صفحة 3 من 7 الأولىالأولى 1 2 3 4 5 6 7 الأخيرةالأخيرة
النتائج 41 إلى 60 من 134

الموضوع: منع العضو

  1. #41
    تاريخ التسجيل
    Oct 2006
    الدولة
    CAIRO
    المشاركات
    6,097
    معدل تقييم المستوى
    10

    افتراضي

    قرار صائب وكلنا اتخذناه مع بعض

    اعتقد بكده الاداره اديتوله اكتر من فرصه وفشل فى استغلالها

    انا والله زعلانه جدا من نفسى دلوقتى انى فى يوم صدقت انه اتغير بجد وحقيقى

    لدرجة انى اختارته العضو النشيط والخدوم كمان

    ولكن خذلنى وخذل كل الادراه وخذل الاعضاء

    بيشوط فى الكل ولا بيفرق كبير ولا صغير

    وعمره ما تقبل نصيحه من اى حد

    يعنى مفيش فايده النقاش معاه

    والعضو اللى مفيش منه فايده ومش بيتصلح لازم استخدام الحزم معاه ونديله استماره 6 لو ما فلحتش كل المحاولات معاه

    ONE FAMILY FOR ONE
    WAY

  2. #42
    تاريخ التسجيل
    Oct 2007
    الدولة
    classified
    المشاركات
    53
    معدل تقييم المستوى
    10

    Exclamation

    هوا فيه حاجة بس عايز اعرفها معلش
    هوا ايه اللي حصل اول امبارح ده؟؟
    وطبعا المنع صح علي اساس الرسايل دي
    وبالنسبة للاعضاء
    بيقولوا العجل لما يوقع تكتر سكاكينه
    كان فيه كلام كتير ملوش لازمة انه يتقال هوا اه غلط في كلامه بس بردو ده عشرة معاكو ومحدش يقدر ينكر انه بيدي طعم الي حد ما في المنتدي
    مع احترامي لكل من يحترم
    The colors bleed together and fade
    Was it ever there at all
    Or have I lost my way
    The path of least resistance
    Is catching up with me again today
    I'm broken down, not good enough

  3. #43
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي توضيح

    احب اوضح بعض النقاط
    اولا الموضوع دا هدفه هو الشفافية مع الاعضاء
    و عرض الى حصل بمنتهى الامانة
    و ايمانا مننا بدورهم الكبير و الأساسى فى المشاركة فى اتخاذ القرار و التأثير فيه
    و مش غرضه ابداً التشنيع على حد
    او الشماتة فى حد
    او الغيبة
    الى اخاف قوى ان بعضنا يكون قرب من الحاجات دى و اولهم انا

    ثانياً
    الى حصل دا حدث تاريخى بالمنتدى
    لأنه من اول ما انشئ عام 2002
    دى اول مرة يتم فيها حذف عضو
    و للأمانة هو حصل قبل كدا كذا مرة بس مع اعضاء وهميين من بتوع الدعايات بتاعة الأدوية الجنسية و المواقع الاباحية

    ثالثاً
    انتو شايفين و عارفين و مجربين
    ان حق ابداء الرأى و الاختلاف مع الادارة مكفول لكل الاعضاء
    و دا بيتضح برده كمان فى الموضوع دا
    الناس كلها تقريبا دخلت قالت رأيها بمنتهى الصراحة و الادب
    و فى الى كان مع القرار و الى كان ضد القرار
    و ما دام الناس اتكلمت باحترام و بدون اى تجاوزات او حتى كمان بتجاوزات من واحد او قلة
    فدا عادى مش مشكلة
    و نقدر نستحمله
    لأن كلنا زى ما مبتقولو بنغلط
    و زى ما ممكن عضو يتجاوز بالرد على احد المشرفين او الاعضاء زمايله
    ممكن برده المشرف يغلط
    فحق الرد مكفول و حق المراجعة للنفس مكفول و حق الاعتذار عن الخطأ مكفول
    و على فكرة التجاوزات بتحصل كل يوم مع المديرين بس بنعدى و عمرنا ما منعنا حد قبل كدا

    بس الموضوع دا لما يتكرر و بصورة مش لطيفة
    و تتم المراجعة اكتر من مرة
    و كمان نتلقى تهديدات بعمل حاجات و افعال تدميرية
    و يحصل كلام بطريقة مش محترمة مع احد المشرفين او احد المديرين او حتى احد الاعضاء العاديين

    و على فكرة كل دول سواء المشرف او المدير او العضو مفيش اى فرق خالص
    الا بس ان المشرف او المدير عليه مسؤوليه اكبر و مطلوب منه يستحمل اكتر و ييجى على نفسه اكتر و مطلوب
    منه انه يتغاضى كمان عن بعض حقوق العضو العادى على الاقل فى التزامه و مسؤوليته تجاه المنتدى الى مش مطلوبة ولا ملزمة لأى عضو عادى
    يعنى كمان حقوقة اقل من العضو العادى

    و فى حاجات كمان مقولتهاش كانت على الماسنجر و فى رسايل خاصة تانية
    هنا بيبقى من مسؤوليتنا و من واجبنا اتخاذ قرار بمنع العضو و دا بعد مراجعته اكتر من مرة و دا الى تم و قام بيه
    اكتر من واحد فينا
    و المنع دا بيبقى مؤقت
    لغاية لما العضو دا يراجع نفسه
    و يعرف غلطة و يصلح اخطاءه
    و لو معملناش كدا
    يبقى احنا بنغلط فى حق المنتدى
    و حق كل اعضاءه
    الى بيشاركو و الى مبيشاركوش
    و بنغلط فى حق كل الى بينتمو لكلينا العزيزة و للطب و لمصر بم ان المنتدى دا يعتبر واجهة لكل الحاجات دى
    انا مش بعظم ولا بفخم من حجم المنتدى و لا بديله اكتر من حقه
    لأنه حتى لو مكانش كدا -و هو بالفعل فى رأيى لسا مبقاش فى المكانة دى-
    بس احنا عاوزينه كدا
    احنا عاوزينه يبقى كدا
    و احنا شايفينه كدا
    و بنتصرف على هذا الاساس


    لغاية دلوقتى احنا وصلنا للمنع المؤقت
    و دا الى حصل قبل كدا مع حسام
    و كان هيحصل تانى المرة دى

    بس هو بقا عمل ايه؟؟
    بدأ يدخل بحساباته التانية الى مسجلها على المنتدى
    و يعاند ويقول كلام ميصحش تانى
    فكان لازم نمنع الحسابات التانية دى كمان
    و الا يبقى مالوش لازمة منع حسابه الاساسى من الاصل
    و تبقى فكرة المنع ملهاش اى فايدة او لازمة
    فقومنا بعمل منع لباقى حسابات حسام الاخرى من على المنتدى

    بس هو بقا عمل ايه؟؟
    بدأ يسجل حسابات جديدة بأسماء جديدة على المنتدى
    وفى نفس الوقت بدأ يحاول يدخل على الواجهة الادارية للمنتدى الى بتتحكم فى المنتدى
    و هنا كانت اللحظة الى مش ممكن استنى فيها انه يعمل اى حاجة
    بصرف النظر هو قدر يدخل و لا لأ على الواجهة الادارية لموقع المنتدى
    لأننا مش هنسمح بكدا و مش هنستنى ان دا يحصل
    لأنه لو عمل اي حاجة اول واحد هيتسأل على الى عمله هو احنا مش هو لان ادارة المنتدى و امنه مسؤوليتنا
    و للعلم و على فكرة فالموقع محصن جامد جدا ضد هجمات القرصنة و الحمد لله
    بس دايما بتبقى فيه مشكلة فى برنامج ادارة المنتدى و بالرغم انه برنامج قوى امنياً و صعب الاختراق بس مش
    مستحيل الاختراق
    لأنه يستحيل وجود برنامج بدون ثغرات
    و احنا مش لازم نستنى برده حاجة زى دى تحصل
    هنا بالظبط اتخذت قرار حذف العضو حسام الديب و حذف كل حساباتة الاخرى
    و ايقاف التسجيل مؤقتا فى المنتدى
    زيادة فى دواعى الامن و للأحتياط
    و دا طبعا ممكن يضر بالمنتدى
    منع التسجيل
    و حذف حسابات حسام حتى كمان ممكن تضر بالمنتدى اكتر من منع التسجيل المؤقت
    لأنه زى ما بتقولو عضو نشط و له مواقف كتير و ذكريات لطيفة معانا كلنا و معايا انا كمان

    بس معلش المنتدى و حقه علينا و الاعضاء و حقوقهم علينا بما فيهم العضو الى مالوش ولا مشاركة و بيدخل يبص
    و يخرج اكبر و اعظم من اى عضو خاطئ يستحق اتخاذ اجراء ضده حتى لو كان العضو دا له عدد مشاركات يوازى
    نصف عدد المشاركات او اكتر فى المنتدى كله

    بس للأسف مسابش قدامنا اى فرصة اننا نتصرف معاه تصرف تانى

    مع ان الموضوع دا بايخ و مش لطيف لأنه بيتناول مناقشة فقدان المنتدى لأحد اعضاءة النشطين و المميزين
    بس يا ريت كلنا نستفيد منه
    و يكون الى حصل دا بداية لتحديد ضوابط و شروط المنع و الحذف للأعضاء
    الى مكانش ليها تقريبا مكان فى قوانين المنتدى
    لأننا مكوناش متوفعينها و لا كنا ناويين نستخدم اصلاً الخواص دى فى برنامج المنتدى
    و دى مش هتزود امكانيات و صلاحيات المديرين درجة
    لأ
    لأن دى هتزود عيهم عبء تانى و جديد
    و هو عبء حق المنتدى و حق كل الاعضاء فى منع او حذف زميل ليهم
    للحفاظ على حقوق المنتدى علينا و على حقوق باقى الاعضاء علينا


    حاجة تانية احب اوضحها
    اننا مش تحت اى سلطة قانونية او رسمية ممكن تسألنا عن ضياع او الغاء المنتدى
    يعنى ممكن من بكرة لو قررنا نشيل المنتدى نشيله
    و مفيش حد هيقول لنا انتو عملتو كدا ليه؟؟
    بس طبعا طبعا احنا مش هنعمل كدا
    لأن المنتدى دا بقا جزء مننا
    او جزء من حياتهنا منقدرش نستغنى عنه
    و منقدرش نحرم كل الناس الحلوة دى و الاعضاء المحترمين دول من المنتدى ابداً
    لأن التزامنا بأدارة المنتدى اصبح اكبر من التزام امام ادارة رسمية او قانونية
    دا بقا التزام امام اكتر من اربع آلاف عضو او شخص
    و قبل كدا دا بقا التزام امام ربنا سبحانه و تعالى
    و على فكرة الكلام دا و الملحوظة دى سبق و قولتها لحسام قبل كدا فى محاولة من المحاولات الكتير لرده عن الخطأ

    بس مش معنى كدا اننا مش ممكن نستخدم ادراة الموقع الرسمية او القانونية الممثلة فى عدد من الاساتذة و
    وكلاء الكلية و تحت اشراف من العميد شخصياً فى الدفاع عن المنتدى كجزء من الموقع
    يعنى بمنتهى البساطة ممكن نبلغ مباحث الانترنت ببلاغ رسمى من الكلية بان فيه احد الاشخاص بيحاول يخترق
    قواعد بيانات الموقع
    و هما بقا يتصرفو معاه
    و دى حاجة مكانتش ممكن تخطر ببالى من يومين
    بس الى حصل للأسف خلانى افكر فيها
    و اضع الخيار دا خيار لأى حد ممكن يفكر انه يعبث او يدمر محتوى الموقع
    بس اعتقد اننا مش هنوصل ابداً للحظة الى ممكن نستخدم فيها الخيار دا
    و اتمنى انى مكونش غلطان زى ما كنت غلطان لحظة انى افتكرت اننا مش هنوصل ابداً للحظة الى ممكن نمنع
    فيها عضو من الاعضاء

    و اتمنى ان كلامى ميتفهمش غلط
    و ميتفهمش على انه تلميح بأستخدام القوة
    او يخلى الناس و الاعضاء تخاف او تبطل تقول وجهات نظرها و تختلف معانا فى وجهات نظرنا
    لأ بالعكس احنا عاوزين كل الناس تتكلم و تعبر عن وجهات نظرها و تختلف و تتفق
    و المنتدى يفضل زى ما كان و يبقى احسن كمان
    انا آسف جدا على الكلام الكتير دا
    بس كان لازم انى اوضح بعض النقاط



    و بتأسف تانى لكل الاعضاء على الى حصل
    التعديل الأخير تم بواسطة Alasmar ; 14-10-2007 الساعة 04:26 AM
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  4. #44
    تاريخ التسجيل
    Sep 2006
    الدولة
    استروس الزنجبيل
    المشاركات
    1,409
    معدل تقييم المستوى
    13

    افتراضي

    خلاص يا شباب الموضوع هيتحل عن قريب انشاء اللة

    حسام بعتلى على الياهو و قلى ان هيمسح بى كرامتى الارض لو شافنى و و و و و وو و و و و و و و

    و عايزينى انزلة بنها و انا قررت انى انزلة مخصوص واللة بس يارب يا رب يارب هو بس يوافق على المقابلة دية
    قولوا اميييييييييييييييييييييييييييييييييييييييييييييييي ن






  5. #45
    تاريخ التسجيل
    Dec 2006
    الدولة
    ...
    المشاركات
    10,308
    معدل تقييم المستوى
    10

    افتراضي

    ربنا يحلها من عنده
    بس قولي هو قالك كده ليه؟؟؟؟

  6. #46
    تاريخ التسجيل
    Sep 2006
    الدولة
    استروس الزنجبيل
    المشاركات
    1,409
    معدل تقييم المستوى
    13

    افتراضي

    حد اللة منا عارف
    بس اكيد على شان رديت فى الموضوع ردى الاول اقرا وشوف

  7. #47
    تاريخ التسجيل
    Dec 2006
    الدولة
    ...
    المشاركات
    10,308
    معدل تقييم المستوى
    10

    افتراضي

    أنا خايف عليك يا سامح لو حصلك حاجه مش هلاقي مدفعجي تاني هنا :(

  8. #48
    تاريخ التسجيل
    Jul 2007
    الدولة
    306
    المشاركات
    750
    معدل تقييم المستوى
    11

    افتراضي

    اقتباس المشاركة الأصلية كتبت بواسطة sameh_ig مشاهدة المشاركة
    خلاص يا شباب الموضوع هيتحل عن قريب انشاء اللة

    حسام بعتلى على الياهو و قلى ان هيمسح بى كرامتى الارض لو شافنى و و و و و وو و و و و و و و

    و عايزينى انزلة بنها و انا قررت انى انزلة مخصوص واللة بس يارب يا رب يارب هو بس يوافق على المقابلة دية
    قولوا اميييييييييييييييييييييييييييييييييييييييييييييييي ن




    الراى الاول و الاخير للاداره
    و لو موضوع د/ سامح صحيح
    يبقى متبقاش الا كلمه واحده
    خد الشر و راح

  9. #49
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,714
    معدل تقييم المستوى
    10

    افتراضي

    انا معنديش كلام اقوله بعد كلام الاسمر الحقيقة
    قال كل حاجة كنت عايزة اقولها
    واهمها ان الموضوع مش للخوض في شخص عضو بذاته او اغتيابه
    لان لو كانت الحكاية كده كان فيه كلام اكتر ممكن يتقال حاجات يعرفها الاسمر لوحده وحاجات اعرفها انا لوحدي وحاجات نتاوي لوحده يعرفها وهكذا
    واحترامنا لبعض اولا و لاننا مش هدفنا اننا نعرض على الملا مساوئ حد بعينه كل ده منعانا اننا نخرجها بره صفحة الكمبيوتر اللى ظهرت عليه
    فمعلش يا جماعة الموضوع مش ظريف وتوقيته مش اللى هو
    بس مكنش قدامنا حل تاني
    لاننا بجد فعلا استنفذنا كل السبل
    وزي ما قال الاسمر ده جانب بس من الكلام
    عشان الناس اللى اعتبرناها اخواتنا تبقى عارفة ايه اللى حصل



    ازاى الاولاد ؟

    وانا كمان ;)

  10. #50
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,103
    معدل تقييم المستوى
    16

    افتراضي

    انا رايى يا دكتور سامح انكوا تتقابلوا فى ارض محايدة

    لا ينفع فى بلدك ولا فى بلده
    لو عايزين تيجوا عندنا مفيش مشكلة واوعدكم مفيش حد هيتدخل
    خالص لحد ما واحد فيكم بعد الشر يعنى تخر قواه ويسقط هامدا
    واللى يكسب ياخد اشراف فى المنتدى وانا هجيبله شندوشتين فول كمان

  11. #51
    تاريخ التسجيل
    Dec 2006
    الدولة
    ...
    المشاركات
    10,308
    معدل تقييم المستوى
    10

    افتراضي

    هههههههههههههههههههههههههههههه
    وانت الحكم يابو الشماريخ ههههههههههه

  12. #52
    unknown زائر

    افتراضي

    ولا يغتب بعضكم بعضا
    شكرا كلامنتينا والاسمر وايه وان مان وميم ونتاوي علي اغتيابك لسحام
    وانتم مسؤلين عن ذلك امام الله
    الرسائل اللي اتبعت لكلامنتينا مافيهاش اي اساءة لاي حد
    هو كان بيتكلم عن نفسه وده واضح
    بس الظاهر ان الموضوع ابعد من كده
    عموما ما انساش اشكر كل الاعضاء المحترمين اللي احتفظو بالعشرة
    احمد عبر ونور الهدي
    وكل الاعضاؤ المحترمين اللي ما ردوش علي الموضوع ده
    انجل وروزا وروني
    وشكرا الي كل من نكر الجميل وخان العشرة
    اروناس ودي ام دي وايه وان مان وميم ونتاوي

  13. #53
    تاريخ التسجيل
    Aug 2007
    الدولة
    مصر
    المشاركات
    4,759
    معدل تقييم المستوى
    15

    افتراضي

    اقتباس المشاركة الأصلية كتبت بواسطة unknown مشاهدة المشاركة
    ولا يغتب بعضكم بعضا
    شكرا كلامنتينا والاسمر وايه وان مان وميم ونتاوي علي اغتيابك لسحام
    وانتم مسؤلين عن ذلك امام الله
    الرسائل اللي اتبعت لكلامنتينا مافيهاش اي اساءة لاي حد
    هو كان بيتكلم عن نفسه وده واضح
    بس الظاهر ان الموضوع ابعد من كده
    عموما ما انساش اشكر كل الاعضاء المحترمين اللي احتفظو بالعشرة
    احمد عبر ونور الهدي
    وكل الاعضاؤ المحترمين اللي ما ردوش علي الموضوع ده
    انجل وروزا وروني
    وشكرا الي كل من نكر الجميل وخان العشرة
    اروناس ودي ام دي وايه وان مان وميم ونتاوي
    اظن يا انون انك ما جربتيش اللى كان بيحصل
    كنتى شوفى كده لما كان يرد عليك باسلوب مش محترم كنتى هتعملى ايه
    انتى مش شايفه تهديداته دلوقتى ده بيدل على ايه

    المفروض ما كنتيش تحكمى على الناس كلها بالاسلوب ده

  14. #54
    unknown زائر

    افتراضي

    اسلوب مش محترم؟
    ما اسمحلكش انك تقول كده
    كلامك ده هو اللي مش محترم
    مش عارف ايه الجبن اللي بقي في الناس ده
    لو كان موجود محدش كان قدر يقول عليه كلمه
    منكو لله

  15. #55
    تاريخ التسجيل
    Jun 2006
    الدولة
    ملكش دعوة
    المشاركات
    3,157
    معدل تقييم المستوى
    10

    افتراضي

    خلاص يا جماعة احنا مش هنتخانق تاني
    الموضوع ده معمول عشان التوضيح مش عشان نعترض على كلام بعض او نغتاب او نشمت في حد
    وكل واحد قال رأيه
    الموضوع منتهي اساسا

    وياريت الكل يحترم رأي التاني من غير ما يقلل من شأنه
    (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

  16. #56
    unknown زائر

    افتراضي

    [quote=brightgalaxy5;66409وكل واحد قال رأيه
    وياريت الكل يحترم رأي التاني من غير ما يقلل من شأنه[/quote]
    نحترم راي بعض؟
    الموضوع اللي يوصل فيه الكلام لحد السب والشتم بالطريقة دي يبقي بعيد عن الاحترام
    وكون ان الادارة تسكت عليه يبقي معناها مش كويس

  17. #57
    تاريخ التسجيل
    Jul 2007
    الدولة
    ..........................
    المشاركات
    3,853
    معدل تقييم المستوى
    10

    افتراضي

    يا جماعة اهدوا وبلاش تتخانقوا احنا كلنا اخوات هنا

    انا بجد بقالي مدة مش عارفة اقول ايه

    دلوقت من خلال تعاملي مع حسام مصدرش منه حاجة وحشة في حقي

    هو صحيح غلط في التعامل مع المشرفين

    بس انا مكنتش اتمنى ان الموضوع يوصل لكدة وان عضويته تتوقف

    كان نفسي نحاول اكتر من كدة معاه لانه غالبا يستحق المحاولة



    بس طبعا مقدرش اتكلم كلمة وحشة في حقه

    لاني منساش ان طول فترة تواجدي في المنتدى من الاول وانا بتعامل معاه خلال المواضيع

    زيه زي اعضاء كتير وكنت بحس فعلا انه زي اخويا

    مش هنسى ردوده

    وتشجيعه ليا في بداية اشتراكي

    مش هنسى انه كتير كان بيدي روح للمنتدى

    وبرده انه كان بيخاف على المنتدى وعلى مظهره

    ومش هنسى مواقف اتحكتلي انه كان كتير بيصالح بين اعضاء

    مش هنسى انه من انشط الاعضاء

    والاعضاء الجداد بيلاحظوا كدة وبيلاحظوا قد ايه هو متعاون وخدوم

    يعني كل ده المفروض يبقى واقف في صفه لما يغلط ومش نتجاوز عنه

    لكن فعلا انا مليش رأي في الموضوع ده لان صعب عليا اخد قرار في حاجة زي دي
    ممكن عشان زي دي ام ما قال

    مش انا اللي حصل معايا الموقف

    او مش انا اللي اترد عليا كدة

    عجباني اوي الصورة دي..

  18. #58
    تاريخ التسجيل
    Aug 2007
    الدولة
    مصر
    المشاركات
    4,759
    معدل تقييم المستوى
    15

    افتراضي

    انا موافق على قرار الاداره
    ولكنه اتاخر كتير
    اولا حسام من انشط الاعضاء واكثرهم مشاركات وردود
    ومن الشخصيات اللى بتتعامل مع كل الناس على المنتدى
    وليه دور كبير فى المنتدى
    واكيد هيترك فراغ فى المنتدى
    بس هو فى مشكله بيقع فيها اكثر من مره
    انه بيحب يتعامل مع الاعضاء بالاسلوب اللى هو عايزه
    وما يعرفش يعترف بالخطا
    انا من اول ما اشتركت فى المنتدى
    كنت اسمع انه مشاغب ومشاكس
    وكان ليه مواقف سيئه من قبل
    واتوقف قبل كده
    ولكنه كان بيشارك بصوره عاديه وردوده كويسه
    ولكنه بقى فى الفتره الاخيره
    بيرد باسلوب غير لائق على الاعضاء
    واثار العديد من المشاكل على المنتدى فى عده مواضيع
    منها مواضيع العضو احمد عبر
    الاخيره واللى اتحذفت علشان التجاوزات اللى حصلت فيها
    ومنها موضوع اسهر معانا
    وبعدين حسام بقى بيسمح لنفسه انه يرد باى اسلوب على اى حد فى المنتدى
    بدايه من الاسمر وحتى الاعضاء الجدد
    وتكررت كلمه انا مش بيهمنى حد ومحدش يقدر يعمل حاجه
    والتهديدات اللى هو عاملها
    وانه حاول اختراق قاعده البيانات
    ودخول باكثر من اسم على المنتدى
    انا مش بقول ان حسام وحش
    حسام كان عامل بعض المواضيع المتميزه وانا كنت بشارك فى معظم مواضيعه
    لانها كانت فعلا متميزه
    بس هو بدا يرد باسلوب غير لائق على المواضيع المختلفه
    يا ريت كل واحد معترض على قرار الاداره
    كان يتصور لما حسام كان يشتمه او يرد عليه باسلوب غير محترم
    على البرايفت او على المنتدى
    كان هيبقى ايه رد فعله وكان هيطلب ايه

    ده الرد بتاعى فى الموضوع قبل كده
    معلش انا كررته تانى علشان الناس اللى بتقول خان
    العشره والكلام ده كله

  19. #59

    افتراضي

    اقتباس المشاركة الأصلية كتبت بواسطة unknown مشاهدة المشاركة

    وشكرا الي كل من نكر الجميل وخان العشرة
    اروناس ودي ام دي وايه وان مان وميم ونتاوي



    العفو
    بس اقري او اقرا الكلام كويس
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  20. #60
    unknown زائر

    افتراضي

    اعتقد الكلام كان واضح
    بقي مفيش واحد من اللي ردو كان له جميل عند حسام عشان يحفظهوله وما يغتابهوش في غيابه
    ملكش عنده جميل يا اروناس
    ما كنتش بتسهر معاه لحد الفجر
    ما طلبتش منه طلب يا محمود ونفذهولك
    الخاينة بقت تجري في دم البني ادمين مش عارف ليه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. استخدام حبوب منع الحمل للحد من تكاثر الاسود
    بواسطة mr_azygos في المنتدى تحت الشجرة
    مشاركات: 5
    آخر مشاركة: 08-04-2010, 08:12 PM
  2. مشاركات: 7
    آخر مشاركة: 05-04-2010, 02:08 AM
  3. معاً .. ضد منع الحجاب في مدارس فرنسا
    بواسطة مصباح في المنتدى إسلاميات
    مشاركات: 5
    آخر مشاركة: 27-01-2004, 12:37 PM
  4. مشاركات: 2
    آخر مشاركة: 25-12-2003, 11:28 PM
  5. منع الحجاب في الجامعة ! تخلف ديني وحضاري !
    بواسطة amr2003 في المنتدى حوار
    مشاركات: 2
    آخر مشاركة: 12-09-2003, 06:24 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •