صفحة 5 من 12 الأولىالأولى 1 2 3 4 5 6 7 8 9 10 11 12 الأخيرةالأخيرة
النتائج 81 إلى 100 من 236

الموضوع: المواقف الاستهبالية في الحياة الطبية .... متجدد

  1. #81
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي

    احد اصدقائى بيحكيلى دايماً على مواقف غريبة جداً مع العيانين
    و منها مما اذكرة دلوقتى

    ان اح المرضى مرة جاله بيشتكى و يقول
    يا دوكتور انا حاسس ان افرازات المرارة بتنزل على الطحال

    طبعا انا مش فاهم الاحساس دا هو حاسسة ازاى
    و اصلا ازاى افرازات المرارة تنزل على الطحال

    خير خير خير

    استنو هروح اسأله عن مواقفه التانيه و لا هخليه ييجى يكتبها لكو بنفسه
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  2. #82
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي اول كشف منزلى

    فى الوحدة الصحية بقرية شطا
    و هى قرية تقع على الطريق بين دمياط و رأس البر
    و يحدها شمالاً و جنوباً و شرقاً و غرباً بحيرة المنزلة
    و يعمل كل اهلها بالصيد الا القليل
    و فى يوم الجمعة حيث كنت نبطشى
    و قبل صلاة الجمعة بساعة تقريبا
    الممرضة: كلم يا دكتور جايلك كشف منزلى.. تروح؟؟؟
    بصراحة انا عمرى ما طلعت كشف منزلى قبل كدا و تململت شوية كدا و رديت عليها
    و قولت: خير هو ايه الحالة خير؟؟
    قولتها و انا ببص للناس الى جايين يطلبونى للكشف المنزلى دا
    رد عليا راجل من الاتنين الرجالة الى كانو جايين يطلبونى فى الكشف
    و قال: واحدة ست مغمن عليها
    قلت: مغمن عليها ازاى يعنى مبتردش خالص؟؟ و مبتحطش منطق؟؟
    قال لى : اه.. بس دى لسا راجعة من السوق مبقلهاش حاجة
    و كنوع من التردد فى الذهاب معه فى الكشف المنزلى و كمان كنوع من كسب الوقت او تضييعة فى التفكير للذهاب معه او عدم الذهاب فى شيء مفيد قررت ابدأ آخد شوية هيستورى
    قولت له: طيب قول لى انت تقرب لها ايه؟؟
    قال: احنا جيرانها
    طبعا اجابه مكنتش عاوز اسمعها لأن دا معناه انى مش عارف آخد منه هيستورى كويس او موثوق فيه بس انا كملت برده
    قلت له: طيب هى بتتعالج من حاجة
    قال: آه عندها السكر
    و هنا نورت فى دماغى لمبة الديابيتيك كوما
    كويس الهيستورى بدأ يجيب نتايج و بدات اكون فكرة عن الحالة الى انا رايح اشوفها
    و عن الحاجات الى هحتاجها معايا و انا رايح
    بصيت للممرضة و قولت ليها: طبعا معندناش جهاز قياس سكر؟؟
    قالت لى : ما انت سيد العارفين يا دوكتور
    قولت للراجل : طيب انتو مطلبتوش الاسعاف ليه طالما الموضوع كدا
    رد عليا و قال لى: احنا طلبنا الاسعاف و هو موجود هناك
    قولت: طيب انتو عاوزيننى فى ايه؟؟
    الاسعاف هناك مأخدهاش المستشفى ليه؟؟
    و كمان هما مش معاهم دكتور؟؟
    الراجل: المسعف بس هو الى هناك و بيقول انه عاوز دكتور دلوقتى
    طبعا فى اللحظة دى استرجعت فى بالى ايام ما كنت مكلف فى الاسعاف
    و قولت فى عقل بالى الناس دى بتستهبل و لا ايه؟؟
    ازاى الاسعاف هناك و مأخدش الست
    و كمان عاوز دكتور طيب ما الاسعاف بيبقى معاهم دكتور
    هما بتوع الاسعاف بيستهبلو ولا الناس دى هيا الى بتستهبل
    الموضوع واضح انه فيه حاجة مش مظبوطة و كمان كدا انا قلبى مش متطمن

    المهم شوية الضمير نقحو عليا و قررت انى هروح و خلاص و الى هيحصل يحصل
    مع ان قلبى مكانش متطمن خالص بس انا اخدت القرار

    قولت لهم: طيب يلا نروح هو المكان فين؟؟
    طبعا انا معرفش فى شطا دى غير مكان الوحدة الصحية بس والى بنزل قدامة من الميكروباس مباشرة بدون الدخول فى اى شارع او حارة فالسؤال دا كان على سبيل العادة بس
    ردو عليا: البيت فى المساكن الشعبية الحمرا و متقلقش يا دكتور احنا معانا عربية هناخدك فيها
    مش عارف دا فيه مساكن شعبية بالالوان فى شطا

    و ركبت معاهم العربية
    و مشيو فى الطريق السريع عكش الاتجاة
    قولت عادى الواحد يعتبر انه فى عربية اسعاف

    المهم وصلنا البيت
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  3. #83
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي منجيلكوش فى حاجة وحشة ابدا

    العمارة فى المساكن الشعبية و طلعت صفرا مش حمرا
    و الناس نزلو من العربية و نزلت معاهم
    و لاحظت و انا داخل الشارع عربية الاسعاف واقفة على الناصية و احنا داخلين
    المهم الناس نزلو و طلعو على السلالم فى العمارة جرى
    و انا وراهم بجرى
    طلعو دور
    التانى
    التالت
    الرابع
    المهم بطلت اعد الادوار
    و فى دور لاقيت الاربع شقق الى فيه ابوابهم مفتوحى و طالع من كل باب حولى مش اقل من عشرين راس
    و توقعت ان دا هو الدور
    بس الناس الى معايا لسا بيطلعو للدور الى فوقه
    و انا وراهم
    المهم الدور الى فوقه برده الاربع شقق الى فيه ابوابهم مفتوحة و طالع من كل واحد اكتر من عشرين راس
    و اول ما وصلنا الدور دا الناس الى موصلينى البيت
    قالو: و سعو يا اولاد الدكتور جه
    و طبعا كل الانظار كانت متوجهه لى
    مش عارف اشعر بالفخر
    و لا احزر من هول المصيبة الى كنت متوقع انى اتدبس فيها

    الناس دى هيكون رد فعلها حاجة من اتنين
    يا اما هيشيلوك على راسهم لو ربنا وفقك
    يا اما هيقتلوك لو متوفقتش

    المهم انا دخلت البيت الشقة الى فيها الحاجة يعنى
    و برده كان فيها تقريبا مش اقل من تلاتين فرد
    و كلهم قاعدين يقولو: اتفضل يا دكتور
    و لاقيت المسعف مستنينى على باب غرفة المريضة
    حبيت اعمل حتة منكش كدا عليه عشان ابين انه غلطان انه مخادش الحالة و حتى مجابش الدكتور النبطشى معاه
    و عشان الواحد برده يبين انه مهتم قوى او متأثر بالموقف
    و قولت له بحزم و بصوت عالى: انت مين؟؟ و فين الدكتور الى معاك؟؟
    المهم انا مستنيتش الرد
    و قولت له: فين الحالة؟؟
    قالى: فى الاوضة دى اهه اتفضل يا دكتور
    دخلت





    الحالة مزرقة جدا
    cyanosis
    الحالة قاطعة النفس
    حطيت ايدى على
    carotid pulse
    مفيش

    يادى المصيبة

    هات يا ابنى سماعة بسرعة

    السماعة
    no heart sounds
    و لمدة اكتر من دقيقة برده
    no heart sounds

    يا رب طيب اى حاجة
    اى حاجة
    tachy cardia
    bradycardia
    اى حاجة
    انما كل الى انا سامعه
    Acardia
    '
    طيب لما اشوف كدا الــ
    cornial reflexes
    بفتح عينيها
    ايه دا ؟؟
    ايه الى انا شايفة دا؟؟
    دا
    dilated fixed pupil

    ايه دا الحالة متوفية ولا ايه؟؟

    اكيد الى انا شايفه و سامعة دا؟؟
    اكيد؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    لو قلت اكيد و بلغت الناس دا معناه ايه؟؟

    المشكلة انى بشوية الحاجات الى عملتها دى للعيانة الناس بقى عندها اعتقاد ان الحالة كويسة او هتبقى كويسة بدليل انى بعمل حاجة
    و فضلو يقولو لى: ايه يا دكتور الحالة ايه؟؟
    و ان طبعا مبرودش و بقول اصبرو يا جماعة سيبونى اشوف شغلى

    المهم بعد التأكد من التشخيش
    و الى مكونتش عاوز انى اتأكد منه ابدا
    و كنت بدور على اى علامة للحياة فى الست اتعلق عليها و اعملها انعاش قلب و صدر
    اى حاجة؟؟
    اى علامة؟؟

    يادى الموقف انا قلبى كان حاسس

    المهم طبعا انا فيه حوالى خمسين عين بتبص عليا و على العيانة

    المهم اعمل ايه ؟؟
    اعمل ايه؟؟
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  4. #84
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي my 1st diagnosis of death

    شوفت اقرب اتنين من الحالة و منى
    و قولت لهم: حضرتك مين؟؟
    قال لى : انا جوزها
    و قولت: و حضرتك مين؟؟
    قالت لى : انا اختها
    قلت للناس الباقية: طيب ممكن يا جماعة كلنا نخرج برا الاوضة لأنى عاوز الناس دول فى كلمتين؟؟
    الناس طبعا بدأت تحس
    و بدات اسمع عييط من شابة كانت واقفة برده بالقرب من الحالة و كانت بتقول
    ليه يا دكتور؟؟
    هو فيه ايه؟؟
    و انا ارد عليها : يا ماما لو سمحتى بس ممكن تنتظرى برة الاوضة شوية لو سمحتى ولو سمحتى ممكن تهدى؟؟
    يلا يا جماعة لو سمحتو
    المهم الاوضة بدأت تخلو من الناس
    و بعد كدا اتجهت للراجل جوزها
    و قولت له: البقاء لله يا حاج الحالة متوفية
    و الموضوع دا بقالة فترة يعنى مش من قريب
    و الراجل المسعف عمل الى عليه و حاول يعمل للحالة انعاش قلب و صدر قبل ما اوصل زى مانت شوفت و زى ما هو قال لى بس متوفقش و حب انه يستعين بدكتور عشان يتأكد ان الحالة توفت
    الراجل طبعا كان واقف راح قاعد على السرير و بان عليه طبعا التأثر الشديد لكن الست اختها كانت ناشفة شوية و زى مايكون كانت متوقعة
    لكن الراجل يا عينى بالرغم انه اكيد كان حاسس لكن مكانش راضى يصدق احساسه لغاية لما انا صدمته و اكدت له ان احساسه كان حقيقى
    المهم انا قلت لهم كدا و قلت لهم انا عاوز حد منكو عشان نكمل بقية الاجراءات فى الوحدة الصحية مع الطبيب الاول و الى هيتأكد بنفسه كمان من الحالة
    البقاء لله
    و فتحت باب الاوضة حطيت وشى فى الارض
    و جريت لأ مجريتش انا طرت على الباب و من الباب على السلم و نطيت الكذا دور فى نطتين
    و الناس الى كانو جابونى من الوحدة حصلونى و وصلونى الوحدة تانى
    و هناك اتصلت بالطبيب الاول عشان ننهى الموضوع
    و دى كانت من اعقد المواقف الى مريت بيها
    و من اصعبها
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  5. #85
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي

    طبعا دا اعتبره اصعب تشخيص ممكن دكتور يا خده فى حياته
    لأنه لا يقبل الخطأ
    او مينفعش تغلط فيه؟؟
    لأنك لو غلط فيه تبقى مصيبه

    لأنك هتتسبب فى دفن انسان حى

    او حتى لو قام تانى قبل ما يدفنوه هتبقى مصيبة بالنسبة للدكتور
    تخيلو بقا ايه الى ممكن يحصل لو الدكتور قال قدام الحشد الكبير دا من الناس ان الحالة متوفية
    و بعد كدا طلعت لسا عايشة؟؟؟؟؟؟؟

    الواحد لغاية دلوقتى لسا خايف

    ربنا يستر علينا كلنا
    و ربنا يسترها معانا
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  6. #86

    افتراضي

    السلام عليكم و رحمة الله و بركاته

    صحيح يا اسمر ده اصعب تشخيص الواحد يقابله
    بس انت جيت على الجرح

    الموقف ده حصل يوم الاتنين اللي فات




    الساعة تقريبا واحدة و نصف بعد منتصف الليل
    و انا قاعد مع العمال اللي بيباتوا في الوحدة "مستشفى قروي" و بستعد اطلع السكن لقيت جماعه جايين
    بيقولو عاوزين الدكتور
    خير ؟
    واحد قال ان عمه في غيبوبه و مش عارفيين مات و لا لأ و انهم ساكنيين جنب المستشفى
    المهم
    اخدت واحد من العمال و رحنا معاهم
    على اول الشارع اللي فيه البيت سمعت الصويت و بدا يزيد كل ما قربنا من البيت و لقيت الموقف المتكرر الكئيب الستات قاعدين يصوتوا و ال جاله متكومين في الاوضة جنب السرير اللي عليه المريض
    مكنتش محتاج اخد اي معلومات عن المرض
    Ascites
    spider man shap
    مريض كبد
    بعد الفحص كانت الكلمه المتوقعة مني و من اهل العيان
    البقاء لله

    رجعنا الوحدة



    بعد صلاة الفجر كان النداء

    لا اله الا الله محمد رسول الله عليها نحيا و عليها نموت و عليها نبعث ان شاء الله
    توفى الى رحمة الله "فلان الفلاني" و الدفنة الساعة 9 ان شاء الله و البقاء و الدوام لله

    و فتحت التلاجة بشرب و الازازة على بقي سمعت حاجة غريبة في الميكروفون
    حاولت اركز اتهيالي اني سمعت كلمة "صاحي"

    صاحي ؟؟ مين اللي صاحي الراجل اللي مات
    يادي المصيبة هو في ايه؟ انا متاكد
    صاحي يالهوي

    بس دول نادو في الاول انه مات
    و انا متاكد

    قعدت جنب الشباك مستني الجوامع التانية لما تخلص صلاة بعد ما خلصوا لقيتهم بيندهوا ان الراجل مات و ان الدفنه الساعة 9 يمكن الراجل اللي جاب الخبر انه صاحي لسة ماوصلهمش
    بعد شوية مافيش حاجة


    المهم نمت



    صحيت الصبح الساعة ثمانيه على النداء الاتي


    لا اله الا الله محمد رسول الله عليها نحيا و عليها نموت و عليها نبعث ان شاء الله
    توفى الى رحمة الله "فلان الفلاني" و الدفنة الساعة 9 ان شاء الله و البقاء و الدوام لله


    auditoray hallucination يادي
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  7. #87
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي

    يا جماعه انا مش عارف اشكركم إزاى على المواقف دى و اللى بكل التأكيد حتفيدنا بعد كده فى مواجهه حياتنا العمليه
    جزاكم الله خيراً

  8. #88
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    11

    Unhappy

    فعلا مواقف الموت دي من اصعب المواقف
    الل ي ممكن نتحط فيها كادكاترة
    وحصلت معايا بردة كتير
    واه بقى لو كانت مع حد تعرفه
    زي الي حصل معايا
    كانت واحدة جارتنا وسقطت من الدور التالت
    كنت بذاكر في البلكونة
    وسمعت صريخ رهييييييييييب
    رمييت الكتاب من الرعب
    ولا قيت ناس بترجي في الشوارع
    انا والله افتكرت ان في زلزال او بركين او اسرئيل بتهجم على مصر
    وركبي سايبة من الرعب
    نزلت اشوف في ايه
    قالو انها وقعت من الدور التالت
    طبعا انا قولت انا ماليش دعوة
    بعد تجربة المستشفي في الاجازة قولت توية اني اشوف اي حالة بعد كدة
    كان في واحد من حظي النحس
    بيشتغل سواق في الاسعاف
    وكان فاكر اني دكتور
    قولتله لا ياعم انا طالب انا ماليش دعوة
    يمين في شمال ابدا الناس مسكو فيا شوفها قبل ما الاسعاف او الدكتور يجي
    وانا بضرب كف بكف
    لكن كان فيه عشرات الايادي بتزق فيا للدخوا وانا مش قادر اقاوم
    المهم دخلت وانا شاخص البصر طب يارب هاتصرف ازاي
    لكن عشان انا شوفت حاجات زي دي قبل كدة
    عملت اللي اقدر عليه
    وشوفت البالس والايت رفليكس والجاجيولار فيين
    ومش قادر انطق بكلمة غير اني بدعي في سري يارب انقذني
    والحمد لله جه الدكتور وكان معرفة ليا وقالي اخلع انت
    وانا علىراي الدكتور الاسمر طيارة مش جري
    والعرق مغرقني وبلعن اليوم اللي دخلت فيه الكلية دي
    وقعدت اقول في نفسي روق روق
    **
    ))
    ما فيش دقايق وانا في البيت
    لاقيت زاحد جارنا قريب الست دي
    وزميلي
    الحقنا الحقنا قولتله خير
    قالي نينتي بعد اللي حصل جالها ازمة
    وبتوع الاسعاف جايبنلها اسطوانة اكسجن ومش عارفين نفتحها
    وانا اضرب كف بكف تاني
    لا حول ولا قوة الا بالله
    قولت الواد صاحبي ولازم اعمل معاه واجب
    روحت اشوف انبويبة الاكجسن دي
    نفتح فيها يمين شمال ما بتلف بس ما فيش اكسجين بيطلع
    والست الكبيرة بتصرخ
    وانا في نص هدومي
    المهم انا قولتلهم جايز تكون الانبوبة فاضية
    ما هو انا مش عارف اتصرف ازاي
    ولازم نرجع الانبوبة الاسعاف ونجيب غيرها
    وانا في نص هدومي
    وقولت انا اتحمل نتيجة قراري
    مما دفعني الى حمل الانبوبة الصغيرة لكن ثقيلة جداً
    وتحمل المشقة اعمل ايه بس ما اهواانااللي لازم اتحمل نتيجة قراري ده
    وروحت الاسعاف
    وفوجئت ان الانبوية بتاعة الكسجين مصممة بحيث ان طريقة الفتح مختلفة يعني عكس الاتجاه العادي اللي بنفتح بيه اسطوانات الغاز مثلا
    ومالقولكوش انا حالتي كانت عاملة ازاي
    مش في نص هدومي لا في عشرها
    واخدو الانبوبة ورجعو البيت
    وانا رميت نفسي في حضن الاسعاف
    اتنفس الصعدااااااء
    وبقول استرها علينا يارب في اليام اللي جاية
    دا احنا ياما هانشوف
    لحظات ياس وصعبة
    بس الزمن بينسي كل حاجة
    هيييييييييييييييييييييييييييييه
    HAMED

  9. #89
    تاريخ التسجيل
    Jul 2007
    الدولة
    المنصورة
    المشاركات
    3,087
    معدل تقييم المستوى
    13

    افتراضي

    ايه المواقف الصعبة دى؟

    دا الواحد حاسس انه لو حصل موقف زى دا معاه مش هايعرف يتصرف
    ربنا يستر




    وجه القمر

  10. #90
    تاريخ التسجيل
    Jan 2007
    الدولة
    el warak-giza
    المشاركات
    215
    معدل تقييم المستوى
    11

    Smile

    احسن حاجة بقى ان الواحد طول ماهو فى كلية الطب ما يجيبش سيرة لحد وما يقولش انة دكتور الا لما يخلص الامتياز بتاعة


    صحيح هنخسر المنظرة بس مش هنعرض نفسنا للاحراج

    رب اغفر و ارحم وانت خير الراحمين

  11. #91
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي

    sa7 ana mwafe2 3ala keda an men bokra we atala3 esh3a enny 7awelt tegara aw adab
    m3a e7tramy lel etneen

  12. #92
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي

    من ساعة ما دخلت كلية الطب

    وانا لما بروح لدكتور ويسالى انتى سنه كام

    بقوله اولى كليه

    ومش بقوله كلية طب

    ههههههههههههههههههههه

    يمكن عشان جربتها قبل كده وقولت لدكتور انى فى كلية طب

    قعد يعقدنى ويقولى انتى محدش نصحك انك مش تدخليها
    وانتى جنيتى على نفسك والكلام ده

    من بعديها حرمت اقول انى فى طب

    هوا انا ناقصه

    حرام عليهم

    ONE FAMILY FOR ONE
    WAY

  13. #93

    افتراضي

    يمكن من ايام الثانوي، الناس لما تحس ان الواد ده ممكن يدخل طب بيبدأو يستشيروه في مشكلاتهم الصحية على فرض انه لازم يكون عارف. مش هيبقى دكتور............!!!!!!!!!!

    وسط المواقف الجامدة اللي انتو قولتوها
    انا عندي موقف صغير

    كنا بنصيف انا و جماعة صحابي برضة زمايلي في الكلية
    المهم و احنا قاعدين ع البحر شوفنا هيصة و ناس بتجري
    قلنا يمكن قرش في المية و لا حاجة
    او حاجة زي تسونامي
    المهم اكتشفنا ان و احد كان بيغرق و طلعوه لكن لسة مش فاق
    انا قاعد افكر اروح اساعد و لا انا مالي. طب لو الراجل ده مات و كنت ممكن اساعده مش يبقى ذنبه في رقبتي.
    المهم جريت زمايلي معايا و روحنا نشوف فيه ايه

    لقينا تجمع حوالي تمانين تسعين واحد حوالين الراجل و اتنين راكبين فوق صدره بيعملولو انعاش مع العلم انه بيتنفس
    انا شوفت اللي بيحصل و اتجننت
    الراجل عمال يطلع في الروح و دول فاكرين انهم بينقذوه

    بعد ما وسعنا الناس روحت اشوف الراجل لقيت نفسه كويس و نبضه كويس لكنه مش في كامل وعيه

    اتكدت ان مفيش حاجة سادة زوره و ان حالة مستقرة فالاسعاف جه و خده عشان يعمله الازم

    في الموقف ده اتعلمت منه ان النظري اللي بندرسه و الموديلز اللي بتشتغل عليها مش ممكن يدوك واحد من ميه من احساسك و انت واقف قدام شخص بيموت و بالذات لو كان طوارئ و ان تفكيرك بيكون بالثانية و احيانا بتنفذ من غير تفكير. و اللي مش لمس و شاف و فحص عيانين مش دكتور.

  14. #94
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي

    kalam mazbooot
    ana m3aak fe keda Winner

  15. #95
    تاريخ التسجيل
    Jun 2006
    الدولة
    ملكش دعوة
    المشاركات
    3,192
    معدل تقييم المستوى
    10

    افتراضي

    كلام جميل يا وينر
    احب اعقب كمان ان لو مش عارف تعمل ايه اوعى تعمل حاجة
    اما كنا في بكالوريوس دكتور جراحة قالنا فيما معناه ان اوعى تعمل حاجة مش قدها
    ليقولو عليك قتلته
    (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

  16. #96

    افتراضي

    the golden role





    FIRST DON'T HARM
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  17. #97
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    تمام كدة كلام ونر صح وجميل
    وكلام برايت اجمل وكلام اروناس اجمل واجمل

    لو مش عارف متعملش
    وساعات كمان لو عارف متعملش وخد بالك من الظروف والوضع المحيط



    ومعلش طولت عليكوا بس عندي موقف كدة احب احكيه


    الموقف الاستهبالي العاشر: هل جزاء الاحسان الا الاحسان <o:p></o:p>


    كان هذا في استقبال مستشفى الشاطبي الجامعي للاطفال (ما هو اطفال ونسا ) في اول الليل حوالي الساعة 11 مساءا <o:p></o:p>
    كان (الريت ) هادئا مما اعطانا الفرصة لنحاول الالتصاق اكثر بالنواب للتدرب على بعض المهارات الاكلينيكية<o:p></o:p>
    وكانت الدكتورة (بسمة ) هي النائب المناوب لهذا اليوم وكانت -على خلاف المعتاد من الطبيبات – مجتهدة ومهتمة وعلى اطلاع جيد بطب الاطفال وزي متقولوا كدة غاوية اطفال<o:p></o:p>
    <o:p> </o:p>
    المهم بينما نحن (انا وزمبل لي اسمه مصطفى ) مع الدكتورة بسمة في غرفة الملاحظة نحاول ان نتعلم منها كيفية تركيب (اي في لاين ) لطفل رضيع في رأسه (علشان لقينا الاوردة صعبة جدا في غيره)<o:p></o:p>
    اذ بضجة شديدة وصراخ وعويل و و و <o:p></o:p>
    ودخل علينا حوالي سبعة رجال ومعهم عدد مماثل من النساء ويحمل احدهم طفل على ذراعية <o:p></o:p>
    وقبل ان افهم ما يحدث وقبل ان اتبين ان الطفل يتشنج وقبل ان اعرف ان لونه صار ازرقا وقد خرجت من فمه (رغاوي )بشعة المنظر وقد ايقن اهله ان الولد (بيخلص وبيطلع في الروح )<o:p></o:p>
    قبل كل ذلك وفي اسرع رد فعل رايته لطبيب كانت الدكتورة بسمة قد وصلت للطفل وقد اخرجت امبول (نيوريل ) وكسرته وفرغته في السرنجة و(بمعجزة ما ) تحقن الطفل بالنيوريل في الوريد (جابت وريد منين ؟ ) ليسترخي الجسد فجأة بعد كل هذا المجهود العنيف كل ذلك في (نو تايم ) كما يقول الامريكان <o:p></o:p>
    كان الانبهار مسيطرا على الجميع حين استرخى جسد الطفل تماما بعد هذه التشنجات العنيفة وبعد مرور الازمة بسلام وكان لايزال الانبهار مسيطرا كذلك حين وضع الاب ولده جانبا وهو يصيح بصوت هادر : ابنيييييييي ابني مات ياولاد ال...<o:p></o:p>
    ابني , قتلتوا ابني انا هخرب بيتكوا<o:p></o:p>
    وقبل ان نحاول الشرح ان الولد لم يمت بل استرخى بعد التشنجات <o:p></o:p>
    كان الرجل ومن معه من رجال ونساء (حوالي خمستاشر بني ادم ) ينهالون على الطبيبة المسكينة ضربا بالايدي والارجل والسب والشتم بافظع الالفاظ واكثرها انحطاطا <o:p></o:p>
    ضربت كما لم يضرب (رجل ) من قبل واهينت كما لم يهن طبيب من قبل<o:p></o:p>
    <o:p> </o:p>
    وقبل ان نتمكن من تخليصها بمساعدة الامن كانت قد تحولت الي حطام <o:p></o:p>
    تورمت عيناها وكسرت انفها وسال الدم من شفتيها وتهشمت (نظارتها ) كل ذلك وهي حتى لم تبكي لانها لم تفهم ما يحدث ولم تجد الوقت الكافي لتفهم <o:p></o:p>
    <o:p> </o:p>
    تحرك الولد وبكي وسعل وبكي وعلا صوته بالبكاء فتنبه عندها اهله لما فعلوا <o:p></o:p>
    <o:p> </o:p>
    لم تفلح بعدها اي محاولات للاعتذار للطبيبة المسكينة <o:p></o:p>
    اعتذر الرجل واعتذرواعتذر ولكنها لم تكن هنا<o:p></o:p>
    لقد ظلت لثلاث ساعات متواصلة متكومة على الارض في ركن الغرفة وقد جلست واضعة رأسها بين ركبتيها وتنشج نشيجا يقطع القلب <o:p></o:p>
    <o:p> </o:p>
    لم تعد الدكتورة بسمة كما كانت من قبل <o:p></o:p>
    لم تعد مشرقة مبتسمة<o:p></o:p>
    لم تعد متحمسة وسريعة التصرف<o:p></o:p>
    لم تعد مستعدة لتعليم غيرها من اطباء الامتياز <o:p></o:p>
    لم تعد محبة لطب الاطفال كما كانت من قبل <o:p></o:p>
    ولم اسنطع ان اتعلم منها شيء ولا حتى ان اتكلم معها في الفترة الباقية لي من تدريبي في قسم الاطفال (حوالي شهر ونصف ) <o:p></o:p>
    لانها لم تستطع ان تغفر لي ان كنت هناك ورأيتها وهي تهان بهذا الشكل <o:p></o:p>
    <o:p> </o:p>
    <o:p> </o:p>
    <o:p> </o:p>


    صوت السلف........ معا على طريق الجنة

  18. #98

    افتراضي

    السلام عليكم
    وحشتنا يا عمده


    الحكاية دي بتاكدي اللي انا مقتنع بيه جدا اننا شعب في كتير من الاحيان لامؤاخذة .............و بلاش اكمل
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  19. #99
    تاريخ التسجيل
    Jun 2007
    الدولة
    مصر
    المشاركات
    268
    معدل تقييم المستوى
    10

    افتراضي

    د.عماد موقف الدكتورة دى اثر اوى ف نفسى معرفش ليه تعاطفت معاها اوى كده لدرجه انى نفسي اتعرف عليها

    عارف ايه ال هيردلها اعتبارها
    ان مدير المستشفي يصدر قرار بمنع دخول اكتر من اتنين مع كل مريض هيا رحله ولا ايه؟
    والمفروض المستشفي ترفع على اهل الولد قضيه رد شرف او رد اعتبار
    طب افرض ان الولد كان مات فعلا ف الحاله دي هى ذنبها ايه هى عملت ال عليها
    شعب فعلا ..........ولا بلاش

  20. #100
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    متشوفش وحش يا اروناس
    معلش كان (ولا زال ) عندي شوية لغبطة كدة في الشغل والدراسة والبيت فمكنتش لاقي وقت انتت

    المهم انا بخير ويارب يكون انت كمان وكل الزملا في المنتدي
    صوت السلف........ معا على طريق الجنة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. إلى الشباب المواقف الشرعية تجاه الجماعات الإسلامية
    بواسطة د/ ربيع أحمد في المنتدى إسلاميات
    مشاركات: 27
    آخر مشاركة: 20-03-2008, 04:01 PM
  2. مشاركات: 0
    آخر مشاركة: 06-01-2008, 05:12 PM
  3. مدرسة المواقف!!
    بواسطة broken nonna في المنتدى إسلاميات
    مشاركات: 23
    آخر مشاركة: 28-10-2007, 05:00 AM
  4. صناع الحياة ... معاً نصنع الحياة
    بواسطة مصباح في المنتدى فى العضل ..
    مشاركات: 70
    آخر مشاركة: 18-02-2007, 07:23 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •