صفحة 1 من 4 1 2 3 4 الأخيرةالأخيرة
النتائج 1 إلى 20 من 76

الموضوع: الاسكندريه ........... معشوقتي

  1. #1
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,668
    معدل تقييم المستوى
    10

    افتراضي الاسكندريه ........... معشوقتي

    بقالى فتره طويله اوي بحضر للموضوع دا
    بصراحه مش عارفه ابتدي منين وحيكون الترتيب اذاي
    و بعدين قلت انا ابتدي بالاماكن اللي بحبها و اللي دايما بزورها عشان ان شاء الله اما تنزلوا اسكندريه تزوروها



    نبذه عن الاسكندريه



    عروس البحر الأبيض المتوسط، هي ثاني أكبر مدينة في مصر بعد العاصمة القاهرة، وتعتبر العاصمة الثانية لمصر والعاصمة القديمة لها، تقع على امتداد ساحل البحر الأبيض المتوسط بطول حوالي 70 كم شمال غرب دلتا النيل، يحدها من الشمال البحر المتوسط، وبحيرة مريوط جنوبًا ، يحدها من جهة الشرق خليج أبو قير وقرية إدكو، ومنطقة سيدي كرير غربًا.

    تضم الإسكندرية بين طياتها الكثير من المعالم المميزة، إذ يوجد بها أكبر ميناء بحري في مصر هو ميناء الإسكندرية والذي يخدم حوالي 80 ٪ من إجمالي الواردات والصادرات المصرية، وتضم أيضًا مكتبة الإسكندرية الجديدة التي تتسع لأكثر من 8 ملايين كتاب، كما تضم العديد من المتاحف والمواقع الأثرية مثل قلعة قايتباي وعمود السواري وغيرها، يبلغ عدد سكان الإسكندرية حوالي 4,110,015 نسمة (حسب تعداد 2006) يعملون بالأنشطة التجارية والصناعية والزراعية.

    تنقسم الإسكندرية إلى ستة أحياء إدارية هي حي المنتزه، حي شرق، حي وسط، حي غرب، حي الجمرك، حي العامرية، بالإضافة إلى مدن رئيسية تابعة لها مثل مدينة برج العرب ومدينة برج العرب الجديدة.

    بدأ العمل على إنشاء الإسكندرية على يد الإسكندر الأكبر سنة 332 ق.م عن طريق ردم جزءًا من المياه تفصل بين جزيرة ممتدة أمام الساحل الرئيسي تدعى "فاروس" بها ميناء عتيق، وقرية صغيرة تدعى "راكتوس" أو "راقودة" يحيط بها قرى صغيرة أخرى تنتشر كذلك ما بين البحر وبحيرة مريوط

    ، واتخذها الإسكندر الأكبر وخلفاؤه عاصمة لمصر لما يقارب ألف سنة، حتى الفتح الإسلامي لمصر على يد عمرو بن العاص سنة 641، اشتهرت الإسكندرية عبر التاريخ من خلال العديد من المعالم مثل مكتبة الإسكندرية القديمة والتي كانت تضم ما يزيد عن 700,000 مجلّد، ومنارة الإسكندرية والتي اعتبرت من عجائب الدنيا السبع، وذلك لارتفاعها الهائل الذي يصل إلى حوالي 35 مترًا، وظلت هذه المنارة قائمة حتى دمرها زلزال قوي سنة 1307.



    تاريخ الاسكندريه


    في بداية القرن الرابع قبل الميلاد، لم تكن الإسكندرية سوى قرية صغيرة تدعى "راكتوس" أو "راقودة" يحيط بها قرى صغيرة، يقول عنها علماء الآثار أنها ربما كانت تعتبر موقعًا إستراتيجيًا لطرد الأقوام التي قد تهجم من حين إلى آخر من الناحية الغربية لوادي النيل، أو لربما كانت "راكتوس" مجرد قرية صغيرة تعتمد على الصيد ليس إلا، وعلى امتداد الساحل الرئيسي للقرية توجد جزيرة تسمى "فاروس" يوجد بها ميناء يخدم الجزيرة والقرى الساحلية معًا.


    في ذلك الوقت كانت مصر محتلة من قبل الفرس منذ سقوط حكم الفراعنة والأسرة الثلاثون عام 343 ق.م، ولم تكن مصر الوحيدة الواقعة تحت احتلال الفرس، فقد كانت بلاد الشام والعراق واقعة تحت هذا الاحتلال، وفي مقابل قوة الفرس كانت قوة الاغريق في ازدياد سريع، وبدأت المواجهة بينهما في ربيع عام 334 ق.م، واستمرت المعارك بينهما حتى دخل الاسكندر الأكبر مدينة صور ومن ثم إلى غزة حتى أتم دخول مصر عام 333 ق.م.



    بعد دخول الإسكندر الأكبر مصر وطرده للفرس منها، استقبله المصريون بالترحاب نظرًا للقسوة التي كانوا يعاملون بها تحت الاحتلال الفارسي،
    ولكي يؤكد الإسكندر الأكبر أنه جاء إلى مصر صديقًا وحليفًا وليس غازيًا مستعمرًا، واتجه لزيارة معبد الإله آمون إله مصر الأعظم في ذلك الوقت، فذهب إلى المعبد في واحة سيوة، وأجرى له الكهنة طقوس التبنى ليصبح الإسكندر الأكبر ابنًا للإله آمون، ولقب فيما بعد بابن آمون،


    وفي طريقه إلى المعبد مر بقرية للصيادين كانت تسمي "راقودة"، فأعجب بالمكان وقرر أن يبني مدينة تحمل اسمه لتكون نقطة وصل بين مصر واليونان وهي مدينة الإسكندرية،

    وعهد ببنائها إلى المهندس "دينوقراطيس"، والذي قام بتشييدها على نمط المدن اليونانية، ونسقها بحيث تتعامد الشوارع الأفقية على الشوارع الرأسية

    وبعد عدة شهور ترك الإسكندر مصر متجهًا نحو الشرق ليكمل باقى فتوحاته، ففتح بلاد فارس، لكن طموحاته لم تتوقف عند هذا الحد بل سار بجيشه حتى وصل إلى الهند ووسط آسيا، وبينما كان الإسكندر هناك فاجأه المرض الذي لم يدم طويلاً حيث داهمه الموت بعد عشرة أيام وهو لم يتجاوز ال32 من عمره

    اتسمت الإسكندرية في مطلعها بالصبغة العسكرية كمدينة للجند الإغريق، ثم تحولت أيام البطالمة الإغريق إلي مدينة ملكية بحدائقها وأعمدتها الرخامية البيضاء وشوارعها المتسعة

    دا كان كلام ويكابيديا عن الاسكندريه
    بعد كدا اوعدكوا ان احنا نقلل من الكلام شويه و نبتدي لف
    يلا كل واحد يجهز السندوتشات و الزمزميه بتاعته
    و متنسوش اهم حاجه الطاقيه عشان ميجيلكوش ضربه شمس

    حنبتدي بايه
    نبتدي ببحري

    و طالما روحنا بحري يبقى اول حاجه لازم نعملها ان احنا نزور ميدان المساجد



    و نقرا الفاتحه للمرسي ابو العباس



    يلا جهزوا نفسكوا

    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

  2. #2
    تاريخ التسجيل
    Sep 2007
    الدولة
    في بيتنا
    المشاركات
    4,644
    معدل تقييم المستوى
    10

    افتراضي رد: الاسكندريه ........... معشوقتي

    لا انجزي في الموضوع ده

    لان احتمال ان شاء الله (احتمال )نسافر بكرة ان شاء الله اسكندرية ...انتوا عارفين بقي الجو حر و الواحد نفسيته تعبانة من الامتحانات

    فارسة ما تعرفيش الكورة بتاعة الفضاء دي اللي في مكتبة اسكندرية مواعيدها ايه ؟؟


  3. #3
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,668
    معدل تقييم المستوى
    10

    افتراضي رد: الاسكندريه ........... معشوقتي

    لا يا فندم

    انت مش محتاجه الموضوع دا في حاجه

    انتي معاكي الجايد نفسه

    انتي بس قوليلي اققابلك امتى و ان شاء الله نلف مع بعض في كل الحتت دي

    ايه الكوره دي ؟؟
    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

  4. #4
    تاريخ التسجيل
    Sep 2007
    الدولة
    في بيتنا
    المشاركات
    4,644
    معدل تقييم المستوى
    10

    افتراضي رد: الاسكندريه ........... معشوقتي

    حاجة كده زي بتاعة الفضاء ...تقريبا فيها عروض عن الفضاء

    و انتي داخلة مكتبة الاسكندرية علي ايدك اليمين

    ................................
    شكرا يا فارسة ...ربنا يخليكي
    اكييييد ان شاء الله لو روحت هكلمك

  5. #5
    تاريخ التسجيل
    Jul 2007
    الدولة
    الهرم
    المشاركات
    3,144
    معدل تقييم المستوى
    10

    افتراضي رد: الاسكندريه ........... معشوقتي

    شكله موضوع موسوعى ..

    go on يا فارس الوهم

    :)
    ______________________________________

    سبحان الله و بحمده ... سبحان الله العظيم

  6. #6
    تاريخ التسجيل
    Apr 2005
    الدولة
    الهرم
    المشاركات
    613
    معدل تقييم المستوى
    10

    افتراضي رد: الاسكندريه ........... معشوقتي

    اقتباس المشاركة الأصلية كتبت بواسطة Dr.Medicine مشاهدة المشاركة
    حاجة كده زي بتاعة الفضاء ...تقريبا فيها عروض عن الفضاء

    و انتي داخلة مكتبة الاسكندرية علي ايدك اليمين

    ايه ده بجد؟
    عايزة أشوف عايزة أشوف
    لو رحتيها ياريت تاخديلنا شوية صور أرجوكييييييييييييي


    شكرا يا فارسة ...ربنا يخليكي
    اكييييد ان شاء الله لو روحت هكلمك

    ضروري تكلميها دي هتوريكي العجب و تأكلك الأعجب

    و هتشوفي الكرم على أصوله

    أحبك في الله يا ZMZ

  7. #7
    تاريخ التسجيل
    Dec 2006
    الدولة
    ...
    المشاركات
    10,332
    معدل تقييم المستوى
    10

    افتراضي رد: الاسكندريه ........... معشوقتي

    واضح اني مش هدخل الموضوع ده تاني d:

  8. #8
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,668
    معدل تقييم المستوى
    10

    افتراضي رد: الاسكندريه ........... معشوقتي

    اقتباس المشاركة الأصلية كتبت بواسطة dr / MIM مشاهدة المشاركة
    شكله موضوع موسوعى ..

    go on يا فارس الوهم

    :)
    بعض ما عندكم يا فندم
    شكرا على التشجيع

    اقتباس المشاركة الأصلية كتبت بواسطة semsema مشاهدة المشاركة
    ايه ده بجد؟
    عايزة أشوف عايزة أشوف
    لو رحتيها ياريت تاخديلنا شوية صور أرجوكييييييييييييي
    يا بنتي انا مش مشاورالك عليها
    المبنى اللي على شكل كوره اللي جنب المكتبه




    بس اول مره اعرف انها كوره الفضاء



    ضروري تكلميها دي هتوريكي العجب و تأكلك الأعجب
    ليه التسييح دا طيب
    و هتشوفي الكرم على أصوله
    ربنا يخليكي يا قمر دا مش كرم ولا حاجه
    انتي بس تعالي تاني

    اقتباس المشاركة الأصلية كتبت بواسطة Nettawy مشاهدة المشاركة
    واضح اني مش هدخل الموضوع ده تاني d:
    ليه بس دا انتى اللي شجعتني اني اعمله
    لما قلت ان اسكندريه معجبتكشي
    فقولت اوريك الاماكن اللي ممكن تزورها اما تروح اسكندريه
    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

  9. #9
    تاريخ التسجيل
    Jul 2007
    الدولة
    الهرم
    المشاركات
    3,144
    معدل تقييم المستوى
    10

    افتراضي رد: الاسكندريه ........... معشوقتي

    احسن اوقات الاسكندرية عندى

    من الساعة 5 عصرا للساعة 8 ..

    _______

    و من 5 صباحا ل 8 صباحا
    ______________________________________

    سبحان الله و بحمده ... سبحان الله العظيم

  10. #10
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,668
    معدل تقييم المستوى
    10

    افتراضي رد: الاسكندريه ........... معشوقتي

    فعلا من اجمل الاوقات
    بعيدا عن زحام المصيفين

    انما في الشتاء فكل الاوقات اجمل الاوقات
    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

  11. #11

    افتراضي رد: الاسكندريه ........... معشوقتي

    بحب اروح القلع بالليل في الشتا وانط من فوق الحدييد اللي حوالين القلعة واقعد ع الصخور اللي ف البحر
    ممكن افضل قاعد كدة طول عمري
    بسم الله الرحمن الرحيم
    ( أَمْ حَسِبْتُـــمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْـــزِلُواْ حَتَّــــى يَقُولَ الرَّسُولُ وَالَّذِينَ آمَنُواْ مَعَـــهُ مَتَى نَصْرُ اللّهِ أَلا إِنَّ نَصْرَ اللّهِ قَرِيبٌ ) ســـورة البقرة214
    ..
    بسم الله الرحمن الرحيم
    ( أم حسبتم أن تدخلوا الجنة ولما يعلم الله الذين جاهدوا منكم ويعلم الصابرين ) آل عمران : 142
    ..
    قال صلي الله عليه وسلم
    من طلب الشهادة بصدق, بلغه الله منازل الشهداء و لو مات على فراشه
    ..
    اللهم ارزقنا الصدق...اللهم ارزقنا شهادة

  12. #12
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,668
    معدل تقييم المستوى
    10

    افتراضي رد: الاسكندريه ........... معشوقتي

    اقتباس المشاركة الأصلية كتبت بواسطة a1man مشاهدة المشاركة
    بحب اروح القلع بالليل في الشتا وانط من فوق الحدييد اللي حوالين القلعة واقعد ع الصخور اللي ف البحر
    ممكن افضل قاعد كدة طول عمري


    جامده فعلا
    انا كمان كنت بحب اقعد هناك بس قبل ما يحطوا الحديد

    بس لو البحر هادي شويه

    لان لو البحر عالي يبقى حتستحمى

    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

  13. #13
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,755
    معدل تقييم المستوى
    10

    افتراضي رد: الاسكندريه ........... معشوقتي

    بالليل في الشتا يا فارس الوهم؟
    طب ايه وان مان وفقدنا الامل معاه خلاص

    انما انتى؟

    طب الصبح في الشتا ماشي انما بالليل؟
    ازاى الاولاد ؟

    وانا كمان ;)

  14. #14
    تاريخ التسجيل
    Jul 2007
    الدولة
    الهرم
    المشاركات
    3,144
    معدل تقييم المستوى
    10

    افتراضي رد: الاسكندريه ........... معشوقتي

    ايه نظام النوات عندكم يا فارس الوهم ..؟!
    ______________________________________

    سبحان الله و بحمده ... سبحان الله العظيم

  15. #15

    افتراضي رد: الاسكندريه ........... معشوقتي

    اقتباس المشاركة الأصلية كتبت بواسطة فارس الوهم مشاهدة المشاركة


    جامده فعلا
    انا كمان كنت بحب اقعد هناك بس قبل ما يحطوا الحديد

    بس لو البحر هادي شويه

    لان لو البحر عالي يبقى حتستحمى

    بجد بستحمي فعلا
    اهي بتبقي فرصة
    ----
    كلمنتينا
    فقدتي فيا الأمل ازاي ،يعني انفذلي كل اللي نفسي فيه ولا ممكن يبقي فيه علاج لحالتي دي برة
    بسم الله الرحمن الرحيم
    ( أَمْ حَسِبْتُـــمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْـــزِلُواْ حَتَّــــى يَقُولَ الرَّسُولُ وَالَّذِينَ آمَنُواْ مَعَـــهُ مَتَى نَصْرُ اللّهِ أَلا إِنَّ نَصْرَ اللّهِ قَرِيبٌ ) ســـورة البقرة214
    ..
    بسم الله الرحمن الرحيم
    ( أم حسبتم أن تدخلوا الجنة ولما يعلم الله الذين جاهدوا منكم ويعلم الصابرين ) آل عمران : 142
    ..
    قال صلي الله عليه وسلم
    من طلب الشهادة بصدق, بلغه الله منازل الشهداء و لو مات على فراشه
    ..
    اللهم ارزقنا الصدق...اللهم ارزقنا شهادة

  16. #16
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,755
    معدل تقييم المستوى
    10

    افتراضي رد: الاسكندريه ........... معشوقتي

    هنديك فرصة اخيرة
    ازاى الاولاد ؟

    وانا كمان ;)

  17. #17
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,939
    معدل تقييم المستوى
    10

    افتراضي رد: الاسكندريه ........... معشوقتي

    نفسي أروحها في الشتا

  18. #18
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,668
    معدل تقييم المستوى
    10

    افتراضي رد: الاسكندريه ........... معشوقتي

    اقتباس المشاركة الأصلية كتبت بواسطة kalamntena مشاهدة المشاركة
    بالليل في الشتا يا فارس الوهم؟

    هو مش بليل اوي يعني
    هو قبل المغرب
    بحب اتفرج على الغروب هناك او قدام المرسي ابو العباس
    او في راس التين


    طب ايه وان مان وفقدنا الامل معاه خلاص

    انما انتى؟





    طب الصبح في الشتا ماشي انما بالليل؟
    مش انا قولتلك اللي فيها قبل كدا

    اغلب اهل اسكندريه جدعان

    صدقيني نادرا جدا اما اي حد بيدايقني على البحر في الشتا سواء بالليل او الصبح

    اقتباس المشاركة الأصلية كتبت بواسطة dr / MIM مشاهدة المشاركة
    ايه نظام النوات عندكم يا فارس الوهم ..؟!
    النوات عندنا بتبتدي من شهر نوفمبر بنوه المكنسه لانها بتبقى ريح جامده اوي و بتقش كل حاجه فى سكتها
    و اخرها بتبقى في مارس اسمها العوه
    بيقولوا العوه اخر نوه
    دا جدول النوات
    و هو طبعا بيبقى فيه تغييرات الصياديين بيبقوا عارفينها عشان هم مش بيطلعوا البحر فيها





    عن نفسي بعتبرها اجمل فترات السنه
    بحب اوي البحر و هو عالي
    و يا سلام بقى لو شتت مكان وانت قاعد تتفرج على البحر
    يبقى ضمنت حما رسمي

    و تهزيئ في البيت و برد يستمر لاربعه ايام

    بس فعلا البحر بيبقى تحفه بعدها
    هادي و نضيف

    انا اما بحب انزل البحر بيبقى في اواخر اتناشر و لغايه نص واحد كدا
    البحر بيبقى نضيف جدا و سبحان الله دافى جدا كمان
    دا غير انه بيكون فاضى هو

    و كدا كدا بيبقى لسه عندي برد


    اقتباس المشاركة الأصلية كتبت بواسطة ekm86 مشاهدة المشاركة
    نفسي أروحها في الشتا
    اهلا بيك يا اسلام في اي وقت

    اتوا بس انوا و اعملوا رحله و ليكوا عليا اكون معاكوا ان شاء الله
    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

  19. #19
    تاريخ التسجيل
    Oct 2006
    الدولة
    CAIRO
    المشاركات
    6,124
    معدل تقييم المستوى
    10

    افتراضي رد: الاسكندريه ........... معشوقتي

    الاسكندريه مفيش احلى منها فى الشتا


    انا ما كنتش عاوزه اروح منها


    كنت عاوزه ابقوا معاكوا يا فارس الوهم

    ONE FAMILY FOR ONE
    WAY

  20. #20
    تاريخ التسجيل
    Apr 2008
    الدولة
    مدينه الاحلام الدخول باسبقيه الحجز
    المشاركات
    2,668
    معدل تقييم المستوى
    10

    افتراضي رد: الاسكندريه ........... معشوقتي

    احنا كنا وصلنا لفين

    .

    .


    اه ميدان المساجد



    طيب ازاي توصلوا لميدان المساجد

    فيه كذا طريقه

    اول حاجه مشروع من على البحر لراس التين و خلي بالكوا مش لبحري لان موقفه قبل ميدان المساجد

    تاني طريقه الترام الصفرا من محطه الرمل بس لازم تكون مش مستعجل

    ثالث طريقه ودي اللي انا بفضلها انك تتمشاها على البحر من محطه الرمل او من المنشيه و تتمتع بمنظر المينا الشرقى لانها و بلا جدال من اجمل المناطق في الاسكندريه و اعرقها




    طيب ايه انسب وقت للزياره

    ده برضه على حسب

    لو في الشتا يبقى اجمل وقت هو قبل الغروب و بعده مباشره و تصلي المغرب في المرسي ابو العباس



    لو في الصيف
    برضه على حسب انت بتحب الزحمه ولا لا

    لو مش بتحب الزحمه يبقى كل ما كان بدري كل ما كان اجمل
    شخصيا بحب اروح المنطقه دي على الساعه 11 او 12 و اصلي الظهر هناك

    لكن لو بتحب الموالد يبقى تروح بالليل
    دايما في الصيف او في رمضان بيكون فيه موالد بالليل طراطير و اراجوز و فتح عينك تاكل ملبن و كل حاجه ممكن تتخيلوها

    طيب مين هو المرسي ابو العباس دا

    ركزي معايا يا كوكو في الكلام اللي جاي دا


    العباس المرسى هو الأمام شهاب الدين أبو العباس احمد بن عمر بن علي الخزرجي الأنصاري المرسى البلنسي
    يتصل نسبه بالصحابي الجليل سعد بن عبادة الأنصاري (رضي الله عنه) سيد الخزرج و صاحب سقيفة بن ساعدة التي تمت فيها البيعة لأبي بكر الصديق بالخلافة ..
    و كان جده الأعلى قيس بن سعد أميرا علي مصر من قبل الإمام علي كرم الله وجهه عام 36هـ.(656م).

    و لقد ولد أبو العباس المرسى بمدينة مرسيه سنة 616هـ.(1219م) و نشأ بها و هي احدي مدن الأندلس و إليها نسب فقيل المرسى
    و لما بلغ سن التعليم بعثه أبوه إلي المعلم ليحفظ القرءان الكريم و يتعلم القراءة و الكتابة و الخط و الحساب. و حفظ القرءان في عام واحد و كان والده عمر بن علي من تجار مرسيه فلما استوت معارف أبي العباس و ظهرت عليه علائم النجابة ألحقه والده بأعماله في التجارة و صار يبعثه مع أخيه الأكبر أبو عبد الله فتدرب علي شؤون الأخذ و العطاء و طرق المعاملات و استفاد من معاملات الناس و أخلاقهم .



    و في عام 640هـ. (1242م) كانت له مع القدر حكاية عظيمة و ذلك حين صحبه و الده مع أخيه و أمه عند ذهابه إلي الحج فركبوا البحر عن طريق الجزائر حتى إذا قاربوا الشاطيء هبت عليهم ريح عاصفة غرقت السفينة غير أن عناية الله تعالي أدركت أبا العباس و أخاه فنجاهما الله من الغرق ...

    و قصدا تونس وأقاما فيها و اتجه أخوه محمد إلي التجارة و اتجه أبو العباس إلي تعليم الصبيان الخط و الحساب و القراءة و حفظ القرءان الكريم .

    و كان لأبي العباس في تونس مع القدر حكاية أخري حددت مستقبله و أثرت علي اتجاهه فيما بعد ذلك انه تصادف وجود أبي الحسن الشاذلي علي مقربة منه في تونس و يروي أبو العباس نفسه عن لقاءه بأستاذه الشيخ أبي الحسن الشاذلي فيقول:
    " لما نزلت بتونس و كنت أتيت من مرسيه بالأندلس و أنا إذ ذاك شاب سمعت عن الشيخ أبي الحسن الشاذلي و عن علمه و زهده و ورعه فذهبت إليه و تعرفت عليه فأحببته ورافقته "




    ولازم أبو العباس شيخه أبا الحسن الشاذلي من يومها ملازمه تامة و صار لا يفارقه في سفر ولا في حضر، ورأي الشيخ الشاذلي في أبي العباس طيب النفس و طهارة القلب و الاستعداد الطيب للإقبال علي الله فغمره بعنايته و اخذ في تربيته ليكون خليفة له من بعده و قال له يوما يا أبا العباس ما صحبتك إلا أن تكون أنت أنا و أنا أنت ,
    و قد تزوج أبو العباس من ابنة شيخه الشاذلي و أنجب منها محمد و احمد وبهجه التي تزوجها الشيخ ياقوت العرش.


    أما أبو الحسن الشاذلي فهو تقي الدين أبو الحسن علي بن عبد الجبار الشريف الإدريسي مؤسس الطريقة الشاذلية و أستاذ أبي العباس فينتهي نسبه إلي الأدارسه الحسينيين سلاطين المغرب الأقصى

    و في عام 642هـ. 1244م. خرج أبو الحسن الشاذلي إلي الحج و سافر إلي مصر عبر الإسكندرية و كان معه جماعة من العلماء و الصالحين و علي رأسهم الشيخ أبو العباس المرسى و أخوه أبو عبد الله جمال الدين محمد و أبو العزائم ماضي.
    وقد حج الشيخ أبو الحسن الشاذلي و عاد إلي تونس و أقام بها و لحق به أبو العباس المرسى ثم وفدوا جميعا إلي مصر للإقامة الدائمة بها و اتخذ من الإسكندرية مقاما له و لأصحابه


    و لما قدموا إلي الإسكندرية نزلوا عند عامود السواري و كان ذلك في عهد الملك الصالح نجم الدين أيوب
    ( في عصر الدولة الأيوبية)


    و لما استقروا بالإسكندرية اتخذ الشاذلي دارا في كوم الدكة نزل بها هو و أصحابه و علي رأسهم أبو العباس و بدأوا يدعون إلي الله في كل مكان حتى قصدهم العلماء و الفضلاء و لازم مجالسهم الطلاب و المريدون و ذاع صيتهم في الديار المصرية
    و قد اختار الشيخ أبو الحسن الشاذلي جامع العطارين لإلقاء دروسه فيه و عقد حلقات الوعظ و الإرشاد و فيه وأقام الشيخ أبو العباس المرسى خليفة له و أذن له في إلقاء الدروس و إرشاد المريدين و تعليم الطلاب و مناظرة العلماء و تلقين مبادئ و آداب السلوك.

    و قد أقام أبو العباس المرسى رضي الله عنه 43 عاما بالإسكندرية ينشر فيها العلم و يهذب فيها النفوس و يربي المريدين و يضرب المثل بورعه و تقواه...
    و قد استأذن أبو العباس شيخه الشاذلي في القيام بأمر الدعوة في القاهرة و اتخذ من جامع أولاد عنان مدرسة لبث تعاليمه و مبادئه بين الطلاب و المريدين و اتخذ هذا المسجد مأوي له و كان يذهب كل ليلة إلي الإسكندرية ليلتقي بشيخه أبي الحسن ثم يعود إلي القاهرة و لم يستمر طويلا إذ عاد و استقر بالإسكندرية .

    و في عام 656هـ. (1258م.) اعتزم الشيخ أبو الحسن الشاذلي الحج فصحب معه جماعة من إخوانه و علي رأسهم أبو العباس المرسى و أبو العزائم ماضي و في الطريق مرض مرضا شديدا فمات رضي الله عنه و دفن بحميثرة من صحراء عذاب و هي في الجنوب من أسوان علي ساحل البحر الأحمر.

    و لما أدي الشيخ أبو العباس فريضة الحج بعد وفاة شيخه عاد إلي الإسكندرية فتصدر مجالسه وأخذ شانه في الارتفاع و ذاع صيته فأمه الطلاب و المريدون من جميع البلاد و رحل إليه الزوار و ذوو الحاجات من جميع الأقطار و توافد عليه العلماء و الأمراء و الأغنياء و الفقراء.


    و كان إذا جاء الصيف رحل إلي القاهرة و نزل بجامع الحاكم و صار ينتقل بينه و بين جامع عمرو بالفسطاط ليلقي دروسه و مواعظه و كان أكثر من يحضر دروسه من العلماء خصوصا عند شرحه لرسالة الأمام القشيري .

    و كان رضي الله عنه علي الطريقة المثلي من الاستقامة و الزهد و الورع و التقوى و كان حاد الذهن قوي الفطنة نافذ الفراسة سريع الخاطر زكي الفؤاد مستنير البصيرة حسن الطباع..
    و قد أخذ المرسى من كل فن بنصيب وافر و أتقن علوما كثيرة و كان فقيها و أديبا و عالما بأمور الحياة.

    و قد ظل الشيخ أبو العباس المرسى يدعو إلي الله ملتزما طريق التقوى و الصلاح ناشرا للعلوم و المعارف بين الخلق و مهذبا لنفوس الطلاب و المريدين حتى وفاته في الخامس و العشرين من ذي القعدة 685هـ. (1287م.) و دفن في قبره المعروف خارج باب البحر بالإسكندرية .



    و لم يترك أبو العباس المرسى شيئا من آثاره المكتوبة فلم يؤلف كتابا و لم يقيد درسا و لكنه ترك من التلاميذ الكثيرين فقد تخرج علي يديه في علم التصوف و آداب السلوك و مكارم الأخلاق خلق الكثيرون و تلاميذ نجباء منهم الأمام البوصيري و ابن عطاء الله السكندري و ياقوت العرش الذي تزوج ابنته و ابن الحاجب و ابن اللبان و ابن أبي شامة و غيرهم

    ومن أذكاره رضي الله عنه.
    - يا الله يا نور يا حق يا مبين احي قلبي بنورك و عرفني الطريق إليك
    - يا جامع الناس ليوم لا ريب فيه اجمع بيني و بين طاعتك علي بساط محبتك و فرق بيني و بين هم الدنيا و الآخرة و املأ قلبي بمحبتك و خشع قلبي بسلطان عظمتك و لا تكلني إلي نفسي طرفة عين.
    - اللهم كن بنا رؤوفا و علينا عطوفا وخذ بأيدينا إليك اخذ الكرام عليك , اللهم قومنا إذا اعوججنا , و أعنا إذا استقمنا و خذ بأيدينا إليك إذا عثرنا , وكن لنا حيث كنا


    و من اقواله رضي الله عنه:
    " الأنبياء إلي أممهم عطية و نبينا محمد هدية و فرق بين العطية و الهدية لأن العطية للمحتاجين و الهدية للمحبوبين قال رسول الله صلي الله عليه و سلم إنما أنا رحمة مهداه."
    و قال رضي الله عنه في قول رسول الله عليه الصلاة و السلام
    ( أنا سيد ولد ادم و لا فخر) أي لا افتخر بالسيادة وإنما افتخر بالعبودية لله سبحانه و تعالي.


    و قد ظل قبر أبي العباس المرسى قائما عند الميناء الشرقية بالإسكندرية بلا بناء حتى كان عام 706هـ.(1307م) فزاره الشيخ زين الدين القطان كبير تجار الإسكندرية و بني عليه ضريحا و قبة و انشأ له مسجدا حسنا و جعل له منارة مربعة الشكل و أوقف عليه بعض أمواله و أقام له إماما و خطيبا و خدما و كان القبر يقصد للزيارة من العامة و الخاصة.
    و في سنة 882هـ. 1477م. كان المسجد قد أهمل فأعاد بناءه الأمير قجماش الأسحاقي الظاهري أيام ولايته علي الإسكندرية في عصر الملك الأشرف قايتباي و بني لنفسه قبرا بجوار أبي العباس و دفن فيه سنة 892هـ.


    و في عام 1005هـ.(1596م.)جدد بناءه الشيخ أبو العباس النسفي الخزرجى .
    و في عام 1179هـ-1775م و فد الشيخ أبو الحسن علي بن علي المغربي إلي الإسكندرية وزار ضريح أبي العباس المرسى فرأي ضيقه فجدد فيه كما جدد المقصورة و القبة و وسع في المسجد .




    و في عام 1280هـ.(1863م.) لما أصاب المسجد التهدم و صارت حالته سيئة قام أحمد بك الدخاخني شيخ طائفة البناءين بالإسكندرية بترميمه و تجديده و أوقف عليه وقفا و اخذ نظار و قفه فيما بعد في توسعته شيئا فشيئا .
    و ظل المسجد كذلك حتى أمر الملك فؤاد الأول بإنشاء ميدان فسيح يطلق عليه ميدان المساجد علي إن يضم مسجدا كبيرا لأبي العباس المرسى و مسجدا للإمام البوصيري و الشيخ ياقوت العرش

    و مازالت هذه المساجد شامخة تشق مآذنها عنان السماء يتوسطها مسجد العارف بالله الشيخ أبي العباس المرسى احد أعلام التصوف في الوطن العربي و شيخ الإسكندرية الجليل الذي يطل بتاريخه المشرق علي شاطئ البحر مستقبلا و مودعا لكل زائر من زوار الإسكندرية التي تجمع بين عبق التاريخ و سحر المكان






    كدا نبقى خلصنا الزياره لجامع المرسي ابو العباس
    المره الجايه ان شاء الله حنكمل الجوله في ميدان المساجد مع مسجدي سيدي ياقوت العرش و الامام البوصيري
    و مجموعه من الاضرحه موجوده حول المساجد
    إلهى عليك أتوكل فلا تكلنى وإياك أسأل فلا تخيبنى
    وفى فضلك أرغب فلا تحرمنى وببابك أقف فلا تطردنى

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. طب الاسكندريه يزيدنى فخرا
    بواسطة DR_ROLAAN في المنتدى تحت الشجرة
    مشاركات: 11
    آخر مشاركة: 07-03-2008, 03:43 PM
  2. منتدى طب الاسكندريه
    بواسطة ahmedrs في المنتدى لوحة الاعلانات
    مشاركات: 0
    آخر مشاركة: 11-10-2007, 09:52 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •