النتائج 1 إلى 17 من 17

الموضوع: نصائح لأطباء المستقبل

  1. #1
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي نصائح لأطباء المستقبل

    ممكن تسمحولى اعرض عليكو نصيحة
    فى الفترة الاخيرة انتشرت المواضيع على المنتدى و الى بتتكلم عن القصر العينى
    و النظام التعليمى
    و الطب
    و الدروس الخصوصية
    و الامتحانات
    و شيوع حالة من الاحباط فى المنتدى
    و غيره و غيره من المواضيع المشابهة

    و ان كواحد من خريجى القصر العينى
    و من خبرتى فى جميع سنوات الدراسة
    و خبرتى كطبيب امتياز
    و خبرتى كطبيب رعاية اساسية حالياً و احتكاكى بخريجى الجامعات التانية
    و من حكم احتكاكى بأساتذة افاضل كتير

    اسمحولى اعرض عليكو خلاصة خبرتى دى على شكل نقاط و نصائح
    الحمد لله القصر العينى احسن كلية طب فى مصر
    خريج القصر العينى افضل خريجى الطب فى مصر و اكثرهم تفتحاً
    انا لا اقلل من قدر باقى الكليات و لا باقى الخريجين لكن دى حقيقة و واقع و طبعا لكل قاعدة استثناءات
    القصر العينى مليء بالكفاءات و الاساتذة الى على مستوى عالمى -انا لا ابالغ- بس مين الى يدور و يحضر
    و هييجى اليوم الى هيقعد الواحد فيكو بعد ما يبقى طبيب بجد و فى الامتحان الحقيقى امام المريض و يقول فين ايام ما كنت
    بحضر الراوند و فين ايام ما كنت بشوف استاذ فلان و لا استاذ علان و هو بيتعامل و بيكشف على المرضى
    و يفتكر و يتصرف زى ما كان استاذه بيتصرف مع المرضى فى الراوند
    و هينسى تماماً الكلام التجارى بتاع الدكتور الى فى الدرس و الى ملوش اى غرض غير الامتحان

    القصر العينى فيه
    الاستاذ الدكتور فوزى جاب الله
    الاستاذ الدكتور رشيد بهجت
    الاستاذ الدكتور اسماعيل جودت
    الاستاذ الدكتور سيد سيف
    الاستاذ الدكتور رضا كامل
    الاستاذ الدكتور عبد الفتاح مرعى
    الاستاذ الدكتور محمود سالم
    الاستاذ الدكتور حسام موافى
    الاستاذ الدكتور عمرو محسن
    الاستاذ الدكتور محمد قناوى
    و استاذى الاستاذ الدكتور حسين خيرى

    الى كان ليا الشرف و حضرت ليهم اغلب محاضراتهم النظرية
    و غير الى ذكرتهم دول و اكتر كمان من الى حضرت ليهم فى الراوندات العملية و الاكلينيكية

    و لا يمكن بأى وجه من الاوجه مقارنة الدروس الخصوصية و دكاترة الدروس الخصوصية مع كامل احترامى لهم
    بهؤلاء الاساتذة

    فأنا اشبه من اختار الدروس الخصوصية بمن اختار دنيته و من اختار الكلية و الناس الى ذكرتهم دول بمن اختار اخرته
    و الدنيا هنا قاصدى بيها الدرجات و الامتحانات فى الكلية
    و الآخرة هنا اقصد بيها الامتحان الحقيقى امام المريض

    انا شايف الناس بتتكلم عن الامتحانات فى الكلية و عن سهولتها و صعوبتها و عن الملغى و المقرر و نظام الدراسة و غيره و غيره من الحاجات الى كنا برده و احنا طلبة بنتكلم فيها
    لكن للأسف كل دا وهم
    الواقع بعيد تماما عن الامتحانات النظرية و الدروس و الكتب و المذكرات و الشرايط و الكلام دا كله
    الطب الحقيقى موجود عند اساتذتنا

    انصحكو كلكو تحضرو كتير فى الكلية لاساتذتنا و تسيبكو من الامتحانات بتاعة الكلية و الدروس و المهاترات دى
    الى باقى ليكو بجد العلم الى انتو شربتوه من اساتذتكو الكبار
    و مهما كان الواحد بيبقا متضايق فى محاضرة او فى راوند او مش مستظرف استاذ و مبيحبش يحضر له
    بكرة يخرج و يشوف الحقيقة و يتمنى اللحظة الى كان فيها يقدر يحضر و يتعلم تانى تيجى تانى و يندم على كل لحظة مكانش
    مركز فيها فى محاضرة او فى درس عملى بالكلية
    انا لا انكر ان للدرجات دور بالذات لو اتاحت للواحد انه يتعين فى الكلية كطبيب مقيم
    و هى كدا بتيح له فرصة اكبر للتعلم على ايدى اساتذة اكتر و تعليم على مستوى عالى
    لكن مين يضمن انه يتعين فى القصر العينى

    استنتج شوية حاجات
    يا جماعة انظروا للأمتحان الحقيقى اما العيان فى الحياة العملية
    و الامتحان الحقيقى بجد قدام ربنا سبحانة و تعالى
    يا جماعة احترموا اساتذتكو
    يا جماعة انتو فى احسن مكان احمدوا ربنا

    يا ريت يا جماعة الى عنده نصايح تانية من الزملاء الافاضل يكتبها هنا
    عشان الاخوة الزملاء اطباء المستقبل يستفيدو منها
    و تعم الفائدة

    و بالتوفيق..
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  2. #2
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي

    فين عتاولة المنتدى؟؟
    فين النصايح؟؟
    عايزين نعمل موضوع زى بتاع استفسارات القصر العينى كدا
    عايزين نعمل موسوعة نصايح
    بالذات من الناس الى خلصو الكلية خلاص و بدأوا فى الحياة العملية
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  3. #3
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي

    we here waiting for more i hope the others will respond to us
    we really feel to depressed after these bad results

  4. #4
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    قرأت كلام الاسمر
    و حاسس انه قال اللي في نفسي
    .
    أن توقد شمعة ... خير من أن تلعن الظلام ألف مرة


  5. #5
    تاريخ التسجيل
    Jun 2007
    الدولة
    مصر
    المشاركات
    268
    معدل تقييم المستوى
    10

    Post

    بصفتى خلصت الطب انا كمان بس للاسف مش من القصر العينى ومقدرش احكم اذا كان فيه فرق بينه وبين الاقاليم ولا لالانى مدخلتوش هحاول اكتب خبرتى المتواضعه ممكن تفيد اطباء المستقبل انا مقتنعه جدا بكل الكلام ال قاله د.الاسمر
    انا عمري ما اخدت كورس والكورسات عندنا للاسف منتشره جدا ومره حضرت ميتنج من باب الفضول لدكتور باطنه والله كانه بيشرح لتلاميذ ف الحضانه مش بيخلى مخك يتعب خالص لا ف استرجاع معلومه ولا ف استنتاج معلومه بيدي الطب فعلا بمعلقه والمذكرات حلوة ومتقسمه وكانو اصحابي بيحكولى ان قبل الامتحان كان بيجمعلهم الاسئله ويقولهم يقولو ايه بالضبط عشان المصحح ميمسكش عليه غلطه لا والاغرب من كده يقولهم الاسئله بتاعه الشفوى والدكتور ده بيحب تقوله ايه وده مبيحبش تقوله ايه ومنكرش ان فيه كتير جابو تقديرات عاليه وبقو نواب ف الجامعه وادامهم فرصه حلوه للتعليم بس وبعدين ايه النتيجه؟
    ان بقي فيه جيل من الاطباء معندوش قدره على الابداع والابتكار خلاص كله حفظ وتلقين والمصيبه ان ال بيحضرو ماستر بياخدو دروس هما كمان فيه مهذله اكتر من كده
    الطبيب فقد معالمه وفقد شخصيته للابد وعمره ما هيقدر يتغير لانه بنى حياته كدا ونجح بالطريقه دي
    انا عارفه انى طولت عليكم معلش
    طيب ايه الحل العملى بجد!!!!
    اول حاجه ابتدي صح من اول يوم هات الكتب من بدري احضر المحاضرات كلها والسكاشن اوعى تخلى حد يعملك احباط وبالذات اصحابك كل حط ادامك هدف قصير المدي وهو انك تجيب مجموع عالى ف سنه اولى لان المجموع تراكمى واولى ده بتفرق اوى وكل ماده اديلها حقها كويس وهم سهلين اوى بس فيه عقبات هتقابلك
    اول مشكله اللغه طبعا عشان تترجم الصفحه تفضل سنه ده انا والله فاكره ايام اولى فضلت 3 شهور مش عارفه يعنى ايه due to
    هههههههههههه
    معلش اتعبو شويه وممكن تتفقو مع اصحابكو كل واحد يترجم جزء وتبدلو مع بعض
    المشكله التانيه اصدقاء السووووووووووء دول باه مش زي بتوع تجاره وحقوق لا ده سوء من نوع تانى يفضلو يحبطو فيك بشكل رهيب ويعقدوك من حياتك سيبك منهم وابعد عنهم هتلاقي كتير كويسين
    المشكله التالته التشريح ياااااه رعب وعياط وفورمالين وقرف معلش استحملو الريحه هتتعودو بس اوعي حد يفوت سيكشن
    المشكله الرابعه النسيان والله فضلت معايا لسنه سادسه الحكايه دي الاول كنت بتنرفز وادايق واحبط بعد كده قولت خلاص انا هعتبر ان ده الاساس واتعامل معاه وفعلا اقرا لمجرد الفهم طول السنه واجى اخر السنه باه اقرا المنهج كويس اوى واول ما اخلص اراجع نفس الماده مستناش بس اهم حاجه ان قبل امتحان النظري بيومين اقرا المنهج كله بسرعه لان للاسف نظام الامتحانات وطول المنهج كانو بيجبرونى على كده
    المشكله الخامسه فقدان الثقه والعصبيه والتوتر وده لانك طول عمرك الاول والمميز ع الفصل وع زملاتك تلاقي نفسك مع ناس زيك زيهم بل واحسن منك كمان لازم يكون عندك ثقه بنفسك وبقدراتك وانك ممكن تكون انجح واسعد انسان باذن الله وباجتهادك
    اخر نصيحه ثق بالله واخلص له وحب كليتك وشغلتك لانها اسمى وظيفه ف الوجود وابعد خااااااااااااااااالص عن الدروس الخصوصيه
    اسفه انى طولت عليكم يارب اكون افادتكم ويارب تكونو احسن دكاتره ف العالم

  6. #6
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    انا متهيألى يا اسمر كنا كاتبين شوية نصايح في حته
    عايزين نبقى ندور عليهم
    موضوع جامد
    ازاى الاولاد ؟

    وانا كمان ;)

  7. #7
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي

    بعد البحث و التنقيب فى منتدى حوار
    دى شوية روابط لمواضيع ممكن تفيد
    و لسا ان شاء الله لما اكل البحث فى المنتدى اكتب لكو بقية المواضيع الى ممكن تفيد كل الطلبة و كل الراغب للألتحاق بالكلية
    و ممكن تساعدونى فى البحث فى المنتدى
    وانا ان شاء الله هكمل بحث برده فى بقية المنتديات


    الروابط

    عايز اطلع دكتووووووووو

    الدروس

    لو ماكنتش دكتور

    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  8. #8
    تاريخ التسجيل
    Aug 2007
    الدولة
    مصر
    المشاركات
    4,759
    معدل تقييم المستوى
    14

    افتراضي

    انا طالب فى سنه اولى لسه وحقيقى استفدت كثيرا من كلامك شكرا على نصائحك وفى انتظار المزيد

  9. #9
    تاريخ التسجيل
    Jul 2007
    الدولة
    القليوبية
    المشاركات
    52
    معدل تقييم المستوى
    10

    افتراضي

    انا بشكرك يا دكتور علي الموضوع الجميل ده
    و انا موافقاك علي كل كلمة قولتها
    وعاوزة اضيف كمان إن الحضور في الكلية و الابتعاد عن الدروس
    مش بيفيد بس في تعلم ممارسة الطب بل ايضا بيفيد في التفوق الدراسي
    و ده عن تجربة شخصية ؛ انا داخلة سنة تانية و حصلت علي امتياز في سنة اولي
    و عمرى ما فكرت آخد درس و كان اعتمادى الكلي علي الكلية و المحاضرات و السكاشن
    و عايزة اضيف نصيحة:لازم الطلبة تدور علي الاساتذة المتميزين و تحضرلهم و تنتظم في الحضور لهم و كمان حاجة مهمة جدا مصاحبة الدكاترة و المعيدين ده بيفيد جدا
    واي طالب المفروض ما يخجلش خالص من أى سؤال و مايهموش لان اللي دخل كلية الطب المفروض ما يتكسفش من حاجة
    و في مقولة قالها لنا د.مجدي عيسى أستاذ الفسيولوجي أن الواحد وهو بيسأل جايز يكون حمار لكن أحسن مايتكسف يسأل و يفضل حمار طول عمره
    و نصيحة خاصة لسنة أولى:احضروا لدكتور رشيد و انتظموا في الحضور لانه احسن أستاذ كيمياء حيوية في مصر علي حد علمي
    و الدليل علي كده إن البيو أقل مادة في سنة أولي بيتاخد فيها دروس و نتيجتها عالية الحمد لله
    و شكرا جزيلا يا دكتور أسمر وعايزين نصايحك دايما لان انا بلاقي الكل محبط و ما فيش حد بيشجع خالص كمان ياريت تنصحني أعمل ايه في الاجازة يفيدني و يخليني أكتسب مهارات

  10. #10
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    معلش يا جماعة
    انا عايزة اشكر اتنين كان ليهم اثر كبير قوي في حركة تصحيح المفاهيم ومنع الاحباط
    dr.mnmn
    فاكرينها البنوتة اللى كانت بتسأل على كلييتنا و ازاي تقدم فيها وهي مأجلة سنة عشان هي بره
    على العموم هي اخدت منحة دراسة الطب في دبي
    و ان شاء الله تبقى كتورة كبيرة
    و الزعيم
    مصري متعصب
    ربنا يكرمه
    كل واحد فيهم بعتلنا بعيد عن التاني عشان نبدأ نصحح الفكرة اللى الناس بتاخدها عن الكلية

    جزاهما الله عنا خيرا كثيرا
    ازاى الاولاد ؟

    وانا كمان ;)

  11. #11
    تاريخ التسجيل
    Jul 2007
    الدولة
    ام الدنيا
    المشاركات
    24
    معدل تقييم المستوى
    0

    افتراضي

    كلام الدكتور الاسمر جميل بس مش ممكن نجمع بين الدنيا والاخره!!!!

    انا كمان رايح اولى القصر العينى

    وشكرا للاهتمام الجميل ده يا دكاتره

  12. #12
    تاريخ التسجيل
    Aug 2007
    الدولة
    مصر
    المشاركات
    4,759
    معدل تقييم المستوى
    14

    افتراضي

    شكرا على المعلومات المفيده
    انا كان عندى سؤال
    انا لسه داخل سنه اولى وعايز اعرف اسماء الدكاتره الكويسين اللى فى المحاضرات
    بجانب الدكتور رشيد فى الكيمياء الحيويه وبيشرحوا كويس

  13. #13
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي

    الاساتذه الكويسين فى المحاضرات

    بالاضافه الى دكتور رشيد فى الكيميا

    فيه دكاتره كيميا برضه كويسين يعنى لو فتتك حاجه فى محاضرات دكتور رشيد

    فيه دكتوره سمر دكتورة كويسه برضه

    دكتور الخشاب حضرتله الجزء اللى نزل فيه وفهمت منه كويس


    دكاتره الهستولوجى اتنين

    دكتور جيهان

    دكتور داليا


    دكاتره التشريح

    دكتور مدحت

    دكتور ايهاب

    دكتور سامح دوس

    دكاتره الفسيولوجى

    دكتور مجدى عيسى


    بص انت هتلاقى الدكاتره الكويسين الدفعه كلها بتحضرلهم فما تقلقش مش هتحتار ولا حاجه

    ONE FAMILY FOR ONE
    WAY

  14. #14
    تاريخ التسجيل
    Aug 2007
    الدولة
    مصر
    المشاركات
    4,759
    معدل تقييم المستوى
    14

    افتراضي

    شكرا ستروما على الاهتمام بالسؤال والرد
    جزاكى الله خيرا

  15. #15
    تاريخ التسجيل
    Jul 2006
    الدولة
    هضبة الأناضول
    المشاركات
    229
    معدل تقييم المستوى
    11

    Lightbulb منقول

    هـ- كيف أذاكر في أول السنة ؟!
    احرص على الآتي :
    1- أحضر المحاضرة ( أو الدرس ، وسوف نتحدث عن الدروس في النقطة التالية ) ومعك الكتاب الذي يشرح منه الدكتور ، وهذا مهم جدا . . أعني إحضار الكتاب . . لأن هذا يجعلك منتبها ويزيد فهمك لموضوع المحاضرة . . كما أنه يوفر عليك وقت الكتابة . .
    2- تابع الدكتور في الكتاب بحيث أيضا ألا يجذبك الكتاب بعيدا عن متابعة الدكتور ، وقم بإضافة ما ترغب في إضافته من معلومات تزيد من فهمك للموضوع . . سواء داخل الكتاب ( وهذا أفضل ) أو في كشكول منفصل . .
    3- عندما تعود للمنزل ، سيكون عليك فقط أن تترجم معاني الكلمات باستخدام القاموس الطبي ، وكذلك قاموس إنجليزي آخر عادي ( أطلس ) . . ثم قراءة الدرس بتأني وفهم الموضوع ككل . .
    4- ذاكر محاضراتك كل يوم بيومه . . خصوصا في أول العام . . ماعدا مادة ( الهستولوجي ) فيمكن حضور المحاضرات مع تأجيل مذاكرتها
    5- احضر محاضرة الإنجليزي في أول مرة فقط ، وكن واثقا أنك لن تحضرها ثانية أبدا . .

    احذر بشدة بشدة بشدة من الآتي : 6- احذر من كتابة كل كلمة يقولها الدكتور لأن هذا أسلوب سيء ، يضعف من فهمك للمحاضرة ، ويشتت انتباهك ، وأصلا لن تحتاج إلى ذلك أبدا لو أحضرت الكتاب كما أخبرتك . .
    7- احذر من تسجيل المحاضرة ، وسماعها مرة أخرى في المنزل أو كتابتها وتبيضيها ، لأن هذا فيه تتضيع رهيب للوقت بدون فائدة . . إلا إذا أحببت أن تسجلها لكي تسمع بعض المقاطع منها . . فلا بأس . .
    8- احذر من محاولة الحفظ عند الاستذكار في البيت . . فهذا من أكبر أسباب الإحساس بالفشل والإحباط في أول العام . . فقط ترجم الكلمات غير المفهومة . . وافهم الموضوع ككل . . ولا تحفظ أبدا ، لماذا ؟
    لأن الحفظ في أول العام يكون صعبا للغاية ، وسوف يستهلك الكثير من الوقت دون فائدة ، هذا بالإضافة إلى إحساسك باليأس أو صعوية المهمة .
    وكذلك لأن معظم الموضوعات في بداية المنهج موضوعات سهلة مشتقة أو مماثلة لموضوعات الثانوي . . وسوف تحفظها بسهولة جدا فيما بعد . .
    9-احذر من تراكم المحاضرات ، فهذا أقصر طريق للبعد عن التفوق . .


    رابعا : بعد أول أسبوعين :
    أ- كيف أذاكر ؟!
    1- استمر في نفس الطريقة السابقة ، ولكن مع بدء تدريجي للحفظ . . احفظ الأسهل فالأسهل . .
    2-لكل طريقته في المذاكرة ، ولكني أحذرك من المذاكرة بالكتابة . . فالطريقة السيكولوجية العلمية الصحيحة للحفظ هي :
    * افهم أولا . .
    * استخدام حواس أكثر ( الكلام + السمع + الرؤية + الكتابة ) يزيد تثبيت المعلومة ، وخاصة التسميع بصوت عال مهم جدا . .
    * لا تكتب كل شيء ، وإنما اكتب أول الكلمة ثم ( مشي إيديك ) بأي شخابيط في بقية الكلمة والجملة . . لأن البعض يكتب وكأنه ينسخ الكتاب !! وهذا خطأ كبير وتضييع للوقت . . لأن اليد تحفظ بتمشيتها وليس بالكتابة نفسها . .

    * تجنب محاولة الحفظ 100% من أول مرة لأن هذا غباء ومستحيل . . وسوف تحبط نفسك . . فقط افهم 90% واحفظ 60 إلى 70 % هذا كاف للغاية في المرة الأولى لمذاكرة أي موضوع . .
    3- ستجد أن معظم يوم الخميس + يوم الجمعة فارغين ، لو ذاكرت محاضراتك أولا بأول . . وبالتالي فعليك بالآتي :
    4- يوم الخميس يكون يوم ترفيهك . . لا تذاكر فيه إلا قليلا . . وغالبا لن تنزل من بيتك إذا لم تأخذ دروس . .

    5- يوم الجمعة تراجع فيه ما أخذت في هذا الأسبوع في مادتي التشريح والفسيولوجي فقط . . ولا تحاول أن تشغل نفسك بملزمة الامتحان ، وإنما راجع المنهج نفسه ، واحفظه جيدا . .
    6- بعد مرور شهر ، حاول مراجعة ما أخذته في الكيمياء الحيوية . . وأيضا لا تشغل نفسك بملزمة الامتحانات . .
    7- لا تقلق من النسيان . . هذا أمر طبيعي حتى لو راجعت ونسيت . . فلا تقلق . .

    ب- ستبدأ السكاشن :
    1- سكشن الأناتومي يستلزم إحضار البالطو دائما . .
    - هي المادة الوحيدة التي لديك معملان تشريح في الأسبوع . . ( وليس ثلاثة )
    - في أول أسبوعين لن ترى جثثا ، وإنما فقط ستدرس على العظم . .

    2- سكشن البايو والفسيولوجي :
    - يعتمد على نظام أسبوع وأسبوع ، أي أنه مرة السكشن يكون ( عملي ) والمرة القادمة يكون ( مناقشة نظرية tutorial )
    - يجب عليك ارتداء البالطو في سكاشن العملي فقط ، وليس السكشن النقاشي . .

    3- :
    - يعتمد على شرح نظري في بداية السكشن للشرائح التي ستقوم بمشاهدتها ، وبعد الانتهاء من الشرح تتفرج على الشرائح تحت الميكروسكوب . .
    - لا يتطلب احضار البالطو . .

    ج – حاول مراجعة التشريح ( كل ما أخذته في الشهر الأول ) ثم في الشهر الثاني راجع كل ما أخذته في الشهرين معا . . ولا تحاول فعل ذلك في بقية المواد . .
    د – الهستولوجي مادة سهلة ، حاول أن تحضر ما يمكنك حضوره من محاضراتها ، على الأقل نصفها . . وستجد أنك درست معظمها أصلا في المواد الأخرى أو في الثانوي . .
    - الخطورة أنه مع عدم حضور محاضراتها ، ربما لا تلتزم بمذاكرتها . . فلا تفتحها إلى قبل الامتحانات وهذا سيء جدا . .
    - حاول مذاكرة جزء منها كل أسبوعين أو ثلاثة . .

    هـ- لا تحضر محاضرات الإنجليزي ، ولا تهتم به . . لأنه يذاكر قبل الامتحان وتحصل على درجة أعلى من 45 من 50 في نهاية العام وليس في التيرم . .
    و – شهر رمضان شهر جيد للمذاكرة حاول استغلاله وعدم تضييعه عبثا . . والمذاكرة مصدر كبير للأجر والثواب عند الله لو أخلصت النية . .
    م – قبل الامتحانات بثلاثة أسابيع :
    1- لو اتبعت النظام السابق فستجد أنك قد انتهيت تتطور بسرعة ، وتأخذ ثقة كبيرة في نفسك . . ولكن مازال هناك بعض القلق والخوف . . وهذا شيء طبيعي . .

    2- المفروض أن تكون قد انتهيت – أو أوشكت على الانتهاء – من منهج التيرم الأول في جميع المواد ، لكي تبدأ المراجعة . .
    - راجع منهج الكيمياء كله . . واحرص على :
    * ربط أجزاء المنهج ببعضها وربط المواد ببعضها
    * فتح ملزمة الامتحانات ورؤية نماذج الأسئلة التي تأتي . . وياحبذا لو قمت بموضع علامات في الكتاب على الأجزاء التي تتكرر عليها الأسئلة كثيرا . .
    - راجع التشريح كاملا . . وافعل نفس الشيء
    - راجع الفسيولوجي ، على الأقل الأجزاء المهمة . . وليس شرطا كله . . ويمكنك عدم مراجعته لو كنت قد راجعت كل أسبوع بأسبوعه . .
    - انته من مذاكرة الهستولوجي للمرة الأولى ، ولا تجهد نفسك في مراجعته ، إلا الأجزاء التي لم تحفظها جيدا . .


    خامسا : الدروس أم الشرايط أم المحاضرات ؟!!! قضية تحير كل الطلبة
    هذه من أكثر القضايا التي سوف تؤرق نومك في أول تيرم في الكلية . . وسوف تظل تفكر فيها كثيرا جدا . .
    ومن خلال النقاط التالية سوف أحاول أن أرشدك قليلا والقرار النهائي لك :
    1- لا يوجد شيء اسمه : إذا لم تأخذ درس سوف تسقط ! أو لن تكون من الأوائل !!! فهذا كلام تكذبه التجربة ، ويكذبه الواقع . . ولكن بالفعل عدد الطلبة الأوائل من الذين لا يعتمدون على الدروس قليل . .

    2- لا يوجد شيء اسمه : الدروس تقضي على التفكير أو العقل . . لأنه من يريد أن يفهم ويتوسع سيفعل ما يشاء . .
    3- لا يوجد شيء اسمه دروس في كل المواد ، ومعظم من يفعل ذلك تجد تقديره غالبا خارج ال 200 الأوائل وربما جيد أو مقبول !!
    4- لا تدخل الكلية محملا بأفكار مسبقة ، ولكن احضر المحاضرات وحاول الفهم بكل الطرق . . ولا تقنع نفسك أنك لن تفهم كده وخلاص !!
    5- الكيمياء الحيوية والهستولوجي لو حضرت محاضرات ، وخاصة ( مراجعات الدكتور رشيد ) في الكيمياء ، وذاكرت أولا بأول فلن تحس بأية صعوبة فيهما . .

    6- التشريح ، أنصحك بأن تأخذ فيها درس خصوصا مع الدكتور مدحت . . ليس لأن المحاضرات لن تنفع ، ولكن لأن المادة كبيرة جدا وتحتاج حفظ بطريقة شديدة ، والدرس سينور لك الطريق . . وبإمكانك حتى أن تتركه في التيرم الثاني بعد أن تعرف طريقة المذاكرة . .
    عموما إذا لم تأخذ درس ، فليست مصيبة ، وإنما ستحتاج بلا شك إلى مجهود أكبر بكثير . .

    7- الفسيولوجي : لا أنصحك أبدا أن تأخذ درس . . وإنما احضر المحاضرات وذاكر من الكتاب ثم احفظ من ملزمة الدكتور ناجي . . طبعا هذه طريقة مجهدة بعض الشيء ولكنها أفضل من الدرس . .
    كذلك أنصحك بشراء الشرايط في هذه المادة ، لأنها ستفيدك . . ولكني لا أفضل أن تعتمد عليها وتترك المحاضرات تماما يعني اسمع الشرايط ولكن احضر جزء من المحاضرات . . للدكاترة الكويسين . .
    والشرايط تشتريها من الأسر المختلفة في الكلية ، أو من المراكز خارج الكلية . .


    إذن اختصارا لقضية الدروس ، جرب أول أسبوع بنفسك ، ولا تفكر أبدا في أخذ درس إلا التشريح . . أما الفسيولوجي فلن يفيدك كثيرا ولامانع منه لو أصررت . . أما البيو والهستولوجي فلا درس أبدا . .
    8- دروس العملي :
    أنصحك بأخذ درس عملي في التشريح والهستولوجي فقط وخاصة التشريح ، أما أي مادة أخرى فهو في رأيي ( استهبال ) . . ولا يعني هذا أن تهمل السكاشن . . ولكن احضرها وركز جيدا واستفد منها لأنها الأساس . .

    سادسا : إحباطات كثيرة
    ستسمع عن الكوسة اللي ماليه الكلية ، وستعيش تجربة الدروس الخصوصية وصداعها وهل آخذ درس أم لا . . وسيقول لك البعض أن كلية طب لا تعني سوى المذاكرة . ولا يوجد شيء اسمه أجازة . . الخ
    كل هذا اسمعه من هنا وطلعه من الناحية التانية . . لإنك مش هاتستفيد حاجة من كل الكلام دا . . وفي نفس الوقت بيكون فيه مبالغة كبيرة غير حقيقية بالمرة . .
    اطرح كل ذلك جانبا . . وتوكل على الله ، ومن يتوكل على الله فهو حسبه إن الله بالغ أمره ، وكذلك إن الله لا يضيع أجر من أحسن عملا . .
    فهل تصدق البشر أم رب البشر ؟!
    وحتى – لا قدر الله – لو ضاع حقك بوسيلة ما . . فهناك القضاء المصري العادل الذي يرجع لك حق في لحظات . .

    وإني أسأل هؤلاء الذين لا همّ لهم سوى إحباط الناس ، لماذا لا تتفوقون أنتم أيها الثرثارون ، وتقومون بتقلد المناصب في الكلية ، لكي تقضوا على تلك الكوسة ؟!
    وأحب أن أقول أن :
    كليتنا من أسهل الكليات والله شهيد على ما أقول ، فمن السهل جدااا أن تحصل على امتياز ( أعلى من 85 % ) . .
    أما التفوق فيحتاج لمزيد من الجهد . . وأما الفشل فيحتاج لخطة بالفعل لكي تفشل في كلية سهلة !!
    كذلك أنت تدرس علم جميل ، وممتع للغاية ، كما أن مستقبله المهني بالنسبة للمتفوقين فيه مضمون لحد كبير ، حيث أنه يتم تعيين الأوائل ال 150 تقريبا من كل دفعة . .

    سابعا : همسة من محب
    1-اعلم أن التفوق لازم وواجب شرعي ، وفرض عين عليك ، تأثم عندما تقصر في الأخذ بأسبابه . . ويكون الإثم أعظم وأشد في ظروف مثل تلك التي تمر بها أمتنا اليوم . . وهي في أحوج ما تكون لعقول أبنائها وأوقاتهم . . فاحرص على أن يكون لك هدفا في حياتك ولا تجعل الشيطان يضلك عن سواء السبيل . .

    واعلم أن المنافسة شديدة ، ففي كل دفعة هناك من 200 إلى 400 طالب يحصلون على إمتياز . . أي أن جيد جدا ليست جميلة . . بل عادية جدا . .
    2-احرص بكل السبل على أصحاب الخير ، الذين ينفعوك في الدنيا والآخرة ، ويرفعوا من همتك ، ويشدوا من أزرك ، ويعينوك على مهمتك في الحياة . . وستجد منهم النصيحة إذا طلبتها ، والعون الذي تنشده ، ومن قبل أن تطلبه . .
    وهؤلاء لن تجدهم سوى في المساجد ، فابذل جهدا ولو بسيطا من أجل التواصل معهم . . وحاول دائما أن تصلي في المسجد – متى لم يتعارض ذلك مع ميعاد المحاضرة – لكي تتعرف على هذه الصحبة الصالحة . .
    3- ابتعد عن أصحاب السوء ، الذين – بالتأكيد – سيشدوك معهم إلى فشلهم المحبوب ، ولن تجد منهم سوى أنهم يحرقوك معهم . .
    4- احرص على أن يكون لك نشاط في الكلية ، من خلال الأسر الكثيرة الموجودة . . فهذا جزء لا يتجزأ من مهمات الطالب الجامعي . . أن يشارك في مجتمعه بما ينفعه . .
    5- احذر ثم احذر ثم احذر من مصاحبة الجنس الآخر في الكلية ، فإنك ستجد مجتمعا منفتحا أشد الانفتاح . . واختلاطا بلا أي رقيب . . ومصاحبة الجنس الآخر هو وسيلة جيدة جدا للفشل . . فحينئذ تبدأ قصة الحب للمرة المليون ، وبالتأكيد ستأتي فواتير التليفون . . وسيأتي الفشل ، وسيأتي تضييع أوقات لا حصر لها . . والعياذ بالله ربما يأتي ما هو أخطر من ذلك مثل الزنا ومقدماته . . أو العادة السيئة أو الزواج العرفي . .
    وأهم شيء هو : غض البصر ، والصحبة الصالحة . . التي تعينك ، وتقومك ، وتساعدك على النهوض حينما تسقط . . وتذكرك بالله حينما تنسى . .
    الآن ليس أمامي شيء أقوله سوى أن أدعو لكم بكل توفيق . . وأن يبارك الله سعيكم ويثبت خطاكم نحو التفوق والتميز . .
    وأعلم أني أطلت جدا . . ولكن ماكان لي أن أمنع نصيحتي عمن أحب . . وأنصحك أن تنسخ كل هذه النصائح ، ونصائح الزملاء الآخرين . . وتحفظها على جهازك لكي تقرأها على مهل وبتركيز ، وترجع إليها وقت حاجتك لها . .
    وليتقبل الله منا ومنكم . .



    منقووووووووووووووووووووووووووووووووووووووووووووووو ل

    **بخرتك بالشبشب و الصندل من شر البراية و البرجل**


    هذا الشعب لابد ان يكون احد اثنين ...إما شعب يكره نفسه لأنه-رغم ما يشيعون عنه من انه مصدر السلطات- يأبى ان يصلح حاله ويعالج مصابه ويزيل عن نفسه ذلك القيد الثقيل من الفقر ..والجهل ..والمرض وإما أنه شعب زاهد ،قد تعود ذلك البؤس الذى يرتع فيه والحرمان الذى يأخذ بخناقه
    **يوسف السباعى **


    كلية طب القصر العينى...انت اللى اخترت

  16. #16
    تاريخ التسجيل
    Aug 2007
    الدولة
    مصر
    المشاركات
    4,759
    معدل تقييم المستوى
    14

    افتراضي

    شكرا على الرد الرائع والمعلومات الممتازه
    جزاك الله خيرا

  17. #17
    تاريخ التسجيل
    Nov 2002
    الدولة
    قدام القبة
    المشاركات
    962
    معدل تقييم المستوى
    15

    افتراضي

    استكمالا للنصائح
    اليكم هذا الفاصل
    او اقصد هذا الرابط

    رقم الحظ

    دى..
    مدينتنا حتة سكرة ..... الشمس فيها منورة

    البقاء لله.. د.مصطفى محمود

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. دليل التكليف لأطباء دفعة ديسمبر 2005 New!
    بواسطة internal-master في المنتدى عالم ميزو
    مشاركات: 8
    آخر مشاركة: 10-08-2007, 06:17 PM
  2. كورسات جيل المستقبل ( Fgf )
    بواسطة dr.Savannah في المنتدى لوحة الاعلانات
    مشاركات: 6
    آخر مشاركة: 19-07-2007, 07:33 AM
  3. دليل التكليف لأطباء دفعة ديسمبر 2005 New!
    بواسطة internal-master في المنتدى حوار
    مشاركات: 3
    آخر مشاركة: 19-02-2007, 11:32 PM
  4. القسم الرسمي لأطباء مصر
    بواسطة Doctor_2005 في المنتدى Autograph
    مشاركات: 1
    آخر مشاركة: 18-11-2005, 08:02 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •