صفحة 4 من 44 الأولىالأولى 1 2 3 4 5 6 7 8 9 10 11 12 13 14 15 16 17 18 24 ... الأخيرةالأخيرة
النتائج 61 إلى 80 من 878

الموضوع: كوليكشن غيظ!!

  1. #61
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    اقتباس المشاركة الأصلية كتبت بواسطة broken nonna مشاهدة المشاركة
    بصراحة الهيئة العامة تقول انه ابن نااااااااااس جدااااا جدااااا

    بدلة ايه و ريحة ايه
    ما علينا بصوا بصوا عارفين بتبقوا ازاى فى الشفوى و لا فى الافراح اهو كان حاجة تشرح القلب الحزين كدا
    و دنه احمرت و وشه احمر بيفرك فى صوابع ايده

    ههههههههههههههههههههههههه
    إنت وقعتي في المقلب ده
    ------------
    أنا برضه مرة كنت راجع من الكلية
    وفجأة لقيت حد عمال بيبسبس... ولو سمحت.... ومش عارف إيه
    بصيت لقيته بينده لي أنا... رحتله أشوف في إيه
    كان راجل لابس بدلة (بحالة كويسة يعني مش مبهدلة).. وشكله كويس ومحترم
    قابلني بابتسامة عريضة جدا (افتكرته هيطلع صاحب بابا ولا حد قريبنا مثلا وأنا معرفوش ولا حاجة)
    قال لي: سلام عليكم
    - وعليكم السلام
    - أنا الأستاذ فلان الفلاني .. محامي من اسكندرية .. من سيدي بشر
    - أهلا وسهلا
    - وآدي كارنيه النقابة آهو (طلع الكارنيه من جيب الجاكت وحطه قدام عيني ودخله تاني قبل ما أشوف حتى لون الكارنيه)
    - أهلا وسهلا
    - أنا جيت لك إنت عشان انت أخويا.. ومارضيتش أروح لحد تاني عشان حاسس إنك أخويا الصغير بالظبط (بيتكلم وهو بيضحك مش عارف ليه)
    - الله يخليك.. ده من ذوقك (في عقل بالي باقول عبيط ده ولا إيه)
    - أصل أنا كنت هنا في قضية و بعدين (بيضحك برضه) واحدة سرقت مني المحفظة
    - يااااه (في بالي : وأنا مالي يعني)
    - وخدت المحفظة (لسه بيضحك) وفيها الفلوس والبطاقة وكل حاجة
    - معقول (في بالي : اشمعنى سابت الكارنيه اللي مالحقتش أشوفه)
    - فأنا مش عارف أرجع اسكندرية ازاي دلوقتي (على فكرة.. لسه بيضحك) فجيت لك قلت إنت أخويا وأكيد مش هتكسفني.. كنت عايز أي حاجة أروّح بيها
    - آه...................(بدأت أصدقه) بصراحة أنا مامعاييش فلوس فكة خالص دلوقت (فعلا مامعاييش) كنت عايز أساعدك بس معايا خمسين جنيه مجمدة
    - خلاص مفيش مشكلة.. حصل خير (بطل ضحك ووشه قلب حزايني... قطع قلبي)
    - أنا آسف فعلا
    - حصل خير .. ومعلش عطلتك
    .................
    .................
    .................
    .................
    .................
    .................
    .................
    .................
    بعد يومين ....
    شفته في المعصرة.. وطلع ولا كان من اسكندرية ولا حاجة

  2. #62
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    اقتباس المشاركة الأصلية كتبت بواسطة broken nonna مشاهدة المشاركة
    و عاوزين يدخلوه بالعافية فى ميكروباص
    اللى طالع عليه حرام عليكم حرام عليكم
    طيب استنوا لما يجوا اصحاب الارض و الناس اللى مشغلينا
    اتحشر حشر فى الميكروباص
    أساسا... موضوع الميكروباص ده لوحده مشكلة
    كل يوم الظباط ياخدوا واحد بالعافية كده من الموقف ويفضلوا يلفوا بيه طول اليوم
    بس أنا عرفت إن سواقين الموقف كلهم بيلموا من كل واحد مبلغ صغير بحيث يدوهوله لما يرجع
    عشان يروح معاه فلوس قريبه شوية من اللي كان هيعملها لو كان اشتغل اليوم ده
    ----------------------
    أما في موضوع البنا المخالف
    هم ما بيقدروش غير على الغلابة
    لكن الناس التقال بيعملوا اللي هم عايزينه ويتحايلوا على القانون ويمشوا اللي في دماغهم

  3. #63
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    اقتباس المشاركة الأصلية كتبت بواسطة broken nonna مشاهدة المشاركة
    الاصل ايه بقى ان فى يوم امتحان ال m cq بتاع الراوندات كلها
    واحد اتزنق

    سيجارة اه انا مش عاوزة اخد ذنب الظن الغلط
    قالتله ايه ده
    عاوز ادخن ممكن!!
    عاااااااادي
    الموقف ده حصل قدامي وأنا في الثانوية العامة
    في امتحان الاحصاء
    واحد رفع إيده وقال للمراقب : لو سمحت.. عايز أشرب سيجاره
    المراقب قال له : نعم؟؟!!! تشرب إيه؟!
    - عايز أشرب سيجارة.. الامتحان صعب (امتحان الاحصاء) وعايز أعرف أركز
    قعدوا يزعقوا مع بعض شوية وفي الآخر جاب له رئيس الدور
    ونفس اللي قلتيه حصل
    خلاه يطلع يدخن بره اللجنة.. خلصها ودخل كمل الامتحان

  4. #64
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    دكتور سامح ايوة حصا ان ماما قالتلى كدة,عاااااااااااادى و لا ايه!!
    دكتور ekm كتر خيرك انت بتثبتلى ان اللى بشوفه فعلا عااادى و مش(غير عادى)خاااااااااااااااااالص.
    روزا واحشانى على فكرة جدا يقالي مدة مش شايفاكى فى المنتدى, و لا يهمك دكتور سامح يأطم زى ما هو عاوز و على فكرة اكيد هتلاقى التدخين عندكم فى الكلية ممنوع بس ده قرااااااااااااااار لا يتم تنفيذه ابدا.

  5. #65
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي انا لله و انا اليه راجعون!!!

    كان يا ما كان الولد خجول ماشي مطاطى راسه فى الارض لو حصل و بنت عدت من جنبه يا نهااااااااااااااااار يا نهاااااااااار

    و كان العادى برده ان البنت ما بتخرجش السارع كتير واذا خرجت كان معاها اهلها و نادر بمهنى ماكانش موجود شاب واحد يعاكس فى الشارع
    زمنك ولى يا والدتى!!
    ثانية بس افهمكم الكلام اللى فى الاول كان كلام لوالدتى رد ليها على حاجة انا قلتهالها
    لما خلصت ادركت فعلا ان زمن والدتى كان زمن غير عادى فولى لان زمن العادى هبط !!!
    نتفاهم طيب!!
    انا همشي زى ما علمونا فى الكلية _ systematic and chronologically_ البدايه
    كان العادي ان شاب شاف بنت امورة و صاااااااااااااااروخ ارض جو _ومش هقول اللفظ التالت اللى بيتقال معلش_ يعاكسها
    و بعدين بقى عاااادى ان شاب شاف بنت مححجبة مش محجبة حلوة مش حلوة اهو بيعاكس و خلاص
    و بعدين كماااااان اصبح عااادى ان الولد يتحرش باى بنت فى وسط الزحمة
    ده كل اللى كنت اعرفه عن العادي فى موضوع المعاكسات!!
    بس اكتشفت عادى جديد!!!
    و الله انا فى شدة الاحراج من اللى هقوله و نفسي فعلا ابدأ اطبق منهج الناس فى استغلال (العادي) و مش عارفة
    ماشية فى الشارع فى امان الله محملة بملازم فى شهر 7 اللى فات
    مثقلة بهم الحل المهبب اللى عملته فى ال ام سي كيو
    و ازاى هعرفهم فى البيت
    و اذا بواحدة جاية من بعيد باصالى و مبتسمة ابتسامة جامده قوى فى بالى قلت انا معرفهاش اكيد فى حد ورايا
    فى الالخر قلت اذا كلمتنى تبقى انا المقصودة من الاول فبلاش حتى اردلها الابتسام لحد ما تقرب منى
    لحد دلوقت عااادى بتحصل ان حد ممكن يشبه عليك من بعيد
    اول ما قربت جنبى بنفس الابتسامة
    قالتلى جملة :
    يخرب بيت شفايفك!!!
    اظن صابكم و انتوا بتقروا ما صابنى من ذهول
    فوقنى صوت سواق الميكروبااااص
    جسر السويس الف مسكن
    ركبت و انا لازلت مزبهلة لحد ما وصلت البيت اول مين صادفنى اخويا الصغير _اللى فى تجارة عربي اظنكم عرفتوه_ قاللى مالك ؟
    حليتى وحش
    قلتله و انا بهرج معاه:
    يخرب بيت بؤك!!
    الواد باصلي و بدأ يضحك زى اللى شا مم كله !!
    قلتله ايه مالك؟
    قاللى انا اللى مالى
    حكيتله صدمنى لما قاللى انه كان ماشي فى الشارع فى مرة ووقفه شاب عضلات و بتاع
    فقاله استنى يا ماان
    انت بتروح جيم ايه؟
    (اخويا اصله من هواة الحديد و الكلام ده)
    قاله اه تعرف اللى مش عارف فين....
    الاخ بقى يروح يقوله ايه
    بس ايه ده بنساتك و لا بنجاتك و الله ماعرف بتتقال ازاى تحفة
    طيب نشفهم كدة!!
    طبعا انا سألت اخويا
    تنشف ايه؟!!
    قاللى البنشات_و بيشاور على عضلة الصدر_
    قلتله و هو عاوزك تنشفهم ليه؟!!
    قاللى مانا عرفت اصله كان عاوز يحسهم!!!
    يا نهاااار يا نهاااااااااار
    يا حس ايه يا وااااااااااد؟!!
    قاللى البنشات
    يا بنتى عادى الحاجات دى عند الشباب عااادى
    !!!!
    عادى بنت تعاكسنى!!
    و عادى ولد يعاكس ولد و يفتتن كمان ب_بنشاته_!!!
    حكمتك يارب!!!


  6. #66
    تاريخ التسجيل
    Aug 2007
    الدولة
    المنصوره
    المشاركات
    2,044
    معدل تقييم المستوى
    13

    افتراضي

    عادى بنت تعاكسنى!!
    و عادى ولد يعاكس ولد و يفتتن كمان ب_بنشاته_!!!

    دى والله مش عادى ابدااااااا
    فى رأيى دى مصيبة وكارثة كبيرة كمان
    ربنا يسترها علينا فى الزمن اللى ما يعلم بيه الا ربنا ده
    No One Deserve Your Tears And the ONE Who Deserve Your Tears Can't Make You Cry

  7. #67
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    بصراحة أنا شفت ولد بيعاكس بنت
    وشفت بنت بتعاكس ولد
    لكن جديدة حكاية البنت اللي بتعاكس بنت دي

  8. #68
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي يا لجنة ما كانت على الباااااااااااال!!!

    حظى دايما فى اللجان بيبقى غريب مش عارفة ليه
    جايز عشان اسمي من الحروف الاخيرة
    و لا جايز على راى تيتا
    الناس اقدام و قرف_بكسر القاف الله يكرمكم!!!
    على ما يبدو ان قرفتى كانت من غير لبن و لا ايه!!
    مرة تبقى فى قبو تحت الارض بلا مراوح بلا فتحات تهوية
    بس ده مش مهم انا متعودة بتأقلم بسرعة مع درجة الحرارة
    بس سبحان الله منخيري مش كدة و لا عينى للاسف!!
    يعنى لو شفت منظر مش تمام عينى تفضل مثبته الصورة عليه طو ل اليوم ومعرفش انساه لمدة يوم و ممككن يومين كمان
    اما منخيري بقى حكاية تانية
    و لو تسمحلى الابلة نظيرة اقتبس جملتها الشهيرة و اقول
    النتانة_لامؤاخذة _ما بتكدبش!!
    لما تعدى جنب لجنة امتحانك و تشم ريحة عفونة _عافكم الله_و تسأل اصحابك:
    هما نقلوا المشرحة هنا و لا ده عامل ناسي شرابه و لا كلب ميت و لا ايه بالضبط مصدر الريحة دى؟
    يرد عليك احد مشجعين العادى
    يا بنتى ده صالة الامتحانات !!!
    و تفتكر انت قريت الكلمة دى فين فين
    طيب ايه علاقتها بيك مادام الكلمة بترن فى ودنك كدة!!
    تلاقى اللى بيسألك مش نازلة اللجنةولا ايه!!

    تنزل بالعافية و انت تتمنى يبنجوك اكرم
    و الله حسبي اله و نعم الوكيل

    المرة التانية كان حظى كاد ان يعتبر افضل
    و انا بقول كاد
    اول ما عرفت انى همتحن فى المبنى الجديد كدت اموت فرحا
    بدأت ادور على رقمى على الكراسي ما فيش بس فى رقم اول صف يحدد من كام لكام
    اخدت الصالة كلها من اولها عديت عشرين صف
    و لسة ما لقيتش مجموعتى فين لمحت زميلة بتشاورلى
    عرفت مكانى
    و هنا بقى تعرفوا معنى القرف_اكسروا القاف او افتحوها عااادى_
    طربيزتى اول لجنتى تحت لمبة محروقة ادام باب المبنى للى داخل و اللى خارج للى طالع و اللى نازل
    و لانى زى ما قلتلكم بتعود بسرعة على البيئة المحيطة ما فرقش معاى الكلام ده فى اول عشر دقايق لانى عارفة انى لو اتكلمت برده مش هينفذوا حاجة فى لحظتها و هو يعنى اللى حط الطربيزة هنا و كتب رقمى اعمى اكيد خد باله بس عمل عبيط عااادى
    المصيبة كانت فى منخيري و عينى
    حد صيف فى اسكندرية؟
    حد يعرف الكباين القديمة اللى هدوها
    بلاش بلاش
    حد يعرف المراحيض اللى بتبقى موجودة اللى من الخشب دى
    بلاش برده عارفين دورة المياه العمومية اللى فى التحرير اكيد عديتوا جنبها اكيد
    عارفينها عارفينها
    الاهم انكم تستحضروا الريحة
    .......
    ........
    على مهلكم
    .......
    ...... تمااااااااااااااااااااااام
    هى دى
    نتانة و عفونة اللهم احفظنا
    و الناس برده مصرة تدخل!!!
    المهم انا كنت شامة نفس هذة الريحة فى لجنة الامتحان
    اتااااارى جنب منى حماام الرجال_بلاش بلاش لحسن بتوع المرافق يقولوا على بسب سب علنى و يقاضونى
    دورة مياه الرجال
    الدابليو سي لا مؤاخذة!!!
    انا بمتحن جنب دورة مياة رجال
    عمال على بستانى على موظفين على طلبة هيصة
    و اقول للمراقب قبل الامتحان معلش بس مش هينفع اقعد هنا
    يقولى ليه؟!!
    طب اقوله ايه
    الريحه فاقعة و لا المكان حرج!!
    رد الولد اللى قصادى و قاله يعنى عشان حمام الرجال
    يرد الراجل الب.....
    و لا بلاش
    يرد الراجل عديم ....
    اقصد الراجال العااااااااااااااادى
    و ايه يعنى هى مش دكتورة انتى مش كشفتى على رجالة قبل كدة فى الباطنة و الجلدية!!!
    و ضحك و اتقلب الحوار عن الكسوف و ان ده زمن ما فيهوش بنت بتتكسف و كلا من ده لحد ما وزعوا ورق الاجابة و رحمنى ربنا منه

    بعد 15 دقيقة _اصلا زمن الامتحان 45 دقيقة_لقيت الاخ اللى ادامى بدأ يدندن
    كمان 10 دقايق بدأت اميز كلمات الاغنية
    _سكرانة سكرانة......
    و بلا يمين 5 دقايق كمان لقيته بينادى المراقب يديله ورقة الاسئلة و الاجابة
    و بيغنى
    بعد حين سكرانة سكرانة

  9. #69
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    اول ما خلصت امتحان الراوندات و بدات اجازة الصيف _ان جاز اعتبارها اجازة اصلا_
    سافرت مع اسرتى اسكندرية.
    بس لان صديقة ليا كان فرحها فى القاهرة فكان لازم انزل
    ما حدش رضي ينزل معايا ابدا
    بدأت افقد الامل بالذات ان والدى مش من ارباب ان البنت تسافر لوحها
    بس كان لازم احضر و اللى يعرف موضوع (العروسة للعريس و الجرى للمتاعيس)هيعرف اد انا بحب حضور الافراح جدا جدا حتى لو ما اعرفش فيها حد.
    اضطريت ادفع!!
    اخويا الصغير_راسمالى قولوا اقطاعى قولوا برده(ربنا يحميه و يحفظه)_قاللى اجى اوصلك بس.....
    قلتله عشرة جنيه!!
    قاللى يفتح الله !!
    قلتله ومواصلات على بابا يااااااااااااااااااه
    قاللى يفتح الله
    انتهى على 20 جنيه _عشان احنا فى رمضان ردلى منها 6 جنيه ونص حولى رصيد بصراحة
    المهم ان واحد صاحبه جه معانا _ماتخافوش انا يستقرضنى واحد بس اتنسن لا!!!
    مالقيناش حجز قطر
    قاللى ما بدهااااااااش ميكروباص يا نونا
    قلتله يالا المهم الحق الفرح سا عتك
    وقفنا على اول شارع خالد بن الوليد امم يا نااااااااااس امم واقفة
    و ده العاااادى
    اثناء انتظارنا اللى طاااااااال تناهى الى مسامعى صوت من اصوات موسيقى الاغانى بتاعت السواقين و الفرخجية و الصنايعية
    نظااااااااام ايييييييييييييييييه و ااااااااه و الكلام ده
    التفت لاقيت اننا واقفين على ناصية قهوة_سياااااحى_
    عااادى
    فجأة الاغنية تغيرت و لانى اصلا مش مركزة هى بتقزل ايه ما فرقش معايا
    بس انا لقيت الواد اخويا بيبصلى و بينغزنى اللى هو كاتم ضحكة هتنفجر منه بس بيحاول
    يكتمها
    منظره لوحده يضحك فبقلة فى شبه وشوشة ايه مالك؟
    قاللى بصي على اسلام_صاحبه_
    بصيت على الواد لقيته قلع النضارة عينيه حمرا بدأ يدمع
    الواد مش عارف يتحكم فى عينه دمعة اتزحلقت
    طبعا انا مش فاهمة فى ايه
    بصيت لاخويا قلتله ماله
    اخويا مش عارف ينطق
    يا واله الواد بيعيط و لا انا بيتهيألى
    اخويا انفجر من الضحك و بقيت المه من الارض
    و اللى على لسانى كلمة امى_اتلم يا مفضوح_بس ما بتجبش نتيجة الا منها الظاهر كدة
    الولد صاحبه تخد على خاطره ووقف على جنب
    اخويا بدأ يتعدل و راحله
    الواد بدأ يمسح دموعه و رجعوا تانى
    و لان الود صعب عليا فعلا بالاذات انك تشوفه ما شاء الله _ضخم_ و بيعيط
    اكيد شئ مؤثر اللى بكاه
    سألته: انت افتكرت حاجة وحشه
    رد على بكل سذاجة و الله فعلا زى العيال:
    ابدا بس الاغنية مؤثرة
    زلزال يا ناس
    الواد ده عيط على اغنية
    اغنية ايه دى اللى انا ما سمعتاهاش و انا واقفة معاهم
    قلتله اغنية ايه قاللى اللى كانت شغالة اصلها بتحكى قصة واقعية
    اخويا قاطعه و قاللى تسمعيها تانى
    قلتله يا ريت
    اخويا غاب دقيقتين جوة القهوة ورجع
    و اسمعلكم الاغنية:
    اولها فعلا موسيقى تدى على حزاينى
    زكزت شزية فى الكلمات
    عينى برقت !!
    ابص للواد الاقيه بيقلع النضارة عينه بتدمع هيعيط!!
    ابص لاخويا اللى يستاهل وصف مفضوح فعلا !!
    تخيلوا المنظر بنت مبرقة فى و ش شا بين
    شاب يفترش الارض هيموت من الضحك
    التانى هيموت من العياط
    و الموسيقى التصورية
    البانجو ده مش بتاعى!!!!



    بالله عليكم اللى يعرف الاغنية دي يكتبهالى!

  10. #70
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,103
    معدل تقييم المستوى
    16

    افتراضي

    مواضيعك جامدة يا نونا
    يخرب بيت شفايفك

    بخصوص لجنة الامتحانات كنت فى سنة اولى انا الوحيد اللى مكنشى فوق منى مروحة فى عز الحر والشمس فى قفايا

    سنة تانية انا الوحيد اللى فوق منى مباشرة بمسافة قريبة جدا
    مروحة كانت بتجيبلى صداع ومبعرفشى اجاوب واقولهم هدوا
    سرعة المروحة يقولولى يا كابتن كلها بفتاح واحد وسرعة واحدة


    واللى كان بيعيط ليه حق طبعا اصل دى اغنية للأستاذ /حامد عبده
    واتمسك ببانجو وحاله كان يصعب على الكافر وانت عارفة محاكم واستئناف وهيصة بقى
    سكرانة سكرانة دى كنا بندندن بها اصل علينا دكتور عيلته اسمها سكرانة فعادى كله عادى
    عادى فى المعادى


  11. #71
    تاريخ التسجيل
    Sep 2006
    الدولة
    استروس الزنجبيل
    المشاركات
    1,409
    معدل تقييم المستوى
    12

    افتراضي

    يستاهلوا حكومة ألعن من اللى متسلطة عليهم


    فيتوووووووووووووو على الجملة دية معلش


    باقى الحورات كوراث يا نوناااااااااااااااااااااااااااااااااااااااااااا

    والبانجو مش بتاعى واللة برىء يا بية الذنب ذنب صحابى هما اللى رمونى علية

    go on




  12. #72
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    شكرا للتعليق دكتور سامح مسعد و ربنا يكفينا شر المحاكم و سككها و يرزقك دايما بلجنة كويسة و مريحة و يفوق دكتور سكرانة بقى من السطلانة اللة فيها عشان تتمحى الاغنية دى من على وش الارض.
    سمعنى أميــــــــــــــــــن.

    دكتور سامح اى جى كان نفسي معلش اذا تكرمت فى باقى كلمات الاغنية _الله يعزك_ اما بقى موضوع الفيتووووووووووو ده ممكن تقولى ليه؟
    يا فندم اناواحدة من الناس والدتى دخلتنا من البلكونة عشان بس صوتى عالى و انا بقول حد يبلغ الشرطة لا و بقيت مفضوحة!!

    باقى الناس اللى شافت اللى بيحصل و مصمصوا شفايفها و دخلوا و سكروا وراهم الشيش و ناموا.
    ما حدش دمه فار و لا غلى و لا اتصرف تمااام زى وزير الصحة واقف حزين من بعيد على حال مستشفياتنا و يقولك نظام فندقة و كادر!!
    اذا حضرتك شفت حاجة قلى بالله عليك و انا اروحلها املى عينى منها كدة.
    معلش يا دكتور اسمحلى اخالفك اللى يقبل انه يتنازل و يعدي و يعيش فى بلد العادى عادى يسد ودانه وهو بيتشتم و يغمض عينه و هو بيضرب يبقى يستاهل اللى يعمل فيه اكتر من كدة.
    على فكرة انا اول الناس سلبية للاسف انا رافضة اعيش فى بلد ده الوضع فيها حزينة تمام زى الاخ وزير الصحة على كل حاجة فيها بس فعلا مش عارفة اعمل ايه غير انى لقيت نفسي ببقى التلات اتلات من نوعيات البشر فى وقت واحد
    بقول و ازيد واعيد فى اللى الكل يعرفه بس لو ما قلتش هطق.
    حزينة على حال انا مش عارفة اغيره ازاى
    و وواقفة بتفرج و ممنوعة من انى اعمل حاجة.

    بلد ماشية لورا....

  13. #73
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,103
    معدل تقييم المستوى
    16

    افتراضي

    آمين يا دكتورة نونا
    وهسيب الاغنية للدكتور سامح
    اما بقى الناس دول هما عملوا اللى عليهم
    هما مش مصمصوا شفايفهم؟ هيقطعوا نفسهم يعنى
    متنسيش انهم صايمين بردو
    ودخلوا سكروا الشيش-علشان الجو بدأ يبرد- وناموا
    اهم حاجة انهم ناموا بس اكيد الواد صعب عليهم


    خلينا نفكر بعقلانية كل اللى هيبقى عايز يتدخل هيقول وانا
    مالى وانا ادخل نفسى فى الحوارات دى ليه ويمكن اسمع كلام مش كويس
    انا معاكى ان الواد غلبان وكل حاجة وانت بتقولى انهم عساكر
    فهتبلغى الشرطة تقوليلهم ايه؟
    وحلنى لما الشرطة تبقى تيجى
    انت مش كل حاجة تحصل هتبلغى فيها الشرطة دى حاجة معروفة
    الشرطة مش اللى هى يعنى احنا مش فى انجلترا

    بصى يا نونا فضفضى واوعى تكتمى فى نفسك بس ........

  14. #74
    تاريخ التسجيل
    Oct 2006
    الدولة
    القاهرة
    المشاركات
    2,903
    معدل تقييم المستوى
    13

    افتراضي

    بالنسبة للاغنية الحزينة
    اعتقد انتي تقصدي اغنية اجرح بتاعت طارق الشيخ
    مفيش ميروباص و لا جزار و لا ميكانيكي الا مشغلها

    اجرح
    مش هاقدراشكي ولا حتي عيوني تبكي ولا هاعتب يوم عليك
    اجرح
    وانا تحت امرك علشان الامر امرك وانا قلبي بين ايديك
    من ضعفي قدامك
    انا قلبي خدامك
    اجرحني بكلامك
    وانا هارضي واتحمل ايه
    الي بايدية غير الاهات بيه
    وحيرة في عنية وفرقة بطول
    اتعبني واواذيني لاكن ما ترمني
    الجرح يرضيني اجرحني من الاول
    رضيت انا بناري
    والاه في مشواري
    شوف اد ايه شاري
    مجروح وبتالم
    اااااااااااااااااااااااااااااااااه
    ديما تلوعني
    دايما تسمعني
    كلام بيوجعني
    يا حبيبي ليييييييييييييييييييييييييييه
    ليه العذاب ليييييييييييييييييييييييييه
    دا الجرح نار فييييييييييييييييييييييييييييييييييييه
    يا وخدني تسلية
    ايه ذنبي اييييييييييييييييييييييييييييه
    يا حبيبي ايه مالك
    ليه جرحي يحلالك
    طول عمري بنسالك الي انت
    امتي تصون قلب
    وتخاف عليه فيه
    باه دا جزات حبي
    تبيع وتلعبي
    من ضعفي قدامك
    انا قلبي خدامك
    اجرحني بكلامك
    وانا هارضي واتحمل
    ايه الي بايدية
    غير الاهات بيه
    وحيرة في عنية
    وغربة بطول اتعبني واواذيني لاكن ما ترمني
    الجرح يرضيني
    اجرحني من الاول
    رضيت انا بناري
    والاه في مشواري
    شوف اد ايه شاري
    مجروح وبتالم
    من ضعفي قدامك انا قلبي خدامك
    اجرحني بكلامك وانا هارضي واتحمل
    ايه الي بايدية غير الاهات بيه
    وحيرة في عنية
    وغربة بطول اتعبني واواذيني لاكن ما ترمني
    الجرح يرضيني
    اجرحني من الاول
    رضيت انا بناري
    والاه في مشواري
    شوف اد ايه شاري مجروح وبتالم

    http://rapidshare.com/files/751896/W...Egrah.mp3.html


  15. #75
    تاريخ التسجيل
    Oct 2006
    الدولة
    القاهرة
    المشاركات
    2,903
    معدل تقييم المستوى
    13

    افتراضي

    اقتباس المشاركة الأصلية كتبت بواسطة ekm86 مشاهدة المشاركة
    بصراحة أنا شفت ولد بيعاكس بنت
    وشفت بنت بتعاكس ولد
    لكن جديدة حكاية البنت اللي بتعاكس بنت دي
    غلبان و الله يا اسلام
    المشكلة دي انتشرت في مصر
    و وثقها فيلم عمارة يعقوبيان
    و احد اهم اسبابها انتشار اصحاب الانتيخ

  16. #76
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    عمرى ماحبيت اكتب الكلمة دى اد النهاردة

    هههههههههههههههههههههههههههههههههههههههههههههههههه هههههههههههههههههه
    ههههههههههههههههههههههههههههههههههه

    مشكور على مجهودك فى الاغنية دكتور متعصب
    بس يؤسفنى اقولك انى سمعتها بس مش هى صراحة
    الاغنية مطلعها كتبه دكتور سامح اى جى.

  17. #77
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,714
    معدل تقييم المستوى
    10

    افتراضي

    هايلة يا نونو




    زميلك اللى قدامك قعد يغنى سكرانة
    يا فرحتى الولد ده ابصم لك بالعشرة انه مابيشمش حاجة
    واول يا عينى ما ... احم.... اتسطل




    ازاى الاولاد ؟

    وانا كمان ;)

  18. #78
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    بمناسبة اغانى الميكروباصات
    طبعا ده شئ عادى
    السواق لازم يروق الانانى _على راى الواد اخويا _ و هو بيحصل الكاشات _على راى اخويا الاكبر
    كااااااااااان ليا موقف شيك شيك بجد
    كنت رايحة الكلية و لازم اروح بدرى اكون هناك 7 و نص صباحا
    نزلت من بيتنا 6 ونص
    امم واقفة على المحطة خلق كلهم وشهم مليانة creases و من كل crease و crease.
    تقدر تعرف المخدة اللى استحملت راس الكريم..
    مش بعيد تعرف شكل الملاية ....
    و ده برده عادى
    تلاقى طلبة الجامعات كلهم واقفين كوليكشن بنات على ولاد و البنات ما شاء الله
    اكيد كانوا سايبين المخدة بقالهم ساعتين كدة و لا حاجة
    لزوم التلوين و القص و اللزق...
    عادى جدا امال يتجوزوا ازاى؟!!
    الولاد بقى كان ليهم طريقة غريبة فى ركوب الميكروباص اللى ماكانش لسة وقف اصلا
    يحدف الكشكول من الشباك و ينط وراه
    اه من الشباك لياقة بقى على كاجوال !!
    و يحجز الكنبة اللى ورا لاصحابه يا لاي بنت بس تكون عجبته و هكذا كان ركوب الميكروباص الصبح معضلة من معضلات العصر الحديث فى مصر بس برده و لا بيهمنى
    عاادى.
    ركبي ميكروباص بعد نص ساعة من وقفتى على المحطة صحيح متأخرة بس مش مشكلة انا اصلى من ارباب هين قرشك و لا تهين نفسك
    ممكن استنى للصبح بس اركب ركوبة محترمة و مريحة
    المهم ركبت حظى ماكانش فى مثلا الا 3 طلاب و الباقى واضح انهم موظفين
    السواق حاسس بالحر و القرف و العفرة
    قال يفرفش الركاب
    قام عمل ايه
    شغل اغنية
    الموسيقى فى اولها بجد ممتازة مش تريقة و الله لدرجة ان فعلا فى وشوش بدأت تبتسم
    لحد ما نطق الاخ المطرب و قال:
    ريحة شرابك بتفكرنى بيك يا.....
    و حبيبي واقف فى البلكونة و ............مد........
    ناس وشها قلب بعلامات امتعاض شديدة لدرجة تفتكرهم هتبولق و تفوميت
    و ناس تسمع صوت الطقطقة بتاعتهم من ورا
    و لما الكوبليه كان بيتعاد بدل المرة اتنين و تلاتة و السواق واضح انه مستمتع
    بدأت جمل الاعتراض تطلع
    واحد بيقوله ايه يا اسطى القرف ده
    و ست تقوله يا اسطى ايه القذارة دى على الصبح!!!
    و السواق مندمج و بيغنى
    طبعا احتجاج جامد من الناس اللى راكبة
    بس الاخ السواق وقف و بكل برود قال للركاب انتوا هتمشونا على مزاجكم و لا ايه ماحدش لسه دفع اللى مش عاجبه يتفضل ينزل يا حضرات!!
    فكركم فى حد نزل؟!!
    طبعا عادى جدا لو ماحدش نزل الننا فى بلد العادى
    بس السؤال
    فكركم انا نزلت؟!!


  19. #79
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    كلمنتينا انا مبسوطة جدا انك رديتى لتانى مرة فى الموضوع ده
    و الله ده شرف ليا فعلا ان موضوعى تردى فيه.
    عقبال الاسمر و دكتور مصباح ياااااااااااارب و باقى المنتدى.
    يالا اول الغيث قطرة.

  20. #80
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,714
    معدل تقييم المستوى
    10

    افتراضي

    لا والله يا نونو
    انتى عارفة رأيي فيكي وفي اسلوبك وطريقتك ومواضيعك

    ما شاء الله عليكي
    كفاية كده لحسن يحسدونا


    ازاى الاولاد ؟

    وانا كمان ;)

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كوليكشن غيظ الجيش (عادى)
    بواسطة مدنجي في المنتدى تحت الشجرة
    مشاركات: 245
    آخر مشاركة: 02-05-2008, 02:47 AM
  2. كوليكشن عجيب....
    بواسطة blue_oceanz في المنتدى X ray
    مشاركات: 68
    آخر مشاركة: 20-04-2008, 05:21 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •