صفحة 1 من 29 1 2 3 4 5 6 7 8 9 10 11 12 13 14 15 21 ... الأخيرةالأخيرة
النتائج 1 إلى 20 من 574

الموضوع: بنك النكت

  1. #1
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي بنك النكت

    أعتذر مقدماً عن النكت البايخة !
    أن توقد شمعة ... خير من أن تلعن الظلام ألف مرة


  2. #2
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    Talking اصطباحة !!

    مرة المدرس سأل الاطفال فى الفصل اللى يفتكر نفسه غبى يقف ... بعد شويه وقف تلميذ ...فساله المدرس وليه بقى يا سيدي بتفتكر نفسك غبي. فرد عليه التلميذ اصلي محبيتش اشوفك واقف لوحدك يا أستاذ


    التلميذ : بحبك يا أبلة _وعاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد

    واحد بيستهبل اتجوز وحده بتستهبل ، خلفوا _واد ... لما خرج عمل فيها ميت


    مرة واحد ندل وصى ولادة وهو فى غرفة الانعاش يكونوا اندل منه ، راحو فصلوا عنه جهاز الاوكسجين

    مره واحد ساب عربيته دايرة ........... رجع لقها مثلث

    مرة واحد باكستاني قابل واحد باكستالت

    بياع جرايد ابوه مات مشى فى الجنازة يقول اقرا الفاتحة


    حكم كوره أعد على قهوه ...طلب واحد صفر


    البدو فى الصحراء بيركبوا ايه ؟ بيركبوا إبل فيكترا

    ليه الصعيدى يلبس بنطلون احمر؟عشان هو بيحب اللون الاحمر ...طب ليه بيلبس بنطلون اخضر ؟؟؟؟عشان البنطلون الاحمر فى الغساله


    واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر


    واحد سكران اتصل على مصر للطيران بيسأل الرحله من القاهره للندن هاتخد اد ايه

    فرد عليه الاستعلامات وقاله ثانيه قاله السكران طب شكرا

    واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة -صاحب المطعم : ماعنديش سلطة قوطة اعمله من غير سلطة طحينة؟؟؟


    انا مرة رحت عزيت رجعت عالسمن

    مرة بلديات دماغة لفت ، قابلها من الشارع التانى

    مرة واحد قتل ابوه وأمه وخاله وبعدين قطع رجله . فسألوه ليه ؟ قال عشان رجلى

    ما تجيش في القضية










  3. #3
    تاريخ التسجيل
    Nov 2003
    الدولة
    مصر المحروسة
    المشاركات
    466
    معدل تقييم المستوى
    14

    Talking صباحه قشطة

    احنا فينا من كده

    يعنى انا انام نص ساعة اصحى القيك قالب المنتدى

    طب قولي و انا ايها فرفشة معاك

    انا كنت بحضر اختبار الغباء رقم 2

    و كله يجهز نفسه

    و احب اقول مقدما

    لأى حد حيدخل الامتحان ده

    يا عيني ع الحلو لما تبهدله امتحانات الغباء

    يا عيني ع الحلو لما تبهدله الأيام

  4. #4
    تاريخ التسجيل
    Nov 2002
    الدولة
    قاهرة المعز
    المشاركات
    1,066
    مقالات المدونة
    3
    معدل تقييم المستوى
    16

    افتراضي

    مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيبلك مامتك أسهل.

    طبيب تزوج طبيبه خلفوا عيل زى الحقنه

    مره واحد اتزنق في قرشين فعصوه

    مره واحد بلديتنا لقى خاتم سليمان جه يدعكه فعص العفريت

    عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

    عشرة صعايدة بيتعلموا ربط الكرافتات تسعة ماتوا وواحد فى حالة حرجة

    واحد بلدياتنا بيهشك ابنه، و قع النايل سات!

    قهوجى خلف ولد من غير وش

    مره فيل اتقدم لنمله فاهلها ماوافقوش فقالت لهم: حرام عليكم الفيل الى فى بطنى

    اتنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا
    (قديمة)

    مرة واحد اهوجى اشترى عربية طلع الكراسى برة

    مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين

    واحد بلدياتنا إتهموه بالذكاء....طلع براءة

    مرة واحد بلدياتنا خطف ابنه لمده اسبوعين ولما مفيش حد سأل عليه قتله

    واحد منحوس خبطته عربية ومات فروحه طلعت خبطتها طيارة

    أبو العربى قابل الوله أينو وقاله مش تباركلى أناهجوز البت سعاد قاله ياراجل ديه متنفعكش قاله ليه قاله ديه بورسعيد كلهامشيت معاها قاله يا راجل هى يعنى بورسعيد كلها أد أيه!!!!

    على حسب الله عضو مجلس الشعب عمل استجواب لوزير المواصلات، ليه القطارات بتيجى كل يوم متأخر؟ الوزير وعد ان من بكره القطارات مواعيدها حاتتظبط! تانى يوم على حسب الله خد التليفزيون والصحافة على محطة السكة الحديد، الميه تكدب الغطاس! القطر اللى كان ميعاده عشرة وصل عشرة الا ربع! الصحفيين اتلموا على السواق يحيوه ويسألوه ازاى نجح فى عمل المعجزة دى، فرد: معجزة ايه؟ هو النهارده ايه بالصلاتو على النبى؟ الاربعاء. ده ياخواننا قطر يوم التلات!

    مره واحد بلدياتنا اتجوز جه ابو العروسة قاله لو لقيتها بنت اضرب طلقتين فى الجو وفرحنا ولو لقيتها مش بنت اقتلها واغسل عارنا..اول يوم ضرب طلقتين وتانى يوم موتها

    مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى و رجع بعد ساعتين لقى اخوه بيعيط وبيقوله القطه ماتت قاله مش قولتلك لو غسلتها هاتموت قاله ماماتتش و انا بغسلها ماتت و انا بعصرها.....................

    واحد كهربائى ابوه مات دفنه فى الحيطه

    مرة في طابور الصباح فى مدرسة كلهاتلامذة حولانين..المدرس قال الى هيعرف يسقف صح حياخد مكافأة أيس كريم..المدرسة كلها قعدت تحاول يجى أسبوع لغاية ماواحد عرف في الآخر يسقف صح .. راح المدرس اداله أيس كريم جه ياكله حطه في بق اللى جنبه

    ابو العربى فى حرب اكتوبر راكب فلوكه فى القنال وبيحكى ويقول لقيت فوقى واد طيار اسرائيلى اول ما شفنى حدف عليا صاروخ قمت زقيته ..راح حادف واحد تانى وطيت راسى راح جاى فى الفلوكه وقعت فى المية واتشعلقت فى خشبة وقعت اجدف بيدى.. حدف عليا صاروخ تانى قمت غاطس فى القنال.. برده لقيته نازل بالطيارة عليا وقرب منى خالص وحدفلى قروصه مارلبورو وقال لي جدع يآله

    واحد بلدياتناغنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسودقاعده تقولى نوبليز نوبليز نوبليز(no please)


    كمسري أبوة مات ماشى في الجنازة يقول يا حضرات الجنازة فاضية آدام

    مره واحد بلدياتنادخل الحمام, لقى المساحة ,فقال يابوى كل دى ماكينة حلاقة

    واحد بتاع قصب قصبة رجله إتكسرت مصها

    مرة واحد راح للدكتور قال له يا دكتور لما احط ايدى على عينى ما بشوفش حاجة الدكتور عملة عملية خرملة ايدة

    نـجـار نفسه انكسرت غـراها و سمرها

    واحد بلدياتنا راكب القطر ومعاه ابنه ومش عاوز يدفع له تذكرة .. فلما جه الكمسرى حط ابنه فى شوال ومسكه بايده برة الشباك فالكمسرى بيقوله ايه اللى مطلعه فى ايدك برة ده .. فدخل ايده جوة وقال له ما فيش حاجة.

    طبيب نفسى اشترى ساعة سيكو عالجها بالصدمات

    خمسة بلدياتنا بيلفوا لمبة فى السقف ...أربعة مسكوا اللمبة وواحد لف السقف !!!

    مين تعب ...... أنا تعبت

    أشحطوط بالورى .... جاب الليالي السود .... فتبهدلا

  5. #5
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي و كنت لازم كمان يا مصباح تغتذر مقدماً عن توابع النكت البايخة ..

    واحد مسطول كان ماشي في الشارع وقع من جيبه مسمار فزعق كده و قالوه: اطلع فمطلعش قالوه : اطلع مطلعش قام مطلع حبة مسامير من جيبه و رماهم و قالهم: هاااااااااااااتوه

    ناموسه وقعت فى كاس وسكى طلعت تقول وسع للنسر

    فار شاف اسد ميت ، فسحبه من ذيله واخذه الغابه ، لما شافوه الحيوانات قعده يحيوه ويهتفوه باسم الفار 00قام الفار رفس الاسد وهو بيقول .......انا لما اتعصب ما برحمش

    واحد عنده مزرعة دواجن واشترى مجموعة كتاكيت وكان وسطهم كتكوت شرس جدآ ماكانش راحم الفراخ او الديوك كان مظلع عينهم ، فالراجل زهق منه ورماه فى الصحراء ، وبعد كام يوم راح الصحراء فلقى الكتكوت مرمى على الأرض وشاف نسر نازل من فوق على الكتكوت ، صعب علية الكتكوت فضرب النسر بالنار... جرى علية الكتكوت وهو بيزعق وقالة "يخرب بيتك بوظت لى الكمين".

    واحد غبى مراتة خلفت ، الدكتور مسك الطفل لقاه مش عايش ومش بيتنفس ، قال لأبوه خد ابنك وادفنة .. راح الراجل وحفر حفره ، وهو لسة هيحط الطفل لقاة بيعيط ، فقال له موت هو انت هتفهم اكتر من الدكتور....... وبعد كدة روّح البيت الدكتور قاله اية اللي اخّرك ياراجل ربنا عوضك بتوأم فمسك الراجل الطفلين وخرج السكينة وقتلهم وقال احنا مش بنقبل العوض

    فأر مسطول كان ماشي في الشارع..... شاف قط ميت ، قال لنفسه إيه ده الواحد لما بيسكر بيعمل حاجات غريبه قوي

    الدكتور بيلف على العيانين فشاف واحد بيخبط دماغة فى الحيط فسال الممرضة ماله ده ؟؟ قالت له ده كان بيحب واحدة لكن مجوزهاش... فدخل الدكتور العنبر التانى فشاف واحد ماسك شبشب وبيخبط على دماغه فسال الممرضة وده ماله ده؟؟ قالت له ده الى اتجوزها

    عملوا كبسة على جماعة حشاشين و كان فيهم ولد صغير فالظابط بيسأله: و الشمام الصغير اسمة اية ؟؟ قاله : كنتالوب يا بية

    فيل متجوز نملة.... إتعزموا في فرح ، بعد شوية الفيل حب يروّح فراح ينده مراته ، يعرف مراته من وسط النمل إزاي ؟؟؟؟؟؟؟؟؟ بسيطة هايلاقيها شايله فيل صغير


    اتنين مساطيل ماشين فى الشارع الاول قال للتانى شايف الاتنين المساطيل الى بيصطادو من البلكونه الى فوق ، رد عليه التانى وقال سيبك منهم .. ادّف.. ادّف

    واحد اشترى موبايل فحب يعملها لمراته مفاجأة راح داخل البيت في السر واستخبى في الحمام واتصل بيها من الموبايل ولما ردت عليه قال لها ازيك يا حياتي أنا جاي في السكة قالت له :لأ اوعى تيجي دلوقت أحسن جوزى مستخبي في الحمام

    برص سكران بيقول لصاحبه .. لولا الخمرة والحريم كان زمانى بقيت تمساح

    واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين ، جاله بعد يومين ، قاله الدكتور الصداع راح قاله الصداع راح والتلاجه راحت والتليفزيون راح

    مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى و رجع بعد ساعتين لقى اخوه بيعيط وبيقوله القطه ماتت قاله مش قولتلك لو غسلتها هاتموت قاله ماماتتش و انا بغسلها ماتت و انا بعصرها

    واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور

    ابو العربى قابل مذيعه قالت له ان سمعت عن بطولاتك فى الحرب قالها طبعا ابو العربى يسد فى كل مكان فى 48 واليمن و 67 و 56 و73 والعراق قالت المذيعه طب هأسألك كام سؤال لو انت فى الحرب وطلع عليك دبابتين ومعاك قنبلتين هتعمل ايه هادخل عليهم وأفجرهم طيب لو خمسه هادخل عليم بالسلاح الأبيض طيب لو اربع دبابات و عشر عساكر وطيارتين قالها جرى ايه يا وليه هو مفيش حد بيحارب غيرى


    ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى


    اثنين مبسوطين قوى قاعدين يعملوا دماغ قدام المراية فواحد منهم قال للتاني شايف الاتنين اللي قاعدين قدمنا دول ؟ قالوا ايوة قالوا دول بيعملوا زيينا بالظبط ، فقام قاله طب ما تيجي نروح لهم...... وهما جايين يقوموا فواحد منهم قال للتاني استني..هما اللى جايين خلاص

    التعديل الأخير تم بواسطة Alasmar ; 11-04-2004 الساعة 02:39 AM
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  6. #6
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    Talking حتة طب..

    دكتور عيون إتعزم في فرح نقط العريس في عينيه

    .................................................. ...........

    دكتور بيطرى اتجوز دكتورة بيطرية زفوهم كلاب الشارع

    .................................................. ...........

    محشش عصبي وجعه ضرسه راح للدكتور وقال له اقلع كل ضروسي وخليه زي الكـلب لوحده

    .................................................. ..........

    محشش راح يوصل جده للدكتور ساله الدكتور كم عمر جدك قاله والله من زمان عندنا

    .................................................. ...........

    في مسطول عند دكتور ف الدكتور بقوله عندك سرطان لامخ راح المسطول قال الله اكبر منين اجاني المخ_ **

    .................................................. ...........

    في دكتور عظمية وفي دكتور عظ الف

    .................................................. ...........

    مرة واحد راح يفحص البول عند الدكتور فقال الدكتور:السكر زايد قلة المريض:دا بس من ذوقك **

    .................................................. ...........

    بلدياتنا جاله توأم حلف على الدكتور ياخذ واحد منهم

    -------------------------------------------

    ** نكت قديمة (من التراث)

    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  7. #7
    تاريخ التسجيل
    Nov 2003
    الدولة
    مصر المحروسة
    المشاركات
    466
    معدل تقييم المستوى
    14

    افتراضي

    اسمحوا لى ان انضم الى بنككم الموقر..........

    بنك النكت...........

    مرة كان في شيخ بيطول في خطبة الجمعة,الأهالى اتضايقوا منه,كاموا مشيخة الأزهر,راحت غيرت الشيخ ده و جابت واحد بداله,في الجمعة اللى بعدها كانت الخطبة و الدعاء و الصلاة في 5 دقائق,الناس انبهرت به ايه ده ده انت عظمة ده انت جبار ده انت مافيش زيك,رد الشيخ قالهم انتوا لسه شوفتوا حاجة,طب الجمعة الجاية اجازة

    _

    _

    _

    _

    اتنين مساطيل ماشين في الصحراء طلع عليهم اسد واحد مسك طوبة و حدفها ع الأسد و طلع يجرى و التانى فضل واقف مكانه,اللى بيجري بص وراه لصاحبه قاله ما بتجريش ليهفرد عليه قاله انا مالي هو انا اللى حدفتها

    _

    _

    _

    واحد كان عنده ديدان في بطنه,راح لدكاترة كتير و كان دايما العلاج ما بيجبش نتيجة,سال واحد صاحبه قاله انا اعرف شيخ بركة و ان شاء الله حيعرف يساعدك,راح للشيخ ده و حكاله ع الموضوع,الشيخ قاله بسيطة انت تجيب بطيخة حمرة و تقطعها نصين و تقعد على نص منهممنهم اول دودة في بطنك حتنزل تدوق البطيخة حتلاقيها مسكرة حتنده لاصحابها شباب انزلوا و بكده كل الدود اللى في بطنك ينزل,الراجل عمل زي الشيخ ما قاله بالضبط,اول دودة في بطنه نزلت تدوق البطيخة لاقتها مسكرة ندهت لاصحابها شباب طلعوها......

    _

    _

    _

    _

    مرة واد بلديتنا انه طلع من الأوائل شفره.........

    واحد احول بيتفرج على فيلم رومانسي بدل ما يعيط ريل و الريالة بدل ما تنزل ع الأرض طلعت على ودنه.................

    واحد بلدياتنا نزل يتمشى مسكوه ع الحدود.........

    _

    _

    _

    مرة واحد حرامى واقف قدام ضابط النيابة و الضابط بيساله

    الضابط:اسمك ايه ؟

    الحرامى:مين انا؟

    الضابط:ايوه

    الحرامي:محسوبك حسن الاكتع

    الضابط:و ساكن فين يل اكتع؟

    الحرامى:مين انا؟

    الضابط:ايوه

    الحرامي:في الباطنية سعادتك

    الضابط:عندك كام سنة؟

    الحرامى:مين انا؟

    الضابط:لأ انا

    الحرامي:سعادتك تدى على 30-35 سنة

    _

    _

    _

    واحد كان عنده مزرعة فراخ صحي الصبح لقي البيض اللى باضته الفراخ قليل,راح ماسك فرخة و منتف ريشها و قال الفرخة اللى مش حاتجيب بكرة 5 بيضات ع الأقل حنتف ريشها زى الفرخة دى,تانى يوم لقى الفراخ كلهم باضوا 5 بيضات ما عدى واحدة لقاها بايضة3 بس راحهلها لقاها بتقوله استر علي انا ديك............

    _

    _

    _

    _

    اتنين صعايدة بيلعبوا شطرنج واحد موت للتاني حصانه التاني راح سمم له بهايمه.....

    _

    _

    _

    ارعة مساطيل راكبين عربية ماشيين بيها ف الصحراء عملوا حادثة العربية اطبقت فحبوا انهم يفردوها تاني,واحد قالهم احنا ننفخ العربية من الشكمان و هى حتتفرد لوحدها,عدى عليهم واحد مسطول قالهم العربية مش ححتنفخ علشان انتوا بتنفخوا و الابواب مفتوحة.......

    _

    _

    _

    طفل صغير بيزعق لمامته:ايه يا ماما انت كل شوية تضربيني ايه انت فاكراني بابا.......

    _

    _

    _

    _

    يا عيني ع الحلو لما تبهدله الأيام

  8. #8
    تاريخ التسجيل
    Nov 2002
    الدولة
    Egypt
    المشاركات
    4,261
    معدل تقييم المستوى
    10

    افتراضي

    اثنين صعايدة بيلعبوا شطرنج ...
    الملك مات مشلول !

  9. #9
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    قمة الهدوء........انك تسمع شريط فاضي وقمة الرخامة.......انك تقلب الشريط وقمة التناحة....... انك تعيد حتة عجبتك
    * واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

    * مرة مدرس رياضة اتجوز مدرسة رياضة خلفوا ولد متساوى الساقين

    * ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

    * هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

    * زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

    * واحد أحول راح يجيب أبوه من المطار باس الشنطة وشال أبوه

    * مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة

    * تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

    * مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

    * واحد أحول راح يجيب أبوه من المطار باس الشنطة وشال أبوه ( قديمة )

    * سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

    * واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين ، جاله بعد يومين ، قاله الدكتور الصداع راح قاله الصداع راح والتلاجه راحت والتليفزيون راح و ....

    * اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

    * محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

    * واحد واقف على الكوبري بيقول ,36,36,36,36 راح واحد سأله ايه حكاية ال36دي؟ قاله تعالى أوريك قام رماه من فوق الكوبري ..وقال 37,37,37,37

    * واحد ندل فتح مصنع بيبسي كتب على كل علبة : رج جيدا قبل الفتح

    * واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور

    * بلديات فتح محل انابيب غاز .. فجّر اسطوانتين فى وسط البلد .. دعاية

    * واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر

    * ,احد بيقول لصاحبه ... الحق الثعبان دخل غرفة حماتك ... قاله: سيبه يستاهل

    * اثنين ساكنين في خيمة ونايمين على ظهورهم بالليل.. بص الأول للسما وقال للثاني شايف ايه ؟ قال اشوف نجوم كثيرة.... قال وده يدل على ايه ة ؟ قال الثاني : ان فيه مجرات وكواكب غيرنا في الكون ده . قال الأول ده يدل ان سقف خيمتنا انسرق ياغبي

    * ثعبان نظره ضعيف يوم ما حب واحده..... طلعت خرطوم

    * بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر قاله ماتخفش معايا واحدة تانية
    ازاى الاولاد ؟

    وانا كمان ;)

  10. #10
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    Wink

    _

    _

    -دكتور عيون قاعد مع خطيبته في حديقه الاسماك معاه ورده قالها >>>شايفه الورده >>>دي >>> > يا حبيبتي قالت له ايوه فرجع ايده لورا شويه وقالها طب وكده

    >

    -استضافو ابو العربى فى برنامج من سيربح المليون فسأله جورج سؤال >>>المليون و >>>كان >>> > السؤال الحج فريضة ام سنة فاندهش ابو العربى و قاله هاستعين بصديق >>>ابن عمى >>> >غريب >>> > فى بورسعيد فقاله السؤال قاله اللى سالك السؤال ده مش فاهم حاجة >>>فسأله ابو >>> > العربى ليه قاله لأن الحج اما قرعة ياما سياحى

    -رجل نساى اوى ذهب للحج وعند رمى الجمارات سال نفسه انا رميت اتنين >>>ولا تلاته >>> >فاعاد رميهم مره اخرى >>> > ثم ذهب للطواف فسال نفسه مره اخرى لفيت سته وله سبعه فاعاد الطواف >>> > وعند نزوله من الطائره سال نفسه نسيت ايه يا جورج >

    - في المدرسه استاذ الحساب بيسال التلميذ بتاعه: لو باباك استلف الف >>>جنيه من >>> > البنك والف جنيه تانيه من جاركم يبقى هيرجع كام الف >>> > التلميذ: مش هيرجع حاجه يا استاذ >>> > الاستاذ: ياابني استلف الف وبعديها الف تانيه >>> > التلميذ : مش هيرجع حاجه يا استاذ >>> > الاستاذ: اعد يا ابني انت متعرفش حاجه في الحساب >>> > التلميذ: انت اللي متعرفش ابويا

    - واحد بلدياتنا دخل الجيش ووقف حراسة على بوابة معسكر عدى عليه >>>الشاويش >>> > وقاله:اللواء "فريد" جه؟ >>> > قاله : ماجاش يا شاويش "محمد" وبعد ساعة رجع له الشاويش محمد >>>وسأله اللواء >>> >فريد" جه؟ >>> > قاله لسه ما جاش. وبعد ساعة أخرى رجع له تانى وسأله اللواء "فريد" >>>جه؟ >>> > قال له لسه ما جاش. وبعد ساعة جه اللواء "فريد" >>> > قاله العسكرى : أنت فين الشاويش "محمد" حيخرب بيتك.

    -واحد عصبي اتجوز واحده عصبيه, يوم الولاده... الولد بيقول للدكتور >>>وسع إنت .. >>> >>> > ابعد ...أنا خأنزل لوحدي

    >>

    - واحد مسطول بيسأل واحد مسطول ثاني: اسم دولة أوروبية لو حطيت على >>>أخر حرف >>>فيها >>> > نقطة تصير اسم عالم ذرة >>> > أم التاني قله أنا غلب حماري >>> > آم الأول قله: الدولة هي قطر ولما تحط نقطة حتصير قطز >>> > أم التاني قاله هو قطز عالم ذرة؟؟؟؟؟ >>> > فرد عليه الأول يعني هي قطر دولة أوروبية؟؟؟؟

    -مرة ولد صغير يروح كل للبقال يقوله "يا عمو يا عمو عندك جبنه بيضه" >>>الراجل >>> >يقوله "ايوة يا ابنى عندى" يقوله "طيب ادينى جبنه رومى" تانى يوم >>>"يا عمو يا >>> >عمو عندك قلم رصاص يقوله ايوة يقوله طيب ادينى قلم جاف. لما الراجل >>>زهق يا >>>عينى >>> > و طلعت عينه فقرر يشتكى لابو الولد. لما ابو الولد جه حكى له >>>الحكايه قام قال >>> >>> > للبقال "لا لا ميصحش الكلام دة ابدا اسمع انت معاك عصايه البقال >>>قاله ايوة >>> >قاله >>> > "خلاص اضربه قلمين

    -اتنين مساطيل اعدين يحششو في المقابر ومرت جنازة فواحد بيقول >>>للتاني هي جنازة >>> >مين دي يا محمد؟ فرد علية دي جنازة الشيخ محروس فقال الاولاني يا >>>حول الله >>> >وتاني يوم وهما اعدين في نفس المكان مرت جنازة فنفس الشخص سال >>>بيقول للتاني هي >>> >>> >جنازة مين دي يا محمد؟ فرد عليه دي جنازة الشيخ محروس فقال >>>الاولاني يا حول >>> > الله >>> >وتالت يوم وهما اعدين في نفس المكان مرت جنازة فنفس الشخص سال >>>بيقول للتاني هي >>> >>> >جنازة مين دي يا محمد؟ فرد عليه دي جنازة الشيخ محروس >>> >فرد عليه هي الدنيا ملطشة معاه كدة لية

    -البوليس عمل كبسة على شوية شمامين و لفت نظره ان فيهم عيل صغير قوي >>>واخد ركن >>> >لواحده وعمال يسحب , فقام مقرب منه و سأله: و الشمام الصغير اسمه >>>ايه؟ >>> >قام الواد رد عليه و قاله : كنتلوب يا باشا. >>> > --

    -قابلت مذيعة اثنان مساطيل >>> > سالت الاول : مصر بالنسبالك ايه ؟ >>> > فقال: مصر دى امى. >>> > ثم سالت الثانى :وانت مصر بالنسبالك ايه؟ >>> > قال:مأدرش اتكلم عن أم واحد صحبى

    _

    _

    - واحد محشش قاعد مع اصحابه و بيحكيلهم : انا مره طلعلى اسد و كان >>>فى ايدى >>>كباية >>> > ميه رميته بيها الاسد طلع يجرى رد عليه واحد من اللى قاعدين قاله >>>صح انا >>>قابلت >>> > نفس الاسد ضربته بالقلم ايدى اتبلت

    - مره واحد بيقول لواحد صاحبه اسكت مش انا حماتى ماتت امبارح قاله >>>لا حول الله >>> >يا >>> >رب ماتت ازاى الست دى >>> >قاله وانا واقف معاها فى البلكونه وقعت من الدور الخامس >>> > قاله لا حول الله يا رب دى موته وحشه قوى >>> > قاله لا ماهى ماوقعتش على الارض قاله >>> > امال ماتت ازاى قاله وقعت على سلك الكهرباء >>> > قاله يا ساتر يارب دى موته وحشه قوى ماتت من الكهرباء طبعا >>> > قاله لا يا عم ماهى الكهرباء كانت مقطوعه >>> > قاله امال ماتت ازاى بس >>> > قاله اصل السلك نطرها فى حمام السباحه >>> > قاله لا اله الا الله ماتت غرقانه >>> > قاله بس يا عم اعوز بالله ماهو اول ما نزلت فى الميه الطشه رفعتها >>>على منط >>> >الحمام وطلعت عندى فى البلكونه تانى >>> > قاله امال انت بتقول ماتت ازاى >>> > قاله اصلى لما زهقت قمت خانقها بس بقه يا عم >>> >

    -قرية اهلها اشتكوا ان الامام يلقي خطب طويلة جدا جدا في الصلاة >>>فاشتكوا الي >>> > الاوقاف التي ارسلت لهم اماما جديدا ولكنه كرر نفس المشكلة >>>فاعادوا الشكوى >>> > فارسلت لهم الاوقاف شيخا آخر وحذرته من الاطالة. >>> > وصل الامام الجديد فدخل المسجد وصعد المنبر وحيّا المصلين وسأل: >>> > اتعرفون قصة سيدنا يوسف عليه السلام؟ >>> > فرد المصلون كلهم: نعم . >>> > فنظر الامام الى المؤذن وقال: اقم الصلاة. >>> > ولما فرغ من صلاته استوقف الناس وسألهم: اتعرفون قصة سيدنا موسى >>>عليه السلام؟ >>> >>> > فرد المصلون : نعم. >>> > فقال لهم : ماتجوش الجمعة الجايـــة

    اتنين مساطيل قاعدين في استاد القاهرة ، واحد بيقول للتاني

    :تقدر >>>تلفلي >>> >الملعب >>> > ده في اد ايه ؟ >>> > التاني : الفهولك في سجارتين >>> >>> >>

    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  11. #11
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي

    واحد سافر أمريكا....بعد سنتين إتصل بأبوه قاله أنا إتجوزت وجانى إيدز....أبوه إتضايق قوى...وقاله: ليه مسميتهوش على إسم جدك


    واحد مستهبل إتجوز واحدة مستهبلة....خلفوا واد عامل نفسه ميت



    غبى راح للدكتور عشان تعبان...الدكتور إداله دوا وقاله تاخده كل 8 ساعات...الغبى أخد الدوا كل 6 ساعات....عشان يفاجئ الجراثيم


    واحد حب يعمل مفاجأة لمراته يوم عيد ميلادها.....طلقها



    فرخة شربت مية مغلية...باضت بيض مسلوق
    _
    واحد بلدياتنا تعبان راح للدكتور وصفله دوا ... وقاله خد
    الدوا 3 مرات وتعالى بعد 3 أيام ... رجع له والزجاجة زى ما هيه ... قاله مخدتش الدوا ليه؟؟ قاله معرفتش أدخل المعلقة فى الإزازة :S


    ست تخينة قوى قوى قوى مش عارفين يوزنوها علشان الميزان كل ما تطلع عليه يتكسر ... جابوا أحدث ميزان وقالوا خلاص هنعرف وزنها .... بعد ما طلعت الميزان طلع ورقة مكتوب عليها براحة يا جماعة واحد واحد على الميزان بالدور!!!!



    صعيدى رما مراته من الدور العاشر طلعتله وقالتله إيه الهزار البايخ ده!!!!


    واحد غبى راح يعمل سشوار وبيقول للحلاق عندى فرح بعد أسبوع وعايز شعرى يبقى حلو كدة... الحلاق قاله ماشى بس ابعد عن المية .... رجع للحلاق بعد 3 أيام قاله عطشااااااااااااااان!!!!



    مرة واحد مسطول ماشى مع حبيبته فى نص الليل ... فشافت باباها فقامت قايلة : يالهوى أبويا أبويا ... فقالها متخافيش قوليلوا أخوكى


    مرة واحد شحات عدى على واحد عجلاتى ... قالع أعطنى مما أعطاك الله ... رد عليه العجلاتى وقاله : خد لك لفّة!!!!

    _
    _
    تلاتة يهود إتفقوا يشوفوا مين أكتر ندالة.... الأول شاف راجل عجوز عايز يعدى الشارع راح مسك إيده وسابه فى نص الشارع....والتانى عداه الشارع وقام ضاربه....التالت فضل واقف وبيضحك وقال :أنا أكتر ندالة عشان الراجل ده يبقى أبويا!!!!



    مرة واحد بلدياتنا كان قائد فى الجيش...وقدامه أربع صفوف عساكر...واحد من العساكر عطس...القائد سأل الصف الأول :مين إللى عطس؟؟ ..محدش رد...فتح عليهم كلهم النار قتلهم...وبعدين سأل الصف التانى :مين إللى عطس؟؟.. محدش رد ..ففتح عليهم النار وقتلهم..وإدور على الصف التالت ..فواحد خاف .فقاله:أنا إللى عطست يا باشا...قاله القائد:يرحمكم الله!!!




    مجنون ومجنونة ماشيين جمب بسين فى مستشفى المجانين...فالمجنون رمى نفسه فى الميه،والمجنونة أنقذته... جاه الدكتور تانى يوم للمجنونة قالها: عندى ليكى خبرين الأول حلو والتانى وحش ، الأول إنك خفيتى وهتخرجى من المستشفى....والتانى صاحبك المجنون شنق نفسه...قالتله: لأ..أنا كنت معلقاه عشان ينشف
    _
    !!!!
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  12. #12
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    هو الاسمر رمى طوبة الاطفال وخلاها نكت طيب
    بالتوفيق
    ازاى الاولاد ؟

    وانا كمان ;)

  13. #13
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    Talking جميعاً ان شاء الله

    -بقرة جالها جفاف نزلت لبن بودرة
    -فرخة اتجوزت فيل خلفوا تشكين فيليه
    -لية الديك عندة زكام ؟علشان متجوز فرخة مجمدة
    -واحد أحول بدل ما يعيط ريل
    -فرخة باضت بيضة من غير قشره عشان مستحمية بهيد اند شولدز
    -واحدة باباها مات ما بكتش لية علشان استحمت بشامبو لا دموع بعد اليوم
    -همبورجر وبيبسى و بطاطس بيجروا فى الشارع لية؟ عشان وجبات سريعة
    -نمل بيلعبوا كرة معاهم صرصار فى الفريق لية ؟لاعب أجنبى
    -واحد مسمينة منشف ريق البنات لية ؟عشان كل ما يشفوا يتفوا عليه
    -سئل المعلم التلميذ ما هو الحيوان الذى يصحيك كى تصلى الفجر فرد أبوى
    -واحدة لبست بكينى فى رمضان لية؟عشان مشروع أفطار صائم
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  14. #14
    تاريخ التسجيل
    Nov 2002
    الدولة
    Giza,Dumyat
    المشاركات
    1,198
    معدل تقييم المستوى
    10

    افتراضي

    واحد بلدياتنا عمل 2 إيميل، واحد دوت كوم للشتاء وواحد نص كوم للصيف

    _______________________


    واحد بلدياتنا بنى جامع لقى الناس بتجيه كتير قـلـبه مـطـعـم

    _________________

    واحد بلدياتنا عازم صحابه على السطح ليه؟ أصدقاء سطحيين

    ___________________


    واحد بلدياتنا عنده ارق ومش عارف ينام....قال له صاحبه عندي لك طريقة للنوم
    مؤكدة...عد من واحد الى خمس ميه... بلدياتنا مكدبش خبر...
    وأول ما الدنيا ليلت راح للسرير وبدا يعد .. واحد .. اثنين ... ولما
    وصـل الى ميه وتسعة وتسعين ... جـاه النوم ... قـام غـسـل وشه ورجــع
    للـسـريـر يـكـمـل الـعـد

    ____________________

    بلدياتنا تاجروا في الموز خسروا علشان
    بيرمو الموز المعوج

    ______________________


    واحد بلدياتنا وقع في خلاط الأسمنت طلع منه قال يخرب بيت الملاهي.

    ______________________

    واحد بلدياتنا رجع من السفر لقى الشقة مليانه صراصير.. غير قفل
    الباب

    _____________________


    بلدياتنا أول مرة يشوف واحد فلبيني قال يا بخته ده شبعان نوم

    ______________________

    جماعة بلدياتنا عملوا أتوبيس بالعرض عشان يركبون كلهم قدام

    ____________

    مرة واحد بلدياتنا نزل في محطة الرمل رجلة غرزت

    ________________

    واحد بلديتنا اتعزم على حفلة تنكرية بعت اخوه
    ___________________


    واحد بلديتنا كبر دماغه معرفش يخرجها من التي شيرت



    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  15. افتراضي

    مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي .فرد عليه التلميذاصلي محبيتش اشوفك واقف لواحداك يا أستاذ

    ***********

    مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة

    البقال نعم عندى فقال الطفل طيب بكام

    *********

    التلميذ : بحبك يا أبله و عاوز أجوزك... المدرسه: بس أنا مبحبش الأولاد

    الصغيرين... التلميذ: وأنا مش مستعجل على الأولاد

    *******

    واحد بيستهبل اتجوز وحده بتستهبل ، خلفو واد ... لما خرج عمل فيها ميت

    ********

    مره واحد ضرب ابنه بالالم قصفه

    *********

    مرة واحد ندل وصى ولادة وهو فى غرفة الانعاش يكونو ا اندل منه ، راحو فصلوا عنه جهاز الاوكسجين

    ***********

    واحد بيقول لمراته تيجي نعمل جمعيه.اديكى كل يوم بوسه واديكى جنيه !قالتله ماتسكت مش ابو هيثم جارنا دخل بنفرين.



    **********

    مره واحد ساب عربيته دايره ............. رجع لقها مثلث

    *******

    مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله

    الدورى ... ردت المذيعة بسرعة لأ أجيبلك مامتك أسهل.

    *************

    مرة واحد باكستاني قابل واحد باكستالت

    ************

    بياع جرايد ابوه مات مشى فى الجانازة يقول اقرا الفاتحة

    ***********

    مره فيل اتقدم لنمله فاهلها ماوافقوش فقالت لهم: حرام عليكم الفيل الى فى بطنى

    ***********

    حكم كوره أعد على قهوه ...طلب واحد صفر

    **********

    واحد منحوس خبطته عربية ومات فروحه طلعت خبطتها طيارة

    ************

    مره واحد ابنه طلع من الأوائل عمل ايه ؟؟؟؟ شفروه

    ***********

    البدو فى الصحراء بيركبوا ايه ؟ بيركبوا إبل فيكترا

    **********

    ليه الصعيدى يلبس بنطلون احمر؟عشان هو بيحب اللون الاحمر ...طب ليه بيلبس بنطلون اخضر ؟؟؟؟عشان البنطلون الاحمر فى الغساله

    *************

    جماعة مساطيل بيتفرجوا على الاخبار .... فنشرة الاخبار طولت فراح الاولانى قال للتانى :هى لية نشرة الاخبار طولتمعلش اصل شكلها كدة النهاردة اخر حلقة

    **************

    مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه

    *************

    واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

    **********

    واحد سكران اتصل على مصر للطيران بيسأل الرحله من القاهره للندن هاتخد اد ايه

    فرد عليه الاستعلامات وقاله ثانيه قاله السكران طب شكرا

    *************

    واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطةالمطعم : ماعنديش سلطة قوطة اعمله من غير سلطة طحينة؟؟؟

    *************

    مرة واحد مسطول جه يخرج من العربية لقى الدنيا بتمطر راح خارج من الباب

    التانى

    *************

    تاكسي.....مصطفى كامل عالبحر؟ مشفتووش

    ***********

    محشش نائم جت امه تصحيه في الصباح قالت قوم يا ولدي الشمس طلعت قال دخليها

    وقفلي الباب

    *************

    انا مره رحت عزيت رجعت عالسمن

    *************

    مرة بلديات دماغة لفت ، قابلها من الشارع التانى

    ************

    مرة واحد قتل ابوة وأمة وخالة وبعدين قطع رجلة . فسألوة لية ؟ قال عشان رجلى

    ما تجيش في القضية
    ملكنا هذة الدنيا قرونا... وأخضعها جدود خالدون
    وصفرنا صحائف من ضياء ... فما نسى الزمان وما نسينا
    وما فتئ الزمان يدور حتى.. مضى بالمجد قوم آخرون
    وأصبح لا يرى فى الركب قومى وقد عاشوا أئمته سنينا
    وآلمنى وآلم كل حر ... سؤال الدهر أين المسلمون؟
    ترى هل يرجع الماضى فإنى.. أذوب لذلك الماضى حنين

  16. #16
    تاريخ التسجيل
    Nov 2003
    الدولة
    مصر المحروسة
    المشاركات
    466
    معدل تقييم المستوى
    14

    افتراضي

    بينما القطار يشق طريقه متوجه من .... الى ....
    كان يجلس فى داخله أربعة أفراد متقابلين : أمريكى وأفغانى وفتاه
    وامرأة عجوز
    دخل القطار فى نفق مظلم فسمع الركاب صوت قبله ... ثم تلاها صوت صفعة
    على الوجه
    فلما خرج القطار من النفق شوهد الامريكى يحك خده وقد احمر
    فدار هذا الحوار
    قالت العجوز فى نفسها : يالها من فتاة أبية قبلها الامريكى فصفعته على
    وجهه
    وقالت الفتاة فى نفسها : ياله من امريكى غبى .... يتركنى انا ويقبل هذه
    العجوز
    وقال الأمريكي فى نفسه : ياله من افغانى محظوظ .... يقبل الفتاة واتلقى
    انا الصفعة
    وقال الأفغاني فى نفسه : يالى من افغانى ذكي .... قبلت يدي ثم صفعت
    الامريكى
    يا عيني ع الحلو لما تبهدله الأيام

  17. #17
    تاريخ التسجيل
    May 2004
    الدولة
    earth
    المشاركات
    241
    معدل تقييم المستوى
    13

    افتراضي

    مرة واحد إسمه عزوز راح إشتغل صبى عند ميكانيكى. فى يوم قال لصاحب الورشة أنا أعرف رئيس الحى....صاحب الورشة ماصدقش لكن بعد يومين..فعلا مر رئيس الحى قدام الورشة وسلم على عزوز سلام حار جدا.....صاحب الورشة أعجب بعزوز وشغله أسطى ف الورشة
    ر وبعد يومين عزوز قال لصاحب الورشة أنا أعرف الوزير!! قال له لأ صعبة أوى دى...بس فعلا بعد يومين مر الوزير قدام الورشة زسلم على عزوز.....صاحب الورشة إتتجنن وقال لعزوز أنا هأجوزك بنتى وتمسك الورشة مكانى.....

    وبعد يومين قال عزوز لصاحب الورشة أنا أعرف بوش ..صاحب الورشة قالو بلاش تفشر على...عزوز قال تعال نسافر وأنا أعرفك بيه....وفعلا سافرو أمريكا ووقفوا أمام البيت الأبيض وعزوز قال شوف الشباك الأبيض...حأطلع بعد شويه أنا وبوش ونقول لك هاى وفعلا عزوز طلع هو و بوش ...بعد خمس دقايق....صاحب الورشة أغمى عليه وراح المستشفى ولما فاق عزوز سأله إنت أغمى عليك عشان شفتنى أنا وبوش؟.....صاحب الورشة قال لأ
    أنا أغمى علي عشان وإنت و بوش واقفين ف الشباك عدا من قدامى إتنين أمريكان بيسألونى مين إللى واقف جنب عزوز ده؟؟؟؟؟؟؟؟؟

  18. #18
    تاريخ التسجيل
    Aug 2004
    الدولة
    فى الطراوه
    المشاركات
    17
    معدل تقييم المستوى
    0

    افتراضي

    حلوه النكت اللى فاتت دى يا شباب

    و دول شويه نكت سريعه خفيفه زى السندويتشات الخفيفه

    ----------------------------------------------

    مرة دكتور بيطرى بيقول لمراته حبيبتى انا بهيم فى حبك قالتله وانا مرفسلكش طلب ابدا


    صرصرارين قاعدين فى الانعاش جنب بعض
    الاولانى ساله: فليت؟
    التانى: لا شبشب


    واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين



    واحد لف العالم لكى يجد اجابة عن السؤال التالى ما رايك فى مشكلة الغذاء فى باقى انحاء العالم؟
    في روسيا لم يعرفوا معنى ما رايك
    فى السويد لم يعرفوا معنى مشكلة
    فى الصومال لم يعرفوا معنى الغذاء
    فى امريكا لم يعرفوا معنى باقى انحاء العالم


    واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع


    واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش



    حطو تلاتة على جهاز كشف الكذب..واحد امريكي وواحد الماني وواحد بلدياتنا..الامريكي قال:احنا فكرنا نعمل سيارة بتطير..(توتوتووووووت) الجهاز صفر وقال كداب..
    الالماني قال:احنا فكرنا نبني مباني من غير عمال..(توتوتوووووووت)
    بلدياتنا قال احنا فكرنا..(توتوتووووووووووووووووووووووووووووت)



    دلوقتى بعض النكت المحببه الى قلبى انا شخصيا


    مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيبلك مامتك أسهل.


    مره واحد أهلاوي إتجوز زملكاوية ..... ستتها



    كفايه كده و انا بعتذر على النكت البايخه و القديمه لكن مش مهم على رأى الشاعر المعاصر

    انما النكت القديمه ما بقيت فان هم ذهبت نكتهم ذهبوا
    التعديل الأخير تم بواسطة Alasmar ; 10-08-2004 الساعة 01:39 AM سبب آخر: آسف جداً ياريت نبعد عن الشخصيات العامة فى النكت و لو ممكن نعدل فى النكتة لتصبح نكت رمزية افضل
    لون شعرك و بتغيريه..لون عينيك ولا عرفته ايه..اسهل حاجه عندك تقولى بحب و تنسى..قلتيها ليه؟
    لو كان غرك جمالك انا ابعد من خيالك ده الحب ما جاش فى بالك و لا عمرك تعرفيه..
    خراب يا دنيا ........ عمار يا راسى

  19. #19
    تاريخ التسجيل
    Nov 2003
    الدولة
    مصر المحروسة
    المشاركات
    466
    معدل تقييم المستوى
    14

    افتراضي

    دخلت بطة السوبرماركت وسألت البائع: عندكم عنب؟؟ فرد: لا ما عندناش .. فطلعت البطة من المحل

    في اليوم الثاني رجعت البطة السوبرماركت مرة ثانية .. وسألت البائع: عندكم عنب؟؟ قال لها: لأ ما عندناش.. فطلعت البطة من المحل

    في اليوم اللي بعده .. رجعت البطة للسوبرماركت وسألت البائع: عندكم عنب؟؟؟ فصرخ عليها: لا لا ... انتي جيتي اليومين اللي فاتوا وسألتي اذا عندنا عنب وقلت لك في كل مرة جيتي فيها ما عندناش.. والله إن جيتي مرة ثانية وسألتي عن عنب راح اثبت رجلك المسطحة في الارض بمسامير ،، فاهمة!!؟؟

    فطلعت البطة

    في اليوم الرابع رجعت البطة السوبرماركت .. وسألت البائع: عندك مسامير؟؟ فرد عليها: لأ ما عندناش

    فقالت البطة: تمااااااااام ...طيب عندكم عنب؟؟
    يا عيني ع الحلو لما تبهدله الأيام

  20. #20
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,716
    معدل تقييم المستوى
    10

    افتراضي

    واحد ماشى فى الشارع لقى يافطة مكتوب عليها
    مزرعة ابقار
    دخل وسأل هو انتو بتزعوا البقر ازاى
    الراجل رد عليه بنجيب سكر ونرميه على الارض تانى يوم نلاقى البقر
    الراجل مكدبش خبر
    جاب كيس سكر ورماه على الارض
    تانى يوم لقى شوية نمل
    قال ياحلاوة يا ولاد هو ده بقى البقر الصغير







    ولد صغير قال لمامته الحامل ايه ده يا ماما
    اخوك الصغير يا حبيبى
    وبتحبيه
    طبعا
    امال اكلتيه ليه ؟!!!!!!!!!!
    ازاى الاولاد ؟

    وانا كمان ;)

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. هدي الإسلام في النكت والمزاح
    بواسطة مصباح في المنتدى تحت الشجرة
    مشاركات: 2
    آخر مشاركة: 27-11-2009, 03:35 PM
  2. اختار اى تكست بوك منهم ؟
    بواسطة dr / MIM في المنتدى الملتقى العام
    مشاركات: 11
    آخر مشاركة: 05-10-2009, 09:01 PM
  3. بنك الدواء المجاني
    بواسطة arownas في المنتدى لوحة الاعلانات
    مشاركات: 2
    آخر مشاركة: 05-06-2007, 11:44 PM
  4. بنك الأطباء و غيره من الخدمات ؟؟؟؟؟؟؟
    بواسطة elnounou في المنتدى حوار
    مشاركات: 2
    آخر مشاركة: 13-05-2004, 05:11 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •