النتائج 1 إلى 2 من 2

الموضوع: الورق المطلوب لاستلام التكليف

  1. #1
    تاريخ التسجيل
    Mar 2007
    الدولة
    cairo, egypt
    المشاركات
    3,643
    معدل تقييم المستوى
    11

    افتراضي الورق المطلوب لاستلام التكليف

    من اللي اتولدوا قبلنا و سبقونا في موضوع التكليف ده
    الواحد عاوز يعرف ايه الاوراق المطلوبة تتعمل في اخر شهرين
    وياريت اللي هيفيدنا يفيدنا بأماكن تحصيل الاوراق ده الله يخليكم
    عشان نتجنب نظام دوخيني ياليمونة بتاع روتين بلدنا

  2. #2
    تاريخ التسجيل
    Aug 2009
    الدولة
    القاهره
    المشاركات
    29
    معدل تقييم المستوى
    0

    افتراضي رد: الورق المطلوب لاستلام التكليف

    السلام عليكم
    الوقت اللي احنا فيه ده مفيش حاجه تتعمل بالنسبه لتكليف وزاره الصحه.
    بس التكليف في الجهات الاخرى بيبدا تقريبا من الفتره دي زي الشرطه و الجيش و المعاهد التعليميه لازم تسالوا كويس امتى هيفتح التقديم لان في ناس كتيره بتكون عارفه و بتكون مكتمه على الخبر عشان محدش يقدم و تكون ليهم فرصه كويسه. انا ساعتها قدمت في الشرطه و الجيش كانت الاوراق المطلوبه صوره البطاقه و بيان درجات و بيان نجاح و بالنسبه للجيش لو عندك اقارب من الدرجه الاولى تحطي صورة للكارنيه بتاعهم . بيان الدرجات و النجاح ممكن يطلع من دلوقتي ياريت تطلعوه بدري قبل الزحمه .
    على اخر شهر يناير بتنزل رغبات التكليف على النت و بتدخلوا ترتبوها بتفضل فاتحه لمده اسبوعين و النتيجه بتطلع اخر شهر فبراير .
    في شهر فبراير بردو هتسحبوا ملف القيد بالنقابه من دار الحكمه اللي في شارع القصر العيني وهيكون مكتوب فيها الخطوات التاليه :
    خطوات استخراج ترخيص كزاوله المهنه و كارنيه النقابه :
    1- القيد بالنقابه
    2- التقديم للوزاره لاستخراج ترخيص المزاوله
    3-تقديم ترخيص المزاوله لاستخراج كارنيه
    خطوات القيد للاطباء الجدد بالنقابه العامه للاطباء :
    1- طلب قيد بالجدول العام يوزع مجانا
    2-شهاده التخرج المؤقته ( نسخه اصليه )
    3-شهاده قضاء سنه الامتياز ( نسخه اصليه )
    4-صحيفه الحاله الجنائيه ( فيش و تشبيه )
    5-صوره البطاقه
    6-عدد 3 صور فوتوغرافيه
    7-سداد 75و50 جنيه بخزينه النقابه
    واستلم ايصالا بها لتسليمه الى اداره التراخيص
    خطوات استخراج ترخيص مزاوله المهنه :
    1- طلب استخراج مزاوله المهنه ( نموذج 13 )
    2- ايصال استلام رسم القيد بالنقابه
    3-شهاده التخرج المؤقته ( نسخه اصليه )
    4-شهاده قضاء سنه الامتياز ( نسخه اصليه )
    5-عدد 4 صور
    6-شهاده المعامله العسكريه
    7- صوره البطاقه
    8-صوره شهاده الميلاد
    9-الدوسيه و الدمغه
    خطوات استخراج كارنيه النقابه :
    1-صوره شخصيه
    2-اصل ترخيص مزاوله المهنه
    3- يسلم الكارنيه في الاحتفال الذي سيقام بمقر النقابه عقب اداء القسم
    الملف هيتسحب قبل ما الامتياز يخلص على نص شهر فبراير تقريبا و هتقدمه في وقت معين هتحدده النقابه لكل جامعه بعد ما تكون خلصت كل الورق ده .
    في اخر يومين في الامتياز بتبدا لفه اخلاء الطرف انا هتكلم بالنسبه لينا في القصر العيني بتروح اخر قسم كنت فيه وبتاخد منهم ورقه اخلاء الطرف و هتلف على اماكن غريبه كده هتكتشفها في اخر يوم ليك في الكليه زي المخازن و الحسابات و التحصيلات و التوريدات ساعتها هتلاقي الناس كلها بتلف هتلف معاهم و لازم تكون مضيت اللوج بوك من الاقسام اللي انت روحتها و ياريت نمضيه اول باول عشان زحمه اخر السنه و البحث اللي كنا عاملينه في الطوارئ مع شهادات كل الدورات اللي حضرناها . وبعدين في شبابيك التذاكر بتاعت العيادات الخارجيه اللي قصاد بنك الدم علطول بتروح تقدم الورق ده كله عندهم و تاخد 5 شهادات امتياز و تاخد بالك ان كل شهاده موجهه لجهه معينه يعني هتلاقي شهاده لجهه التكليف و شهاده للنقابه و شهاده لاداره التراخيص و الوزاره و الدراسات العليا عشان تقدم كل واحده في مكانها في نفس الوقت ده هتكون روحت عند شئون الطلبه و قدمت على شهاده البكالريوس 4 شهادات للبنات و 5 للولاد شهاده الامتياز الواحده ب 10 جنيه و البكالريوس الواحده ب 25 جنيه .وكده يكون تم بحمد الله تخليص كل الاجراءات بتاعت الكليه و النقابه.
    الاوراق المطلوبه للتكليف :
    شهاده الامتياز _ البكالريوس _ الميلاد _ فيش و تشبيه ( بيتعمل في القسم التابع ليه و بياخد يوم او يومين صالح لمده 3 شهور بس فبلاش نعمله بدري اوي) _ الترخيص اللي عملناه في النقابه _ 6 صور _ اقرار ذمه ماليه و دمغه بنجيبه من البريد _ بعد ما تقدم ده كله في المديريه هتاخد ورقه كشف طبي و تعمل الكشف الطبي في مستشفى معينه هما هيقولولك عليها تقريبا في حدود 80 جنيه
    بعد كده هتروح الاداره اللي انت فيها و تستلم هناك ولازم تكون سائل الاول كويس عن الوحدات التابعه للاداره دي عشان تتوزع في مكان كويس . و لازم تحمر عينك عليهم انت مش بقيت ميزو بتاع زمان و هما محتاجينك ابسط حاجه ممكن تقولها انا هقدم استقالتي ومش هاشتغل عندكوا واوعى توافق على توزيعه مش كويسه عشان هتلبس فيها حتى لو قالك دي مؤقته
    واهلا و مرحبا بكم في وزاره الصحه
    معلش انا طولت عليكم بس انا مريت بالكلام ده كله و نفسي اساعد اللي بعدي
    موفقين ان شاء الله

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. نقل التكليف
    بواسطة أبو المعاطى شمروخ في المنتدى عالم ميزو
    مشاركات: 18
    آخر مشاركة: 02-11-2009, 12:15 AM
  2. تبديل التكليف ارجو تثبيت الموضوع
    بواسطة mostafa039 في المنتدى عالم ميزو
    مشاركات: 1
    آخر مشاركة: 10-03-2008, 11:50 AM
  3. التكليف و النيابه
    بواسطة mady في المنتدى عالم ميزو
    مشاركات: 4
    آخر مشاركة: 03-12-2007, 10:29 AM
  4. التكليف و ما بعد الامتياز
    بواسطة sameh_ig في المنتدى حوار
    مشاركات: 12
    آخر مشاركة: 16-01-2007, 03:21 PM
  5. هل ألغي التكليف لخريجي الطب؟
    بواسطة الكحكي في المنتدى حوار
    مشاركات: 3
    آخر مشاركة: 09-10-2003, 04:47 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •