Announcement

Collapse
No announcement yet.

التعليم الالكترونى

Collapse
X
 
  • Filter
  • Time
  • Show
Clear All
new posts

  • التعليم الالكترونى

    بعد تردد : اكتبه فى الكومبيوتر و لا فى العضل و بالرغم من حالة سكون فى المنتدى لأسباب بحب اغمض عينى قصادها قولت اكتبه هنا و اللى يحصل يحصل
    فى الاول لازم تقروا او تحاولو تقروا اسماء الدكاترة دول

    Prof. Ossama Rasslan
    Hesham Al-Inany, M.D
    Dr. Tarek A. Abd El Latif
    Prof. Dr. Mohamed Saad
    Dr. Khaled Helmy
    Faina Linkov, MPH
    Dr. Rania Saad
    Dr. Najeeb Al-Shorbaji
    Health Education Unit-Arab Health Center of Jerusalem
    Prof. John S Yudkin
    Prof. Hirotsugu Ueshima MD
    Nathan D. Wong, PhD
    Grant W Somes
    Daniel Edmundowicz, MS, MD
    Tim Morse, Ph D
    Dr. L. Martin Jerry MD, PhD
    Alessandro L. Loiola, MD
    Robert E. Schoen, MD MPH
    Kym Hickey MBBS, MPH
    Bolard P
    Naila Baig Ansari
    Jau-Shin Wu, M.D.,Ph.D.
    Sumin ori Kono, MD, PhD
    John R. Seffrin, Ph.D, CEO


    و اكيد فى غيرهم كتير ، بس دول اللى وزارة الصحة بتاعتنا تؤكد ان لهم مشاركات فى التعليم الالكترونى + اتنين ليهم فضل عليا فى التعليم الالكترونى

    معلش اللستة طويلة بس كان لازم انى اكتبهم من باب
    اولا : اعط كل صاحب حق حقه و اشكره على ما قدم
    ثانيا : ان محدش يفكر ان فلان هو اول واحد فى الارض عمل حاجة زى كده

    المهم دلوقتى احنا سنة 2004 و فى ظل دخول التكنولوجيا فى كتير من اعمالنا اليومية

    ايه رأيكوا لو كان جزء من التعليم يكون من الحاسب(الكومبوتر) من خلال دروس على الانترنت او حوار مع دكتور او محاكاة لبعض التقنيات اللى بتحصل جوة اوضة العمليات او حاجات كتيرة

    ياترى ايه رأيكوا فى التعليم الالكترونى؟

    موش عارف لى عندى احساس ان كعادة اى موضوع ممكن ينتهى من قبل ما يبتدى او يبتدى شوية و بعدها يخش دييب فريزر ، بس برده فى الاخر بقول : قدر الله و ما شاء فعل
    No pain , No gain

  • #2
    إن شاء الله الموضوع الجميل دة مايخشش في الديب فريزر و لا حاجة ..
    خصوصاً .. لو اتكلمنا في الكيفية اللي المفروض يتم بيها توظيف الكمبيوتر في التعليم الطبي


    لأني ماعتقدش إن فايدة الكمبيوتر في أي حاجة يدخل فيها بتكون محل خلاف ..
    الخلاف بيكون في الكيفية دايماً .. يعني : إيه الشكل - الطريقة - النظام .. اللي نقدر بيه نوظف الكمبيوتر في التعليم الطبي ..

    دا يحتاج مننا حاجتين نعرفهم :

    الكمبيوترات الموجودة في عصرنا دة إمكانياتها إيه ؟ (مع الأخذ في الاعتبار إن الإبداع بيطلع من الحاجة خباياها )

    غير كدة : إحنا محتاجين إيه ناقص ي العملية التعليمية ؟
    مثلاً : توضيح الصور و نماذج الأمراض و العمليات بالوسائط المتعددة ( الملتي ميديا ) .. و للا عملية التفاعل ( الانترأكشن ) بين الطالب و بين الوسيلة التعليمية و التفاعل دة محدود مع الكتب .. فهرسة و ترتيب البيانات و توفير إمكانيات البحث و استخلاص البيانات ... إلخ

    لو عرفنا كويس إحنا محتاجين إيه ( عشان الحاجة أم الاختراع ) و إيه الإمكانيات اللي في إيدينا ..
    يبقى مش فاضل غير إن احنا نبدأ نشتغل !

    دا من حيث المبدأ ..
    أن توقد شمعة ... خير من أن تلعن الظلام ألف مرة

    Comment


    • #3
      الكيفية

      فى اكتر من وسيلة
      1-محادثات على الهواء
      2-منتديات
      3-دروس على الانترنت سواء مكتوبة او مسموعة او مرئية
      4-مصادر متعددة
      5-استفتاءات
      6-جرائد على الشبكة
      7-مجلات متخصصة على الشبكة
      8-ورش عمل على الانترنت
      9- استاذ اون لاين
      10- خدمة 24 ساعة على الانترنت
      11- عمل محاكاة
      12- اختبارات

      الحاجات دى موش مقتصرة على التعليم الطبى ، دى ممكن فى تطبيقها فى اى تعليم غير طبى

      اما الاختلاف على الكيفية فرأييى ان مفيش خلاف و لا حاجة
      بسبب ان اللى موش هتعجبه و سليلة اما هتعجبه و سيلة تانية ، او يرجع لطريقته اللى اتعود عليها لأن الموضوع موش سيف على رقبة الدارس

      اما موضوع امكانية الكومبيوتر فى عصرنا الحالى فدا موش مكانه هنا بس اقدر اقوللك امكانيته تبدا من لعبة بسيطة على اى نافذة الى التحكم فى مركبة فضائية بجوار كوكب ما فى الفضاء و بينهم حط اللى انت عايزه من امكانيات فى اطار العقل يقبله
      من ضمنها التفاعل ، و التفاعل اللى انا اقصده هو مشاركة فععالة ، موش مجرد مشاهدة و بسمة و سقفة

      اما عن الناقص فى العملية التعليمية
      هو التفاعل

      بس حط فى ذهنك انه برده بيعتمد على شخصية الطالب موش النظام لوحده

      No pain , No gain

      Comment


      • #4
        أكيد مافيش حد ممكن يعارض بس الفكرة الى عاوز يبدأ ازاى؟؟؟؟

        Comment


        • #5
          فريق الموقع بتاع الكلية دلوقتى بيجهز فى موقع للتعليم الالكترونى

          بس لغاية ما الموقع يخلص ممكن تروحى

          http://www.emedicine.com

          دا من المواقع المحترمة اوى فى المجال ده
          و برده ممكن من خلال البحث ان تجدى حاجات كتيرة

          و فى موقع تبع الوزارة
          http://www.drguide.mohp.gov.eg/NewSi...rses/index.asp
          No pain , No gain

          Comment


          • #6
            بعد نسيان الموضوع لمدة تلات سنين تعالوا نفتحه
            بس حط فى ذهنك انه برده بيعتمد على شخصية الطالب موش النظام لوحده
            تقترح ايه يا نبيل بخصوص النقطة دي
            اللي أنا فهمته انك عايز تنشر ثقافة التعليم الالكتروني .. عندك أفكار ؟
            أن توقد شمعة ... خير من أن تلعن الظلام ألف مرة

            Comment


            • #7
              ياااه يا مصباح انت بترد على موضوع قديم جدا
              بصراحة نبيل كتب الموضوع دا قبل ما انا اعرف يعنى ايه اصلا تعليم الكترونى

              المهم بالنسبة للكلام عن التعليم الالكترونى
              فهو كتير جدا
              و هو علم واسع جدا
              و الحمد لله الواحد اتيحت ليه الفرصة انه ياخد له شوية كورسات عن الموضوع دا
              و الحمد لله ربنا وفقنا برده لأنتاج مواد بنظام التعليم الالكترونى
              و منها كان كورس لتعليم الطب المبنى على الدليل
              و دخل الكورس دا بعض اطباء الامتياز
              و البعض الآخر برده بيتدرب عليه بس على ما اسمع مش بطريقةالتعليم عن بعد
              و بالرغم من كدا الكورس دا موجود على الانترنت
              و انا كنت اعلنت عن كدا قبل كدا فى احد الموضوعات
              و عنوانه هوا
              http://www.lrc.edu.eg:7171/moodle
              و برده فيه مواد تعليمية تانية موجوده على قسم التعليم الالكترونى بتاع مركز التعليم المتطور بالقصر العينى السابق ذكره
              و برده فى مواد تانية على بوابة موقع الكلية للتعليم الالكترونى
              و فى منهم كورس فى الانثروبولوجى بيتعمل دلوقتى بواسطة الاستاذ الدكتور فوزى جاب الله
              و الاستاذة الدكتورة زيزفون بدوى
              و موجود عليه برده كل الموديلز بتاعة الجارات بتاعة الباثولوجى لتالتة و سادسة الشرعى لسنة رابعة و النسا لسنة خامسة
              و موجود برده عليه شرح للأشاعات بتاعة الجراحة للاستاذ الدكتور عمر محسن
              و حاجات تانية كتير انا ناسيها ممكن تلاقوها على الرابط دا
              http://www.medicine.cu.edu.eg/elearning/


              الموضوع لسا فى اوله
              و ان شاء الله هيكون له مستقبل كبير

              الى عاوز يعرف اكتر عن التعليم الالكترونى
              ممكن يدخل الرابط دا
              هو كورس بطريقة التعليم الالكترونى على التعليم الالكترونى
              و جميل جدا
              و مفيد جدا
              خدو بالكو دا مش موقع بالمعنى الكلاسيكى
              دا كورس و اونلاين
              يعنى دا تعليم الكترونى
              http://www.knowledgebank.irri.org/eL...ev/default.htm
              و بصرف النظر انه على موقع رابطة زارعى الارز العالمية
              لكن دا ملوش علاقة بالموضوع
              My Gallery on Google
              My Page on GooglePages
              www.alasmar.info

              "ما دمت اتلقى الركلات فى مؤخرتى اذا فأنا فى المقدمة"

              Comment


              • #8

                مشكور بشدة يا أسمر على المشاركة

                أنا كان نفسي في المشاركة دي
                أن توقد شمعة ... خير من أن تلعن الظلام ألف مرة

                Comment


                • #9
                  العفو يا ابو المصابيح على ايه
                  انا الى متشكر انك فتحت الكلام فى الموضوع دا تانى

                  الواحد نفسه بجد الناس تستفيد من الحاجات دى
                  لاحظو ان الرابط الى انا حطيته فى الآخر مثلا بتاع الكورس الى عن التعليم الالكترونى
                  هو رابط لكورس بيتدرس هنا فى الجامعة الامريكية بقيمة الف دولار لغير المصريين و الف جنية للمصريين

                  و طبعا صاحب الكورس دا سمح لنا بنقل اى جزء منه او عرض اى جزء منه
                  و عشان كدا ان حطيت ليكو الرابط دا
                  و دا ايمانا منه بضرورة انتشار فكرة التعليم الالكترونى فى مصر
                  و على فكرة الراجل دا كان استاذ فى احدى الجامعات الامريكية الكبيرة
                  و الى كان من تلامذيتها الطلبة الى اخترعو او برمجو الانترنت اكسبلورر و مايكروسوفت اشترته منهم


                  ياريت الناس تستفيد بجد من الحاجات دى
                  My Gallery on Google
                  My Page on GooglePages
                  www.alasmar.info

                  "ما دمت اتلقى الركلات فى مؤخرتى اذا فأنا فى المقدمة"

                  Comment


                  • #10
                    بس حط فى ذهنك انه برده بيعتمد على شخصية الطالب موش النظام لوحده




                    اللى فى دماغى دلوقتى بينصب كله تحت : تغيير سلوكيات المستخدم اللى هوا الطالب مثلا + كده رضا


                    دى فى رأىى حل عشان تحمى التعليم الالكترونى من شبح العشوائية اللى ممكن تحصله لما يتم تعميمه فى مصر ان شاء الله



                    و شكرا لمصباح و اسمر اللى فتحوا الموضوع
                    No pain , No gain

                    Comment


                    • #11
                      Originally posted by nabilprofelgen View Post


                      دى فى رأىى حل عشان تحمى التعليم الالكترونى من شبح العشوائية اللى ممكن تحصله لما يتم تعميمه فى مصر ان شاء الله


                      عندك حق
                      الواحد خايف جدا الموضوع دا يصيبة العشوائية زى اى حاجة جديدة بتدخل مصر
                      و زى اى حاجة بتكون جاية من فوق و تحت رعاية السيد المسؤول

                      يقولو يلا نعمل تعليم الكترونى
                      يلا يا رجالة
                      و بعد كدا تلاقى كل حاجة بقت على سى ديهات و على الانتر نت و على فايلات وورد و باور بوين
                      و المحاضرات بقت فيديو و اوديو و تقدر تنزله

                      و كل سنه و انت طيب
                      كدا انت عملت تقريبا كل حاجة فى ال
                      e
                      ايه الى عملته بقا فى ال
                      Learning
                      متنسوش التعليم الالكترونى اسمة
                      eLearning
                      يعنى مينفعش يبقى الكترونى من غير تعليم
                      او ملوش اى لازمة انك تحول كل التعليم بتاعك الى المحتوى الالكترونى طالما ن اسلوب تصميمة و طريقته ضعيفة و سيئة
                      كل الطرق الى ذكرتها سالفا دى فى تحويل المناهج الى الصورة الالكترونية على عينى و راسى
                      بس مش دا المطلوب ولا دا الهدف

                      و الى عاوز يفهم و يعرف اكتر
                      ياريت يروح يبص على الرابط دا
                      http://www.knowledgebank.irri.org/eL...ev/default.htm
                      الى انا كنت حاطة قبل كدا فى رد فات
                      لأن الموضوع مش بسيط و لا سهل
                      وانا اتمنى وجود ناس كتير منكو و من الاعضاء كلهم لهم الاهتمام دا
                      اهتمام بالتعليم الالكترونى
                      عشان انتو الى هتمسكو الكلية والعملية التعليمية كلها فى وقت من الاوقات
                      و هتتحملو المسئولية دى

                      و لسا فيه فى الكلام بقيه ان شاء الله

                      My Gallery on Google
                      My Page on GooglePages
                      www.alasmar.info

                      "ما دمت اتلقى الركلات فى مؤخرتى اذا فأنا فى المقدمة"

                      Comment


                      • #12
                        رد: التعليم الالكترونى

                        يعنى الموضوع دا من 2004 و رجع اترد عليه فى 2007
                        و دا رد جديد فى 2009

                        اول ما الموضوع دا اتكتب كان نبيل هو اللى يعرف يعنى ايه تعليم الكترونى
                        و فى 2007 كنت اتعلمت انا يعنى ايه تعليم الكترونى
                        و فى 2009 اطلت علينا التكنولوجيا و تقنيات الانترنت الجديدة بنسخة جديدة من التعليم الالكترونى
                        eLearning 2.0
                        بفكر جديد و مختلف مغاير للفكر بتاع النسخة الاولى اللى كانت بتعتمد على مجرد اعطاء المادة التعليمية للطالب و تفاعله معاها و تقييمة من خلال الموقع اللى عليه المادة دى
                        دلوقتى بقا فيه بعد جديد
                        بعد ظهور البلوجز و مواقع المشاركة الاجتماعية زى الفيس بوك و مواقع الفيديوهات زى اليو تيوب و مواقع رفع الملفات
                        ظهر الافكار الجديدة و نسخة الانترنت الجديدة
                        web 2.0
                        و اصبح التعليم الالكترونى عن طريق المشاركة و التفاعل ما بين البشر و على نطاق اوسع بكتير من زمان و معادش مجرد دونلود و ابلود او مجرد مادة تعليمية مرفوعة على موقع بيدخل عليها الطالب و بيتفاعل عليها و خلاص
                        بقا فيه مجال اكتر للأبداع و لمشاركة الطالب فى عمل المادة العلمية
                        لأن الخبراء اكتشفو ان البنى آدم بيتعلم اكتر و بيستفيد اكتر بالمشاركة و بيستفيد اكتر و اكتر من ابداعة و تغييرة و مشاركته فى صناعة المادة التعليمية بتاعته

                        مش عارف كمان سنتين الله اعلم هدخل و اكتب ايه جديد فى تقنيات التعليم الالكترونى
                        و مش عارف ساعتها هنكون فين من التقنيات دى
                        My Gallery on Google
                        My Page on GooglePages
                        www.alasmar.info

                        "ما دمت اتلقى الركلات فى مؤخرتى اذا فأنا فى المقدمة"

                        Comment


                        • #13
                          رد: التعليم الالكترونى

                          Microsoft future vision for productivity
                          أشحطوط بالورى .... جاب الليالي السود .... فتبهدلا

                          Comment


                          • #14
                            رد: التعليم الالكترونى

                            Originally posted by فيرون View Post
                            Microsoft future vision for productivity



                            Though it’s very impressive, and it might be some people’s Utopia, but I think it’s cold,
                            plants the seeds of a less social more lazy life style, and will get lots of people unemployed

                            but, that's only me

                            أحبك في الله يا ZMZ

                            Comment


                            • #15
                              رد: التعليم الالكترونى

                              مؤثر فعلا ..
                              هنروح فين بعد كده ؟!

                              Comment

                              Working...
                              X