صفحة 6 من 12 الأولىالأولى 1 2 3 4 5 6 7 8 9 10 11 12 الأخيرةالأخيرة
النتائج 101 إلى 120 من 236

الموضوع: المواقف الاستهبالية في الحياة الطبية .... متجدد

  1. #101

    افتراضي

    اقتباس المشاركة الأصلية كتبت بواسطة dr kity-kity

    ان مدير المستشفي يصدر قرار بمنع دخول اكتر من اتنين مع كل مريض هيا رحله ولا ايه؟


    اكتر من رحلة يا دكتورة
    دا اللي حصل ده في مستشفى جامعي فمابالك بالامن في المستشفيات الحكومية

    بطيخ بمعنى الكلمة
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  2. #102
    تاريخ التسجيل
    Feb 2003
    الدولة
    حــلــوان
    المشاركات
    299
    معدل تقييم المستوى
    15

    افتراضي

    و أين الأمن في المستشفى ؟؟؟
    قديما..كنا ندفع من أموالنا لنشتري لقب ........باشا
    أما الآن...ندفع من سنوات عمرنا لنشتري لقب....دكتور

    الــــــكـــــــــحـــــــــــكـــــــــي

  3. #103
    تاريخ التسجيل
    May 2003
    الدولة
    إمارة الواء الواء
    المشاركات
    1,216
    معدل تقييم المستوى
    16

    افتراضي

    هىهىهى
    موقف لسه حاصل حوالى اسبوعين:
    المستشفى اللى شغال فيها 5 ادوار
    و الساعة 3 صباحا التليفون رن
    الممرضة بتقوللى معاك مفتاح المخدرات
    قلتها فى ايه؟
    قالتلى فى حالة فى الدور السادس
    استعجبت
    طلعت الخامس و بقولها فين الحالة
    بتقوللى فوق
    هوا مش فوق السطح
    قالتلى اه
    الامن كان عامل احتفالية فوق
    و كان معاهم واحد ضريييب
    الجرعة تقريبا كانت قليلة
    فالامن قال الدكتور مفتاح المخددرات يفتح و يظبطله الجرعة
    لما بتاع الامن قاللى كده سيبته و نزلت
    و انا نازل اجيب الموبايل عشان اجيبلهم البوليس
    و انا نازل قابلت الممرضة
    قلتها كل واحد من دول3 امبول لازيكس عضل
    و نزلت كلمت النجدة و وصلوا بعد نوص ساعة و المزجانجية اللى فى السادس بيتخانقوا على الحمام
    ظبطوبهم تظبيط
    والظابط قاللى الامبول بكام : قلتله اسأل الممرضة
    و سيبتهم و نزلت اكمل نوم على الساعة 4ونص

    لما صحيت عرفت ان الظابط دفعهم 10 جنيه لكل امبول لازكس



    موقف اول مرة اتعرضله من نوعه
    بس ربنا ستر
    No pain , No gain

  4. #104
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    الموقف الاستهبالي الحادي عشر:نيران صديقة

    في استقبال مستشفى ابي قير العام التابع لوزارة الصحة, تعلق لوحة ارشادية فوق رأس الطبيب وهو جالس مكتوب عليها: يمنع تماما اي تعامل من طرف طبيب الاستقبال مع حالات الاطفال او النساء وتحول مباشرة الى الزميل الاخصائي المناوب في قسم الاطفال والنساء

    وفي ليلة من ذات الليالي كنت قاعدا في الاستقبال حوالي الساعة 3 بعد منتصف الليل تدخل على شابة ومعها رجل وسيدة عجوز

    كانت الفتاة الشابة تمسك باسفل ظهرها بطريقة الحوامل وتتألم بشدة

    السلام عليكم
    وعليكم السلام الف سلامة خير؟
    عاوزين دكتورة النسا لو سمحت
    كشف نسا يعني ؟
    ايوة ان شاء الله
    طب حضرتك معلش هتروح مع العامل لقسم النسا دكتورة النسا هناك
    شكرا يا دكتور
    الشكر لله

    يأخذ العامل الحالة ومرافيقيها الي قسم النسا (مبنى يبعد عن الاستقبال حوالي 100 متر مكون من اربعة طوابق ,في الارضي استقبال النسا والتوليد وفي الثالث قسم النسا وسكن الطبيبات) ويعود بعد حوالي ثلث ساعة وهم معه كذلك ومعهم تذكرة مكتوب فيها:
    برجاء استدعاء الزميل اخصائي الجراحة لتوقيع الكشف الطبي على الحالة بالاستقبال

    طبعا انا مكدبتش خبر وبعت جبت الزميل الاخصائي بتاع الجراحة (الي كان دكتورة اسمها سلوى وكانت شاطرة بس عصبية جدا )

    كل دا وانا معرفش ايه الموضوع

    تدخل الدكتورة اخصائية الجراحة الي الاستقبال محمرة العينين ويبدو عليها الارهاق الشديد

    ايوة يا دكتور ايه الحالة ؟
    دي حالة نسا يا دكتورة والاخصائي بتاع النسا حولها على حضرتك
    ايوا حالة نسا ايه يعني ؟
    معرفش , ممنوع اننا نتعامل مع حالات النسا والاطفال
    فين الحالة ؟
    اتفضلي حضرتك

    تدخل دكتورة سلوى الي ما وراء الستارة وبعد حوالي دقيقتين تخرج ( كالاعصار)

    يا دكتور عماد لو سمحت انا تحت امرك في اي وقت بس مينفعش كدة انا من لحم ودم برضه انا شغالة من الساعة 8 الصبح كدة اسمه تهريج مش شغل
    تستدعيني الساعة 3علشان حالة (باك بين ) عاوزة حقنه مسكن !!!!!!!!!!!!
    !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!


    انا والله ماهسكت انا هكتب مذكرة للمدير

    طبعا كل هذا كان امام الحالة وزويها
    سألتهم
    هو المدام بتشكي من ايه ؟
    دي انسة يا دكتور و(ضهرها طرشق) وهي بتكركب في البيت من حوالي ساعة
    طب بتقولوا ليه كشف نسا؟
    امال هنكشف ايه ؟ هي مش واحدة ست ؟(على اساس ان اي ست تشتكي من اي حاجة يبقي دكتور النسا الي يكشف عليها )

    طب ماشي , ياسحر لو سمحت (الممرضة ) ادي للانسة رومارين عضل لحد متجيلنا في العيادة الصبح _عيادة العضم يا جماعة مش النسا


    بس امووت واعرف دكتورة النسا حولتها جراحة لييه ؟
    واستدعاء وتوقيع الكشف على الحالة ومعرفش ايه ؟
    ولا كان نظام رد الزمبة باقوى منها؟

    صوت السلف........ معا على طريق الجنة

  5. #105
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,104
    معدل تقييم المستوى
    16

    افتراضي

    قلتها كل واحد من دول3 امبول لازيكس عضل
    و نزلت كلمت النجدة و وصلوا بعد نوص ساعة و المزجانجية اللى فى السادس بيتخانقوا على الحمام
    ظبطوبهم تظبيط


    دكتور نبيل باشا ارفع لك القبعة بس امبول واحد كان كفاية دول زمانهم دخلوا فى ديهيدراشن


    دي انسة يا دكتور و(ضهرها طرشق) وهي بتكركب في البيت من حوالي ساعة

    صبااااااااح الخير 3 بالليل

  6. #106
    تاريخ التسجيل
    Jun 2007
    الدولة
    مصر
    المشاركات
    268
    معدل تقييم المستوى
    11

    افتراضي

    ولا كان نظام رد الزمبة باقوى منها؟
    الظاهر كده نفس الحكايه حصلت معايا
    مرة جاتلى واحده ف المستشفى وجوزها بيقولى عايزين دكتورة نسا ضروري حالا كانت الساعه 10 بالليل قلتله ماشي بس ليه قالى اصلها وقعت على ضهرها وعايزين نعملها اشعه قلتله ومال ده بالنسا قالى اومال راجل يكشف عليها وقلتله ماانا دكتورة ادامك اهه ولا لازم اكون تخصص نسا عشان تعترف انى واحده المهم خليتها تعمل اشعه وجت دخلت لاقت الراجل فنى الاشعه قام جوزها قال لا استحاله عايزين ست قلتله مش هيكشف هدومها قالى يا واحده ست يابلاش والله دخلت معاها اوده الاشعه وامرى لله لولا ان ضهرها كان واجعها مكنتش عملت كده بس نعمل ايه لعقول الناس

  7. #107
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,104
    معدل تقييم المستوى
    16

    افتراضي

    ايه يا دكتورة واحد وبيغير على المُدام
    مش مشكلة هتلاقى من ده كتير

  8. #108
    تاريخ التسجيل
    Apr 2007
    الدولة
    giza
    المشاركات
    6
    معدل تقييم المستوى
    0

    افتراضي

    السلام عليكم
    بجد الموضوع رائع جدا
    وبيدينا فكره عن اللى هيحصل فينا بعد كده
    بما انى لسه مخلصتش فمش عندى مواقف استهباليه تستحق الذكر الا موقف واحد
    مره كنت فى مستوصف واقفه مع دكتور رمد (اصله بيحب جدا اى حد من الكليه ونفسه يخدمه )
    المهم دخلت واحده ست فى حوالى الخمسين من العمر وحدث الاتى :-
    الدكتور :اتفضلى يا حاجه
    دخلت الست وقعدت ومنطقتش
    الدكتور : خير يا حاجه
    السيده : اصلى مش جايه اكشف يادكتور
    وبرضه قعدت ساكته ومنطقتش تانى
    الدكتور استغرب جدا وبعد لحظات من الصمت المطبق
    الدكتور: امال خير ان شاء الله حضرتك جيالى ليه ؟
    السيده :انا جايه استشير حضرتك فى حاجه
    ثم صمت
    خطيب بنتى يادكتور ثم صمت
    اصله من ساعة مجه وخطب بنتى وانا ملاحظه ان عينه مش طبيعيه
    وبعدين بعد الخطوبه بفتره عرفنا من والدته انه عنده القرنيه المخروطيه
    الدكتور: والمطلوب
    السيده:ايه رأيك يا دكتور
    الدكتور بسعة صدر:فى ايه ياحاجه
    السيده :نكمل الخطوبه ولا لأ
    الدكتور: قالها انا دكتور ياستى انتى عايزه منى ايه بالظبط
    السيده بعد ان زمت شفتيها معبره عن يأسها من الدكتور اللى مش فاهم حاجه :يعنى هما عينيه كويسين
    الدكتور بصبر يحسد عليه أفهمها معنى القرنيه المخروطيه وابعاد المشكله وانه ممكن تصليحها بعملية ترقيع قرنيه حتى لو اصبح الولد مبيشوفش بعينه وقعد يفهمها حوالى نص ساعه
    تصوروا السيده ترد عليه تقوله ايه
    بغضب شديد ولهجه كأن الدكتور هوا ابو العريس او اخوه مش المفروض انه كان يقولنا قبل الخطوبه على الموضوع ده
    رد الدكتور بكل بساطه وهو يكتم غيظه وانا مالى انا معرفهوش وبعدين حضرتك روحى قوليله متقوليليش انا
    بصت للدكتور شزرا وقالتله والبت بتى مش راضيه تفسخ الخطوبه ومتعلقه بيه اعمل فيها ايه
    رد عليها الدكتور بما يوحى انه جاب اخره :انا اللى اعرفه عن الحاله دى فى الطب قلتهوليك وممكن حضرتك تروحيله وتقوليله اللى نفسك فيه
    وبعد خروج السيده انتاب الدكتور حاله من هستيريا الضحك وهوا بيقول هوا انا الخاطبه اللى جبتهولها

  9. #109
    تاريخ التسجيل
    Jun 2006
    الدولة
    ملكش دعوة
    المشاركات
    3,192
    معدل تقييم المستوى
    10

    افتراضي

    جامدة جدا يا ماشي الحال
    بس انا مستعجب من صبر الدكتور ده
    (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

  10. #110
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي

    lol
    shedeeeeeda

  11. #111
    تاريخ التسجيل
    Jan 2007
    الدولة
    el warak-giza
    المشاركات
    215
    معدل تقييم المستوى
    11

    افتراضي

    تعليقا على الموقف بتاع الدكتورة بسمة

    المفروض فعلا ان الامن مايدخلش كل دول هى هيصة ولا اية

    ودة جزاءها؟؟؟؟؟

    حتى لو كان مات هى مالها....

    الجهل والتخلف والفوضى هما اللى جايبينا ورا

    انا لو منها ارفع على شوية الهمج دول قضية
    رب اغفر و ارحم وانت خير الراحمين

  12. #112
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    12

    Angry

    في شوية مواقف حصلتلي في ليلة من اسوأ ليالي الاستقبال اللي عشتها
    *
    وزي مانتو عارفين للامانه بردة مجرد طالب رايح اكتشب شوية خبرات
    فالطبيب المسئول عن الاستقبال بيحب يخلينا نكستب مهارة التعامل مع المريض فيبعتنا ناخد من ريبورت
    وبعدين نقوله ويجي يشوف الحالة
    اصل في حالات كتير تيجي وفي الاخر يطلعو عاوزين يقيسو الضغط
    يقوم الدكتور ينفجر من الغضب
    *
    وفي ليله بدت هادئة جدا
    والدكتور ميت من التعب وكذلك الاستاف بتاع التمريض
    وكله دخل ينام والدكتور قالي حاول تمشي الاستقبال لما اناملي شوية
    عرفت اني هاقضيها زحلقة في الناس
    *
    والمستشفي هس هس ولا حس ولا خبر
    جلست انا وصديقي ندردش شوية مع بعض
    والعملية فل خالص
    كنا قاعدين في الريسيبشن اخر طراوة
    *
    وفجأة دخل رجل يصرخ صراخا مريرا
    عاري القدمين يجري بهرولة يصرخ ويمسك باصبعه
    ااااااااااااااااااااااااااااه ااااااااااااااااااااااااه
    الحقوني
    طبعا انا وصديقي اتنفضنا من الرعب وكنت عاوز اجري انا كمان والله
    المشكلة في الخضة تخيلو واحد بيجري ويصرخ كدة
    تقولش في اسد ولا عفريت وراه
    طبعا مارضتش اصحي اي حد وقولت اتعامل مع الحالة
    فواتتني بعض الجرأة
    وقولتله مالك يا حج خير
    لاقيت اللي صرخ فيا اااااااه صابعي صابعي
    انا سايب ولادي من العصر وما حدش يعرف عني حاجة ااااااااااه ااااااااااه
    مالك يعني
    قالي صبعي مكنة الجاز شكته وصابعه كان ورام قوي
    ولاقيته ابسس كبير قوي
    قولت ما فيش دلوقتي غير المسكن وبكرة يشوفه دكتور الجراحه
    وهووووووب لاقيت الرجل يجري للطرقة بتاعة المستشفي ويسقط ارضا
    ويتقلب على الارض ويصرخ
    وانا وصاحبي ما سكين في بعض شاخصي البصر
    وبعد شوية جري على الريسيبشن ويجي تاني ورمالي كيس ماليان مسكنات
    ورمالي كل الفلوس اللي في جيبه وفضل على الحالة دي
    ومش عاوز اكتر في التفاصيل
    انا صحيت التمريض وادوله كتوفان فايال
    وفضلت المسرحية الصارخة لغاية اما عمل تليفون لاخوه واخوه جه المستشفي وهداه
    وانا لا حول ولا قوة الا بالله
    لكني كنت متأثر بحجم الالم والمعاناة اللي فيها الراجل ده
    وقاللولي ان االالم في الاطراف من ضمن اصعب الآلام في الجسم زي وجع السنان
    *
    ثم عادت الامور لطبيعتها
    والهدوء يخيم على المكان
    وانا وصديقي نواسي بعض والنوم يداعب جفونا
    *
    اذا بمسرحية صارخة اخري
    وبيجري هوا وواحد معاه
    طبعا بردة انا ركبي سابت وبقول وبعيدن في الليله دي بقى
    الراجل ماسك جمبه وبيصرخ
    وبشوية خبرة قليلة ووممكن اكون اخطات
    بس انا عملت نفسي حدق وشخصتها على انها رينال كوليك
    انا شوفت حالات زي كدة كتير
    زكل اللي كان بيعمله الدكاترة بردة هوا المسكن
    *
    وصحيت التمريض
    واخدت الامبول ولسه بعمل الانجيكشن
    لاقيت الراجل بيصرخ واتنفض وهووووووب على الارض يعمل فومتينج
    وسن الابرة كان في الباتوكز
    طبعا انا عمري ما تحطيت في الموقف ده
    انا افتكرت ان الحقنة هيا السبب
    دا انا لسه ما اديتش ربعها حتي
    وانتابتني حاله من الرعب
    انا عملت حاجة غلط ولا ايه
    طبعا كنت خرجت الحقنة واتسمرت مكاني
    والراجل فومتينج فومتينج
    المهم هوا هدي شوية ووريته الحمام كمل فيه وبعد ما هدي كملتله الحقنة
    *
    طبعا انتو بتسالو فين الدكاترة والاستاف بتاع التمريض
    اقولكم ولا حياة لمن تنادي
    وكله منفض او من التعب مش قادرين ولا فايقين دا حتي العمال في سابع نومه والريسبشن والامن
    يعني انا وصاحبي بس اللي في الاستقبال
    *
    المهم انتو مش متخيلين اد ايه انا حاسس بابحباط والم من جوايا
    واصحي في ده ينام التاني
    وانا عمال اقول انا مالي ومال المستشفي بس
    بس كنت بقول لنفسي اصمد شوية
    *
    ورجعنا لمسرحية الهدوء الذي يسبق العاصفة
    بس المرة دي مش قادر اقاوم النوم
    ولاقيت بنك الدم فاضي
    وقولت اريح شوية على السرير بتاع سحب الدم ده
    والله كرسي فل خالص واخر راحة
    وصديقي قالي كفاية كدة
    قولتله ازاي نسيب المستشفي كدة مش هاينفع افرض حصل حاجة واحنا بردة لازم نقوم بالواجب
    طبعا لم تفلح محاولاتي
    ويابني وخلع
    المهم قعدت انا ولسه بغفل تنفجر قنبلة اخري
    ابقى احكيلكو عليها بعدين اصلي تعبت خالص
    HAMED

  13. #113
    تاريخ التسجيل
    Jul 2007
    الدولة
    المنصورة
    المشاركات
    3,087
    معدل تقييم المستوى
    14

    افتراضي

    ربنا يكون فى العون
    بس هو كل دا وانت لسه تعبان مش ارتحت لسه؟
    كمل يا عم


    وجه القمر
    اللهم ارضنى بما شئت .. اينما شئت
    كيفما شئت
    ويسر لى الخير حيث كان

  14. #114
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي

    waiting for the next BomB !!

  15. #115
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    12

    Angry

    اقتباس المشاركة الأصلية كتبت بواسطة dr_0nline
    المهم قعدت انا ولسه بغفل تنفجر قنبلة اخري
    ابقى احكيلكو عليها بعدين اصلي تعبت خالص


    *
    أكمل بقى حكاية الليلة المشئومة دي
    *
    طبعا انا كنت لسه هاغفلي شوية في بنك الدم ومتخفي عن الانظار وقولت ما حدش هايجي دلوقتي وعمال ادعي ربنا
    وفجأة لاقيت الباب بيخبط
    وعامل من عمال المستشفي بيقولي الحق يادكتور في حالة في الاستقبال
    *
    طبعاً انا كنت في حالة يرثي لها من الاحباط
    المهم رحت اشوف في ايه
    لتتكرر مسرحية صارخة اخري
    *
    والراجل بيصرخ بطريقة مريرة بس المرة دي انا كنت حاصرخ انا كمان
    اصل المرادي الراجل بيصرخ من صدره
    وكان جارنا
    ومش قادر يقول حتي هوا ماله غير انه يتنطط يمين شمال ويصرخ صدري صدري هامووووووووت
    الحقووووني هاموووووووووووت
    *
    وماعرفش حتى يقولي ماله
    *
    انا طبعا قلقت جدا وقولت الراجل ده ليكون عنده انجينا ولا امبوليزم
    دا ممكن يموت قدامي
    فجريت على الدكتور اللي كان في سابع نومه
    اصحي فيه يمين شمال
    الدكتور من التعب مش فايق خالص مش واعي ليا واخبط فيه يمين شمال
    اصحي يا دكتور والنبي الراجل بيمووووووووووت
    الدكتور ولا هنا خاااااااااااااالص
    كل اللي بيقوله انه يتمتم بكلام مش فاهمة
    لما مالقتش امل من الدكتور جريت تاني جري على المريض اشوف حصله ايه
    لاقيته بردة بيصرخ وبيزيد في الصراخ حوشوني الحقوني هاموت وكان معاه مراته
    بس المرة دي بقى عرفت من مراته انه كان في عيادة خاصة من شوية
    والدكتور اللي في العيادة حوله على المستشفي ضروري عشان الاسعاف ثم الي الطوارئ
    وجابتلي ورقة لاقيت مكتوب فيها
    *
    الي الزميل العزيز دكتور الاستقبال:::::هذا الرجل بيعاني من
    SEVER CHSET PAIN
    بس دا كل اللي مكتوب
    طبعا امضاء الدكتور المشهور
    وانا للما قريت كدة قولت دي احلوت خالص
    ايه اللي يخلي دكتور كبير يحول واحد ده في المستشفي كدة
    الراجل هايموت ولا ايه
    المهم اخدت الورقة
    وجريت على الدكتور تاني وانا في حالة يرثي ليها بجد
    بس المرة دي
    نزلت ضرب في الدكتور اصحي اصحي اصحي
    مش ضرب ضرب يعني
    هما كام صفعة على الوجه وخبطة في الجمب اي حاجة تفوقه وخلاص
    ولما فاق شوية
    قريتلو الرساله وقولتله ان دا دكتور كبير والحالة صعبة تعالي شوفها انا مش عارف اعمل اي حاجة
    قالي خده واجري اعمله تحويل بسرعة في الاسعاف للطوارئ
    اخدت الراجل للاسعاف
    بس حتى بتوع الاسعاف في عالم تاني
    والراجل ومراته مش عارفين حتي يعملو اي حاجة
    فجريت للدكتور تاني ماتيجي تشوفه انا هاعمله ايه ولا بتوع الاسعاف هايعملو ايه
    قالي خده بسرعه على رسم القلب اعمله الاي سي جي
    وانا بجري زي الاهبل من دا لده في المستشفي
    واخدت الراجل لرسم القلب في الدور التاني
    وطبعا الاستاف بتاع التمريض ناااااااااايم
    اصحي في الناس يمين شمال
    طبعا موت يا حمار بقى
    مش عارف ايه الليلة الغريبة دي النوم كابس فيها على الناس بطريقة غريبة
    وانا اللي مطحون في الاخر
    المهم صحيو ولسه الممرضة بتعمل الاي سي جي في لود من الجهاز ضايع
    وتدور يمين شمال مش لاقيين اللود ده
    والراجل بيصرخ
    وانا اتصبب عرقا وادور معاها على اللود
    والحمد لله لاقينها بعد عناء
    وخلاص بدأت في رسم القلب
    وهوب
    الجهاز يطلع ويكرر من غير ما يكمل يطلع ويكرر يطلع ويكرر
    وطلع عشرة متر اي سي جي متكرر
    وانا عمال الم في الورقة واضرب كف بكف
    ايه النحس دا ياربي
    انا قولت الراجل دا ميت ميت
    وما خرجنيش من الموقف الا ولقيت الدكتور بسلامته دخل ووشه لسه مالحقش ينشف وشه عشان يفوق
    ولاقي احتمال كاردياك انفاركشن
    وهوب وهوب الحق جيب اسبرين اطفال تحسبا للاحتمال وخلص اجراءات التحويل للطوارئ بالاسعاف
    *
    وانا بقى كان نفسي اولع في المستشفي باللي فيها
    وكنت حاسس بانهيار وكنت في الضياع خالص
    وصرخت فيالدكتور توووووووبة اني اقعد في المستشفي ثانية واحدة من دلوقتي
    وجريت جري الملم جراحي في الليلة الكابوس دي
    وربنا ما يوريكو يارب
    HAMED

  16. #116
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    12

    Smile

    *
    دعــــوة للتفاؤل
    *
    الي من يعاني اليوم غدا يوم جديد
    ))
    ((
    -------------------
    ))
    ((
    *
    اسعد القلوب
    *
    التي تنبض للأخرين
    HAMED

  17. #117
    تاريخ التسجيل
    May 2007
    الدولة
    cairo
    المشاركات
    247
    معدل تقييم المستوى
    11

    افتراضي

    ربنا معاكوا والله

    فى الوقت اللى فيه الدولة بتصرف ببزخ على التجمعات الشبابية ومراكز اعداد القادة والنصابين..مش عارفة مجرد انها تدير مستشفى لعلاج الناس الغلابة

    مش كفاية عليهم بيتعزبوا وهم اصحاء سواء...لا..دة لازم كمان تعزبهم وهم مرضى لاحول لهم ولا قوة

    مستشفلى غارقة فى الفساد زى اى مكان فى الدولة...من الممكن بشوية حسن ادارة ترفع المعناة عن المرضى دول

    بس خلاص واضح ان الفساد فى الادارة بقى زى السرطان منتشر فى كل مكان

    وما عدش ينفع معها الا الأ ستئصال..لانملك الا ان ندعوا الى النخبة القليلة الأصلاحية وندعمهم
    سواء فى الا نتخابات او من خلال مراكزنا فى العمل

  18. #118
    تاريخ التسجيل
    Jul 2007
    الدولة
    cairo
    المشاركات
    282
    معدل تقييم المستوى
    11

    افتراضي

    من المواقف اللى بتحصل للدكاترة
    كان صديق ليا مرة فى أول راوند جراحة كان أول درس ليهم
    اذا حصل حاجة للمريض اقلع البالطو ونام على أول سرير يقابلك

  19. #119
    تاريخ التسجيل
    Jul 2007
    الدولة
    كوكب المدينة الجامعية
    المشاركات
    1,861
    معدل تقييم المستوى
    12

    افتراضي

    هههههههههههههههههههههههههههههههههه
    ههههههههههههههههههههههههههههه
    هههههههههههههههههههههههههههههه
    HAMED

  20. #120
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي

    no more lol
    my status is getting worth after all these stories :((((((((((((

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. إلى الشباب المواقف الشرعية تجاه الجماعات الإسلامية
    بواسطة د/ ربيع أحمد في المنتدى إسلاميات
    مشاركات: 27
    آخر مشاركة: 20-03-2008, 03:01 PM
  2. مشاركات: 0
    آخر مشاركة: 06-01-2008, 04:12 PM
  3. مدرسة المواقف!!
    بواسطة broken nonna في المنتدى إسلاميات
    مشاركات: 23
    آخر مشاركة: 28-10-2007, 04:00 AM
  4. صناع الحياة ... معاً نصنع الحياة
    بواسطة مصباح في المنتدى فى العضل ..
    مشاركات: 70
    آخر مشاركة: 18-02-2007, 06:23 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •