Announcement

Collapse
No announcement yet.

التبرع بالدم

Collapse
This is a sticky topic.
X
X
 
  • Filter
  • Time
  • Show
Clear All
new posts

  • #16
    أكيد فيه سوء تفاهم
    قصة بيع الدم قديمة و مالهاش علاقة بقرارك تتبرعي أو لأ
    لازم كلنا نتبرع
    دمنا مش بيتباع
    و اقرأي المقال ده عن بيع الدم و انتي تعرفي الحكاية و الرواية
    http://www.islamonline.net/Arabic/In...rticle12.shtml

    دا أولاً

    ثانياً
    مش تحديد اسم المتبرع هوه اللي هايحافظ على الكيس
    أساسا اللي بيتبرع لعيان بعينه .. برضه مش نفس كيس دمك هوه اللي بيروحله
    إنما الكيس بتاعك (اللي مكتوب عليه نورا عاطف النواوي) بيروح على الخطوات التقليدية بتاعت فحص الفيروسات و الذي منه
    في حين انه بالوصل اللي معاه و اللي مكتوب عليه اسمه هوه ( مثلاً محمد عبد السميع عبد الله) بيروح ياخد كيس دم مفحوص و جاهز و عليه اسم المتبرع/المتبرعة بتاعه ( مثلاً شيماء عطية ) و دا بيكون جاهز له في البنك فوراً منتظر بس فحص التوافق بين عينة دمه و بين الكيس
    و اسألي الناس اللي في امتياز

    =================

    يا جماعة اسألوا الناس اللي في امتياز عن عيانين طوارئ قصر العيني لما بيكونوا على الترابيزة بينزفوا و بيموتوا لمجرد ان الدم في بنك الدم خلص
    بكرة تجربوا (و إنتو في امتياز) الاحساس المحبط لما نائب بنك الدم يقول لك ان الفصيلة المطلوبة معلش خلصت من ساعتين والله ... أو مفيش إلا الكيس دا بس كان نفسي أديلك اتنين زي ما انت عايز .. لكن نعمل ايه ؟ ـ
    يا بيه العيان هيموجلوبينه أربعة و لسة كمان بينزف ... متعرفش الدم هييجي تاني امتى ؟ ـ
    يقول لك بكرة الساعة حداشر الصبح ان شاء الله لما الحملة بتاعت التبرع تجيب الدم الجديد زي كل يوم
    تنزل من بنك الدم و انت تقريبا تقريبا بتعيط ع العيان اللي في الاستقبال
    و دماغك شغالة في العيال اللي هتتيتم و والست اللي هتترمل ... الكلام دا لما تعيشه غير لما تسمع عنه
    و عشان ايه ؟ سرطان؟ ايدز؟
    أبداً
    عشان الدم خلص !!!! ـ
    سبب هايف جداً ان واحد يموت !
    معلش الأعمار بيد الله .. بس السبب دا هايف
    آه هايف لأن مش المفروض ان قرحة في المعدة تموت بني آدم
    و لا دوالي المريء
    و لا حادثة عربية بسيطة لواحد عنده قابلية للنزف
    و لا الثلاسيميا
    و لا كسر في عظمة الفخد
    و لا الأنيميا بالنسبة لواحد داخل أوضة العمليات يعمل عملية مستعجلة و سهلة ع الجراح
    لكن للأسف الأسباب دي بتموت .. لما يكون الدم خلص

    هتلاقي نفسك مفقووووووووووووع و عايز تـ .... ـ مش عارف اقول ايه


    -----------

    يا جماعة روحو اتبرعوا أبوس إيديكم


    Last edited by مصباح; 19-08-2007, 06:26 PM.
    أن توقد شمعة ... خير من أن تلعن الظلام ألف مرة

    Comment


    • #17
      امال ليه طلبوا من الست دى 50 جنيه

      Comment


      • #18
        يا ريتني كنت موجود عشان أفهم الحكاية
        =======================

        كل فترة مش كبيرة الجماعة بتوع ابو الريش بييجو عندنا جامع المشاري في الهرم بعد صلاة الجمعة
        و بيعلن الخطيب اثناء الخطبة ان الحملة مستنية برة عشان نتبرع بعد الصلاة
        و فعلاً ناس كتير ما شاء الله بتتبرع
        الحقيقة باقعد أدعي للناس دي و أزعل ان ظروفي الصحية في وقتها مش بتسمحلي أتبرع معاهم - دا اللي حصل مرتين
        بس منكرش ان منظر الناس دي كان بيشجعي جداً
        و بيحسسني اني لازم أتبرع
        الناس دي بتتبرع عشان مصدقين دكتور الحملة - و بيسمعوا كلام الشيخ
        سبحان الله
        ؤمال لو شافو عيانين الثلاسيميا
        ؤمال لو عرفوا إن آلاف الأطفال في مصر (مش فاكر كام ألف بالظبط) بيحتاجو نقل دم مرة كل تلات أسابيع و أحيانا كل أسبوعين !!! ـ
        و دا طبعاً باستثناء العيال اللي شالت الطحال - بيحتاجو نقل دم كل شهر بحاله - لأن كرات الدم عندهم بتعيش أكتر

        معكم الله يا مرضى المسلمين
        أن توقد شمعة ... خير من أن تلعن الظلام ألف مرة

        Comment


        • #19
          يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللّهِ اثَّاقَلْتُمْ إِلَى الأَرْضِ أَرَضِيتُم بِالْحَيَاةِ الدُّنْيَا مِنَ الآخِرَةِ فَمَا مَتَاعُ الْحَيَاةِ الدُّنْيَا فِي الآخِرَةِ إِلاَّ قَلِيلٌ

          [التوبة : 38] ـ

          أن توقد شمعة ... خير من أن تلعن الظلام ألف مرة

          Comment

          Working...
          X