الممرضة ! .
    وأكدت أن تدنى الأجور اضطر معظم الأطباء وأسرهم للعيش مع آبائهم ، وبخاصة في ظل التضخم الحاد في أسعار السلع ، والذي وصل إلى 50 ٪ - طبقاً لتقديرات الصحيفة – في العامين الأخيرين.
    وأشارت إلى أن الطبقة الوسطى – وعلى رأسها الأطباء - قد تلاشت في بلد وصفته بالمعتدل والحليف الأقرب للولايات المتحدة في الشرق الأوسط.
    وألقت الصحيفة بالتبعة في فشل النظام الصحي بمصر على البيروقراطية التي تحتاج إلى " غسيل مخ " على حد وصفها ، مدللة على ذلك بأن مسئولي المحليات يفتشون في المستشفيات عن الأشجار ، في الوقت الذي يعتبرون فيه عدم توافر تجهيزات كافية "مسائل تافهة".
    ونقلت الصحيفة على لسان أحد أطباء النساء والتوليد بمستشفى النيل تأكيده على أنه يشترى القفازات المطاطية من حسابه الخاص لمباشرة فحوصاته ، وأنه "يقوم بغسلها عقب كل كشف بدلاً من التخلص منها" ، بحسب زعمها .
    ولفتت إلى أن نقابة الأطباء طالبت برفع مرتبات الأطباء إلى 1000جنيه ، وأن الأطباء قد حددوا شهر مارس الجاري موعداً للإضراب في حالة عدم الاستجابة لمطالبهم ، لتكتمل بذلك سلسلة العصيان – وفقا لتعبير الصحيفة – التي اندلعت بمظاهرات عمال النسيج ، مروراً بعمال السكك الحديدية وموظفي الضرائب العقارية وأساتذة الجامعات.
    وأكدت "لوس أنجلوس تايمز" أن المتحدث الرسمي لوزارة الصحة عبد الرحمن شاهين قد أبدى تعاطفاً مع مطالب الأطباء ، مشيرا إلى أنهم " سيشهدون في نهاية العام تحسناً ملحوظاً ".
    أن توقد شمعة ... خير من أن تلعن الظلام ألف مرة


  5. #85
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    بجد انا مش عاوز اقول اني فقدت الامل فالبلد دي
    ان شاء الله في امل بس محتاج الواحد يدور عليه بمكرسكوب
    انا طبعا مع الاضراب والاعتصام والاستقاله الجماعية وكل حاجة تلوي دراع الحكومة وتخلي شكل الريس زباله هو والي حواليه

    نتعفف اية هو احنا بنطلب حسنة ولا صدقة؟

    ازاي واحد يشتغل 6 ساعات فاليوم ست ايام فالاسبوع غير النبطشيات ب240 جنية؟
    ازاي ياكل ويشرب ويلبس لبس دكتور ويجيب كتب ويذاكر ويمتحن علشان يفضل دكتور ؟ازاي هيركب مواصلات ويشتري سماعة ولا جعاز ضغط ولا ترمومتر وخافض لسان حتى ؟ منين وبكام؟
    طبعا الجواز بقى وفتح البيت والعيال دا خيال علمي مش من حق رهبان العلم والحقيقة الي وهبوا حياتهم للطب انهم يفكروا فيه بس مجرد تفكير

    يا جماعة دي مهزله دي فضيحة هو في كدة
    روح كدة حاول تحضر ماجستير ولا دكتوراة ولا اي شهادة من اي حته توحد ربنا وتسترك وقوللي محتاج مصاريف قد ايه؟
    جرب كدة وروح شوفلك دبلومة من اي حته تحت السلم وقولي طلبوا كام ؟

    كفايه بقى مسخرة وقله ادب
    احنا بقينا ببلاش والله الغظيم ببلاش
    فالمستشفى الي انا فيها صاحب المستشقى علم ان في دكتور بيحشش مع موظف الاستقبال بالليل
    تعرفوا عمل ايه؟
    طرد الدكتور الوحش الي الي الي .... وساب عامل الاستقبال
    مش علشان دا متعلم وميعملش كدة ومش متوقع منه دا وخذله ومعرفش ايه لا
    انا سألته ليه مشى دا وساب دا
    قالي : سعيد (الدكتور )هيمشي وهيجي بداله عشرة لكن اجيب مكان محمد منين؟

    عارفين ليه بقى احنا احتجنا نشتغل مي اماكن زي دي وعند ناس زي دول؟

    ماشي نتعفف عن مرتب الحكومة ونتعفف عن الشعل عند الي مش بيقدرنا (قال يعني لينا قدر ) ويريت بقى حد يشوفلي شغلانه اكل منها عيش

    ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    صوت السلف........ معا على طريق الجنة

  6. #86

    افتراضي


    يادكتور مدنجى حضرتك أول طبيب أسمع منه الكلام ده !!

    نتعفف ازاى عن طلب حقوقنا .. هو احنا بنطلب صدقة من حد ؟!

    مفيش حد أدنى لحياة كريمة وعفيفة

    بل على العكس احنا لما بنطالب بحق الطبيب فى أجر متوازن معناه حق المريض أيضا فى العلاج ، إنه يروح المستشفى يلاقى دكاترة يعالجوه مش يلاقيهم بيجروا فى أماكن تانية علشان جنيه من هنا وجنيه من هناك

    عفوا دكتور زى " مصباح " اللى بيقول إن مرتبه 240 جـ ، ممكن تدبرله حياة كريمة ، إزاى يفتح بيت ، ويبقى مسؤول عن امرأة أمام نفسه وأمام المجتمع

    لاحظ أن المستوى المادى متفاوت ، بمعنى إن هناك زميل أهله مستعدون لمساعدته سنين بعد التخرج ، وفيه زملاء مطلوب منهم إنهم يساعدوا أهلهم وإخواتهم

    سامحنى أنا استغربت جدا لكلامك
    اتفضل انزل سعادتك - فى بلدك مصر - وحاول تشترى " طقم " تروح بيه المستشفى أو تخرج بيه
    هتعرف مصداقية أحد الأطباء لما وقف على باب النقابة ومسك يافطة أجر الطبيب لا يساوى تمن جزمة

    معذرة




  7. #87
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    هتستغربوا لو قلتلكوا انى
    more or less with mad
    angy
    مع اختلاف المسميات والكلمات

    معاكوا ان المرتبات سيئة جدا وانا باعانى حاليا _ وانا بنت اهوه_
    انما عشان كل شوية نقول احنا مش لاقيين ومش عاملين ومش ...
    و اضراب و تظاهرات



    مش موافقة على الوضع ولا موافقة على الحلول
    و معنديش حلول بديلة غير اننا نلجأ للشغل البرايفت عشان نحسن مستوى معيشتنا

    عشان كده
    لا باشارك لا في تظاهرات ولا ندوات وللا جمعيات ولا حاجة
    ده من ناحية
    ومن ناحية اخرى
    لان معظم اللى بيرتب الحاجات دي
    ناس رايقة واللى تسأله يقوللك انا مش مستفيد حاجة انا بس بعمل عشانكو
    يعنى من الاخر حركة ورارها استفادة اعلامية او غيره والله اعلم
    وبرضه ان بعض الظن اثم



    ازاى الاولاد ؟

    وانا كمان ;)

  8. #88
    تاريخ التسجيل
    Nov 2002
    الدولة
    قدام القبة
    المشاركات
    962
    معدل تقييم المستوى
    15

    Talking انا مش معاهم انا معاكى

    مدنجى مش ضد رفع الاجور
    و لا ضد الاهتمام بالأطباء كجزء من الاهتمام بالمنظومة الصحية
    و كجزء من الاهتمام بأولاد بلدى و مجتمعى
    و مش لمجرد بس انى طبيب

    لكن انا ضد الاسلوب المتبع دلوقتى
    و الى انا بعتبرة اسلوب مخجل و مهين لمهنة الطب و الاطباء

    و بكرر تانى انى شايف ان الموضوع تحول للعبة سياسية
    بين الحكومة
    و بين كل الى بيعارضها
    لدرجة ان الناس بقت عاوزة تعمل اضراب عشان تخلى منظر الرئيس زبالة
    مش عشان ترفع اجور الاطباء و لا حتى ترفع مستوى الخدمة الصحية
    المهم منظر الرئيس يبقى زبالة و خلاص
    و احنا سمعتنا و هيبتنا بقت على كل لسان

    يعنى تقريبا انا متفق مع كلمنتينا تماما
    و بحترم وجهة نظر مصباح و عماد طبعا

    لكن معلش
    اسمحولى اطلب منكو انكو تسيبو الاطباء و سمعتهم و هيبتهم فى حالهم
    و لو عاوزين تخدمو اولاد بلدكو عن طريق الاهتمام بالاطباء
    يبقى مش دا الاسلوب المتبع

    و الا
    اسمحولى انى اعزل نفسى عن كل المهاترات و التهريج و الهرج و المرج و قلة القيمة الى بيحصل دا

    مع الاحتفاظ لنفسى فى حقى بالمطالبة فى حق الشعب الغلبان فى رعاية صحية جيدة
    بموارد صحية جيدة
    و الى من اهم الموارد دى هو المورد البشرى المتمثل فى الفريق الطبى
    بداية من الطبيب و الممرضة و العامل و العاملة و فنى المعمل و فنى الاشعة و غيرهم و غيرهم من هم فى خدمة الشعب
    لكن باسلوب راقى محترم بعيد عن قلة القيمة و اللى تكاد تصل للشحاتة على ابواب السيدة

    و هنا انا لما بتكلم عن هيبة الطب و الاطباء و اهمية الحفاظ عليها و احترامها
    مش عشان انا طبيب و لا بدافع الانانية
    لا
    دا لأن الطب و الاطباء مهنتهم مرتبطة بالانسان مباشرة
    و من هنا بتيجى هيبة مهنة الطب و الاطباء من هيبة و احترام الى بتهتم به و بتتعامل معاه و هو الانسان


    دى..
    مدينتنا حتة سكرة ..... الشمس فيها منورة

    البقاء لله.. د.مصطفى محمود

  9. #89
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    مفيش أي مشكلة اننا نختلف في الأسلوب
    =======================
    لكن نقول على السعي ورا حقوقنا انه نوع من الشحاته ... و انه الأفضل اننا "نتعفف" .. فدا كلام يليق على ناس بيشحتوا ... و احنا - زي ما قال دكتور محمد - مش بنطلب صدقة ...
    اللي واعي بحقوقه بيسعا وراها
    و اللي مش واعي بحقوقه ممكن ييجي له وقت يحس ان اللي الحكومة بتديهوله دا أفضال من عندها و انها لو منعته فالحل هو السكوت لغاية ما الرزاق يفرجها !

    الكلام دا لا ينطبق بتاتاً على موضوعنا
    ===========================

    تعالوا بقا لمسألة الألاعيب السياسية
    اللي عنده فكرة معينة عن ألاعيب سياسية يا ريت يبصرني
    أما الكلام المطلق المرسل فمالوش لازمة
    --------
    أطباء بلا حقوق مش هما اللي حركوا الأطباء - فيه ظروف اجتماعية كتير حكمت ان غضب الأطباء يشتعل السنادي بالذات ... دا أولاً

    ثانيا .. أنا بصفتي عضو قديم في أطباء بلا حقوق .. بقول اني معرفش عنهم غير كل خير
    و اعرف د. منا مينا شخصيا و أنا كنت من ضمن الناس اللي سخنوها عشان تتحرك هيا و دكتور أحمد بكر و غيرهم و غيرهم من الأعضاء المؤسسين ....
    اللي عنده كلام ذو سند يقوله عشان يفطمني
    أنا مستعد اسمع أي كلام ... يكون منطقي مش عاطفي

    و بطلوا كسوف من المطالبة بحقكم
    لو عندكم اسلوب أشيك و أظرف للاعتراض أهلا و سهلا بيه .. أحب جداً أسمعه و أتناقش فيه
    أما عدم الاعتراض بحجة انه مهين فدا مش مطروح حاليا

    و الله الموفق


    بالمناسبة يا مدنجي الرئيس مش محتاج حد يخلي شكله زبالة
    التعديل الأخير تم بواسطة مصباح ; 06-03-2008 الساعة 07:34 PM
    أن توقد شمعة ... خير من أن تلعن الظلام ألف مرة


  10. #90

    افتراضي




    يادكتورة لو فيه طريقة مسموح بيها فى تقديم اعتراض وتحافظ على حقوق الجميع ، يبقى الإضرابات خطأ

    لكن غير مسموح بالتعبير عن رأيك إلا بهذا الأسلوب

    ولو ظللتى مائة عام تقولى إن مرتبى ضعيف ومش عارفه أعيش بيه .. عمره ما هيكون ليه أثر إنك - مجرد - تهددى بالإضراب

    حضرتك بتقولى إن السبيل الوحيد هو محاولتنا نحن برفع دخلنا عن طريق العمل الخاص

    هل حضرتك متخيلة إن إذا تم رفع الأجور هنجلس فى بيوتنا .. وإذا رفعوها هيرفعوها كام ؟!

    بالمجمل .. حتى إذا رفعت فالاضطرار للعمل الخاص لا حياد عنه أبدا

    لكن لا بد أن يعرف الجميع بمأساة طبقة تعلمت أطول مدة تعليمية وتعمل عملا محوريا فى المجتمع وبتطحن نفسها .. ومهضوم حقها

    زميل ذهب للعمل فى مستوصف طبى بالسعودية ، واعترض على الراتب المجحف ، وعدم تسلمه فى الوقت المناسب .. رد عليه مديره وقال له خلاص روح خد الـ 200 جنيه فى بلدك وورينى هتعيش ازاى

    عنده حق .. إذا كانت بلدك بتعاملك بهذه الطريقة .. ماذا تتوقع طريقة معاملة الآخرين ؟!






  11. #91
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي رغم اني مش باستريح نفسيا لما الأمريكان بيتكلموا علينا .. لكن المقال يستحق القراءة

    Egyptian doctors threatening to strike




    Many make as little as $63 a month working under poor conditions. They want a minimum salary of about $180.
    By Jeffrey Fleishman, Los Angeles Times Staff Writer
    March 3, 2008

    CAIRO -- Enter the lounge in the Nile Hospital, take a seat on a ripped leather couch, brush away the cigarette smoke and listen to a litany of complaints on the cruel economics of healthcare from doctors whose salaries are as low as $63 a month and who live with their parents.

    The travails of doctors mirror the larger shortcomings of a government struggling to provide medical care in a country where about 45% of the population lives in poverty. Physicians across the nation complain of long hours, shrinking respect for their profession, lack of medicine and broken equipment. One gynecologist said his public hospital is so broke that he buys his own rubber gloves rather than wearing ones that have been washed for reuse.

    "You get 10 extra pounds [about $1.80] if you work a 24-hour shift," said Mohammed Farahat, an orthopedic specialist. "But to buy your dinner during that shift costs you 15 pounds. So you're thinking, what good does it do?"

    Egypt's doctors have been protesting for weeks and have set a March deadline for a nationwide strike. Their battle is the latest ripple of labor unrest that in recent months has sparked demonstrations by textile workers, university professors, pharmacists, train conductors and real estate tax collectors. High inflation, flat wages and anger at the government of President Hosni Mubarak are increasingly agitating both the educated and working classes in a moderate Arab state that is one of America's closest Middle East allies.

    The Doctors Union is demanding an immediate minimum monthly salary of 1,000 pounds or about $180 for the 93,000 physicians working directly for the state. No salary at the Nile Hospital in northwest Cairo exceeds that, including the pay for surgeons, Farahat said.

    The starting monthly pay for doctors can be as low as $23. The Egyptian Health Ministry said that it would gradually increase pay based on performance, but that its budget, like those of many government agencies, is too strapped to meet the union's demands.

    "We sympathize with doctors," said Abdel Rahman Shahin, a ministry spokesman. "The state should finance [higher pay], but the state has a lot of obligations." He added that with phased-in performance bonuses "at least there is some change doctors will feel" by the end of the year.

    Many doctors view the proposal as a paltry attempt to correct years of low salaries that are now quickly eaten up by a surge in inflation that has increased prices as much as 50% for food and other commodities over the last two years. The crisis has also reminded doctors that despite years of education and training, their average salaries are slightly higher than that of government accountants, who earn about $35 a month, and less than many university professors.

    "Life is very difficult, but people expect you, as a doctor, to have a car, spend generously and leave huge tips," said Ahmed Sobhi, an internist at Nile Hospital who earns less than $65 a month. "The reality is my small salary. My wife and I and our new daughter live in an apartment owned by my father. We never go to the movies. Our only entertainment is to watch TV."

    That description fits thousands of Egyptian doctors, many of whom vent their anxiety on a blog sponsored by Doctors Without Rights, a lobbying group founded in 2007.

    A post filed by Dr. Ali Said reads: "An inspector from the municipality has passed by our hospital today. All he cared to check was whether we had trees or not. You tell inspectors, 'There is a shortage in equipment.' They tell you, 'There is no money for this nonsense.' . . . Have you ever heard of anything like this in any other part of the world?"

    The physicians' stature and sense of professional entitlement have been tested by a state healthcare system burdened by bureaucracy and debt. Most doctors moonlight by rotating shifts at different hospitals and private clinics. This accumulates into strings of sleepless nights but can earn doctors an extra $90 a month. Many leave Egypt for richer Persian Gulf oil countries, where hospital salaries are many times higher.

    "This is causing a brain drain," said Farahat, who sat puffy-eyed in scrubs and a lab coat. "I have doctor friends who have moved abroad and I'm thinking of going to Saudi Arabia, Kuwait or the United Arab Emirates. The problem is that in 10 to 15 years, if all the doctors leave, there will be no one left to teach a younger generation of Egyptian physicians."

    It is a sensitive time for doctors to be contemplating a strike. Mubarak and his ruling National Democratic Party are under pressure from labor groups demanding better wages and from opposition organizations, such as the Muslim Brotherhood, pushing for political reforms. Calls for change have highlighted the widening anger the poor have for an upper class they regard as corrupt and aloof to the nation's problems.

    The Doctors Union has a history of involvement with the Muslim Brotherhood, which wants Egypt governed by Islamic law and has seen hundreds of members arrested by security forces seeking to limit the group's chances in upcoming local elections. The doctors have been careful in recent demonstrations not to let their cause for higher salaries be subsumed into a wider and more dangerous political debate.

    But many physicians feel that, although they still command a degree of respect in society, they are part of a vanishing middle class. "We have two classes today in Egypt -- the capitalists and the poor," Farahat said. "We have no middle class anymore. Given such conditions, there must be labor strikes."

    His colleague, Mohammed Sayed, an orthopedic specialist, agreed. "Five years ago a strike by doctors would have been unthinkable," he said. "Overall, the economy is doing well, but the money is not getting to the people. It's going to the elite. In the 1960s and 1970s, Egypt had rich people but they were self-made, the sons of farmers who came from the Nile Delta. Today, the rich come from the rich class; they've done nothing to work for it. We are asking for a reasonable demand of 1,000 pounds a month."

    The Egyptian government's underfunding of healthcare has created a public system in which the poor are forced to pay for medications, sutures and other items that would normally be covered by subsidies. The nation's healthcare system is divided into public and private institutions, but most hospital beds are funded by the state. Inflation and supply shortages prevent patients from filling prescriptions, resulting in extended illnesses and longer recovery times.

    "We face difficulties in serving patients because public healthcare is, in effect, being privatized in a ruthless way," said Said Sayed, a spokesman for the Doctors Union, which represents Egypt's 167,000 physicians. "We cannot serve the poor patient in public hospitals."

    Mohammed Sayed, a husky, congenial man, said he works a number of 24-hour shifts a month, which earns him an extra $10. Even before the rapid rise in inflation, he said, that was a maddeningly low sum.

    His friend, Mohammed Wael Saad, a surgeon at Nile Hospital, said most Egyptians view doctors as singularly altruistic and find it odd that they would consider striking over financial matters.

    "People think we are beyond money. But how can we live?" said Saad. "How can I give the best when I work long hours and earn as much as a nurse or a mill worker? Our salaries need to be commensurate with prosecutors'. They earn 2,000 pounds [about $365] a month. So, is it more important to put someone in jail or to save someone from dying?"

    jeffrey.fleishman@ latimes.com

    Noha El-Hennawy of The Times' Cairo Bureau contributed to this report.
    أن توقد شمعة ... خير من أن تلعن الظلام ألف مرة


  12. #92
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    الله الله الله؟؟؟
    هو انا باضرب وللا ايه؟

    انا يا جماعة ليا رأي مختلف
    شايفة ان الاضرابات والمظاهرات و كل الكلام ده اولويات

    انا دكتورة اذا اولوياتى
    1 شغلي
    2 اي حاجة تانية


    انا طالبة
    1 دراستى
    2 اي حاجة تانية



    بمعنى اخر عندي حاجات اهم اعملها
    وانا شايفة ان الكلام ده مش بتاعي لا بصفتى الشخصية ولا بصفتى الوظيفية

    و بعدين احنا كده بقينا مجرد موظفين بنطالب برفع الاجور
    يا جماعة احنا اولا اطباء
    دكاترة
    مش عارفة اوصلها ازاي







    ازاى الاولاد ؟

    وانا كمان ;)

  13. #93
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    وضحي وجهة نظرك يا كلمنتينا
    إيه وجه التعارض ما بين اني دكتور كفء ... و بين اني أهدد الحكومة بالاضراب أو أنفذه ؟؟؟؟؟
    أن توقد شمعة ... خير من أن تلعن الظلام ألف مرة


  14. #94
    تاريخ التسجيل
    Jun 2006
    الدولة
    ملكش دعوة
    المشاركات
    3,192
    معدل تقييم المستوى
    10

    افتراضي

    الاضراب ده وسيلة عن ابداء الرأي
    وقلنا انه مش هيمشي على شغل الطوارئ او الاستقبال
    يعني مافيش ضرر على العيان
    المرتب اللي احنا بناخده متغيرش من سنة 75 والناس نايمة
    اللي عايز يكمل نوم براحته واللي مش عايز يطالب بحقه برده براحته
    بس ده حقنا
    واعتقد مدام في ادينا حاجة تدينا حقنا فلازم تتعمل
    فيه حاجة اسمها ايجابية
    المستسلم للوضع ده هو ادرى بحاله
    (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

  15. #95
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    والله شكلي باتهزق


    ماعرفش يا مصباح
    انا مش بتاعة اضرابات و مظاهرات مش سلبية _ ومتهيألى انت عارف كده _
    انما انا شخصيتى كده

    عايزة احسن دخلي
    فيه مليون طريقة لكده
    لو عملت اي مشروع صغير بره هيجيب فلوس
    ده لو كان المشكلة كلها في العيشة والغلاء

    انما اضرابات وامسك يافطة مكتوب عليها ثورة جياع
    ومش لاقيين ناكل

    المريض هيحترمنى ازاي
    ازااااااااااااااااااااي بس؟

    المفروض ان انا دكتورة

    ده زمان كانوا بيعلمونا ماتقولش لعيان دا انا كمان عندي ضغط لان صورتك هتتهز قدامه

    فمابالك بقى باللى يشوفك في موقف زي ده

    ماعرفش حلها ايه
    بس انا مش راضية عن كده


    ازاى الاولاد ؟

    وانا كمان ;)

  16. #96
    تاريخ التسجيل
    Feb 2008
    الدولة
    الاسكندريه
    المشاركات
    283
    معدل تقييم المستوى
    10

    افتراضي

    انا معاكى يا كلمنتينا فى كلامك
    بس ممكن احنا كبنات مش حاسيين بالمشكله كالشباب
    يعنى احنا كبنات سواء المرتب فضل زى ما هو هنعمله ايه يعنى؟؟؟؟؟؟؟؟
    لو المرتب زاد حير وبركه
    لاننا سواء فى بيتنا يعولكى والدك واسرتك
    وفى بيتك زوجك بيعولك
    فالمهنه بالنسبه لينا كبنات انها وظيفه خدمه للمجتمع و.........كل الكلام الى احنا عارفينه
    لكن الشاب بجانب كل الكلام ده ضيفى اليه انها مصدر رزقه
    يعنى المال الى هيجيلوا منها هو ده الى هيعول بيه اسرته
    ده شاب مش بنت هيلاقى الى يعوله
    بمعنى انه هو القوام
    الرجال قوامون على النساء
    فهمه قصدى
    والله لو تبصله بطريقه الشباب الى هما بصنلها
    بيتخرج عنده 23 سنه
    بيخلص امتياز 24سنه
    بيخلص جيش 27 سنه
    وبيخرج يلاقى سنتين تكليف منتظرينه يعنى 29 سنه
    وبعد كده لما يفكر يشتغل بجد علشان يكون نفسه قولى على 30 سنه
    يلاقى نفسه بيقبض 240 جنيه
    صعبه بجد
    انا بحمد ربنا انى طلعت بنت
    فهمتى بقى ليه الشباب بصنلها من ناحيه ارتفاع الاجور مش من ناحيه وظيفه لخدمه المجتمع
    وليه العذر فى كده
    من حقهم انهم ياخدوا حقوقهم
    وانا معاكى انه مفروض تكون الطريقه مثاليه شويه او راقيه شويه
    لكن مفيش حل هما لو كانوا طريقه تانيه مكنوش هيقولولها لالالالا يعنى
    وربنا يوفقهم ويوفقنا كلنا


  17. #97
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    لو مش عايزة تظهري في أي حاجة محرجة بلاش
    بلاش ظهور خالص
    ----------------
    لكن مبدئيا احنا بنتكلم في قضية تانية :

    عايزة احسن دخلي
    فيه مليون طريقة لكده
    لو عملت اي مشروع صغير بره هيجيب فلوس
    تخيلي ان عندك عربية بتاعتك ... عاملاها تاكسي
    و جايبة سواق للتاكسي دا - السواق دلوقتي شغال عندك بمقابل مادي معين و بموجب اتفاق بينك و بينه ان فيه عائد معين هيجيبهولك أول كل شهر من مكسب العربية ... و انه يحافظ على العربية

    و مع الوقت اكتشفتي ان العائد اللي العربية التاكسي بتاعتكبتجيبه مش بيوصلك منه إلا نسبة صغيرة جدا .. أقل من اللي متفقين عليه أصلاً .. و إنه بينهب الباقي كله .. مع ان المؤشرات الاقتصادية بتقول ان مكسب العربية (الدخل القومي للعربية) في زيادة مستمرة .. لكن فيه سوء توزيع للمكسب دا بينك و بينه و بيقوللك : إن كان عاجبك ! و أجيبلك منين !

    في الحالة دي هاتقولي : أنا مش ههزأ نفسي و أكلم سواق ! .. أنا هاروح أعمل مشروع أحسن به دخلي !!!!!!!!!!!!!!!!!!!
    ==============================
    مربط الفرس ان الناس مش متخيله ان الحكومة دي في الأصل ناس شغالين عندنا و بياخدوا مرتباتهم مننا عشان يعملوا اللي احنا عايزينه ... واضح الكلام ؟
    و طبعاً "احنا " دي هيا الشعب ممثلاً في نوابه المنتخبين بشكل قانوني (حد فيهم مش موافق على مطالب الدكاترة ... الاجابة لأ)
    مع ملاحظة ان نواب الشعب دول هما اللي عرفونا بشكل قاطع ان الحكومة دي (بعد خبرة السنين في التعامل معاها تحت القبة و في كل مكان) مبتجيش إلا بالدق على دماغها ... بلوي الدراع
    حكومة ماسكة البلد
    أصلا بالتزوير
    تخيلي لو ان السواق اللي انتي معيناه على العربية جه بداله واحد تاني بالغصب و التزوير و ساق العربية بدل السواق القديم ... تتوقعي يعاملك زي السواق القديم .... و للا يتعامل بطريقة هي امتداد طبيعي للأسلوب اللي هوه استولى بيه على السيارة !
    =======================

    نحافظ على حاجتنا و للا نسيبها تتسرق و نقول هنروح نحسن أحوالنا بنفسنا ، عشان احنا شطار و بنعرف نعتمد على نفسنا !!!
    أن توقد شمعة ... خير من أن تلعن الظلام ألف مرة


  18. #98

    افتراضي


    لأ واضح إن فيه نقطة خلاف محورية بيننا وبين كلام الدكتورة كلمنتينا

    يادكتورة حضرتك بتقولى إنك تحاولى تعملى مشروع صغير

    ربنا يوفقك

    أنا باتكلم عن شاب متخرج بياخد 250 جنيه ومحدش هيساعده .. بل أحيانا يجب عليه مساعدة الوالد المريض أو الأخت اللى بتتجوز !!

    ايه المشروع اللى يقدر يفتحه ؟!

    وازاى يحس باحترامه لنفسه ، وإنه اختار طريق صحيح ؟!

    وازاى يعيش بكرامته بدون ما يلجأ للـَّدين أو الحرام ؟!

    ليه نكون عون للحكومة على هضم حقوق ناس مظلومة ونقول لهم روحو اشتغلوا بره

    طالما إنسان بيشتغل يبقى ياخد حقه ، مش أقوله دوّر على سبل أخرى لتحسين الدخل

    هاضرب مثل بسيط ووالله أنا محرج جدا واعذرونى فيه : ظروف والدتى الصحية تحتم علينا استقدام بنت تعمل على تنظيف الشقة مرتين أسبوعيا .. البنت دية حقها مبلغ معين .. ده حقها ماقدرش أقول لها خدى أقل وحاولى تحسن دخلك فى بقية أيام الأسبوع

    وللعلم .. الراتب اللى بتاخدوا البنت - فى 8 أيام - يزيد عن راتب النايب فى شهر !!

    ده بالظبط اللى بيحصل معانا .. خدوا ربع حقكم بس حاولوا تعملوا حاجة تحسنوا بيها دخلكم

    ثانيا : لا يعيب إن بعض الأطباء - مستريحين ماديا - ويدافعوا عن حقوق الآخرين

    مش معنى إنه لقى اللى يساعده ، أو ربنا وسع له فى رزقه .. إن الباقى ياكل طين

    حتى لو مش زميل أو فى مهنة تانية خالص .. طالما واقع عليه ظلم ومش عارف ياخد حقه




    التعديل الأخير تم بواسطة SA node ; 06-03-2008 الساعة 11:56 PM

  19. #99
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    ااااااااااااااااااااااه

    واضح ان مصباح اتنرفز
    واما بيتنرفز بيتريق
    ولما بيتريق انا بازعل

    وانا مش عايزة ازعل
    فمش هادايق مصباح
    و هاخرج من المناقشة خالص

    _ الله يسامحك يا مدنجي مانا كنت ساكتة بقالى 3 شهور_

    كلمة اخيرة

    انا مش جاية من كوكب فضائي
    مش معنى انى بنت انى مش عارفة اي حاجة ومش حاسة بحاجة
    انا بطلت اخد مصروف من اول مابدأت اقبض في امتياز مع انى البنت الوحيدة و كل شهر لازم اتزنق لان ارتباطاتى المادية كتير فاكيد الشباب ارتباطاتهم المادية اكبر بمراحل
    انما منضيعش وقتنا بقى في اضرابات ومظاهرات
    الوقت ده نضيعه في الاهم ( نشتغل )

    شوية جمل كده ورا بعض و بعدها مش هتكلم تانى و هاقفل بقى خالص عشان خاطر الناس بدأت تزعل منى

    _ فيه ناس بتاخد 250 جنيه على يوم في الاسبوع بتروح تقضيه في وحدة صحية في اي حته و غالبا مبتعملش حاجة
    يعنى بواقع 60 جنيه على الاقل في اليوم ( وحش؟؟؟ وللا دول بره اللعبة وللا عايزين اكتر؟ وللا ايه بالظبط ؟)
    _ فصل الطب عن الاجور المادية امر طبيعي ( فيه مهن لو صورة الاحترام فيها اتهزت متنفعش بقى بعد كده )
    _ عايزين تعملوا مظاهرت واضرابات يبقى مش احنا اللى نعملها احنا نوصل كلامنا للنقابة وموظفين هم اللى يعملوا الكلام ده واحنا نشوف شغلنا
    _ هو احنا يوم مانبطل كلام ونبدأ نشتغل نوقف الشغل اللى كنا بنعمله؟؟؟؟
    _ احنا عندنا ميزة اكتر من اي حد مش لازم نشتري تاكسي وللا نفتح مشروع ممكن نشتغل برايفت اظن دي حاجة مناسبة جدا ومفيهاش كلام
    _ الشغل مع الحكومة ده عقد متفق عليه بينك وبينها take it or leave it عايز تعدل في بند من بنوده يبقى باتفاق متبادل
    _ ايه تانى؟؟؟؟؟؟؟؟؟؟


    طبعا انا مش راضية عن الاوضاع دي ولا يناسنى ال 222 جنيه و75 قرش
    انما انا مش ثورجيه
    مش كل مشكلة اقع فيها يبقى السبب الحكومة اللى عملت وسوت واللى و اللى
    و بعدين انزل على مفيش

    مش عاجبانى الحكومة
    و مش موافقة على تلات تربع قرارتها
    و عمالين نتدهور بسببها
    معاكو مليونين المية
    البلد راكبه زحليقة اخرها بركة مليانة طحالب وتماسيح يعنى يا تتعك يا تموت
    انما هل يقتصر دوري على الصوت العالي؟
    ماليش شغل اعمله ؟
    مفيش حاجة اديها ؟
    طب اعمل اللى عليك وكفي بيتك وبعد كده افضى للكلام




    والله ماقصدش حد بعينه من الكلام ده
    و الكلام ده موجه ليا قبلكوا
    و هاحط سوستة في بقي ومش هاتكلم تانى
    تمام كده؟
    ازاى الاولاد ؟

    وانا كمان ;)

  20. #100
    تاريخ التسجيل
    May 2007
    الدولة
    ورا محطة البنزين
    المشاركات
    1,071
    معدل تقييم المستوى
    12

    افتراضي

    أولا لو الواحد هيفتح مشروع صغير هيفتحه منين؟!!!!!



    من المرتب العظيم المبهر اللي بياخده من الحكومة


    وللا هيسرق؟!!!




    و لو الواحد هيفتحله مشروع طب ما كان ريح نفسه و عمله من صغره وخلاص



    انتي بصراحة يا دكتورة مع احترامنا ليكي باصة للموضوع من بعيد جدا



    طب ما الواحد دخل كلية تجارة و خلاص


    و بعدين الواحد ازاي هيشتغل في حاجة هو مبيفهمش فيها



    و للا هو عك و خلاص؟؟؟





    و كمان ازاي يسمح لحد انه يغتصب حقه و يديله على قفاه





    بصراحة أنا أعرضك تماما ....



    أنا آسف لو كنت زعلتك




    بس هو ده الواقع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 11
    آخر مشاركة: 09-08-2009, 03:26 AM
  2. خط الفقر
    بواسطة winner في المنتدى حوار
    مشاركات: 9
    آخر مشاركة: 05-07-2009, 01:18 PM
  3. مشاركات: 22
    آخر مشاركة: 02-05-2008, 01:07 AM
  4. مشاركات: 16
    آخر مشاركة: 20-08-2007, 07:52 PM
  5. أم أطباء مصر
    بواسطة فيرون في المنتدى حوار
    مشاركات: 0
    آخر مشاركة: 02-09-2003, 06:32 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •