النتائج 1 إلى 13 من 13

الموضوع: مايوهات للمحجبات

  1. #1

    افتراضي مايوهات للمحجبات

    للاسف معظم مشاركات الموضوع ده مش لاقيها كانت موجودة في صفحات جوجل المخبأة اول ما المنتدى رجع
    بس للاسف مش لاقي الا القليل منها
    في الاصل الموضوع كان اكتر من 10 صفحات


    السلام عليكم و رحمة الله و بركاته

    الجمعة اللي فاتت بعد صلاة الجمعة
    و انا ماشي في شارع السودان
    خير اللهم اجعله خير
    صاحبي اللي جنبي بيقولوا بص على المحل اللي جنبك
    الاقي ايه؟



    الاقي ورقة متعلقة مكتوب عليها الاتي


    "يوجد مايوهات للمحجبات"

    بصراحة مافهمتش حاجة
    حسيت اني عبيط
    و ان قدرتي على القراية نقصت

    هي ناقصة !!!!

    مش كفاية الحجاب الي على الجينز
    و لا الحجاب اللي على البدي و الاسترتش

    و محدش يقولي شواطئ خاصة للسيدات
    ماهي لو سيدات كلها يبقى ايه لازمة ان المايوه مخصوص للمحجبات ما كلهم ستات
    و لا ده مايو شرعي؟

    بصراحة تانية انا لسه مش فاهم حاجة
    اللي فاهم يفهمني
    ماشي.....
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  2. #2

    افتراضي رد: مايوهات للمحجبات

    Winner

    ..
    مش يمكن مايوه طويل !!!!!!!

    او بييجي معاه قطعة زيادة كحجاب .. اعتقد عشان الشمس يعني ..

    بس ما قريتش يا ارو اذا كان المايوه معاه سواك و لا سجادة صلاة ؟؟؟

    اصل مهم قوي المايوه يكون معاه سواك او سجادة صلاة ..

    عشان الجماعة على الشط ..

    لو لاحظت اسم المحل .. هتلاقيه محلات كوهين شمعون لضرب المسلمين على قفاهم ..

    استر على ولايانا يا رب ..



    ekm86

    يااااااااااااااااه
    ده الموضوع ده من زمان
    وفي "بين قوسين : محجبات" كتير بيلبسوه دلوقتي.. ما هو ده مايوه المحجبات بقى
    وطبعا المية بتخلي أي حاجة تلزق على الجسم
    لكن الناس بتعمل نفسها مش واخدين بالهم




    Nettawy

    هههههههههههههههههه
    هيقولولك اهي على الاقل أحسن من اللى سايبه شعره
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  3. #3

    افتراضي رد: مايوهات للمحجبات

    ekm86

    إنت بتقول فيها
    طيب ما هو بيتقال كده فعلا


    Winner


    .
    ايه رأيكو يا جماعة ..

    ما تيجو نروح شط من شواطئ الاخوات المحجبات دول ..

    عشان نقيم شرعية المايوهات دي بنفسنا ..

    و اهو نشارك في الدعوة الى الله ..!!



    Nettawy


    ههههههههههههه
    ماشي ياوينر وتبقى انت شيخ الدعوه
    ونسميك الشيخ البحبحاني :)


    Kalamntena


    هل نزول البنات البحر حلال وللا حرام؟
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  4. #4

    افتراضي رد: مايوهات للمحجبات

    ekm86


    وشط من بتوعهم ليه
    مون عربيتك بنزين "90.. عشان مش غالي قوي"
    واطلع على أي مصيف.. راس البر.. اسكندرية.. الساحل الشمالي.. مرسى مطروح
    قيم براحتك هناك



    Nettawy

    لا أعلم :)
    هل نزول البنات البحر حلال وللا حرام؟
    كل اللى اعرفه ان البحر طهور



    mr-azygos
    وشط من بتوعهم ليه
    مون عربيتك بنزين "90.. عشان مش غالي قوي"
    واطلع على أي مصيف.. راس البر.. اسكندرية.. الساحل الشمالي.. مرسى مطروح
    قيم براحتك هناك
    انا ماسمحش ان حد يتكلم علي راس البر كده




    ekm86

    هل نزول البنات البحر حلال وللا حرام؟

    الفكرة في إن اللي هتنزل دي أكيد هتفقد "على الأقل" شرط من شرطين الحجاب : لا يشف ولا يصف





    ekm86
    انا ماسمحش ان حد يتكلم علي راس البر كده
    ا لا لا
    معلش زلة كيبورد
    أنا أقصد راس سدر






    Kalamntena

    حلال وللا حرام؟؟؟؟؟؟؟


    Kalamntena

    انا ماسمحش ان حد يتكلم علي راس البر كده
    ا لا لا
    معلش زلة كيبورد
    أنا أقصد راس سدر

    انا ماسمحش حد يتكلم عن راس سدر كده:mmmm mmmm
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  5. #5

    افتراضي رد: مايوهات للمحجبات

    من الصفحة السابعة

    tabeb

    طيب اسألكم سؤال_لو سلمنا بصحة المايوهات دي ترضي زوجتك او اختك تبص سواء بقصد او بدون قصد علي اجسام الرجال شبه العارية؟


    arownas

    طيب اسألكم سؤال_لو سلمنا بصحة المايوهات دي ترضي زوجتك او اختك تبص سواء بقصد او بدون قصد علي اجسام الرجال شبه العارية؟
    سؤال في الجون يا طبيب



    mr_azygos

    المشاركة الأصلية كتبت بواسطة ekm86
    عايز أكمل معاكوا يا رجالة بس مش ناااافع خالص
    اكتبوا كل اللي في نفسكوا وأكمل معاكوا بكرة
    :)
    me 2


    ابو المعاطي شمروخ

    للاسف مش هينفح احكى
    بس نتكلم فى موضوع الهدوم
    اى واحدة بتنزل المياه الهدوم بتلزق وتتجسد عليها
    زى ما البعض قال و ان الممنوع مرغوب
    يعنى واحدة جسمها متجسد والجلد مش باين
    حلو برضه مايمكن تكون جربانة ولا حاجة الله اعلم
    دلوقتى اى واحدة بتنزل المياه فى وجود الشباب وكدة
    يا اما معاها خروف جوزها برة او اكياس جوافة العيلة يعنى
    او على نياتها ومش مدية خُوانة
    وفى ستات بينزلوا متعمدين علشان يتبص عليهم

    نيجى بقى اللى يقولك مايوه شرعي
    انت تعبان يا با الحاج انت ولا ايه؟
    هو في مايوه شرعي وغير شرعى ماهو كله مايوه
    استعباط فعلا وسذاجة لابعد الحدود اى حاجة يلزقوها فى الدين
    طب مافيه ناس بتنزل بعبايات (منه لله اللى اخترع العبايات ده) وده احسن من المايوه لانه اعم واشمل وفيه ناس بتنزل المياه بالنقاب(ودول نقولهم سلامات يا نقاب)وده اشمل واشمل
    يبقى نزول المياه بالنقاب احسن من المايوه (ياعينى ع الخيابة)

    يبقى دلوقتى من حيث التجسيد
    نيجى بقى لنقطة الشباب والموج لو مصيف فيه موج ووكدة وشغل الاستعباط اللى احنا عارفينه واللى كل الشباب عارفه وياعينى الموج قوى وطير الواد رماه على البت او الست (مش عاجبك اطلعي من المياه او اضربي الموج)

    المشكلة ان كل واحد مراته بتبقى فى المياه بيبقى مازع حتة شنب يا نهاااااااااااااااار شنيب فعلا بس مفيش نخوة خالص

    يعنى من الاخر نزول الستات مهزلة بصراحة


    ويا دكتورة كوكو لو طلع حل للموضوع ده مش هيمشي ولا هيتنفذ
    لان معظم الستات مش عايزين كدة ولا احنا كمان



    HAYAH
    لمشاركة الأصلية كتبت بواسطة أبو المعاطى شمروخ
    للاسف مش هينفح احكى
    بس نتكلم فى موضوع الهدوم
    اى واحدة بتنزل المياه الهدوم بتلزق وتتجسد عليها
    زى ما البعض قال و ان الممنوع مرغوب
    يعنى واحدة جسمها متجسد والجلد مش باين
    حلو برضه مايمكن تكون جربانة ولا حاجة الله اعلم
    دلوقتى اى واحدة بتنزل المياه فى وجود الشباب وكدة
    يا اما معاها خروف جوزها برة او اكياس جوافة العيلة يعنى
    او على نياتها ومش مدية خُوانة
    وفى ستات بينزلوا متعمدين علشان يتبص عليهم

    نيجى بقى اللى يقولك مايوه شرعي
    انت تعبان يا با الحاج انت ولا ايه؟
    هو في مايوه شرعي وغير شرعى ماهو كله مايوه
    استعباط فعلا وسذاجة لابعد الحدود اى حاجة يلزقوها فى الدين
    طب مافيه ناس بتنزل بعبايات (منه لله اللى اخترع العبايات ده) وده احسن من المايوه لانه اعم واشمل وفيه ناس بتنزل المياه بالنقاب(ودول نقولهم سلامات يا نقاب)وده اشمل واشمل
    يبقى نزول المياه بالنقاب احسن من المايوه (ياعينى ع الخيابة)

    يبقى دلوقتى من حيث التجسيد
    نيجى بقى لنقطة الشباب والموج لو مصيف فيه موج ووكدة وشغل الاستعباط اللى احنا عارفينه واللى كل الشباب عارفه وياعينى الموج قوى وطير الواد رماه على البت او الست (مش عاجبك اطلعي من المياه او اضربي الموج)

    المشكلة ان كل واحد مراته بتبقى فى المياه بيبقى مازع حتة شنب يا نهاااااااااااااااار شنيب فعلا بس مفيش نخوة خالص

    يعنى من الاخر نزول الستات مهزلة بصراحة


    ويا دكتورة كوكو لو طلع حل للموضوع ده مش هيمشي ولا هيتنفذ
    لان معظم الستات مش عايزين كدة ولا احنا كمان[/SIZE]
    رد طويل عريض بقراه

    وعماله اقول هو كله ضرب ضرب ضرب

    مافيش شتيمة

    بس الجملة الاخيرة ظبطت المسائل

    يلا كملوا وانا هتفرج من بعيد

    وحاسب الموجة
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  6. #6

    افتراضي رد: مايوهات للمحجبات

    Nettawy

    طيب معلش
    انا عندي نقطه عايز اقولها محشوره في زوري من يوم مأشتركت في المنتدى
    في مشاركات كتير بحس انها مجرد جدال من أجل الجدال
    أو بالكتير لإثبات وجهه النظر أو ساعات كتير مش كده كمان
    الأدهى ان الواحد يضرب فكره معينه في دماغ اللى قدامه
    قد تكون صحيحه وبالجدال العقيم ده بوظتها عنده
    نبقى استفددنا ايه؟؟؟؟
    استفدت اني حركت واحد من عند حاجه صح لحاجه غلط؟؟؟
    ان شاء الله مش ناوي أدخل في نقاش في اي مسأله دينيه
    لعده اسباب
    أولها ماعنديش علم
    ثانيها خايف اني يحصلي اللى قولت عليه فوق
    شكرا لحسن استماعكم
    وأحب اسمع تعليق الناس الأكبر مني
    ان كنت اللى انا شايفه ده صح ولا غلط
    وينصحوني بالصح



    DUAA
    السلام عليكم و رحمة الله و بركاته

    الجمعة اللي فاتت بعد صلاة الجمعة
    و انا ماشي في شارع السودان
    خير اللهم اجعله خير
    صاحبي اللي جنبي بيقولوا بص على المحل اللي جنبك
    الاقي ايه؟



    الاقي ورقة متعلقة مكتوب عليها الاتي


    "يوجد مايوهات للمحجبات"

    بصراحة مافهمتش حاجة
    حسيت اني عبيط
    و ان قدرتي على القراية نقصت

    هي ناقصة !!!!

    مش كفاية الحجاب الي على الجينز
    و لا الحجاب اللي على البدي و الاسترتش

    و محدش يقولي شواطئ خاصة للسيدات
    ماهي لو سيدات كلها يبقى ايه لازمة ان المايوه مخصوص للمحجبات ما كلهم ستات
    و لا ده مايو شرعي؟

    بصراحة تانية انا لسه مش فاهم حاجة
    اللي فاهم يفهمني
    ماشي.....
    هو مايوه واسع ومنفوخ شوية يعني بمعني اصح مش بيلزق علي الجسم


    arownas

    السلام عليكم و رحمة الله و بركاته

    ياااااااه احنا بعدنا قوي قوي
    بعدنا باكتر من الف و ربعميت سنة
    بعدنا لدرجة اننا قاعدين دلوقتي نتناقش في امور و الله مش عارف الصحابة كانوا ممكن يقولوا علينا ايه
    صحيح بعدنا عن السيدة عائشة باربعتاشر قرن
    السيدة عائشة اللي كانت تستحي انها تضع ملابسها في حجرتها علشان سيدنا عمر بن الخطاب مدفون فيها
    ميت و مدفون تحت الارض و تستحي منه
    شوفوا احنا بقى دلوقتي فييييين!!!
    كل حاجة بقت سداح مداح
    و كله بيلوي و يتني في النصوص و الاحكام لحد ما يلاقي مخرج للي هو عاوزة
    كله بقى ممكن
    مافيش ممنوع و لا حتى اعتبار لمجتمع و لا لتقاليده و اعرافه و بلاش نقول دين

    احنا رايحين لحد فين بس
    ربنا يستر



    Winner
    المشاركة الأصلية كتبت بواسطة Nettawy
    طيب معلش
    انا عندي نقطه عايز اقولها محشوره في زوري من يوم مأشتركت في المنتدى
    في مشاركات كتير بحس انها مجرد جدال من أجل الجدال
    أو بالكتير لإثبات وجهه النظر أو ساعات كتير مش كده كمان
    الأدهى ان الواحد يضرب فكره معينه في دماغ اللى قدامه
    قد تكون صحيحه وبالجدال العقيم ده بوظتها عنده
    نبقى استفددنا ايه؟؟؟؟
    استفدت اني حركت واحد من عند حاجه صح لحاجه غلط؟؟؟
    ان شاء الله مش ناوي أدخل في نقاش في اي مسأله دينيه
    لعده اسباب
    أولها ماعنديش علم
    ثانيها خايف اني يحصلي اللى قولت عليه فوق
    شكرا لحسن استماعكم
    وأحب اسمع تعليق الناس الأكبر مني
    ان كنت اللى انا شايفه ده صح ولا غلط
    وينصحوني بالصح

    تمام يا نتاوي ..

    مش المفروض الواحد يدخل في نقاش من اجل النقاش و الجدال و بس ..

    لو عندك حاجة بدليل قوي قولها .. او يبقى السكوت احسن ..

    و العصر اللي احنا فيه دلوقتي كتر فيه الموضوع ده .. و الكلام في الدين بقى لبانة في بق كل واحد .. و ده نتيجة الجهل اللي احنا عايشين فيه .. و قليل قوي اللي بيحاول يغير الجهل ده و يعرف الصح على اصوله ..

    ان احنا اصلا مش من حقنا اننا نقول رأينا في اي امر من امور الدين .. لان الاسلام كامل مش محتاج رأي حد لسة عشان يتكلم .. بس ممكن ندور على الصح و نجيبه من الناس اللي تفقهوا في الدين ..

    افتكر لو احتكمنا للعلم (كتاب و سنّة) مش هنلاقي مكان للجدال و لا للجهل ..
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  7. #7

    افتراضي رد: مايوهات للمحجبات

    SA node


    لن نختلف فى أن المصايف أماكن اختلاط ولهو ومرح .. وعلى المسلم إن أراد أن يذهب إليها فلا بد أن يحتاط لتلك الأمور من تجنب اللهو المحرم ، وشرط وجود المحرم بالنسبة للمرأة ، وغض البصر وعدم اللهو عن ذكر الله وعن الفرائض ، وعدم ترك الأمر بالمعروف أو النهى عن المنكر الخ.

    ثانيا : مهما احتاطت المسلمة فى هذا الأمر .. فلا بد أنها ستقع فى مخالفة - على الأقل ستضع نفسها خلاف الأولى - سواء بالملابس المستحدثة أو من غيرها ، فلا يعقل مثلا أن المرأة " هتنزل البحر زى قالب الطوب " وتطلع تانى .. بالعكس لازم تتحرك فى الميه وتجرى " مع زميلتها " وترش ميه وتضحك وصوتها يطلع ولبسها يشف مفاتنها وخلافه كثيييييير .

    وعلى ذلك فهى حتى لو التزمت بالضوابط فى هذا الأمر فهى خسرت
    أولا : على الأقل أصبحت خلاف الأولى من حيث الخروج للضرورة وممارسة اللهو " وإن كان مباحا فى ذاته " فى أماكن عامة
    ثانيا : ارتياد أماكن يكثر فيها الحرام وشياطين الإنس والجن
    ثالثا : حتى وإن التزمت بكل المحاذير .. هى لا تضمن وجود ضعاف النفس أو المتربصين والمتسكعين .. ولهذا : مع أن الصلاة فريضة ، لكن لا يجوز للمرأة مثلا أن تصلى فى الشارع بين المارة ، ولا أن تتحجج بكون الصلاة عمل حسن .. صح ولا لأ ؟!!

    كان عمر بن الخطاب رضي الله عنه يقول : كُنا على زمن رسول الله صلى الله عليه وآله وسلم ندَعُ تسعة أعشار الحلال مخافة الوقوع في الحرام .

    والرسول صلى الله عليه وسالم أمر الجيش أن يسبقه وسابق عائشة رضى الله عنها - وهذا لهو مباح - مع أن السيدة عائشة رضى الله عنها أحرص من كل النساء فى أيامنا تلك على الوقار والحشمة وعدم إبداء الزينة .

    طيب والعمل ؟!

    أولا : وهو الأولى لصيانة الدين والبعد عن الشبهات .. الابتعاد عن تلك الأماكن قدر المستطاع.
    ثانيا : الالتزام بالأماكن المغلقة والمخصصة للسيدات لممارسة الرياضة أو السباحة وخلافه .. وبذلك لا تختلف المرأة عن الرجل فى الشروط المطلوبة من التزام اللباس الشرعى أثناء وقبل وبعد الممارسة ، الحرص على عدم ظهور العورة بالقدر المحدد شرعا لنفس الجنس ، عدم اللهو عن الفرائض ، وعدم مخالطة أصدقاء السوء .


    وعلى العموم ياجماعة ، اسألوا واستبينوا أكثر




    SA node
    المشاركة الأصلية كتبت بواسطة arownas

    ياااااااه احنا بعدنا قوي قوي
    بعدنا باكتر من الف و ربعميت سنة
    بعدنا لدرجة اننا قاعدين دلوقتي نتناقش في امور و الله مش عارف الصحابة كانوا ممكن يقولوا علينا ايه
    صحيح بعدنا عن السيدة عائشة باربعتاشر قرن
    السيدة عائشة اللي كانت تستحي انها تضع ملابسها في حجرتها علشان سيدنا عمر بن الخطاب مدفون فيها
    ميت و مدفون تحت الارض و تستحي منه
    شوفوا احنا بقى دلوقتي فييييين!!!
    كل حاجة بقت سداح مداح
    و كله بيلوي و يتني في النصوص و الاحكام لحد ما يلاقي مخرج للي هو عاوزة
    كله بقى ممكن

    كان أنس بن مالك رضي الله عنه يقول: إنّكم لتعملون أعمالا هي أدق في أعينكم من الشعر ، كنا نعدها على عهد رسول الله من الموبقات .




    Nettawy


    كان أنس بن مالك رضي الله عنه يقول: إنّكم لتعملون أعمالا هي أدق في أعينكم من الشعر ، كنا نعدها على عهد رسول الله من الموبقات .





    Alasmar

    بصرف النظر عن كل الكلام اللى اتقال
    و عن المناقشة الجميلة
    و عن الموضوع
    بس الموضوع اثار عندى حاجة كدا و حبيت اقولها
    طبعا انتو عارفين ان اخوكو دمياطى
    و عندنا فى دمياط واحد من اشهر المصايف
    و هو طبعا رأس البر
    و المجتمع الدمياطى مجتمع محافظ او متحفظ
    او كان كدا
    طيب كانو بيتغلبو على مشكلة نزول المرأة البحر ازاى
    بصراحة كان ليهم عرف و طريقة جميلة متعارف عليها بين كل الدمايطة و كل المصطافين فى رأس البر
    و هى ان البحر ملك للسيدات من الساعة من وقت طلوع الشمس حتى وقت الساعة 9 او 10 كدا و دا الوقت اللى بيبدا فيه كل المصطافين التوافد على الشاطئ
    و مكانش اى راجل يقدر يهوب ناحية البحر فى الوقت دا
    بالذات و ان الرجالة فى الوقت دا بيكونو اصلا فى اعمالهم اللى مبيسيبوهاش حتى و هما فى المصيف
    على فكرة دمياط تبعد عن راس البر مسافة 10 كيلومتر يعنى حوالى ربع ساعة
    يعنى بيروحو شغلهم بسهوله برده بالرغم انهم فى المصيف
    دا العرف اللى كان متعارف عليه زمان
    معرفش بصراحة دلقتى ايه الوضع
    بس اعتقد انه لسا معمول بيه شوية
    بالذات و ان تقريبا كل الناس فى المصايف اليومين دول بيبقو نايمين فى الوقت دا من اليوم بسبب السهر

    و هنا بتخف عورة المرأة
    و تبقى بدل ما هى عورة على الرجل
    بصبح عورة المرأة على المرأة
    و اللى اعتقد انها اخف من عورتها على الرجال
    دا اللى اعرفه و لو حد له تعليق يقول

    بس
    بالتوفيق





    Kalamntena

    بسرعة بسرعة


    فيه كام رد ماعجابونيش بالمرة
    و مش هاعلق عليهم منعا للجدال اللى مالوش فايدة


    بس انا عجبنى رد طبيب جدا ( وانا كنت عايزة اوصل لنقطة مشابهة ) هو و الاسمر ( على الرغم من ان الدنيا برد جدا يا اسمر الصبح بس موافقة طبعا على مبدأ التفكير في حلول مش مجرد القاء التهم و تحريم الحلال )

    مفيش حلال مطلق
    يعنى الاكل حلال بشروط

    كمان نزول البحر للولد وللبنت حلال بشروط
    و الاعمال بالنيات
    الحاجة التانية
    الناس نوعين

    نوع عايز يتبل وخلاص
    و نوع عايز يستمتع بالميه
    و الولد او الرجل الصح هيبقى عايز زوجته واولاده وبناته يستمتعوا زيه مش يرميهم في البيت ويروح هو يهيص ويرجعلهم
    واسمه بيطبق ( وقرن في بيوتكن )

    النوع الاول بيبوظ استمتاع النوع التانى

    طيب
    اممم
    كنت عايزة اقول ايه تانى؟
    اه المايوه
    كلمة مايوه هي اللى مضايقاكو.؟
    ومش عاجبكو العباية كمان
    طيب
    هدوم وتر بروف ( اختراج جديد بقاله 50 سنة بس )
    محدش سمع عن نوع القماش ده؟

    طيب
    ايه كمان
    اه
    الناس اللى عايزة تستمتع
    واللى بيعوم كويس هيعرف انه عشان يعرف يعوم محتاج ميه عميقة فاضية ومفيهاش موج
    يعنى الزون السودا اللى مكونة من البشر على شواطئ مصر دي كفيلة بتدمير اي فرصة للانبساط

    اللى عايز يستمتع للاسف هيضطر يبذل مجهود اكبر
    و يحوش بدل ال 350 جنيه 500 عشان يبعد بره بؤر الناس
    مابقولش يروح مصيف بعيد
    مطروح فيه ابعد من كده؟
    روح روميل كده وللا الريفييرا وللا الغرام
    ضرب وناس امم
    اطلع الابيض بره المدينة ب 30 كيلو نفس الكلام
    طب حلها ايه وانا بقالى 10 سنين باصيف هناك

    حضرتك هتاخد شمسيتك و تنزل على اي شاطئ مش معروف ودول كتير بالمناسبة
    انت والبحر والرمل ولوحدك اقرب شمسية بينك وبينهم مش اقل من 30 متر


    خلاصة الكلام
    مش صح نحلل الحرام ونحرم الحلال
    ومش صح نحلل لنفسنا ونحرم على غيرنا

    هنرجع لنفس النقطة
    الناس مش فاهمة دين صح
    كل واحد عارف كلمتين سماعي و بيتكلم على اساسهم و اللى فاهم مبيوصلش كلامه بطريقة كويسة للاسف بيوصلها بطريقة تخلي اللى قدامه يكره نفسه وحياته وعيشته اصلا
    و دا مربط الفرس عشان بعد كده ماتقولوش بيقولوا عننا ارهابيين ليه
    اذا كنا احنا مع بعض كده اومال مع غير المسلمين عاملين ازاي؟

    من الاخر وللاسف بناخد اللى يعجبنا اتكلمنا عن البنات و لبسهم
    ومحدش فكر يتكلم عن الولاد و اللى بيعملوه الا طبيب والدكتور اللى بيقول مفيش مايوه شرعي ( هو مين اللى كان بيقول ؟)
    يبقى مفيش نزول بحر للاولاد بقى
    يعنى هينزلوا ازاي؟
    وللا هم مش عورة برضه؟



    اخيرا
    حد يقرا الموضوع من اوله
    و يقراه دلوقتى
    ويقولى اذا كان كلامنا جدال عقيم مالوش لازمة
    وللا اقل فايدة عملها اننا نقلناه من مجرد موضوع هيتقفل و لو استمر كان هيبقى اكتر كلام فيه عن الساحل الشمالي و ما يحتويه
    الى موضوع على الاقل جدا اتقالت فيه ايات واحاديث ( ودي من وجهة نظري المحدودة فايدة كبيرة جدا )

    ومتهيألى الانسب يتنقل اسلاميات


    ومتهيألى ده الوقت المناسب انى اسيب النقاش

    سررت بالكلام
    و النقاش ..
    و اسفة انى حرقت دمك يا ازايجوس
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  8. #8

    افتراضي رد: مايوهات للمحجبات

    Nettawy

    و مش هاعلق عليهم منعا للجدال اللى مالوش فايدة

    ويقولى اذا كان كلامنا جدال عقيم مالوش لازمة

    المشاركة الأصلية كتبت بواسطة Nettawy
    انا عندي نقطه عايز اقولها محشوره في زوري من يوم مأشتركت في المنتدى
    في مشاركات كتير بحس انها مجرد جدال من أجل الجدال
    أو بالكتير لإثبات وجهه النظر أو ساعات كتير مش كده كمان
    الأدهى ان الواحد يضرب فكره معينه في دماغ اللى قدامه
    قد تكون صحيحه وبالجدال العقيم ده بوظتها عنده
    نبقى استفددنا ايه؟؟؟؟
    استفدت اني حركت واحد من عند حاجه صح لحاجه غلط؟؟؟
    ان شاء الله مش ناوي أدخل في نقاش في اي مسأله دينيه
    لعده اسباب
    أولها ماعنديش علم
    ثانيها خايف اني يحصلي اللى قولت عليه فوق
    شكرا لحسن استماعكم
    وأحب اسمع تعليق الناس الأكبر مني
    ان كنت اللى انا شايفه ده صح ولا غلط
    وينصحوني بالصح
    يارب تكون الرؤيه وضحت
    ويتفهم كلامي صح




    Kalamntena
    انت اللى قلت الجملة
    والناس وراك قالوا امين
    اتحمل مسؤوليات بقى يا دكتووووووووووووووووووووووور
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  9. #9

    افتراضي رد: مايوهات للمحجبات

    مش باقي من اللي لاقيه غير الصفحة العاشرة
    هاحط مشاركنها بكرة ان شاء الله
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  10. #10

    افتراضي رد: مايوهات للمحجبات

    مشاركات الصفحة العاشرة


    SA node

    ده انت فظيع ياسامح !! يخرب عقلك

    حلك تتجه نحو الزواج المبكر




    Kalamntena
    حمدا لله على السلامة يا اروناس



    dr kemo

    سامح ؟؟


    و زواج مبكر؟!!!


    يمكن برده



    بس أظنه صععععععععب جدا




    هههههه


    ربنا يرزقك ببنت الحلال يا سامح يا خويا





    rbj-cortaze
    المشاركة الأصلية كتبت بواسطة kalamntena
    يا دكتور ارحم نفسك
    عندنا محشى ورق عنب اجيبلك شوية
    اجي انا
    والله بحب ورق العنب وبموت فيه
    شكلي هخلي ماما تعملنا منه بكرة




    أبو المعاطي شمروخ
    شكرا يا جماعة على النصايح
    فعلا مكنتش واخد بالى وانا بكتب المشاركة
    همسحها دلوقتى ان شاء الله

    غلطة ممكن
    سهو
    نسيان
    ماشي يا جماعة؟
    ياريت ماتتعملشي فيلم
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  11. #11

    افتراضي رد: مايوهات للمحجبات

    Kalamntena
    ماشي و انا كمان



    ابو المعاطي شمروخ
    مدام محدش قال اقول انا وامري لله
    قولي يا كبيرة اصل كلامك كله حكم

    بص يا ابو المعاطي
    قصدك الزبون
    انت تعمل موضوع تحط فيه كل الحاجات الفظيعة اللى عملتها
    و سميه الجهر بالمعصية
    ايه يا ابو المعاطي علشان خطري اعمل الموضوع ده
    دا هيبقا هادف جدا...وهدفة تعليم الشباب وحمايتهم من المعاصي
    ال انتي وقعت فيها
    انت انصح بس واحنا هنعمل زي ما انت عملت وهنسبنا من النصايح





    arownas
    السلام عليكم و رحمة الله و بركاته
    بما ان الدنيا حر
    و سيرة البكيني جت في الموضوع قبل كده
    فيالا بالمرة بقى


    رزان :البيكيني مش عيب انتم عايزني انزل البحر بالجلابية ؟!؟


    8/21/2008 1:12:00 PM



    خاص ـ رشا لطفي - أغرب تعليق تبادر على لسان الفنانة اللبنانية رزان مغربي عقب الأنباء التي سرت بشأن إقامة دعوى قضائية تتهمها بالتحريض على الفسق والفجور جراء ارتدائها (مايوه بيكيني) وجلست على طرف سلم حمام سباحة يظهر خلفها على أحد أغلفة مجلة.... حيث قالت رزان: المايوه مش جريمة أنا لبسته على البحر يعني انزل بالجلابية!!

    الجدير بالذكر أن المحامي نبيه الوحش رفع دعوي قضائية ضد رزان أكد فيها أن ظهور رزان بتلك الصورة ضمن مشاهد مسلسل(.....)، الذي سيعرض في شهر كريم مثل رمضان. وأشار المحامي في دعواه أن ظهور رزان بالبكيني في رمضان يخضع لمواد قانون العقوبات الخاص بمعاقبة من يقوم بالتحريض على الفسق والفجور وبث أعمال مخلة وخادشة للحياء.

    وقد أشار المحامي إلى إن حركات رزان المثيرة وملابسها الساخنة في المسلسل تتنافى مع العادات الشرقية ولذلك طالب بوقف عضويتها المنتسبة لنقابة الممثلين المصريين كما طالب بوقف عرض أي شيء لها في وسائل الإعلام وطالب أيضاً بطردها من مصر في حالة إدانتها.

    ولم تكن الدعوي ضد رزان فقط بل كانت أيضا موجهة إلي وزير الداخلية ووزير الإعلام ونقيب الممثلين ونقيب الموسيقيين




    Basant
    معلش يعنى بس الناس اللى زى رزان ليها عادات غير تماما عاداتنا احنا هى عندها عادى جدا انها تنزل ببكينى و مش فارقه معاها
    و بالنسبه لها مش عيب ابدا
    اذا كان المصريين فى مارينا والساحل بينزلوا ببكينى عايزها هى تقول ايه
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  12. #12

    افتراضي رد: مايوهات للمحجبات

    مصباح

    "مايوه المحجبات" يكسو شواطئ الجزائر
    عبد الرحمن أبو رومي
    الجزائر - "مايوه المحجبات متوفر لدينا".. بهذه اللافتة التي وضعها على مدخل متجره بوسط الجزائر العاصمة يلفت "رضا" بائع الملابس الرياضية أنظار الزبائن إلى توفر هذا الزي الذي نفد في متاجر أخرى بعد أن حققت مبيعاته أرقاما قياسية، على حد قوله. ووصل الإقبال على الزي الشرعي للمحجبات على البحر، أو ما يُطلق عليه "مايوه المحجبات"، إلى درجة فاقت كل التوقعات بعد شهر واحد من ظهوره في الأسواق، حيث تعدت أرقام مبيعاته أرقام مبيعات المايوهات العادية، بحسب عدد من الباعة.
    والزي المبتكر المستورد من تركيا وسوريا مصنوع من مادة لا تلتصق بالأجساد، وفي نفس الوقت فضفاض، بحيث يؤمن مرونة الحركة ولا يبرز مفاتن المرأة، ويتكون من قميص بأكمام طويلة وسروال وقبعة ملتصقة بالقميص.
    وعادة ما يباع بالمحلات المتخصصة في بيع الملابس الرياضية، التي أكد أصحابها أن الطلب على هذا الزي يتزايد بشكل يخالف كل التوقعات، على اعتبار أن أي منتج جديد يحتاج إلى كثير من الوقت للتعريف به. وفي هذا السياق قال البائع هشام خالد لـ"إسلام أون لاين" إن الكمية التي جلبها من أحد تجار الجملة المتخصصين في بيع الملابس الرياضية نفدت، الأمر الذي دفعه إلى طلب كمية أخرى ستأتيه بعد ثلاثة أيام.
    وعن دوافع إقبال النساء على (مايوه المحجبات) يقول هشام: "الأمر واضح جدا، فالكثير من النسوة يرفضن التعري على الشواطئ، ويفضلن قصد هذه الأماكن في مظهر محتشم".
    "بحر النساء"
    أما محمد (بائع) فلا يرى أن مجرد ارتداء زي شرعي على الشاطئ يقي النساء شر التصرفات المسيئة المعروفة على الشواطئ، "فالنقطة الأساسية في الموضوع تكمن في الاختلاط مع الرجال، وهو ما يحرم الكثير من النساء من ارتياد الشواطئ".
    والحل الأمثل في رأي محمد هو "إقامة شواطئ خاصة بالنساء لوقايتهن من شر السلوكيات والتعليقات المسيئة لهن".
    ويبدو أن الجزائريات رفضن منذ فترة انتظار إعلان جهة ما عن تبني فكرة إقامة شواطئ خاصة بهن واخترن "شاطئ سفيان" الواقع ببلدية الحمامات غرب العاصمة ليكون شاطئهن المفضل، وهو ما بات يعرف بـ"بحر النساء"، حيث تفد إليه النساء من داخل وخارج العاصمة، حتى أصبح محظورا على الرجال.
    وطرحت صحيفة "النهار الجديد" الجزائرية في عددها الصادر الأحد مسألة إقامة شواطئ خاصة بالنساء على الداعية الجزائري الشيخ شمس الدين بوروبي لمعرفة وجهة نظر الشرع، فأفاد بأن "الشريعة الإسلامية لم تحرم السباحة على النساء، وإنما اشترطت ضوابط على النساء والرجال للالتزام بها، وإذا توفرت هذه الضوابط فلا حرج في أن تسبح المرأة".
    وأضاف أن من الضوابط "ألا تكشف نفسها لغير محارمها، وألا تكشف عوراتها أمام النساء، كما يجب أن يكون المكان آمنا".
    وفي ضوء تلك الضوابط خصص الكثيرون من الرجال شواطئ خاصة لهم بعيدا عن النساء، أشهرها شاطئ "الفار" الذي يقصده شباب متدين من العاصمة والولايات المجاورة لها.
    وتشهد الجزائر في السنوات الأخيرة موجة تدين واسعة من مختلف الأعمار، فسرها مختصون في الدراسات الاجتماعية بتأثرهن بالفضائيات الإسلامية.


    المصدر :

    http://www.islamonline.net/servlet/S...News/NWALayout



    ekm86

    المشاركة الأصلية كتبت بواسطة arownas
    الجدير بالذكر أن المحامي نبيه الوحش رفع دعوي قضائية ضد رزان أكد فيها أن ظهور رزان بتلك الصورة ضمن مشاهد مسلسل(.....)، الذي سيعرض في شهر كريم مثل رمضان. وأشار المحامي في دعواه أن ظهور رزان بالبكيني في رمضان يخضع لمواد قانون العقوبات الخاص بمعاقبة من يقوم بالتحريض على الفسق والفجور وبث أعمال مخلة وخادشة للحياء.
    هو نفس المحامي بتاع كل بروباجاندا بتحصل
    يسيب الحاجات الكبيرة وييجي في الهايفة ويتصدر
    يعني هو يسيب أفلام كتير اتعملت فيها بلاوي زرقا
    وييجي عند دي ويقف قال يعني حامي حمى الفضيلة؟
    شئ غريب




    SHOCALATA 1

    معلش يا جماعه كان ليا تعليق صغير بعيد عن مسالة الحرام والحلال000

    - اختى السنادى جابت من مطروح مايوه بجد حلو اوى لانه قصات ونازل على واسع اوى وتحتيه بلوزه ((مش بدى )) يعنى واسع من فوق لتحته ونازل تحت الركبه وتحتيه بنطلون واسه (( ووالله مش ببالغ لو قلتلكوا انه اكثر احتراما من لبس الخروج )) يعنى ولا بيلزق جوه ولا بره وكمان عليه ايشارب مش بونيه000

    - لما كنا بننزل بيبقى تقريبا من بعد الفجر لان الشط بيبقى تقريبا فاضى وبنروح الجنب الفاضى خالص ولما الشمس تبتدى تطلع والناس تيجى بنطلع 00 ولما بنطلع كنا بنخلى اخواتنا الصغيرين يستنونا بالفوطه واحنا فى الميه ويجوا يدخلولنا جوه بحيث اول ما نطلع نحط الفوط من غير ما حد يشوفنا (( احطياطات السلامه برده ))

    - معاكم حق جدا فى كتير من اللى قولتوه 000
    * بالنسبه لمايوهات المحجبات000 للاسف بقت معظمها اوفر جدا جدا بيحطوا عليها جيبات قصيره وبتبقى بادى واستريتش ومع الميه كمان اجدع شغل يعنى ولا كانهم لابسين حاجه000
    (( السنه دى كان فى واحده لابسه المايوه ده وللاسف لونه زى الجلد وكمان هى طالعه من الميه ولابسه ايشارب فمنظرها كانها مش لابسه استرتش وتخيله الناس بتبص عليها ازاى 000 والمصيبه ان الجردل جوزها كان ماشى معاها ومبسوط ))

    * بالنسبه للمضايقات فى الميه فدى فعلا ما قدرش اقولكم لا 00 بس فعلا لما الواحد بينزل بدرى بيبقى مفيش حد تقريبا00

    _ المشكله الاكبر ان احنا بقى عندنا خلط رهييييب جدا فى المفاهيم والاعلام بقى مالوش حل باتلنسبه للموضوع ده 00
    يعنى بيصوروا للمحجبات ان اهم حاجه الجسم متغطى مش مهم يتجسم00 يعنى شوفوا ازياء المحجبات هتلاقوا مساخر والله00 حسبنا الله ونعم الوكيل000

    - كمان بقى فى تعميم بشكل غريب يعنى انزلوا المحلات هتلاقوا العجب وهتلاقوا المحلات بقت زى بعضها كلها باديهات وخلاص000
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  13. #13
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,653
    معدل تقييم المستوى
    10

    افتراضي رد: مايوهات للمحجبات

    لسه كنت فاكره الموضوع دا اليومين اللي فاتوا

    كنت في مراقيا و مطروح وترحمت على ايام مايوهات المحجبات المحترمه

    يا ريتها دامت
    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. فساتين فرح للمحجبات
    بواسطة أدهم في المنتدى حوار
    مشاركات: 16
    آخر مشاركة: 17-09-2006, 06:04 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •