Announcement

Collapse
No announcement yet.

ليه كلية الطب من كليات القمة ؟

Collapse
X
 
  • Filter
  • Time
  • Show
Clear All
new posts

  • ليه كلية الطب من كليات القمة ؟

    لو سألتك سؤال مباشر : ليه كلية الطب من كليات القمة ؟
    تقول إيه ؟

    هتفكر إزاي أصلاً ؟

    طبعاً هتفكر في المهنة نفسها .. مهنة الطب .
    هاقوللك مالها ؟
    ليه بياخدو لمهنة الطب صفوة العقول ؟ هوة فيه إيه في مهنة الطب بيحتاج تشغيل مخ ؟ أقصد : إيه أكتر حاجة في مهنة الطب بتحتاج تشغيل مخ ؟

    ها ؟
    فكر كدة و اعصر دماغك و حاول تكوّن فكرة متماسكة قبل ما تقرا اللي أنا كاتبه تحت .
    عشان متتأثرش برأيي اللي ممكن يكون صح و ممكن يكون غلط




    عايز الأول أرد على بعض الحاجات اللي الناس بتعتقد إنها بتميز مهنة الطب عن غيرها :

    أول حاجة بتخطر ع البال إيه ؟
    إن الواحد يبعالج العيانين ..إن الواحد بيكتب لهم الدواء الشافي .. إن الغلطة منك ممكن تموت بني آدم و إن الواحد بيبقى مسئول عن حياة بشر .. إن دماغك لازم تبقى كبيرة عشان هتتملي معلومات خطيرة.. و للا إيه
    إنا عايز أرد على كل حاجة هتتقال عشان أطلع في الآخر بالحاجة اللي بتميز الطبيب فعلاً ..
    يعني إيه ؟

    يعني :

    بتعالج للناس مشاكلهم .. طيب ما الاخصائي الاجتماعي ممكن يعالجلك مشاكل مدمرة حياتك ميقدرش عليها الطبيب .

    بتكتب للناس أدوية .. طيب ما الصيدلي يقدر يقول لهم ع الأدوية اللي ممكن تفيدهم و الصيدلي يعرف الأدوية أكتر منك .

    بتبقى مسئول عن حياة بشر و غلطتك ممكن تموت واحد .. دي حجة تعبانه و الرد عليها سهل :
    ما عسكري المرور غلطته ممكن تموت ناس كتير (!!) و الزبال اللي بيسيب حاجة ممكن تعور عيل صغير و تسممه برضه قادر يموت ناس بإهماله .. المهندس المعماري غلطة منه تموت ناس بالجملة بدل القطاعي (!!) وللا إيه ؟

    إن دماغك لازم تبقى كبيرة عشان هتتملي معلومات و بيانات حساسة و خطيرة .. طب همة ليه اخترعو الهارد ديسك و السي دي بقه ؟ مش لازم التخزين يكون في الدماغ


    اللي انا عايز أقوله مش عارف أصيغه بالشكل المناسب للأسف .. لكن هاسألك :

    أي المهن التالية أقرب إلى مهنة الطبيب في نظرك :

    المفكر
    القائد
    المهندس
    المزارع
    الفنان

    و ليه اخترت الي انت اخترته ؟
    و حاول تجاوب على السؤال التالي :

    إيه أكتر حاجة في ممارسة الطب بتحتاج منك تشغيل مخك ؟
    أن توقد شمعة ... خير من أن تلعن الظلام ألف مرة


  • #2
    أخي مصباح لي في هذا الموضوع رأي متواضع أرجو من الله الكريم أن يوفقني في صياغته:
    أولا أود أن أسأل سؤال هل الطب كلية القمة في بلادنا فقط أم في بلاد العالم كل؟؟؟؟؟؟؟؟؟؟؟؟
    لا أعرف اجابة لهذا السؤال فلقد قابلت من الأجانب من هم لا يعتبرون الطب كلية القمة و منهم من يعتبرها كلية قمة
    الموضوع هو علم رفيع ام أسلوب قبول الكلية الذي يعتمد على اختيار الطلبة المميزين
    أنا شخصيا أرى أن الطب مهنة رفيعة سامية تتناول دراسة أكرم ما خلق الله عز وجل
    قال تعالى:
    (لقد خلقنا الانسان في أحسن تقويم)
    و باللنسبة لنا في مصر الطبيب يتمتع بمكانة اجتماعية رفيعة لا أعلم ان كان لعلمه أو لماله أولانسانية مهنته التي تعتمد على تخفيف الالام
    أما في الخارج فهم يقبلون الطلبة في كلية الطب بعد اختبارات تأهيلية لا تعتمد على مجموع المدرسة العليا و بالتالي ليس لها علاقة بالقدرات التحصيلية بل بالقدرات المؤهلة.
    وانا أري أن الطب هو أقرب ما يكون للفن
    و للحديث بقية بعد تفكير أعمق

    وداعاً د. مصطفى محمود
    اللهم إرحمه وإغفر له وأدخله برحمتك في عبادك الصالحين

    Comment


    • #3
      بسم الله الرحمن الرحيم
      في البداية احب ارحب بيكم جميعا و كمان احب اني اوضح مدى اعجابي الشديد بالموضوع الذي يتم مناقشته حاليا
      لماذا يعتبر الناس كلية الطب من كليات القمة؟
      و الله سؤال رائع اجابته مش سهلة زي ماكتير ممكن يتخيلوها
      لأن اي اجابة مش مقنعة ستحسب عليك
      مش معنى كده ان الغلط مرفوض وسطنا
      على العكس تماما
      فالمنتدى ماهو الا وعاء انيق مصغر نتمكن من خلاله من تبادل الآراء و الأفكار
      معذرة على الأستطراد
      نعود الى موضوعنا
      انا لي بعد النقاط احب اني اوضحها
      بتعالج للناس مشاكلهم .. طيب ما الاخصائي الاجتماعي ممكن يعالجلك مشاكل مدمرة حياتك ميقدرش عليها الطبيب .
      ماقلناش حاجة بس هناك بعض المشاكل الأجنماعية الطبية معا يتعذر عرضها الأعلى الأطباء
      مثل المشاكل المتعلقة بالجماع او الأمراض التي تنتقل من خلال الجماع و غيرها من الأمثلة كثيرة قد لا تسعفني الذاكرة حاليا في حصرها جميعا

      بتكتب للناس أدوية .. طيب ما الصيدلي يقدر يقول لهم ع الأدوية اللي ممكن تفيدهم و الصيدلي يعرف الأدوية أكتر منك
      لا يختلف اثنان على ان الصيدلي يعرف اكتر مني في موضوع الأدوية
      بس ماعتقدش انه حيقدر يكون خلفية عن الحالة زي ما الطبيب يقدر يعملها يعني مع كامل احترامي لكل الصيادلة ممكن الصيدلى يدي العيان علاج
      symptomatic ttt
      بعكس الطبيب من خلال المامه بتطور الحالة يقدر يوصف
      curative ttt

      بتبقى مسئول عن حياة بشر و غلطتك ممكن تموت واحد .. دي حجة تعبانه و الرد عليها سهل :
      ما عسكري المرور غلطته ممكن تموت ناس كتير (!!) و الزبال اللي بيسيب حاجة ممكن تعور عيل صغير و تسممه برضه قادر يموت ناس بإهماله .. المهندس المعماري غلطة منه تموت ناس بالجملة بدل القطاعي (!!) وللا إيه ؟
      الموضوع مش جملة و قطاعى
      هل سبق لك العمل في اواسط افريقيا حيث يجد المرض كل العوامل التي تساعده على ان يرتع بين العديد من القبائل بل و القرى(قطاعي برضه )حينئذ ستكون مسئولا عن كل هؤلاء

      إن دماغك لازم تبقى كبيرة عشان هتتملي معلومات و بيانات حساسة و خطيرة .. طب همة ليه اخترعو الهارد ديسك و السي دي بقه ؟ مش لازم التخزين يكون في الدماغ
      يا سادة يا افاضل انا لي وجهة نظر في النقطة دي
      انا شايف ان الأنسان مازال و سيظل اذكى من اجهزة الحاسب الألى لأنه هو الذي اخترعها و برمجها و طورها و سخرها للعمل لخدمته ايضا
      فانا لا ارى مجالا للمقارنة بين الفرين
      الفكر الآدمي المرن و الفكر الألكتروني الجاف
      معذرة على الأطالة و لكنها جميعا وجهة نظر تحتمل الصواب او الخطا
      و اتمنى اني اكون قد نجحت في انتقاء الكلمات التي تمكنني من ايصال الأفكار ووجهات النظر
      و للحديث بقية ان شاء الله
      يا عيني ع الحلو لما تبهدله الأيام

      Comment


      • #4
        الإجابة عن هذا السؤال سهلة جدا
        كلية الطب من كليات القمة لأن الحد الأدنى المطلوب للالتحاق بها كبير جدا
        أما إذا كان السؤال هو : لماذا يكون الحد الأدنى لدخول كلية الطب مرتفعا ؟؟؟
        فالإجابة هي :
        [B] المظهرة
        نعم ... المظهرة
        فنحن شعب نحب التباهي بأبنائنا
        فلا يمكن أن تجد شخصا في العمارة دخل كلية الطب إلا و تبعه بقية أفراد العمارة
        و لهذا فكلية الطب لا تطلب مجموعا كبيرا في دول أخرى
        و لهذا أيضا تجد طلابا لم يحصلوا على مجموع كبير في الثانوية العامة ... ثم درسوا الطب سواء في كليات خاصة أو في الخارج .... و قد أصبحوا الآن من أمهر الأطباء
        الحكاية لا تحتاج إلى كل هذا الذكاء
        لهذا فأنا أرى أن أقرب مهنة للطبيب هي المزارع
        فكلاهما يعرف بعض القواعد الطبيعية و يطبقها
        أي أنها مهنة اكتشافات أكثر مما هي مهنة اختراعات
        الفارق الوحيد أن الطبيب يتعامل مع الجسم البشري بعد أن يمرض
        و هذا هو سر المكانة التي يلقاها الأطباء في مجتمعنا
        فالإنسان قد لا يهتم إذا لم تحدث مشكلة
        فلا يهتم إذا قاد السيارة بسرعة
        لا يهتم إذا بنى بناء غير مطابق للمواصفات
        لأن المشكلة لم تحدث بعد
        أما في حالة المرض... تجد الشخص متلهفا للعلاج ... و يتعلق بقشة
        فلا شيء أغلى عليه من صحته
        هذه هي الميزة الفعلية لمهنة الطبيب
        فهو يعيش على آلام الآخرين
        و لولا الألم ...لما وجد الطب
        قديما..كنا ندفع من أموالنا لنشتري لقب ........باشا
        أما الآن...ندفع من سنوات عمرنا لنشتري لقب....دكتور

        الــــــكـــــــــحـــــــــــكـــــــــي

        Comment


        • #5
          المرء يكبر بمن يحل مشاكله
          أغلبية مشاكل دول العالم الثالث تتبع المرض
          لذا
          فإن الطب من كليات القمه
          في العالم المتقد ... أغلبية مشاكله تقع تحت نطاق التكنولوجيا
          وقس على هذه القاعده
          أشحطوط بالورى .... جاب الليالي السود .... فتبهدلا

          Comment


          • #6
            سؤال جميل اخد منى وقت طوييل لأجد اجابة مناسبة
            هل الطب ككلية ام كمهنة هى اللى قمة؟؟
            فى تفكير الناس العاديين ممكن بعضهم يكون بيفكر فى المنظرة زى ما الكحكى بيقول،لكن ليه بقى وضعت فى المستوى العالى ده فى التنسيق،فاعتقد ده موضوع تانى،لان كلية الطب بتاخد اعلى المجاميع من زمان مش اليومين دول و بس

            فى رايى الشخصى،مهنة الطب محتاجة عوامل كتير مش حاجة واحدة ولا اتنين من اللى ذكرهم مصباح
            يعنى لازم اللى يمارسها يكون انسان،سويع البيهة،قادر على اتخاذ قرارات سريعة،قادر كمان على استيعاب كم كبير من المعلومات و هضمها علشان يجد الحل المناسب فى الوقت المناسب
            مش لازم يكون عنده كل لصفات دى قوية قبل ما يدخل الكلية،المفروض كمان انه يقويها بالدراسة و الممارسة،بس اللى لازم فعلا انه يكون عنده استعداد كبر قبل دخوله الكلية،يمكن علشان كده بتاخد مجموع كبير،لا المفروض ان اللى يجيب المجموع ده فى الثانوية العامة يكون بيمتلك الكثير من الصفات دى(انا باقول المفروض قبل ما الدروس الخصوصية تلغى كل ده)

            ممكن تقول طيب ماهو المهندس مثلا لازم تكون عنده الصفات دى برضه،هاقوللك طيب ماهى كلية هندسة برضه من كليات القمة،لكن فى الاتجاه الرياضى،اتجاه التعامل مع الالة اكتر من الانسان بشكل مباشر.

            اللى بيحصل دلوقتى فى الثانوية العامة و التنسيق يمكن مايكنش صح، بس على الاقل هو اكتر شئ مناسب للمناهج الدراسية حتى فى الكلية،المهم _ و اللى مش بيحصل عادة للأسف_ ان اللى يختار الكلية دى يكون شايف فى نفسه القدرة الكافية على تحمل مسؤولية حياة انسان بيتعامل معاه فى اضعف حالاته.
            دى وجهة نظر شخصية متواضعة ارجو انى اكون قدرت اوصلها.
            و كن عبده و الق القيادة لحكمه، و اياك تدبيرا فما هو نافع
            اتحكم تدبيرا و غيرك حاكم ، اانت لاحكام الاله تنازع؟
            فمحو ارادات وكل مشيئة ، هو الغرض الأقصى فهل انت سامع؟
            كذلك سار الأولين فأدركوا ، على إثرهم فليمش من هو تابع
            ابن عطاء الله السكندرى

            Comment


            • #7
              مهنة الطب في وجهة نظري اشرف مهنة في الوجود كفاية ان هدفها الاول هو تخفيف الام البشر

              وبعدين لازم اللي يدخولو كلية الطب يكونو صفوة الثانوية العامة لان احنا بنشتغل علي البشر و مش مسموح باي خطأ حتي لو كان صغير اوى دي ارواح ناس

              Comment


              • #8
                أختلف معك يا خلود في كون أن الطبيب غير مسموح له بالخطأ لأنه بيشتغل على أرواح ناس
                فالطبيب إذا أخطأ خطأ واحدا فإنه سوف يزهق روحا واحدة
                لكن لننظر إلى المهن الأخرى
                مثل السائق مثلا
                إذا أخطأ السائق فقد يودي بحياة كل من معه في السيارة
                هذا إذا لم يكن سائق أوتوبيس

                و المهندس
                إذا أخطأ في حسابات التحمل للمبنى فقد ينهار و يودي بحياة العشرات

                و لن أتحدث عن رئيس الجمهورية و ما إذا اتخذ قرارا خاطئا يودي بحياة الملايين من شعبه
                مثل قرار دخول حرب مثلا

                كل هؤلاء يجب أن يكونوا مؤهلين في مهنهم أكثر من الطبيب
                لأن الخطأ لديهم لا يكلف حياة واحدة
                بل أكثر من ذلك بكثير

                الطريف أن كل رؤساء الجمهوريات لدينا هم من خريجي الكليات العسكرية التي لا يتعدى نسبة القبول بها 60 % في الثانوية العامة
                قديما..كنا ندفع من أموالنا لنشتري لقب ........باشا
                أما الآن...ندفع من سنوات عمرنا لنشتري لقب....دكتور

                الــــــكـــــــــحـــــــــــكـــــــــي

                Comment


                • #9
                  انا عارف إن الموضوع قديم لكن لما شفته في الصفحة الأولى شدني

                  عشان كده هارد

                  Originally posted by مصباح
                  بتعالج للناس مشاكلهم .. طيب ما الاخصائي الاجتماعي ممكن يعالجلك مشاكل مدمرة حياتك ميقدرش عليها الطبيب .
                  لكن المشاكل الإجتماعية بس
                  Originally posted by مصباح
                  بتكتب للناس أدوية .. طيب ما الصيدلي يقدر يقول لهم ع الأدوية اللي ممكن تفيدهم و الصيدلي يعرف الأدوية أكتر منك .
                  يعرف الأدوية.. لكن ما يعرفش يحدد كل الأمراض، محتاج اللي يقوله إن فلان عنده كذا عشان يحدد الدوا
                  Originally posted by مصباح
                  بتبقى مسئول عن حياة بشر و غلطتك ممكن تموت واحد .. دي حجة تعبانه و الرد عليها سهل :
                  ما عسكري المرور غلطته ممكن تموت ناس كتير (!!) و الزبال اللي بيسيب حاجة ممكن تعور عيل صغير و تسممه برضه قادر يموت ناس بإهماله .. المهندس المعماري غلطة منه تموت ناس بالجملة بدل القطاعي (!!) وللا إيه ؟
                  الغلطات اللي إنت قلت عليها دي غلطات حركية
                  يعني ممكن أي حد يشتغل الشغلة دي ويتفادي الأخطاء دي بمجرد حركة من إيده
                  لكن غلطة الدكتور والمهندس المعماري أخطاء فكرية... عشان كده هي من كليات القمة
                  Originally posted by مصباح
                  إن دماغك لازم تبقى كبيرة عشان هتتملي معلومات و بيانات حساسة و خطيرة .. طب همة ليه اخترعو الهارد ديسك و السي دي بقه ؟ مش لازم التخزين يكون في الدماغ
                  دماغك سهل تقلب فيها
                  لكن الهارد أصعب شوية
                  الهارد شايل بس مش فاهم
                  دماغك شايلة وفاهمة
                  Originally posted by مصباح
                  اللي انا عايز أقوله مش عارف أصيغه بالشكل المناسب للأسف .. لكن هاسألك :

                  أي المهن التالية أقرب إلى مهنة الطبيب في نظرك :

                  المفكر
                  القائد
                  المهندس
                  المزارع
                  الفنان

                  و ليه اخترت الي انت اخترته ؟
                  مش عارف اختار بصراحة
                  Originally posted by مصباح
                  و حاول تجاوب على السؤال التالي :

                  إيه أكتر حاجة في ممارسة الطب بتحتاج منك تشغيل مخك ؟
                  Originally posted by مصباح
                  مهنة الطب

                  Comment


                  • #10
                    ردا على خلود والكحكي
                    طبعا مفيش حاجة اسمها لا يخطئ
                    أكيد أي حد هيخطئ لكن المهم إنه يكون بيبذل كل جهده عشان ما يخطئش
                    تاني حاجة شوف كمية المعلومات اللي السائق محتاجها عشان يتفادي الخطأ، أمام كمية المعلومات اللي الطبيب محتاجها عشان يتفادى الخطأ
                    طبعا مفيش وجه مقارنة أساسا، وأكبر دليل إن ممكن أي حد يسوق، لكن مش ممكن أي حد يبقى طبيب
                    أما بالنسبة للمهندس فزيه زي الطبيب.... من كليات القمة

                    Comment


                    • #11
                      طبيب مصري من أعظم 110 شخصيات عالمية


                      دكتور جمال مصطفى

                      يعاني البحث العلمي في الدول النامية من ضعف شديد في الإمكانات المادية المتاحة، إلا أن العقول المبدعة قادرة دائماً على التغلب على هذا الضعف. هذا ما أثبته اختيار العالم المصري د/ جمال مصطفى سعيد أستاذ الجراحة العامة بكلية طب قصر العيني كواحد من أعظم 110 شخصيات عالمية معاصرة، من قبل الموسوعة العالمية Who's Who in the World""، تقديراً لما أضافه من سبل جديدة لتشخيص أمراض مثل السرطان في وقت مبكر.

                      يلجأ المريض غالباً بمجرد أن يشك في وجود ورم ما لعمل عملية جراحية، يتم فيها استئصال جزء من الورم، ثم تحليله لمعرفة نوعه، ومن الممكن أن يتجه إلى تحليل الدم لمعرفة نسبة وجود المحفز "سي آي إيه" في الدم، ومن خلال هذه النسبة يتم تحديد ما إذا كان المريض مصابًا بالسرطان أم لا وما هي درجة الإصابة.
                      أما الجديد الذي قدمه الدكتور هو تشخيص السرطان عن طريق تحليل البول، غير مقتصر على الدم فقط وهو ما لم يكن معروفًا من قبل في الأوساط الطبية حتى العالمية منها، ويتم ذلك من خلال إيجاد علاقة بين نسبة وجود المادة المحفزة في البول ودرجة الإصابة بالمرض.
                      ويضيف العالم أنه تم توظيف هذا الاكتشاف حتى يستفيد منه المريض بعيدًا عن الجراحة، حيث أصبح من اليسير على المريض من خلال تحليل تكلفته أقل من دولار أمريكي معرفة درجة استعداد صاحب العينة للإصابة بالسرطان، كما يمكن أيضًا تحديد ما إذا كان مصابًا ودرجة الإصابة، الأمر الذي يساعد على الاكتشاف المبكر للمرض، ومن ثَم علاجه قبل أن يتفاقم.
                      ويشير الدكتور إلى أنه تم عرض البحث في المؤتمر السابع للسرطان والذي عقد في ساو باولو بالبرازيل عام 2007، وكرّم البحث ونال جائزة الأبحاث العلمية، وحينها علا صوت النشيد الوطني المصري وارتفع علم مصر عاليًا أمام 2000 عضو من مختلف أنحاء العالم، ويضيف قائلاً: "كانت لحظة تشريف للطب المصري كله وليس لي فقط".
                      سلسلة النجاحات

                      الإنجاز السابق ما هو إلا حلقة في سلسلة نجاحات الدكتور جمال، فقد قام بإجراء بحث عن الوقاية من التلوث بعد العمليات الجراحية، كواحدة من المشاكل الشائعة في الدول النامية.
                      فبعد إجراء العمليات الجراحية ينمو احتمال تعرض الجرح للتلوث؛ لذا يقوم الطبيب بوصف جرعات من أدوية لرفع قدرة الجهاز المناعي لمقاومة التلوث... وتكمن المشكلة في أن هذه الأدوية أثبتت تأثيرها على المرضى من أوروبا وأمريكا فقط، ولم تعطِ النتائج المرجوة مع نظرائهم المصريين.
                      الأمر الذي دفع الدكتور مصطفى بالتعاون مع اثني عشر مركزًا جراحيًّا لأجراء دراسة على طبيعة الميكروبات والبكتيريا المتواجدة في البيئة المصرية، واتجهت النتائج إلى تأكيد أن طبيعة الميكروبات في مصر تختلف عن مثيلاتها في الدول الأوروبية، وعليه تم التعرف عليها بدقة وتحديد نوع المضادات الحيوية التي تعطي نتائج فعالة في القضاء عليها، فتأكد بالبحث العلمي أن البيئة تؤثر في نوع الميكروب وتغير من طبيعته وخصائصه.
                      وعرض هذا البحث عام 2005 بأستراليا، ثم نشر بعدها في أكبر مجلة سويسرية معنية بـ"عدوى المستشفيات"، وتناقلته عدد من المجلات الطبية الدولية في أوروبا وأمريكا، مما أدى للفت انتباه عدد من مراكز الأبحاث في تلك الدول لتطوير أنواع من الأدوية "مرتبطة بالبيئة".
                      وفيما كانت الأدوية التي توصف لمريض للتعامل مع حالات تلوث ما بعد العمليات الجراحية يتراوح سعرها ثمنها ما بين 10 إلى 40 دولارًا، فإن الدواء الجديد ذا الفاعلية العالية لا يتعدى سعره 10 جنيهات فقط أو أقل.

                      تفتيت حصوات المرارة
                      يبدو أن البكتيريا ليست الوحيدة المتباينة تبعًا للبلد، فكما يؤكد الدكتور جمال نسب مكونات حصوات المرارة في الإنسان العربي المنشأ تختلف عن نظيره الأوروبي أو الأمريكي، فبعد استخدام جهاز مخصص لتحديد نسب مكونات الحصوات وبالتعاون مع المملكة العربية السعودية، وجدنا أن مكونات الحصوات داخل الإنسان العربي تسمح باستخدام الوسائل غير الجراحية لتفتيت الحصوات، وبإجراء التجارب المعملية استطاع فريق العمل اكتشاف مذيبات للحصوات تُعطى عن طريق الدم أو بطرق موضعية.
                      ومما قدمه الكشف العلمي أيضًا إمكانية التنبؤ بقابلية جسم الإنسان السليم لتكوين حصوات المرارة، عن طريق إجراء تحليل بول أو دم بسيط، يمكنه من معرفة تركيزات العناصر في العينة، حتى إذا تعدت إحداها النسبة المتعارف عليها، يصبح من السهل اتخاذ الخطوات اللازمة للحد من ازدياد المشكلة، خاصة مع رخص ثمن الدواء المبتكر، مما يسهل الحصول عليه لشتى فئات المجتمع.
                      الفن أم البحث العلمي

                      أما عن العقبة التي دائمًا ما توجه الباحثين، ألا وهي التمويل، فيقول الدكتور جمال: "استخدمت ما وفرته الدولة من دعم عن طريق كلية طب (قصر العيني)، ثم أضفت إليها من مالي الخاص.. وهذا هو التمويل الذي أنجز الأبحاث التي حققت هذا التقدم، أما ما تصرفه الدولة من منح مقابل فوز أو نشر هذه الأبحاث في دوريات عالمية فهو ضئيل بالمقارنة بما ينفق على هذه الأبحاث... فمثلاً تكلفة أحد أبحاثي 30 ألف جنيه، ومصاريف نشره تكلفت 13 ألف جنيه، وبعد أن نال جائزة عالمية، صرفت لي الجامعة 2000 جنيه أصبحت 1700 جنيه بعد خصم الضرائب!!
                      فميزانية البحث العلمي لدينا لا تقارن بما ينفق على دعم الأندية والرياضة والفن، وأضاف الدكتور جمال مصطفى أن مفهوم المراكز البحثية الطبية ما زال وليدًا في مصر، مقارنة بما وصل إليه في أوروبا وأمريكا، وعلى الرغم من ذلك فإننا نحاول أن نتدارك هذا الفرق، فالحاجة أم الاختراع.
                      وفي ظل الإمكانيات المتاحة فإن مراكزنا البحثية تؤدي دورها وأكبر، والدليل على هذا مراكز الأبحاث الخاصة بالجامعات، وكذلك المركز القومي للبحوث والذي يحتوي مشروع "الطريق إلى نوبل" الذي يوفر الإمكانات أمام الباحثين بالتعاون مع رجال الأعمال وبعض الشركات الخاصة.
                      فريق العمل أولاً

                      واختتم دكتور جمال مصطفى حديثه قائلاً: "في المجتمعات التي تهتم بالبحث العلمي لا بد من تكوين فريق عمل، وللأسف في مصر ليس لدينا المفهوم العام لمعنى العمل الجماعي وخصائصه، فمعظم الناجحين يقومون بعمل فردي على الرغم من أن العمل الفردي لا يتسق مع العقلية العلمية الحديثة".
                      وأضاف أن تنظيم الوقت سر نجاح أي عمل، فأنا أبدأ يومي بصلاة الفجر ولا أستغرق في نومي إلا خمس ساعات يوميًّا فقط.
                      يسعى الدكتور جمال لتنظيم قوافل طبية مع فريقه المساعد الذي يصل أحيانًا إلى 50 طبيبًا ليجوبوا البلاد، بهدف الكشف على المرضى وتحويل الحالات الحرجة إلى المستشفيات، وإجراء العمليات إذا استلزم الأمر، أو توزيع أدوية بالمجان.




                      (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

                      Comment


                      • #12
                        موضوع كليات القمه ده فى مصر بس
                        لكن باقى الدول عندهم جميع الكليات سواء
                        لان البلد او الدوله بتحتاج لجميع المجالات
                        محتاجه الطب والهندسه والاقتصاد والسياسه والتدريس والشرطه والمحامى والقاضى ووكيل النيابه والفلاح والصانع
                        وان فقدنا واحد من الاعمال دى
                        هتحصل كارثه فى البلد
                        يعنى
                        المدرس ده لو افتقدناه لا هنلاقى طبيب ولا مهندس ولا اقتصادى ولا اى حاجه
                        الطب لو افتقدناه هتنتشر الامراض
                        الهندسه مش هنلاقى معمار
                        الاقتصاد مش هنلاقى اموال نعمل بيها المعمار ولا نجيب بها الادوات والعلاج لمنع انتشار المرض
                        وهكذا.....................
                        يعنى من رأى كل الكليات سواء لانها مجالات وجميعها نحتاجها علشان يبقى فى دوله
                        جزاك الله خيرا على الموضوع
                        Last edited by DR_ROLAAN; 15-03-2008, 07:59 PM.

                        Comment


                        • #13

                          ماشي يا دكتور برايت
                          بس دكتورة منى استاذ الباثولوجي في معهد تيودور سبقت دكتور جمال


                          ازاى الاولاد ؟

                          وانا كمان ;)

                          Comment


                          • #14
                            Originally posted by DR_ROLAAN View Post
                            موضوع كليات القمه ده فى مصر بس
                            لكن باقى الدول عندهم جميع الكليات سواء
                            لان البلد او الدوله بتحتاج لجميع المجالات
                            محتاجه الطب والهندسه والاقتصاد والسياسه والتدريس والشرطه والمحامى والقاضى ووكيل النيابه والفلاح والصانع
                            وان فقدنا واحد من الاعمال دى
                            هتحصل كارثه فى البلد
                            يعنى
                            المدرس ده لو افتقدناه لا هنلاقى طبيب ولا مهندس ولا اقتصادى ولا اى حاجه
                            الطب لو افتقدناه هتنتشر الامراض
                            الهندسه مش هنلاقى معمار
                            الاقتصاد مش هنلاقى اموال نعمل بيها المعمار ولا نجيب بها الادوات والعلاج لمنع انتشار المرض
                            وهكذا.....................
                            يعنى من رأى كل الكليات سواء لانها مجالات وجميعها نحتاجها علشان يبقى فى دوله
                            جزاك الله خيرا على الموضوع

                            مع إحترامي الشديد .. كلية الطب كلية قمة في كل بلاد العالم .. الامريكية منها و المنوفيه ... وده مش كلام أغاني ... ده حقيقي وسمعته بوداني من أمريكيين ، وكنديين و اوروبيين.

                            شكرا يا برايت على الموضوع الرائع . دكتور جمال هو اول أستاذ يمتحني كلينكال في الكليه وده كان في سنه رابعه .. وده إنجاز علمي كبير جدا ..جدير أن يفتخر به دكتور جمال .. إلا صحيح ليه المقال لم يذكر هذا الإنجاز الفريد ؟؟!!!

                            وداعاً د. مصطفى محمود
                            اللهم إرحمه وإغفر له وأدخله برحمتك في عبادك الصالحين

                            Comment


                            • #15
                              فينك يا علاء باشا
                              ولا كأنك غايب كام شهر
                              :)
                              (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

                              Comment

                              Working...
                              X