صفحة 9 من 9 الأولىالأولى 1 2 3 4 5 6 7 8 9
النتائج 161 إلى 169 من 169

الموضوع: أطباء مصر تحت خط الفقر !!

  1. #161
    تاريخ التسجيل
    Sep 2006
    الدولة
    استروس الزنجبيل
    المشاركات
    1,409
    معدل تقييم المستوى
    13

    افتراضي

    يلتقي الدكتور حمدي السيد، نقيب الأطباء، يوم الاثنين المقبل، الدكتور أحمد نظيف،


    الاهلى فوق الجميع يا عم

    بس محدش قال هو المتش متشفر ولا هيتذاع على القنوات الارضية

    مع احترامى لجميع سواء المقتنعين بل اضراب و انا واحد منهم
    او غير المقنعين و انا برضة احيانا ببقى واحد منهم

    اخر فئة تقدر تعمل اضراب هيا فئة الدكاترة و بل خصوص المصريين لاسباب كتيرة ابسطها بص كدة وسط صحابك و احسب كام واحد هيقولك ماشى معاك و كام واحد هينفذ و كام واحد عايز ينام وكام و احد عمدة مقابلة مع واسطة على شان تنقلة مستشفى كويسة و كام واحد عندة نبشطية وكام واحد عندة شغل خاص و كام واحد خايف ليمسكوة و كام واحد بيتخانق مع زميلة على شان سراب التقييم و ياخدلة ميت جنية زيادة و هكذاااااااا


    سنييييييين من ابتدائى و اعدادى و ثانوى و تعليم جامعى فاشل بى كل المقايس و انتا بتسمع عن التطوير و التفائل و بكرة حلوة و هنوزع بسبوسة و جلاش على الناس و هنطلع اجيال مجيلة من العلماء

    سنييييييين وانتا بستمع عن الخبراء الللى فى الحكومة اللى بيخططوا من اجل مصر و من اجل هذة البلد و كل واحد يطلع يقول انة حارب الفساد و كان ممكن يرتشى و ياخد زى اللى بياخدة بس هو مرضاش ..... اومال الحرمية فيين لما مصر كلها شرفاء

    دة حتى الاعتصام مع او تهديد حكومى بى انة مخالف قانون و يعرض للمسائة القانونية قالللك نوقف الاعتصام و نخلية تبادلى

    دة حتى لو عايز تعتصم مبقاش الواحد عارف يروح لى مين و اى ااهداف و اية فكر النقيب ؟

    احنا بس اللى خدتتنا الجلالة يا دكاترة الصحة و شوفنا عمال وموظفين بيضربوا قولنا اشمعنى اهو بل مرة وسط الهوجة

    اللى بيبوظ فى سنوات مبيتصلحش بين يوم ليلة

    و بعدين احنا عندنا وزير ما شاء اللة نفسى اتعلم منة و استزيد منة اكتر واكتر فى سياسة اتهدئة للامور

    انا مع الاضراب فقط فى التنفيس عن انفسنا بس انما حلول حالية على راى المبدعة روبى (ابقى قابلنى لو نامو عنييك)

  2. #162
    تاريخ التسجيل
    Feb 2008
    الدولة
    القاهرة
    المشاركات
    8
    معدل تقييم المستوى
    0

    افتراضي


    الجمعية العمومية الطارئة التى عقدت امس21-3-2008 كانت غير ناجحة رغم حماس الحضور من الاطباء واولهم جماعة اطباء بلا حقوق نظرا لعدة اسباب #واولها ضعف التواجد بالنسبة لحجم المطالب والتى كانت تستلزم الحشد لاكبر عدد من الاطباء وبصفة خاصة الاطباء الشبان وقد يكون ذلك سببه الياس بعد اجهاض الاضراب بواسطة مجلس النقابة وميراث طويل من عدم الانتماء للنقابة لعدم اهتمام النقابة بقضايا الاطباء المعيشية والتعليمية لفترة طويلة واختزال دور النقابة فى التصارع السياسي مع النظام والدور الاغاثي-وهو جهد مشكور- وتنظيم بعض الدورات التدريبية لعدد محدود من الاطباء وبرسوم تفوق قدرة اغلب الاطباء ورعاية الاطباء المعتقلين واسرهم مما جعل اغلب الاطباء فقدوا الامل فى دور النقابة الاصلى فى رعاية مصالحهم # والسبب الثانى ان مجلس النقابة كان دوره سلبيا جدا خلال الجمعية الثانية ولم يجئ بقرارات او افكار جديدة لاصلاح الاجور وبانتهاء الجمعية اعترف اننى تاكد لى ان مجلس النقابة بوضعه الحال لن يقوم باي خطوات ايجابية وارى تفعيل دور جماعة اطباء بلا حقوق للم شمل الاطباء اليائسين وفاقدى الامل فى المستقبل وتكوين رابطة للاطباء تستقل عن النقابة فى الافكار وتحديد الاهداف المستقبلية للاطباء ويكون لها دور اعلامى فى ابراز مشاكل ومعاناة الاطباء ومحاولة الضغط لتحقيق المطالب العادلة للاطباء مع تمنياتى للجميع بالتوفيق والسداد0

  3. #163
    تاريخ التسجيل
    Feb 2008
    الدولة
    القاهرة
    المشاركات
    8
    معدل تقييم المستوى
    0

    افتراضي

    قرارات الجمعية العمومية الطارئة
    21-3-2008مأولاً : استمرار الفعاليات المقررة سابقاً وهي :
    - جمعية عمومية طارئة في بني سويف25/4/2008م.
    - جمعية عمومية طارئة في طنطا9/5/2008م.
    ثانياً : تجديد الثقة بمجلس النقابة العامة وتفويضه مع مجالس النقابات الفرعية بإدارة التفاوض والحوار مع الحكومة – والاستعانة بمن تشاء من الزملاء – لإصدار الكادر بقانون وتحسين الأحوال المالية والوظيفية للأطباء.
    ثالثاً : دعوة النقابات الفرعية لتنظيم فعاليات مستمرة لإبقاء قضية إصدار كادر خاص للأطباء وتحسين دخول الأطباء حتي موعد الجمعيات العمومية الطارئة واقتراح الأربعاء 23-4-2008م من التاسعة صباحاً حتي الحادية عشر صباحاً كيوم عام للاحتجاج.
    رابعاً : تفويض مجلس النقابة العامة بالتنسيق مع النقابات الفرعية لدراسة قانونية قرار مجلس الوزراء السابق في منع الإضراب بالمستشفيات واتخاذ القرار المناسب في هذا الشأن بما يكفل الحفاظ علي الحق الدستوري وممارسة كل الضغوط لتحقيق مطالب الأطباء الأمين العام نقيب الأطباء
    أ-د/ أسامة رسلان أ-د/ حمدي السيد

  4. #164
    تاريخ التسجيل
    Feb 2008
    الدولة
    القاهرة
    المشاركات
    8
    معدل تقييم المستوى
    0

    افتراضي

    لو شاطر... تعرف تعيش فى مصر بـ 1000 جنيه ! ! !
    البيان
    مصروف يومي
    مصروف أسبوعي
    مصروف شهري
    ملاحظات
    عيش بلدي
    1
    30
    بس لازم تلحق دورك فى طابور الفرن وتلحق شغلك فى نفس الوقت ربنا معاك
    حليب
    4
    120
    عدد واحد لتر يومياً ويارب ميطلعش بودرة سيراميك ويكفى العيال
    فول
    8
    32
    كيلو فول اسبوعيا يعنى 125 جرام يوميا رضا والحمد لله
    جبنة بيضاء
    20
    80
    كيلو في الأسبوع 125 جرام يوميا انت عايش
    بيض
    5
    20
    عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة
    خضار
    10
    40
    عبارة عن صنف واحد بس + كيلو طماطم + لمونه وحزمة جرجير اسبوعيا
    فواكهه
    5
    20
    عبارة عن كيلو برتقال أو قشر موز مرة اسبوعيا علشان العيال تفتكر اسمة
    شاى
    10
    لزوم الكيف اللى بيذل والضيوف الرزلين
    سكر
    4
    16
    عدد واحد كيلو اسبوعيا مش بقولكم الكييف يذل وضيوف معندهمش دم
    ارز
    4
    16
    عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام
    زيت
    10
    40
    لتر اسبوعيا علشان تشرب بق على الريق يزيت معدتك 000 يستعمل كبديل للخضروات
    مكرونه
    8
    32
    عبارة عن عدد 4 كيس 400 جرام اسبوعيا 0000 خلى العيال تنبسط
    دجاج
    20
    80
    عدد واحد دجاجة اسبوعيا للعائله 000000 اظن معقول
    لحم
    30
    120
    عدد واحد كيلو لحم اسبوعيا لزوم صنف الخضار واللمونه وحزمة الجرجير 000 الف هنا
    بقوليات
    10
    عبارة عن كيلو واحد بس شهريا ونقى اللى بتحبه براحتك ( عدس - لوبيا - فاصوليا )
    توابل
    10
    عبارة عن دقيق + ملح + كمون + فلفل + كسبرة + وممكن تديها خل براحتك
    صابون
    15
    عبارة عن صابونه واحدة للحمام + صابون مواعين + مسحوق للملابس ( النظافة عموما )
    مواصلات
    2
    60
    بعد طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا
    حلاق
    10
    عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )
    مدرسة
    10
    40
    عبارة عن مصروفات المدرسة + مصروف العيال اليومى + كراسات واقلام وجلاد 00ألخ
    دكتور
    30
    نمرض بالدور طبعا عدد اربع افراد مرة واحدة للفرد كل 4 اشهر وربنا يستر
    ادوية
    50
    أكيد طبعا العلاج بالدور وربنا يستر واتنين ميمرضوش فى وقت واحد تبقى كارثه
    تليفون
    10
    اشتراك الهيئة هنرد بس ومش هنتكلم معدش ينفع كلام
    مياة
    10
    للاسف لازم نشرب مياة ملوسة بالمجارى
    غاز
    5
    الحمد لله غاز طبيعى الله فى عون اللى عنده انابيب ( 10 جنيه للانبوبه ) وممكن تطلع فاضية
    نور
    20
    لمواكبة التطور غساله ملهاش مسحوق - تلاجة فاضية - بوتجاز يستخدم مرة كل اسبوع
    قمامة
    10
    اجبارى طبعا ومن الواضح ان العشة دى مفيهاش اكل اساس يبقى القمامة هتيجى منين
    بواب
    15
    مهو من حقه يعيش هو كمان لو عشر شقق يبقى 150 جنية شهريا خليه يهيس
    صيانة
    30
    لاصلاح الاجهزة بالدور غساله - سخان - بوتجاز - مروحه - تلاجة - سباكة - لمبات انارة الخ
    ملابس
    100
    عبارة عن الصيفى والشتوى داخلى وخارجى واحذية وشربت وكلونات واتصرف بقى
    الاجمالى
    1081
    اكيد اللى هيخليك تعرف تعمل الكلام اللى فوق ده هيخليك تتصرف وتضغط مصروفاتك شويه علشان تبقى الحسبة 1000 جنية اقولك متمرضش ومتخدش ادوية وشيل 80 جنية معلش ربنا يقويك وينصرك على من يعاديك ويكفيك شر المرض


    ايجار الشقة طبعا قانون جديد وللاسف ملهوش قانون كل واحد وبخته ومش هنحسبها كل واحد يقعد عند امه وبالمناسبة
    عيد الام ربنا يخليها ويديها الصحه
    0
    كل سنة وهى طيبة
    عيد الكحك
    مضر وملهوش لزمة
    0
    كل سنة وانتم طيبين
    عيد اللحمة
    مضر وملهوش لزمة
    0
    كل سنة وانتم طيبين
    حلاوة المولد
    السكر مضر وملهوش لزمة
    0
    كل سنة وانتم طيبين
    ورمضان كريم وخيره كتير
    أخ خ خ نسيت احسب زكاة الفطر بس مش عارف هدفع ولا هأخد ؟
    عموما هقولكم على قائمة الممنوعات والمحظورات 000 متقربوش منها علشان تعرفو تتنيلو وتكملو الشهر

    ممنوع عنك الحلاوة والمربى والعسل والزبدة وكافة انواع الجبن عدا ماذكر فى التعيين ( الجبنه البيضا )

    المعلبات تونه بلوبيف لانشون سالمون فول وطبعا البسطرمة والزيتون والمخللات ممنوووووووووووووووع

    اوعى قلبك يحن لعيل من العيال وتجيبله شيبسى ولا ببسى أو كراتيه ونايتى عسلية بسكوت شيكولاته اياك ومنتجات العيال الصغيرين حتى لو حليب بالفواكهه او لبانه وجيلى كولا وهوهوز حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل

    احظر اللحوم بانواعها البفتيك والاستيك والرقبة والموزة واللوزة كله كلام فاضى خليك فى تعيينك الاسبوعى

    ومتنساش ان البانية والفليه من الممنوعات ومتقربش ومتمشيش فى الشارع جنبك كنتاكى وهاردييز وهاربيز وتكه ومؤمن وكوك دور واياك من السندوتشات عموما زى الطعمية والبطاطس والبذنجان الحجات الحلوة دى مش مطلوبه تعملك حموضهوهتحتاج فوار واحنا منعناه مع الدوا وطبعا مش محتاج اقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ

    خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بانواعها يالعربى انت زى العصفورة تاكل عيش ودنيبة رز وتشرب ميه عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد

    اهم حاجة مترحش لدكتور متجبش مدرس ولا ادوية واياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم

    طبيعى انك مش هتقرب من الفواكهة خالص البرقوق المنجو البطيخ الفراوله الكيوى الخوخ العنب التفاح حتى الكاكا والحرنكش والنبأ والقصب والدوم والتوت ممنوع سيادتك

    وطبعا معجون الاسنان والحلاقة والشامبو والبلسم كلها رفهيات ملكش فيها زى البصل والتوم والبطاطس كلها اساسيات ملكش فيها برضه ومتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة وفكرهم يقولو لعيالهم لو شافو مسلسل فى التليفزيون مليان بهرجه ان دى قصص خياليه كانت فى العصور القديمة فترة من الزمن و ان الواقع زى ماهما شايفيين حتى الاعلانات حاولو تفهموهم انها مجرد الوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوربا كلها وان الحجات دى علشان لما الناس دى يجو عندنا يلاقو منها ويعرفو يعيشو هى مش لينا دى ليهم هما اصحاب البلد ولازم ينبسطو

    عموما لو على الكلام مش هيخلص روح الحق طابوووووووووووووووووووووووووور العيش تبقى نصيبة لو عطلتك ورحت لقيت الفرن شطب

  5. #165
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    هتضحكوا جدااااااااا -- منقول

    هتضحكوا جدااااااااا

    تعلن ادارة مستشفي 0000 0000 التعليمي عن حاجتها لمضيفات في المطعم براتب شهري 275 جنيه مع وجبات مجانية و كذلك لعمال نظافة براتب 250 جنية .
    للعلم انا واخد ماجستير و كمان مخلص تدريب الزمالة المصرية و بأستعد للأمتحان في شهر 9 الجاي و مرتبي 270 جنيه و ممنوع من Private علشان التفرغ اللازم للزمالة.
    على فكرة الاعلان و المرتب صحيحان مش نكتة و لا حاجة
    أن توقد شمعة ... خير من أن تلعن الظلام ألف مرة


  6. #166
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    والله مش عارف أقول إيه بس

  7. #167
    تاريخ التسجيل
    Apr 2005
    الدولة
    الهرم
    المشاركات
    610
    معدل تقييم المستوى
    13

    افتراضي رد: أطباء مصر تحت خط الفقر !!

    الدستور 4 أكتوبر2009

    الطـب مريضـاً

    د. مني مينا
    نشرت الصحف منذ فترة دراسة جريئة، جاءت فيها إحصائية عن استقالة 11010 أطباء تكليف في العشر سنوات الأخيرة في محافظة القاهرة وحدها، ومعدل هذه الاستقالات يزداد عاما بعد عام، حتي وصل في العام الحالي إلي 2504 أطباء حتي 25 أغسطس الماضي.

    أرقام مفزعة.. فزع آخر تجسده المقارنة بين أعداد الأطباء المؤهلين لممارسة المهنة، وعدد الأطباء العاملين فعلاً بالمهنة في مصر، حيث تشير إحصائات النقابة العامة للأطباء إلي أن عدد الأطباء المصريين المؤهلين لممارسة المهنة عام 2006 هو 15352 طبيباً، بينما تشير إحصائات الجهاز المركزي للتعبئة العامة والإحصاء إلي أن كل الأطباء العاملين بالطب في مصر ـ وزارة صحة أو جامعة أو خاص ـ في العام نفسه 56463 طبيباً، باختصار ثلث الأطباء المصريين فقط يعمل بالطب في مصر فأين «طفش» الثلثان الباقيان؟

    الحقيقة أن ظروف ممارسة المهنة في مصر تطرد الأطباء خارج بلادهم.. ثلثا الأطباء ينزفون إلي هجرة مؤقتة أحياناً، وهجرة دائمة أحياناً أخري، وأحياناً ثالثة يكون النزيف داخلياً عندما لا يهجر الطبيب بلده لكنه يهجر المهنة.. إذ يكتشف بعد سبع سنوات من الدراسة المجهدة والمكلفة، أن العمل كمندوب شركة أدوية أو مدرس أحياء بمدارس اللغات أو حتي العمل في فنادق ومطاعم الخمس نجوم مجز أكثر من العمل بالطب.. أما الثلث الباقي للمهنة في مصر، فنستطيع تخيل حاله عندما تضطره ظروفه للعمل من 12 إلي 16 ساعة يومياً، متنقلاً من المستشفي الحكومي لمستوصف أو عيادة، ثم نوبتجية بمستشفي خاص، كل ذلك حتي يستطيع أن يكفل لنفسه الحد الأدني من الحياة الكريمة.

    نستطيع أن نتخيل أثر هذه الظروف المدمرة في الطبيب مادياً ومعنوياً وعلمياً، لكن هل نستطيع تخيل مدي الدمار الذي يلحق بالطب نفسه؟! هل نستطيع تخيل درجة معاناة المرضي عندما تقول إحصائات وزارة الصحة إن هناك طبيباً لكل 1405 مواطنين، «المؤشرات الصحية الرئيسية للخدمات الصحية في 1/1/2009 في حين أن المعدل المطلوب تبعاً لمنظمة الصحة العالمية هو طبيب لكل 500 مواطن، من المفارقات هنا أن وزارة الصحة تعلن أنها لا تحتاج لكل هذه الأعداد من خريجي كليات الطب.

    أما إذا تذكرنا أن هؤلاء الأطباء بعمل كل منهم في مكانين أو ثلاثة أماكن.. وبالتالي يعمل دائماً بنصف أو ثلث تركيز.. يعمل مجهداً وبفرص ضعيفة جداً لتنمية نفسه علمياً ومهنياً.. إذا تذكرنا هذا كله نستطيع أن نشخص «لماذا أصبح الطب مريضاً في مصر؟».

    لذلك عندما يطالب الأطباء برفع أساسي الطبيب حديث التخرج من 150 جنيها لـ1000 جنيه بعيداً عن التقييم والتلكيك وتوافر الاعتمادات.. عندما نطالب بـ 300 جنيه بدل عدوي لكل طبيب.. عندما نطالب بتخفيض مصاريف الدراسات العليا التي وصلت لـ 4000 جنيه سنوياً.. عندما نطالب بضرورة وجود دورات تدريبية سنوية منتظمة وممولة من جهة العمل.. عندما نطالب بمضاعفة ميزانية وزارة الصحة وترشيدها لتوفير مسلتزمات تشغيل المستشفيات وليس الرخام والجرانيت ومكافآت كبار المسئولين، عندما يطالب الأطباء بكل هذا فهم لا يطالبون فقط بحقوقهم العادلة والمشروعة.. لكنهم يسعون لعلاج مهنتهم الجريحة.. ويدافعون عن حقهم في العمل بكرامة وعن حق المواطن أن يجد العلاج الحقيقي عندما يحتاجه.

    أحبك في الله يا ZMZ

  8. #168
    تاريخ التسجيل
    Aug 2003
    الدولة
    Somewhere Overthere
    المشاركات
    1,832
    معدل تقييم المستوى
    10

    افتراضي رد: أطباء مصر تحت خط الفقر !!

    ما عنديش حاجةاقولها غير

    لا حول ولا قوة إلا بالله ... اللهم إنّا مغلوبون فإنتصر

    وداعاً د. مصطفى محمود
    اللهم إرحمه وإغفر له وأدخله برحمتك في عبادك الصالحين


  9. #169
    تاريخ التسجيل
    Apr 2005
    الدولة
    الهرم
    المشاركات
    610
    معدل تقييم المستوى
    13

    افتراضي رد: أطباء مصر تحت خط الفقر !!


    أحبك في الله يا ZMZ

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 11
    آخر مشاركة: 09-08-2009, 03:26 AM
  2. خط الفقر
    بواسطة winner في المنتدى حوار
    مشاركات: 9
    آخر مشاركة: 05-07-2009, 01:18 PM
  3. مشاركات: 22
    آخر مشاركة: 02-05-2008, 01:07 AM
  4. مشاركات: 16
    آخر مشاركة: 20-08-2007, 07:52 PM
  5. أم أطباء مصر
    بواسطة فيرون في المنتدى حوار
    مشاركات: 0
    آخر مشاركة: 02-09-2003, 06:32 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •