صفحة 6 من 9 الأولىالأولى 1 2 3 4 5 6 7 8 9 الأخيرةالأخيرة
النتائج 101 إلى 120 من 169

الموضوع: أطباء مصر تحت خط الفقر !!

  1. #101
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    u r very welcome


    بس لو سمحت يا دكتور كيمو

    اقرا الجملة دي تانى

    و للا هو عك و خلاص؟؟؟


    ازاى الاولاد ؟

    وانا كمان ;)

  2. #102
    تاريخ التسجيل
    Jun 2006
    الدولة
    ملكش دعوة
    المشاركات
    3,192
    معدل تقييم المستوى
    10

    افتراضي

    فيه اسلوب احسن من ده يا دكتور كيمو للنقاش
    (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

  3. #103
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,104
    معدل تقييم المستوى
    16

    افتراضي

    كيمو يقصد العك فى شغلانة مابيفهمشي فيها

  4. #104
    تاريخ التسجيل
    May 2007
    الدولة
    ورا محطة البنزين
    المشاركات
    1,071
    معدل تقييم المستوى
    12

    افتراضي

    مبتكلمش و الله عن حد معين بذاته لكن قصدي بشكل عام



    إن الواحد لو عملت حاجة مبفهمش فيها و متعلمتهاش هعك فيها بدون أدنى شك




    و على العموم أنا آسف لو كانت وصللك المعنى بشكل آخر غير اللي أنا قصدته

  5. #105
    تاريخ التسجيل
    May 2007
    الدولة
    ورا محطة البنزين
    المشاركات
    1,071
    معدل تقييم المستوى
    12

    افتراضي

    اقتباس المشاركة الأصلية كتبت بواسطة أبو المعاطى شمروخ مشاهدة المشاركة
    كيمو يقصد العك فى شغلانة مابيفهمشي فيها
    و الله يا أبو المعاطي انت اللي فاهمني




    عمرك أطول من عمري بدقيقة

  6. #106
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,104
    معدل تقييم المستوى
    16

    افتراضي

    تحت امرك يا كيمو

    دكتورة كلمنتينا معارضة التظاهرات وكل واحد يشوف شغله
    راى كويس
    بس المرتبات حاجة تكسف لا تليق بطبيب
    دا الفراش فىالمحكمة مرتبه بيبدا من 800 جنيه
    لدرجة ان واحد عرض عليا اشتغل فراش هههههههههه
    يظبطوا المرتبات كحكومة وبعدين ونفو ق لشغلنا

  7. #107
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    never mind
    الاختلاف في الرأي لا يفسد للود قضية

    ازاى الاولاد ؟

    وانا كمان ;)

  8. #108

    افتراضي




    برضه يادكتورة مختلف مع حضرتك فى نقطة هامة

    مفيش حاجة اسمها

    Take it or leave it

    العمل هو عقد بين طرفين ، يعود عليهما النفع من ورائه

    يعنى الحكومة والمجتمع محتاجين للأطباء بقدر ما الأطباء محتاجين العمل

    وبالتالى الطرف الأول يأخذ حقه وهو تأدية العمل والثانى يأخذ حقه وهو المقابل المادى المحترم

    ثانيا : الناس بتنظر لمن يطالب بحقه .. باحترام وتقدير يعنى مافيش خوف من " اهتزاز الصورة " أو عدم الاحترام

    بل على العكس اهتزاز الصورة " ممكن " يكون لما يشوفوا الدكتور مش لاقى يلبس أو " متشعلق " فى المواصلات أو بيحاول ياخد من المريض فلوس بالتلميح !!

    وده كله نتيجة لإنه مطالبش بحقه فى أجر محترم

    ثالثا : ده نقاش .. أنا احترمت رأى حضرتك ورأى الزميل مدنجى ، لكن مختلف فى طريقة التعاطى وبعض النقاط .. يعنى مفيش زعل ، وإذا كنا كل موضوع هنتكلم فيه بجد هنبدأ نسيبه بزعل يبقى ايه فايدة المنتدى ؟!




  9. #109
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    ايه ده؟

    انا مش زعلانة خالص

    انا بس مبحبش ادخل في نقاش كتير لو كنت من الجبهة المعارضة لاغلب الناس

    انا بس بحب اقرا في صمت
    والله لو الكلام مقنع هاقتنع وخلاص
    لو مش مقنع مش هازعل حد منى لانى مش هاتكلم


    ازاى الاولاد ؟

    وانا كمان ;)

  10. #110
    تاريخ التسجيل
    Jun 2006
    الدولة
    ملكش دعوة
    المشاركات
    3,192
    معدل تقييم المستوى
    10

    افتراضي

    نظيف: إضرابات الموظفين محظورة.. خاصة الأطباء

    كتب محاسن السنوسي ٦/٣/٢٠٠٨
    نظيف

    اعترف الدكتور أحمد نظيف، رئيس مجلس الوزراء، بأن القطاع العام محمل بالمشاكل، وقال تعليقا علي مشكلة عمال المحلة، «يجب أن نعترف بأن القطاع العام محمل بالمشاكل وتسعي الحكومة لحلها وأن أوضاع العمال في طريقها للتحسن».
    وشدد في تصريحات للإذاعة المصرية تذاع ظهر اليوم، علي أن إضراب موظفي الحكومة محظور، وأن حالة موظفي الضرائب العقارية كانت استثناء، ردا علي سؤال حول قيام عدد من العمال والعاملين في الشركات العامة بالإضراب مطالبين بزيادة الأجور، وإمكانية انتقال هذه العدوي لموظفي الحكومة لشعورهم بأنها تستجيب للضغوط،
    قال نظيف: «إن الكثيرين ربما لا يعلمون أن الإضراب محظور علي موظفي الحكومة خاصة الأطباء، وأن من يرد التعبير عن نفسه فأمامه أساليب كثيرة غير التوقف عن العمل».
    وأضاف نظيف أن هناك فكرة خاطئة بأن الحكومة لاتستجيب إلا بالإضراب أو لي الذراع، مؤكداً أن أي صاحب حق يستطيع أن يأخذه عن طريق قنوات التعبير القانونية، وعندما نتحدث عن علاقة عمل يجب أن نطبق مبدأ المحاسبة لأنه لا يوجد حق دون واجب.
    وأوضح أنه تم التسامح مع موظفي الضرائب العقارية رغم أنه ليس من حقهم الإضراب، لأن الحكومة أدركت أنهم تعرضوا لظلم لعدم مساواتهم بموظفي الضرائب العامة.. مؤكداً أن مبدأ الإضراب بين موظفي الحكومة مرفوض ومخالف للقانون.
    وأكد نظيف أن الحكومة ليست معزولة عن المواطنين وأنه يفضل التعرف علي المشكلات علي أرض الواقع وعدم الاعتماد علي التقارير، وقال إن أهم شيء بالنسبة للحكومة هو تحقيق المصداقية لدي المواطنين، وأن ذلك يتم بالتواصل والتفاعل مع قضايا الناس. واعترف نظيف بأن مشكلة الزحام المروري مشكلة شائكة ومعقدة،
    وقال: إن الحكومة اتخذت عدة خطوات بعيدة الأجل لحلها، مثل الخط الثالث لمترو الأنفاق الذي سينتهي العمل فيه عام ٢٠١١ ويستوعب أكثر من ٢ مليون راكب يوميا، إلي جانب فتح الجراجات المغلقة، بدلا من السيارات الخاصة التي زاد عددها حيث تم العام الماضي منح الترخيص لنحو ١٢٠ ألف سيارة مقارنة بنحو ٣٠ ألف سيارة في العام السابق.


    (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

  11. #111
    تاريخ التسجيل
    May 2007
    الدولة
    ورا محطة البنزين
    المشاركات
    1,071
    معدل تقييم المستوى
    12

    افتراضي

    اقتباس المشاركة الأصلية كتبت بواسطة kalamntena مشاهدة المشاركة
    never mind
    الاختلاف في الرأي لا يفسد للود قضية
    أهنيك يا دكتورة على روحك الرياضية

  12. #112
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    u r very welcome doctor kemo

    ازاى الاولاد ؟

    وانا كمان ;)

  13. #113
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    وصلة نت تكسف وتخنق
    كتبت كلام كتير قوي (وحلو قوي برضو ما انا دايما كدة ) فالموضوع وراح فحركة بايخة
    ان شاء الله اكتبه على ورد وبعدين انقله تاني معلش لعذروني

    بس بصراحة انا ةانا بقرا الموضوع لقيت نفسي بقول: يا مانت كريم يارب عشت لحد ما شفت كلمنتينا متنرفزة احمدك يا ربي
    صوت السلف........ معا على طريق الجنة

  14. #114
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    يا خبر


    انا عمالة ابص من العين السحرية
    واقول دلوقتى الاقي دكتور عماد كاتب حاجات كتيييييييييييييييييييييييييييييير و ماسك كلامي كلمة كلمة وغاسلنى


    يا مانت كريم يارب عشت لحد ما شفت كلمنتينا متنرفزة احمدك يا ربي

    هتصدق يا دكتور _ انا نفسي مش مصدقة _
    انى ماتنرفزتش خالص غير وانا بارد على دكتور كيمو


    والله ماتنرفزت

    و بعدين يافندم حضرتك تأمر
    قول بس عايز كلمنتينا تتنرفز وانا اعمللك خناقة من مفيش
    و الاسبوع اللى فات ده كنت باطلع دخان عادي يعنى مهدانيش غير نتيجة تانية
    مابقاش انا والنتيجة عليهم يعنى
    بس حضرتك واخد عنى فكرة حلوة ( يظهر واحد ابن حلال قاللك انى هادية و هو مايقصدش)

    ازاى الاولاد ؟

    وانا كمان ;)

  15. #115
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    بعض الايضاحات الصغيرة:


    معلش انا في تماس الي حد ما ببعض النقاط المثارة وحبيت بس اوضح شوية
    اولا البرايفت وتحسين الدخل:
    بما اني شغال برايفت من ساعة ما خلصت امتياز وبما اني ليا تجربة معتبرة مع البرايفت يريت تسمحولي وتيجوا معايا نحسب بعض الحسابات الي ممكن تنورلنا الموضوع حبتين
    اليوم فيه 24 ساعة 6 منهم للحكومة و2 مواصلات و8 نوم يفضل 8 , منهم نطلع بيت (مراتك وابنك ) ووالدك ووالدتك ولو بعض الاجتماعيات ولو عندك بعض الاهتمامات الاخرى يعني درس ولا حلقة ولا نت دا طبعا بفرض انك دكتور وهتفضل دكتور من عير ماتذاكر ولا تحضر ماجستير ولا زمالة ولا حاجة وطبعا لازم تطلع وقت للبرايفت ولا هتشتغل (ان نو تايم )

    دا الوقت ,طب سعر الدكتور فالسوق ؟(معلش هو الكلام كدا في البرايفت )
    اليوم 3 شفتات كل واحد 7 ساعات والسهر 10 ,الشفت اساسي 18 (هما 20 بس بياخدوا 2 ضرايب )وليك نسبه من كل تدخل يعني ممكن ربنا يكرمك وتعمل 30 فالشفت بس دا مش كل يوم, تمام؟

    انتا هتشتغل برايفت مع شغل الحكومة علشان تحسن دخلك وتتعفف عن مطالبة الحكومة بتحسين المرتبات والمرضى يحترموك؟ ماشي

    تيجي من الحكومة الساعة 3 اختار تتغدى وتنام شوية وتعمل الي وراك لحد 9 مساءا وبعدين تتطلع على شفت السهر لحد 8 صباحا ومنه عالحكومة وهكذا ولا تختار تطلع من الحكومة عالبرايفت مباشرة وابقى كللك لقمة هناك لو اكلت لحد 10 او 11 مساءا وبعدين ارجع اتخمد لحد الصبح وتروح الحكومة تاني ؟ او لو متحمس شوية او ظروفك جت كدة او زميلك فالبرايفت ماجاش تيجي من الحكومة عالبرايفت شفتين وبعدين حكومة تاني يوم؟ انا متكلمتش عن شغل الجمعة طبعا,كل واحد وظروفه بقى


    اه يا دكتور متنساش انك لازم تكون (كالم وكونشس وكوؤبريتف ) لازم يعني تشتغل (بالفل باور) طول الوقت سواء فالحكومة او فالبرايفت ,اه دي ارواح ناس مش لعبه.

    بعد بقى الغلب دا كله حضرتك تحسن دخلك توصل لكام يعني؟ طبعا الرزق من عند ربنا اولا واخيرا وفيه ناس ربنا كارمها وبرضو في زملا مش لاقين شغل برايفت؟بس يعني متوقع كام ؟ اقولك انا كام
    حكومة 240 وبرايفت من 400 ل 500 يعني دخلك من 650 ل750 فالشهر ولله الحمد اولا واخرا (على فكرة انا اشتريت كتاب ب80 جنيه الشهر الي فات )

    طب ليه متفتحش عيادة ؟ اه العيادة دي مزيج من المشروعات الصغيرة والبرايفت :

    لازم شقة فمكان ينفع ولازم تجهيز وتشطيب وتراخيص وعداد وتليفون (لو عاوز يعني )ودعاية وشويه صبر سنه ولا 6 شهور تدبر فيهم احوالك وتسيب شغل البرايفت علشان العيادة لحد متبدأ العيادة تشتغل وتجيب همها وتقدرطول الفترة دي تدفع الفواتير والاقساط واجور الناس الي شغالة عندك انا نسيت طبعا انك قبل دا كله محتاج شهادة محترمة علشان العيادة ولا هتكتب (باطنة وجراحة وقلب وصدر واطفال ونساء وتوليد وجلدية وتناسلية)؟

    كان عندي شوية كلام كمان بس بعدين بقى علشان جرعة الاحباط زادت مني شوية معلش


    انا عارف يا كلمنتينا انك متنرفزتيش الا مع كيمو , يعني اتنرفزتي مرة واحدة ودا كفايه عليا وكتير كمان
    بس محدش والله قالي عنك هادية ولا حاجة كل ما فالموضوع اني اول مرة اشوفك تتنرفزي (يمكن ما صادفش معايا قبل كدة )
    بسجل حالة يعني مش اكتر
    صوت السلف........ معا على طريق الجنة

  16. #116
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    بسجل حالة يعني مش اكتر
    شوفتوا الدكاترة لما تحب تجامل



    و لا يهمك يا فندم
    سجل براحتك

    ازاى الاولاد ؟

    وانا كمان ;)

  17. #117

    افتراضي


    يادكتور عماد .. كل ده حقيقى ، والدكتورة كلمنتينا هتشعر بيه لو ربنا رزقها بطبيب

    هيقول لها : هاجيبلك منين يعنى

    هو أنا هاموت نفسى ؟!

    ---------------------------------


    بل على العكس اهتزاز الصورة " ممكن " يكون لما يشوفوا الدكتور مش لاقى يلبس أو " متشعلق " فى المواصلات أو بيحاول ياخد من المريض فلوس بالتلميح !!



    افتكرت هذه الكاريكاترات







    وده مشروع صغير نقدر نعمله





    التعديل الأخير تم بواسطة SA node ; 08-03-2008 الساعة 03:05 PM

  18. #118
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    بتعاملونى كأنى خاينة وعميلة



    يا جماعة ده رأيي
    انا مبحبش المظاهرات ولا الاعتصامات ولا الاضرابات
    مبحبش الدوشة والصوت العالي
    تعرف تاخد حقك بهدوء
    بصوت واطي من غير شوشرة
    انما تلم الناس حواليك وتفرجهم عليك
    مش صح

    بطلوا بقى تستفزونى انى ارد
    انا مش عايزة ارد والله بس انتو اللى بتستفزونى

    ازاى الاولاد ؟

    وانا كمان ;)

  19. #119
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    كان نفسي تقنعيني يا كلمنتينا
    يرضيكي أبقا مقتنع بحاجة غلط و تسكتي و خلاص ؟


    الشغل مع الحكومة ده عقد متفق عليه بينك وبينها take it or leave it عايز تعدل في بند من بنوده يبقى باتفاق متبادل
    مش صحيح ان احنا اللي اخترنا التكليف - بحاله ده - بكامل ارادتنا ...... مش صحيح

    انما منضيعش وقتنا بقى في اضرابات ومظاهرات
    الوقت ده نضيعه في الاهم ( نشتغل )
    مشكلتي (و كان نفسي تساعديني أحلها) هيا إني شايف ان الاضرابات (و محدش قال مظاهرات عشان واضح ان عندك حساسية شديدة منها ربما لخلفيات قديمة معينة - و بالمناسبة أنا كمان مش بحبها ) مهياش تضييع وقت
    و انها في حد ذاتها شغل ....عمل وطني مهم


    انما انا مش ثورجيه
    مش كل مشكلة اقع فيها يبقى السبب الحكومة اللى عملت وسوت واللى و اللى
    و بعدين انزل على مفيش
    أنا لو عارف ان دا هينزل على مفيش مش هكمل فيه نهائي ...
    احنا بنحاول نعمل حاجة منظمة
    و اللي اتعمل حتى الآن كان مكاسب قوية و خطوات حقيقية على أرض الواقع
    دا رأي واحد بيتكلم من قلب الأحداث
    أن توقد شمعة ... خير من أن تلعن الظلام ألف مرة


  20. #120
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    ردقانوني على تصريحات رئيس الوزراء وتحذيرات وزير الصحة

    اضراب الموظفين العموميين والاطباء حق مشروع يكفله القانون والمواثيق الدولية

    القاهرة فى 6/3/2008

    نشرت جريدة المصرى اليوم بالصفحة الاولى فى عدد اليوم تصريحين منسوبين الى رئيس الوزراء والى وزير الصحة بشأن حق الاضراب عن العمل ، وقد جاء بتصريح رئيس الوزراء "ان اضراب الموظفين محظور وخاصة الاطباء" ، " تم التسامح مع موظفى الضرائب العقارية رغم أنه ليس من حقهم الاضراب"، " مؤكدا أن أى صاحب حق يستطيع ان يأخذه عن طريق قنوات التعبير القانونية"، "ان مبدأ الاضراب بين موظفى الحكومة مرفوض ومخالف للقانون" ، فى حين جاء بتصريح وزير الصحة "حيث استشهد الوزير بقرار رئيس الوزراء رقم 1185 بشأن المنشآت الحيوية والاستراتيجية التى يحظر فيها الاضراب عن العمل والتى من بينها المستشفيات والمراكز الطبية والصيدليات"
    وحيث أن هذه التصريحات تناولت حق الاضراب بالنسبة للموظفين والاطباء على انه جريمة ومحظور عليهم القيام به، وانه وسيلة غير مشروعة للتعبير وفى هذا السياق يؤكد مركز هشام مبارك للقانون على عددا من النقاط:
    1-أن اضراب العمال والموظفين عن العمل ليس مجرد وسيلة قانونية ومشروعة للتعبير عن الرأى والوصول للمطالب فحسب، لكنه حق - لا يجوز انتقاصه أو النيل منه - وصل اليه عمال وموظفى العالم عبر نضال مرير ومشرف استطاعوا به أن يحصلوا على اعتراف دولى بهذا الحق عبر العهد الدولى للحقوق الاقتصادية والاجتماعية واتفاقيات منظمة العمل الدولية.
    2-أن مصر صادقت على العهد الدولى للحقوق والاجتماعية منذ عام 1982 واصبح هذا العهد جزءا من التشريع المصرى، كما صادقت مصر على اتفاقيات منظمة العمل الدولية وبخاصة اتفاقية الحرية النقابية وحماية حق التنظيم وجميعها تكفل حق الاضراب عن العمل لكل العاملين بأجر.
    3-أن المادة 124 من قانون العقوبات المصرى التى كانت تجرم اضراب الموظفين قد نسخت بتوقيع مصر على العهد الدولى للحقوق الاقتصادية والاجتماعية وهناك سابقة قضائية فى هذا الشأن تتعلق بحكم اصدرته محكمة امن الدولة العليا طوارىء فى عام 1986 عندما اصدرت حكما بتبرئة موظفى السكة الحديد استنادا الى ان مصر صادقت على العهد الدولى وأنه يتيح حق حق الاضراب، وذكرت المحكمة ايضا ان مصادقة مصر على هذا العهد تعنى نسخ المادة 124 من قانون العقوبات وسقوطها فقد ذهب الحكم إلى : " وحيث أنه متى كان ذلك فإن الاتفاقية المذكورة وقد نشرت في الجريدة الرسمية في الثامن من إبريل سنة 1982 بعد أن وافق عليها مجلس الشعب تعتبر قانوناً من قوانين الدولة ومادامت لاحقة لقانون العقوبات فإن يتعين اعتبار المادة 124 قد ألغيت ضمنياً بالمادة 8 فقرة (د) من الاتفاقية المشار إليها عملا بنص المادة الثانية من القانون المدني التي تنص على أنه لا يجوز إلغاء نص تشريعي إلا بتشريع لاحق ينص صراحة على هذا الإلغاء أو يشتمل على نص يتعارض مع نص التشريع القديم أو ينظم من جديد الموضوع الذي سبق أن قرر قواعده ذلك التشريع، ولا يقدح في ذلك أن المادة 124 من قانون العقوبات قد عدلت – برفع الغرامة بالقانون رقم 92 لسنه 82 بعد نشر الاتفاقية في الجريدة الرسمية لأنه إذا كان من المقرر فقهاً وقضاءاً أن الساقط لا يعود فإنه بالتالي ومن باب أولى لا يعدل لأن التعديل لا يمكن أن يرد على معدوم أو مادام الثابت أن المادة 124 قد ألغيت ضمناً بالاتفاقية السابق الإشارة إليها فإنه لا يجوز بأي حال من الأحوال إجراء أي تعديل في تلك المادة لأنها ألغيت ولم يعد لها وجود، مما تكون معه تهمة الامتناع عن العمل قد بنيت على غير أساس من القانون " ( الحكم في قضية النيابة العامة رقم 4190 سنة 86 الأزبكية (121 كلى شمال) وهو ما يعنى ان الاضراب اصبح حقا لجميع موظفى الدولة و لا ينطبق عليهم نصوص قانون العقوبات المصرى ، كما لا يترتب على ذلك جزاءات مرتبطة بعلاقات العمل.
    4-أن قانون العمل 12 لسنة 2003 نص على حق الاضراب للعمال ووضع قواعد لممارسته، ومنع الاضراب فى المنشآت الحيوية وقد اصدر رئيس الوزراء القرار1185 لسنة 2003 وحدد فيه المنشآت التى يحظر فيها الاضراب او مجرد الدعوة اليه والتحريض عليه (منشآت الأمن القومي والإنتاج الحربي، المستشفيات والمراكز الطبية والصيدليات، المخابز، وسائل النقل الجماعي للركاب (برى وبحري وجوى)، وسائل نقل البضائع، منشآت الدفاع المدني، منشآت مياه الشرب والكهرباء والغاز والصرف الصحي، منشآت الاتصالات، والمواني و المنائر والمطارات، العاملون في المؤسسات التعليمية) ومن هذا القرار يتضح ما يلى:
    أ‌-أن رئيس الوزراء استخدم الرخصة التى منحها له القانون لتحديد المنشآت الحيوية وتوسع فيها على النحو السالف بيانه الى درجة تصل الى المصادرة والمنع متجاوزا فى ذلك حدود التنظيم واهدار حق دستورى أصيل الامر الذى يستدعى اقتناص فرصة طلب الاطباء للاضراب والطعن على هذا القرار.
    ب‌-أن اشكال الاضراب متعددة ومتنوعة منها الاضراب الشامل ، والاضراب الجزئى ، والاضراب التبادلى ، والاضراب التباطئى، وكل من يرغب فى الاضراب ان يختار الشكل الذى يتناسب وضرورات الحفاظ على حقوق وحريات وحياة المواطنين .
    ت‌-ان الاطباء يحق لهم الاضراب عن العمل خارج المستشفيات والصيدليات والمراكز الطبية ويمكن لهم القيام به داخل اركان نقابتهم ، فحظر الاضراب فى القرار الوزارى وارد على المكان وليس المهنة، وبالتالى يحظر الاضراب داخل المستشفى ويتاح خارجه.
    وفى هذا الاطار يؤكد مركز هشام مبارك للقانون على تضامنه مع مطالب كل العاملين بأجر فى مصر ، ويؤكد على مشروعية الاضراب عن العمل باعتباره وسيلة قانونية ومشروعة للتعبير عن الرأى والوصول للمطالب ، ويعلن عن استعداده لتقديم الدعم القضائى، و القانونى، والبحثى فى ذلك الشأن .

    مركز هشام مبارك للقانون
    أن توقد شمعة ... خير من أن تلعن الظلام ألف مرة


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 11
    آخر مشاركة: 09-08-2009, 03:26 AM
  2. خط الفقر
    بواسطة winner في المنتدى حوار
    مشاركات: 9
    آخر مشاركة: 05-07-2009, 01:18 PM
  3. مشاركات: 22
    آخر مشاركة: 02-05-2008, 01:07 AM
  4. مشاركات: 16
    آخر مشاركة: 20-08-2007, 07:52 PM
  5. أم أطباء مصر
    بواسطة فيرون في المنتدى حوار
    مشاركات: 0
    آخر مشاركة: 02-09-2003, 06:32 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •