Announcement

Collapse
No announcement yet.

Medical Ethics (Student to Student Relationship in class room)

Collapse
This is a sticky topic.
X
X
 
  • Filter
  • Time
  • Show
Clear All
new posts

  • Medical Ethics (Student to Student Relationship in class room)


    من الصعب جداً و فى راوند عملى حساس كراوند الاطفال الذى نتعامل فيه مع مرضى فى عمر الزهور ان يحدث ما أرى لذلك قررت فتح هذا الموضوع عليكم..
    انا لن اتكلم عن طريقة معاملتنا انا و زمايلى للمرضى الاطفال فهى والحمد لله جيدة وكل منا يُقدر ان من يتعامل معه طفل..
    و لن اتكلم الهجوم الطلابى على الحالات و التفعيص و التخبيص فى كل حتة فى الحالة لدرجة ان الواحد ممكن يلاقى الحالة تحولت لكومة من الايادى..
    و لكنى هنا اريد ان اتكلم على اتاحة الفرصة..
    فأنا اجد بعض زمايلى -للأسف- يستمرون فى التفعيص الغير مجدى والغير واع فى الحالة لغاية ما تعيط او تسيبنا و تزهق..
    انا للأسف بشوف الكلام دا..
    و اضطر فى اغلب الاحيان للأبتعاد حتى لا اسبب مزيداً من الالم للمريض..
    عاوز رأيكو..
    عاوز اعرف خبراتكو فى الموضوع دا..
    عاوزكو تساعدونى فى البحث عن وثيقة لطريقة التعامل بين الزملاء مع بعضهم البعض و مع المرضى فى حجرات الدرس..
    انا عارف ان الموضوع قد يبدوا اننى اتكلم فيه عن بعض الطلبة فى احدى المدارس الابتدائية الى اول مرة فى حياتهم يرون_الطين الصلصال..
    و مش عن طلبة ناضجين بكلية الطب يتعاملون مع اغلى شيء فى الحياة..
    لكن للأسف هذا ما اراة و احسه..
    و كل شيء و له اصول..

    Last edited by مصباح; 04-01-2006, 10:57 PM.
    My Gallery on Google
    My Page on GooglePages
    www.alasmar.info

    "ما دمت اتلقى الركلات فى مؤخرتى اذا فأنا فى المقدمة"

  • #2
    اهلا بكم
    بصراحة ياسيد اسمر موش هقدر افيدك فى الموضوع ده
    اصل اخوك مكانش بيخش القسم ده كتير و كان ربنا ساترها فى الغياب
    بس اللى انا عملته اننى كنت فى اخر اسبوع بروح اتفرج مع النايب على طريقة الكشف و حضرت كام حصة فى كتاب عمك هاشم و ربك سترها فى الامتحان
    بس بصراحة عايز اقوللك : الاهتمام بالعيان موش فى الفحص ، لان الفحص دا موش صعب
    قوللى ليه
    اقوللك ان كل حالة من الحالات اللى علينا لها كلمة او كلمتين و من خلالهما تقدر تعرف دى حالة ايه و بعدين تركن العيان و تكتب انت هيستورى محترم ماشى مع سن العيان و تكتب كام sign فى الفحص و كده ان شاء الله هتبا 100%
    و يجعله عامر و بالتوفيق
    No pain , No gain

    Comment


    • #3
      يا بيه كله في الكلتش .. ! و كلشنكان !

      ده اللي نبيل عايز يقوله ._

      الحقيقة أنا مش معا نبيل خالص في الكلام اللي هوه قاله هنا .. طبعاً مش عيب لما نختلف ، بس انا حسيت إنه ميصحش نقلل من قيمة الفحص الإكلينيكي في التعليم

      الكلام اللي قاله الأسمر كلام حساس و مهم . و من هنا لغاية ما أنظم أفكاري فيه ( قول يا باسط ) كل اللي عايز أقوله إن أنا كنت في راوند الأطفال و أي راوند كذلك لما باشوف عيان بيتضايق ، ببعد تماماً عن زيادة ضيقه ، و باستغنى عن الexamination_ خالص ، و أهه ربنا بيسهلها معايا زي ما بيسهلها مع نبيل (مع اختلاف النظرة) و أهي ماشية .

      كمان مش عاجباني نظرية إن العيان دة لازم يستحمل طالما جاي يتعالج ببلاش !

      يستحمل إيه بالظبط ؟

      يستحمل الخروج عن آداب المهنة ؟؟

      دي مش من حق أي حد إنه_يطالب العيان إنه_يستحملها ، لأن دة ضد أبسط مبادئ حقوق الإنسان .. و الله أعلم

      إنما العيان مطلوب منه إنه يستحمل مستوى الخدمة الطبية .. و الطبيعة "التعليمية" للمستشفى .. بدون الخروج عن مبادئ ممارسة المهنة

      أرجع و أقول تاني :و الله أعلم .

      أن توقد شمعة ... خير من أن تلعن الظلام ألف مرة

      Comment


      • #4
        عايز الحق وللا ابن عمه
        الحقيقة حكاية الزملاء دى موجودة فى كل حتة بس من غير زعل زيادة حبتين تلاتة فى الراوند بتاعكو
        انا معاك تماما يا اسمر و زمانكو بتسالوا عرفت منين دى ؟
        معلش انا اعرف ناس كتير فى الروند ده ومعلش برضه انا اعرف كتير من الزملاء اياهم والحمد لله علاقتى بيهم كويسة يمكن عشان مش معاهم
        وكمان انا مع مصباح تماما فى اللى بيقولوه
        ووجهة نظر نبيل سليمة كمان ماهو مدام انا اللى يهمنى الامتحان ايه اللى يجبرنى على الغلب ده بس برضه انا واحدة مابخدش دروس ومعنديش استعداد انى ادخل الامتحان على حالة مشفتهاش قبل كده


        خلاصة القول
        عايز حل
        يبقى تحاول فى الروند منفعش يبقى تيجى بدرى تعدى على المرضى سريعا سريعا
        والله اعلم
        ازاى الاولاد ؟

        وانا كمان ;)

        Comment


        • #5
          اهلا بكم

          الاسمر يستسلم و عايز ييييللللمممممم


          اهلا بك فى نادى جيب من الاخر




          و يجعله عامر
          No pain , No gain

          Comment


          • #6
            هو عايز يلم ايه بالظبط ؟؟؟
            ازاى الاولاد ؟

            وانا كمان ;)

            Comment


            • #7
              يلم الاطفاااالللللللللللللللللل


              و يجعله عامر
              No pain , No gain

              Comment


              • #8
                عن نفسي

                أنا عن نفسي بحاول أشوف الحالة في الأول قبل التفعيص وبالتالي لاأشعر بالذنب ولا مانع من وجود أي حلويات للطفل لتلهييه..

                أما اذا جاء نصيبي بعد تعب العيان فببساطة أعرف هوه فين وأروحله في وقت آخر. ده بالنسبة لتحصيل العلم..

                أما بالنسبة للناحية الانسانية فلا ألقي بكل اللوم على الطلبة ولكن على العدد لما يكون 60 واحد عاوز يشوف -حتى وإن راعيت ومفعصتش وكشفت ع الطاير- لازم العيان حيتعب المسألة محتاجة تنظيم في الأعداد وبما إن ده مش في أيدينا فالمفروض أننا نتفق فيما بيننا أن البعض يشوف النهاردة في الراوند والبعض الآخر في وقت مختلف ونتبادل بس ده يحتاج لناس تبدي مصلحة العيان ومشاعره على مصلحة أنفسها، وهؤلاء الناس ليسوا كثر..

                Comment


                • #9
                  طب بتزعق لييييييييييييييه مانا سامعااااااااااااااااااااااااه
                  ازاى الاولاد ؟

                  وانا كمان ;)

                  Comment


                  • #10
                    اهلا بكم

                    هوو انا ايا صو ت خا لص

                    و يجعله عامر
                    No pain , No gain

                    Comment


                    • #11
                      انت اخدت الkey board بتاع شى امتى ؟
                      ازاى الاولاد ؟

                      وانا كمان ;)

                      Comment


                      • #12
                        و ﻻ شوفت حاجة


                        و يجعله عامر
                        No pain , No gain

                        Comment


                        • #13
                          هنشوف الحكاية دى
                          ازاى الاولاد ؟

                          وانا كمان ;)

                          Comment


                          • #14
                            نفس المعاناة

                            يا جماعة الموضوع ده جد جدا

                            يعنى يا ريت ننقله قسم " فى العضل" مثلا

                            احنا دلوقتى عندنا باطنة، و طبعا كلكم عارفين يعنى ايه باطنة

                            يعنى عيانين chronic

                            اما مش قادرين يتنفسوا، او عارفين ازاى يستغلوا الموقف كويس قوى

                            بس انا دلوقتى مش عاوزة اتكلم عالعيانين، ربنا يكون فى عونهم، انا هاتكلم عالطلبة و الطالبات زمايلنا،( لسة طالعة من خناقة طازة، و الغريبة ان ماحدش رد عليا) كل اللى حصل شوية ناس وقفوا حائط صد، و الباقى وقفوا يشجعوا، اما الطرف الاخر فى الخناقة، فكانت سايبانى باهاتى ولا هى هنا، ما علينا

                            سبب الخناقة، نفس الكلام اللى انتوا بتقولوه، بنات واقفين حولين السرير، مش عاوزين يتحركوا، و مش راحمين العيان، ولا زمايلهم، الدكتورة تقول شفت، و دول تقريبا لازقين عالارض بغرة

                            و كل ما اقول لواحدة يا بنتى كفاية العيان قرب يموت، تقوللى اصلى ماسمعتش، طيب اقوللها ايه؟؟؟؟؟

                            الموضوع فعلا يستحق المناقشة، و بعدين المرضى مالهومش اى ذنب فى اللى بيحصل ده، يتبهدلوا و يتهانوا، و لما واحد اعترض، الدكتور قاله : احنا بنعالجك فى مقابل اننا نعلم الطلبة

                            طيب، هى دى فعلا طريقة تعليم صح، يعنى الهرجلة دى بنطلع منها بايه فالاخر؟؟؟ بيتهيألى نصنا بيعتمد انه يروح ياخد درس خصوصى علشان يعرف يتعلم براحته، و بالتالى الدروس كمان اصبحت زاحمة، و فبها نفس المشاكل، الفرق الوحيد ان الواحد ضميره مش بيأنبه لان العيان اخر انسجام و بياخد مبلغ محترم و هو مروح

                            هم برة بيتعلموا ازاى؟؟ اكيد فى طريقة تانية، لان بيتهيألى كرامة البنى ادم عندهم اغلى من عندنا حبتين، طيب مادام فى طريقة تانيه ليه مانطبقهاش؟

                            و بعدين الناس اللى بتتعامل مع العيان من دلوقتى على انه وسيلة تعليمية، بدون ادنى تفكير انه بيتألم او حتى بيحس، هاتتعامل ازاى معاهم فى المستقبل؟ اعتقد على انهم مصدر دخل، و فى الاخر بيسألوا ليه الدكاترة ماعندهمش رحمة

                            كمان عايزة اسال سؤال، هو اللى احنا بنشوفه دلوقتى هايفرق معانا لاى درجة فى المستقبل، يعنى هانحس اننا فعلا استفادنا منه ( نحارب علشانه يعنى؟؟) ولا كله فى الاخر عالتطبيق العملى_ فى الشغل بعد كده ( نطنش و نرحم اعصابنا؟)؟؟

                            NB:

                            الخناقة دى كانت مجرد مشادة كلامية، لم تطور لاكتر من كده، لحسن في ناس خيالها واسع، تفتكر ان فيها ضرب ولا حاجة، انا مش شرانية للدرجة دى و الله

                            و كن عبده و الق القيادة لحكمه، و اياك تدبيرا فما هو نافع
                            اتحكم تدبيرا و غيرك حاكم ، اانت لاحكام الاله تنازع؟
                            فمحو ارادات وكل مشيئة ، هو الغرض الأقصى فهل انت سامع؟
                            كذلك سار الأولين فأدركوا ، على إثرهم فليمش من هو تابع
                            ابن عطاء الله السكندرى

                            Comment


                            • #15
                              طب ايه الحل
                              نفس الكلام
                              انا برضه ياما اتعرضت لمواقف زى دى
                              والغريب بقى ان الناس اللى بتقولى عليها هم الى بيجيبوا امتيازات وبيتعينوا وهم نفسهم اللى هيكونوا مكان الدكاترة لما يكبروا يعنى حلقة مفرغة
                              ازاى الاولاد ؟

                              وانا كمان ;)

                              Comment

                              Working...
                              X