صفحة 44 من 44 الأولىالأولى ... 24 30 31 32 33 34 35 36 37 38 39 40 41 42 43 44
النتائج 861 إلى 878 من 878

الموضوع: كوليكشن غيظ!!

  1. #861
    تاريخ التسجيل
    Aug 2007
    الدولة
    المنصوره
    المشاركات
    2,044
    معدل تقييم المستوى
    12

    افتراضي رد: كوليكشن غيظ!!

    بجد منظر مستفز
    ربنا يهدى
    No One Deserve Your Tears And the ONE Who Deserve Your Tears Can't Make You Cry

  2. #862

    افتراضي رد: كوليكشن غيظ!!



    مزلقان السكة الحديد في المنيا بالتحديد في الحبشي
    هذا المزلقان يفصل سوق الخضار بما فيه من زحام و بشر غير عاديين و بين القنطرة الصغيرة على الترعة المؤدية للطريق الزراعي و بداية سكة تلة المزدحمة دائما بالقادمين من القرى
    هذا المزلقان لا يعيبه الا انه فقط بدون حاجز يمنع المارين
    مجرد سلسلة رفيعة على جانب و لا شيئ مطلقا على الجانب الاخر
    من الاخر
    (عدي براحتك و لا يهمك قطر و لا زفت مهو البني ادميين ملهمش لازمة في البلد دي )
    في البداية كان يوجد سلسلة معدن على الجانب المصور منه ثم لأسباب لا اعلمها تم نزعها و اصبح لا يوجد حاجز بين هذا الزحام الكبير و بين القطار المسرع و أعتقد أن السادة المسؤلين ينتظروا أن يدهس القطار المسرع طفل او اثنين أو عدة بائعين حتى يلحظوا هذه الكارثة
    بالرغم من وجود كشك تابع لمرافق الاشغال بجوار المزلقان تماما
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  3. #863

    افتراضي رد: كوليكشن غيظ!!

    حسبي الله و نعم الوكيل
    يوم السبت في عيادة الاطفال واحدة غلبانة جاية بابنها عندة نزلة معوية و جفاف و كان محتاج محاليل وريدية لكن ماكنش معاها العشرة جنية بتاعت المحاليل حسب اللايحة الجديدة فاضطرت تمشي و قالت هاتحاول تتصرف في الفلوس و ترجع
    ما كانش قدامي الا ان ادعي على الوزير ان ربنا ينتقم منه على اللي بيعمله في الناس الغلابة دول
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  4. #864
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي رد: كوليكشن غيظ!!

    فعلا الواحد مش عارف بيعملوا فينا كده ليه؟

  5. #865
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي رد: كوليكشن غيظ!!

    انا هاتفقع بجد من الشعب المصري اللى عمره ما هيتعلم النظام ابدا

    يعنى فى محطة مترو السيده زينب عاملين ادام شباك التذاكر عمود للدخول واخر للخروج عشان الزحمه وتلاقيلك الناس برضه بتقطع من بره من جنب الشباك وتيجى تقولها يا ستى اقفى فى الطابور مش مثلا تعترف انها غلطانه او انها تعبانه لا تبجح وتقول خليك فى حاااالك اقطع لنفسك ومالكش دعوه بغيرك وناس تانيه تيجى تدخل من العمود اللى الناس بتخرج منه !!! وتوقف الطابور على اساس يعنى ان الدقيقه دى هتفرق معاهم !!

    تتخيلوا لو كان فيه غرامه على الوقوف مخالف زى كده كانت الناس هتلتزم ولا لأ؟؟

    وتخيلوا لو كان فيه غرامه على الطلوع والنزول من الابواب الغير مخصصه كانت الناس هتلتزم غصب عنها ولا لأ؟؟


    ليه الناس ما تلتزمش لوحدها ليه احنا طول عمرنا هنفضل همجيين ؟؟

    ONE FAMILY FOR ONE
    WAY

  6. #866
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي رد: كوليكشن غيظ!!

    المصري " فرعون " !

  7. #867
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي رد: كوليكشن غيظ!!

    ردا عليكي يا سو أقول
    و أبدأ بقولي هذا أول كوليكشن غيظ من السعودية


    طبعا انا هنا لا ارى اي ستات
    و ده عاااااادي هنا جدا
    فسألت زوجي انه يسأل لي على مكان بتتجمع فيه الستات اروحه لعلي اتعرف على اي مخلوقة
    و فعلا سأل زوجي و عرف ان في مركز تجاري نسائي
    وصلني الراجل كتر خيره
    لما دلخت لقيت مجموعة ستات كدة قاعدين
    سلام عليكم
    ايه ده مصرية؟
    ايوة
    اهلا اهلا
    انا أم علي و انا فلانة و انا فلانة_مصريات_
    اهلا وسهلا
    طبعا الحوار بادئ عااااادي جدا من منين من مصر و جاية لجوزك هنا و خلافه من اسئلة عااااادية
    بس العااااادي في المصري العاااادي_الا من رحم ربي على رأي نتاوي_
    انه لايكتفي باجابة بسيطة
    او لا يفهم اني أكتفي بأن ارد باجابة بسيطة
    او يفهم لكن يستعبط و يستمر في استدراج الواحد للي في دماغه
    مش عارفة ده نصاحة ام نطاعة صراحة
    و ان كانت نصاحة او نطاعة فكلااااااهما في المصري_الا من رحم ربي_عااااااادي

    منين من مصر
    من القاهرة
    منين من القاهرة
    جسر السويس
    منين من جسر السويس
    هاتي ورقة حضرتك اكتب لك العنوان بالتفصيل!!!

    عااادي
    طيب و جاية استقدام و لا زيارة
    يعني مش جاية تعملي عمرة و ماشية
    ماعندكيش و لاد؟
    لا
    تبقي عروسة جديدة؟
    لا
    يا عييييييييييييني
    يا عينك ليه يا ستي لا اله الا الله

    انما نقول ايه عااااادي

    طيب جوزك بيشتغل ايه؟
    مهندس
    بجد
    فين؟
    ليه؟
    يمكن يعرف جوزي؟
    جوزك مهندس؟
    لا مدرس
    لا اله الا الله هيعرف جوزي ازاي بقى؟!!

    انما نقول ايييييييييه
    عاااااااادي

    فجاة تيجي عيلة صغيرة لواحدة منهم بتعيط
    من النظرة الاولى للاخيرة لا يمكن ادي البنت ده اقل من سنتين ونصف او تلاتة كمان
    لقيت الست شالت البنت
    و كشفت عن صدرها تماما ادام كل الموجودات من مصريا لسعوديات لسودانيات
    و قعدت ترضع البنت اللي في العمر ده

    مش عارفة هو انا المفروض اتضايق من منظرها و هي بتكشف نفسها ادام الكل و لا كانها تعرف عورة المرأة للمراة ايه
    و لا اتضايق ان عيلة بالسن ده و لسة بترضع!!

    او ربما اتضايق من الاتنين
    لكن الاغلب اني المفروض ما اتضايقش اصلا
    لان ده اصلاااااا عاااااادي

    الاكثر عادية ان الست نفسها بعد ما البنت تنزل من على حجرها
    تفضل سايبة صدرها كدة اما الخلق
    و واضح انه عااااادي بجد
    لان ما حدش استفزه المنظر يقول لها _اختشي_

    بس اانا لساني اييييييه؟
    طول عمره متبري مني و كان نفسي اقولها كلمة امي_اتلمي يا مفضوحة_
    لكن فضلت الادب و قلت هتفطن للمعنى
    قلت لها هي هترضع تاني؟
    قلت يمكن تفهم بذوق ان ما يصحش يا اختي كدة
    ردت بكل عااااااااادي
    يا ختي اهي هتيجي وتروح هتيجي وتروح افضل انا اشيل واحط كل شوية!!!

    العااادي الاكثر ان الستات ضحكوا !!!


    انا خرجت من المكان باقول لزوجي
    يا اخي والله والله البعد عن المصريين في البلد غنيمة ...روحني روحني

  8. #868
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي رد: كوليكشن غيظ!!

    يا اخي والله والله البعد عن المصريين في البلد غنيمة ...
    حقيقة لا خيال ..

  9. #869
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي رد: كوليكشن غيظ!!

    انا اكره ما عليا تجمعات الستات فى اى مكان كان

    وبمناسبة التجمعات بستغرب جدا من تجمعات المنتقبات طول النهار والليل فى المساجد وتتحول مجالسهم الى مجالس نميمه !! الا من رحم ربى ..المفروض ان المنتقبه مكانها يكون بيتها ولا تخرج الا فى الضروره والنبى قاال لا تمنعوا اماء الله مساجد الله بس مش بالطريقه دى ابدا ..

    احسن حاجه يا نونا تقعدى فى بيتك يا بنتى حابه تتكلمى مع حد ارفعى سماعة التليفون وكلمى طنط او خليكى معانا على المنتدى احسن :))

    ONE FAMILY FOR ONE
    WAY

  10. #870
    تاريخ التسجيل
    Aug 2007
    الدولة
    المنصوره
    المشاركات
    2,044
    معدل تقييم المستوى
    12

    افتراضي رد: كوليكشن غيظ!!

    بالنسبة لمووضع المترو والنظام والكلام ده احنا محتاجين ثورة داخلية مش ثورة بس ضد النظام والفساد فى البلد
    لازم الناس تتغير من جواها عشان البلد دى تطلع لادام
    لكن انا شايفة ان السلبية والروتين واللامبالاة زى ما هى فى المصريين
    نونا المصريين هم المصريين فى كل مكان وخصوصا الستات ولمتهم على بعض
    مالها قعدة البيت يابنتى نعمممممممممممة
    No One Deserve Your Tears And the ONE Who Deserve Your Tears Can't Make You Cry

  11. #871
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي رد: كوليكشن غيظ!!

    طيب أنا عايزة عقل يناقشني
    عايزة حد بجد فاهم ايه اللي بيحصل في مصر و ينقل لي الواقع صح
    عايزة حد يقنعني بإن اللي حصل في مصر لم يكن صدفة كصدفة البني ادم البدائي حين اكتشف النار باحتكاك حجرين

    عايزة حد يقنعني ان المصريين أنفسهم تغييروا 360 درجة و قلبوا الدنيا رأسا على عقب ليحققوا بذلك تغيير ضخم مهول
    تغيير لا تصف قوته و صعوبه تحقيقه اي كلمة عربية او اجنبية لسة
    و مع ذلك هم أنفسهم غير قادرين على التغييرات البسيطة كالسلوكيات العامة و اداب الطريق و نظافة المرافق و مراعاة
    حق الغير!!!

  12. #872
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,653
    معدل تقييم المستوى
    10

    افتراضي رد: كوليكشن غيظ!!


    هو اكيد المصريين اتغيروا عشان يقوموا بالتغيير دا
    عايزه تعرفي هما اتغييروا قد ايه ناقشي والدك او والدتك في الثوره او الخروج على الحاكم
    او التغيير عموما

    انا ماما قالتلي انتوا فعلا جيل مختلف عننا
    احنا جيل متربي على اللي ميرضاش بالخوخ يرضى بشرابه و ان فاتك الميري اتمرغ في ترابه و اللي تعرفه احسن من اللي ما تعرفوش

    بس انتوا جيل عندكوا استعداد تخاطروا و تمشوا في المجهول

    متهيالي كمان يا نونه هي تراكمات يعني الفقر غير المسبوق اللي وصلنا له و كمان الغنى الفاحش اللي الناس بتشوفه في التليفزيون و مش في التليفزيون بس امشي في الشارع و عدي العربيات اللي تمنها معدي النص مليون

    زمان كان ممكن تلاقي عربيه من دول كل الف عربيه دلوقتي ممكن تلاقي عربيه عاديه كل الف عربيه غاليه :))

    دا غير ان الناس مبقتشي حاسه بالامان بعد موضو ع خالد سعيد و غيره
    لانه معملشي حاجه و كان انسان في حاله و مع ذلك موتوه
    زمان كنتي لو مشيتي جنب الحيطه ممكن تعدي لكن هما وصلوا لجبروت انه مبقاش فارق معاهم انتي ذنبك ايه عشان تموتي

    و طبعا الثوره اللي حصلت في تونس و نجاحهم في اجبار بن على على التنحي حسست الناس ان فيه امل و ان احنا لو اتحركنا ممكن نعمل حاجه

    في السبعينات كان فيه تقريبا نفس حمى الثورات بس في كل دول اوروبا و الثورات دي هي اللي خلت اوروبا تتقدم في الوقت الحالي
    واضح ان الدول اللي جنب بعض بتقوم الثورات فيها في نفس الوقت لو كانت ليها نفس الظروف

    الاجابه عن سؤالك بتاع تغيير السلوكيات ليه شقين
    اولا ان فيه ناس اتغيرت السلوكيات بتاعتها فعلا و دول الاغلبيه من الشباب
    و دا حنلاحظه في اللجان الشعبيه اللي كانت بتنظم المرور و بتحالول تحمي الناس في غياب الشرطه و كمان الشباب اللي نزل عشان ينظف البلد و يبيضها و يلم الزباله
    و فيه ناس تانيه لسه سلوكياتها زي ما هي و دول اغلبهم من اللي من 35 فما فوق و كمان موظفي الحكومه و اللي عاشوا اغلب عمرهم ف النظام المباركي السعيد و اتعلموا سلوكياته الرائعه
    و دول لسه محتاجيين شويه عشان يتعودوا على السلوكيات الجديده
    بس هل دا حيحصل و لا لا دا السؤال اللي مقدرشي اجاوب عليه حاليا
    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

  13. #873
    تاريخ التسجيل
    Jun 2009
    الدولة
    مدرسة الحياه
    المشاركات
    2,817
    معدل تقييم المستوى
    10

    افتراضي رد: كوليكشن غيظ!!

    أكتر حاجة بتغيظني بجدددددد لما أشوف راجل راكب في عربية السيدات اللي في المترو
    و تقوله إنزل .. يقول لأ مش نازل و اعملوا اللي انتوا عايزينه
    بجد وقتها ببقى نفسي امسك مسدس و اقتله

    بس البنات النهاردة " استرجلوا " فضلوا ماسكين الباب لغاية ما السواق قالهم انزلوا و بعتلهم الأمن
    Can't imagine the forum without U .. Kalamntena


  14. #874
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي رد: كوليكشن غيظ!!

    عشان الواحد يقول إن الناس كلها اتغيرت، وأخلاق المصريين اتحسنت
    يبقى للأسف.. بيتهيأله

    اللي حصل ده مش بيقول إن المصريين بقوا أحسن
    لكن بيقول إنهم عندهم استعداد يبقوا أحسن لو اتحطوا في المواقف المناسبة

    زي ما قلت ع الفيس بوك من كام يوم
    كان في ناس فاسدة ماسكة البلد، وغير كده كانوا مانعين أي محاولات للإصلاح
    كل اللي حصل ده إننا شلنا الناس دي.. لسة بقى محاولات الإصلاح

    بس أنا عندي أمل إننا إن شاء الله أحوالنا تتحسن، وحاسس إن المصريين لو حياتهم اتنظمت أكتر شوية، خصوصا في موضوع التعليم ده هيعملوا معجزات فعلا

  15. #875
    تاريخ التسجيل
    Dec 2006
    الدولة
    ...
    المشاركات
    10,310
    معدل تقييم المستوى
    10

    افتراضي رد: كوليكشن غيظ!!

    اللي يزعل الواحد الصحافه الكاذبة المضلله !!
    اتكتب كلام كذب كتير على محاضرة الشيخ الحويني وانه حرم الأحزاب السياسية !!!
    أمال لو ماكانش الواحد حاضر ويلاقي الكذب الصارخ ده !!!

    ويقولك منشورات على ان دولتنا مش عارف ايه وبتحلل الزنا وكلام تاني كتير !!

    الناس دي مش هتتقي الله قينا ؟؟

  16. #876
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,104
    معدل تقييم المستوى
    16

    افتراضي رد: كوليكشن غيظ!!

    لقيت الست شالت البنت
    و كشفت عن صدرها تماما ادام كل الموجودات من مصريا لسعوديات لسودانيات

    و قعدت ترضع البنت اللي في العمر ده

    مش عارفة هو انا المفروض اتضايق من منظرها و هي بتكشف نفسها ادام الكل و لا كانها تعرف عورة المرأة للمراة ايه
    و لا اتضايق ان عيلة بالسن ده و لسة بترضع!!

    او ربما اتضايق من الاتنين
    ده حق الطفل
    في ستات بتفتحها ع البحري لا بيفرق معاها ستات ولا شباب ولارجالة
    تحسي انها بترضع الطفل من كولدير في الشارع ولا حاجة

    يا ختي اهي هتيجي وتروح هتيجي وتروح افضل انا اشيل واحط كل شوية!!!

    ضحكة مدوية

    ماهى خايلة فعلا
    ههههههههههههه

    ايه المشاركات الجامدة دى يا نونا


  17. #877
    تاريخ التسجيل
    Oct 2002
    المشاركات
    830
    معدل تقييم المستوى
    10

    افتراضي

    موافقك يا سيد ekm بس المشكلة لسه في الجذور الناس بتشرب زبالة بقالها سنين و عندها وقن تختار دلوقتي بين انها تفضل تشرب زبالة و تطلع مجاري على غيرها أو إنها ما ترضاش بالوضع ولا تقبل إلا بالجيد. . يقال garbage in garbage out
    اقتباس المشاركة الأصلية كتبت بواسطة ekm86 مشاهدة المشاركة
    عشان الواحد يقول إن الناس كلها اتغيرت، وأخلاق المصريين اتحسنت
    يبقى للأسف.. بيتهيأله

    اللي حصل ده مش بيقول إن المصريين بقوا أحسن
    لكن بيقول إنهم عندهم استعداد يبقوا أحسن لو اتحطوا في المواقف المناسبة

    زي ما قلت ع الفيس بوك من كام يوم
    كان في ناس فاسدة ماسكة البلد، وغير كده كانوا مانعين أي محاولات للإصلاح
    كل اللي حصل ده إننا شلنا الناس دي.. لسة بقى محاولات الإصلاح

    بس أنا عندي أمل إننا إن شاء الله أحوالنا تتحسن، وحاسس إن المصريين لو حياتهم اتنظمت أكتر شوية، خصوصا في موضوع التعليم ده هيعملوا معجزات فعلا


    Sent from my GT-I5503 using Tapatalk

  18. #878
    تاريخ التسجيل
    Oct 2002
    المشاركات
    830
    معدل تقييم المستوى
    10

    افتراضي

    المصريين اتغيروا 360 درجة فعلا عمالين بيلفوا حوالين نفسهم. .. أتمنى إنهم يوصلوا لحاجة ثابته ينطلقوا منها
    اقتباس المشاركة الأصلية كتبت بواسطة broken nonna مشاهدة المشاركة
    طيب أنا عايزة عقل يناقشني
    عايزة حد بجد فاهم ايه اللي بيحصل في مصر و ينقل لي الواقع صح
    عايزة حد يقنعني بإن اللي حصل في مصر لم يكن صدفة كصدفة البني ادم البدائي حين اكتشف النار باحتكاك حجرين

    عايزة حد يقنعني ان المصريين أنفسهم تغييروا 360 درجة و قلبوا الدنيا رأسا على عقب ليحققوا بذلك تغيير ضخم مهول
    تغيير لا تصف قوته و صعوبه تحقيقه اي كلمة عربية او اجنبية لسة
    و مع ذلك هم أنفسهم غير قادرين على التغييرات البسيطة كالسلوكيات العامة و اداب الطريق و نظافة المرافق و مراعاة
    حق الغير!!!


    Sent from my GT-I5503 using Tapatalk

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كوليكشن غيظ الجيش (عادى)
    بواسطة مدنجي في المنتدى تحت الشجرة
    مشاركات: 245
    آخر مشاركة: 02-05-2008, 02:47 AM
  2. كوليكشن عجيب....
    بواسطة blue_oceanz في المنتدى X ray
    مشاركات: 68
    آخر مشاركة: 20-04-2008, 05:21 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •