صفحة 1 من 12 1 2 3 4 5 6 7 8 9 10 11 12 الأخيرةالأخيرة
النتائج 1 إلى 20 من 236

الموضوع: المواقف الاستهبالية في الحياة الطبية .... متجدد

  1. #1
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي المواقف الاستهبالية في الحياة الطبية .... متجدد

    كنوع من الفضفضة
    كلنا طبعا حصل معاه مواقف كتيير من اياها سواء اتخرج واشتغل او لسه طالب وبيجوا يصحوه في نص الليل علشان يعمل حاجة لسة متعلمهاش
    يركب كانيولا
    يدي حقنه
    يركب قسطرة
    يشيل قسطرة

    المهم المواقف الاستهبالية دي بتحصل مع الكل
    حبيت اقولكم شوية مواقف استهبالية كدة حصلت معايا وانا بزاول الناس قصدي طبعا بزاول الطب مع الناس انا هاحكي الموقف وانتوا علقوا والي عندوا المزيد يمتعنا

    الموقف الاستهبالي الاول:

    وانا قاعد (نايم قصدي ) في السكن فوق بتاع مركز الكيلو 4 في مطروح الساعة تلاتة الفجر في عز البرد والشتا (بقولك مطروح )الجرس ضرب بمعني ان فيه حالة في الاستهبال
    قمت لبست البالطو ونزلت اخبط في الحيطة واتدحرج على السلم
    لقيت راجل عجوز نايم على سرير الكشف
    يا فتاح يا عليم شكله كدة ام اي ولا ايه بس الراجل لوحده ليه ؟
    السلام عليكم خير يا حاج الف سلامة عليك ؟
    الله يسلمك يا دكتور
    مالك ياحاج سلامتك ياوالدي؟
    انا يادكتور (ويسكت شوية وياخد نفس عميق ) انا
    حاسس كدة اني هاصدع

    ايه يا عم الحاج ؟

    حاسس اني هاصدع فقلت اجي لحضرتك تشوفلي حاجة للصداع


    ابتسامة تجمع بين المرح والغل والبرادة والشلل وكل حاجة لو في ابتسامة كدة رسمتها على سحنتي

    طب يا حاج حضرتك ساكن فين ؟

    في العمارة الي جنب المركز على طول يابني

    ماشي يا حاج لما تصدع -كفا الله الشر -ابقى تعالى ونشوف ان شاء الله هنعمل ايه للصداع



    الموقف الاستهبالي الثاني


    في يناير الي فات راجع من الشغل زي الساعة واحدة بعد منتصف الليل (تلامة من الدكتور الي جاي يستلم والله ) المهم راجع خلصان وبعد خلصان بشوية مشفتش مراتي وابني بقالي يوم كامل 24 ساعة
    المهم مصدقت دخلت البيت وخلعت الجذمه والدنيا بره ايه عواصف واعاصير وسيول
    الموبايل بيرن
    دا ماجد (صديق دراسة من ايام اعدادي وبقي محاسب )
    السلام عليكم ازيك يا ابوحبيبة
    ازيك يا دكتور صحتك عاملة اية؟
    الحمد لله؟ خير يا ماجد في حاجة ولا ايه ؟
    ايوا يا عماد والله البنت تعبانه جدا
    لا حول ولا قوة الا بالله مالها ؟
    مش عارف كدا فجأة في حاجة غريبة ظهرت في رقبتها وعماله ترجع
    حاجة غريبة ازاي يعني ؟
    مش عارف حاجة حمرا كدة وشكلها يخوف
    ظهرت فجأة كدة يعني ؟
    انا مشفتهاش الا دلوقت ومامتها بتقول مكانتش موجودة قبل كدة
    طب يا ماجد هي سخنة ولا حاجة ولا لونها ازرق
    لا لا مافيش حاجة من دي
    وبترضع كويس وصدرها مش بخروش ولا حاجة؟
    لا
    طب انا بكرة ان شاء الله وانا راجع من الشغل هعدي عليك اشوفها
    لا ياعماد لو مش هتيجي دلوقت انا هروح بيها للدكتور
    دكتور ايه يبني ؟ الجو وحش جدا وانا شايف ان مفيش حاجة خطيرة يعني تستاهل تطلعها في الوقت دا
    انت اصلك مشفتش رقبتها عامله ازاي
    خلاص يا ماجد انا جاي
    في الواحدة والنصف في الشتا والبرد بعد يوم مايعلم بيه الا ربنا اروح لماجد ماشي حوالي كيلو ونص
    علشان الاقي البنت بتقشط بعد الرضاعة (هو بيقول بترجع) والفولدز بتاعة رقبتها محمرة شوية علشان القشط بيجي عليها ومابيتمسحش كويس!!!!


    الموقف الاستهبالي الثالث:
    في المستشفى الي انا شغال فيها في ميامي قبل الفجر بشوية اذ بسيارة فاخرة ينزل منها شاب في غاية الاناقة والشياكة
    لو سمحت انا كنت عاوز دكتور يجي معايا البيت
    خير؟
    ابدا المدام تعبانة شوية؟
    طب لحظة واحدة
    اجهز الشنطة بتاعة الزيارات واتوكل على الله
    (بصراحة العربية البي ام دي خطيرة قوي )
    وانا راكب معاة قلت ادردش شوية اخد فكرة عن الحالة يعني

    هو المدام بتشتكي من اية ؟
    والله يا دكتور انا معرفش بالظبط هما اتصلوا بيه وقالولي هات دكتور
    يعني انت اخر مرة شفتها كويسة من اد ايه؟
    انا بقالي فترة مش فالبيت وعامل معاها كلاش من فترة
    بس الموضوع اننا كنا متفقين ان مفيش حمل دلوقتي فاهم حاجة انا عاوز اعرف هي حامل ولا ايه؟
    الله المستعان

    تتوقف السيارة امام بيت تحت التشطيب مظلم
    ونصعد السلم المظلم الغير ممهد الي الطابق الوحيد المأهول والاخير
    (غريبة جدا العربية مش ماشية ابدا مع البيت )
    يضرب الجرس
    الباب يفتح وتطل فتاة شابة يبدوا انها لم تكن على استعداد كاف لاستقبال غرباء
    الدكتور معايا
    اتفضل يا دكتور
    شقة ليست بالمتسعة ومستوى نظافتها على سيء من الاهمال والاثاث يشبه الي حد كبير اثاث شقق المصيفين
    يعني كنبة كدة وكرس كدة وتلفزيون على الارض في الصالة وكدة يعني
    وهناك حوالي ستة او سبعة فتيات في سن متقارب (ويبدوا ان جميعهم لم يكن مستعدا لاستقبال اغراب ) وامرأة كبيرة ينادونها ب يماما
    المهم (االمدام بتاعة البية ) نايمة بلبس خروج على سرير سفري كدة السفنج ده ويعني قال مغمى عليها
    خير يا مدام ؟
    انا يا تشكتشور اخدت شريط برشام
    شريط ايه ؟
    دا (ابيمول اكسترا )
    كان كامل؟
    لأ كان فيه حوالي نصه
    من امتى ؟
    من حوالي ساعتين تلاتة كدة
    طب ماشي
    (ضغط ونبض وحرارة ) ..... شغال
    لا الف سلامة عليكي يا مدام
    انا يا دكتور البريود مجاتليش الشهر دا
    متأخره بقالها ادية يعني ؟
    حوالي اسبوع كدة
    طب يريت تبقي تحللي الصبح في المعمل

    خير يا دكتور حامل؟
    (بجفاء )ان شاء الله التحليل يبن ؟
    ثم (بجفاء اكبر ) استأزن بقى علشان الحق الصلاة؟

    اه اتفضل يا دكتور اتفضل
    وعندما وصلنا الي العربية اذ برجل ليث غضنفر ينحني على صاحب السيارة : هو حضرتك كنت فين يا باشا
    انا كنت فوق
    اه فوق عند مين يعني؟
    (وهو يبتعد بالسيارة ) عند ام محمود!!!!!!!!

    لم اتمالك نفسي ان سألته : هو حضرتك شغال ايه؟
    بنظرة زباله زيه ... انا ملازم شرطة !!!!!!!

    ونكمل بعدين ان شاء الله

    صوت السلف........ معا على طريق الجنة

  2. #2
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي

    i can't say more than
    LoL

  3. #3
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,104
    معدل تقييم المستوى
    16

    افتراضي

    (ويبدوا ان جميعهم لم يكن مستعدا لاستقبال اغراب



    التعبير ده جامد




    حلوة زبالة زيه دى

  4. #4
    تاريخ التسجيل
    Jun 2006
    الدولة
    ملكش دعوة
    المشاركات
    3,192
    معدل تقييم المستوى
    10

    افتراضي

    ايه ده يا دكتور متكمل الحدوتة
    انا مش بحب شغل في الحلقة القادمة ده
    (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

  5. #5
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    جمييييييل

    ازاى الاولاد ؟

    وانا كمان ;)

  6. #6
    تاريخ التسجيل
    Jul 2007
    الدولة
    المنصورة
    المشاركات
    3,087
    معدل تقييم المستوى
    13

    افتراضي

    يالهووووووووووووووى
    انا لو الموقف دا حصل معايا كان جرى لى حاجة
    كنا هامووووووووووووووووووووووووت الله يكون فى العون


    بس عاوزين تكملة للموضوع



    وجه القمر

  7. #7
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    موضوع جميل جدا يا تشكتشور
    بصراحة الراجل الأولاني يشل
    لكن انت ادعي بقى إن صاحبك ما يدخلش المنتدى هنا بالغلط

  8. #8
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي

    حلو اوى الموضوع ده يا دكتور

    منتظرين المزيد

    ONE FAMILY FOR ONE
    WAY

  9. #9

    افتراضي

    السلام عليكم

    جميل جدا يا عماد
    مستني الباقي علشان عندي موقفين تلاته كده بس بصراحة مش زي اللي انت بتقول عليه ده

    اسكندريه بقى
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  10. #10
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    السلام عليكم

    نتاوي : اضحك الله سنك دائما

    سامح: مشكور على التعليق . دايما كدا متأمل علطول؟ شكلي كدا هحبك

    حبيبي برايت : ولا انا والله يا برايت بحب موضوع الحلقة القادمة بس معلش اعذرني لما تشتغل وتتجوز هتعرف ان اخوك معذور

    كلمنتينا : ربنا يجبرك بخاطرك , وبتسأفيلي كمان ؟ يارب دايما

    اسلام :متخفش يا سلم الراجل محاسب وفي السعودية دلوقت (اايه الي هيجيبه لحد هنا في المنتدي ؟ ) وبعدين القسم دا مش بيظهر الا للاعضاء ... الدار امان يعني,

    ستروما ووجه القمر : شكرا على الاطراء والتشجيع وان شاء الله هاكمل الموضوع دلوقتي

    حبيبي اروناس : لا يريت تكتب مواقفك من غير متستنى اني اخلص
    لان الموضوع برضو بتاعك وبتاع اي حد عند مواقف استهبالية في الحياة الطبية... مشكور على كلامك الحلو .
    بس اية دا انت بتعمل كدة ليه ؟ صوباعك مدوحس ولا ايه؟

    ها نسينا حد ؟ طب الحمد لله نكمل بقى المواقف الاستهبالية بس بعد فاصل قصير
    صوت السلف........ معا على طريق الجنة

  11. #11
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    الموقف الاستهبالي الرابع:يعني ايه كشف؟
    في الكثير من الاحيان يتسبب اختلاف وجهات النظر حول معني الكشف في مواقف استهبالية كتير على سبيل المثال:
    السلام عليكم
    وعليكم السلام
    اتفضلي يا حاجة
    والله انا كنت عاوزة اطمن على الضغط بتاعي اصلى عندي صداع جامد من امبارح ومش عارفة افتح عيني
    الف سلامة على حضرتك
    بعد فياس الضغط (ايركت وسوباين) والحرارة وسماع القلب والكشف على البطن (اصلها بتشتكي بمغص ساعات برضو ) والكشف على الحلق والودان بالاتوسكوب واللمف نودز بتاعة الرقبة وديب وسوبرفيشيال وبتاع لقيت بوست نيزل دستشارج وتندر ماجزيللا وحرارة 38ونص
    يا حاجة انت عندك التهاب في الجيوب الانفية وهتااخدي العلاج دا وهتبقي كويسة ان شاء الله
    طب يابني ربنا يخليك الف شكر
    مع السلامة يا حاجة
    بعد دقيقتين تلاتة الرسيبشن يتصل بيه
    دكتور هو الحالة دي كانت اية ؟
    كانت التهاب جيوب انفية يا انور ليه ؟
    يعني كانت كشف يعني ؟
    ايوة طبعا كانت كشف
    اصل الحاجة بتقول انها كانت بتتطمن على الضغط بس وبتقول
    هو قياس الضغط بخمستاشر جنية؟؟!!!



    واحدة جاية مع ابنها الصغير عشر سنين ومعاها نتيجة تحليل بول وبراز
    لو سمحت يا دكتور هو التحليل بتاع الولد فيه ايه؟
    في اميبا وشوية صديد في البول
    يعني ايه الاميبا دي ؟
    دا طفيل , حاجة كدة زي العفونة في البطن
    وريني بطنك كدة يا حبيبي

    هو الولد بيشتكي من فترة؟
    ايوة بقاله يجي شهر بيشتكي من بطنة والحمام بتاعة ريحته وحشة
    طب ماشي . الولد هياخد العلاج دا وبعد عشر تيام يحلل تاني ونشوف التحليل
    شكرا يا دكتور
    وبعدين بعد شوية برضو...
    ليه دالدكتور مكشفش ولا حاجة دانا كنت بسأله على نتيجة التحليل بس



    مرة اخرى ,,
    دكتور عماد قياس ضغط لو سمحت
    بعد القياس ... ضغطك 160 على 100 يا مدام
    عالى يا دكتور مش كدة؟
    ايوا طبعا عالى
    طب دا اخدله ايه يا دكتور
    انت بتاخدي علاج ضغط اصلا مش كدة؟
    ايوا باخد كابوتين 25 واحدة بس على الريق كل يوم
    لا مش هينفع كدة حضرتك هتاخدي واحدة الصبح وواحدة بليل وتسجيليلي الضغط في جدول يوم و يوم واشوفك بعد اسبوع
    طب دلوقتي اعمل ايه؟
    خدي قرص تحت لسانك واستني شوية
    بعد شوية ... دكتور حضرتك مش هتقيسلي الضغط بقى
    ضغطك 140 90 يا مدام تقدري تروحي
    شكرا يا دكتور
    ودا طبعا مش كشف دا قياس ضغط...


    اخر موقف من النوعية دي كان اول امبارح
    بنت شكلها كدة فالجر (ودا غير فاجنر )وعامله فيها معرفش مين بتاعة ايه.. معرفش من لبسها ولا الي عملاه في وشها ولا طريقة كلامها المهم هي فالجر من الاخر كدة
    الانسة وهي بتقفل العربية (عربية ايه ؟ دا شكل عربية؟ ) قام باب العربية خبط ايديها التانية (هي قالت كدة ) والالم فزيع فزيع يا دكتور
    طب اتفضلي كدة علشان اشوف ايدك
    بدأت تستعد للكشف بقي وقال عاوزة تقلع الجاكت الجينز الي لابساه ورايحة تنام على الشازلونج (كشف بقي امال ايه )
    لا لا مش مستاهل كل دا ,حضرتك اتفضلي اقعدي هنا على الكرسي ووريني ايدك المخبوطة بس
    اية دا يعني مش هتكشف عليا يا دكتور ؟
    لا هاكشف طبعا وريني ايدك
    طبعا متوقع ... خبطة هايفة من الي يوسف ابني بيخبطها لنفسة عشرة عشرين مرة في اليوم ويعيط شوية ويسكت لوحدة بعد 3 ثواني
    لا دي بسيطة جدا ان شاء الله
    يعني مش محتاجة جبس ولا حاجة يا دكتور
    لا يستي مش محتاجة جبس ولا حاجة انت بس ادهني الكريم دا عليها 3 مرات في اليوم وهتبقى كويسة جدا ان شاء الله
    بره بيقولوها عالكشف وعينك متشوف الا البلاوي (مش بقولك فالجر )ليه كشف ايه دا مرضيش يكشف عليا
    دا بص بصة على ايدي وقالي كويسة
    هو في كشف من غير
    سماعة؟


    الموقف الاستهبالي الخامس : زيارة ولا كل الزيارت

    في نص الليل حوالي الساعة واحدة ونص راجل عجوز جدا على شفا هلكة زي مبيقولوا جاي ياخد دكتور علشان ابنه عيان في البيت وسخن جدا

    كالعادة شنطة الزيارة واتوكل على الله
    مع الاسد الشيخ الذي يصارع الموت في كل خطوة يمشيها ويعاني اعراض ذبحة صدرية كل خمس دقائق (اه مالمشوار اخد نص ساعة مشي )في ليل الشتاء القاسي نسير حوالي كيلومترين كاملين ثم الي الدور السادس او السابع بدون اسانسير (ايه الافترا دا ؟ ) لنصل الي الشاب الذي يعاني من ارتفاع الحرارة
    المهم الشاب عنده (تونسيلايتس) وحرارته 39 وحالته العامة كويسة مش بطالة
    امبول اسبيجك وروشتة كويسة وتقوم علشان تمشي
    يقوم الراجل الكبير علشان يوصلك
    لا يا حاج ربنا يكرمك ويبارك فيك استريح انت
    اوصلك يا دكتور
    لا ياحاج الف شكر انا عارف السكة كويس
    طب متشكرين يابني
    العفو يا حاج

    انزل السلالم في الظلام الدامس (لا تنسى اننا بعد الثانية صباحا )لاصل الي الباب الرئيسي للمنزل القديم فقط
    لاعرف انه مغلق بالمفتاح!!!!
    بسيطة اكيد المفتاح مع البواب
    اه بس مين الي قال ان فيه بواب اساسا ؟
    طب يعني هاطلع تاني لحد فوق اخبط على الناس علشان المفتاح ؟ ماشي امري لله
    اطلع لحد فوق علشان اكتشف اكتشاف اخر : انا مش فاكر الحالة كانت في الدور الكام اساسا هخبط على الناس في الوقت دا ازاي ؟
    يادي الحوسة انا كان مالي ومال الشغلانة المهببة دي ؟
    لأ ويقولك الطب رسالة . طبعا وانت لازم تلف عالبيوت في انصاص الليالي علشان توصل الرسالة دي , منتا بوسطجي بسلامتك

    للحظات تخيلت الناس المحترمة وهي قاعدة (قاعدة ايه بقي؟ نايمة في سابع نومة) في بيوتها باحترامها وللحظات صعبت عليا نفسي كدة واتأثرت واوشكت على البكاء

    طب خلاص انادي بقي على الحالة والي يصحى يصحى هاعمل ايه يعني ؟
    طب هو كان اسمه ايه ؟ مش فاكر برضو؟
    لا دانتا نحس بقي هاعملك ايه؟
    انادي باي اسم وخلاص

    رفعت راسي لاعلى وبصوت عالي (مش عالي قوي يعني ) اخذت انادي :يا محمد يا محمد يا محمد ......زي النداهة بالظبط


    لحد مالراجل العجوز (تاني ) بصلي من الدور الي فوق
    ايوة مين بينادي؟

    انا ياحاج الدكتور بتاع الزيارة
    ياخبر ابيض انا اسف يابني والله ما اخدت بالي ان الباب مقفول بالمفتاح اتفضل يابني استريح شوية
    لا ياحاج ربنا يخليك علشان المستشفى بس
    طب يابني معلش امسحها فيا

    ورجعت الي المستشفى وانا كاره لنفسي وللطب ولمصر وللدنيا كلهااااااااااااااااااااااااااااااااااااااااااااااا ااااااا



    صوت السلف........ معا على طريق الجنة

  12. #12
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    اقتباس المشاركة الأصلية كتبت بواسطة emadkotb

    لأ ويقولك الطب رسالة . طبعا وانت لازم تلف عالبيوت في انصاص الليالي علشان توصل الرسالة دي , منتا بوسطجي بسلامتك

    للحظات تخيلت الناس المحترمة وهي قاعدة (قاعدة ايه بقي؟ نايمة في سابع نومة) في بيوتها باحترامها وللحظات صعبت عليا نفسي كدة واتأثرت واوشكت على البكاء
    كان لازم الحتة دي يعني؟
    يا جماعة ادونا أمل ولو كده وكده، وإحنا هنعديها
    بس موضوع جامد
    (مش مدوحس ولا حاجة)
    في انتظار المزيد


  13. #13
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    الموقف الاستهبالي السادس : مش تعرف انت رايح فين الاول

    في عصر احد ايام شهر تمانية الي فات والدنيا حر وخنقة وموت وعرق وتسلخات (حديث عهد بتخن ) ياتي شاب ليسأل على دكتور في زيارة منزلية .....بعتوهولي
    الواد كدة شكلة مش ولابد يعني يدي على (صبي فنانة )يعني اي والله شكلة كدة وحركاتة كدة وكلامة يدي على كدة....مش موضوعنا
    خير؟
    ممكن يا دكتور تيجي معايا؟
    فين؟
    هنا قريب على قمة الشارع (في اسكندرية بيقولوا على الناصية قمة )

    مافيش مشكلة ماشي
    السكرتيرة:حضرتك ماحسبتش يا استاذ
    كام الحساب؟
    اربعين جنيه
    طب لحظة واحدة اروح اقولهم
    راح ورجع: ماشي يجي بس وهما هيحسبوا الدكتور هناك
    وعليها طلعت وانا شايل التهمه الي فيها جهاز الضغط الزئبقي والامبولات وجهاز السكر والمحاليل والكانيولات و و و كان ناقص فنتيلاتور واي سي جي كمان
    ماشي مخنوق وحران ومتضايق وعرقان ومعايا واحد زي دا
    واذ فجأة يحود على محل كوافير حريمي كنا نسير جواره ويدخل
    اتفضل يا دكتور
    ترددت لحظة ثم دخلت (مش بقولك الطب رسالة )
    في الداخل حيث اول مرة ادخل كوافير كان المشهد يتلخص في كراسي حلاقين ومرايات وستتات ناكشين شعورهم وملييطينة بحاجات غريبة كدة وروايح غريبة لمستحضرات كيميائية وطبعا على جانب من المحل رجل ممتليء ذو شعر اشقر وشارب كبير ولحية صغيرة وخاتم ذهبي ضخم في خنصر يدة (ليه كلهم كدة ؟ )

    المهم موضوع الزيارة كانت زبونة في المحل والي جابني صبي الاستاذ الحلاق والمشكله ان الزبونة عاملة توتر في المحل والراجل كان عاوز يخلص منها بأي طريقة وخاصة انها منهارة على كرسي مهم ادام المراية في وسط المحل

    سلامتك يا مدام خير؟
    دكتور (اهيء اهيء اهيء )انا تعبانة يا دكتور (اهيء اهيء اهيء ) اعصابي ... اعصابي مش عارفة اتلم على اعصابي ومش قادرة اقف على رجلي الحقني يدكتور والنبي اعمل اي حاجة انا تعبانة خالص

    حضرتك تعبانة من امتى؟
    من بدري من قبل مانزل مالبيت من حوالي ساعة


    حضرتك في حاجة مزعلاكي ولا حاجة؟
    ايوا انا متعاركة مع جوزي وضربني وفرج علينا الناس (اهيء اهيء اهيء اهيء ..)
    بعد الكشف الي مطلعش اي حاجة
    انتي كويسة خالص يا مدام مفيكيش اي حاجة
    طب اديني اي حاجة علشان افوق اي حاجة

    طلعت امبول افيل وقلت اهو ينفع في الحاجات الي زي دي
    طب يا مدام جاهزة للحقنة؟
    عضل ولا وريد؟
    الي تحبية حضرتك
    لا عضل انا بخاف مالوريد
    مافيش مشكلة ممكن لو في ستارة ولا حاجة او مكان على جنب علشان اديكي الحقنة؟
    لأ ستارة لية وليه على جنب ؟ اديهاني هنا (وقرنت القول بالفعل ووقف في مكانها وازاحت جزء من الملابس من اجل الحقنة


    ثم وانا الملم اشيائي وهي جالسة على كرسيها
    حساب حضرتك كام يا دكتور؟
    اربعين جنية
    ليه اربعين جنية كتيير قوي انت عملت ايه علشان تاخد اربعين جنيه؟

    حضرتك مش انا الي بيحدد السعر دي المستشفي لو حضرتك تبقي تحسبيهم او كي
    لأ بس فعلا انت يعني معملتش حاجة بالاربعين جنية هو استغلال ولا ايه ؟(ماهي فاقت بقى امال ايه )
    طب انا هامشي والحساب يكون في المستشفي لو سمحت
    طب خلاص خلاص بتتنرفزش عليا خلاص كفايا زوقك ناولني البك بتاعي لو سمحت
    نعممممممممممممممم؟
    ناولني البك الي عند المراية دا علشان انا مش طايلاه

    اناولك البك؟
    يتدخل الصبي بسرعة ليحضر البك وتخرج ورقة نقدية
    دول عشرين جنية كفاية اوي عليك عشرين جنية

    تصدقي انت قليلة الادب , انا الي غلطان اني جيت هنا وبتعامل مع اشكال زي دي اوعي كدة عديني
    استنى بس يا دكتور رايح فين ؟(دا الحلاق )

    اوعي كدة انت كمان مش نقصاك اوعي

    صوت السلف........ معا على طريق الجنة

  14. #14
    تاريخ التسجيل
    Aug 2003
    الدولة
    Somewhere Overthere
    المشاركات
    1,832
    معدل تقييم المستوى
    10

    Smile

    اقتباس المشاركة الأصلية كتبت بواسطة emadkotb
    الموقف الاستهبالي السادس : مش تعرف انت رايح فين الاول

    في عصر احد ايام شهر تمانية الي فات والدنيا حر وخنقة وموت وعرق وتسلخات (حديث عهد بتخن ) ياتي شاب ليسأل على دكتور في زيارة منزلية .....بعتوهولي
    الواد كدة شكلة مش ولابد يعني يدي على (صبي فنانة )يعني اي والله شكلة كدة وحركاتة كدة وكلامة يدي على كدة....مش موضوعنا
    خير؟
    ممكن يا دكتور تيجي معايا؟
    فين؟
    هنا قريب على قمة الشارع (في اسكندرية بيقولوا على الناصية قمة )

    مافيش مشكلة ماشي
    السكرتيرة:حضرتك ماحسبتش يا استاذ
    كام الحساب؟
    اربعين جنيه
    طب لحظة واحدة اروح اقولهم
    راح ورجع: ماشي يجي بس وهما هيحسبوا الدكتور هناك
    وعليها طلعت وانا شايل التهمه الي فيها جهاز الضغط الزئبقي والامبولات وجهاز السكر والمحاليل والكانيولات و و و كان ناقص فنتيلاتور واي سي جي كمان
    ماشي مخنوق وحران ومتضايق وعرقان ومعايا واحد زي دا
    واذ فجأة يحود على محل كوافير حريمي كنا نسير جواره ويدخل
    اتفضل يا دكتور
    ترددت لحظة ثم دخلت (مش بقولك الطب رسالة )
    في الداخل حيث اول مرة ادخل كوافير كان المشهد يتلخص في كراسي حلاقين ومرايات وستتات ناكشين شعورهم وملييطينة بحاجات غريبة كدة وروايح غريبة لمستحضرات كيميائية وطبعا على جانب من المحل رجل ممتليء ذو شعر اشقر وشارب كبير ولحية صغيرة وخاتم ذهبي ضخم في خنصر يدة (ليه كلهم كدة ؟ )

    المهم موضوع الزيارة كانت زبونة في المحل والي جابني صبي الاستاذ الحلاق والمشكله ان الزبونة عاملة توتر في المحل والراجل كان عاوز يخلص منها بأي طريقة وخاصة انها منهارة على كرسي مهم ادام المراية في وسط المحل

    سلامتك يا مدام خير؟
    دكتور (اهيء اهيء اهيء )انا تعبانة يا دكتور (اهيء اهيء اهيء ) اعصابي ... اعصابي مش عارفة اتلم على اعصابي ومش قادرة اقف على رجلي الحقني يدكتور والنبي اعمل اي حاجة انا تعبانة خالص

    حضرتك تعبانة من امتى؟
    من بدري من قبل مانزل مالبيت من حوالي ساعة


    حضرتك في حاجة مزعلاكي ولا حاجة؟
    ايوا انا متعاركة مع جوزي وضربني وفرج علينا الناس (اهيء اهيء اهيء اهيء ..)
    بعد الكشف الي مطلعش اي حاجة
    انتي كويسة خالص يا مدام مفيكيش اي حاجة
    طب اديني اي حاجة علشان افوق اي حاجة

    طلعت امبول افيل وقلت اهو ينفع في الحاجات الي زي دي
    طب يا مدام جاهزة للحقنة؟
    عضل ولا وريد؟
    الي تحبية حضرتك
    لا عضل انا بخاف مالوريد
    مافيش مشكلة ممكن لو في ستارة ولا حاجة او مكان على جنب علشان اديكي الحقنة؟
    لأ ستارة لية وليه على جنب ؟ اديهاني هنا (وقرنت القول بالفعل ووقف في مكانها وازاحت جزء من الملابس من اجل الحقنة


    ثم وانا الملم اشيائي وهي جالسة على كرسيها
    حساب حضرتك كام يا دكتور؟
    اربعين جنية
    ليه اربعين جنية كتيير قوي انت عملت ايه علشان تاخد اربعين جنيه؟

    حضرتك مش انا الي بيحدد السعر دي المستشفي لو حضرتك تبقي تحسبيهم او كي
    لأ بس فعلا انت يعني معملتش حاجة بالاربعين جنية هو استغلال ولا ايه ؟(ماهي فاقت بقى امال ايه )
    طب انا هامشي والحساب يكون في المستشفي لو سمحت
    طب خلاص خلاص بتتنرفزش عليا خلاص كفايا زوقك ناولني البك بتاعي لو سمحت
    نعممممممممممممممم؟
    ناولني البك الي عند المراية دا علشان انا مش طايلاه

    اناولك البك؟
    يتدخل الصبي بسرعة ليحضر البك وتخرج ورقة نقدية
    دول عشرين جنية كفاية اوي عليك عشرين جنية

    تصدقي انت قليلة الادب , انا الي غلطان اني جيت هنا وبتعامل مع اشكال زي دي اوعي كدة عديني
    استنى بس يا دكتور رايح فين ؟(دا الحلاق )

    اوعي كدة انت كمان مش نقصاك اوعي

    والله يا دكتور عماد أنا أكثر حكاية فرستني الولية بتاعة الكوافير
    قالوها زمان اللي يعيش ياما يشوف
    والحقيقة يا دكتور عماد إنتوا بتشوفوا النجوم في عز الظهر


    وداعاً د. مصطفى محمود
    اللهم إرحمه وإغفر له وأدخله برحمتك في عبادك الصالحين


  15. #15
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    بالنسبة للموقف الاستهبالي الأول
    مش جايز الراجل كان عنده ال
    aura
    بتاعت ال
    migraine
    و ساعتها كان ممكن حاجة تنفع معاه كـ
    prophylaxis
    ?
    ------------
    معلش انا عشت في الدور
    ==========================
    الحقيقة أبوخ موقف هوه السادس فعلاً
    أن توقد شمعة ... خير من أن تلعن الظلام ألف مرة


  16. #16
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    ربنا يكون في عونك يا دكتور عماد
    بصراحة حاجات تغيظ وتفرس

  17. #17
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,104
    معدل تقييم المستوى
    16

    افتراضي

    دكتور عماد دا شرف ليا لو انت حبتنى
    المهم فى تعبيرات بتشدنى فى كلامك

    البنت اللى ما صدقت وعايزة تقلع الجينز وتقفز
    فزيع فزيع فزيع

    صبى فنانة كلمة فنانة دى بتدل على ان حضرتك رجل محترم

    وصف الكوافير وبالأخص البوك



    المهم انت ليه متعملشى دفع الكشف قبل الدخول

    بالنسبة لانسانية مهنة الطب
    انا افتكرت كلام دكتور حسام موافى
    اشمعنى الطب هو اللى مهنة انسانية؟
    طب ما الجزار مهنة انسانية لو واحد مش لاقى ياكل المفروض الجزار بانسانيته يديله لحمة ببلاش وهكذا

  18. #18
    تاريخ التسجيل
    Jan 2007
    الدولة
    الاسكندرية
    المشاركات
    367
    معدل تقييم المستوى
    11

    افتراضي

    الموقف الاستهبالي السابع : مش احسن لو شيلت انت الشنظة

    من باكوس حيث كنت اعمل الي خالد بن الوليد حيث (زبونة) تتصل وتريد من يقيس لها الضغط (المرة دي بجد )
    غادرت وبصحبتي محمد العامل بتاع المركز علشان يشيلي الشنطة ودا طبعا كان ايام العز
    ومعنا توصية من مدير المركز بالافترا وعدم الرحمة قدر الامكان لان الست دي غنية جدا كما قال

    وصلنا الحمد لله على العنوان صح مكان شيك جدا ومدخل عمارة ايه واسانسير ايه وشقة بصراحة حاجة تفرح

    كانت المدام (والي اسمها باكينام ) اكثر حالات السمنة تقدما شفتها في حياتي
    عندها 34 وتلاتين سنة ووزنعا 250 كيلو وجوزها شاب حليوة من الارياف عنده 24 سنة والحب عمال يخر منه في الاوضة واحنا واقفين
    وكانت امه موجودة معانا
    المهم كانت عاوز تقيس الضغط علشان تقول للدكتور بتاعها هو كام
    قياس ضغط دي ياجماعة حاجة مش سهلة في حالة زي دي
    اكبر كاف فيك يا اسكندرية مش قادر يكمل المحيط بتاع دراعها
    المهم برباط شاش (هاعمل ايه ؟) فوق الكاف وقيست الضغط
    170 100
    شكرا يا دكتور انا هتصل بالدكتور بتاعي واتابع معاه...
    وخلال الانصراف ياتي خلفنا الزوج الشاب ليعطينا الحساب بفلوسها طبعا
    اامر يا دكتور
    الامر لله خمسين جنية ان شاء الله (علشان التاكسي ياعني رايح وجاي من باكوس لميامي والعكس )
    اتفضل الف شكر يا دكتور تعبناك معانا
    ثم يدس شيئا في جيب العامل :شكرا يا محمد
    العفو يا باشا انا في الخدمة

    ثم في التاكسي::
    محمد :دكتور هو حضرتك حاسبته على خمسين بس
    ايوا يا محمد زيارة اربعين وعشرة مواصلات
    معلش يا دكتور يعني حضرتك نسبتك كام في الزيارة
    النص يا محمد ليه؟
    يعني حضرتك طلعت من المشوار دا بكام؟
    عاوز ايه يا محمد من الاخر؟
    ابدا اصل حضرتك جيت وكشفت ودفعت مواصلات وفي الاخر تتطلع بعشرين جنية؟
    هو اداك كام يا محمد
    افرجت اساريرة عن ابتسمت لم تلبث ان جلجلت كضحكة في التاكسي

    اداني 100 جنية, مش بقولك يا باشا تبقى تشيل الشنطة احسنلك
    !!!!!!!!!!!!!!!!!!!!!!!!!!!!!!!!!!!!!!

    صوت السلف........ معا على طريق الجنة

  19. #19
    تاريخ التسجيل
    May 2007
    الدولة
    الهرم
    المشاركات
    1,989
    معدل تقييم المستوى
    11

    افتراضي

    بجد يا دكتور عماد فعلا ربنا يكون في العون
    وسادس موقف اصعبهم
    فعلا الطب رساله
    و اللي يعيش يا ما يشوف
    بس الواضح ان حضرتك بتكتب المواقف ديه
    و فعلا هي تستاهل اكتر من مجلد
    يوميات طبيب معاصر

    ربنا في العون يا دكتور
    و مرسي اوي علي الموضوع الجامد ده
    ماتت قلوب الناس
    ماتت بنا النخوه
    يمكن نسينا فيوم
    ان العرب اخوه

  20. #20
    تاريخ التسجيل
    May 2007
    الدولة
    الهرم
    المشاركات
    1,989
    معدل تقييم المستوى
    11

    افتراضي

    اساريرة عن ابتسمت لم تلبث ان جلجلت كضحكة في التاكسي

    اداني 100 جنية, مش بقولك يا باشا تبقى تشيل الشنطة احسنلك
    !!!!!!!!!!!!!!!!!!!!!!!!!!!!!!!!!!!!!!




    يا لهوي
    بجد الكلام ده

    ده انا اشيل الشنطه و الدكتور كمان
    و استقيل من كليه طب من الان
    لو هي فيها ميه جنيه كل شيله

    ديه بلاوي مش ةمواقف استهباليه يا دكتور

    ربنا في عوووووووونك
    ماتت قلوب الناس
    ماتت بنا النخوه
    يمكن نسينا فيوم
    ان العرب اخوه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. إلى الشباب المواقف الشرعية تجاه الجماعات الإسلامية
    بواسطة د/ ربيع أحمد في المنتدى إسلاميات
    مشاركات: 27
    آخر مشاركة: 20-03-2008, 04:01 PM
  2. مشاركات: 0
    آخر مشاركة: 06-01-2008, 05:12 PM
  3. مدرسة المواقف!!
    بواسطة broken nonna في المنتدى إسلاميات
    مشاركات: 23
    آخر مشاركة: 28-10-2007, 05:00 AM
  4. صناع الحياة ... معاً نصنع الحياة
    بواسطة مصباح في المنتدى فى العضل ..
    مشاركات: 70
    آخر مشاركة: 18-02-2007, 07:23 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •