Announcement

Collapse
No announcement yet.

السلبية

Collapse
This is a sticky topic.
X
X
 
  • Filter
  • Time
  • Show
Clear All
new posts

  • السلبية

    بعد ما فكرت في المشاكل المحيطة بينا كلنا ,,, لقيت ان المشكلة الرئيسية هي السلبية ,,, بنشوف الغلط حوالينا في كل مكان ومش بنتكلم و مش بنعترض و كأننا عايشين في نعيم مع اننا اقل دول العالم في كل حاجة (و اللي سافر بره ان شالله حتى السعودية ,, هيعرف الفرق) طب ساكتين ليه ؟؟ محدش بيتحرك ليه ؟؟و ليه كله بيرمي على كله؟؟ و لما تخرب نرجع كلنا نعيط ,,,, يعني مثلا من صور السلبية :

    التلوث بيزيد .....طب و انا اعمل ايه؟؟؟؟

    الاسعار بتولع....و انا في ايدي ايه اعمله و ما عملتوش؟؟؟؟

    و غيره امثلة تانية كتير و احنا واجهنا زيها في الكلية ,,, و في كل الاحوال بتكون الاجابة الجاهزة و انا مالي ,, اشمعنى انا......

    طب ليه ؟؟؟ العيب فينا و لا في ايه بالظبط ؟؟؟ طب ما الانسان هو الانسان و كلنا بنسعى للافضل ,, يبقى ايه اللي اتغير ؟؟؟؟؟؟؟؟

    و ليه بنسيب ناس معندهاش ذمة و لا ضمير تتحكم فينا؟؟؟؟؟؟؟؟

    و ازاي هنعالج كل المشاكل اللي بتواجهنا و مفتاح حلها اننا نبقى اجابيين ؟؟؟؟؟؟؟

    طب ازاي نبقى اجابيين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    يا ريت حد يرد علي قبل ما اتجنن ........

    عيون في السماء تبوح سرا ... و قد تغني العيون عن البيان
    احاسيس تبدت في النفوس ... فأبدتها العيون بلا لسان

  • #2
    انا معاكى يا لولو بشرط ان الواحد يعرف قدراته ويتصرف على الاساس ده
    تقدر تشارك اعمل عندك كلام قوله بس ساعة الجد ماتكونش اول واحد يجرى وتقول ( الجري نص الجدعنة ) لما انت مش قد الكلام بتتكلم ليه
    ازاى الاولاد ؟

    وانا كمان ;)

    Comment


    • #3
      و انا معاكي ,,,,, و هي دي مشكلتنا اانا شعب يعشق الكلام بدون تنفيذ و لمل هنوصل للمرحلة اللي كل واحد فيها هيكون أد كلمته مش هتبقى في مشكلة أصلا_(رحم الله امرؤ عرف قدر نفسه)_و الدليل على كده كلام المسؤلين اللي مالي الجرايد كل يوم ,, كلام جميل يسكتوا به الناس و طبعا كله في الهوا و ارجع و اقول ان احنا اللي عملنا كده لما سكتنا و بقى كل واحد مستني لما غيره يتكلم و نرجع نسأل نفس السؤال الخايب -مين الأول البيضة و لا الفرخة ؟؟؟- يعني المهم اننا نبتدي ,, منين ,, مش هي دي القضية..........
      عيون في السماء تبوح سرا ... و قد تغني العيون عن البيان
      احاسيس تبدت في النفوس ... فأبدتها العيون بلا لسان

      Comment


      • #4
        اعتقد بدل الكلام نبدأ التنفيذ
        يعنى خلى نوياكم مركزة على موضوع واحد او مشروع واحد بهدف يغير من الوضع الحالى

        اكيد-من وجهة نظرى- لو مفهومى دا تم تطيبقه هنبطل نتكلم
        و دا بسبب ان بعدها مش هتلاقوا وقت للكلام
        No pain , No gain

        Comment


        • #5
          باختصار..

          السلبية ناتجة عن يأس.
          و اليأس ناتج عن تكرار فشل المحاولة فى عمل شىء ما او ان نتخيل تكرار فشل المحاولة فى عمل شىء ما.
          و كثرة الاوضاع المقلوبة التى تحتاج للمحاولة لأصلاحها ادت لأن يتخيل الانسان انه سيفشل مراراً و تكراراً فى اصلاح هذه الاشياء.
          ليست كثرة هذه الاشياء فحسب بل والتسليم بها ايضاً او اعتبارها امر طبيعى لدرجه انك لو حاولت اصلاحها ستجد صعوبة كبيرة فمثلاً قد يعتبرك الناس مجنوناً.
          ولو عاوزين نتخلص من الظاهرة دى,
          لازم نتخلص اولاً من اليأس,
          و لو عاوزين نتخلص من اليأس,
          لازم نحاول نصلح الاوضاع المقلوبة,
          و لو عاوزين نحاول نصلح الاوضاع المقلوبة,
          لازم نكون اقوياء و متسلحين بيقين ان الله سبحانه وتعالى سيعيننا دائماً على فعل الخير.(يبقى عندنا امل يعنى)

          .

          .

          دى..

          مدينتنا حتة سكرة ..... الشمس فيها منورة

          البقاء لله.. د.مصطفى محمود

          Comment


          • #6

            كلام جميل ,,,,,,,, و فكرة نبيل رائعة ,, و لذلك انا بقترح اننا نبدأ بتكملة موضوع حرب و نتفق على واحد يقدم الكلام ده للوكيل شخصيا ,, ها ايه رأيكم ؟؟؟؟؟؟؟؟؟؟؟

            _

            _

            _

            _

            ليه تعليق ( بس من غير ما حد يزعل ) ,, ياريت لما نبدأ حاجة نحاول نكملها للآخر علشان ما يبقاش في حالة هستيريا ..............

            عيون في السماء تبوح سرا ... و قد تغني العيون عن البيان
            احاسيس تبدت في النفوس ... فأبدتها العيون بلا لسان

            Comment


            • #7

              طيب يلا قبل ما ننسى نرجع نتكلم عن السلبية تانى..

              و بالنسبة لموضوع حرب..

              فان اى حد فينا ممكن يطبع الموضوع ويحطة فى الصندوق..

              بس انا افضل ان الاخ الادمن يقوم بتوصيل الموضوع للوكيل بنفسه..

              على اساس ان يكون المنتدى صندوق آخر للوكيل يتلقى فيه الشكاوى و الملاحظات..

              و يلا ورونا الهمة صندوقنا كبييييييييييييييييييييييييييييييييييييييييييير و يساع من الشكاوى مليون..

              My Gallery on Google
              My Page on GooglePages
              www.alasmar.info

              "ما دمت اتلقى الركلات فى مؤخرتى اذا فأنا فى المقدمة"

              Comment


              • #8

                ميس ولاء .... أنا ماعنديش اعتراض على الموضوع ...

                و إن شاء الله هاروح بالمشاركات دي لد . صلاح بس إن شاء اله يوم الأربعاء بعد القادم إن شاء الله ...

                فكروني بس

                Comment


                • #9
                  انا بس عندى سؤال
                  الاعتراضات هتحقق اد ايه من محتوياتها
                  انا بالنسبالى الحاجة الوحيدة اللى شفتها فى الكلية دى اتغيرت
                  هو امتحان الاطفال
                  وللى ما يعرفش الامتحان كان هيفضل زى ما هو لان ابن الدكتور فلان وبنت الكتورة كدا هيبقى عندهم امتحانين نسا واطفال
                  ومتفتكروش ان التوقيعات اللى اخدناها دى كانت هى السبب
                  الدكتورة رئيسة القسم كانت عايزة كده من الاول
                  ازاى الاولاد ؟

                  وانا كمان ;)

                  Comment


                  • #10
                    اهلا بكم
                    احنا بنعمل اللى علينا
                    و الباقى على الله

                    و يجعله عامر
                    No pain , No gain

                    Comment


                    • #11

                      اصبر يا أدمن .. عاوزين ننقح الأسئلة الأول قبل التقديم ..

                      طبعاً التأخيرمش كويس ، _بس الفعالية عايزة أسلوب كويس .

                      أن توقد شمعة ... خير من أن تلعن الظلام ألف مرة

                      Comment


                      • #12

                        السلبية

                        هي احدى العادات المكتسبة و المتوارثة جيلا عن جيل عملا بمبدا و انا مالي لما غيري يعمل ابقي اعمل انا كمان..........

                        و هو نوع من انواع الخوف من التغيير حتى و ان كان التغيير للاحسن..يعني على اساس ان الخوف غريزة اساسية في البشر منذ بدء الخليقة...

                        و لكن الخوف يجب تقنينه بحيث يفيدك و لا يضرك لأن الخوف الزائد قد يؤدي الى اعجازك عن فعل الصواب...

                        ومن هنا اسمحوا لى ان انطلق في الحديث عن هذا الموضوع...السلبية

                        كما ذكرت الأخت ولاء و انا اتفق معها فيما قالت اننا اعتدنا على السليبة و اللا مبالاة الغريبة و هي احد اخطر الامراض التي من شانها ان تقوض اساس المجمتع .....

                        لكي نتخلص من هذه المشكلة القديمة الراسخة في اعتقاد كثير من الناس ...فعلينا ان نغير بعض مفاهيمنا في الحياة حتى يتسنى لنا ان نكمل مسيرة التصحيح ان شاء الله ................

                        *اتفق مع مدنجى يجب الأهتمام بالتقرب الى الله عز وجل (ان الله لا يغير ما بقوم حتى يغيروا ما بانفسهم) لأن الشريعة الأسلامية هي اعظم قانون يحكم طبيعة البشرية و يشق طريقها الى التقدم و الأزدهار و كلنا يعلم ان نور الحضارة الأسلامية قد انطفأ بعد ان ابتعد المسلمون عن تعاليم الدين_

                        *تربية النشئ منذ الصغر على حب الوطن و الغيرة عليه و على مصلحته بدلا من ان نسمع الكلام المعتاد بتاعنا (ياعم يعني هي البلد عملت لي ايه ؟؟؟) لا طبعا عملتلك كثير كفاية انك بتاكل من خيرها و ان كان بالغلاء( ستناقش فيما بعد),كفاية ان هي محتضناك (انظر الى احوال المصريين في الخارج) , و النقطة الأهم التي تغيب عن كثير منا ان مصر هى البلد الوحيد في العالم الذي يتكفل بتعليم ابنائه تقريبا بالمجان باسعار رمزية و مقابل زهيد !!!...انظر الى كثير من دول العالم اللاخرى في اتباعها لنظام التعليم مقابل النقود بمعنى انه اذا كنت ممن حكمت عليهم الظروف بضيق الحال فانك كنت ستصبح ..........بلاش اكمل انتوا عارفين

                        *الأهتمام بالتربية الأجتماعية السليمة للنشئ في جميع المدارس حيث يقع على عاتق المشرفين الأجتماعيين الكثير من العبئ في زرع المبادئ و الأسس السليمة التي من شانها ان تبنى مواطنا صالحا لا طالحا يقدر على خدمة بلده و دفع عجلة التقدم الى الأمام

                        *توسيع قاعدة المثقفين من الصغار و الشباب و تقوم بهذا الدور مشكورة السيدة سوزان مبارك من خلال انشائها لمكتبات الأسرة و الطفل , فان زرع حب المعرفة و العلم في الطفل له تاثير كبير في تنمية فكره و شخصيته و النهوض بها الى اتباع صوت العقل في مستقبله و القدرة على تمييز الطريق الصحيح

                        *الأهتمام بالنظام و هو في رايي انه من المبادئ التي تم اهمالها بشكل خطير في مجمتعنا الحالي !!!طيب ازاي نعيد تنظيم انفسنا من جديد ....في الواقع دي مشكلة كبيرة ماقدرش احلها لوحدي لازم نكون كلنا مع بعض وة ايدينا في ايد بعض و احنا حنقدر نحلها ,انا من مكاني هذا استطيع ان اقدم الحلول و لكن تنفيذها يتطلب الكثير و الكثير من الصبر و ضبط النفس ...بالنسبة للطفل الصغير اعتقد اني ذكرت دور المشرفين الأجتماعيين في ترسيخ الأسس الصحيحة في نفوس اولئك الأطفال.......بالنسبة للشاب ايجاد قوانين عامة يجب اتباعها من اجل تحقيق النظام في شتى المجالات و التي_ تلزمه باتباع الطرق الصحيحة في كل مكان ...فرض عقوبات على كل الخارجين على النظام و المخلين به سواء كان هذا النظام في المرور ,في السلوك,في عبور الطريق, في الدخول و الخروج من المباني و المنشاءت ,مع الأهتمام بالغاء الروتينات المعقدة في المصالح الحكومية التي ليس من شانها الى حرق دم المواطن و تعطيل وقته ع الفاضي

                        *و هناك الكثير و الكثير للكلام في هذا الموضوع و لكني كما ذكرت من قبل مش حاقدر اصلح الكون لوحدي لازم نقف مع بعض صف واحد______________________

                        اتمني اني اكون اضفت اليكم الجديد و معذرة على التاخير في الرد حول هذا الموضوع اللي مش هايف ( معذرة مرة تانية للاخت ولاء) على الأطلاق

                        اما انت يا اخ مصباح يالا بسرعة احنا كلنا مستنينك

                        اتمني ان كلامي يكون على مستوى الحدث....

                        انا حبيت اني اكون ايجابي في موضوع عنوانه_ يحمل المعنى النقيض تماما

                        في موضوع السلبية..........

                        يا عيني ع الحلو لما تبهدله الأيام

                        Comment


                        • #13
                          سلبي !

                          مين ؟

                          العبد لله طبعاً !

                          اللي كان عاوز يفتح موضوع عن السلبية .. اكتشف (بقدرة قادر) إنه عنده كمية سلبية عجيبة !

                          يمكن هوة دة اللي خلاني مكتبش في الموضوع دة طول الفترة اللي فاتت .. و يمكن فـترة التأخير دي اكتشفت فيها جوانب من السلبية اللي انا عايشها و بامارسها و ( باتنفسها مع الهواء الجوي الملوث الي احنا عايشينه)

                          بس مش مشكلة.

                          طول ما الواحد قادر يراجع نفسه .. _و يعمل (وقفة مع النفس) .. و يحاول يصلح الخطأ .

                          إن شاء الله نتغلب على العجز المكتسب .

                          إيه بقا هوه العجز المكتسب ؟

                          ظاهرة يسميها علماء النفس ظاهرة "العجز المكتسب".

                          _ولشرح هذه الظاهرة تقول الصحف إنه أجريت تجربة عُرِّض أثناءها كلبان لصدمات كهربائية وأعطي واحد منهما الفرصة للفرار، أما الآخر فقد حُرم منها، فاكتسب الأول حساً سريعاً بتجنب الصدمات الكهربائية من خلال القفز إلى الجهة الآمنة، أما الثاني فقد تكيف تماماً وتقبل الموقف بخنوع، حتى أنه حينما أتيحت له فرصة الهرب في تجربة أخرى، لم يغتنمها. فالعجز المكتسب هو سلوك سلبي ينشأ من الإدراك أن لا وسيلة لتجنب آثار مؤلمة، ومن عدم اليقين بخصوص أي شيء ..

                          (نقلاً عن كتاب : الأكاذيب الصهيونية - د.عبد الوهاب المسيري)

                          أن توقد شمعة ... خير من أن تلعن الظلام ألف مرة

                          Comment


                          • #14

                            أهه انت قولتها ,,,, الاكاذيب الصهيونية .....

                            لأن الانسان اللي ربنا خلقه و هيئه لعمارة الارض و استخلفه فيها مش ممكن يكون عاجز عن حل مشاكل كان هو السبب فيها ,, لكن زي ما قلت الموضوع محتاج وقفة مع النفس و نظرة صادقة للأوضاع المحيظة بينا من غير ما نحاول نجملها بحجة ان كده الواحد هيستحمل يعيش في الاوضاع الغلط دي......

                            أما السلبية اللي انت اكتشفتها في نفسك ,,, فمن وجهة نظري دي مش سلبية لأن أحيانا الواحد بيكون في موقف معين لم يتعرض له من قبل و بالتالي تفكيره في اللحظة دي بيكون شبه مشلول ومش بيعرف ياخد القرار السليم لكن لو اتعرض للموقف ده تاني أكيد رده هيكون مختلف ,,, مش عارفة هل انا كده فهمت قصدك صح و لا لأ؟؟؟؟؟

                            مصراوي ,,, رائع كلامك مرتب و منطقي جدا جدا جدا ....

                            عيون في السماء تبوح سرا ... و قد تغني العيون عن البيان
                            احاسيس تبدت في النفوس ... فأبدتها العيون بلا لسان

                            Comment


                            • #15
                              استدراك .. و استرسال

                              حصل سوء تفاهم بسيط .. عنوان الكتاب مالوش علاقة بالظاهرة .

                              ظاهرة العجز المكتسب حقيقية .. و يعاني منها المجتمع الصهيوني حالياً بسبب الانتفاضة ! و هوة ده السبب ان _د.عبد الوهاب المسيري اتكلم فيها .. بس ده _مش موضوعنا خالص دلوقتي .

                              مايمنعش ان الكلام اللي انتي قولتيه هام جداً : ( الانسان اللي ربنا خلقه و هيئه لعمارة الارض و استخلفه فيها مش ممكن يكون عاجز عن حل مشاكل كان هو السبب فيها )

                              نقدر نحل أي مشاكل احنا عملناها بس بشروط ، من ضمنها : اننا نطور طريقة تفكيرنا .

                              أينشتاين قال : إننا لا نستطيع أن نحل مشاكلنا بنفس مستوى التفكير الذي صنعنا به هذه المشاكل

                              و دي النقطة اللي مصراوي لمسها ببراعة و هوه بيقول : ( ..فعلينا ان نغير بعض مفاهيمنا في الحياة حتى يتسنى لنا ان نكمل مسيرة التصحيح ان شاء الله)

                              إذن الحكاية مش حكاية (إيقاظ الضمائر) و بس .. تعديل الفكر نفسه ضرورة حتمية .

                              يعني (تنمية الإحساس بالمسئولية) محتاج معاه (الارتقاء بالفكر) .

                              و العجيب إن الإسلام بيعمل الاثنين مع بعض !

                              أعتقد إن اللي "يتدبر" فكرة إن الإنسان ربنا جعله "خليفة" في الأرض يبقى في طريقه إنه يحقق المعادلة الصعبة ، تأمل :

                              (وَإِذْ قَالَ رَبُّكَ لِلْمَلاَئِكَةِ إِنِّي جَاعِلٌ فِي الأَرْضِ خَلِيفَةً قَالُواْ أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاء وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لاَ تَعْلَمُونَ) {البقرة 30}

                              (وَهُوَ الَّذِي جَعَلَكُمْ خَلاَئِفَ الأَرْضِ وَرَفَعَ بَعْضَكُمْ فَوْقَ بَعْضٍ دَرَجَاتٍ لِّيَبْلُوَكُمْ فِي مَا آتَاكُمْ إِنَّ رَبَّكَ سَرِيعُ الْعِقَابِ وَإِنَّهُ لَغَفُورٌ رَّحِيمٌ) {الأنعام 165}

                              مسئولية كبيرة !

                              (إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِّأُوْلِي الألْبَابِ {190} الَّذِينَ يَذْكُرُونَ اللّهَ قِيَامًا وَقُعُودًا وَعَلَىَ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النَّار)ِ {آل عمران 191}

                              اللهم اجعلنا من "أولي الألباب" .

                              بالنسبة للسلبية اللي انا حسيتها في نفسي :

                              اعتقد ان سببها إني انجرفت لبعض الوقت مع "روح القطيع" االي بتخلي الواحد ماشي و خلاص من غير ما يسأل (دي ليه) و (دي إزاي) و هكذا .

                              و سلبية القطيع دي بتنتقل بالعدوى !

                              ربنا يكفينا الشر .

                              توماس كون قال : ( إن الاكتشافات العلمية الهامة في العصر الحديث قد تمت نتيجة لأن أحداً أو مجموعة من العلماء كان عندهم من الشجاعة أن يغيروا من نظرتهم للأمور ، فيخالفوا _أو يغيروا "النموذج" الذي كان متعارفاً أو متفقاً عليه من قبل )

                              Last edited by مصباح; 21-02-2004, 08:15 PM.
                              أن توقد شمعة ... خير من أن تلعن الظلام ألف مرة

                              Comment

                              Working...
                              X