صفحة 1 من 2 1 2 الأخيرةالأخيرة
النتائج 1 إلى 20 من 25

الموضوع: اوعى الكبسة

  1. #1
    تاريخ التسجيل
    Sep 2006
    الدولة
    استروس الزنجبيل
    المشاركات
    1,409
    معدل تقييم المستوى
    12

    افتراضي اوعى الكبسة

    فى تعرفيات كتير للكبسة عل سبيل المثال لا الحصر :

    1_الكبسة ام رز ولحمة و سلطانية الشربة جنبها مع قليل من الملوخية النشفة و عيش يا عم

    2_الكبسة من زميلتلك فى الكلية اللى كنت يا ولداة رايح جاى عمالة تبعتلك نظرات حائرة و انتا تاخد النظرات على صدرك و تروح بدل ما ربنا يهيدك وتفتح كتاب تقعد مضلم الاوضة و تسمع فى اغانى و رومانسية حمقاء و تروح تكلمها بعد شهر من عذاب الضمير تكبسك و تسيبك و تمشى وتقولك انا اسفة مبكلمش ولاد


    3_فيها كبسة من نوع اخر اللى بينطولها فى الترعة او احيانا بيعمل نفسة ميت او فى بعض الاحيان يطلق ساقية لرياح و هيا كبسة البوليس و انتا قالب من المدرسة و قاعد فى سينما درجة تلتة من بتاعت ال 4 افلام بجنية


    الكبسات كتير و معتقدش انا مفيش حد ملبسش كبستين تلاتة فى حياتة من الانواع اللى فوق


    بس الكبسة اللى انا بتكلم فيها دلوقتى كبسة من نوع اخر وهى كبسة العريس والعروسة ,,,,,

    بعد كتب الكتاب و تعلية الجواب اللى مش عارف اية هو بل ظبط

    هتسمع تعليمات مهمة جدا من الاهل و الاقارب لحسن تتكبس يا محتاس و الناس تضحك عليك

    اولا :العريس بيقعد فى بيت اهلة و كذلك العروسة المبجلة و متخرجش تلات ايام و خصوصا ايام نهاية الشهر الهجرى و ميشفوش بعض


    2_العريس ميحلقش شعرة فى الايام دى ولا العروسة تحلق هيا كمان و مفيش واحد يخش عيهم يكون حالق ذقنة او شعرة

    3_مفيش لا اكل لحمة او كبدة بلدى خوفا من الكبسة


    4_العروسة ميدخلش عليها اى انثى تكون حامل او عى وش ولادة او تكون ولدت بل فعل خشية من الكبسة

    5_خلال هذة الايام ممنوع منعا باتا الاستحمام توجسا و خيفة حدوث الكبسة

    6_فى بعض الروايات يقولون ممنوع اكل او شرب الليمون

    7_ بعد الزواج لو تاخر الحمل عن 3 شهور هذا يدل عن وجود كبسة فى العروسة طبعا
    و نضطر ا اننا نفك الكبسة بى انها تحضر 3 عمليات ولادة و اول ما المشيمة تنزل لازم تمسكها و تروح تقعد عليها (معلومة حقيقة )

    8_لو تاكدنا ان العروسة مكبوسة كدة لازم نخدها الترب تتمشى بليل على شان تترعب تقوم الكبسة مفكوكة


    9_اما لو تاكدنا ان العريس هو المكبوس فا سهلة خالص نروح حلقينة شعرة بل موس و نخلى راسة نظيفة زى دى بل ظبط




    اللى عايز يلعب صلح الراجل مش ممانع

  2. #2
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    هههههههههههههههه

    أنا على فكرة باستغرب الناس اللي لسة لحد دلوقتي بتقول كده
    (ومنهم ناس معينة أعرفهم كويس)

    كانت واحدة معرفة بتولد وأكيد يعني في مستشفى ولادة... فموجود كذا واحدة والدة غيرها
    وبعدين خرجت مع حماتها وأمها للحمام.. وإذ فجأةً لقوا واحدة تانية والدة رايحة الحمام
    وطبعا حصل دربكة ولخبطة وبقوا يخبوا الأولانية من التانية ويخبوا التانية من الأولانية.. وجري على الأوضة تاني
    أحسن تتكبس

  3. #3
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    معلش يا دكتور سامح
    عااادي جدا
    شعبنا شعب خزعبلات اساسا
    من يومه بيحصن نفسه بالبخور
    و الحاجات الغريبة ده
    اعرف واحدة كنا روحنالها زيارة
    و قاعدة انا ووالدتى فى مجلس السيدات
    و بتكلم معاها و مع بنتها عادي
    لقيت الست بتسألنا سؤال غريب
    !!
    لما جاوبنا
    راحت ما سكة بنتها و هاتك يا زعيق و شخط
    كل ده ليه؟!!
    عشان بنتها الظاهر و هى بتسرح شعرها بيقع على الارض
    و ما بتلموش
    و بتسرح فى كل حتة منها الصالون
    فاحنا ايه بقى قاعدين و دايسين على شعرها اللى هو على الارض
    السبب برده يعنى ؟!!
    الست ما كانتش مضايقة من انها عدم نضافة مثلا
    لا اللى كان طالع عليها
    _يعنى لو واحدة مش طاهرة دلوقت عدت عليه ينفع يعنى!!_


    واحدة معرفة تانية
    كانت كل ما تيجي خارجة تبص على جاكتتها كويس
    لحسن تكون فى شعرة مقطوعة من شعرها
    حد يشوفها او يمسكها او تقع عليه
    يقوم يصيبها عمل مش بتاعها!!

    التالته بقى
    قعدت سنين تقولنا اوعو شعرك المقطع اللى بيبقى فى المشط ترميه فى الزبالة
    واحدة زميلتنا الله يكرمها
    قالتها:
    _لامؤاخذة _طيب فى عين الحمام؟!!
    قالتلها يا مجنونة لا طبعا
    ليه؟
    عشان ممكن العفا..._اللهم احفظنا_ تشوف شعرها واحد منهم يحبها!!
    فى الاخر بعد 7 سنين بسألها_مش عارفة االسؤال ده ماجاش فى بالي وقتها ليه؟!!_
    بتودي شعرك فين طيب؟!!
    قالتلي بجمعه
    و طلعتلي كيسة ماشاء الله
    كلها شعر
    كيس من بتوع ابو ذكرى و سينسبري ده عارفين حجمها!!!
    ناااااااااااااااس دماااااااغ
    و اخيرا
    واحدة صاحبتي دبحوا عليها ديك _و عن قريب انا كمان رايحة_ عشان يفكولها عكوسات
    اصل و لا جوازة بتمشي و نفسها على طول بتبقى مش قابلة العريس!!!





    ازاى الديرما يا دكتور؟!!

  4. #4
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,103
    معدل تقييم المستوى
    16

    افتراضي

    منور يا عم سامح
    ربنا يوفقك يا سيدى بس مش شوية جلدية يخطفوك كده


    المهم
    فى كبسة الاب على الولد وشلته

    وكبسة المدرس على الطلبة اللى بيخدروا
    وكتير
    كبسة العروسة بم ان دكتور سامح دا تخصصه فاكيد معظم الكلام دا بيتقال
    بس بجد عالم بميجية وهنفضل طول عمرنا بميجية الى قيام الساعة
    وصحباتك دول يا نونا ربنا يشفيهم
    بس انت بترمى شعرك فين يا نونا

    كبسة العريس
    يجيب ارموطين ويلفهم حوالين وسطه ومراته تطبخله واحد منهم
    وبعد كدا هيتقاله انت صميم يا عربى

  5. #5
    تاريخ التسجيل
    Oct 2006
    الدولة
    القاهرة
    المشاركات
    2,903
    معدل تقييم المستوى
    13

    افتراضي

    _ بعد الزواج لو تاخر الحمل عن 3 شهور هذا يدل عن وجود كبسة فى العروسة طبعا
    و نضطر ا اننا نفك الكبسة بى انها تحضر 3 عمليات ولادة و اول ما المشيمة تنزل لازم تمسكها و تروح تقعد عليها (معلومة حقيقة )


    المعلومة دي حقيقية بجد
    اصل لو حقيقية يبقى علينا السلام بقى

  6. #6
    تاريخ التسجيل
    Jul 2007
    الدولة
    المنصورة
    المشاركات
    3,087
    معدل تقييم المستوى
    14

    افتراضي

    انا زمان كنت بسمع الحواديت دى كتيييييييييييييييير
    ومش عارفة يدبحولها ايه ويحطوا عليها دم مش عارفة ايه برضه
    وتروح الترب
    والعروسة برضه اللة مش يدخل عليها حد دى
    مش عارفة احنا مسلمين ازاى ربنا يهدينا

    كلام عجيب
    مش عارفة الناس بتقتنع بيه ازاى
    وكله كوم وموضوع الشعر دا كوم تاااااااااااااااااانى
    واحدة زى حالتى شعرها بيقع فى كل حتة المفروض تكون ماتت لو الكلام دا حقيقى
    هو انا اعرف انه المفروض الشعر دا بيدفن بس انا مش بعمل كدا بيترمى فى اى حتة واسكت

    اللهم ارضنى بما شئت .. اينما شئت
    كيفما شئت
    ويسر لى الخير حيث كان

  7. #7
    تاريخ التسجيل
    Sep 2006
    الدولة
    استروس الزنجبيل
    المشاركات
    1,409
    معدل تقييم المستوى
    12

    افتراضي

    يجيب ارموطين ويلفهم حوالين وسطه ومراته تطبخله واحد منهم
    وبعد كدا هيتقاله انت صميم يا عربى


    تصدق نسيتها دى بس نوع الاراميط اية يا منصور يا بهجة

  8. #8
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    نوع الاراميط اية يا منصور يا بهجة
    يعنى ايه ده؟!1

  9. #9
    تاريخ التسجيل
    Sep 2006
    الدولة
    استروس الزنجبيل
    المشاركات
    1,409
    معدل تقييم المستوى
    12

    افتراضي

    منتى بس يا نونا لو تسيبك شوية من المدينة الفاضلة و تتفرجى على افلام زينا كنتى هتعرفى

    ابو المعاطى يقصد اية

  10. #10
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,103
    معدل تقييم المستوى
    16

    افتراضي

    نوع القراميط دى تسأل فيها سيد عصب

  11. #11
    تاريخ التسجيل
    Mar 2007
    الدولة
    cairo, egypt
    المشاركات
    3,626
    معدل تقييم المستوى
    14

    افتراضي

    شقطونى لبعض
    برده يعنى ايه
    و مين سيد عصب؟!!

  12. #12
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,886
    مقالات المدونة
    23
    معدل تقييم المستوى
    10

    افتراضي

    بلاش يا جماعة كل واحد يعمل فيها (الساحر) بقى اللي عارف كل حاجة
    :)

  13. #13

    افتراضي

    ..
    قديما ..
    كنت اسمع الحاجات دي و حاجات زيها كتير و اقعد اضحك ..
    و طبعا مكنتش اصدق حاجة من دي خالص ..

    لكن دلوقتي ممكن اصدق اي اجة من النوع ده ..
    مفيش حاجة مستحيلة ..

    اقولكم على حاجة حقيقية بس محدش يخاف ..
    انا ابويا اتخانق مع عفريت على هيئة قرد ..
    كان العفريت بيخنقه راح ابويا عضه و مسكه من رقبته بس العفريت جري ..
    الحكاية دي حقيقية .. و مش هزار ..
    و لما حد يقولك على حاجة زي كدة ماتضحكش .. كل شئ ممكن ..
    و ربنا يحفظنا من كل سوء ..

  14. #14
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,103
    معدل تقييم المستوى
    16

    افتراضي

    هتشتغلنا يا وينر ع المسا هههههههههههههه

    قرد ايه يا عم الحاج

  15. #15

    افتراضي

    ..
    هههههههههههههه ..

    مش مصدق !!!

    مش هتصدق غير لما تكون لوحدك و فجأة تلاقي القرد ده بيتنطط على كتافك ..

    ههههههههههههههه ..

  16. #16
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,103
    معدل تقييم المستوى
    16

    افتراضي

    انا قاعد لواحدى من الساعة 11

    مفيش حاجة نطت ولا حاجة

    المهم ابوك عضه فين علشان لو طلعلى

  17. #17

    افتراضي

    ..
    عضه في ايده ..

    بس مش دي المشكلة ..

    المهم هتجيب منين قلب زي قلب ابويا اللي استحمل حاجة زي كدة ..

    لا اله الا الله .. على لسان ابويا دايما .. و بتحميه في كل مكان ..

  18. #18
    تاريخ التسجيل
    Oct 2006
    الدولة
    الادارة الطبية _جامعة المنصورة
    المشاركات
    5,103
    معدل تقييم المستوى
    16

    افتراضي

    ايه يا عم هو ابوك من ايام المماليك ولا ايه ههههههههههههههههه

    مكنشى فى حاجة يضربه بيها

  19. #19
    تاريخ التسجيل
    Jul 2007
    الدولة
    ..........................
    المشاركات
    3,853
    معدل تقييم المستوى
    10

    افتراضي

    هو القرد اللي بتتكلمو عليه ده هو الجاثوم???
    عاااااادي انا جدتي كانت بتحكيلي ياااما عن مغامرات جدو مع العفاريت
    ومن اكتر القصص اللي شدتني هي عفاريت القصر العيني

  20. #20
    تاريخ التسجيل
    May 2007
    الدولة
    الهرم
    المشاركات
    1,989
    معدل تقييم المستوى
    12

    افتراضي

    يعني هي كلها قشطه وشغاله
    و اللهم لا اعتراض


    بس يعني هو في جمله واقفه في زوري بالعرض

    احم احم


    _الكبسة ام رز ولحمة و سلطانية الشربة جنبها مع قليل من الملوخية النشفة و عيش يا عم






    ؟؟؟؟؟؟؟؟


    لمو اخزه يعني

    ماذا تعني؟
    ماتت قلوب الناس
    ماتت بنا النخوه
    يمكن نسينا فيوم
    ان العرب اخوه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. من محاضرة لسكشن... يا قلبى اوعى تحزن
    بواسطة ahmedrs في المنتدى حوار
    مشاركات: 11
    آخر مشاركة: 15-11-2007, 09:55 PM
  2. امتحانين اوعى وشك..!!!!!
    بواسطة blue_oceanz في المنتدى لوحة الاعلانات
    مشاركات: 2
    آخر مشاركة: 31-10-2007, 07:25 AM
  3. اضحك كركر اوعي تفرفر
    بواسطة The end في المنتدى تحت الشجرة
    مشاركات: 9
    آخر مشاركة: 29-09-2007, 06:08 PM
  4. امتحان سنوية عامة اوعى يفوتك
    بواسطة Ebrahim في المنتدى تحت الشجرة
    مشاركات: 1
    آخر مشاركة: 15-01-2007, 07:54 AM
  5. اوعى تقولوا كدة تاني
    بواسطة شمس المغيب في المنتدى حوار
    مشاركات: 9
    آخر مشاركة: 06-09-2003, 06:11 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •