Announcement

Collapse
No announcement yet.

ميزو مشاوير

Collapse
This is a sticky topic.
X
X
 
  • Filter
  • Time
  • Show
Clear All
new posts

  • ميزو مشاوير

    السلام عليكم و رحمة الله وبركاته

    بفرض استمرار النظام العقيم اللى كنا ماشيين بيه لمدة 12 شهر

    اليكم ميزو مشاوير


    بس في الاول فيه كلمة مهمة
    اوعى تكون مشورجي
    اعتبر المشوار ده
    خدمة للمريض مقابل تعليمك
    و احتسب الاجر واستحضر النية


    نبدأ؟

    بسم الله


    مشوار الاشاعات
    المكان: قسم الاشاعات عند شؤون الاطباء ( عند سبيشيال الريديو) فيه اوضه كبيرة اسمها السكريتارية المجمعة
    الزمان قبل الساعة 11 صباحا
    الاوراق المطلوبة : اذن القبول
    وظائف الكلى
    الريكويست
    الاشاعات السابقة
    الخطوات: امضاء المدرس المساعد وبعدين حجز ميعاد على الكمبيوتر



    الايرجنت
    المكان : اوضة الاشعة المقطعية في الطوارئ
    الزمان في اي وقت
    الاوراق المطلوبة: اذن القبول
    الريكويست
    تقرير الاشعة السابقة
    تحليل وظائف الكلى اذا كان هيعمل بصبغة
    الخطوات : امضاء نائب الايرجنت
    و تسليم الريكويست للفني
    والسؤال عن موعد حضور المريض



    الايكو
    المكان: الدور التالت اخر الطرقة يمين هتلاقيه في الوش عارفين الحيطة السد دي ؟ ايوه هناك
    الزمان لحد الساعة 12
    الاوراق المطلوبة: التذكرة كلها عشان فيه ورق هتملاه هناك مع ريكويست الايكو
    الخطوات هتملى ريكوست تاني غير اللى النايب كاتبه فى التذكرة
    و تاخد معاد عند الموظفة المسؤولة



    بنك الدم
    المكان :بنك الدم ورا مسجد الكلية الدور التالت
    الزمان:لحد الساعة واحدة لو دم علاج
    و لحد الساعة 11 لو دم لستة
    و في اي وقت لو دم طوارئ ( من اي حتة غير الاسعافات وكشك الجراحة وعمليات الحوادث و عمليان مخ واعصاب لان دول بيتصرفوا من بنك دم الطوارئ)
    الاوراق المطلوبة: الريكويست _ من بنك الدم نفسه_
    اذن القبول
    صورة الدم
    تحليل السيولة( لو هتحجز بلازما)
    عينة بنك دم
    الخطوات : املى الريكويست
    مضى النائبة
    اعمل الفيلة
    سيب العينة بالريكويست وتعالى بعد ساعة و ونص استلم الدم




    الباثولوجي
    المكان : قسم الباثولوجي
    الزمان لحد الساعة 11
    الاوراق المطلوبة: ريكويست الباثولوجي
    و العينة
    الخطوات:سجلها عند الموظف بعد ما تمضي النايب عليها وخد رقمها

    متروحش من غير عامل لو العينة كبيرة




    دول اهم حاجات
    هابقى اكتبلكو الباقى ان شاء الله لما ارجع بكرة ان شاء الله

    بالتوفيق
    ازاى الاولاد ؟

    وانا كمان ;)

  • #2
    بجد الله يكرمك يا د- كلمنتينا ويجعله في ميزان حساناتك ان شاء الله

    الامتياز خلاص بكره والواحد حاسس بمشاعر مخطلته يعنى فرحانه على قلقانه على خايفه على متحمسه ساعات بحس انى هتعلم كل حاجه وسعات تانيه بحس ان انا هبقى ساذجه كده ومبعرفش اعمل اى حاجه
    وعندى سؤال هو احنا هيكون معادنا كل يو الساعه 8

    Comment


    • #3
      جزانا واياكم يا فندم

      مؤقتا من 8 ل 8 وربع
      معلش ربنا يوفقكوا
      الامتياز سنة جميلة انا زعلانة انها خلصت بسرعة كده
      مش هاطول عليكم
      عشان الحق اروح الشيفت بتاعي
      دعواتكم الدنيا تكون هادية النهاردة
      ازاى الاولاد ؟

      وانا كمان ;)

      Comment


      • #4
        جزاكم الله خيرا
        يا ريت لو عايزة تنصحينا بأي حاجة يا دكتورة كلمنتينا
        اصل احنا برده مخدناش على الصورة
        (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

        Comment


        • #5
          جزاك الله خيرا يا كوكو يا حبيبتي
          بجد بجد حياتي من غيرك...سلطه
          النهارده اليوم الأول ودايما اليوم الأول بيكون يوم الرعب العالمي
          وطبعا أنا مع برايت أي نصيحه عايزه تنصحيها لنا كلنا آذان صاغية
          ربنا يكرمك ياقمر ..أشوفك في الكلية قريب أن شاء الله
          remmber,we have a brain
          الحمدلله حمدا خالدا بخلودك
          الحمدلله حمدا باقيا ببقائك
          الحمدلله حمدا لامنتهى له دون علمك
          الحمدلله حمدا لا جزاء لقائله إلا رضاك

          Comment


          • #6
            ربنا يخليكي ليا يا توتي
            اسألوا وانا هاجاوب


            اصلي النهاردة دماغي مشغولة بحاجة واحدة بس
            دفعتي هتوحشني قوي


            فنصيحتي ليكو
            اشبعوا من بعض في الامتياز
            و محدش يزعل حد
            ازاى الاولاد ؟

            وانا كمان ;)

            Comment


            • #7
              هو معليش سؤال صغير

              في الشيفت كدة ممكن يجيلي كام مشوار
              وهل البنات بتروح مشاوير برده ولا كله على راسنا؟؟
              (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

              Comment


              • #8
                دفعتي هتوحشني قوي


                فنصيحتي ليكو
                اشبعوا من بعض في الامتياز
                و محدش يزعل حد
                __________________
                أنا مؤيد تماماً
                أن توقد شمعة ... خير من أن تلعن الظلام ألف مرة

                Comment


                • #9
                  والله على حسب الوحدة والوقت
                  بوست حوادث الباطنة
                  مرة اخدت 13 مشوار اوتر( يعني بره الوحدة)

                  متتخضوش انا اللى كنت باحب اخد مشاوير الاوتر


                  وممكن في النسا متلاقيش ولا مشوار

                  المشاوير كلها تقريبا بتكون في شيفت الصبح
                  والبنات لازم تروح مشاوير طبعا امال ايه؟


                  بس طبعا عيب قوي لما بنت تروح مشوار بنك دم بالليل
                  ده لان الدنيا هناك ضلمة
                  يا ما حد يروح معاها
                  يا ما تدور على واحد زميلها في وحدة تانية يروح هو المشوار
                  ازاى الاولاد ؟

                  وانا كمان ;)

                  Comment


                  • #10
                    السلام عليكم ورحمه الله وبركاته
                    أنا بدأت بااااااااااااطنه
                    وحدة د.أحمد ضرغام
                    دور السابع
                    المأساه الحقيقيه هي طلوع السلم لو الأسانسير مش فاضي
                    النواب كويسين جدا والتمريض زي السكر
                    في الشيفت كدة ممكن يجيلي كام مشوار
                    وهل البنات بتروح مشاوير برده ولا كله على راسنا؟؟
                    أيوه يا دكتور أنا عايزه أقولك أن البنات هما اللي شايلين القسم والشباب مريحين في حجرة النايب

                    وعلى رأي كلمنتينا البنات لازم تروح مشاوير
                    أدعولي عندنا حوادث النهارده
                    هقوم علشان مدام فاطمه ماتبهدلنيش
                    سلام
                    remmber,we have a brain
                    الحمدلله حمدا خالدا بخلودك
                    الحمدلله حمدا باقيا ببقائك
                    الحمدلله حمدا لامنتهى له دون علمك
                    الحمدلله حمدا لا جزاء لقائله إلا رضاك

                    Comment


                    • #11
                      انا لسة سائلة عليكي امبارح يا توتي

                      و اطمنت عليكي الحمد لله
                      الدور السابع كويس قوي
                      ومتطلعيش من غير اسانسير
                      اديني باقولك اهوه
                      والله لو عرفت انك عملتيها تاني وطلعتي على السلم
                      انتي حرة



                      أنا عايزه أقولك

                      اللازمة بتاعتك دي بحبها قوي يا توتي


                      مقلتليش انتو كام واحد في الوحدة
                      و كام في الشيفت
                      وكده يعني


                      وباقي الشباب بدأتوا ايه؟؟
                      ازاى الاولاد ؟

                      وانا كمان ;)

                      Comment


                      • #12
                        مشوار الدوبلر

                        المكان : الدور التامن باطنة او عيادة السكر
                        الزمان: قبل 11 عشان الاستاذ ميمشيش
                        الاوراق المطلوبة : التذكرة كاملة
                        الخطوات: لازم النايب يكلم الاستاذ الاول ويتفق معاه
                        او يحجز في اللستة و دي عمري ما عملتها
                        و بعد كده تاخد العيان وتروح وطبعا لازم تكون عارف حالته ايه





                        مشوار القرار

                        المكان : الطب النووي
                        الزمان : قبل 12
                        الاوراق المطلوبة : التذكرة كاملة
                        الخطوات : كتييييييير تبدأ بالكشك القزاز اللى في الدور الاول
                        روح انت هناك وهم هيقولولك



                        مشوار لفة الرعايات

                        المكان : رعاية قسم 5
                        رعاية صدر الدور التاني فوق الاستقبال
                        و بعدين د.شريف مختار الاول
                        و الدور التاني
                        و بعد كده رعاية د. حسام موافي
                        الزمان: اي وقت
                        الاوراق المطلوبة : ورقة لفة الرعايا مكتوب فيها تاريخ المريض وايه اللى اتعمله
                        الخطوات: نصيحة لوجه الله
                        لفها الاول بالتليفون
                        لو لقيت مكان فاضي روح على طول على الرعاية دي
                        طبعا من غير العيان
                        لو مالقيتش
                        هتضطر للاسف تلفها
                        النايب اللى معندوش مكان بيكتب
                        sorry no availble beds
                        و اللى عنده مبيكتبش حاجة
                        لو لقيت مكان متكملش اللفة




                        سهل على نفسك الامور
                        و اتصل بالتليفون
                        رقم السويتش : 0
                        هو هيوصلك باي مكان انت عاوزه



                        فيه ايه تاني؟؟؟


                        لو حد عنده اي مشوار عايز يعرفه يقول لحسن انا مش في دماغي دلوقتي
                        ازاى الاولاد ؟

                        وانا كمان ;)

                        Comment


                        • #13
                          انا بدأت اطفال في وحدة محمد صبري ابو علم
                          مش بعمل حاجة تقريبا
                          (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

                          Comment


                          • #14
                            جديدة الوحدة دي

                            مكنتش على ايامنا
                            ازاى الاولاد ؟

                            وانا كمان ;)

                            Comment


                            • #15
                              هزولت
                              اصل احنا اللي سايبنهم يعملو كدة فينا
                              النهاردة الست الممرضة بتسالني انت معانا هنا
                              قلتلها ايوة
                              قالتلي طيب خد العينة دي اعملها ABG
                              !!!!!!!!!!!!!!!!!!!!!!!!!!!!!!!
                              شوفتو المسخرة
                              عايزاني اطلعلها فوق
                              انا مسكت نفسي وقلتلها انا مش اون النهارده
                              كان ممكن اعرفها مكانها
                              بس الطيب احسن.
                              .
                              .
                              .
                              وبحاول اتعلم حاجة من النواب ومش عارف
                              انا بروح مشاوير كتير وشايل كويس
                              ورغم كدة بحاول اسأل النواب على حجات
                              بيجاوبوني من تحت سنانهم
                              مش عارف ايه اللي بيحصل ده
                              بجد مافيش حد عارف الاحباط اللي انا فيه
                              انا قعدت حوالي 4 ايام في استقبال احمد ماهر
                              بعديها كنت انا وحوالي 2 امتياز جديد معايا اللي شايلين الاستقبال والنواب طلعوا واستأمنونا
                              وهو ده اللي مخليني متنرفز
                              يعني احنا شغالين عمال وهما شغالين دكاترة
                              حسبي الله ونعم الوكيل
                              بجد لو حد عارف مكان الواحد يتعلم منه يقولي
                              انا مش هقضي السنادي شيال بس
                              (رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

                              Comment

                              Working...
                              X