صفحة 2 من 12 الأولىالأولى 1 2 3 4 5 6 7 8 9 10 11 12 الأخيرةالأخيرة
النتائج 21 إلى 40 من 236

الموضوع: المواقف الاستهبالية في الحياة الطبية .... متجدد

  1. #21
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    اقتباس المشاركة الأصلية كتبت بواسطة emadkotb
    افرجت اساريرة عن ابتسمت لم تلبث ان جلجلت كضحكة في التاكسي

    اداني 100 جنية, مش بقولك يا باشا تبقى تشيل الشنطة احسنلك
    !!!!!!!!!!!!!!!!!!!!!!!!!!!!!!!!!!!!!!

    ما ينفعش ابقى أروح لوحدي، وآخد حساب الكشف وحساب شيل الشنطة؟

  2. #22
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    11

    Talking على كدة هنفضل طول عمرنا في الاستهبال

    لا حول ولا قوة الا بالله
    والله صعبت عليا بجد
    مشكلة حياة الاستهبال دي بجد
    فكرتني بموقف حصلي
    رغم اني كنت لسه يدوب مخلص تانيه بس كنت قاعد في الاستقبال انا وواحد صاحبي
    ما هي اجازة بقى قولنا نقصيها شوية في الاستقبال
    دخل علينا راجل عجوز بيتألم وماسك باطنه(( واخدين بالكو)) ماسك الابدومن بتاعه ويقول اه اه
    قولتله مالك يا حج؟؟
    تصورو قالي ايه
    ههههههههههههههههههههههه
    قالي الحقني يا دكتور عندي مغص في قلبي
    هههههههههههههههههه
    طبعا انا وقعت من الضحك انا وصاحبي
    فصاحبي بيهزر معاه وقاله
    تلاقيك بتحب بس يا حج
    هههههههههههه
    المشكلة ان الراجل دا كان سمعه تقيل حبة لا حبتين بالظبط
    والحمد لله انه ما سمعش
    كل اللي يعرفه انه ماسك بطنه وعنده مغص في قلبه
    قالي انا عاوز الحقنة
    قولتله حقنة ايه
    قالي الحقنة الحقنة اللي انا باخدها
    قولتله حقنة ايه
    قالي االلي انا باخدها
    وانا طبعا واقع من الضحك
    قولتله استني وزحلقته
    وياما حصل مواقف
    t0 be continue
    أســــعد القلوب ********* التي تنبض للأخرين
    HAMED

  3. #23
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    11

    Talking وياما في الجراب يا حاوي

    فرصة الواحد يفضفض شوية
    موقف تاني حصلي
    وزي مانتو عارفين يدوب لسه مخلص تانيه
    يعني لا افقه شئ اساسا بس بلاقي في الاستقبال حاجة اضيع فيها وقتي
    لاقيت الاسعاف داخل علينا بحالة واحد ست شابة
    طبعا انا ودكتور الاستقبال روحنا نشوف في ايه
    لاقينا واحدة شابة بتوع الاسعاف نايموها على سرير الكشف
    ومعاها اختها تقريبا وكدة
    الدكتور قالها خير مالك::
    قالت الحقني يا دكتور
    وانا طبعا مش واخد على الحاجات دي وكنت مصدوم
    قالت يا دكتور بطني اتنفخت لوحدها وفعلا بطنها منفوخة زي الكورة
    بس انا من الصدمة عيوني هاتخرج من الاوربيتال كافيتي
    ازاي يعني بطنها اتنفخت لوحدها
    قالت انا دخلت الحمام واول ما خرجت بصيت لبطني لاقيتها بتتنفخ مرة واحد واغمي عليا
    وجابوني في الاسعاف هنا
    طب بذمتكو
    تتنفخ لوحدها ازاي يعني ومرةواحدة كدة
    المهم ان الدكتور بعد ما كشف عليها
    حولها لقسم الاشعة
    وبتوع الاسعاف اللي جايبنها هما اللي نقلوها على السرير اللي بيتحرك ده
    وقبل ما يدخلوها الاشعة كنت طبعا انا واقف معاهم
    لاقيتهم بيقولو لبعض كلااااااااااااااام
    تصوروا بيقولو ايه
    اللي عمل فيها كدة اكيد (((( عفريت))) تصورو الحكاية وصلت للعفاريت
    وبيقولو ان الجن ده اكيد هوا اللي نفخ بطنها كدة
    واكيد الجن دا ركبها بعد ما خرجت من الحمام
    وانا سمعت الكلام ده ويا فكيه
    عفاريت هيا الحكاية وصلت للعفاريت
    وقولت في نفسي
    عليا الطلبات ما عدتش جاي مستشفيات تاني
    وجريت لاني بصراحة خوفت من العفريت ده
    ويا ما شوفت مواقف استهباليه سخيفة
    to be continue
    أسعد القلوب****** التي تنبض للأخرين
    HAMED

  4. #24
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي

    LoL

    LoL

    LoL

    LoL

    LoL

    LoL

    LoL

  5. #25
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    قالي الحقني يا دكتور عندي مغص في قلبي
    لم الضحك ؟
    في بعض المناطق بيقولو ع البطن قلب
    زمان جدتي الله يرحمها كانت تقول : كل كويس و املا قلبك
    الراجل غالبا عايز بسكوبان أمبول
    متزعلش مني بس المفروض ان احنا مش نفترض الجهل و العبط في الناس
    المفروض نحاول نفهم .. و أرجوك متضحكش قدام عيان ابدا مهما حصل
    مهما حصل
    لأن دا شيء مؤذي نفسياً جداً
    أن توقد شمعة ... خير من أن تلعن الظلام ألف مرة


  6. #26
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,104
    معدل تقييم المستوى
    16

    افتراضي

    الجنى اللى ركب الست
    ده اكيد عجلاتى بس عند الجن

  7. #27
    تاريخ التسجيل
    May 2007
    الدولة
    الهرم
    المشاركات
    1,989
    معدل تقييم المستوى
    11

    افتراضي

    اقتباس المشاركة الأصلية كتبت بواسطة مصباح
    لم الضحك ؟
    في بعض المناطق بيقولو ع البطن قلب
    زمان جدتي الله يرحمها كانت تقول : كل كويس و املا قلبك
    الراجل غالبا عايز بسكوبان أمبول
    متزعلش مني بس المفروض ان احنا مش نفترض الجهل و العبط في الناس
    المفروض نحاول نفهم .. و أرجوك متضحكش قدام عيان ابدا مهما حصل
    مهما حصل
    لأن دا شيء مؤذي نفسياً جداً

    طبعا انتا محق في كل كلامك يا دكتور مصباح
    بس الراجل كان لسه في سنه تانيه
    مش عارف حاجه عن لغات الشعب المختلفه
    و فرحان بأنه اعد في مستشفي و كده
    ماتت قلوب الناس
    ماتت بنا النخوه
    يمكن نسينا فيوم
    ان العرب اخوه

  8. #28
    تاريخ التسجيل
    Nov 2002
    الدولة
    قدام القبة
    المشاركات
    962
    معدل تقييم المستوى
    15

    افتراضي

    اولا متشكرين يا دكتور عماد على المواقف الطريفة و الظريفة و الخفيفة دى
    و الى بجد تنم عن خبرة كبيرة -اغبطك عليها- و شخصية خفيفة الظل
    مقدرش انكر استمتاعى بيها كلها
    و مستنى منك و من باقى الاعضاء المزيد

    و انا عن نفسى هحاول احكي ليكو حبة من المواقف الى قابلتها
    و الى مش فاكر تقريبا منها حاجة
    بس هحاول افتكر

    بمناسبة عندى مغص فى قلبى دى
    انا تقريبا كل يوم بسمعها فى الوحدة الصحية
    كل يوم تيجيلى ام و هى ماسكة ابنها و تقول لى
    الواد قلبه بيوجعه
    ارد عليها فوراً و اقول
    و عاوز حد يدلعه؟؟
    و استفسر منها
    الواد بيقول الآاه؟؟
    و ترد الام
    آاااااااااااه
    معلش اصل القافية بتحكم


    و طبعا زى ما اوضح الدكتور مصباح ان القلب هنا دى معناها البطن
    فبجد بجد بقا و من غير هزار
    اول ما حد بيشتكيلى الشكوى دى
    الواحد بيسأله و يقول له شاورلى على قلبك كدا يا بابا
    طبعا دا عشان الواحد يتأكد انه مش قلبه بجد
    و الواد -اللى قلبه بيوجعه- يروح مشاور على بطنه
    و هنا بتبرز وظيفة و رسالة مهمة جداً من مهام الطبيب المصرى
    و هى انه يعرّف المواطن فين بطنه و فين قلبه
    معلش اصل الطب رسالة على رأى الدكتور عماد

    مش عارف بيتهيألى ان الناس و بالذات الستات اتلخبطت بين القلب و البطن بسبب المثل الشهير بتاع
    اسرع طريق الى قلب الرجل هو بطنه
    ممكن..!!
    مع تكرار المثل دا الستات بدأت تلخبط بين الاتنين
    ممكن..!!

    دا بس على سبيل التوضيح و التعليق على نقطة البطن و القلب عند المصريين

    و على فكرة فى الفاظ تانية كتير الشعب المصرى بيحب يقولها
    و اذكر ان الدكتور احمد خالد توفيق ذكرها قبل كدا و نقلها عنه الدكتور مصباح على ما اذكر فى موضوع لطيف و ظريف جداً على المنتدى هنا من سنة كدا تقريبا على ما اذكر..

    اذكر منها كلمة واحد صاحبى قعد ليلة كاملة يضحك عليها
    و انا مش عارف ليه مضحكتش عليها خالص
    فمثلاً من المشهور و المعروف عن الشعب المصرى انه يقول على المرهم برهم
    بالباء
    لكن فى الحالة دى واحدة كانت جاية -مع امها- و عندها حاجة فى جلدها اعتقد نتيجة قرص حشرة معينة..!!
    و الله اعلم الحشرة دى كانت ايه؟؟ و لا عاملة ازاى ؟؟ لأنى اشك ان الى كان فى ايديها دا عضة كلب..!!
    و كانت مش حالتى كانت مع زميلى..
    المهم انا كنت مع حالة و خلصت كشف عليها و قايم اغسل ايدى -مش زيادة نظافة يعنى ساعات الواحد بيضطر يغسل ايده غصب عنه-
    و سمعته بيقول ليها:
    ايه؟؟
    ايه؟؟
    عاوزانى اوصف ليكى ايه؟؟

    و هى -أم البنت- تقول له بصوت فيه استنكار و بلهجة تفهم منها استعجاب واستغراب و كأنها بتقول ازاى الدكتور دا مش عارف
    عايزينك يا دووكتوور توصيف ليها بظاظة
    بظــــاظة (بتشديد الظاء الاولى)
    بظــــــــــاظة..!!
    و طبعاً زميلى مش عارف ايه البظّاظة دى
    المشكلة الاكبر ان زميلى افتكرها بتتكلم عن البزازة بتاعة العيال
    و رد عليها و قال لها
    يا ماما البزازة دى بتاعة العيال
    و هى ترد
    يا دووكتوور بظــــــــــاظة ..بظّــــــــــــــاظة
    -ايه دا دا دوووكتور دا ازاى؟؟؟ (فى عقل بالها)-

    و هنا قررت انى اتدخل
    معلش اصلى مبحبش اتدخل بين زميل ليا و مريض ليه الا فى اضيق الحدود و عندما تقتضى الضرورة و الظروف
    و قولت له
    يا احمد معلش عاوزك
    و هو فهم
    قالى ايه البظاظة دى..؟؟
    قولت له
    يا سيدى البظاظة دى على ما اعتقد كدا هى المرهم او البرهم

    فهى بظّاظةُ -صيغة مبالغة-
    من الفعل بظّ .. يبظّ فهى بظّاظة اى كثيرة البظ
    انما بزازة دى الى انت قاعد تقول لها عليها فأنت عارف مصدرها منين!!

    و هنا انهار احمد من الضحك و مقدرش يمسك نفسه
    و الحمد لله الموقف انتهى على خير و على كلمة من احمد للمريضة
    لا ياستى بنتك مش محتاجة بظّاظة
    معلش اصلنا مخدناش البظاظة دى فى الكلية انا آسف

    و هنا بتبرظ قصدى بتبرز مهارة تانية هامة جداً من المهارات المطلوية فى الطبيب المصرى
    و هى قدرته على الاشتقاق اللغوى و تخمين معنى الكلمات الجديدة الى بيشتقها الشعب المصرى المجدد و المطور دائماً


    دى..
    مدينتنا حتة سكرة ..... الشمس فيها منورة

    البقاء لله.. د.مصطفى محمود

  9. #29
    تاريخ التسجيل
    Nov 2002
    الدولة
    قدام القبة
    المشاركات
    962
    معدل تقييم المستوى
    15

    افتراضي موقف افتكرته

    انا عارف انا قولت انى مش فاكر ولا موقف حصل لى بس فيه موقف بجد مش قادر انساه
    و الموقف دا حصل لى و انا فى قسم 5 و انا فى عز ايامى فى الامتياز
    و قسم 5 زى ما انتو عارفين هو عنبر حوادث الجراحة بالقصر العينى
    و كنت بحب جداً اروح هناك و احضر كتير مع النواب و امر مع الاساتذة و اغير للعيانين يمكن الواحد ربنا يفرجها عليه بحالة زايدة

    يعملها كدا نص الليل و لا حاجة
    و كانت من اكتر الحالات شيوعاً فى قسم 5 هى حالات الانسداد المعوى
    intestinal obstruction
    و الى العلاج بتاعها زى ما انتو عارفين هو
    drip and suck
    يعنى قسطرة و رايل و محاليل
    لغايه لما ربنا يفرجها و تفك او تدخل تتفتح فى العمليات
    و كنا بنعانى الويلات لما بنقعد نحاول نقنع العيان انه يتركب له قسطرة
    و بنعانى اكتر فى اقناعة بتركيب الرايل

    و كلكو اكيد فاكرين مواقف من دى
    العيان يقعد يتملص و يتململ و يعيط كمان
    و فيه منهم كان بيقرر انه يخرج من المستشفى على مسؤوليته و ميتعالجش و مستعد يمضى على ورقة بكدا
    و احنا كنا بنفضل وراهم عشان نقنعهم بأن دا العلاج و ان دا الصح و ان لو معملناش كدا ممكن تحصل مشاكل
    لغاية لما فى يوم و كنت فى قسم 5 و كان وقت الزيارة و ما ادراك ما وقت الزيارة
    عيال فى كل مكان
    اكل من كل نوع (بالذات المحشى و المكرونة) و فى كل مكان
    مش عارف الواحد بيحس ان الناس بتيجى تصيف او تغير جو فى القصر العينى
    الناس بتفتكره حديقة الاورمان و لا حتى حديقة الحيوان !!


    و معدل الاسئلة للطبيب من الزائرين 100 سؤال فى الدقيقة على الاقل

    هى الحالة ايه يا دوكتور؟؟

    قالولى انه عمل تحاليل النهاردة نتيجتها كانت ايه يا دكتور؟؟

    بيقولولى انه عمل اوشاعة مقطعية النهاردة نتيجتها كانت ايه؟؟

    هو هيعمل العملية امتى؟؟

    هو فيه تحسن و لا الحالة زى ما هي؟؟

    هو ان شاء الله هيخرج امتى؟؟

    يعنى ان شاء الله في امل؟؟

    هو حضرتك هنشيل القسطرة امتى؟؟

    هوا احنا هنشيل له الرايل امتى؟؟

    هو ممكن ياكل امتى؟؟

    هو ممكن يشرب امتى؟؟

    ينفع يشرب عصير جوافة و لا عصير التفاح احسن؟؟

    هو دوكتور مين الى عمل العملية؟؟


    و معدل الطلبات برده بمعدل 100 طلب فى الدقيقة على الاقل

    الحق يا دوكتور المحلول خلص (طب ما يخلص ايه المشكلة يعنى؟؟)

    الحق يا دكتور المحلول هيخلص (..........)

    فهيمة مش متركب لها محاليل ليه؟؟

    الحق يا دوكتور المحلول اتفك..

    الحق يا دكتور الكانيولا اتخلعت..

    فهيمة القسطرة مضايقاها هنفكها ليها امتى؟؟

    فهيمة الرايل مضايقها هنشيله امتى؟؟

    الحق يا دوكتور الرايل اتخلع..

    الحق يا دكتور خرطوم المحلول طلع فيه دم..

    فهيمة مغيرتش النهاردة على جرح.. مش هتغيرولها يا دكتور؟؟

    فهيمة مغيرتش النهاردة على الجرح الا مرة واحدة.. مش هتغيرولها تانى يا دكتور؟؟

    فهيمة رجّعت يا دوكتور تعالى بص عليها..

    فهيمة مبتردش علينا و مبتتكلمش (يادى المصيبة) تعالى شوف مالها..

    ميعاد العلاج بتاع فهيمة دلوقتى مش هتدولها العلاج و لا ايه؟؟

    فهيمة خرجت -و لا مؤاخذة- ريح يا دوكتور تعالى ....... (.........)

    دى عينه بسيطة و على الماشى من الاستفسارات و الطلبات الى بيطلبها المرافقين و بتطلبها الزيارة من الدكتور وقت الزيارة
    و ياريت على قد الكم الهايل دا من الطلبات و الاسئلة بس
    لكن المصيبة ان الاسئلة دى بتتكرر من كل شخص من الزائرين للمريض الواحد
    يعنى لو واحد جاى يزوره 10 يبقى هتتسأل الاسئلة دى كلها و هتتطلب منك كل الطلبات دى كلها من كل واحد من العشرة دول على حدة
    و دا بيخلى الطبيب الواحد نايب او امتياز بيتعرض -وقت الزيارة بس- لعدد لا يقل عن عشرة آلاف سؤال و استفسار و طلب
    على اقل تقدير

    و دا بيخلى النواب يهربو طبعا و يسيبو الامتياز الغلبان يشيل الكم الهايل دا من الاسئلة على راسهم
    المهم فى اليوم دا و فى وقت الزيارة
    واحد بنوتة لطيفة ظريفة لقيتها بتنادى عليا و تقولى
    لو سمحت يا دوكتور

    المريض الى اسمه فهيم عاوزك يا دوكتور

    مين فهيم دا يا ماما؟؟ (معلش اصل عدد العيانين فى قسم 5 لا يقل عن 80 عيان و حفظهم و حفظ حالاتهم من اول مرة صعب جداً)
    الى مركب زلومة -رايل يعنى- فى مناخيره..
    قولت فى عقل بالى ييييييييييييه؟؟
    اكيد متضايق من الرايل و عايز يشيلها
    او يسأل هيشلها أمتى؟؟
    او يسأل او يطلب اى سؤال او طلب من الاسئلة الطلبات الى الواحد طفح منا

    روحت معاها (معلش الطب رسالة و ضمير برده على رأى الاخ عماد)
    لعل و عسى ممكن يكون فيه حاجة بجد
    ايه يا بابا خير؟؟
    مالك؟؟
    فيه ايه؟؟

    رد عليا و هوا بيشاور على مناخيرة :ممممم مممم مم
    (و ادى واحد تانى متضايق من الرايل)
    الرايل؟؟ انت متضايق من الرايل؟؟
    معلش يا بابا استحمل شويه؟؟
    دى عشان مصلحتك و دا احسن لك..
    و ان شاء الله هنشيلهالك قريب لما تبقى كويس

    بس الراجل شكله كدا مقتنعش و بص لى بأستغراب
    و رجع تانى يهمهم و يشاور على مناخيره
    ايه؟؟
    ايه يا بابا عاوز ايه؟؟

    قولت اسأل البنت الى جابتنى هنا يمكن هيا بتفهم هو عاوز ايه؟؟
    متعرفيش هو عاوز ايه يا امورة؟؟
    هو بس يا دكتور بيسألك مينفعش تركبو له خرطوم تانى فى فتحة مناخيرة التانية؟؟؟
    نعم..!!!؟؟؟ (قولتها و انا مزبهل و بقول فى عقل بالى ايه الي انا بسمعه دا.. انا فى حلم و لا علم..؟؟)
    نعم يا ماما عاوز ايه؟؟ (معلش انا حاولت اكتم الضحك بس للأسف طفحت على وشى ابتسامة)
    و رديت عليه بسرعة
    لا يا بابا انت مش محتاج غير دى و متخافش ان شاء الله هتبقى كويس
    و خرجت جرى من العنبر (زى المزنوق الى بيدور على حمام)
    و انفجرت بالضحك
    الراجل برده ليه وجهة نظر
    لكن الى الواحد شافة من عذاب فى اقناع الناس فى تركيب و فايدة الرايل خلانى مش قادر اصدق الطلب دا و خلانى مقدرش انساه ابداً
    بالفعل فى كل مكان و كل زمان بنى البشر لازم يختلفو مع بعضهم فى كل حاجة
    و لو اعتقدت ان كل الناس بتكره الرايل و عايزة تشيلها هيطلعلك واحد بيحبها و عاوز منها اتنين..!!
    سبحان الله...



    ملحوظة فهيمة و فهيم اسماء مستعارة لأى مريض و نأسف لتشابه الاسماء مع اى حد...


    دى..
    مدينتنا حتة سكرة ..... الشمس فيها منورة

    البقاء لله.. د.مصطفى محمود

  10. #30
    تاريخ التسجيل
    Feb 2003
    الدولة
    حــلــوان
    المشاركات
    299
    معدل تقييم المستوى
    15

    افتراضي

    أشكر الجميع على هذه القصص و التعليقات الرائعة
    و أشير هنا إلى مقال الدكتور أحمد خالد توفيق و هو بعنوان
    " الطريف في طب الريف "
    و هذا رابط له
    http://eldoctorx.blogspot.com/2007/04/blog-post_14.html
    قديما..كنا ندفع من أموالنا لنشتري لقب ........باشا
    أما الآن...ندفع من سنوات عمرنا لنشتري لقب....دكتور

    الــــــكـــــــــحـــــــــــكـــــــــي

  11. #31
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    اقتباس المشاركة الأصلية كتبت بواسطة مدنجي
    قالى ايه البظاظة دى..؟؟
    قولت له
    يا سيدى البظاظة دى على ما اعتقد كدا هى المرهم او البرهم
    فهى بظّاظةُ -صيغة مبالغة-
    من الفعل بظّ .. يبظّ فهى بظّاظة اى كثيرة البظ
    ههههههههههههههههههههههههههههه
    أول مرة أسمع كلمة بظاظة دي
    بس حكاية جامدة قوي

  12. #32
    تاريخ التسجيل
    Nov 2002
    الدولة
    قدام القبة
    المشاركات
    962
    معدل تقييم المستوى
    15

    افتراضي

    على فكرة انا لقيت الموضوع دا على المنتدى على الرابط دا
    الطريف فى طب الريف

    و مستنيين بقيه الحلقات و المواقف و التعليقات

    دى..
    مدينتنا حتة سكرة ..... الشمس فيها منورة

    البقاء لله.. د.مصطفى محمود

  13. #33
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    ماشاء الله
    ربنا يعلم انا فرحان قد ايه والله سعيد جدا
    يمكن علشان تجاوب الادارة وتثبيت الموضوع
    يمكن علشان التجاوب الجميل من الاعضاء
    يمكن علشان بقي فرصة جيدة جدا لتبادل الخيرات والاراء المختلفة في المواقف الي زي دي المهم انا فرحان وسعيد ولكم كل الشكر والتقدير

    كلام دكتور اونلاين وتعليق مصباح (الي دايما بيكون تعلق لا يخلو من افادة ) فكرني بموقف حصل مع واحد صاحبي وعلشان هو مش موقف استهبالي وعلشان ماحصلش معايا انا فمش هدخله في عد المواقف الاستهبالية

    حالة جاية المستشفي الخاص الي جنب مستشفي العامرية العام الحيط بالحيط
    اربعين سنة مدخن شره (سجاير واشياء اخري ) يشكو من الم شديد باعلى البطن (ابيجاسترك ريجون ) وراح استقبال المستشفي العام ادووله بسكوبان ومشوه
    المهم جه الراجل لصديقنا الهمام وبطني بتتقطع يا دكتور
    بعد الكشف قرر احمد ان الراجل عنده (سفييرجاسترايتس ) بس لاحظ ان ضغطه واطي حبتين 90 50
    علقله محلول ملح في دراع ورينجر في التاني وفي المحلول حط 2 باسكوبان و2 زانتاك وامبول افيل
    بعد ربع ساعة العيان بيصوت من بطنة
    سرع المحلول مافيش فايدة
    كمان 2 زانتاك مافيش فايدة
    يبقى اكيد بعد مايخلص المحلول الراجل هيستريح شوية وفعلا
    المحلول خلص والراجل استريح بش مش شوية دا استريح خالص

    طبعا الاعصاب بايظت سي بي ار مافيش استجابة
    وكسرل للراجل سنتين وهو بيركب الاندوتراكيال (ليه اندوتراكيال ؟ )

    المهم اهل العيان شافوا الي حصل ومتنسوش ان الراجل كان داخل على رجلية وكان الله في عون اخينا الدكتور احمد على ما اصابه

    دا علشان اوضح العلاقة بين القلب والبطن الراجل كان عنده ماسيف انفيريور مايوكاردال انفاركشن وكان الالم في الايبيجاسترك ريجون وطبعا كان العلاج سبب رئيسي للوفاة الي جانب عدم اتخاذ اللازم في الوقت المناسب

    دا موقف كدة عالماشي بس مش استهبالي ونكمل ان شاء الله مسيرتنا مع المواقف الاستهبالية في الحياة الطبية


    صوت السلف........ معا على طريق الجنة

  14. #34
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    الموقف الاستهبالي الثامن : سيتواسيو تغيه فوغميدابل
    بعد نبطشية حافلة في طوارئ الميري (القصر العيني بتاع اسكندرية مع الفارق طبعا ) خرجت في التاسعة صباحا علشان اروح انام شوية لحد ماجي تاني بليل اكمل

    وقفت على طريق الكورنيش اشاور
    لميكروباص رايح ابو قير علشان هي سكتي (عندنا بنشاور للميكروباص اشارة لكل مكان -يعني ابوقير ليها اشارة والعصافرة اشارة ومحطة مصر اشارة وهكذا)

    المهم بشاور مرة لمكروباص ان ابو قير فوقف الي جوار ي وقال لي السائق: موسك دو مندرة
    نظرت غير فاهم لبرهة فكرر :موسك دو مندرة ... جامع المندرة يا شيخ ينفع

    اه ماشي ينفع مافيش مشكلة

    وركبت فقال : فيغم لابوغت سيلفوبلا ميسيو نظرت له نظرة متعجبة لو كان يعني الي خارج من نبطشية زي دي يقدر يتعجب

    اية يا عم مالك متصلي عالنبي عالصبح ايه فيغم لابوغت وفا اوتابلو بتاعتك دي متوحد الله

    لا اله الا الله اصل محسوبك خريج سان مارك وبحب الفرنساوي جدا وبتكلمه اكتر مالعربي وروحت فرنسا وعشت فيها عشر سينين

    طب يا سيدي ربنا يزيدك

    اه متفتكرش يعني اني شغال عالعربية فامعرفش حاجة اه دا انا خريج تجارة اسكندرية والعربية دي بتاعتي وعندي غيرها تلاتة بس لازم انزل الشغل علشان اتابع السووق والسواقين ميضحكوش عليا

    الا قولي ياشيخ انتا بتشتغل ايه؟

    انا دكتور امتياز ياسطى

    قولي ياعم محمد احسن

    دكتور امتياز يا عم محمد

    بتقبض كام بقى على كدة يادكتور؟

    145 جنية يا عم محمد

    ها ها ها ها ها ها هاه
    145 جنية ها ها ها ها متفهمنيش غلط يا دكتور انا والله مبضحك على حضرتك انا اصلي امبارح ركبت معايا بنت امورة كدة زميلة حضرتك وكانت فاعدة برضو مكان حضرتك كدة وكانت فرحانة جدا انها قبضت علشات تجيب باول مرتب ليها صندل ها ها ها
    يا ترى انت هتجيب ايه بالمرتب دا على كدة ؟
    دانتوا بقى حالكوا يصعب عالكافر يا دكتور

    طبعا مع التسييح في العربية كل الناس بصت عليا وقعدوا يضحكوا معرفش بقى
    عليا ولا على السواق (المجنون ) مش عارف المهم اني حسيت بوداني بتحمر ودماغي بتسخمن

    طب عي جنب هنا يسطى لو سمحت
    هنا يدكتور
    ايوا هنا
    طب اتفضل معانا اشرب حاجة والله لتيجي اعزمك على حاجة ساقعة
    انا حلفت والله لتيجي

    جراتسي ميل سنيور !!!!
    ايه؟
    الف شكر يعني بس بالايطالي
    السلام عليكم




    صوت السلف........ معا على طريق الجنة

  15. #35
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    11

    Exclamation طب شوفو الحكاية دي بقى

    حكاية بصراحة مطمنش خاااااااالص
    كنت زي عادتي في اجازة تانيه بروح المستشفي فرحان بقى
    على راي واحد صاحبي بيشتغلوني دكتور
    بس كنت قاعد في الاستقبال اللي كان فاضي
    لان الدكتور كان مشغول في عملية قيصرية في العمليات
    ولو حد جه طبعا بزحلقه
    الاول اقوله دي حاجة نفسية والتاني تيجي بكرة والتالت اكيد زعلان مع مراتك
    واهو الحال بيمشي
    بس فجأة جه شوية شباب وشايلين شاب معاهم مش قادر يصلب طوله
    طبعا انا شوفت المنظر قلقلت جدا وقولت بلاش ده
    انا مالي يا عم انا مش الدكتور
    وعشان الدكتور مشغول في العملية القيصرية الطارئة
    مش هايعرف يجي يشوف الحالة دي
    فبعت دكتور التخدير واخدين بالكو بعت مين بعت
    دكتور التخدير يشوف الحالة
    المهم لما شاف الحالة لاقاها سيكو ومافيهاش حاجة
    طبعا اصحاب الشاب ده مش عاجبهم الوضع
    وواحد ابن حلال قالهم ان دا دكتور تخدير
    قامت الدنيا ازاي وازاي
    دا دكتور تخدير
    الناس في دماغها ان دكتور التخدير ده ما يعرفش حاجة غير البنج
    واتقلبت الدنيا
    لغاية اما خلصت العملية القيصرية
    ونزل الدكتور ومسك فيه الناس
    انت ما جتش ليه من بدري
    قالهم مش زميلي الفاضل دا شافه
    قالوله ازاي
    دا دكتور تخدير انتو بتهرجو انتو بتستعبطو
    وما سكين في خناق الدكتور
    بس اللي عجبني اكتر بقى هوا رد الدكتور
    قالهم في ايه اذا كان هوا دكتور تخدير انا دكتور نـــســا
    اكشف عليه ازاي وان دكتور نسا
    المهم كلمة يمين وشمال
    والعملية ما تفضتش الا باستدعاء الامن
    شوف ياعم ادي حياة الاستهبال
    استرها علينا يارب
    HAMED

  16. #36
    تاريخ التسجيل
    Jul 2007
    الدولة
    المنصورة
    المشاركات
    3,087
    معدل تقييم المستوى
    13

    افتراضي

    ربنا يبشركم بالخير

    بجد ياجماعة طمنتوا الواحد على الاخر
    الواحد من غيركم مش كان عارف هايعمل ايه؟


    وجه القمر

  17. #37
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    11

    Talking to be continued

    طالما الحكاية فتحت في مواقف استهباليه
    شوفو دي بقى
    في يوم قاعد انا واصحابي وزي مانتو عارفين
    هههههههههههههههههههههههههههههه
    يدوب لسه مخلص تانيه ولا نفقه اي شي
    وكان معانا دكتور الاستقبال بنتكلم سوا
    وفجأة دخلت واحدة ست بتصرخ
    ايه يا ست ماااااااااااالك؟؟؟؟؟؟؟؟؟
    قالت انا عضني فاااااااااار
    كانت بتشتغل في البيت وبتنضف وعضها الفار
    اه لو تعرفو ايه الاجراءات اللي بتحصل في الحالات اللي زي دي
    أولا لازم تتقدم ببلاغ في مركز الشرطة ضد الفار اللي عضها
    هههههههههههههههههههههه
    اه والله بجد
    طبعا الست مذهولة فار ايه اللي هابلغ عنه يا دكتور
    قالها والله يا ست هيا دي الاجراءات بتاعت المستشفيات
    ومش هاقدر اصرفلك اي حقنة ولا دوا الا لما تعملي البلاغ
    والست هاتتجنن الحقني والنبي يا دكتور
    انا جارتي قالتلي
    انتي هاتموتي بعد ساعتين لو ما اخدتش المصل اللي ضد العضة بتاعت الفار
    واحنا بقى ميتين من الضحك
    هههههههههههههههههههههههههههههه
    يا دكتور الحقني هاموت
    هههههههههههههههههههههههه
    الدكتور قالها ما تخافيش يا حاجة هوا الفار دا لونه ايه
    لونه ابيض ولا رماااادي؟؟؟؟
    قالتله والله مش فاكرة يا دكتور الدنيا !!!!!
    كانت ضلمة ومشفتش لونه ايه
    ههههههههههههههههههههههههه
    قالها خلاص ماتخافيش
    مش هاتموتي خلال ساعتين لا هاتموتي خلال عشر ساعات
    الست تقوووووووول يالهوووووووي
    وواخدة الموضوع جد قوي
    وفين وفين لما قالها الدكتور ما تخافيش يا ست حتي لو ما اخدتيش المصل مش هاتموتي
    بس بردة لازم تروحي تقدمي بلاغ ضد الفار
    ولسه يا ما هاتشوفو
    HAMED

  18. #38

    افتراضي

    السلام عليكم و رحمة الله و بركاته

    في استهبال مستشفى ام المصريين العام (قضيت معظم الامتياز هناك) حوال شهر 4 اللي قبل اللي فات
    على الضهرية كده لقينا ربكة و دربكة في الاستقبال عند اوضة الغرز
    رحنا شوفنا في ايه
    لقينا مسجون جايبينه بالفانلة الحمالات و مغطي راسة بالجاكت اللي كان لابسه و الدم بيخر من راسه و على رقبته
    هو شال الجاكت كده و نافورة دم ضربت من دماغة
    كان في جرح مايقلش عن15 سم في الاسكالب و تلت جروح في رقبته من الجنب
    سالنا مين اللي عمل فيه كده



    طلع هو اللي ضارب نفسه اصله اتحكم عليه بتابيده و كانوا مرحلينه
    المهم بعد الكانيولا و المحاليل و النايب بيخيط في دماغة
    لقيناه بيقول للنايب " انا عاوز اللي في رقبتي تتخيط تجميل اصلي مش عاوزها تبان"!!!!!!!!
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  19. #39
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,104
    معدل تقييم المستوى
    16

    افتراضي

    لقيناه بيقول للنايب " انا عاوز اللي في رقبتي تتخيط تجميل اصلي مش عاوزها تبان"!!!!!!!!



    هههههههههههههههههه
    دا خبرة

  20. #40

    افتراضي

    الساعة 6 الصبح و الواحد مستني الساعة 8 بفارغ الصبر

    حالة داخلة
    بنات 3غ سنهم حوالي 16 او 17 سنه كلهم ببنطلونات جينز و باديهات و معاهم شبين واحد استنى بره و التاني دخل معاهم
    العيانة فيهم نامت على الشيزلونج و و حواليها البنتين و البيه اللي معاهم
    خير ان شاء الله؟
    و احنا قاعدين كده"الساعة 6 الصبح خلي بالكو"ي لقيناها تعبت
    يعني هي كانت بتعمل ايه لما تعبت ؟
    كنا قاعدين
    (ما علينا)
    كانت حاسة باوجع في صدرها و جسمها كله
    في كحة؟
    ايوه
    طيب ناشفة و لا ببلغم؟
    بلغم
    لونه ايه؟
    اسود
    اسود ؟
    اه
    انتي بدخني ؟
    ايوه
    كام علبه في اليوم
    علبة علبة و نص
    جينا لل examination
    اللطع اللي معاهم لسه واقف .حضرتك تقربلهم
    ابن خالتها
    طيب بعد اذنك بره علشان الكشف
    بصلي بصة غريبة من نوع مالوش لازمة اخرج ماكلنا واحد دا انا حتى بن خالتها
    طلعت feverish
    و عندها bronchitis
    بعد الكشف خرجت مش عارف اعمل ايه و رجعت لقيته بيسالني هو في رعاية مركزة هنا
    ايوه في بس ليه
    ندخلها الرعايه علشان تعبانه!!!

    بصراحة ملقيتش حاجة انتقم منهم بيها الا اني كتنبتلها على اغلى مضاد حيوي كنت اعرفعه ساعتها
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. إلى الشباب المواقف الشرعية تجاه الجماعات الإسلامية
    بواسطة د/ ربيع أحمد في المنتدى إسلاميات
    مشاركات: 27
    آخر مشاركة: 20-03-2008, 04:01 PM
  2. مشاركات: 0
    آخر مشاركة: 06-01-2008, 05:12 PM
  3. مدرسة المواقف!!
    بواسطة broken nonna في المنتدى إسلاميات
    مشاركات: 23
    آخر مشاركة: 28-10-2007, 05:00 AM
  4. صناع الحياة ... معاً نصنع الحياة
    بواسطة مصباح في المنتدى فى العضل ..
    مشاركات: 70
    آخر مشاركة: 18-02-2007, 07:23 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •