صفحة 3 من 4 الأولىالأولى 1 2 3 4 الأخيرةالأخيرة
النتائج 41 إلى 60 من 64

الموضوع: و أخيراً البداية استقالة

  1. #41
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    الموضوع شرحة يطول و لو قعدنا من هنا لى بعد بكرة مش هنطلع بى شىء
    يا ساتر يا رب
    يا دكتور بشروا و لا تنفروا
    بصراحة انا اللى زعلنى اسلوب تخليص الامور
    و لا نقول تسليك الامور احسن
    برشام حساسية و مش عارف ايه
    صورة اخرى من انواع الرشوة ما تزعلش منى
    فى ناس بتسمي الكام جنيه اللى بتديها لعامل هيجيبلها الاختام فى 10 دقايق
    اكرامية
    لا ده رشوة
    و ناس تقول للموظف خلصلى بس كذا و ليك الحلاوة
    لا برده ده كمان رشوة
    انهى بركة ده اللى تعود علي من شغل اصله و مصالحة ماشية بالرشوة بمختلف مسمياتها
    و صورها
    احنا بس اللى بنحب نغير المسميات عشان نبنج ضمايرنا و نعمل ايه
    هو فى حاجة غلط
    و لو فكرنا هنلاقيها غلط
    و هنتحاسب على كدة
    و ربنا يستر علينا فى الحساب ده

    معلش يا دكتور ما تزعلش مني



    سيبتكم بعافية

  2. #42
    تاريخ التسجيل
    Sep 2006
    الدولة
    استروس الزنجبيل
    المشاركات
    1,409
    معدل تقييم المستوى
    12

    افتراضي

    بصى يا دكتور انا عمرى ما دفعت مليم لحد

    و انشاء اللة لما تخلصى و تشتغلى هتشوفى مهاااااااااااازل


    انا مبقلش اننا نعمل زيهم لا بس برضة هنعرف نجاريهم بى طريقتنا





  3. #43
    تاريخ التسجيل
    May 2008
    الدولة
    م. نصر = القاهرة
    المشاركات
    4
    معدل تقييم المستوى
    0

    افتراضي

    بسم الله الرحمن الرحيم,
    السلام عليكم يا جماعة,
    أنا إسمى علاء زكى, خريج دفعة ديسمبر 2006 بجامعة عين شمس, و أنا المفروض فى دفعة تكليف مارس 2008.
    و أتمنى إنكم تقبلونى فى وسطكم كزميل مهنة و إن كنت من كلية أخرى.
    المشكلة عندى إننى حتى الآن لم أستلم تكليفى و الصراحة موضوع الإستقالة منونو فى دماغى, لكنى ماكونتش قادر اشوف كل أبعاد الموضوع, و هنا أحب أتوجه بالشكر للدكاترة المحترمين جدا و اللى ربنا يجازيهم خير عن كل المعلومات اللى هما كتبوها لأنهم فعلا فادونى جدا و وضحوا بعض الأشياء اللى كانت غايبة عنى شخصيا, شكرا يا
    د. فيرون
    د. مدنجى
    د. سامح آى جى.
    و كل من شارك فى هذا الموضوع القيم بأى مداخلة.
    ----------------------
    أنا بس كنت إتكلمت فى موضوع الإستقالة ده مع دكتور أكبر منى و قاللى عن سكتين ممكن يكون متاحين قدامنا عشان نمسك العصا من النص و نرضى اللى عايز يستقيل عشان يتعلم أو عايز يتكلف عشان التكييف الميرى و ترابه, برغم عدم إقتناعى بأهمية الإستمرار فى الوزارة لكن أنا ب أحب أحترم أى وجهة نظر مهما كانت مختلفة معايا عشان وجهة نظرى تحترم هى كمان.

    السكة الأولى:
    إنك تسأل فى المكان اللى إنت عايز تقدم فيه على نايب زاير و تعرف عدد الإيام المطلوب منك التواجد فيها, و بعد كده تجيب شهادة تفرغ من مكان تكييفك, سورى تكليفك, بالأيام دى و تقدم على نايب زاير و إنت على قوة الوزارة, على ما أظن إن الوضع ده هايكون كويس فى التعليم و إن كان برضه مشكلة الماستر لم تحل بعد.

    السكة التانية:
    إنك تجيب موافقة مكان من المعاهد التعليمية, مثلا: معهد القلب, الرمد, السكر,,,,إلخ على إنتدابك هناك. و تكتب طلب إنتداب فى المديرية اللى إنت تابع ليها و ترفق بيه الموافقة عشان ينتدبوك خلال فترة تكليفك فى أى من المعاهد أو الأماكن.
    و ده عملا بالمادة 6 من القانون بتاع التكليف اللى فى الدليل:

    نظام تكليف الأطباء على جهات خارج الوحدات التابعة لمديريات الشئون الصحية

    مادة(6): ينظر فى الطلبات الواردة من الجهات الراغبة فى تكليف الأطباء لديها، خارج نطاق الوحدات التابعة لمديريات الشئون الصحية بالمحافظات، ، وذلك بنظام الإعارةمن المديريات الموزعين عليها و بعدموافقة هذه المديريات في ضوء إحتياجتها من الأطباء المكلفين عليها ، على أن يكون ذلك بالاعداد وليس بالاسماء ما عدا الاطباء المقيمين والمعيدين بالجامعات والمراكز البحثية التابعة لوزارة البحث العلمى والمكلفين على وزارتى الدفاع والداخلية والجهات ذات الطبيعة الخاصة المماثلة طبقا لما تحدده لجنة التكليف.

    و هنا برضه مسكت العصاية من النص, مع التأجيل لموضوع الماستر.
    ---------------------------------------
    و فى كل الاحوال, يمكنك التحضير و الإتجاه للزمالات البريطانية, و أحب أعقم على معلومة ذكرها الزميل العزيز د.سامح آى جى,
    و هى إن شهادة الخبرة مطلوبة فقط فى بعض التخصصات و
    ليست مطلوبة فى تخصصات أخرى.مثلا تخصص النسا و الولادة
    مطلوب له شهادة خبرة فعلا. لكن تخصص آخر زى الباطنة و
    الأطفال مش مطلوب فيها شهادة خبرة.
    و اللى عايز يتأكد, من الممكن إن يحصل على معلومات عن الزمالة البريطانية فى النسا عن طريق السؤال فى مستشفى عين شمس التخصصى, و الزمالة فى الباطنة و الأطفال يمكن السؤال عنها فى النقابة.
    --------------------------
    دى كل المعلومات اللى عندى بالنسبة للتكييف
    يوووووووووه سورى التكليف. و أتمنى إنى أكون قدرت أفيدكم بيها.
    ------------------------
    و يا دكتورفيرون, بسم الله ما شاء الله عليك, تفكيرك منظم, و دمك خفيف بالمناسبة, عجبنى فيك التحمس و الرغبة فى النجاح, و ربنا يوفقك.
    دكتور مدنجى, اللهم لا حسد برضه بسم الله ما شاء الله عليكم, مصحصح و كلامك منطقى جدا, عجبنى فيك عدم التسرع و الدم الخفيف برضه, و ربنا يوفقك.
    دكتور سامح آى جى, بسم الله ما شاء الله, صريح و واقعى جدا لدرجة مؤلمة, كلامه على قد ما بيوجع و على قد ما من الممكن ماتقبلهوش, إلا إنه كلام على نسبة عالية من الصواب برغم عدم رضانا عنه. و أتمنى إنه يكون ده عرض للواقع فقط و بدون عدم إقتناع منه بما يحدث أو موافقته عليه.و ربنا يوفقك.

    السلام عليكم و أرجو إنى ماكونتش طولت عليكم.

  4. #44
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    اهلا يا دكتور
    أحيي كل عين شمساوي دخل المنتدى
    _بحن لأصلي_
    ثانيا دفعة 2006 و لسة ما استلمتش التكليف
    مستعجل ليييه؟؟!!
    تريثييي ولا تتسرعي
    لا مؤاخذة
    تريث ولا تتعجل
    جاية جاية
    ثالثا الاستقالة
    الاستخارة و ان شاء الله تختار الافضل
    رابعا بقى طلع لازم خبرة في تخصص النسا
    هو حضرتك تقصد الخبرة ده مطلوبة لايه و في ايه بالضبط؟
    مثلا زي السفر و العمل بالتخصص ده في الخارج؟!!
    اخيرا:نورت يا فندم

  5. افتراضي

    ومين يابني ضحك عليك وقال لك انهم هيدزك موافقة تنتدب عندهم؟؟؟؟؟

    ده حتى زمايلنا اللي كانوا في فاكسيرا
    مشوهم منها
    Proud to be Muslim, .. (still) Proud to be Egyptian





  6. #46
    تاريخ التسجيل
    May 2008
    الدولة
    م. نصر = القاهرة
    المشاركات
    4
    معدل تقييم المستوى
    0

    افتراضي

    متشكر جدا على الترحيب يا دكاترة,
    Broken Nonna
    الشهادة الخبرة دى مطلوبة عشان تدخلى إمتحان الجزء الثانى, و هى تقريبا شهادة خبرة 4 سنين فى مستشفى كبيرة,
    و لو عايزة تتأكدى ممكن تسألى فى مستشفى عين شمس التخصصى.
    و عاش يا شمساوية
    ----------
    بن الحصرى
    معلش, أصل أنا طيب و ب أحب آخد الناس للأخر, يعنى لو وافقوا على إنتدابى أنا هاستلم التكييف بتاعى, و لو ماوافقوش أو سحبوا إنتدابهم بعد ما وافقوا أنا هاستقيل. و فى كلتا الحالات أنا مش خسران حاجة أنا بس ب آخد فرصة.

    و الحياة فرص
    مش كده ولا إيه؟

  7. #47
    تاريخ التسجيل
    Jul 2007
    الدولة
    المنصورة
    المشاركات
    3,087
    معدل تقييم المستوى
    14

    افتراضي

    اولا اهلا بيك يا دكتور علاء
    المنتدى نور


    كلام عين العقل
    وكذلك كلام بروكن نونا
    ربنا يجازى كل من كتب نصيحة خير
    ربنا يقدم لينا وليكم كل خير
    اللهم ارضنى بما شئت .. اينما شئت
    كيفما شئت
    ويسر لى الخير حيث كان

  8. #48
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي رد: و أخيراً البداية استقالة

    بيتيهالي جه وقت الموضوع ده مرة اخرى
    السلاااام عليكم

    شوية استفسارات و اللي عنده الاجابة ربنا يكرمه لايبخل في شرحها
    اهم حاجةانها تكون مبسطة لاني مش بافهم الحاجات المكلكعة
    لو سمحتوا

    1_اخر يوم امتياز ان شاء الله 28/2
    هل المفروض ان 1/3 اول يوم تكليف و اقصىميعاد لاستلام التكليف 1/5 زيما فعلا سمعت؟!!





    6
    2_ايه اللي يحصل لو ما استلمتش تكليفي في المكان اللي اتحدد؟

    لاني ناوية اذا كان المكان بعيد ما استلمش.

    3_هل مسموح وقت ما احب اروح استلم التكليف اروح و لا في مواعيد محددة
    زيما سمعت اول مايو و اذا تخلفتعنه يبقى اول نوفمبر
    يعني 6 اشهر تأخير؟

    4_هل الاستقالة من وزارةالصحة مش هتمنع ان شاءالله التأمينات و المعاشات
    لان لسة في تاميناتو معاشات تابعة للنقابة؟


    5_هل فعلا بعد الامتياز و قبل التكليف
    باخد كارنيه نقابة
    و تصريح مزاولة مهنة
    واهم حاجة اهم حاجة
    رخصة عيادة؟

    و لا هل لازم تكليف و تحضير ماجستير؟

    يعني ما ينفعش افتح عيادة بعد الامتياز و اكون طبيب حر و استقلت من التكليف؟


    _اذااستقلت و بقيت طبيب حر سهل زيما فهمت احضرماجستير علىطول
    طيب اذاعاوزة احضر زمالة بريطاني مش ماجستير
    هل لازم اكون مقيدة في مستشفى حكومي عشان الجزء التاني منها؟!!




    7_هل القانون علىحظي يعني اتغير و بقى تحضير الماجستير محتاج انى ابقىتابعة لمستشفى و لاايه؟

    8_اذا انا بقيت طبيب حر_انثى_ ايه فرص العمل التانية ؟
    و كمان ايه فرص التحضير في الدراسات التانية؟

    9_هل ممكن اخد اخازة من اول يوم تكليف من غير ما اقعد فترة فيه؟


    انا عاوزة استقيل او ما استلمش تكليفي او اخد اجازة من اول يوم فيه
    و ابقى طبيب حر
    افتح عيادة و اشتغل في مستوصف بتخصص معين
    و في نفس الوقت احضر
    هل الخطوات ده في بينها فترات متباعدة زي سنتينو الكلام ده و لاايه؟
    التعديل الأخير تم بواسطة broken nonna ; 28-01-2010 الساعة 12:41 AM سبب آخر: مش عاجبنيالخط الصغير ده

  9. #49
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي رد: و أخيراً البداية استقالة

    am intending to reply wallahy ya nono
    but could u wait 4 me only 10 days
    :")
    ازاى الاولاد ؟

    وانا كمان ;)

  10. #50
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي رد: و أخيراً البداية استقالة

    بدون ترتيب :
    1 - تهويش
    4- ان شاء الله فيه تأمينات و الذي منه تبع النقابة
    أن توقد شمعة ... خير من أن تلعن الظلام ألف مرة


  11. #51
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي رد: و أخيراً البداية استقالة

    باخد كارنيه نقابة
    و تصريح مزاولة مهنة
    آه
    واهم حاجة اهم حاجة
    رخصة عيادة؟
    الرحصة مش بتطلع توماتيكي ... لكن اللي عايز يعمل بيعمل
    يعني ما ينفعش افتح عيادة بعد الامتياز و اكون طبيب حر و استقلت من التكليف؟
    ينفع

    هل لازم اكون مقيدة في مستشفى حكومي عشان الجزء التاني منها؟!!
    مش عارف تفاصيل الشروط - لكن اعرف ناس راحوا مستشفى حكومي كنواب زائرين عشان الموضوع ده

    9_هل ممكن اخد اخازة من اول يوم تكليف من غير ما اقعد فترة فيه؟
    على أيامي : الاعتيادي مش قبل 6 شهور - و ال"بدون مرتب" مش قبل سنتين
    لكن طبعاً اجازة "رعاية الطفل" - للطبيبات - ممكن في اي وقت ..... و الله اعلم
    دا ميمنعش ان لو في أي وقت (مش لازم بعد قترة معينة) رحتي تلغي تكليفك هايقولولك في ستين سلامة (دا اللي حصل معايا على الأقل) .
    ------------------------------------------------------------------------
    أنا معلوماتي في الناحية دي قليلة يا شباب - حد عايز يكمل ؟
    أن توقد شمعة ... خير من أن تلعن الظلام ألف مرة


  12. #52
    تاريخ التسجيل
    Nov 2002
    الدولة
    قاهرة المعز
    المشاركات
    1,066
    مقالات المدونة
    3
    معدل تقييم المستوى
    16

    افتراضي رد: و أخيراً البداية استقالة

    عيد ميلاد البداية استقالة ... الثالث
    السلام عليكم و رحمة الله و بركاته
    ثلاث سنوات بالتمام و الكمال منذ أن سطرت كلمات هذا الموضوع ...
    ثلاث سنوات منذ ناقشنا نقطة بداية مختلفة ....
    و كنت عاوز أعرف تقييم كل واحد من اللي ناقشوا الموضوع ده
    إزاي بدأ و ازاي كمل ... تفتكروا كان في أخطاء ... اتعلمنا إيه ... ننصح زملاءنا بإيه بعد ما مشينا المشاوير دي .... أنا متأكد إن كل واحد شارك في الموضوع ده كان ليه تجربة يحب يناقشها مع زملاءه
    أشحطوط بالورى .... جاب الليالي السود .... فتبهدلا

  13. #53
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي رد: و أخيراً البداية استقالة

    :)

    انا خلصت نيابتى من 4 شهور تقريبا
    و لسه في الرسالة اللى العملي تاعها خلصان
    والريفيو تلاتربعه مكتوب و الميثودولوجى اتكتب ومش هيتعملها احصاء
    باشتغل برايفت
    بافكر جديا في اي حاجة باطنة او اطفال ( تطلع زي ما تطلع دبلومة .. زمالة .. اي حاجة )
    كبرت في دماغي فكرة السفر ( بس لبلد مسلمة )
    اتعلمت وباتعلم ازاي تكون سينيور
    اتعلمت ازاي متأمنش لاي حد ولا لأى ورقة
    ومتمضيش على حاجة متعرفش فيها ايه
    ازاى الاولاد ؟

    وانا كمان ;)

  14. #54
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي رد: و أخيراً البداية استقالة

    دكتور فيرون و دكتورة كلمنتينا انا منتظرة و متابعة
    و بصراحة من ساعة ما بدأت امتياز و خلصت و و تغيرت حالتي الاجتماعية اللي لغبطت كل حاجة في حياتي مهنيا و انا مستغربة الحال جدا
    هل انا بس اللي محتاسة و حاسة ان الدنيا متوقفة و انى هافضل محلك سر؟!!
    ولا انا متشائمة و بافرض السوء؟
    ولا انا باتبتر على النعمة زي ما بيتقال لي ساعات و في داهية الشغل اجازة و عيشي زي ما تعيشي برة
    شغل ايه يا ام شغل؟!!

    الحاجة الوحيدة اللي اللي متأكدة منها انى عاوزة اشتغل و عاوزة اتعلم و عاوزة اكون طبيبة بجد
    بس كل الامور متلغبطة في راسي و مخلياني متخبطة و مش عارفة ايه الخطوات اللي لازم اعملها

    م الاخر بالف حوالين نفسي ي ي ي ي ي ي

  15. #55
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي رد: و أخيراً البداية استقالة

    لو ما حاولتيش يبقى مفيش غير احتمال واحد
    انما لو حاولتى فيه احتمالين على الاقل
    متستنيش فكري جديا في زمالة او معادلة
    ازاى الاولاد ؟

    وانا كمان ;)

  16. #56
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي رد: و أخيراً البداية استقالة

    استلمت الشغل
    و قعدت فترة مش بطالة
    و استخرت الله
    وقدمت اجازة مرافقة زوج اخيرا
    و بعد عناااااااء اتقبلت
    و باقي اجراءات اخلاء طرف اللي باماطل فيها شوية

    المحصلة النهائية:
    قضيت من فترة التكليف شهر ونصف
    ماليش نيابة طالما ما قضتش 6 شهور عمل فعلي_ده على فرض انى هاخد نيابة ملحة_
    و طبعا من سنة الى سنة ونصف عمل فعلي للحصول على نيابة اساسية
    و كمان ماعيش خبرة كافية اكتبها في اي سي في و اسيبها في اي مكتب توظيف في مصر
    ولا خبرة كافية تخلي اي حد يتجرأ يعيني وانا في السعودية كطبيب عام حتى
    يعني لا تقدم في مصر و لا تقدم خارجها
    و مع ذلك
    انا زي الفل الحمد لله


    قرارات اخرى:
    على المدى البعيد شوية:
    استخرت الله
    و جبت كتب زمالة بريطانية باطنة
    و ناوية ان شاء الله ادخل الامتحان شهر 9 القادم
    لما انزل مصر ان شاء الله

    على المدى القريب شوية:
    هابحث على اي فرصة تعاقد داخلي او مستوصف او مستشفى خاص عشان اشتغل فيها
    و ان شاء الله مش هيأس لحد ما الاقيها
    واذا مالاقتهاش
    يبقى شاء الله و ماقدر فعل
    الخير ليّ انى اقعد في البيت


    اي نصائح انا متقبلاها و هاعمل بيها طالما تقبلها عقلي و قلبي و و فرصة تحقيقها في ايدي ان شاء الله.

    استفسارات:
    مديرتي في المركز كانت في نفس وضعي برده في يوم ما
    و قالتلي ان احسن حاجة حاليا و فرصتي فيها 50%_وده في نظري نسبة كويسة جدا_
    انى اشتغل طب اسرة في السعودية لحد ما احضر MRCP part 1 على الاقل
    و ابقى مقيم باطنة.

    المشكلة بقى انى اشتغلت طب اسرة في المركز
    و اخدت فيه دورة في الدمرداش
    و دورة في المركز حاليا برده
    بس قالتلي طب الاسرة هناك ارقى و أكثر جدية عشان كدة لازم اخد معايا كتب
    في طب الاسرة و النسا و الاطفال و الباطنة
    وانا صراحة ماعنديش اي خلفية عن نوعية كتب زي كدة
    و مشعاوزة اشيل حاجات كتير
    فياريت اللي يفيدني بأحسن الكتب وتكون مفيدة وسلسة في الشرح
    واجيبها منين
    اتعشم ان اللي هيفيدني قوي في الموضوع دكتور عماد قطت او SAnode

    هي الناس الكويسة ده سابت المنتدى و راحت فين؟!!

  17. #57
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي رد: و أخيراً البداية استقالة

    كنت لسه هاقولك عليكي وعلى دكتور عماد
    ازاى الاولاد ؟

    وانا كمان ;)

  18. #58
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي رد: و أخيراً البداية استقالة

    لا يُفتى في طب الأسرة و الدكتور عماد في المدينة
    أن توقد شمعة ... خير من أن تلعن الظلام ألف مرة


  19. #59
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي رد: و أخيراً البداية استقالة

    اقتباس المشاركة الأصلية كتبت بواسطة مصباح مشاهدة المشاركة
    لا يُفتى في طب الأسرة و الدكتور عماد في المدينة
    وأين هو من المدينة؟

  20. #60
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي رد: و أخيراً البداية استقالة

    هو قال لي انه شاف الموضوع و رد عليه - مش عارف رد فين بالظبط
    أن توقد شمعة ... خير من أن تلعن الظلام ألف مرة


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 8
    آخر مشاركة: 30-04-2008, 08:48 AM
  2. استقالة كاسبرزاك من تدريب السنغال
    بواسطة mr_azygos في المنتدى ستاد القصر العينى
    مشاركات: 8
    آخر مشاركة: 29-01-2008, 12:39 AM
  3. احنا اللى سكتنا من البداية
    بواسطة مصباح في المنتدى حوار
    مشاركات: 20
    آخر مشاركة: 17-11-2007, 06:28 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •